Špancirancije .......
srijeda, 21.09.2016.
Eeeeh.. kaj ti je moj Zagreb.. i gda ja velim da takšneg na ovem svetu ni.. onda mi veliju da se napuhavlem.. Pa kaj.. imam se i zakaj... mi Zagrepčanci smo najbolši med mužkima.. imamo najlepše ženske.. bogati smo.. plačamo najskuplejši porez.. pa prirez.. pa komunalije kakšne nebuš nadalko skupe našel.. imamo vse vulice asfaltirane.. pa največ rupa v asfaltu.. imamo fontane.. neke su gradcke a neke od gradonačelnika.. oneg dotepenca z bregof.. imamo največ pasjih dreka po vulicama.....i tak.. da ne šlihtam tega preveć na hrpu.. Vse skup.. ja sam fest zadovoljan kak Zagrepčanec.... ništ ne delam.. dobro živim.. španciram naokol.. gledim ženske.. pijem Žuju.. paaaa.. gdi tega još ima... ha ........
I tak sam se z stareg Trnja prehitil prek livade na drugu stran.. Jeee..al livada več ni livada neg je to bogmeš med najlepšimm parkima v Gradu .. Istini za volju.. pred majnše od dvajset let.. na mestu teg parka su ofce vlekle po travi svoje brabonjke.. cigajnski kojni bežali vse naokol.. a Zagrepčance ni nigdar trefilo sim dojti.. Odnavek je stara Trnjanska cesta bila sirotinjski firtl.. pa tak i denes zgledi.. a kolko se zna.. i tem starom firtlu zajdni cajti tučeju.. Al meni je tak lepo videti te stare podrte hiže.. lepo mi se med njim prešpancirat makar tu više nebuš videl preveć ljudi.. Vse je to nekam prešlo.. največ na Mirogoj.. nekaj se razvleklo po celomu Gradu.. Veliju spametni da bu tu jenog dana znikel novi moderni firtl.. z neboderima i drugim staklenim gajbama.. da bu tu bil.. se reče.. elitni firtl.. Paaa.. nek bu.. mene do teg doba ionak više nebu ....
Znaš.. ja ti fest rad imam naše zagrebačke fontane.. kak nebi gda sam se pokraj jene i zlegel.. pa ti tak imam rad i ove Bandičeve fontane.. Naš gradonačelnik koji je naredil da se zgradiju.. narafski za naše peneze.. veli da nema rad gda ljudi to nazivaju Bandičeve fontane.. maaa.. laže bilmez kak pes.. uživa upraf stoga kaj se tak nazivaju.. Zna on da kak god službeno nazvali taj park i fontane da buju Zagrepčanci navek rekli da su to Bandičeve fontane.. Pa zakaj ne.. vsaki je zagrebački gradonačelnik v Zagrebu nekaj naredil i ostavil za čast i slavu Zagreba.. pa tak i Bandič.. I denes se ponosimo z vsim kaj imamo.. a zutra se bumo ponoslili i z ovim fontanama z kojih voda skače v oblake namesto da je obrnuto...ha ...
I tak denes celo prijepodneva malo sunčeko sija.. malo se oblaki kopitaju po nebu.. puše sjevernjak z Medvednice.. al vreme je.. ja bi rekel.. taman.. Od jutra je malo kakti više svježine..al dost da si ljudi mam oblečeju ajncuge.. veste.. pulovere.. vjetrofke.. a za videt su i ženske kaj su navlekle čižmake.. Vjutro im paše.. a v podne zevaju od vručine kak cucki.. pa vlečeju vse to kaj su vjutro na sebe nahitali v rukama.. Ja nis tak zmržnjen.. meni paše vse dok ni barem pet spodi nule celzijusa.. A do onda hodim v rubači i lajbeku..pa mi moja najdraža veli da plazim naokol kak bogec koji nema kaj za obleči.. Baš me briga kaj si gdo grunta o meni.. Vjutro sam pred sedme vure več bil na vulici v kratkim rukavima.. razkopčana rubača do pupka.. sandale na nogama.. .. pa me z balkona zabrinuto pita moja suseda Metuzalemka.. joj malo fali do sto let.. Jooooj.. sused..pa kaj vam ni zima.. Maa.. kaj bi mi bilo zima.. čim vas suseda vidim mam mi je vruče.. odpovrnem ja.. A Metuzalemka stoji v spavačici na balkonu i sva se stepa od zime.. Vi se sused zafrkavate.. veli ona i tak se osmjehne da sam se splašil da bu joj gebis z gupca zletel v dvorište........
Prafzapraf.. nit neznam od gda se v Zagrebu začela koristi rječ..fontana.. navek su to bili naši zagrebački vodoskoki.. zdenci.. a nigdar fontane.. To je nekaj z noveg doba jer se ja ne spominam teg z davnih dni.. Il voda skakala vis il padala dol.. zvalo se vodoskok.. No..pa dobro.. ak Rim i Beč moreju imeti fontane.. nek ih i mi imamo.. ionak bumo sprehajbali vse te evropske metropole.. kak vse zgledi.. naskoro bi mogli imeti Sulejmanovu fontanu.. Muhamedof vodoskok.. Homeinijef zdenac .... Hmmm.. valjda bu se negdo dosetil i da naredimo Kineski zid...ha ...
Mala sitna dinamitna.. rekel bi moj negdarnji pajdaš Ico i spremeštal svojeg kojnskog pimpeka z jene nogavice v drugu.. .. i svakak bi probal da privleče nejzinu pažnju z svojim krezubim osmjehom.. To je guzica a ne ti.. rekel bi Glavonja i nateraval jajca po žepima.. .. Pacof pa nebi odoljel a da se ne zaputi za njom i sproba jel je ta rit mehka il tvrda.. Bajs bi od šuba rekel da bi on nju u guzicu.. a Žohar bi na to rekel.. Fuuuj.. Se razme.. mam bi Žohar dobil koksa v tintaru jer nema pojma.. I onda bi nastala velka razprava o tem.. v guzicu.. razmeš.. I vsi su vse znali sam nigdo ni štel priznat da je igda van zvlekel posranog pimpeka.. ha .. No.. nebumo zdaj o.. se reče.. pornografiji.. al ove male nabite Japanezice z očima všrek svakak daju človeku gruntati.. Kaj ne ....ha ....
Serbus ....
ZAFRKANCIJA * * #
