Pregled posta

Adresa bloga: http://blog.dnevnik.hr/skyline

Marketing

Lito Report

Ma vec san se davno bia vratija iz praznika kod dida i bake, samo mi je omar pocela skola i to s nikin glupin rasporedon, samo dva dana u setemani iman 6 uri a sve drugo po 8, i rucksak mi je tezak za poludit. Jos iman nike extras i jos plivanje ptekon, stvarno niman vrimena. A kad san tia napisat post blog editor nije radia, onda san vidia da ni moja Pesca, ni teta Kaseta, ni barba Skroz nisu nista pisali pa se nije ni meni bas prisilo. Sad san se najidia i ovi post pisen ponovo jerbo je nigdi nestalo sta san bia napisa, neznan kako to.

Kod Bake neman internet, u Pescafonde nista ne funkzionira, pa nisan nista gleda u blog. Mislia san puno na tetu Vesnu i barba Boruta jerbo in je tamo bia rat pa hi sada pozdravjan i cestitan na vincanju o Bartula.

A bilo mi je puno lipo lito. Svasta san cinija, a najvise san vrimena bia s mojin prijatejon Zebon. Puno smo bili na kaicu, isli bi bacit tunju ili se samo provozat, jedan put nan se penta pokvarila pa smo morali po mraku veslat do kraja, posli je dida sve popravija... Onda smo skakali s prove o jednoga lipoga broda "Linda".

Image Hosted by ImageShack.us

Evo ovde smo se gustali bacat u valove o mestrala:

Image Hosted by ImageShack.us

Bile su vrucine i koloni, pa nismo nigdi specijalno isli, nismo bili na Korculi zbog moje Mame (a ja san zna da opet necemo poc). Po cili dan smo bili na plazi i kupali se i imali smo festice o soparnika, strudela ili fazola pa su se furesti cudili i snimali.

Image Hosted by ImageShack.us
Teta Mariza je opela dva soparnika

Neznan zasto su se svibili smijali fazolu a svi su ga jili:

Image Hosted by ImageShack.us

Vec su se bile prodale sve karte za Nabucco pa mi je bilo bas zaj sta ga nisan vidia. Onda san sa rodicon Marton i prijatejon Jadranon iz Frankfurta bia na konzertu TBF-a, sa Zebon san bia na Gusarske veceri, a Lude skokove s Mula smo gledali iz broda.

Jedan cili dan smo s Pescafondon bili u jednon vali na Bracu, isli smo iz Cetine pa san s po konala fotographira Omis:
Image Hosted by ImageShack.us

Bia san i kod Pape na Ruskamenu dva, tri puta. Slomija je nogu i cilo vrime mu je bila u gipsu. Njegov prijatej me vodia na parasailing. Vuka me je gliser, a ja san bia u padobranu 150 m dalje na visini oko 50m od mora i bilo mi je lipo. Nije me bilo straj samo san se mislia kako ce bit, a bilo je gust, ka da si galeb pa letis, grijota sta nisan ima cameru.

Drugi put san razgovara sa jednin barba instruktoron o ronjenja iz Diving Centera (www.ruskamen.hr), pokaza mi je kako se triba disat i znakove za komunizirat soto, ja san se sitia barba Refula i njegovih fotographia (zaj mi je sta vise ne pise).

Image Hosted by ImageShack.us

i zaronia san, u dubinu na 12m, sve je bilo pavo, plavo i upa san u jato riba. Pravi pravcijati gust.
Dobia san i zertificat.

Image Hosted by ImageShack.us

iman i cili mali filmic o soto samo nisan bas sikur kako bi ga stavia ovde.


Image Hosted by ImageShack.us
Ovo san bia fotografira Sunce kako je upalo u Soltu, na plazi je vec bila noc, a mi smo se jos bili kupali

Laku van noc!


Post je objavljen 24.09.2006. u 21:04 sati.