Pregled posta

Adresa bloga: https://blog.dnevnik.hr/lovec

Marketing

Rôglė gnoja broj dvã

jėnė roglė: Vesna Škare Ožbolt za ižu

Vesna Škare Ožbolt kupila kuæu za 810.000 kuna u Plesu
Vesna jė kupila ižu na Plėsu. Tak da je višė nėmreju rėči kak jė v Gorice sam po političke sile. Vesna sė v Goricu "dosėlila" baš dok su izbori bili i to jė bil nėzin politički šlâf za spašâvajnė. I sad jė Vesna kupila ižu. Baš je i né neka iža. A veliju da i v Samoboru ima nejakvu kaj skoro da sė bu zrušila. Kaj Vesna pâti na zrušanė starinė? I veliju da jė Vesna posle rėkla kak jė ona v Goricu uložila 800.000 kuna, i unda jė kakti pitala a kuliko jė Šuker vuložil?! Znâtė kaj mėne zgledi? Da Vesna né kupila ižu, ona kupujė političku vjerodostojnost, kupujė poštėjnė prijė nek kaj izbori krėneju.

jėnė roglė: Vesna Škare Ožbolt za vužigajnė

DC upozorava: preko paleža do graðevinskog zemljišta
Ję, lépo jė kaj DC upozorâva, sam kaj mėne zgledi kak jė tu Vesna malo posudila mišlėjnė jenoga svojėga kolegė, Drageca Lesara, kaj jė v jeném komentâru na blogu Pollitika.com prvi spomėnul to na kaj sad DC upozorâva. A kak Vesnica čita blogovė, nébi sė začudil da jė posudila to mišlėjnė, a unda zãbila de jė to prėčitala. I sad to prodâva pod svojė.

dvojė roglė: Ivan Šimiæ za nacionalnė interesė

Šimiæ: Štitio sam nacionalne interese
Zalâufala sė KIM afera i kad tam, veli taj Ivan Šimiæ, čija firma célo leto ni za jėnu kravu nėmrė zaroditi, kak jė on štitil nacionalnė interesė. Skoro jė taj KIM kupila neakva Miloševiæeva firma. Valda Miloševiæ v grobu ima laptop i X-Mobile kârticu pak tak vodi financijė. To jė tak navék, čém višė nėznaju kam bi, unda ti gréji struktura zvléčeju adutė. Tréba nâjprijė zvléči avet, komunističku ili čėtničku, i unda rėči kak sė to svė déla za Rvacku i kak avet tréba potuči. Nâjvėči gréji su sė delali v imė Boga. Šimiæ i si pajdâši, kak si jė i on sôm, délaju gréjė v imė Rvackė i valda to radi toga né gréj? Tak sė adeze bori protif kritičarof. Kak i oni kaj protif vampirof zvléčeju križ i béli luk, tak i oni protif sakoga kritičara zvléčeju Rvacku. Rvacka jė opravdâjnė za sė. I si kaj su protif te pajdâšof su protif Rvackė. A mėne zgledi da su nôjbolė protif Rvackė zapraf ti pajdâši kaj držiju ruku na novčaniku da jem ga stranački kolegė nėbi krali.

trojė roglė: Anto Ðapiæ za rušejnė magisterija

Ðapiæ: Mesiæ je svojom izjavom narušio temelje demokratskog sustava
A kaj jė to Mesiæ rėkel da jė zrušil temelė? Rėkel jė da za lâžnoga ministra néma mesta v nôve Vlâde. I istinu jė povedal. Jâ nėznam kak takof čovek morė biti na čėlu pravaškė strankė. Valda zâto kaj v ute stranke višė pravâšov niti né. Rėkel jė Ðapiæ da prėcednik nėbi trebal pripovedati dô jė za Vlâdu, a dô né. Kakti to odlučuju birâči. Jė, jâ sė i bojim te birâčof kaj nėznaju zebrati prâvė ludė. Ðapiæ né sam magisterija kral, on jė i célu stranku kral, a v tém mu jė adeze pomogel. I unda on ima kaj za govoriti. V svake normalne države za takvoga višė nėbi bilo mesta v politike, a kam da bi pucal na mesto vu Vlâde. Če Ðapiæ zbilam dôjdė na vlâst unda si oni kaj imaju prâvė diplomė môraju pobeči z državė da jem Anto nėbi poništil nijovė prâvė diplomė i napravil da su vrédnė sam onakvė kakva jė nėgva.



Post je objavljen 14.08.2007. u 22:15 sati.