srijeda, 08.01.2014.

Zgor potoka - originalni tekst

Evo, izvuka san od nekud originalni tekst Zgor potoka, napisan u ožujku 1998, u noći nakon one eko akcije na Zarečkon krovu. Tekst koji je kasnije simio Pazin underground se malko razlikuje od originala, jer su svi pjevači (osim Feđe) sebi malko prilagodili i tekst, i ispalo je još bolje.

Ovako je međutim glasio original, (odnosno originalni prepjev, jer sadržaj u potpunosti slijedi tekst Bruce Springsteena, osim zadnje kitice) :


Rojen san zgor potoka, zgor potoka di je grad
skega mladi su bižali, kako vajka tako i sad
i da nisan sreti Mariju kad finila je šesnajs let,
da nisan ša šnjon do Potoka sad bin bi ki zna kade...

Šli smo dole do potoka Marija i ja,
sami, dole do potoka, kad fešta je finila...

I bilo je ča je bilo, a ča je drugo moglo bit:
još tega leta, prvo Sih svetih rivali su nas uženit.
Njena mat je poznala popa, on nanka šolda ni te zet,
ma ke kunfeti, ke cukerančići, kakovi svati, kakov Motel...

Šli smo dole do potoka Marija i ja,
sami dole do potoka, ja san je trdo, trdo drža...

Sreća bi je taj njek kunjado ča na delo me je ze.
Pokle smo skupa slagali grote valje svragon preko granice.
I sve ča san zna, sve ča ča-to valja, sve je Jama požrla...
Sad se činin da se ne domišljan, a Marija već ne bacilja.

Ma ja još čujen potok kako pod nami beži,
ona ni tela zut postole pa san ja je nosi.
I ćeš da se nisan zdrsa i pa skupa šnjon,
malo je falilo da finimo va Zarečki krov.
I se zvezde ča sad hi gledaš tu noć su oči zaprle...
Forši bolje da niš ne znaju, 'šoma, kad ne gre ne gre...

Dole zgor potoka, Marija i ja,
sami dole zgor otoka, fešta je finila


Rojen san zgor potoka, zgor potoka bit ću zakopan.
Mariji san to već reka: pod onon dračon, najdolenji pjan,
da ga čujen, ku još tu je, kad je korenta, kad je daž,
ne rabi križ, ne rabiju slova, ni črni mramor ni prazan važ.

Tamo dole zgor potoka Marija i ja,
sami dole zgor potoka - fešta je finila.



Oznake: Zgot potoka - original

- 19:11 - Komentari (0) - Isprintaj - #

<< Arhiva >>

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Dijeli pod istim uvjetima.