Ako je zad tebe nekakov život, nekovo živlenje, nekakova leta, nekakove ne baš lepe stvari kroz ke si pasal, onda to zameš tako kako je.
I delaš fintu da j' se kako rabi, da ti niš ne fali, da j' to jušto ono ča moreš podnest. Aš da ne biš mogal delit z nikin niš više od onega ča zameš po skriveć sako toliko. Da j' to jušto dosti.
Kada zameš par ur ke moreš nekemu drugemu ukrast.
Kada va teh par ur provaš storit se ča drugi delaju kroz dane, mesece, leta.
Kada va teh par ur provaš zrivat se besede, misli i ne moreš, aš ti je kjaro da vreme pasuje. Teče. Kot za vranića, puno hitreje nego inače.
Dok čekaš da te ure arivaju.
Ma, sejno, lepo je.
****************************************
Ja…ki je razumel, razumel je – ki ni, a ča mu ja moren?
Post je objavljen 05.12.2007. u 17:07 sati.