dalmacija moja inspiracija

09.09.2012., nedjelja

sitni posli u kamenoj kuči...

Gori na šufitu san lagano punija buže isprid ponistre a ostavija san da se vidi kako je bilo a i kako se popravilo...evo ovod na ovoj ponistri su judi cipali drva usitno da bi se potpalila vatra jerbo je špaker bija na šufitu.



Kod luminara je bokun okvira od ponistre propa ali san umisto ti bokun drva ostavija malo betona. Cila priča okolo ove kućice triba bit da judi rečedu da je dobro sačuvana.



I na kraju san grata ovi zid na šufitu taman na mistu di če bit posteja, zid če ostat ovaki malo grez i conkulast samo ču ga prvo sa SN vezon namazat i onda piturat tako da se ispod piture vidu konture vacadi.










A danas mi je bija amiko koji če mi pomoč sa stavjanjen pojačanja ispod greda uskoro če donit jedan uzorak tzv. puževe kućice koja če se zavarit na jedan L nosač koji če podupirat grede a usput če bit i dekorativan.

Kužina če definitivno bit napravjena, ništa od kupovanja ali o temu docnije.


- 23:19 - Komentari (0) - Isprintaj - #

07.09.2012., petak

kamena kuća...novitade...

Pituravanje okvira od ponistra i ove slipe ponistre je deboto gotovo...na šufitu san po drugi put ove stare grede namaza sa ekološki prihvatjivon tekučinom tako da je sve na šufitu spremno za sprovest letriku i onda more počet postavjanje izolacije između greda...
jo jeman problem sa vodon u prizemju sa jednin amikon san sedogovorije da od mista di seskupja voda napravin rdenažu prima sridi od kužine tako da bi nivo bija niži i voda bi se upijal u zemju na više mista...a doma san pitutrava i vrata od slipe ponostre...a i bonogracije su dobile pituru...




















- 22:43 - Komentari (0) - Isprintaj - #

03.09.2012., ponedjeljak

evo me jopet u kamenoj kući...

ovo lito je bilo stvarno ludilo stalno smo jemali prijateje i fameju okolo nas i bilo je šušura ka u prići...sa ka je sve pomalo kalalo a prije pravjenja vina vatan se lavure u našoj kamenoj kućici...



prvo san se uvatija gratat ovi okvir od slipe ponistre tako da je uskoro mogu počet pituravat a unutra ispod inkarta blizu grede san naša i kosti od beštije to se tako prije radilo stavjale bi se kosti da nametnici mogu u miru marendavat umisto da grizu grede...lipa štorija iako ja u to puno ne virujen ali eto tradicija je tradicija i ova če se kost vratit nazad na svoje misto...



kasnije san sa pinelon vadija prašinu iz fuga a krajen ove šetimane ču sa jednin malin kompresoron sve ispuvat...tako da letričar more sprovest letriku kroz fuge da bi ja docnija sve fugira...







eto, to bi bilo za sad uskoro če bit još novitadi...
- 22:03 - Komentari (0) - Isprintaj - #

30.08.2012., četvrtak

Cukarin...bili smo u tzv. gradu između Solina i Stobreča...

Ma znan da če niko reć da pravin sprdačinu sa njin ali meni ga je pun qurac...tako su ga spizdili da više nima ni duše ni mota ni šušta ni gušta...da se razumimo to je meni a virujen da je mnogima sasvin jasno...e drugima kad in je OK eto in ga...koliko god u njemu jema lipi kantuna i nađe se još uvik izvornega mota moramo priznat da to i nije svudi tako...eto mi smo banili u oni trgovački centar Koteks, ma jebote pa ovo je gore od Bejruta oli Tel Aviva...nekad je bija perjanica tega Grada i Dalmacije u ona vrimena je bija senzacija u ciloj bivšoj državi...a sad je katastrofa i nered kojeg nima ni u Bronxu...svudi su grafiti i reste trava iz svi moguči buža između ploča od u davna vrimena bilega bračkega kamena a koliko je tek žvaka na tlevu i razbijeni skalina to je za nevirovat...a doli šoto su nazovimo dučani, nima ni pasa osin par žena koje se trudidu da budu jubazni a kako i neče ka smo jedini u butigi, pokretne skaline radidu samo ka se gre gori a doli moraš sam na noge...tragedija od trgovine...

Ali nije sve tužno i crno, sa jugoistočne bande je od Mediteranski igara bija kafič prije je jema male gabarite pila se kavica i Pipi a jile su se pašte...dobro svemu dođe kraj ali ova buža mirita da je se spomene, ma koja suprotnost naspram onega rugla okolo...puno šesna trendy pašticerija, kava in je samo taka servirana u teplin čikarama kako i mirita a pašte su royalne samo bi in priporučija da uz perun dodaju i pošadu jerbo se onda puno boje more guštat u krasnin paštama...ma koji je gušt tamo sist i opustit se...nismo odavno ovod bili ali čemo svaki put ka smo ovod navratit...bravo ekipa...






























- 21:29 - Komentari (0) - Isprintaj - #

27.08.2012., ponedjeljak

unuci i prošek...

Nakon ča se grozje nikoliko dan malo na suncu prosušilo eto sad je došlo vrime da se počme spravjat prošek...prije par godin je unuka gnječila grozje a sad je doša red i na malega tako da smo utroje štrukavali...nakon štrukavanja ja san ostatak turnja i ono ča je ostalo san meka da se još par dan macerira tako da če se nač i koja litra opola...a ostalo san veza u ovu plastičnu vriću i od tega čemo ispeč lozu...sve u svemu lipo nan je vrime, unuci guštaju, ja sritan ka prasac u blatu he,he, ma diš bojega života...a kakvi je prošek bija ka ga je samo unuka štrukavala moret vidit na litratu sa one dvi boce...


































- 21:31 - Komentari (0) - Isprintaj - #

21.08.2012., utorak

litnja lavura...

Grozje sa odrine je zrilo evo smo ga obrali i mekli malo osušit jedno 70 posto je Cardinal a 30 posto je Muškat naši unuk i unuka če ga izgnječit a ja ču od svega napravit prošek. Murtela je obrana i sad je u zimskem vrtlu na vručini da se brzo osuši nakon tega skidanje lističa i spremanje u caklenke. Prva mendula je obrana a smokve sušin več jema dvi šetimane stiga san do desatak kili. Sa jedne bande bi tija da pane kiša a sa druge nek sve ovo malo potraje dok su litnji gušti. Život nan gre u prvoj brzini a tako i triba ka smo u mirovini ma koje vidija prišit.


























- 21:21 - Komentari (2) - Isprintaj - #

16.08.2012., četvrtak

sime od kapule...

Svake godine ostavin sime od kapule za drugu godinu...onda se ove godine počešjan iza uva i promislin kako bi to bilo ka bi sime ostavija i duperava ga za spizu...meka san desetak zrna u ovi peštadur oli mužar i malo ga sameja...dodavanjen priko spize san dobija fini gušt koji lagano vonja na kapulu...eto rodila se nova gastro ideja...eno caklenke kod ostali delicija na radneme stolu...ajde nije baš radni vengo hobi stol...













- 21:42 - Komentari (0) - Isprintaj - #

14.08.2012., utorak

sparina je kalala...

Sad se već da živit malo je zaladilo taman kako triba,... ribe je napritek a tako i triba malo laganija spiza sa puno verdure dikod koja ribica ali obavezno vino...evo san doli u konobi naša ovu botiju Chardonnaya tako da je danas platila...malo san marinira na suncu osušene balancane...pomidora iz forna je polu suva sa bokuničima sira, murtele i češnjaka...pravi gušti,...pripremanje suvi smokav je u toku...i tako nan prolaze dani...ajde moglo je bit i gore,...





























- 21:40 - Komentari (1) - Isprintaj - #

10.08.2012., petak

dvi orade za nas dvoje...

Litnja Gastro Odiseja se nastavja spiza je standardna riba, verdura o'sezone, vino o'lani, kruv je integralni, a nama se vratija mir bila nan je čer sa unucima, gušti su nezaboravni a di češ večega gušta vengo ka ti unuci uberu verduru pa zajedno sa didon spravjaju a da ne kažen voće lipo onako s'grane pa odma zagrist...još malo pa nan dolazi i sin sa suprugon i sa njiovon čeron i sinom...biće jopet ludila sa unucima...ali dok smo sad sami red bi bija da se čagod i poide nakon puste lavure okolo kuće...rizanja ružmarina, lavande i održavanje vrtla...

Bili smo na peškariju i u oko su mi pale ove dvi orade...promine radi smo ovi put u trbuj mekli list o'limuna, list lovora, vrj grančice o'ružmarina, dva tri lista citronele oli ti matičnjaka, listič češnjaka, sol - papar i sve je zaliveno maslinovin ujen...na gradela o'letrike je to spravjeno i to van je to...ovi frit o'kunpira je posebna štorija...naš vridni susid jema tako dobre kunpire da je to za nevirovat...svake godine nan ostavi dvi tri škatule o'banana tako da stin nimamo problema...Zvone kunpiri su ti samo taki...nima tu puno filozofiranja vaja sist za stol i počet guštat...



















- 21:18 - Komentari (0) - Isprintaj - #

09.08.2012., četvrtak

malo gušča juva od ribe...

Kupili smo kil trlja, znate onega sitniša, za niku sitnu lovu Ona i je skuvala i mekla da se oladu onda i je očistila od drača. U jednu teču je dodala karota, selena, iskrižane kapule i paprike, dva lista od limuna, lovora, ružmarina, jedan obilatiji kunpir, naše domače konšerve, dvi zrile pome, režnjić češnjaka, zalila maslinovin ujen i ostavila na laganoj vatri da se sve skuva.

One drače zajedno sa glavama mekla je u drugu teču i i od tega je napravila ribji fond koji če docnije u frigo za rižote i ostale delicije.

Iz one prve teče se izvadidu grančice od ružmarina, listovi od lovora i limuna a sve ostalo se grezo samje ali ne do kraja.

One bokuniče ribe koje je odvajala od drače zanji momenat dodaje mlivenome povrču pa onda kontrola soli i papra a priko svega obilata žlica maslineva uja i sad je sve spremno za klopu. Salata i tikvice su iz vrtla a Merlot rose je malo razlađen. Kruv je namazan sa maslinovin ujen i isfrigan na suvoj rebrastoj tavi. Obid more počet a Darko Baretić nek pati. njaminjaminjaminjaminjami





















- 17:17 - Komentari (0) - Isprintaj - #

<< Arhiva >>

< rujan, 2012  
P U S Č P S N
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Rujan 2012 (3)
Kolovoz 2012 (9)
Srpanj 2012 (14)
Lipanj 2012 (13)

Blog.hr koristi kolačiće za pružanje boljeg korisničkog iskustva. Postavke kolačića mogu se kontrolirati i konfigurirati u vašem web pregledniku. Više o kolačićima možete pročitati ovdje. Nastavkom pregleda web stranice Blog.hr slažete se s korištenjem kolačića. Za nastavak pregleda i korištenja web stranice Blog.hr kliknite na gumb "Slažem se".Slažem se