denes je ranko došel k meni i veli on meni čujež branko imam jenoga posla pa ak te zanima kaj bi mi pomogel. a velim ja njemu ranko a kakovoga posla imaš. a veli on meni jena baba me ja zakaparila kaj bi joj premenil krovižte na štaglju a ti se branko naj nikaj starati jerbo ja tebi to dobro platim kaj boš zadovoljen. a ja sem si onda malko preštuderal i mislim si ja pak onda zakaj nebi kaj si nekakove kune zaslužim jerbo sad bo začaz božič a to znači da se bode puno kuni moralo potrošiti el za pivu il za bambus i slično i tak dalje. i velim ja njemu pa onda vredu ranko bom ti pomagal. mama baš i neje bila zadovoljna jerbo joj baš ranko neje po volji nek ona veli da on navek nekaj sfušari i onda njoj ljudi navek prigovaraju dok ja ž njim delam kak i onda dok smo lepili pločice. i tak veli meni ranko onda brankec denes idemo na pilanu kaj spilimo letve za letvati i ono gore. i mi lepo zapregli traktora i na prikolicu nahitali dreva i pravac na pilanu. a to je pilana ot jenoga staroga kaj se zove pilar i on tak prepili kome kaj treba na sitno. i dok smo mi došli k njemu veli on nama dečki sat ja vužgem motora i da vidite kak mi to začaz spilimo. do poldan smo gotovi. i on je nalejal naftu vu rezervar i da bu vužgal motora al je vužigal i vužigal i akumulator je samo kurblal i kurblal al motor nikak da se vužge. i veli pilar dečki valjda se je nafta zmrzla al sat ja to zataj čaz sredim. i onda je donesel jenu kantu i vu nju je nahital piljevine i polejal z naftom i veli on sat ja to vužgem i denem pod motor kaj se malko zgreje kaj vužge. a veli on nama dečki vi se samo malko pomeknite kaj slučajno nebi vatra buknola da vas ne vužge. a ja sem videl da vrak šalu bere i lepo sem se odmeknol da me još ne vužge z tom napravom paklenskom. a veli ranko no kaj bi buknolo ot to malo nafte kaj si nalejal pilar. i velim ja ranku čujež ranko je mizlim da taj pilar oče preveč filozoferati i da to baž i nebumo tak fletno zbavili. a veli ranko meni no brankec jož se malko strpi samo da vužge motora i onda buš videl kak bu to letelo. i pilar kresnol šibicu i hitil vu kantu a kat tam ništ. ni da bi vužgalo. a veli ranko no pilar mekni se malo sat boš videl kak se to dela. i zel je ranko nafte i nalejal vu kantu a za dobre pol litre. a veli pilar njemu ranko naj biti bedazt to bo preveč nafte. a veli ranko no kaj bi bilo preveč jerbo to piljevina se popije kaj se ni ne oseti da sem ja kaj nelejal. i onda je zel šibicu i vužgal i da bu ju hitil v kantu a šibica vu zraku i kak je bilo zima tak se je i zgasila. i zeme on drugu i kresne i hiti i taman sfula kantu. a veli ranko a jeba jim vrak mater el vidiž kak me zajebavaju te šibice. i onda je zel dve ot jemput i kresnol ih i hitil pravac v kantu. al jogenj ni da bi prismrdel. i onda mu je več pukel film i ide on pogledati kaj se to događa i taman je porinol nosa vu kantu a kat tam jogenj buknol i pravac njemu vu facu. ranko je samo zavriščal i othitil se ot kante u suprotnom prafcu. a ja ga pogledal i imam kaj za videti. se mu je lice bilo crno kaj da je nešče crnca z čađom namazal. i velim ja njemu ranko el te peče. a veli on samo malko. a veli njemu pilar idi se ranko malo vmij kaj si ozdeniš lice. i ranko se otišel vmiti. a dok se je vrnol imaš kaj za videti. se si je obrve skuril i to je bilo baž smešno kaj bi se čovek najrejši smejal da neje to takova kataztrofa. a veli ranko al da znaš brankec da me opče nikaj ne peče. a veli njemu pilar no bar si si se bagterije skuril kaj su ti po glavi sprehodavale. al to meni baš i neje bilo jasno jerbo neznam kakove bi to bagterije bile. i tak se je jogenj vužgal i veli pilar nama sat jož samo malko da se stopi i mam bu kresnol. i tak je i bilo. još ga je malko kurblal i kurblal i samo je z sebe crnoga dima hitil vun i kresnol je kak od prve. i takve nam je lepe letve spilil kaj je to bilo milina za gledeti. a mi smo jih nahitali i pravac doma. a ranko je rekel da zutra mam od ranja idemo pravac na krov i da bumo delali celi dan ak si očemo kaj zaslužiti. a tak i bu. pozdrav sima skupa.
Post je objavljen 24.11.2004. u 18:36 sati.