petak, 30.12.2016.



... pa Vam vsim skup želim da v novem letu bute...zadovolni ...
a da se bute dobro imeli..želi Vam
Mekon z Zagreba Grada .....


16:35 | Komentari (25) | Print | ^ |

srijeda, 28.12.2016.

Težko mi je ........


Jezušek.. tak mi je težko v trbuhu kak da sam vreču peska progutal.. pa kak nebi.. več tri dni trpam v sebe od jutra do mraka.. vse kaj se pod zub more deti.. i slano i slatko i kiselo i žufko i trdo i mehko.. ti vrapca..denes mi z riti viri pajcekova noga..a z gupca kost od purana.. na vuha mi izlaze makovnjače..orehnjače.. vaniler kifleki.. kuglofi.. a čez frnjokl se samo delaju balončeki od Žuje.. Jeee..a kaj moreš.. Božič se mora obilježit kak Bog zapovjeda.. znači..obligatno jer to bogeka fest veseli.. Nema taj bradati nikak rad karfijole i poriluk.. neg meseko.. razmeš.. stoga je i rajši primal poklone od Abela kojemu je brat bil tak jalan da mu je vrat zavrnul.. I kak sam ja dobar vjernik.. narafski.. poštivam vse zapovedi nebeske države.. Z druge strane pa veliju da Jezušek nikak ni bil siromaček kak su nas to vučili.. Po najnovijem kaj su spametni povjestničari odkrili.. Jezuš je navek pri sebi imel vrečku z penezima.. pa se tu našlo aureusa.. denariusa i nekaj sestertiusa.. znači cela je ta škvadra dobro živela.. A odkud im ti dukati i srebrenjaki.. bi ga vrag znal.. jedino je ziher da nisu bili bauštelci...ha ....


I tak ja bežim ..maaa kaj bi bežal.. vlečem se naokol po vulicama da bi morti se v trbuhu vse to sleglo i naredilo malo mesta za kakšnu frišku Žuju.. Najme.. dogovoril sam se z pajdašom najti.. a to bu svakak začelo z kakšnom Nesicom..pa se nadovezalo z pifcem.. morti i kojim više.. jer kak buš sedel v brtiji i zauzimal mesto ak nebuš nekaj trošil.. Dakle.. španciranje pomaže..evo več osječam kak se je puranjska noga zpustila barem za dva prsta dol.....ha ...


Vreme je dost dobro..makar su za denes najavili oblake..morti i kakšni dež..a ni nemoguče da bu i zaprhal oni beli napastnik.. Pa i mrzli vjetrek je začel popuhivat odzgor z Medvednice..a taj navek nekaj dovleče z sebom tam od Zagorcof.. Bormeš mi vse bolše ide štrapaciranje.. znaš kak da sam progutal vse gvihte z kuhinjske vage.. trbuh mi se obesil.. nategnul kak ratni bubanj.. aaa.. melje on melje.. ti vrapca gda to vse navali van...ha ...


Prijepodne lepo odmiče.. a na vulicama baš i nema gužvancije.. nit z ljudima nit z avtomobilima..razmeš.. dost je vsim bilo teg Adventa .. gdo je mislil taj se je zadovoljil.. zdaj veliki del tih stenje domof kak i ja.. al pa drema v foteljama na radnim mestima.. A oni kaj moraju delat..eee.. a gdo im je krif.. delat se mora..al ni se preveć za brinut.. za jen časek bu Staro leto.. pa Novo leto.. pa pak zpočetka z obligacijama...


Vrabec ga dal.. pogleč samo kak su se hitro navlekli ti razkuštrani oblaki.. kak ofucani črni mački.. a kak mi se pričinjava.. jena kaplica mi je opala na nos.. a kak tu nema nikakšneg ptičeka kaj bi mi se poscal.. more samo značit da je dež naumil zneba na zemlu prejti ... Pa bumo malo korak produžili..


Si videl .. ova mora lepo,popevati..kak kanarinac.. kakšne nogice ima.. bi ih človek zvezal skup kak mašleka.. Ha.. a riticu ima kak špulicu za konec v Singerici...ha .. Znaš.. ne rugam se ja.. vse ima svoje.. se reče.. prednosti jer pri ženskama nikak nemreš nač falingu.. vse je dobro il bolše.. Jemput sam ja.. kak fakin.. bil na jenom žuru.. to ti je kak denes tulum.. pa su moji pajdaši na brzinu pohvatali kaj je gdo stigel zabrat bolše med ženskicami.. a ja sam bedak štimal gramofona jer su vsi navalili da denem ploču Noć u bjelom satenu.. sentiš razmeš.. Narafski.. se zgasi svetlo..pa se drpa na stoječki..a malo gdo čuje i muziku.. No.. gda sam ja vse prištimal.. ti vrapca.. ostala je samo jena ..kak ovaj tu slavujček.. i milo me gledela.. Hmmm.. kak ja nis bil preveć zbirlif..a ni se nit imalo kaj više za zbirat.. kmica je bila.. ploča se vrti..sva sreča ta je muzika dugačka.. pa sam ja ..kak sam več tam rekel.. malu zdigel..ona je svoje nogice zvuzlala meni za leđima.. i tak smo plesali.. zapraf.. ja sam tancal na mestu kak medved..a mala se lepo obesila za moj vrat.. treba naglasit da su se v to vreme fest nosile one minice.. razmeš.. kaj da ti povedam.. I kaj.. vse je zgledelo da bu muzika pri koncu..al se je negdo snašl v kmici.. i gramofonsku iglu dela na početak.. I tak jeno deset put...ha ...


Moj pajdaš Bokačo je došel čak na vreme na Trgač.. maaa ni to onaj Bokačo z Firence..neg tu naš domaći fakin.. a kaj da ti velim.. ženskar kakšneg nemreš najti nit v Dekameronu.. to ni grad neg libra.. Rekel je on meni ščera..Znam ja Mek da si ti ranoranitelj i jutarnji ptič.. pa bum onda i ja došel malo ranije.. tam negdi okol jedanajste vure.. Vrabec ga dal.. nikak da on shvati da sam ja v Gradu več od najkasnejše osme vure dok on još jajca premeče spod tuhice.. No.. pa ak je to njemu denes rano.. vsaka mu čast.. al budan je i fort se obrče za ženskama.. Dobro velim ja nejmu.. buš zmenom pripovedal il buš zjakal za vsakom koja projde... Al tu nema pomoči.. tri koraka je nekaj meni povedal i več mu je pri četvrtom koraku tikva bila na 360 stupnjeva za nekakšnom v čižmakima do riti...ha ..


Kak ja znam kazat.. ak hočeš najti dobro mjesto za pripovedat v miru Božjem..onda zaberi svakak kavanu.. a ova tu v stari Tkalči je jeno od bolših mesta.. fino udobno si sedneš.. nigdo te nebu trknul nit v vuho galamil.. muzika je kak se šika.. a konobar mam dojde i posluži.. A kak pajdaši imaju tolko tega jen drugom za kazat.. narafski.. jezik i požirak se sušiju.. Nesica nikaj ne pomaže.. pa Bokačo predloži.. se razme.. pivicu.. pa jena ..pa druga... i tak pripovedamo doklem smo imeli kaj pri pameti.. Moreš si zgruntat da se največ pripovedalo. o... ha.. ženskama.. A to veseli i mene i mojeg pajdaša Bokača.. Falimo se.. zmišlavamo gda vsu istinu potrošimo.. al ni važno.. zna se da se celi svet okol pič... sam štel reč okol ženskih obrče.. a tu se navek ima kaj za kazat.. Vse v vsemu.. vreme je sprešlo kak da bi rekel kruhimast.. Bokačo je prešel nan jenu stran..ja na drugu.. A ja sam si uz put gruntal kaj je on to meni pripovedal gda je o nekašnim blogericama mrmlal.. .. nemrem si to ja nikak z ničim zvezat.. maaa.. frajer je taj Bokačo.. nema kaj....


Još jen pogled na te preteče oblake.. tu i tam kakšna kaplica z neba.. a bormeš i mene žuljaju kaplice pive v mjehuru.. pa tu pozadi stareg Kaptolskoga zida je sasvim dobro mesto... Kaptolci su ionak navek bili neprijateli nam Purgerima.. ha ... v to doba godine tu nigdo ne prolazi.. a gdi je dobro scati cuckima.. more bit i ljudima.. sva sreča ništ ne grmi. moglo bi me strefit...ha ....

Serbus ..............

















17:52 | Komentari (18) | Print | ^ |

petak, 23.12.2016.


07:36 | Komentari (16) | Print | ^ |

srijeda, 21.12.2016.

kaj te briga ........


i tak jutro za jutrom

....
i lanterne krepavaju...


.. bi ga vrag znal kaj to je.....


nis ja jedini jutarnji bedak .....


raja šljaka ..


i Čeh beži v maglu..


kak pred sto let..tak i denes.. gda te jemput zapreju v geto ........


..a stari je Frajno vmrl pred tridesetpet let...


nogice kak slavujček.. neishranjena študentica.. bi ju človek pozval na čevape..al to denes više ne pali...ha ...


tišina.. denes pela kak mutaf.. glazba je krepala...


nemreš kak ti hočeš čez Kamenita vrata...


Edison il Tesla.. ni važno.. sam nek blešči ....
























19:17 | Komentari (9) | Print | ^ |

nedjelja, 18.12.2016.

kak ščera..tak denes ......

Veli meni moja najdraža da ona denes hoče klobasu.. Jeee.. snebivam se ja.. kaj baš mora bit.. morti zutra vjutro..ha.. Stari norc kaj si svakaj zamišlaš.. tu svoju klobasu hiti prek Gari.. a ja denes pem na Trgač po klobasu.. razpali moja.. Garo je susedof cucak.. ja nejmu fort nekaj hitim čez oblok pa on celi dan gledi gda se bum ja pojavil.. Maa.. ni on gladan.. Špengler nejga lepo bedina.. al cucak kak cucak.. I tak sam ja pošteno odahnul gda sam čul da se tu ne dela o mojoj presvetloj klobasi.. neg o onim kaj nekaj i vrediju.. z senfom...ha ..


I najemput je z Frankopanske dohajbala ta stara škrebetaljka.. zišla je van cela banda mladih i začeli su djelit pivu po vulici.. Ljudi su prvo malo nepoverlivo gledeli..al gda su si zgruntali da je zabadaf.. ti vrapca.. za čas se stvorila gužvancija.. najemput vsi rad žlopaju pivu.. Maaa.. brus.. to ti je samo lakomost.. Jena je ženska mam zgrabila tri flašičke..i kaj.. mam su joj dve opale na trajvansku štreku.. Sam je prešla dalše makar su joj ljudi kleli mamicu kaj to ni pokupila.. Ja se tu nis štel rivat.. je da mi paše ona piva Črna kralica.. al bi me vrag zel kaj bi se ja tu grabil za flašičku..A ljudi kak i cucki.. nigdar im ni dost...


A ljudi se sprešetavaju.. cele procesije hodiju gor dol po vulicama.. kak da ih Mojsije vleče za sebom v bolše živlenje.. Stiskaju se v kapute i bunde.. al samo novi i novi od nekud zviraju.. Puni trajvani pelaju ljude v centar Grada.. Jeee.. to je živlenje.. lampaši kaj svetliju.. ukrasi kaj bleščiju.. klobase kaj mirišiju.. i puni štandi robe.. eee.. kaj buju Kinezi pak zaslužili penez.. jer osim klobasa vse drugo je z Kine.. a morti na koncu balade doznamo i da su klobase z Tajvana.. a tam su cucki prestali lajati...ha ...


Makar je još rano popoldan kmica se vse hitrejše zpušta.. a vani se vleče čez luft nekakšna magla.. i tak več par dni.. Mrzlo je makar oni celzijusi i nisu preveć nizko opali.. al ta fajhtnoča se zavleče v vsaku luknju.. No.. zdaj pemo na klobase.. velim ja mojoj najdražoj.. Aaaa..neee.. prvo pemo malo naokol gledeti.. vse sprešnjofati.. pa onda na Gornji Grad.. pa tek posle na klobase.. veli moja.. No dobro.. kak ti veliš.. popuštam ja.. zapraf..navek popuštam.. se tomu reče.. marcipan.. maaa nee.. emancipacija.. ili tak nekak.. gda ženske iščeju svoja prava.. I evo.. pentram se na brdo po Dugi vulici.. maa.. nemreš kak bi človek štel.. neg kolko je moguče.. i tu je cela parada ljudi ...


Ti vrapca.. jedva smo se provlekli čez Kamenita vrata.. tu je vse tak ztisnuto kak v moji špajzi.. ljudi se klajnaju .. moliju.. zavjetuju.. žicaju.. A Majkica Kamenita sam gledi v vsu tu gužvanciju i ništ ne veli.. Ne stigne.. Ja sam joj samo domahnul.. ionak ona zna mene kaj ja tu često prolazim..I ja na drugu stran van..al moja se najdraža zgubila.. kam je pa ta zdaj nestala.. da ju morti nisu fkrali tu nekakšni Poljaki kaj se tu vrtiju..a ima i sva sila oneh bledunjavih žgoljavih Koreancof.. Stojim ja pri Opatički dobrih deset minut.. moje ni pa ni.. Gruntam si ja da je morti susrela kakšnu poznanicu.. morti poznanika.. al zakaj čubi tam spod stare kule.. No.. evo je.. kakti se žuri da ja ne čekam..ha .. No kaj.. ti je Majkica božja paketa poslala pa si čekala na carini..ha .. graknem ja kak gavran.. Bedak jen .. kaj neznaš da se mora svečica zažgati gda se tu dojde.. zašpota me moja.. Aha.. to je dakle to tolko trajalo.. stara častna sestra kaj svečice prodaje polahka je kak puž v penziji.. a navala je.. istini za volju.. il su ljudi fest grešni il pa imaju preveć želja...ha .. Maaa.. zažgal sam ja tu prošli teden dve svečice.. onak za vsaki slučaj.. jenu za sebe..i jenu za mene..haha..


A na Dvercu kak da se pol Zagreba doteplo.. vsi bi rad videli kak zgledi Prvostolnica v magli.. a i tu se celi red stvoril oneh kaj se hočeju na kipeca deti .. pa je za tu priliku naređen kičasti slavoluk.. vse blešči kak da je venčanje.. a ljudi se tu produciraju na vse moguće načine.. negdo se drži kak da je prvoborac z Tjentišta.. drugi se osmjehuju.. mladi se grliju i ljubiju.. pajnkrti se kreveljiju.. a dotepenci da se moreju pofalit da su bili v najlepšem Gradu na svetu...


Glazba svira.. onaj kaj tu bira muziku zna svoj posel.. baš onak kak i ja imam rad.. naznam kaj na to vse veliju častne sestre .. a valjda gor z kmice lukaju dol čez obloke i križaju se... Tu je največ mladih.. lepo se zabavlaju.. cupkaju malo od zime malo po taktu muzike.. navelko se toči ona splačina kaj joj veliju da je kuhano vino.. penezi se trošiju na palačinke kaj su tak apetitlih zgledele da sam se mam i ja postavil v red.. Al me moja najdraža odvlekla dalše.. Pa znaš da pemo dol na Trgač na klobase.. veli ona.. Kak nebi znal.. pa morem ja zdaj dve palačinke zgutat..a posle bum klobase.. branim se ja.. Maa.. znam ja da si ti pajcek.. lepo me moja zkritizira.. I kaj reč..ha.. Ništ.. i žensku je Bog naredil...kaj ne..........


I na Vranicanjevom je vse kak se šika.. naokol su poslagane one drvene bajte.. ima se za pojesti i za spiti.. lampaši svetliju.. žmigaju.. ljudi se tiskaju.. dječica naokol skačeju i vrištiju.. trava je sva zgažena.. lepo se človek osječa v blatu.. No.. tu je norijada z glazbom.. vsaka ta drvena bajta navija svoju glazbu.. a drvenjare su jena od druge samo na dva metra.. velim ti.. to pokvari vse ostalo kaj je zapraf lepo i dobro.. vse skup je kak sajmište tam negdi v kakšnoj Palanki.. Nema nikog da tu malo reda naredi.. No pa kaj.. nek se i bedaki zabavlaju.. Bežim proč ....


Dost je bilo.. a i moja najdraža je začela gundrat da tu gor na Griču bregu puše mrzli sjevernjak.. dakle.. zdaj polahko spram dol po Zakmardijevim štengama.. ha.. pa hitro nit nemreš.. na vsaki štengi su po tri človeka..ha.. nisi opče ziher gdo pe gor a gdo dol .. A klobase su me željno dočekale na Trgaču.. mam sam naručil sebi dve češnjofke.. te su najbolše..a i bormeš najžednije.. a moja si je poželele Krajnsku klobasu.. Lepo stojim tu pokraj nekakšneg stola.. bi ga vrag znal .. valjda je stol.. guram klobasu v gubec..a vsaki čas me negdo trkne.. moram dobro pazit da si ne gurnem kiflu i klobasu v nos.. Al vse je prošlo v redu.. maznul sam svoje dve češnjofke i pol Krajnske jer je moja rekla da joj je klobasa prevelka.. Meni je to sasvim dobro došlo.. al se glasno kakti čudim jer još nis čul za žensku kojoj bi klobasa bila prevelka.. Obično se žaliju da ni tak ... Pak me moja bubnula pod rebra tak da sam moral prejti na oporavak v Kavalira na dve Žuje.. a moja si naruči..čajek.. Pihhh........................

Serbus .................



















15:42 | Komentari (20) | Print | ^ |

utorak, 13.12.2016.

Špancirancije ....


Vrag ti dal te stare Čehe kaj se več sto let tandrkaju po zagrebačkim štrekama.. Štreke su još dobre.. njih su deleli za davnih leta Bosanci.. al ovi stari trajvani se polahko razpadaju.. Denes sam se vtrpal v jenog takšneg.. čim je krenul.. a pela ga ženska.. trajvanka.. začel je škripat kak stara kištra.. da bi se nakon sto metri počel tresti kak da je dobil trajvansku gripu.. a gda je začel cvileti.. tuleti i nekaj je fest strugalo.. ženska kaj je stajala pokraj mene glasno veli.. Nek me vrag zeme al of nebu denes došel ni do Malog Placa.. Druga mam pokraj joj odbrusi.. Najte gospica vraga prizivat.. ionak sam dojde.. Več tam pri Rudolfovim vojarnama se je stari Čeh fest zanjihal.. srednja vrata su se odprla sama od sebe i začela su klamfat .. simtam.. Na stanici dojde do prikolice trajvanka.. onak malo korpulentna ženska plavo zblajhana.. dobro spregleda vrata.. lupi po njima šakom i nogom.. vrabec ga da.. vrata se zapreju i trajvan pe dalše.. Pri samom Malom Placu dok je trajvan juril kak pijani Čeh.. vrata su se pak otprla i tak otprta ostala a nekaj je tam med pantima začelo pištat... Narafski.. trajvan nemre krenut dok su vrata otprta..pak je došla trajvanka..sva rabijatna.. vudri ona po vratima z nogom. .. gdo bi rekel.. vrata posluhneju i zapreju se.. Ljudi v trajvanu se smiju.. neki se zgražaju.. treti kak po naviki kuneju gradonačelnika..oneg dotepenca z bregof.. kak da je on trajvana naredil.. No.. trajvan pocukne.. tresel se je..al juri spram Frankopanske.. Neki mužki je primetil glasno kak on nebi štel tu trajvanku doma imeti ni za kakšne peneze.. jer ak more tak fest vudriti po trajvanu da on poslušno krene.. kak bi tekar bilo njemu znjom.. Narafski ljude se šaliju.. zafrkavaju.. i najemput par metri od stanice vrata se otpreju..pa zapreju.. pa otpreju pa zapreju.. i tak jeno pet put i na koncu ostaneju...zaprta..ha .. Ljudi bi dole al se nemre.. Of put jen mužki z nutarnje strane vudri z nogom po vratima i gle čuda.. otpreju se.. I zdaj vse z početka.. ja sam tu zišel dol kak navek.. al se vsako malo obrnem jer stari Čeh nikak da me dostigne.. Gledim.. stoji on tam pri Frankopanski nasred razkrižja.. a trajvanka nekaj ordinira okol vrat.. Ha.. za neko vreme evo Čeha.. polahko se pela.. namesto broja šest.. piše na tabli da pela v spremište..na Remizu valjda.. Prazan je.. vrata odprta.. klamfaju i dalše simtam..........


Aaa..več par put gledim tu plahtu kaj su ju razvlekli prek vulice.. taj don Paskvale.. ni mi dal vrag mira da bi se setil gde sam ja za teg čul.. I onda mi se daska v tikvi posloži i setim se da sam ja teg zajdni put čul dok je još mrdal onu Huanitu Bananu..a bilo je to tak davno .. target=_blank>
Se spominam kak smo mi fakini hodili po vulici i na saf glas drečali kak stekli.. aaahahahahahahaha... pa bi koji put z žepa zvlekli i pravu bananu.. se razme kaj hočem kazat.. pa curičkama pokazivali.. Aaa. je.. tak je negda bilo.. tom su se na vulici smijali..a denes bi ziher završil v Jankomiru na promatranju kak nekakšni manijak...


Znaš..več mi na žifce peju ta velka srčeka tu v Gajevi vulici.. vsakeg leta jeno te isto.. vrabec ga dal.. kaj nemaju kam drugam to deti malo za promenu.. No kaj.. ja tu nebum nikaj pomogel ak se bum žifciral.. srčeka buju visela na tem mestu skroz prek Božiča i noveg leta.. pa vse do Valentinova.. a morti i do Kineske nove godine..jer i to se pri nam uredno obilježava..


A za Gajevu moram kazat to kaj buju zutra i narednie dne navelko pisale cajtunge i Zagrepčanci tračali.. Najme.. celo leto dni su Gajevu prekopavali..zatrpavali.. pak znova rupe kopali.. pa nazaj vse zravnali.. da bi je konačno pred nema tomu dugo zasfaltirali i svečano na sva usta odprli..kak da su na Mjesecu naredili aerodrom.. Al kaj.. več drugi dan se primetilo kak je to vse fest sfušano.. a ja sam rekel da se bu asfalt razpal mam posle prveg snjega.. Za jezik se vgrizel..al asfalt se začel razpadat mam drugi dan..a denes je Gajeva več puna luknji.. kaj da ti velim.. dojdi.. čučni si pa z prstom malo poprčkaj po asfaltu na cesti i mam buš luknju naredil.. Tak ti je to pri nami.. zutra se bu naš gradonačelnik..taj pes dlakavi.. klel kak bu nekoga kaznil..a Gajevu bu svakak trebalo znova asfaltirat.. Gdo se hoče kladit ...


I tak ti ja zbegavam kolko god morem one djelove Grada gdi se navelko obilježava ..Advent.. Pitam ja tu neke moje susedice.. vidim da su se spremile za ..se reče.. izlazak.. narafski.. malo su se naprlitale.. dele tople šalove prek ramena.. Kaj je ženske.. pete v Grad na došašče.. Maaa.. neeee.. veli jena.. idemo malo v grad na Advent.. I kaj bi človek tu imel za kazat.. Samo se vi lepo imajte na Adventu.. i pazite da vam kakšna klobasa ne zapne.. kričim ja za njima.. A susedica Tamara.. feš ženskica.. se obrne pa se hvali.. Nikad nam kobase nisu stvarale probleme.. Aaah.. gruntam si ja.. dal bi ja tebi klobasu.. pa makar ju moral v senf namočit... ha ..
Kak bilo da bilo.. naš Zagreb je pak proglašen za najbolše mesto na svetu po pitanju..hmm.. Adventa.. pa gdo je opče i sumnjal da tak nebu.. Gdo ne vjeruje.. nek dojde i nek se uvjeri..al.. nek se onda i vrne od kam je došel...ha ...

Serbus .....















17:05 | Komentari (14) | Print | ^ |

utorak, 06.12.2016.

Ha......


Gdo veli da su Marsijanci zeleni...ha ....


17:45 | Komentari (11) | Print | ^ |

ponedjeljak, 05.12.2016.

Špancirancije .....


I tak ti popoldan začne landranjem čez natrpani centrum Grada.. vse štand do štanda.. bajtica sim..bajtica tam.. šator ovak..šator onak.. i tak po vsim vulicami i vuglima.. dvoriščima .. po Doljnjem Gradu i po Griču bregu.. kaj bi človek na to rekel neg.. obično bleščeče sajmište.. zapraf.. vse je to v slavu Došašča.. se po moderno reče..Advent.. Narafski.. najbolše ide pijača .. žderilo.. pa onda razne bedarije koje ljudi kupujedu.. bi ga vrag znal zakaj.. Aaa.. takšni su to dani.. slavimo Boga.. a častimo vraga.. jer kaže se da je peneze zmislil vrag.. A kak brez penez više nit do Boga nemreš.. znači vrag je došel na svoje.. pa se tak ja denes skup z velkom procesijom ljudi vlečem naokol.. i vragu za slast trošim peneze....


Več je par dni prilično friško.. zima se najavljuje.. Celzijusi se držiju dole..a tri dni puše z Medvednice tak mrzli sjevernjak.. ti vrapca.. da se v žepima ne držim za jajca.. bi se zmrznula.. čak sam si i aparatlina zel takšnog kaj mi v žep stane.. Evo.. još par časeka i kmica bu.. a nekakšni natapirani oblaki se vlečeju znad Zagreba pa zgledi još kmičnije.. A kaj je kmičnije to se više ljudi okuplja na Trgaču i po vulicami.. još malo i jedva moreš projti a da se ne posmukneš o nekog.. No bum zdržal jer moram.. a kaj se mora.. to je težko.. zapraf čekam da se moja familja skupi.. pa da onda vsi skup navalimo na klobase ...


Jesam.. fala na pitanju.. maznul sam dve porcije klobasa na Trgaču.. mam pozadi vure.. nemam prigovora..dobre su.. I dok sam ja svoje klobase jenostavno progutal..pa kaj ti je klobasa.. ni dva metra dugačka neg jedva pol pedlja.. moja familja to gušta.. žvače.. ti vrapca.. kak da rep od kokodrila ima v kifli.. A mene več mori velka žeđa i jedva čekam da prejdemo na kakšnu splačinu kaj joj veliju da je kuhano vino..


Gda je bal..nek je bal.. Tam v Stari Vlaški pri Ameliji sam si spil dva kuhana vinčeka.. pojel najbolšu tortu v Zagrebu.. malo posedel vani na terasi.. moja familja se časti.. a ja plačam račune.. Tak ti to ide.. mene pozoveju da dojdem.. a onda me proglasiju za glavnog i odgovornog za vse kaj se zbiva.. Narafski.. prešli smo vse od Trgača prek Cvjetnoga trga.. Gajeve.. Bogovičeve.. čez Zrinjevac do Tomislafca.. jedva se more prejti čez hrpu ljudi.. kak da se celi Zagreb tu stvoril.. Narafski.. uzput bi negdo štel ovo.. pa pogleč na onem štandu ovo.. pa ono moramo probati.. a na koncu nis izpuštal svoj geltašn z ruke.. I onda je meni bilo vsega dost.. na Gornji Grad sam se ni štel pentrati nit da mi platiš..a Uspinjača je vozila vsaki čas gore dole.. zabadaf.. al je red bil dugački čez celu Tomičevu do Ilice.. Veči del familje je prešel gore.. se razme.. dal sam im i poputbinu da slučajno nebi kaj svojega potrošili..ha.. a moja najdraža i ja smo lepo ruku spod ruke odštrapacirali dol spram Malog Placa.. Nebu me tu tak naskoro...

Serbus................







11:38 | Komentari (9) | Print | ^ |

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.