Pregled posta

Adresa bloga: http://blog.dnevnik.hr/zagrebackidekameron

Marketing

Purgeraj: Adventske špelancije


Moram nekaj priznat. Ne pamtim baš kad sam poslednji put u adventsko vreme bil doma … Hmmm … Bilo pred šest let. A predposlednji ravno dvanajst let. Narafski, tu ne računam blagdane: Božič, Silvestrovo, Tri Kralja. Ali zato ovog adventa pružila mi se je prilika, pa intenzivno uživam u mom najlepšem, jedinom i neponovljivom Zagrebu.

Veliju kak su adventski cajti najlepši cajti u godini, jer … U to vreme godišta veselje se svatu navješta. Svi su razdragani i svi su sretni. Svi se smiju, međusobno druže. Prijatelji i rodbina nalaze se u gradu i posećuju doma. Sve je baš tak kak treba, svi su na okupu. Cajti fajn želja i pozitivnih raspoloženja. Prepune ulice čitave noći svjetlucaju obasjane šarenilom raznobojnih lampi. Sve strateške punkte preplavili su kiosci s hranom i pićem kaj mame prolaznike trošit peneze. A na onim drugim kioscima pak drangulije svih vrsta. Poslednjh leta u adventu sve više sudjeluju turisti, polako otkrivaju meni najdraži i najlepši Zagreb. Punktova je puno, a saki z binom za glazbena događanja i raznorazne recitacije i promocije. Kak bi se se reklo - veselje svud. I tak sak dan. A vikendom, e to je posebna priča, vikendom je ludnica.





Jutro, okol desetke. Pospani grad budi se od sinoćnje tulumiške. A ja koristim priliku i s čupavom španciram naše redovne rute. Narafski, mala se veseli i vodi me kam ona hoče, a ja joj to blagonaklono dopuščam. Nemerem joj odbit to malo zadovoljstvo. I tak trk po korak i mi uvek nekak doštepamo do Trga. Malena uz put se dobro pronjuška i dignute noge označi svoje punktove. Najte se čudit kaj ona je Alfa. Pa sad stojimo na Trgu pred okićenim Manduševcem. Znam, Malena bi se u njem okupala, a ja joj to narafski nedam. Baš nju briga kaj je zima. Za haskije zime nema kaj je zima njihovo vreme za šport i zajebanciju.
“Bo, idemo tam do štandova videt kakvih ima klobasa.” velim joj.
A ona sve razme . Veselo mahne repom pa me svom snagom vleče prema štandu odkud najbolše šnjofa. Kak njoj tak i meni.
“Jeeee …” mislim si “ko veli da psi ne razmeju se kaj mi govorimo? Razmeju oni i više neg kaj mi mislimo. I bolje oni razmeju nas neg mi razmemo njih. I bolši su od nas kaj nam opraštaju se psine koje im delamo. Em su zato naši najbolji prijatelji. A to je to i više od toga ne treba kaj nitko nam se doma tolko ne veseli kak pes. Nit žena odnosno muž, a deca još i manje.



Poslednjih let Zagreb polako postaje turistički grad. Da se razmemo, daleko je to od Praga, Edinbourgha, Kopenhagena, Stockholma , Amsterdama ili Lisabona, da se zadržimo na usporedbi gradova otprilike iste veličine … ali … Kreće se. Bedasto je al tak je, većina štandova prodaje jedno te isto – kobase, kuhano vino i fritule. Tek tu i tam more se nač nekaj drugo.

Recimo fritule. Fritule nemaju ama baš nikakve veze sa Zagrebom. Do pojave dalmoša ovde nitko ni znal za te smešne germtajg kuglice. Znači li to da su zimi Zagreb masovno preplavili dalmoši kaj ovde stanuju šparajući prirez i porez koga ne plačaju u svom mmalom mistu zvanom Vukojebina? Ili je to linija manjeg otpora kajti saki bedak more delat fritule, dok recimo za krafnu ili palačinku nemre? Za potonje je potrebno i znanje i gešlikkajt kajti nam more objasnit Gurmanka kojoj smo dali počasnu titulu agramerke iak to ni. Ne očekujem od Gurmi odgovor, al bi uistač poželil na štandovima videt neke od onih njenh finih kolača sa slikica.



Al najte si mislit kak je sve tak crno i bez duha. U celom tom sveopćem idejama siromaškom copy+paste-u o žderačini neki su se zmislili kak bit donekle originalni, kak privuć goste. Pa tak zmšljaju raznoraze originalne bedastoće, zum bajšpil "Kod tri praščića". Jadni dotepenci, em ne znaju kak mi u Agramu velimo "pajcek", a ne “praščić”. Kak bi rekel sused Jura: “Praščića nek si ponesu doma u Piškopeju odakle su se dotepli.”


Šećemo mi tak, kadli … Vidi, vidi … Tu su i Crvenkapica i Vuk. Sklopili pakt i organizirali udruženi zločinački poduhvat kak maznuti lovu z džepova bedaka, poštenih građana i naivnih turista. Narafski, ni to nemre proč bez kobasa i fritula.


Osobno, na Trgu i pri njemu najviše su me privukla dva štanda. Prvi di se more po izboru deguštirat fuže s boškarinom il tartufima. Boškarin, to je ono štrkljasto i zaostalo iredentističko govedo s velikim rogovima, a i tartufi ponekad dobro dojdeju. Malo dalje, tam u Cesarčevoj nasuprot novog zagrebaškog Klošmerla ima fina sarmica kaj u ove cajte baš paše.

Ak u nogama nemate štangu, tad pravac štengama na Grič di se tam pri Matoš grijaju pod dekicama. Sam oprezno, ne zadržavat se predugo molim, kaj bute se khih khih šmrc šmrc prehladili. Baš kak ja.






Ispod Bana pale se sveče. Pak sam i ja jednu zapalil. Za velikog človeka i mog generala. Svakim danom masa sveča raste pak da smetlari ne kupiju one kaj zgoriju, već bi pola Trga bilo kak jedno veliko svečno polje. Dalje nebum kaj bi moral završit z pas mater govnarima.





I tak sečem ja Trgom, a kad tam neki fakin narihtava fotić i nekaj fotka. Sav se iskrivil da uhvati pravi kadar. Pogledam ja bolje, a kad ono stari prijatelj.
”O bok Mek! Kaj tu delaš, španciraš? Baš je lepo kaj te vidim.” velim ja njemu.
I tak reč po reč, mi se pozdravili i odlučili nazdravit susretu.
”Al prvo bumo kobase.” veli on meni i mi z nogu maznemo po jednu. On kranjsku, a ja gurmansku.
“Što želite kao prilog?”pita prodavač.
“A kaj imate, prosim lepo?” ja fino i učtivo.
“Paaa, senf, majonezu i kečap.” veli prodavač znakovito kak da je to raritet koga ima sam kod njega.
“Dobro … Onda tim redom.” velim ja.
Posle smo se seli na toplo u Tkalčićevu pak smo se zabrbljali o našim temama. Kak i uvek, bilo je i lepo i ugodno. I najte si mislit, nismo vas olajavali. Nismo mi taki, imamo mi svoje normalne teme kak pravi prijatelji kaj se ugodno družiju u vreme adventsko.



A za kraj ovih kratkih advenstkih blogošpancirancija ostavljam vam Mekov pozdrav i fotku kak je sunčeko namignulo još jednom susretu prijatelja. Praf tak, advent je parvo vreme za takve stvari.




(nastavlja se)




Post je objavljen 07.12.2017. u 09:18 sati.