Tragi
/ Flickr, Puzzaa - J.)
Zbrisal si fse svoje trage,
kak da ni bilo te ni,
kak sneg gda prekrije zemlu
i fse je čisto i belo,
kak voda gda zbriše trage f pesku
ko da nišče tu hodil ni.,
kak duga kaj svoje farbe zbriše
i z nebom se vu jeno samo stopi..
Zbrisal si fse svoje trage,
al si pozabil mene zbrisati,
pozabil si zbrisati sebe vu meni,
kajti su ti tragi vu meni živi,
duga še navek svoje farbe čuvle,
f pesku se vidiju tragi stopin,
spodi snega se mlada trava zeleni
a spodi trepavicih mi i dalše tvoje srce spi.
Zbrisal si fse svoje trage,
al sebe vu meni nisi,
a morti si to i navleš napravil,
kajti si znal da bu tvoj trag pri meni na sigurnem,
da bu trajal, onak neobrisan , čist i sjaječi
po tebi i meni, od onda negda, dišeči.
|