srijeda, 30.11.2016.

Skorom sam najebal .....


Hmmm.. je napisala ona mala da je kupila nove čižme.. pa sad špancira po Trgaču.. mene išče naokol....
Maaa.. to mora bit ona moja Tigrica... ha.. kaj mi buju zavideli Domeniko i Dijablo...

- Haloo.. mala.. tu sam.. to sam ja Mekon... evo konačno sam te susrel..kak mi je fest drago............................................

Uuuuuuh.......Uuuuuuh... aaaaaaaaaaa.......


- Marš konju jedan stari.. koga si pitao da me slikaš.. sad ću pozvat policiju..
- Ma kakvi.. opče ja ne... nit slučajno gospodična.. boreka sam slikal.. časna rječ ........

Hmmmm.. ipak to ni bila moja Tigrica........



19:01 | zafrkancija (23) | Print | ^ |

utorak, 29.11.2016.

Gda Zagreb zablista......


Nikaj ni lepše neg gda se jutro pokaže v svoj lepoti..gda se nebo znad Zagreba zaplavi.. a sunčeko zablista kak zlato ....


Gda se sunčeko nalukne na tvoj oblok..a ti žmirkaš kak pospani ptiček z duplje v drevu.. Daj.. zbudi se.. kliče jesenski friški vjetar i odfučka dalše...


I dok krovi i fasade več osječaju malo topline.. trajvani su još v senci.. ljudi znutra dremaju na stolcima.. i se pelju..pelaju.. gdo zna kam...


I najpoznatejši zagrebački poscanec se fest okuražil.. kak da mu je pimpač narasel.. ti vrapca.. nigdar ni tak dalko scal ...


I dok se tam dalko negdi dol ob Savi još maglica diže.. moj Grad se vse bolše blesiče.. pa gdo nebi zastal i užival ...


A poslednje se znamenje ljepe zagrebačke jeseni nikak neda otrgnut i vmreti.. a najlepše nebo na svetu se plavi znad Grada...


Vsaki dan ga pelaju.. tjeraju.. a ono pak znova opadne..naredi tepiha..pa šušti.. šušti.. a nekakšna posebna klupa čeka.. valjda zalublene...


Došašče je.. ljudi se veseliju..al se i hiže i štacuni veseliju.. ti vrapca ..kak smo elegantni z tim mašlekom....


Još koji časek i vulice buju obasjane.. ljudi buju žmirkali.. taubeki buju zaprhali znad Trgača.. mam bu živlenje postalo nekak lepše...


A jutro je več na izmaku.. poslednji avtomobili juriju..pelaju ljude na posle.. trajvani su več poluprazni.. a ja polahko štrapaciram na svoju domaju.. Neče mi se denes med gužvancijom bit.. lepše mi je malo okol naokol.. slabi su izgledi da bum nekog susrel.. za svet mojih pajdašof je još prerano.. a meni baš tak paše.. I Nesicu od vanilije sam pozabil.. vrabec ga dal.. viš kaj jesen načini od človeka.. Jeeee.. ta jesen.. zna to dugačko človeku zgledeti.. al kaj.. samo nek traje ta moja jesen.. kaj je dugše moguče.......

Serbus .................


















17:18 | zafrkancija (16) | Print | ^ |

ponedjeljak, 28.11.2016.

da mi vreme projde.......



Dragi moji..Jakobe i Vilhelm
Evo sam stigla.. ljepa zemlja.. divota..krasota.. milina..
zove se..Zrinjevac.. tak nekaj nit vas dva nemrete zmislit ....


- ideš stari
- idem ..idem..
- imaš kolica
- imam.. vlečem..
- pazi kak hodaš
- paaaazim ..
(ni pazil)





17:11 | zafrkancija (15) | Print | ^ |

petak, 25.11.2016.

Penzijonerski štikleci ...


1. - Kaj ste čule.. manijak hodi po Gradu i siluje ženske..
2. - Jezušmarija ..
3. - A kak doznat gde bu zutra bil.....


- Ne seri..Dinamo bu prvak .....


1. - Kaj velite.-. pokvareno meso nam prodajeju...
2. - Pa kaj.. bumo jeli mrkvu..
3. - Veliju da je i mrkva otrovna..
4. - Nek je.. važno da je tvrda..
1.2.3. - Alsooooo ......


- Pedeset let ju čekam...pedeset let vsaki put kasni.....


- Vrabec ga dal..pa kam sam dela očale.....


- Jebeš vse to.. pem domof .....










16:30 | zafrkancija (21) | Print | ^ |

četvrtak, 24.11.2016.

Zagrebački štikleci ....


Dobro je tak kak je.. vreme se drži kak bi si človek samo mogel poželet v ovo doba jeseni.. Nekak se do zdaj provleklo brez mrazeva.. magle.. pa čak i Celzijusi stojiju fest visoko.. I kaj bi človek na to imel prigovora.. Baš ništ.. I onda ti se ja sprešetavam nadugačko i naširoko posvud kam me noge odneseju.. Narafski.. celi je Grad več okičen za ..se reče.. adventcke dane i samo se čeka da naš gradonačelnik.. oni dotepenec z bregof.. zažga vse te silne lampaše.. A kak je vreme pravo.. još se po Zagrebu kopa i ore..pa tak napreduju posli na novoj fontani na Malom Placu.. Gajeva je napol zgotovlena.. i još se kojekašne bedarije zbivaju na vse strane. a kak se čuje bu još i vekših jer naš gradonačelnik.. jebal ga vrag kosmati.. najavluje da bu naš Zagreb bil prvi na svetu po trošenju penez za razne špelancije.. Rekel je da bu Njujork bil goli kurac spram Zagreba.. dakle.. za dva dana bumo vidli kak ti ogromni penezi buju zablesekali po Gradu...


Pogleč.. of človek je jen od fest poznatih bezkučnikof v našemu Gradu.. Prafzapraf.. živi v nekakšnoj špelunki skup z svojom pasjom familjom tam negdi okol Malog Placa.. Človeku je ime Darijo.. a kak je cuckima.. bogmeš si nis zapamtil.. Važno je znati da su ti Sibirski cucki jena familja.. tatek je onaj kaj vleče na braun.. mamica je bjela.. a ona dva fačuka su izpali nekak zmešani.. I tak ti se oni vsaki dan vsi skup sprešetavaju naširoko po Gradu jer..kak veli človek.. oni moraju puste kilometre prebežat da bi se dobro imeli.. pa ti njih Darijo vleče čez vse gradcke parke i šume.. pa ih zpusti tam gdi je to dopušteno da oni sami bežiju.. Drugač pa.. cucki su fino odgojeni.. mirni..poslušni.. i kaj je najvažnejše..fest strplivi.. Dok smo Darijo i ja malo pripovedali.. cucki su mirno sedeli i zjevali..a jen se lepo zavalil na moje cipele i zadremal..
Darijo je dotepenec v naš Zagreb.. narafski.. Bosanac.. došel je tam negdi posle Domovinskog rata.. Za doba rata je bil kakti dobrovoljac pri HOSu v IX Splickoj bojni a boril se tam okol Kupresa.. Pa si on i ja koji put malo obnovimo sječanja jer sam i ja v neko doba rata bil v Splickom HOSu. Gda sam mu nema tomu dugo rekel da je naš zapovjednik Jozo vmrl skor je na rit opal a cucki su začeli cvilet..
Darijo je kak bezkučnik velki siromaček.. nema penziju.. nikakšni penezi mu ne opadaju z neba.. živi od pomoči.. a cucke mu pomažeju hranit zagrebački mesari i dobri ljudi. Darijo makar je sirotinja nigdar ne žica po vulici.. ne prosi.. al bu rad zel ak mu negdo nekaj ponudi..a onda je to kak on veli..za cucke a ne za nejga.. More se videt da cucki lepo i čisto zglediju.. dobro su uhranjeni.. valjda zagrebački mesari ne škrtariju.. Vsaki dan okol desete vure Darijo cucke dopela sim na Cvjetni trg da se naločeju vode..malo si počine.. popriča z ljudima..pa beži dalše.. Zapraf.. Darija moreš na vulici zaustavit v vsako vreme i pitat za cucke.. ak zaželiš moreš ih pošmajhlat.. no treba se pripremit na .. slušanje.. Najme.. Darijo pripoveda sto na vuru.. za par časaka človek bu vse doznal o nejmu i cuckima.. Vse v vsemu.. lepo je videt tu družinu kak špancira čez naš Zagreb........................................


15:47 | zafrkancija (15) | Print | ^ |

četvrtak, 17.11.2016.

Špancirancije ...................


Su se razgraktali kak vrane tam pri Drekriveru v Cigan mali o tem kafiču v Tkalči.. Na sva zvona su hitili da se tu kuha kava u boji.. Pa si človek grunta kak bi to mogla zgledeti ofarbana kava.. Kak buš doznal ak nebuš došel.. I evo mene mam od jutra..ha.. dok ni nestalo farbe za kavu.. Gledim.. piše znad ulaza.. Sjedi5.. to je kakti kafe bar.. Pa me taj naziv podsjeti na nekaj.. i onda se spomenem da je na Bloghaeru blog jene blogerice registriran pod istim nazivom.. Sjedi5.. Pa ni vrag da je ta blogerica tu gda ja znam da je negde dole pri onoj slanoj bari.. Maa.. nekakšna Mela.. vučiteljica.. onak malo bucmasta.. barem kolko se na kipecu dalo videt.. No.. bum ja proveril.. gruntam si ja.. Dakle.. zajdem nutra.. a ono špelunka.. tri koraka sim tri koraka tam.. četiri stola deset stolcih.. vse drveno.. onak nekak po domaći ima štih.. šankerica nekakšna simpatična pucica.. jedva zvira iza šanka kak je sičušna.. Dobar dan.. glasno kak navek se ja najavim.. Ništ.. gledi me mala kak telica.. Dobar dan.. spet ja još glasnejše.. Dooda…čuje se z nejzine strane.. ipak nekaj.. Malo ja gledim naokol i pitam.. Kaj imate kavu u boji.. Daaa.. spet se čuje i dalje ništ.. A kak to zgledi..opet ja pitam.. Nis nigdar pofarbanu kavu videl.. Mala pipničarka šuti..pa se dosjeti i veli mi nek pogledim reklamu na stolu.. Vrabec ga dal.. težko gdi buš naletel na tak mutavu kelnericu..
Prafzapraf.. to i ni nikakšna pofarbana kava.. neg odzgor na kavu v šalički nameče nekakšneg vrhnja..pa na to znekim vragom nariše kakšneg črlenog..žutog.. cveteka.. il nekaj naškraba po tvojoj želji.. Doduše.. to pipničari več dugo delaju po kafičima..samo kaj je ovde to malo šarenije.. tam pri Mađarici v mojemu firtlu..kelnerica več zna da na moju Nesicu mora naškrabat velko slovo..U..
No.. fučkaš kavu.. ja bum običnu Nesicu z vanilijom.. Uzput pitam kelnericu da gdo je gazda teg kafiča.. Ništ.. mala šuti.. Pitam ja dal dojde kaj Sjedi.. Koji Sjedi.. pita ipak ona.. Pa onaj po kojemu se naziva kafič.. velim ja.. Ništ.. pojma ta nema.. A jel dojde kaj Mela..spet ja navalim.. Koja Mela.. spet z druge strane.. Of put ja začkomim.. mala mi donese Nesicu v lepoj špičastoj šalički al.. Nesica je jedva mlačna.. prozirna kak juha od repe v konc logoru.. Nisam štel nikaj dalše zpitivat.. vidim ja da tu hasne ni.. Nit je kelnerica.. nit je Nesica.. nit je kafič.. Pustil sam onu splačinu na stolu.. platil i otišel.. Ni rekla nit doviđenja…


Ipak sam zašel v noviju zagrebačku kavanu.. na dobrom glasu i z dobrim personalom.. Vse kaj buš tu naručil je odlične kvalitete.. poslugi se nemre zamjerit nit kolko je črno spod nokta.. a nutra je uredno.. komotno.. mirno.. tekar potiho svira dobra glazba.. Onak napol kmično kak kavana mora bit.. posluga v livrejama črno belim.. hitro dojde.. još hitrejše prinese naručeno.. Posebno su za pofalit kolači kaj se tak lepo smijeju z staklene vitrine.. Jenostavno tu človek more uživat..pogotovo ak si došel z kakšnom prijatelicom.. Al of put sam solist maaa.. falila mi je dobra Nesica posle one ajmprenove juhe tam pri Sjedom5……………


Tak malo plazim čez dobru staru Tkalču.. makar tu često dojdem il barem projdem.. navek vidim kakšni novi kafič..al kakšni štacun kaj ga još ščera ni bilo.. Prafzapraf.. navek tu nekaj je..al se menjaju vlasniki..zakupci.. nazivi.. pa mi navek zgledi kak novo.. Jesen je več debelo zagazila i v Tkalču..pa se pripremaju one terase za zimsko poslovanje.. stavljaju se ograde.. pregrade.. zagrade.. vse od stekla il plastike.. montiraju se grijalice tak da se more i vani sedeti.. V Tkalči nigdar nemreš fulat.. vsaki bu si našel mesto kakšno njemu paše.. Tak sam ja največ pri Oliveru Twistu jer mi se fest dopada kak je vređeno.. vse v štihu engleškog.. londonskog paba z osamnajstog stolječa.. Baš kak da ga je projektiral sam Čarls Dikens…. Drugač pa imam i rezervno mjesto v Tkalči..a to je Žuja pab.. a kaj bi drugo… ha……………….


Vani je fest oblačno.. veliju da bu zutra dež curel..pa malo koristim vreme za španciranje.. a nit mi ni poznato gda bum sledeči put.. Spremaju mi se od zutra velke obaveze..narafski..pajnkrti imaju rođendane ..imendane.. a vse se mora kak po zakonu pri meni slavit.. onda se podrazumjeva da bum ja jedini i odgovorni meštar vseg tega.. pa jednak tak i .. se reče.. investitor…ha ……………


Drvenja je več zmontirana i klobase se vrtiju i cvrčiju.. a mam polak je kotal z kuhanim vinom.. Ove klobase još nis probal..valjda buju dobre..a za to kuhano vino.. zapraf kuhano srajne..to znam da nebu nit za noge prat.. Al kaj .. človek se nameri i onda ne pitaš nit počem je ni kakvo je… Lani sam tu skorom vmrl gda mi se komad klobase zahkliknul v požiraku..tak da mi je vse zletelo čez nos.. Prafzapraf.. ni bilo krivo vino.. nit klobasa.. neg sam ja prevelki komad porinul v gubec.. Ovaj put moram pazit..polahko.. ipak sam ja stareši človek………………


I dok sam stajal na Trgaču i gruntal si..dal prejti kod kčerke na Zrinjevac.. il na trajvan pa domof v moju provinciju.. il morti nekam špancirat.. zazvoni onaj največi človekof neprijatel.. mobitel v žepu.. Zove me moj dobri pajdaš i pita da gdi sam.. Pa v Zagrebu.. velim ja.. na Trgaču.. Evo.. veli on.. dojdem i ja.. baš of čas krečem.. čekaj me .. Jebal ga vrag.. kak buš odbil pajdaša.. a on mulac do maloprije je bil v krevetlinu i zdaj ga je spopalo da pe v Grad.. a stanuje bogu za plečima.. v Stenjefcu.. Maa.. ne v ludijani.. neg v onim novim hižama malo dalše od Sertiča.. I dok on dojde sim na Trgač.. vuru vremena bu prošlo.. Pa ti se tak špannciram naokol.. malo je vani postalo južnato.. ni preveč hladno.. taman .. Gledim tu Bogovičevu.. več ju dugo nis videl brez teh silnih terasa..ambrela.. stolcih.. vse mi je gušt tu biti i posmatrati.. Negda su tu stanovali moji šulkolege..a denes ni nit jenog..zapraf.. tu v Bogovičevi više nigdo nit ne stanuje.. tu i tam poneki.. mogel bi na prste jene ruke nabrojit.. vse je to razprodano za debele peneze i denes su tu ..se reče.. poslovni prostori.. Evo.. mam tu na desno je stanovala jena Sanja..lepa pucica..kratko podšišana..črna kosa kak vrana.. črne obrve.. a več v sedmom razredu osmoljetke smo mi fakini doznali da je pri njoj i vse ostalo črno.. Bila je to napredna pucica.. več je onda znala da na pimpeku ne raste nokat …ha .. Na našu žalost.. cela se familja preselila v inozemstvo..pa smo se često znali prisječat črne Sanje i nejzine kuštrave Sanjice…ha…………………….


Narafski.. več su mi noge štele odpasti z riti dok je moj pajdaš došel.. i gda sam mu rekel kak me noge boliju.. jenostavno je zaklučil da sam več star.. Mulac jen..a on je stareši od mene celo jeno leto.. al domof spi do desete vure i onda se čudi kak je hitro došlo podne.. Dobru vuru i pol smo sedeli v Kavaliru na Trgaču.. ja sam zlijal v sebe još dve Nesice.. onda smo na čas prešli v Pimpek i kupili si nekaj za v požirak porinut..pa smo dalše pri Kavaliru tamanili Žuju.. Pa se fest čudila kelnerica da kak moremo po zimi pit mrzlu pivu.. Ha.. a mi bi se još bolše čudili da to nemremo…ha ……………


Denes se bum domof dotepel kak mužek kaj je celi dan na njivi kopal..al kak da sam kak šljaker bil v fabriki.. Boliju me noge.. težka mi je brenta od Žuje.. al ja sam na Trgaču namesto v trajvan.. zavrnul dol čez Ilicu.. Navade su navade.. A ionak sam štel videt kaj se dela na Malom Placu…


I dok z jene strane zgledi da je vse po starom ………………


Z druge strane zgledi baš kak da je ščera svršil drugi svecki rat i da je začela obnova…ha .. Najme.. naš gradonačelnik.. oni dotepenec z bregof je nastavil delati ono kaj je i naumil.. Fontanu.. V to ime je razkopal pol Malog Placa tam odostrag spram Radničkog dola.. i nit dragi bog nemre znat kak bu to zgledelo gda bu zgotovleno.. No.. kak bu da bu.. nekak bu.. fontana baš i nemre preveč smetat.. maaa.. kolko ih samo ima v Rimu i Beču pa nikom ne smetaju.. al da su se gracki penezi mogli bolše potrošit.. tu se slažem.. naprimer.. da su ih meni dali….ha ……………..

Serbus …….
























15:02 | zafrkancija (20) | Print | ^ |

srijeda, 16.11.2016.

štiklecof kolko hočeš ......


negdo je več dobil.. il tekar bu...... vritanjak....


jebeš Tuškanac...pemo domof na gablec...


19:02 | zafrkancija (11) | Print | ^ |

utorak, 15.11.2016.

Zagrebački štikleci ......


Te je baba z nudlbrotom po frnjoklu...ha...
Maaa..niii ...
Priznaj..pol ti se oprašta....
Ni baba.................šoc.......


Gazda..kolko je dreva za pilit..Ha...
Jen metar ..
Kaj se to splati iti tak dalko...Ha..
Paaa..ne...
Zakaj onda pemo...Ha...
Čkomi.. dobra je baba.. sam bil lani ...
A kaj bumo babu pilili...Ha...
Ja bum..
A ja...Ha ...
Ti buš pridržaval ....


18:28 | zafrkancija (14) | Print | ^ |

petak, 11.11.2016.

ništ ni ziher .......al Martinje je...


Vjutro je zgledelo dost normalno makar su prognostičari kazali da bu dež curel.. Gruntam si ja da morti i nebu baš od raneg jutra.. a kak po pitanju teg jesenskog vremena ništ ni ziher.. pem ja zbavlat kaj se još ima.. gdo zna kaj bu posle.. Na Medvednici več dva dni sipa oni beli prhlivec.. i ak coprnice na Medvedgradu začneju mahati z kikljami.. bu taj doprhal i sim dol.. Hmmm.. nekak mi denes Grad zgledi posebno pust.. je da je rano..al ipak ... Jedin je videti Duricu kak visi na štriku.. kaj je njoj došlo ....


Ipak tam malo dalše na Trgaču je bolše živo.. Radnička se klasa talasa.. kak sam to lepo rekel.. onak udarnički kak negda.. Stojim po strani i gledim kak ljudi letiju.. vse se trkaju.. al nigdo se ni na koga ne obazire.. I meni je za iti dalše.. makar mi se neče još jemput v trajvan zajti.. do sim sam se lepo dopelal brez gužvancije.. no zdaj je več nastala strka kak v kokošinjcu.. A.. zadatki se moraju rešavat.. pem dalše....


Da se ne pozabi.. denes je Martinje.. i Martine buju denes svakak dobile po kapslu.. a mi ostali Martini se bumo poškropili z mladim vinčekom .. ak ne baš zbog velke žeđi..onda poradi navade.. Pa gdo je videl na Martinje biti trezan.. nooo.. još mora nekaj cajti prejti dok si človek neda oduška pri puni kupici.. Aaa..kaj se mora.. bu se nekak zbavilo...ha ...


Narafski.. človek navek svrši tam gdi ga dobre volje nebuš dobil nit za zlatni groš.. No.. kaj je ..je.. svršil sam na Zagrebački policiji skroz dol na Hajnclovi vulici.. Maa.. zišla mi se šoferska dozvola.. pa treba novu naručit.. Se razme.. ščera sam samog sebe del na kipec i posle barem deset kipecof zabral jenega za tefter.. Denes sam se pa zduril pri Pošti za peneze v korist države.. i još nadodal državnih biljega.. I da nebu vse išlo gladko.. čekal sam jenu vuru v redu za šalter.. I to se je dobro sprešlo jer malo stareša ženska na šalteru se mam oraspoložila gda sam joj rekel.. Ljubimruke gospica Martina.. .. Me je pogledela kak da sam z Marsa opal.. prafzapraf..ja sam Mekon z Venusa.. no.. samo se nasmijala i kazala da tak nekaj ni več dugo čula i da joj je drago makar ni Martina.. Pa sam ja njoj odpovrnul da ak joj se baš tak dopada.. bum ja i zutra došel.. I tak.. smo se smijali a ostalima kaj su čekali ni bilo nikaj bistro.. Istinu bum povedal.. nit meni nigdar prije ni bilo tak dobro pri žandarskom uredu.. Ha....


Zove me moja najdraža na mobitela.. vrag jebal tu modernu tehniku..kak je bilo lepo negda gda si brez brige hodil po svetu.. zdaj mi to čudo zvoni na vsakom vuglu v žepu.. No.. javla mi moja da je prognoza loša i pita dal sam si zel ambrelu.. Maaa.. daj si mira odpovrnem ja njoj.. Daj si mira i ponašaj se kak da mobiteli ne postojiju... Bedak jen.. veli ona i zgasne mobitela.. Razmem ja nju.. brine se ona da se moja tikva ne zmoči.. Aaa..žensko je .. i nezna da su brtije na vsakem koraku.. A ja malo razgledavam naokol.. neka mi se pričinjava kak da je denes zajdni lepi jesenski dan.. istina da fali malo sunčeka.. a odzgor znad Medvednice se valjaju vse črniji oblaki..


Dok me noge držiju bum štrapaciral..ionak nis vsaki dan po tim periferijama.. Prafzapraf.. nit te periferije više ne zglediju kak negda.. na mestu negdarnjih njiva je zrasel moderni Zagreb.. ti vrapca..pa još pred deset let su tu roktali pajceki i mukale kravice a kokotički najavlivali podne.. Jeee.. ideju leta.. ništ ni kak negda.. človek se više nit nemre poscati za kakšnim drevom..fort negdo prolazi.. I kak sila boga ne moli.. moraš zajti v brtiju.. a i vreme je za Nesicu od vanilije...


Uspel sam se dovleči do mojeg Zrinjefca.. i sel sam si na klupu jer su več i moji cipeliši začeli jafkati.. baš mi je lepo tu.. pogleč samo kaj ti je Zagreb.. Istini za volju nebu dugo tak mirno.. pak bu naš gradonačelnik..oni dotepenec z bregof tu naredil celi kupleraj od sajmišta.. Norije su več ionak začele po Gradu.. vješaju se lampice po vulicama.. pa i tu su več stare platane okičene.. a za dan dva buju tu i štandi.. glazba bu svirala.. dečica se buju čudila sladkišima na štandima..a mamice ih buju vlekle za ruku i tvrdile da je to ..fuj.. Tak je i mene moja baka plemenitašica vlekla kak dečeca po Gradu a ja bi zabremzal pokraj Šiptara kaj je prodaval cukore z kištre kaj mu je visela okol vrata.. Narafski..ja sam štel baš teg cukora i ni ništ pomoglo kaj je mene baka uvjeravala da je to naređeno z ptičjeg dreka.. A kaj.. i drek je sladki gda ga poštaubaš z cukorom...


Kasno popoldan još jemput na Trgaču.. vreme se zmenilo.. zpustila se nekakšna Martinjska magla.. dež je začel bezgrešno padati po tikvama poštenih Zagrepčancof.. celzijusi su se malo zpustili .. opče se nebi preveć čudil da za koji časek i oni beli prhlivec začne plahutat z neba.. I po drugi put denes bežim domof.. zapraf mi se ne žuri al je sused Cajger pozval na finog mladog Portugizca.. negde je valjda vuru zamenil za punu velku demižonku.. ha.. A kak se podrazumjeva da bu tu nazočil i sused Špengler i sused Ivek negdarnji direktor z Končara.. pa sused Valek. onaj poznati šušter z Ilice.. taj je rekel donesti kostajnof.. ja bum donesel ogromnu suhu klobasu kaj sam ju dobil od babe Suhinke..ta ima onu poznatu restavraciju pokraj Jankomirskog mosta.. Špenglerova Marica bu spekla domaći kruh.. i još bu se našlo vsega i svačega za kulturno proslavit Martinje .. a kak je za računat da bu još negdo sa strane z susedctva dohajbal.. moram se požurit jer i onaj demižon ima dno.... Ha ...

Serbus ....
















16:49 | zafrkancija (17) | Print | ^ |

Došel je došel ..........



Svim Martinama....kušlec ...


07:38 | zafrkancija (9) | Print | ^ |

srijeda, 09.11.2016.

Serbus .....



nigdar ni bilo da me ni bilo..
al bu bilo da me nebu..
a dok me nebu da nebi bilo ..
zgibal je stari norc...
vu to ime ..pozdrafček vsim ....
imajte se po jesenski...


18:17 | zafrkancija (11) | Print | ^ |

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.