nedjelja, 30.10.2016.

Intermeco ......



Imajte se dobro ...


16:20 | zafrkancija (23) | Print | ^ |

petak, 28.10.2016.

Špancirancije........


Dan treba nekak započet.. pa zakaj onda nebi tu pri Zagorki..Pogleč.. i klupu su tu naredili za zalublene.. Istini za volju.. ta klupa baš i ni bogznakak pogodna za...hmmmm.. no.. lepo ju je videt.. A Zagorka je navek pripovedala o lubavi.. Gordana..Jadranka.. Manduša..Ksenija.... bi vrag vse zapamtil..


Tak nekak sam si i gruntal.. pri Oliveru Tvistu ni nikog od mojih pajdašof.. ha.. još su v krevetlinu i držiju babe za rit.. fučka se njima kaj sam ja več tu.. A posle me buju zvali na mobitela.. Paaa gde si.. buju se čudili.. A ja bum im odbrusil da sam na Kvaternjaku..pa nek se malo prešpanciraju..ha ... A ništ.. pem dalše da mi vreme projde...


I tak.. malo se divim navek lepoj zagrebačkoj jeseni.. pa se divim jenoj gospodični.. Jezušek kak je zgodna.. tu je dovlekla cucka na scanje.. i mam je zakričala da ju nesmem na kipeca deti.. No..dobro.. nebum.. velim ja.. pa ja slikam stare krovove.. Bedača..al je ipak cura i pol...


No.. tu pri Potepuhu nikak nebum propustil spiti si Nesicu od vanilije.. lepo se sednem polak izloga i gledim malo cvečarice..malo ženske kaj prolaziju...Hmmm.. morti prepoznam jenu ženskicu.. nosi navek krafle v škarniclu.. maa.. nemam pojma kak zgledi.. bi ga vrag znal... ha .. na koncu sam zel cajtunge i hitil se v politiku ... krafli buju drugi put.. morti...ha ...


Pa gda sam več tu na Dolcu bum i nekaj natrpal v ruksak.. znaš.. navek ti ja zemem z sebom il torbu prek ramena ili ruksak prek pleča.. nigdar neznaš na kaj buš naletel i kupil.. A ja ti nikak nemam rad nosit vrukama one vrečke i cekere.. Evo.. natrpal sam pun ruksak šipka.. to moje vnučice mlatiju navelko.. a i ja se saf zaflekam dok ga pojedem...


Štel sam ovem lepom angeleku savjeta dati da ne sedi na tem kamenu jer si bu tu malu guzičku sprehladila.. Al kaj.. morti bi me vrit poslala.. A kaj joj ja morem ak bu več popoldan kihala i čudila se odkud zdaj to... A bilo ti je to ovak....
.......................... Jemput sam tam na mojem Zrinjefcu snubil jenu zgodnu curičku.. pa mic po mic i lepo si sednemo na klupu.. A bilo je taki jesensko doba i pomalo hladno.. Veli ona meni.. Joooj.. kak me zebe za rit.. Nit pet ni šest.. ja sam podgurnul svoju ruku pod nejzinu riticu i mlada dama je lepo udobno sedela na mojem dlanu.. I tak je vreme prolazilo.. moja je ruka prvo malo žuljala.. pa su onda začeli oni žmarci od maleg prsta pa do ramena.. na koncu mi je ruka bila drvena kak i klupa na kojoj smo sedeli.. Al ja nikak nis štel ruku zmaknut.. da njoj ni bilo mrzlo za rit..gdo zna dal bi ja tak hitro dospel do guzice... Narafski.. mam tu jeziki imaju posla.. rašpamo si zube.. sline se cediju..al ruka je dol..
Gda najemput od nekud se stvori moj pajdaš Pacof i pita me kaj ja tu delam.. Bedak jen..pa kaj ne vidiš da sam si vlovil komada.. no nis mu to na glas rekel.. Imaš pljugu.. žica on mene cigaretlin.. Zemi si.. tu su mi v žepu.. velim ja pak nejmu.. Aaaa..kaj ti je z rukom ..čudi se on.. Mulac jen pa kaj ne vidiš da gospodična sedi na njoj.. objasnim ja njemu.. i skor sam ga vrit poslal..kaj se baš zdaj tu stvoril.. I tak.. zaraufa si on cigaretlin i uzput tu moju punu škatulu pospremi v svoj žep.. Ja sam i to prešutel samo da se on nekam zmakne.. Štel bi mu najrajše mamicu spomenut..a bila mu je mamica prava ženska..komad kaj smo se vsi fakini hrustili na nju.. a Pacof se naslušal onog.. Jebem ti mater.. I taj štakorski bezveznjak si je lepo sel na klupu pokraj mene i te moje novoizabrane.. friško vlovljene.. upecane.. i na saf glas komentira.. Čuj.. veli on meni.. a kaj ak ti mala prdne v ruku.. Eeeeh.. curička se hitro zdigla z moje ruke i rekla Pacovu.. Prostak jedan.. Pacof se samo dobro nasmijal.. i otišel nekam dalše.. a gospodični se najemput začelo fest žuret pa je i ona prešla.. ja sam samo dospel doviknut za Pacovom... Jebem ti mater... vrati mi moje pljuge..... Narafski.. naredil se mutaf....


Još sam se malo sprešetaval tu po Trgaču.. tu mi ni nigdar dosadno.. svakaj vidiš.. navek negdo poznati naleti.. a ziher je da tam prek pri Kavaliru negdo od pajdaša več i sedi pri kavici.. A mene je začel več tiskati ruksak pun šipka.. ti vrapca.. vlečem to naokol kak po kazni....


Dost je bilo za denes i za of teden.. pem zdaj ruksaka stovarit kod kčerke na Zrinjefcu.. malo sprešnjofat po mojem rodnom gnjezdu..makar to više ni nit slično onak kak je negda bilo.. No.. ipak rad sednem pokraj obloka i gledim dol na Zrinjevac.. Eeeh.. gda su sprešli ti lepi stari cajti...

Serbus ...........





















17:51 | zafrkancija (14) | Print | ^ |

četvrtak, 27.10.2016.

Kmično ......


Tak sam ti ja zavrnul od Ilice pa čez Tuškanac prolaz spram Griča brega.. vse sam si gruntal da bi mogel i dobro se zmočit ak se dež scedi z oblakof kaj su od jutra do samh krovih nizko plahutali.. A vani je kmično kak da se sprema povečerje..a ne da je jutro.. Ipak bum ja poveroval onoj zgodnoj prognostičarki..Ani z Nove televizije.. Jezušek kak ima ta dobru rit... no.. je kazala da nebu denes nikaj curelo z neba.. Pa sam tak malo plandral okol Tuškanac kina.. stare streljane vač odavno ni.. pa nit igrališta od Lokomotive gdi je po ljetu bila čaga na otprtom.. pod golim nebom... Pa mi se malo pogled zavlekel v tu palaču gdi je i denes nekakšna brtija.. Negda davno je tu taki bila brtija.. a v istoj luknji i slastičarnica.. Tu smo jemput sedeli moja mamica..tatek.. i nekakšni nijhovi prijateli pa smo skup išli v kino.. Posle kina smo svi bili fest žedni kaj smo hrustali slane kikirikije.. I tak da ne raztežem.. gda su si vsi naručili pri pipničarki kaj buju pili.. ja sam jasno i glasno naručil jen.. Badel.. Narafski.. mamica je skorom v nesvest opala.. a moj japa je naredil smrknutu facu..al su mu se oči blesikale od ponosa.. I gda sam na koncu z žepa zvlekel škatulu cigaretlina i šibice.. mamica je začela štucat..a japa je mrtaf hladan zel šibice i zapalil mi cigaretlin.. To je bilo prvi put da sam ja javno pred starima pokazal da sam od fakinčeka postal..fakin.. No.. to bu jena druga pripovetka..jemput valjda..


I tak korak za korakom polahko sam se spentral na brdo Grič.. je da sam malo puhal..zapraf.. puhal sam kak kojn.. no več nis tu bil od sredine ljeta.. pa da me moj lepi stari Gornji Grad ne pozabi.. bum se malo sprehajbal poprek pa na drugu stranu dol...


Vlečem se tu spodi oneg meteorološkog zavoda.. jeba ga vrag gdo je tu rječ zmislil.. tri put sam krivo napisal.. pa vse gledim dal bum negdi spazil oneg Vakulu kaj na Horvackoj televiziji prognozu pripoveda.. Obečal sam da bum ga za vuho šupil tak da se bu tri put spremetnul okol samog sebe.. Oveg sam ljeta tri put pokisnul kaj se je on zlagal da b nebu dež curel.. a curel je kak nori.. Al Vakule ni.. on je glavni šef tu.. valjda v to vreme još spi domof ...


Na Vranicanjevom pusto i prazno..pa čak nit jenog cucka ni.. al pasjih dreka ima.. valjda još od sinoć.. Znaš.. to je fest interesantno.. dok je tu na Vranicanjevom bila gola ledina.. blato i kamenje.. i samo dve potrte klupe.. tu se znalo okupiti nekaj ljudi.. Onda je naš gradonačelnik.. oni dotepenec z bregof naredil da se tu naredi park.. odonda tu više nikog nema.. A park je lepi.. nema se kaj prigovorit.. bi ja rekel da još samo fontana fali..makar jena mala... No.. stari Lotrščak ponosito stoji i nadgleda kaj se v Zagrebu Gradu zbiva....


Katarinska cirkva je zaprta. pa ja nebi nit zašel nutra.. nema nikakšne potrebe da se krof cirkve zruši zbog mene.. Nesicu pri popu nebum dobil..a tu v brtiji pri Kulmerovim dverima još ni aparatlin zagrijan.. daklem.. to bum zbavil negde drugde.. Nekak baš i nis razpoložen nit za Nesicu.. takšni je kmični i fajhtni dan da je človek skroz bezvoljan.. da ne velim.. dešperantni..


Prafzapraf.. nebum se nikaj preveč tu sprešetaval.. ti vrapca.. pa vse tu znam i poznam kak i svoj žep.. Nema se baš nikaj noveg za videt.. Al me navek nekaj odvleče gore.. a onda se pitam pokaj sam došel.. Eeeh.. to su ti one nostalgične daske v tikvi kaj se fort same od sebe preslagivaju.. A kaj.. negda ni dan prošel da nis makar pogleda hitil odzdola na Gornji Grad.. a zdaj me samo podsječa kolko je leta od onda do denes sprešlo...


Gdo bi znal kolko sam put sprešel dol čez Dugu vulicu.. I fort navek to ponavlam.. Pa se nit ne sječam gda sam na drugu stran..tam na Mesničku dol išel.. I negda davno je bilo tak.. gor na Grič bi se navek spentral čez neki od haustora z Ilice.. pa prek dvorišča po stazama gor.. I onda i denes su ta dvorišča zapuštena.. staze više ne postojiju.. največ je samo blato il prašina il zaraštena šikara.. Nigdo više tu ne prolazi na Gornji Grad.. prafzapraf.. denes i malo gdo zna kak se vse more gore dojti... Jeee.. prolazi vreme.. neki novi ljudi laufaju po Zagrebu.. fučka im se za stare staze i pohabana dvorišta..

Serbus........













17:42 | zafrkancija (11) | Print | ^ |

srijeda, 26.10.2016.

Hmmm......


Gdo je bedak..navek i bu.. A lepo su prognostičari ščera kazali da bu denes popoldan sunčeko zasijalo..Al kaj.. nebi bil ja norc gda nebi zišel van na vulicu mam od jutra.. Ha.. gdo bu čekal popoldan.. pa kaj ak su se sprevarili... I tak.. ambrelu znad tikve i polahko...


Znočka je dež curel vse do jutra..a ja bogmeš nis mogel spati.. v tikvi su mi se vse daske spretumbale.. narafski.. .. zgutal sam si jenog Asperinčeka.. i prešel gledeti televiziju pa kak stara kurva prešel pred jutro nazaj v krevetlin.. I gda bi najbolše spal.. zdrma me moja najdraža.. Kaj hočeš.. graknem ja kak stari gavran.. Diži se.. kriči moja.. si sam relek da vjutro moraš nekam prejti.. Vrag jebal vse dogovore.. obečal sam jenom pajdašu da bum vjutro bil v Gradu.. I kaj zdaj..


Vse mi je žal te dječice.. rano je.. dež curi a oni moraju nit krivi nit dužni v školu prejti.. A kak bi bilo lepo još jenu vuricu odspati.. Znaš.. i meni se kak đaku ni koji put išlo v školu.. pogotovo ak bi bila zima il bi dež curel...
Tak sam se ja jemput delal bedak spodi poplona.. Došla me mamica zbuditi.. Ajdeee.. dižiiii se ... zdrma me za nogu i prejde.. Narafski..ja sam ostal i dalše kak mrtaf spati.. Kaaaj je sad.. dojde i moja baka na vrata.. Kaj se nebuš zdigel.. MrrgrrFrrrr.. gundram ja spodi poplona.. Veli baka mom tateku.. Pogledaj ga..neče se zdignut.. A odbrusi moja japa.. Pa kaj.. neču nit ja.. pusti malog nek spi.. Eee..na to su moja mamica i moja baka.. obadve plemenitašice spametne kak enciklopedija začele filozofirat kak smo ja i moj japa potpuno jednaka bagaža i ništkoristi persone... No.. japa se ipak zdigel..prdnul kak kojn.. ženske su pobegle v drugu sobu.. pa sam se i ja stal i kakti začel oblačit.. za koji časek japa je prešel van.. zalupil demonstrativno z vratima.. Hmmm.. gruntam si ja.. i onda takaj fest zalupim z ulaznim vratima..al znutarnje strane i odplahutam potiho nazaj v krevet.. ha.. Tak... čujem ja z špajzcimera moju baku kak veli.. prešli su.. No.. fala bogu.. nadopuni ju moja mamica.. zdaj si bumo popile kavicu v miru božjem.. Negdi okol podneva navali moja baka v moju sobu.. narafski.. treba krevetlina posložit i obloka odprt.. I skorom opadne v nesvest gda mene spazi v krevetu.. Kaaaaj.. pa gda si se vrnul nazaj... Aaaa.. malo prije .. zlažem se ja.. I mamica se čudila.. Pa kak ga nismo čule da je došel...
Eeeeh.. vsi ti cajti kaj su prešli......


I tak sam ti ja v Privrednoj banki v Oktogonu celu jenu vuru čekal da dojdem na red.. Sva sreča pa je službenica bila dobro razpoložena..čak smo se malo i zafrkavali.. zgodna ženska.. A vani je dež prestal.. taman gda sam si ja spil drugu Nesicu od vanilije .. Zdaj pem poiskat pajdaša tam pri Kavaliru na Trgaču.. To bu značilo barem dve tri Žuje pospremit v moju brentaču.. A kaj se mora ni težko ....

Serbus ....






17:46 | zafrkancija (13) | Print | ^ |

utorak, 25.10.2016.

Fijuuuu... na biciklinu....


Fučkaš te oblake.. su spametni prognostičari lepo kazali da bu denes lepo vreme.. Pa ja ztim i računam.. zajahal sam biciklina i zaprašil dol po Zagrebački cesti.. znaš.. to ti je tam v mojoj provinciji.. I odkotural sam se kak raketlin po celi zagrebački.. preletel onu Aveniju.. produžil čez Petrovaradinsku.. i nakon dve flanjke..........


...da nis pošteno stisnul torpedo na biciklinu.. skončal bi v najvekšem zagrebačkom bajeru..Jarunu ... Ha..kaj bi se som Jura začel čudit kak je to jen još vekši som upal v nejgof teritorij...


Nikak si nis gruntal da bum sim došel.. al kaj.. biciklin je pelal kak norc.. semafori su bili vsi odprti na zeleno.. a ja sam jenostavno pozabil guvernala zavrnut na drugu stran.. I kaj zdaj.. vreme se sprolepšalo.. oblaki su zginuli.. sunčeko se začelo zdigavat...


Pogleč samo kak se stare jalše ..vrbe.. breze..i druga zelenjava dobro tu držiju.. kak da njim jesen ni baš ništ naškodila... malo bum se naluknul naokol.. vidim da nis tu jedini.. ima još drugih bedakof na biciklinu..


Vse pusto i prazno.. velim ja.. bolše je sim dojti po ljetu.. onda barem tu ima sva sila ženskica v badekostimima.. a denes tu nit žabu ni videt.. čak su i labudi nekam pobegli ...


A nebo je celo zašarano.. narafski.. to delaju oni mulci z avijonima.. a mene tjeraju porezniki da plačam poreza kaj moj avtomobil kakti zagađuje luft.. a pogleč ovo.. ha.. to je valjda nebeska umjetnost a ne zagađivanje...


Nebuš mi veroval.. tam pri onem bajeru Jarunu ima brtija na vsakem koraku..al kaj.. vse su zaprte.. nit jene jedine nit da si živlenje spasiš.. A ja bi si rad spil kakšnu Nesicu.. razmeš.. zmučil sam se na biciklinu do sim.. a treba još prejti nazaj domof.. Pa sam se bicikliral po vsem vuglima okol teh vukojebina.. Prečko..Špansko.. Vrbani.. čak sam zalutal i v park za cucke.. haha.. barem sam se poscal za jen jedini grm kaj tam raste.. haha..ja sam bil jedini cucak v tem cuckoparku.. I na koncu.. spas.. piše velkim slovima..Kavana... ti vrapca.. v takšnoj provinciji i kavane postojiju...


Istina.. dobil sam Nesicu od vanilije..al je bila skorom mrzla.. Pitam oneg za šankom.. kaj se morti ogenj v peči zgasnul.. Nis dobil odgovora.. valjda je človek mislil da se ja zafrkavam.. No.. se reče.. opči dojam.. je popravila reklama za Žuju.. Al kaj.. ja sam na biciklinu.. a Žuja je alkohol.. a pelaš se na dva kotača.. a semafori žmigaju.. avtomobili letiju kak stekli.. joooooj.. Jezušmarija kak me rit boli od teg biciklina.. kak da su me spreroštali vsi buzaranti na ovem svetu.. Fučkaš biciklin.. pem domof sedeti v lavor mrzle vode.......

Serbus ......
















17:34 | zafrkancija (19) | Print | ^ |

subota, 22.10.2016.

... i nikaj posebnog .....


I tak je puzdravo i cmizdravo vreme da se človek zapita kaj opče dela na vulici.. Dež curi več par dni.. a ja ..se razme.. pak sam ščera pri ciganki na Spalvnici kupil još jenu.. bi ga vrag znal koju po redu ambrelu....


Više opče neznam kaj tu delaju.. več po deseti put istu luknju skopaju..pa zatrpaju.. pa drugi dan pak odtrpaju.. pa nazaj zatrpaju.. i tak več tri tedna.. Bi se reklo.. vreme im ide.. a vreme je novac.. penezi razmeš.. Ni važno kaj se dela.. važno je da to negdo plati...


Pa nit je priroda bogznakaj.. a za društvo se nema kaj nadodat.. Društvo se razteplo.. nigde najti praveg človeka za prejti v brtiju.. a ženske kak da su nestale z oveg sveta.. Tulavo..kaj da ti drugač velim ....


Vsaki dan kak i onaj kaj je več sprešel.. fort jeno te isto.. No.. buju se stvari več zmenile.. samo da sunčeko zasija.. Mam bu se človek drugač imel..


I raufunkaši su došli na svoje.. doduše nemaju kaj po dimnjakima roštati..al hodiju naokol z nekakšnim apartlinom kaj svetli zeleno il črleno.. pa kakti kontroleraju raufunke.. bojlere..šparhete... tu i tam morti i kakšnu žensku sproveriju.. i tak ...


Gdo veli da je udruženi rad nestal z ovega sveta.. pogleč samo.. čak dvojica na jena kolica.. jen ruke drži v žepu.. a i drugi bi tak da more z pimpekom gurati teg trociklina..


Tak.. i jesen je svoje rekla.. nema se kaj prigovorit.. gdo je na redu.. na redu je.. pa kaj.. nigdar ni bilo da ni nekak bilo.. rekel je Potepuh..

Serbus.....












12:08 | zafrkancija (12) | Print | ^ |

utorak, 18.10.2016.

Pozdrafček vsim ....


08:35 | zafrkancija (13) | Print | ^ |

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.