Pregled posta

Adresa bloga: http://blog.dnevnik.hr/umornooko

Marketing

Glende & Batude

Svemu, i lipome i grubome, dođe kraj, pa tako i litu, ne misleć pri tome na samo na godišnje doba, vengo na „Kaštelanko kulturno lito“.
Sinoć je bila zanja prestava u Mašogradu, za koji dan će se i službeno zatvorit.
Fale vridna manifestacija ... jer bi teško jema prilike u moje malo misto gledat, bome i slušat, i Kseniju Prohasku i Cabaret 'Splićanke' GKM-a iz Splita, da nabrojin samo ove ča san bija povirit, a bilo je još dosta toga ča nisan prispija. Ili mi se samo nije dalo poć cerek
Iz isti ili slični razloga nisan se baš puno ni daleko maka ovo lito. Najdalje san se mašija u Vodice ... ali zato san, zahvaljujuć dobrin ljudima ka ča su Sandra, Julija, Helena, Matija, Ljubo, Danijela, Željko i Nives obaša dobar dil Lipe naše, pa priko Europe u bližemu i daljemu susidstvu, sve do Amerike.
Večeras san bija povirit „Večer glendi i batudi“ ...

 photo plakat_zps44ok4b6v.jpg

... predstava omnibus/mozaik ili kako se to već reče, di su u prvome dilu dica izvela mali igrokaz „Nije u šoldima sve“ ...

 photo IMG_6941_zpsl7ff5lht.jpg

 photo IMG_6936_zpsayp2se4k.jpg

 photo IMG_6933_zpsqcctizfs.jpg

... pa su najmlađe učesnice/plesačice željno očekivale svoj nastup ...

 photo IMG_6942_zps8fkxnnyj.jpg

... da bi, skupa sa starijima, otplesale „Kaštelanski ples“ ...

 photo IMG_6946_zpsiuwa5b8n.jpg

... a nastupila je i naša mala zvjezdica Lana Rubelj, u glazbenome dilu večeri. Sućurac, koji bi bija napunija i tri „Gospojske štrade“ da je bilo mista ...

 photo IMG_6944_zpsvzhzbuam.jpg

... pokaza je još jedan put da je gladan ovakvi prestava, nastupa, domaće beside ... ča se najviše pokazalo sa dolaskom zvizde večeri, našega Žutoga. U maniru Davea Alana ... pričajuć stare i one malo manje stare sućuraške batude (šale, za sjevernjake) ... one koje smo čuli više puti nego „Despacito“ a i one koje čujemo po prvi put.
Meni ga je uvik gušt slušat, a sigur san da puna Gospojska štrada velikon većinon djeli moje mišljenje. Pogotovo večeras, kad su mu "dali ruke" i glumci amateri iz Prološca, koji su se minjali sa Žutin, da malo zraka more uvatit cerek
Još jedna, peta po redu, večer „Glendi & Batudi“ u prekrasnom ambijentu sa prirodnon pozornicon ...

 photo IMG_6960_zpsfo5xd0a7.jpg

... pod voditeljskon palicon, da ne rečen mikrofonon Renate ...

 photo IMG_6959_zpscjgmkfuk.jpg

... isto tako i Anamarije i Marijane, i svi oni drugi ča in ne piše ime na plakatu, a itekako su doprinili da predstava uspije thumbup ...
Ćuti se (osjeća se, za sjevernjake) skori početak skule.
Makar lito kalendarski još traje, makar je more itekako dobro za kupanje ... sad polako dolazidu na svoje oni ča ne volidu gužvu i šušur pa se volidu okupat po komodu.
Zdravi i veseli bili!!! mah mah mah

Post je objavljen 01.09.2017. u 00:16 sati.