srijeda, 31.08.2016.

Jezušek.. odpali mi podplati .....


Vsaki gubec prejde v Dubec.. pa sam denes tak i ja.. Morti mi negdo nebu poveroval..pa sam ja stoga naredil kipece kakti svjedočanstvo.. Sel sam si v jedanajsticu i pelal se...peeeelal... pelal... jebaga vrag.. dobre triftal vure.. Več opče nis bil ziher dal sam se morti dokotural do Bajakova...

Dubec..pripoveda oni glas v trajvanu z zvučnika.. dalše se nit nemre.. to je konec sveta.. Čim sam zišel z trajvana.. a morem ti kazat da se nas samo tri bedaka pelalo na kraj sveta.. no.. naletel sam na kiosk.. mam pri trajvanski štengi.. tak da sam mam vletel pred trgofkinju.. piše..Pekarnica.. Izvolte ..pita me ženska.. Maa.. nis z Voltinog.. ja sam z Črnomerca.. pa ak baš inzistirate.. dajte mi jen slatki štrudlin od jabuk.. Evo.. tak sam imel v Dubcu i dobrodošlicu ...ha ....

Tak kak sam im očekival.. na mestu gdi je negda rasla kuruza.. denes su zrasle te velke škatule v kojima ljudi spiju.. morti i nekak živiju.. a posvud naokol i dalše rasteju slične .. je a kaj.. dotepenci prihajaju vsakog dana... Negdarnji starosedilci su pobegli z nizine gore med brege.. kak negda Katari gda ih je inkvizicija naganjala...
Pa kam se obrneš..vse jeno te isto samo v drugačijim farbama.. Od negdarnjeg Dubca ni ostalo nit ..D.. al ima fajn posađenih javora pa se čak i ulica koju sam prešel naziva ulica javora.. gdo nezna.. Dub je isto kaj i Hrast.. pa se dubcem.. il dubrava nazivle hrastova šuma po koji je selo dobilo ime.. zakaj se još i denes naziva Dubec.. bi ga vrag znal..al ja nis videl nit jenog duba nit hrasta...

Daj pogleč.. pozabil sam zpustit roletline na aparatlinu pa me sunčeko zabliskalo.. No sam štel kazat da ljudi v Dubcu sasvim normalno zglediju.. skorom jednak kak i mi ostali Zagrepčanci.. ha.. a i cucki su dobro uhranjeni.. Ženskic baš i nis preveć susrel.. vse neke malo .. v kritičnim letima.. tak da se nit ne splati tikvu vrteti.. No.. po tem škatulama gdi ljudi stanujeju ima na velko štacuna..ovak.. Kafič.. Pekarnica.. Kladionica.. Kafič..Pekarnica.. Kladionica.. Kafič .. Pekarnica..Kladionica.. a videl sam i jen kiosk z cajtungami...

Narafski.. ja sam se zaputil nazaj v civilizaciju.. i bogmeš mi je do sim zgledelo kak cela jena avijonska stanica.. Ali tu mi je več malo kakti bolše poznato...ha ...

Ništ nis tu ja zmislil.. to kaj se vidi zapraf i je ..doduše malo stareši djel Kulturnog centra Dubrava.. Bi ga vrag znal.. morti je to još od zajdneg rata.. a se dobro zna da su se na istoku velke bitke vodile..ha...
A groblje Miroševec.. to je stara pripovetka.. Posluhni.. V neko doba pred puno let.. tu je došel jen dotepenec z Bosne.. zval se Miro.. I bil je fest poznati kakti velki ševec.. Znaš.. Bosanci ne fukaju neg ševiju.. I poševil je posvud naokol vse ženske po Dubravi.. a bilo je to doba dok su tu još bile guste hrastove šume.. I kaj.. Negdo mu je razbil tikvu.. pripoveda se da su mu i pimpeka odsjekli.. i zakopali teg ševca gor na bregu.. Pa kud jen mrtvak.. tu i drugi ..treti.. i nastalo je groblje.. Se reklo da je negdo pokopan tam gdi i Miro ševec...ha ...

Uuuh.. to kaj sam sprečital da je negdi tam dalko Centar.. samo me to još drži na živlenju.. pa hodim.. hodim.. vse pokraj mene prolaziju hiže.. neboderi.. soliteri.. no pa ima još i nekaj kuruze.. tu i tam.. valjda za uspomenu i dalko sečanje...ha ...

Evoooo.. Velki brat te gleda... rekel bi Orvel.. tak da se ne pozabi gdo je tu gazda... Hmmm..kaj taj norc dela tu na kandelaberu...

A ova tri nebodera su prvi neboderi gda se začela napuhavat ta Dubrava.. mam su posle negdarnje NAME. To su vse bili stanovi za radničku klasu.. narafski.. ondašnja se država fest brinula za svoje radnike.. se razme.. i za moje peneze.. I tu je stana dobil jen moj pajdaš z poduzeča.. Ni baš bil siromaček..al se je znal rivat vrit svojemu šefu.. i dobil je stana.. Još su mu i kakti prvom zapisanom na tefteru dopustili da si zabere koji stan hoče i na kojem katu.. čak je i v cajtungama bil na prvi stranici kakti primer dobrog gospodarenja i velke brige za radničku klasu.. Pa se taj moj pajdaš i uselil.. bedak.. zabral si je stan na poslednjem katu.. kakti bu imel lepi pogled.. neznam na kaj.. valjda na kuruzu kaj je onda prek puta rasla.. i da ga nigdo nebu smetal.. I tak.. jeno leto dni je vse štimalo.. a onda je najemput postal mrgud.. samo je klel.. začel je šepati.. hrptenjača mu se skrivila.. Mi smo ostali šuteli.. a kaj buš.. valjda človek ima zdrafstvenih problema.. pa gda on čkomi nečemo ga nit mi zpitivat.. Jenog jutra je došel na posel.. zbacal vse z šrajptiša i legel si .. No.. zdaj smo postali znatiželjni.. Da bog mater.. da suze majke božje.. pas mater..kojn mater.. i tak je vse po redu klel.. I na koncu je rekel da je v neboderu krepal lift.. No..pa kaj.. buju ga popravili.. velimo mu mi kamaradi.. Pizdu materinu buju popravili.. Švabe su lift ugradili v hižu.. i zdaj ga več dva tedna nigdo nezna popravit.. Haha.. a mulac si je zabral stan na dvanajstom katu..ha .. Al gda mu je znad tikve betonski krof procurel na krevet v šlafcimeru.. završil je na psihijatriji...

Nigdar nebi Dubrava postala poznata ni po čemu vse dok se nisu tu dotepli oni Janjefci z Kosova.. Bilo je to koncem šezdesetih gda je oni črleni vrag..Šuvar.. po Kosovu delal reda med Srbima ..Šiptarima i Horvatima.. Pa su se Šiptari okrenuli protif Horvata i ovi su prešli v zbjeg.. a kam neg v Zagreb.. I tu su na početku Dubrave naredili vulicu.. zgradili velebne obiteljske hiže.. a dotepli su se kakti sirotinja o državnom trošku.. No.. začeli su posle delat.. a vse redom šverckomerc.. To ti je postala najpoznatejša vulica na celomu Balkanu i naokol.. Konjščinska ulica.... Nigdo ni pital kakšne veze imaju kojni z tom vulicom.. al ta je vulica bila deset put bolše obskrbljena štacunima i robom neg celi Ponteroso v Trstu.. Zapraf.. gda je tu začela trgovina.. više ni bilo potrebe v Trst odlazit.. Kaj si štel tu si našel.. brod.. lokomotivu il gumu za gače.. Narafski.. vse su to Janjefci na črno delali i nigdo ni plačal poreza.. nit onaj gdo je prodaval nit onaj gdo je kupoval.. Pa je to trajalo vse do oveg zajdneg rata..a posle je presahnulo jer je došlo novo doba i za trgofce.. Janjefci su si po celomu Gradu i pol države pootvarali zlatarnice i još denes su v ti branši monopolisti... Denes od vulice ni ostalo skorom ništ.. prazni štacuni.. prazne hiže.. kak da je kuga sprešla...

Ma kak god zgledelo dobro.. još sam ja na dalkoj provinciji .. od Ravnica pa do Trgača imaš kaj videti puta i iz avijona.. a kamoli ovak kak ja.. cipelcugom.. Bogmeš su mi se podplati več dobro zagrijali....

Dakle.. ja bi tu stanovnikima na Ravnicama naplatil posebni porez.. Ti vrapca.. sel sam si prek puta na klupu spodi javora i jeno petnajst minut šnjofal po luftu.. narafski.. čokoladu.. Ha.. tu je fabrika Kraš.. a ja imam rad čokoladu.. onu za jelo i kuhanje..tak na njoj piše.. ta mi je najbolša.. nije preveć sladka a i dugo se drži v gupcu ak ju cuclaš.. Al ja ju mam prežvačem i zgutam celu tablu dok bi rekel kruhimast...ha ... Haha..a prek puta fabrike čokolade je nit majne nit vekše.. Starački dom.. Pa gledim te starčeke kak stojiju spred svojeg doma i vsi držiju frnjokle v vis.. i šnjofaju pa hodiju naokol kak zdrogirani..

Kak zgledi.. ljudi tu imaju i preveć cajta za norije spelavat.. Pogleč samo kakšne biljke tu rasteju..ti vrapca.. valjda to negdo vsaki dan šiša.. ha.. A ja sam se zapraf sim malo navrnul da bum morti svoju pajdašicu negdi susrel il videl.. pa ništ.. jedin ak opadne z balkona buš ju videl na vulici...ha ... Vse v vsemu.. moderno je to mesto i lepo za živlenje.. istini za volju i tu su te velke krletke..al ipak bolše zgledi neg tam v Dubcu..

A da nije zlato vse kaj blešči.. more se i tu videti.. zmed ogromnih novih škatula.. najde se i nekaj kaj ljude spomina na negdarnje davno vreme.. Več dugo nis v Zagrebu videl štrik z vešom.. Gdo zna.. morti je i opran na rifljači..

Dost mi je.. več tri vure hodim naokol.. nikak dopreti do civilizacije.. brez poputbine..nikaj Nesice.. nikaj Žuje.. jedin oni zalogajček v Dubcu.. Nejdem dalše nit jen korak.. Čekam trajvan..pa makar do večeri ...

Serbus ...


19:08 | zafrkancija (21) | Print | ^ |

utorak, 30.08.2016.

Špancirancije ....


Vjutro je zgledelo nekak dost sivo.. gor sivi oblaki..dol sivi asfalt.. a meni je spred očiju taki bilo sivo jer sam moral pak zadatke izvršavat.. A celu noč nis spal jer sam čekal gda bu dež opal.. Kak su najavili prognostičari.. z Dežele se knam zaputilo velko nevreme..oluja.. grmlavina.. strašni pljuskovi.. No.. pa ni meni do teh nostalgija.. ja sam zapraf čekal obligatni pljusak da mi lepo opere avteka na dvorištu.. Tri sam se dana pelal posvud naokol i z šoferšajbom potukel miljon muha.. komarcih.. pčela.. osa.. barem dva leptira i jenog bumbara.. I na koncu se skroz tu šajbu ništ ne vidi.. Al dež se ni pojavil nit kakti obična kaplica.. a kaj bi grmelo i sjevalo.. Ništ.. Gda susretnem oneg Vakulu z državne meteloro..Ne.. meteologirije..Ne.. meteorologije..jebal ga vrag gdo zmisli takšnu rječ.. no.. bum tem Vakuli il razbil frnjokl il nek mi plati prajne avtomobila.. Nemre se on tak zafrkavat z ozbiljnim ljudima..

I kak jutreko odmiče.. tak se i sunčeko polahko primiče.. doduše.. velka je bitka na nebu.. nedaju se oblaki.. neda se nit sunčeko.. ja sam za vsaki slučaj na tikvu navlekel svoju šiltericu.. del torbu prek pleča i nutra pogurnul ambrelu.. kak bu da bu.. ak se odnekud spukne ono velko najavleno nevreme.. istini za volju..ta cigajnska ambrela nebu ništ pomogla..al navek je kakšna brtija pri nogi... ha ...

Znaš.. ja ti nigdar ne hodim praf po vulici kak drugi ljudi a da bi nekam hitrejše došli .. ja ti zajdem v vulicu levo.. pa v vulicu desno.. pa razpalim poprek kašneg trga il parka.. ak nikaj drugeg.. hodim po vulici..se reče.. slalom.. kak ona Janica skijašica.. Pa ti se malo naluknem v kakšni izlog.. pa se obrnem za kakšnom ženskom.. A vse to samo da mi projde vreme.. razmeš.. Dobim zadaču koju moram izvršit pa onda to mora zgledeti kak velka i važna preokupacija.. Otidem od domof zjutra a vrnem se v podne.. I pitaju me pri hiži..Paaaa gde si tak dugoooo.. A ja im odbrusim.. Kaj hočete.. ja sam posle zbavil.. probajte vi sami pa bute vidli kak je to.. I onda vsi čkomiju.. No.. narafski.. nis ja spomenul nit dve uzputne Nesice od vanilije.. nit vizitiranje v dve pekarnice.. i se razme.. nakon vsega i dva kriglina Žuje.. Vse to se računa.. kak se negda reklo.. režijsko vreme... il.. vse ide v radni staž... ha ..

Vrabec ga dal.. kolko tu pripovedam..a pogleč.. još se nis zvlekel z Stare Vlaške.. pa kaj.. fučka mi se.. gdi je još poldan.. Jedin sam primetil da v Stari Vlaški više nisu dve hiže v kojima se zlegel negdarnji gradonačelnik.. Gustaf Šenoa.. jenu su ploču skinuli z fasade.. Pisal sam ja dva put oni zgodni.. babi arhitektici kaj je pri gradckom poglavarstvu zamjenica šefa za kulturnu baštinu Grada Zagreba.. to se tak reče.. pa ništ ni pomoglo.. I pred tri tedna sam ju uspel od prve dobiti na telefon.. I lepo ju pitam da mi pojasni kak se je stari Gustaf mogel zlegnut v dve hiže najemput v Stari Vlaški.. a vrml je samo jemput v jeni hiži v Mesničkoj.. Malo je nekaj štucala i hripala v telefon.. se opravdavala da to ni ona naredila..al da se bu razpitala o tom.. Vidim denes da je jena tabla nestala.. dakle.. naš najpoznatejši zagrebački gradonačelnik Gustaf Šenoa ni Marsijanac neg človek kaj se more samo jemput rodit..

Vreme je vse bolše.. ja vse sporejši.. stojim na vuglu pa gledim kak prolaziju trajvani.. ti vrapca.. kak da sam se z brega zpustil i prvi put videl plavu škatulu na štreki.. Odnavek sam ja imel rad te naše zagrebačke trajvane.. a bogmeš sam i imel još kak klinac ..se reče.. inicijaciju med frajere jer sam se pelal na pulferu od Trgača do Maksimira.. a natrag zmed dve prikolice.. Negda su neki trajvani vlekli po dve prikolice.. jedanajstica..dvojka.. dvanajstica.. Al sam bil još prije tega fest napredni klinac pri svoji bandi na Zrinjevcu jer sam ravnopravno z starešima frajerima raufal cigaretline več z jedanajst let.. Z trinajst sam se nasaugal Badela.. i isto leto ostal brez jumfera pri nekakšnoj frenterici v Milerovom vrtu v Petrinjskoj vulici.... No.. pustimo to za drugi put...

Bogmeš sam se dobro zalaufal.. pa nis nit primetil da sam več na par korakof od periferije.. Čuj.. posel kaj su mi domaći naredili sam zbavil.. pa dalše plahutam kak leptirek..ha..kak sam to lepo rekel.. ja leptirek... čelavi haha.. Baš gledim.. Petrovu cirkvu su bogmeš dost hitro obnovili.. ostalo je još nekaj malo z dolnje strane.. čak i vura dobro ide.. Jedin kaj me ražalosti su ta lepa dreva kaj su več na pol požutela.. Jeee.. jesen se približava.. za čas bu tu.. buju dreva ostala gola.. Pa ni važno.. moj Zagreb je meni navek lepi.. kaj.. i ja sam čelaf pa lepo zgledim... haha.. narafski.. mojoj susedi Metuzalemki kaj je neki dan proslavila devedesetpeti rojsni dan.. Su joj deli samo jenu velki svečicu na tortu i zažgali.. Pa je stara puhala i puhala.. zapluvala je i sebe i tortu prije neg se svečica zgasnula.. I onda se čudila kaj nigdo neče jesti tortu..

Dost mi je.. kak sam rekel.. neče mi se denes prejti prek Kvaternjaka v periferiju.. Makar sam obečal jenoj svojoj pajdašici da bum došel pogledeti kak su lepo zasfaltirali Maksimirsku.. To bum drugi put.. svakak prije zime.. Jezušek.. kom sam vse dužan dojti i nekaj naškrabati o nijhovem djelu Zagreba.. neznam gda bum vse to stigel.. bu me prije vrag zel.. Hmmm.. zdaj je več poslednji časek za spiti Nesicu.. španciram po vulicama..pa vse samom sebi velim.. bum v sledečoj brtiji.. pa bum tam z druge strane.. pa mi se v jeni ne dopada.. v drugi je konobar a ne konobarica.. kak bu da bu.. v nekakšnu luknju bum zašel.. a nakon toga.. se razme.. pekarnica... aaa.. još nakon tega.... maaa.. ni važno..

Serbus .......


17:47 | zafrkancija (14) | Print | ^ |

ponedjeljak, 29.08.2016.

trajvanski štikleci ...........


Na stanici samo stoji stara šestica.. napol prazna.. Ljudi koji put rajši malo pričekaju da dojde koji novi trajvan neg da se drndaju v tem razklimanom Čehu kaj klopotari po štreki kak stara rajnga .. No.. meni je sasvim svejeno.. trajvan je trajvan..a ja sam se v živlenju pelal i v dalko starešim piksama od oveg čeha.. I tak ti ja zadjem nutra.. ljudi taman da si moreš zabrato mesto za sedeti.. Pa gda je več tak.. bum si i ja sel.. Pa se ja sednem na črlenog stolca.. to sam namerno naredil.. ak mi slučajno dojde potreba prdnut.. bum se sprdel na črlenog.. ha … Trajvan stoji..stoji.. ljudi ništ ne prihajaju.. još se osjetiju ljetni deficiti na vulicama.. A..još par dni.. i pak buju gužvancije.. radni bu narod vjutro navalil v trajvane.. pa đaki.. študenti.. penzijoneri.. i mam bu stiska…
Tak ti ja lepo sedim na tom črlenom stolcu..mam pokraj vrat.. gda najemput nekaj meni za leđima zaštropoče kak da bi kamijon vletel v trajvan.. Obrnem tikvu..gda imaš kaj videt.. Nekakšna ženska je štela zajti v trajvan.. pa se spopiknula na gornji štengi i razprostrla se po celi duljini i širini na podu trajvana.. onak se razvlekla kak palačinka.. Torbica i ceker su joj zleteli z ruk..a cipela joj je zletela nazaj z trajvana van.. Jooooj.. jooooj.. zavapi ženska… Hitro poskoči človek kaj je sedel prek puta mene.. skočim i ja.. zgrabimo žensku za ruke i pomognemo ju zdignut.. Negdo je i cipelu donesel i ženska si sedi na stolcu.. Mi mužki vsaki na svoje mesto.. a ona ženska celo vreme mrglja.. pa se videlo da ni preveč jako lupila na pod.. jer se samo sprevrnula prek štenge.. no.. jamra ona kak da je opala z kandelabera.. Jooooj.. jooooj.. poglečte kak mi je koleno počrnelo.. gledi ona svoje koleno.. pa joj oni mužki to malo pogleda.. i reče.. Ni vam koleno pocrnelo od udarca.. neg je zmazano kaj ste po podu trajvana postrugali.. Čkomi ženska.. hračne da dlan ruke i trlja po kolenu.. vse je razmazala..pa ponovno hračne i dalše trlja..pa nazajdne vse z kikljom pobriše... Pokazalo se da kolenu ni ništ.. i nakon par hračkanja i brisanja koleno je čisto.. a ženska si na zajdne ruku postrugne po stolcu ispred svojeg.. Trajvan još stoji.. več su po drugi štreki prešli i jedanajstica i dvojka.. Ona ženska najemput začne na glas jamrati.. Jooooj.. kak je vruče v tom tramvaju.. opče nema zraka.. Istini za volju.. v tim starim trajvanima je vruče bolše neg v novim.. al su tu sva vrata otprta dok trajvan stoji.. No.. se zdigne oni človek pa pokraj ženske otpre oni oblok kaj se more pošibati sim tam.. Ahhh.. ev.., mam je bolše fali ženska situaciju..
………………….I konačni se Čeh začne koturati po štreki.. Al kaj.. nejemput žensa zavapi kak žedni v pustinji.. Jooooj.. kaj ste otprli taj prozor.. sad mi puše po glavi.. bum dobila upalu uha.. Pak se oni človek zdigne i napol zapre prozora.. No.. ni dobro naredil.. ženska ni zadovoljna.. Jooooj.. malo ste previše zatvorili..sada opet nemam zraka.. Na to se človek više ni obaziral.. Meni je več prije postalo bistro da bu z tom ženskom bilo fest problematično.. Nit se je zafalila kaj smo ju zdigli.. pokupili joj stvari kaj su se razsipale naokol.. celo vreme samo mrglja i prigovara na trajvane..tramvajce.. fort cendra da bi ovo pa bi ono.. Dakle.. nigdo se ni pomaknul da bi joj dalše želju spunjaval kaj se dotikavle obloka i lufta..


Pela trajvan nekak polahko.. na vsakem semaforu ga dočeka črleno.. i još se nekakšni kamijon okretal na štreki i pokušaval zajti v haustor.. I onda spet… Jooooj.. kak mi sunce sije baš u oči.. zakrešti ženska.. trebala sam sjesti na drugu stranu.. i ogledava se po drugi strani.. al su stolci v trajvanu vsi popunjeni.. Ljudi glediju v žensku jer nemreš vsaki dan videti norca v trajvanu.. a ova je ženska norc i pol … najemput pogledi v mene i veli.. Čujte gospon.. bi ja mogla na vaš stolac a vi na moj.. samo se spremestimo.. Ja se delam tulac i samo gledim čez oblok kak da ju nis nit čul.. A ona začne.. kak su denes ljudi bezobrazni.. kak nigdo nikog ne vidi nit ne čuje.. kak je ona stara ženska i treba joj pomoči..kak je ona zaslužila penziju.. kak ju je muž ostavil z dvoje djece.. I tak je nabrajala na sav glas.. pa je nazajdne zašla i v politiku i začela lamatat z jezikom po vsim politikantima redom.. koga se dosjetila.. Stari je Čeh tekar do pol pun.. ljudi se podsmjehuju.. a nekakšni stari ju još i namerno kuba sa strane pa ona još bolše lamače z jezikom..
Na Malom Placu je kak strela zletela dol z trajvana.. a na stolcu je ostavila ceker.. Nigdo se ni pomaknul .. ceker se pela dalše..sva sreča..taj samo čkomi ....



10:06 | zafrkancija (17) | Print | ^ |

petak, 26.08.2016.

zagrebački štikleci .......


Hmmm.. nikak mi ni bistro zakaj je of zašel v tu kiblu..
a nit mi ni bistro kak bu van zišel..
Morti bu nam Štefek z Grockog to pojasnil ...ha ....


Zakaj vsaki angelek ima pokraj sebe nekakšnog tulca..
Da je moja.. spala bi mi na rukama.. eeeeee.....


Đukica Puček je saf deprimiran.. još ni skupil peneze za popravak vešmašine..
Pobegel je z Oktogona sim na Harmicu.. Veli da ljudi kaj peju na plac ništ nedaju jer čuvaju za kupovinu.. a gda se vračaju.. vse su potrošili.. Da je malo stareši.. zafrkava se... .. prešel bi v Pariz.. al kaj.. tek su mu 73 leta...


A ja sam se naluknul nutra pa nis videl nikakšnu živinu.. Jedin jenu zgodnu ženskicu.. Zbilam svakaj..


A da vidiš cjene.. O la la.. O la la.. O la la .. O la la.. O la la.. O la la.. O la aaaaaaaaaa...


Uaaa ...
Uaaaaaaaa...
Uaaaaaaaaaaaaaa...

( UUUUU zdaj mi je nekak lagše..)












08:50 | zafrkancija (12) | Print | ^ |

ponedjeljak, 22.08.2016.

gda te hoče... ide te kak po žnori....

Znaš.. hočem se ja malo pokazat ka dobri domaći papak.. pa sam lepo zel saugera.. još tomu veliju usisavač prašine.. i bum ja posaugal vse sobe.. tepihe.. i vse kaj se još more.. I tak ja lepo zalaufam teg saugera.. tuli on kak dinosaurus.. vse se tepihi zdižeju gor.. skorom mi je forhangu progutal.. a dve kune kaj su se skotrljale spodi kauča je pojel brez pitanja.. Sam se sebi divim kak ja to znam..kak sam ja dobar muž.. kak bum svoju najdražu razveselil.. morti dobim i kakšnu nagradu za životno djelo..ha ...
I najemput sauger zatuli kak celo krdo mamuta.. nekaj pukne kak da bi pištolu opalil.. a po sobi se razvleče sivo bjeli oblak ..prašine.. Vse kaj je bilo v saugeru još od prije.. zdaj je nekak znjega zletelo van.. I dok sam ja zgasil teg monstruma več je cela soba zgledela kak pustinja v Nevadi.. Jezušek.. kaj se to sprepetilo.. Ništ.. odnesem ja saugera na terasu.. otprem ga i raztavim na kolko se god moglo djelova.. Jeee.. tu je falinga.. jebal ga vrag.. pukel je jen filter i čez tu rupu se sauger spobluval.. taman meni v špajzcimeru.. Vrabec ga dal.. da si to videl.. celi politirani mebl je postal sivi i bjeli kak da je v sobi eksplodiral Kokokatepetl pa zasipal pepel.. Po forhangima su viseli mački.. tepihi su zgledeli kak da bi ih donesel z Pompeja posle erupcije.. Strašno.. i baš se to moralo zdaj meni pripetit.. Narafski.. drugeg filtera nemaš.. treba ga negdi po štacunima poiskat.. I obrčem ja telefone.. zovem one servise.. i nakon jene vure saznam gde se to more nabavit... I nema druge... ja spodi tuša jer sam i ja zgledel kak mlinar kojem je na tikvu vreča brašna opala.. i pemo v nabavu ......


Pa se pelam z trajvanom kak na kraj sveta.. nikak dojti.. čak sam si i sel na stolec jer ni gužve.. Subota je a i još se osetiju malo oni urlaubi.. pa ni đakof ni.. Skor sam zaspal.. pa srećom se javlja oni glas kaj najavljuje koja je štacija...


I gda si se dokotural..eee.. onda imaš kaj za hoditi tam kam si se zaputil..a prafzapraf nit neznaš dal buš to našel ...ti vrapca..pa ta Hajnclova vulica nema konca ni kraja.. A lepo mi je najdraža rekla da nek prejdem z avtekom.. a ja nis posluhnul..kaj bi se ja sprevažal po Gradu i iskal parkirališta.. kak se posle ispostavilo.. parkiralište je bilo skroz naskroz prazno.. Aaa.. bedak..kaj buš..


I onda na jenom djelu presječem Hajnclovu napoprek.. i najdem se na Radnički cesti.. Vrabec ga dal.. da ne piše na tabli nebi nikak pogodil koja je to vulica.. ta Radnička cesta je sto let bila kakti vulica puna zmazanih fabrika..skladišta.. mjesto za razne odpatke dopelat.. i največ pa trulih baraka gdi su živeli siromašni radniki.. Gledim.. jeee.. fest se je tu zmenilo.. pogleč samo.. ni za prepoznat... Bogmeš.. rjetko tu i zajdem.. a i kaj bi delal na ti provinciji...


Sam se zatekel na nekakšnem ogromnem razkršču.. kak da bi v Lenjingrad došel.. ogledavam se.. ništ mi ni tu poznato a samo me dva leta tu ni bilo.. Gledim tu mračnu škatulu.. kaj bi to moglo bit.. sam znatiželjan pa pem ja gledeti..No.. nikaj ni za videt.. nit gdi kaj piše.. nit ima živog človekla.. a znutra v velkom lepom dvorišču se sprešetava ogromni pes.. Aha.. čim je primetil da sam se naluknul čez nekakšnu rešku.. mam je dohajbal i zkezil zube.. Kaj vse človek nebu doživel v vlastitom gradu...ha ..


Evooooo.. tu smo.. to sam iskal.. A lepo mi človek prek telefona objasnil da bum ih našel tam na kraju Hajnclove.. pozadi Policije..a prek puta Čistoče.. I baš je tak... Kupil sam noveg filtera za moj sauger.. narafski..taj ficlek od papira i malo plastike me košta sto kuna..a još nis nit spil koju Nesicu nit Žuju.. a da ne pripovedamo kak nis tu zatekel nit jenu Pekarnicu.. Ti vrapca..pa kak tu ljudi živiju i delaju.. brez pekarnic i brez brtija...


Z filterom v žepu.. brez sto kuna.. gladan i žedan zaputim se malo špancirat po Radnički cesti.. Zbilam se tu svakaj zgradilo.. velke poslovne hiže..največ su to staklene kištre.. ima i nekaj velkih hiža za stanovanje.. Negdarne pohabane barake gdi su živeli radniki su davno porušene..ali je ostalo par ništ bolših zidanih od cigle i nadometnutih z plehovinjem.. daskami.. To su ostatki radničkog naselja.. i tu denes više ne živiju radniki neg su to kakti privremeni.. se reče smještaji za bezkučnike,, dotepence..skitnice.. i bogtepitaj kakšnu živinu.. a ponajveč je tu Ciganof.. Bežiju mali Cigani posvud naokol.. neki i goli skačeju po nekakšnoj staroj badevani.. stari Cigo sjedi na podrtom stolcu i zpušta velki dim z ogromne lule.. ciganke se v jenom dvorištu svadiju da ih se čije na dalko..a jen velki brkati Cigan im mater kune.. Vidim ja da se tu ni dobro dugše zadržavat.. bi ga vrag znal..kak vse tu naokol po tim dvoriščima zgledi.. morti i ljude jedeju.. A mene su fest sumnjivo gledeli kak šklocam z aparatlinom...


I gde več započneju dalše normalne hiže.. na jenom zidu velka parola.. Lepo ti ja velim da tu ima i ljudoždera.. pogleč samo.. tu je narisana sekira kak pimpeka na pol presječe.. Na korak dalše od teg zida je štacun i človek stoji vani.. gledi kak ja to na kipeca mečem.. Pa ga ja pitam da zakaj je ta parola.. Mater im cigansku.. svi oni.. ti cigani.. tu dojdu scati po tem zidu.. Al največ po kmici..a cigančiči po celi dan.. Pa to tak smrdi da se na deset metri osjeti.. I nigdo im nikaj nemre.. Zval je človek i Policiju.. i gradcke zdafstvenike.. inšpekcije.. i ništ se nigdar ni spromenilo.. Veli da ti Cigani v tim bajtama nemaju nit vodu nit kanalizaciju.. da su se tu bespravno naselil.. da samo smetje navlačiju i da je vse puno štakorof.. Eeeh.. tak je to.. Gda ti Cigani prevršiju mjeru.. onda im naš gradonačelnik.. oni dotepenec z bregof.. podjeli stanove tam v Jelkofcu.. i dok se jena cigajnska banda odseli.. mam istu noč drugi dojdeju..ha ..


Kaj se bolše približavam civilizaciji to bolše naokol zgledi.. je da su to nove moderne kištre za stanovanje.. al su ljudi sretni kaj su tu.. To su taki nekakšni socijalni stanovi koji se djeliju kapom i šapom v našemu Gradu.. A ono tam velko.. ta staklena krletka je poznati Zagrebtaur..Pa nis ziher zakaj je poznati.. kak se čuje napol je prazni.. Šteli su tu nekakšne gradcke službe preselit..al se činovnikima neče iti z centra grada na provinciju.. Ak nikaj drugeg.. buju morti sim one Cigane preselili.. pa nek scaju i sereju po liftima..


Viš te ofucane betonske škatule.. To su prvi betonski neboderi zgrađeni tam negdi koncem pedesetih leta na negdarnjoj Varaždinskoj cesti.. kajsnejše vulici Proleterskig brigada.. a denes je to vulica Grada Vukovara.. Prafzapraf.. to ti je tu Bogu iza riti bilo i onda i denes je.. Tu su naseli one oficire črlene narodne armije i nijhove familje.. največ pa z kakšnih palanki z Srbije.. Gdo je denes nutra.. bi ga vrag znal.. neče mi se iti gledeti imena na zvoncima.. ali bi lahko tu još uvjek živeli djeca prvoboraca i šumskih sekretara..


I onda sam odlučil skončati tu provincijsku španciranciju i zajti na trajvan kaj pela v civilizaciju.. Stal sam na trajvansku stanicu i čekal..čekal.. čekal dobrih dvajstpet minut.. trajvana ni pa ni.. osječal sam se kak Kokobil v Kaktus sitiju kaj čeka vlak kojeg su sprašili Daltoni pa nebu nigdar došel ...

Serbus .....



















11:43 | zafrkancija (21) | Print | ^ |

subota, 20.08.2016.

Dva potepuha i djeva ......


I tak se vjutro zbudim rano..kak kmet.. i kaj buš.. prejdeš van prije neg se i drugi zbudiju..pa onda počneju zahtjevat.. Kaj ideš v Grad.. pita moja najdraža kak da nezna kam ipem.. Čuj.. buš prešel tam v oni štacun pogledeti..znaš onu ....i tak začne nabrajat kaj bi ja trebal pogledeti.. Punica kriči.. Gda se vrneš prejdi v pekarnicu.. kruh mi prinesi.. Sestra pak pospano gledi čez oblok i nadobudno pita..Kaj morti peš v Zagorje.. pem i ja ztebom... Maaa.. hojte babe vrit.. I zato se ja potiho izkradem kak tat.. nek se čudiju gdi sam.. Narafski.. onda mi zvoni v žepu oni mobitel...haha.. a ja to nemrem čut od galame na cesti...ha....


Sunčeko se več probija znad najlepšeg Grada na svetu.. v Tkalči je več prometno.. konobari slažeju stolove..mečeju tištuhe..stolce šlihtaju.. dobavlajči vlečeju kolica z robom.. a i turisti več plaziju naokol i zevaju za kakšnim otprtim kafičom.. A ima ih.. neki otpreju več v sedam vur pa kavice samo letiju .. pa tak i ja maznem dve Nesice od vanilije..malo posedim i gledim.. Baš je lepo.. vjutro je pomalo friško.. se osjeti da ljeto pe koncu makar bu za jenu vuru več sunce začelo žgati ...


Kasnejše popoldan je druga pripovetka.. Grad je pun ljudi.. mam se vidi da je Gospa prešla i da se urlaubi bližiju koncu.. Dotepenci se pomalo vračaju z svojih bregof.. vulice su pune turistof.. trajvani pelaju normalno i puni su .. štacuni oglašavaju razprodaje pa se ženske tiskaju nutra.. Vse v svemu tak je kak navek i treba bit.. Evo i Crvenkapica je posel naredil.. pokupil po smetju praznih flaš i zdaj bu to unofčilč.. Znaš.. Crvenkapica je bezkučnik.. spi negdi v nekakšnoj šupi.. več letima na tikvi drži nekakšnu črlenu žensku kapu.. pa su ga Zagrepčanci nazvali ..Crvenkapica.. Dobar je.. malo trknut v tikvu..pa samo potiho kune na vsakem koraku.. Neki dan se pograbil z svojom konkurencijom.. onim Kokobilom taki bezkučnikom kaj v dugačkom kožnatom ajncugu celo leto hodi naokol i takaj pobira prazne flaše.. Bi ga vrag znal.. oni si nekak podjeliju.. se reče.. teren.. pa vsaki v svoje vreme ima ..ha.. monopol na neki djel Grada ili vulicu.. I onda rukama.. nogama i zubima brani svoje .. Još se navek skuplaju na onim starim Mlinskim štengama kaj vodiju z Tkalče na Gornji Grad.. v oni polusrušeni bajti.. Ni tam dobro dojti onem gdo nezna i ne pozna stvar.. Ti skitnice su mirni i tihi po Gradu..al dojdi na nijhovo mjesto.. buš videl gde pes jajca nosi ...


I ta sam ti ja od kasnog popodneva pa do črne kmice sedel v brtiji na Trgaču..tam pri Kavaliru na broju 15.. Narafski.. nis bil sam.. došla je i jena moja pajdašica.. ju nazivaju Čuvarica.. i navek ta vleče nekakšni pinklec z sebom.. Bi ga vrag znal zakaj je Čuvarica.. hmmm.. morti je negda delala pri SokolMariču..ha .. Pa je bil i Štefek Međimorec..oni z Grockog kaj pripovetke naokol djeli.. Pa sam ja na Trgač došel koji časek ranejše.. da me slučajno nebi gdo izčekival.. Pa se onda dotepel i Štefek i smo tam spod repa pri Harmici pripovedali..Se razme.. čekali smo pajdašicu Čuvaricu.. ta nigdar ne dojde na vreme.. navek ju nekaj zaštenta..a krivi su trajvani i tranvajci.. No.. evo i nje.. široko se osmehuje.. nas kuševa i grli.. narafski.. kak joj nebi prigovorili za čekanje.. No.. skromni su i Čuvarica i Štefek.. makar ih ja pozivam na kakšno bolše mjesto..oni iščeju da ih pelam v najbližu brtiju.. Pa mi ni bistro zakaj tak.. valjda im se neče plazit naokol.. al nek im bu.. Daklem.. prejdemo prek Trgača i mam smo pri Kavaliru.. Tu je v to doba dana prazno.. pa človel more slobodno pripovedat a da ga z drugeg stola negdo ne prisluškiva.. Narafski.. smo deli pajdašicu Čuvaricu v sredinu.. tak se šika.. i onda smo razvlekli pripovedat o koječemu.. Pa se ima o čemu pripovedat gda se ljudi najdeju.. vsaki bu nekaj svojega rekel.. drugi bu ga pristojno posluhnul.. nekaj nadometnul.. Se razme.. vsi skup lažemo..al drugi to ne primeti.. I tak.. pivica jena.. pivica druga.. dalše se ne broji.. a pajdašica se dela fina i neče ništ osim .. vode.. Ti vrapca.. valjda se ženska boji..ipak smo mi dva mužki kak dva Alapiča..a ona sama .. pa bi se svakaj moglo spripetiti da se i ona obloče...ha .. Na koncu se več zmračilo a mi smo još tračali o nekakšnim blogima i blogerima.. to su ti nekakšne posebne stvari.. gdo bi to razmel do kraja.. pa tak nit mi nismo donesli nikakšni zaklučak.. I vreme projde.. poklone smo si podjelili.. pajdaš Štefek se štel zmenom potuč..da gdo bu koju rundu platil.. pa smo se natezali a kelnerica Zdenkica je trljala ruke..
Vsemu dojde konec.. pak su pali velki zagrljaji i kušleci..i vsaki na svoju stran.. Gdo zna dal se bumo i gdar spet vidli.. Štefek bu se vrnul v Švabiju.. Čuvarica se bu zavlekla v svoju provinciju tu blizu Zagreba.. a ja bum i dalše španciral kak i navek ...

Serbus ..........







07:19 | zafrkancija (19) | Print | ^ |

četvrtak, 18.08.2016.

najebal sam........


Vrabec ga dal.. evo stigel sam v Camelot...ha ...
Maa.. nis.. to ti je v Začretju.. malo gor od Zaboka spram Krapine.. A kaj.. uspele su me nafukat babe pri hiži.. Buš nas pelal v Začretje.. pemo si kupit bluzice..majice.. traperice..cipeliše.. i kaj ti ja znam kaj sve ne.. I tak me fehtaju več teden dni.. a meni se nejde..


A znam ja zakaj se meni nejde.. bil sam ja tam več par put.. Znaš.. babe ti zajdeju v te štacune.. butike.. pa prevrčeju po krpama da ti se vse zašvindla v tikvi.. pa bu ova probala ovo.. a druga bu sprobala tri druge krpe.. treta se nemre odlučit.. i kaj.. na koncu prejdeju dalše v drugi štacun...


I tak ti ja z babama zajdem v jen butik.. pa v drugi.. v tretom sam več žifčan.. velim ja mojoj.. pa daj kupi več jemput nekaj.. samo plazimo po tem štacunu brez veze.. Al.. neda se moja.. Pa moram prvo sve videti.. veli... No.. pa gledaj..gledaj.....jebal kojn mater cucku i mačku kaj nečeju mesa jesti.. To sam na kraju prešutel..


Znaš.. tu ti ima barem sto štacuna..butika.. trgovina.. roba vsih fela.. največ pa obleke i cipeliše pa ono kaj pri tom skup ide..taškice.. rubci.. rukavice.. štrumfe.. vse nekakšne svjetcke marke.. bi ga vrag znal.. pa sam ja odlučil čekat vani spred štacuna.. me frazi loviju gda vidim kak babe to vse prekopavaju..sprobavaju.. pipaju.. komentiraju....


No.. pa kak za vraga.. sunce je uprlo pa odzgor žge i pali..ja stojim vani.. lovim kakšnu sencu.. Maaa..znam ja da tu ima brtija i slastičarnica..al to je tam dalše a ja moram bit v blizini.. Zakaj.. ha ..kaj pitaš.. kaj god si babe zabereju.. kričiju.. Stari.. daj karticu.. A ja ti v žepu držim več pripremlenu onu Amerikajnsku zelenu karticu.. narafski.. na moje je ime... vrabec ga dal ...


I nakon vuru i pol.. evo smo se dotepli do brtije i slastičarnice.. Babe nosiju pune ruke vrečki.. narafski.. vse same krpe.. a ona moja kartica vse bolše tanka...ha ... Zapoveda moja najdraža.. Sad nas vodi na pivu ili sladoled.. Jedva sam dočekal.. Evo.. pemo i na pivu i na sladoled.. samo kažite kaj prvo da bude.. narafski.. za očekivat.. hočeju babe i jeno i drugo.. se razme.. ja bum platil..
I tak smo lepo sedeli v senci .. Žuja samo skliže dol v želudec.. jebal ga vrag..pa skorom sam dehidriral dok sam ih čekal da kupuju.. sladoled sam progutal v jenom otpiranju gupca..
I gda sam si gruntal kak je toj bedariji došel konec.. brus.. Veli moja najdraža.. Čuj tatek.. odnesi ti na parkiralište vse te vrečke v auto pa se vrni.. Jeee.. a kaj je zdaj..kaj ni zgotovleno.. čudim se ja.... Kaj bi bilo.. to smo vse za sebe zabrale i kupile.. složno popevaju babe.. a zdaj pemo iskati nekaj za dječicu.. vnuke...
Jebal vrag sva Začretja..vse Autlete.............

Serbus ........












17:22 | zafrkancija (16) | Print | ^ |

utorak, 16.08.2016.

malo je živnulo .....


Navek je tak..od davnina.. Do Velke Gospe je Zagreb napol prazan..a čim Gospa prejde.. več je vse malo živnulo.. Nekak mi se vidi više ljudi po vulicami več od jutra..štacuni kaj su bili zepreti poradi odmora spet su otprti.. v trajvanu je bilo ljudi kak ni več mesec dni.. A i cvečarice z Splavnice su došle na svoje.. Nisu zabadaf kričale i klele gradonačelnika.. oneg dotepenca z bregof.. a i bormeš su Zagrepčanci štajgali da se cvečaricama vrneju štandi....


No kak zgledi.. neznaju vse cvečarice da je sloboda stigla.. pol štandof je prazno.. no bu se to popunilo i još bu falilo mjesta.. daj pogleč malo.. tak je lepo videti Splavnicu v cvetju.. al ni moči narediti kipeca a da ne zbegneš onu gor reklamu za čevape.. Ti vrapca..kak mi ta tabla ide na žifce.. doduše turisti neznaju kaj to je.. al meni to zgledi kak da sam vsred Maglaja.. navek me piči v oko.. A kaj moreš.. vse je još i dobro dok durhcug ne povleče z Dolca pa na Trgač donese miris zažganog ulja i luka ... Kaj nebi bilo bolše da zamirišiju fini domaći štrukli z sirom... ha ..


A na Dolcu kak v vrtu nebeskom.. Eee.. mora da je Adamu i Evi bilo fest lepo negda.. pogleč samo te grojzdeke .. a i vsega drugeg voča.. Mora bit da su kumice i trgofci našnjofali da bu velka potražnja.. plac je pun vsega kak šipak koščic.. A i ženskice kaj prodajeju vse bolše i bolše zglediju.. eee.. kolko im je trebalo da nafčiju da bu mlajša snahica bolše i više prodala neg stara zmežurana babica.. Pa baš gledim.. stareši mužki.. penzijonerci.. vsi redom ideju kupovat pri mlajšim prodavačicami.. Normalno je tak.. i ja taki iščem bolšeg komada..ha ..


Si videl.. več ima i one črlene.. veliju babe.. rog paprike.. To je ona kaj se fino nakiseli v staklenku..pa po zimi samo pukaš z špajze.. Nekak je oveg leta rano stigla na štande ta paprika.. a i ima dobru cjenu.. Doduše..ta ni zrasla niz v Zagorju nit v Slavoniji.. neg negdi spodi oneh plastenika.. a morti je i z Sicilije stigla.. šverc komerc..razmeš.. Prave domačice dobro znaju.. gda stigne ta paprika z Dalmacije.. il z Makedonije.. eee. to je prava.. mesnata.. se reče..


A turistof ima kak da bi ih z oblaka zasipal.. največ pa oneh žutaka z očima fšrek.. samo letiju naokol i čudiju se i voču i povrču.. glediju.. pipaju.. šklocaju z aparatlinima.. Maa.. velim ja.. znaju ti žutaki avtomobile naredit.. al neznaju kak zgledi pošteni sendvič z pol kruha i trideset deka mortadele...


Evo.. gda se turisti zamoriju.. moreju se za nekaj penez i pelati naokol po našemu lepom Gradu.. Al mi vse zgledi da su naši spametni glavonje z zagrebačkog turizma malo zakasnili.. Zagreb je več od proletja pun turistof..a oni su te avtobuse tekar neki dan zvlekli z garaže.. A kaj je još najlepše.. opče više ne pela oni stari turistički trajvan..oveg ga leta nis još videl .. Je..a kaj.. našim bedakima treba narisati kak se penezi služiju....
Pem nekam na kriglu mrzle Žuje .. Makar je sinoć malo dežek prašinu pokupil.. nekakšnog velkog osveženja ni.. Sparina je... velka žeđa...ha ....

Serbus ............











17:31 | zafrkancija (16) | Print | ^ |

ponedjeljak, 15.08.2016.

Tak .......


Prazno... kak da bi došel v Černobil.. nigde nikog.. zapraf..jedini ja.. kak poslednji človek na Zemlji.. ili morti kak prvi človek na Mjesecu...


Opče ni vredno gruntat da bi kakšno poznato lice susrel.. pa kam su vsi nestali.. No.. se meni baš fučka kaj ni mužkih.. al to da ni nit jene jedine ženske na vulici.. eee..to se več človek treba zabrinut......


A ja kak Kerempuh Potepuh naokol blazim po vručini i sparini.. je a kaj buš.. bedak bu navek bedak.. Čak su i brtije prazne.. vse mi je neugodno zajti nutra.. kaj si bu pipničarka mislila.. da sam kakšni skitnica jer poštenog človeka ni nigde videt ..


Stojim kak bogec na vuglu.. na semaforu zeleno.. pa črleno..pa zeleno..pa črleno..a ja i dalše stojim.. Vrabec ga dal.. me ni dva dni v mojem Zagrebu i gda se vrnem.. prazno ....


Ništ.. pem nazaj domof.. makar nit tam ni nikog.. vsi su se nekam razvlekli.. no je frižider pun.. mam mi bu laganejše pri duši.. I najemput spazim oveg angeleka.. kak da je zneba opala dol.. Pem ja za njom.. ionak pe na istu stran kam i ja.. Tak.. da imam v kaj gledeti dok hodim.. I hodim ja malo za njom.. pa malo z druge strane.. Vrabec ga dal.. tri se put obrnula i navek vidi mene.. još bum joj postal sumnjif.. Uuuuu... zvadila je mobitela.. bežim.. morti zove policijote ....Maaa.. gdi je taj trajvan.. nis denes nit jenoga videl ...

Serbus ......










18:32 | zafrkancija (14) | Print | ^ |

petak, 12.08.2016.

dobro se imajte ......


I ja bi rad ......




mmmm..mmmmmmm....


18:01 | zafrkancija (12) | Print | ^ |

četvrtak, 11.08.2016.

Gde smo ono stali neki dan ......


Odnavek su mene fest privlačile starine.. pa tak i den denes rad landram po starim hižama.. podrumima i tavanima.. a gdi god dojdem ..v kakšni grad ili selo.. ja prvo prejdem gledeti starine.. tak ti meni nigdar nebuju dojadile te naše zagrebačke starine.. a barem toga tu ima dost ... Al ljudi prolaziju pa nit ne zapaziju kak z zida viriju tristo let stare cigle.. A ja bi si čak najrajše jenu spuknul u odnesel domof ... Tak sam si pred skorom pedeset let domof nanesel one kamene kocke z Južne promenade na Gornjem Gradu.. To su one prve kaj su daaaaavno..tam posložene...


Vse ima svoj rok trajanja..pa i stare Gričke lanterne.. maa.. stari plinski lampaši.. kak ne razmeš.. baš gledim kak ovi vredni človek popravla jen takšni lampaš.. Pa ga pitam.. Čujte gospon meštar.. kak bi bilo da vi taj lampaš razmontirate.. a ja vam ga bum platil.. onak.. ruka ruki.. Hahaha.. smije se taj mladi človek.. a kak ga bute odnesli.. pita on mene.. Ništ se vi ne brigajte.. velim ja.. sam kažite kolko penez tražite.. a v zapisnik zapišite da lampaša na tem mestu ni nit bilo gda ste vi sim došli.. Gdo bu znal kaj je istina.. Hahaha.. i dalše se smije.. a ja sam ga sasvim ozbilno pital.. Kaj.. pozval bi kakšneg pajdaša z avtomobilom.. i zgotovlena stvar.. No.. neda se taj človek nagovorit.. Bedak..a mogel si je lepe peneze zaslužit....


Navek se zapitam.. zakaj nekaj vrednoga mora prvo propasti skroznaskroz dok se negdo ne dosjeti da bi bolše bilo to na vreme obnovit.. Viš.. v ovu staru palaču su se dovlekli advokati.. brača Badovinci.. ti vrapca.. po celomu svetu imaju svoje advokature.. ogromne peneze služiju.. a tu čekaju da im Grad Zagreb obnovi nijhove dveri.. Je a kaj.. Grad bu to i naredil.. jer je gradcka briga starinu uredit.. makar je vlasnik negdo drugi..


Pogleč.. stari ženski đački dom je tu.. bi ja rekel..odnavek.. uuuh.. kolko put smo ja i moji fakini tu znali celi kupleraj naredit vsred noči..tak da je i Milicija imela posla.. A tanjuri su leteli z obloka na vse strane dok se je Ico sposcal v bravu na vratima doma.. Eeeh.. davno je to bilo... Zdaj je mirno.. ferije je pa je dom prazni .....


A ova je hiža bila negda fest zapuštena.. ovak zgledi kak prizemnica al je z druge brdovite strane dvokatnica.. I tu je negda davno bil internat za mlade buduče častne sestre Klarise.. Bile su to lepe curičke..kratko ošišane..a vse su bile jednak oblečene v sivu opravicu.. Skromno su zgledele i tak su se ponašale na vulici.. ni pogleda nebi zdigle gda bi ih mi fakini gledeli.. No..njih nigdar nismo zafrkavali il morti kaj goršeg naredili.. al smo si svakaj zamišljali.. Pred dvajset let je taj samostan prepušten Horvackom saboru..a gdi su denes te male Klarise.. bi ga vrag znal.. ak ih još opče ima.. Po vulicama susrečem same stare opatice..


Negda davno hiža bogatog zagrebačkog kramara.. kasnejše brtija i konačište.. narafski i kupleraj.. .. još kasnejše poznata restavracija Žabica.. i mjesto gdi su razni sumnjifci z velkim penezima dolazili kartati.. Bilo je nutra lepo uređeno po starinski..zagrebački.. Po danu su tu viseli politikanti.. po kmici mafijaši.. I onda je zaprta i več fajn leta tak stoji.. zaprto.. podrto.. A negdo se bu tega več dokopal ... a negdo bu debele peneze pospremil v žep ....


I navek sam žalostan gda hitim pogleda v Habdeličevu vulicu.. Dobri stari Lapidarij..al kak smo ga drugač nazivali..La Pizdarija.. je več dugih leta zaprt z lancem i lokotom.. Nema više čage.. nema koncertih.. nema ničeg kaj bi človeka podsetilo na stare cajte.. V hiži gore je nekakšna škola za hoh mlađariju.. trebaš samo videt kak ih šoferi dovažaju vjutro ... A kaj moreš .....


Ti vrapca..Zagrepčanca tu nemreš susresti.. al buš ovek Žutakof z očima všrek našel kak da se celi Ivo Đima sim preselil... No pa ženskicami nebi nikaj zameril.. onak črne.. sitne..nabite.. z krivim nogami.. pa je.. zakaj ne.. Kaj veliš.. valjda nemaju zube..tam.. razmeš ..ha ...


Evo.. nekakšni dotepenci z pasošima slušaju o našoj povjesti.. Opče neznam zakaj oni turistički vodiči to ljudima pojašnjavaju gda buju to ovi pozabili več iza prveg vugla.. Kaj ih ne odpela v Palainofku i tam nek potrošiju nekaj penez.. pa i Palainofka ima dugačku povjest..prva zagrebačka kavana na Griču bregu ...


A dobri stari Lotršak stoji.. v njem je zaprti muzej.. koji put se more gor na vrh.. veliju vidikovac..pa se onda spet nemre.. V podne bu opalil oni z topa.. turisti se naokol stepaju od straha dok im negdo ne pojasni da je to znak za podne.. Baš sam lani gledel kak su neke Žutakinje hitile svoje ruksake i začele bežat čez Promenadu gda je top opalil podne.. Onda je nekakšni stari bežal za njima i vse im protumačil i pokazival da to piše na onem papiru.. se reče.. turistička karta Zagreba.. a te babetine su se još pol vure tresle od straha.. sam ziher da su i bile zascane do kolena..


Pa onda po Zakmardijevim štengama dol.. več me i kolena i petajnki boliju.. a to kolko sam žedan.. Jezuškristuš.. to se nemre opisat.. One dve Nesice pri Palainofki su samo pojačale potrebu za mrzlom okrepom.. Narafski.. nutra v pivnici Pinti je debela hladovina.. pivica još mrzlija.. sednem si v vugel i pomalo guštam i dremam.. i tak jeno vuru vremena dok mi se ohladiju podplati na cipelišima... Baš mi paše ....

Serbus .......



























18:20 | zafrkancija (10) | Print | ^ |

srijeda, 10.08.2016.

španciramo dalše ...


Ščera je pod konec dana bila takšna velka sparina da bi človek ..se reče.. na škrge disal.. Gledim kak ljudi napol goli..il napol oblečeni hodiju.. švicaju se... Viš.. veliju tome da je to toplotni udar.. meteorologi upozoravaju.. pa i doktori savjetuju kak se treba ponašat.. daklem.. što majne obleke na sebe metat.. narafski.. tu bi ja ženskicama lepo preporučil da hodiju brez gač i brez oneh cicncekera.. pa su ščera čak i bluzice bile preveč.. A nigdo se ni dosetil pa da bi ljudima ponudil pomoč.. onak po vulicah točit pivu i djelit potrebitima...ha ...


A moja najdraža i ja lepo ruku spod ruke i španciramo..a vse iščemo vulicu čez koju bi malo kakšni durhcug povlekel.. I lepo ja njoj velim.. da ak naskoro nebu nikaj puhnulo.. ja bum zašel v prvu brtiju jer se moj organizam mora hitro razhladit ... Ništ.. moja šuti.. španciramo dalše ...


Velim ti ja.. vse na ovem svetu je protif mene.. kak da me je sam vrag čul.. najemput je začel odnekud veter puhat.. črni oblaki..kak črni ofucani mački su se začeli vrteti znad Grada.. daklem.. ništ od mojeg posjeta brtiji ...španciramo dalše...


Mam je malo zafriškalo.. ljudi su začeli gledeti v nebo al još nigdo ne beži nikam.. pa su meteorologi ljepo rekli da bu dež curel drugi dana a ne taj.. Fučkaš oblake.. španciramo se dalše ...


Čuj micica.. a da se mi ipak zmaknemo z Trgača.. pogleč kakšni kupleraj je gor na nebu.. pokušavam ja pridobit svoju najdražu v brtiju.. A kaj bum ja v brtiji.. cendra moja.. velim ja.. Ti si buš naručila jen fini mrzli Dejt.. a ja bum jenu Žuju.. več sam pozabil kakšneg je okusa.. driblam ja kak Šekularac ... Maaa..kaj si ti pozabil.. ziher ti je barem jena piva v drek magazinu.. neda se moja najdraža spredriblat ... A kaj.. španciramo dalše...


Jezušmarija.. skor me šlak trefil.. pogleč .. tri coprnice..črne kak antracit nasred Trgača stojiju.. Da su dve..pa još nekak..al tri skupa.. Zdaj buš vidla vraga.. velim ja mojoj i pokazivlem te tri spodobe od tikve do pete v črno zavijene.. ni im videt nit nožneg palca nit nosa.. I ljudi se samo ogledavaju.. ni to šala.. morti bu se zdaj tu stvoril i sam črni vrag z repom i kopitami.. Čuj.. velim ja svojoj najdražoj.. a da mi ipak zgibamo v kakšni zaklon.. ovo nebu dobro svršilo.. Ha.. nis to nit dorekel.. a tri kaplice kiše su opale z neba.. Evo.. brunda moja.. si vraga dozival pa je i došel.. Dobro.. dobro.. velim ja.. znači ..pemo zdaj v brtiju v zaklon..ha ... Ma kaj je tebi.. neda se moja.. evo... upraf stiže jedanajstica.. pemo na trajvan i domof....
I tak.. one tri kaplice su bile i jedine.. ja nis uspel nikak razhladit svoj organizam.. a domof mi je najdraža servirala mrzlu lubenicu .. Eeeh..kaj ti je živlenje...


Denes pa se nemam z čim preveč pofalit.. malo fajhtnog umjetničkog dojma z Ilice.. mokre sandale.. ambrela koju je dva put vjetar zvrnul.. maaa. to je ona cigajnska kaj košta kolko i dve kugle sladoleda.. trajvan kojeg sam čekal petnajst minut i nekakšna baba kaj je v trajvanu cendrala od Črnomerca pa do Frankopanske....

Serbus ......















18:16 | zafrkancija (12) | Print | ^ |

utorak, 09.08.2016.

zagrebačke piknjice .....


vrabec ga dal... of tu na reklami zgledi kak Mušketir kojem su vrit metlu fteknuli...


ha..si videl.. vse su prešišali.. hmmm.. moram se personalno uvjerit ...


Paaa.. to ja fort pripovedam da je Zagreb zakon ...


Deeečki... kak ova more gubec otpreti... a da vidiš kolki je komad zgutala...
ti vrapca... hmmm... vrabec ga dal... ha... svakaj mi opada na pamet ....






17:57 | zafrkancija (11) | Print | ^ |

ponedjeljak, 08.08.2016.

Špancirancije.. i nikaj drugeg .....


Ha.. treba svečicu zažgati pri Kamenitim vratima.. trajvanska štreka pri Frankopanski je zgotovlena.. još da malo počistiju za sebom.. No.. več sledečeg Svibnja buju pak znova začeli kopat..tak je to vsakeg leta ....


I tak lepo polahko gor čez Mesničku.. Treba malo obič i nas slavni Gornji Grad.. na Griču bregu ... Znaš.. bi ja rekel da ovi kaj te štrafte farbaju po vulicami malo preterivaju.. zapraf.. nisu krivi oni kaj farbaju neg oni kaj komandiraju gde se bu i kak farbalo.. Bedaki božji.. pa kaj treba tak na široko i debelo mazat... Težko je razmet te dotepence kaj delaju pri Gradckem poglavarstvu ..


I još jenu svečku zapalit stoga kaj je nakon sto let obnovlena hiža v koji je živel i vmrl najpoznatejši Zgarebački gradonačelnik.. August Šenoa.. Takveg nigdo ni imel nit bu.. Taj se je narodil v čak dve hiže tam v Stari Vlaški..a v samo jenoj je vmrl.. Pa je vredu da i ta lepo zgledi ...


Evo.. narodni muzej je tu.. jedin nema naroda kaj bi ga obišel.. Ja sam zadnjič tu bil gda su nas pelali vučitelji.. Samo se spominam da sam videl morskog cucka.. sovu i nekakšneg tetreba.. Zapraf.. celo sam vreme natezal jenu pucicu za kečke.. pa me vučitelj poslal van na vulicu ...ha ...


A pri Stari Vuri se prije podneva nikaj ne zbiva osim kaj glavni kuhar i pomočniki pripremaju vse kaj treba za nafčer.. Onda buju došli oni z velkim trbuhima.. debelim geltašnima.. narafski.. dopelaju z sebom i svoje šoce.. pa se onda zabavlaju.. Evo.. upraf glavni kuhar znutra kune kak kočijaš.. negdo je pozabil krumpira dopelat......


Z negdarnje stare osmoljetke Augusta Šenoe se več odavno ne čuje kak đaki galamiju.. jer.. nema ih.. nit jenog jedinog več pusta leta.. Prafzapraf.. nema opče na Gornjem Gradu dečurlije.. nema klincih.. nema fakinof.. ti vrapca.. po hižama su se namestili vse sami advokati i kancelarije od Sabora.. Eeeh.. stari su poumirali.. mladi prodali svoje i prešli na periferiju .. bi ga vrag znal.. A gda se samo spomenem kolko je tu bilo stanovnika.. a fakina.. cela banda kaj je nadalko bila poznata ... Aaa.. tak je to .....


I Popof Toranj več vjekovima tu stoji.. kakti nadgleda kaj se zbiva naokol.. A nikaj se ne zbiva nit koga ima.. Jedin cucki tu obavlaju svoju jutarnju toaletu..ha .. a Vrazovo il Sjeverna Promenada je prazna.. zabadaf su i klupe obnovili.. više tu nigdo ne dolazi... Bil sam par put gor na Zvjezdarnici kaj je na vrhu kule.. i kak stvari stojiju.. nigdar več nebum gor zašel.....


Na Ilirskem trgu mir i tišina.. čak nit muhe ne zujiju.. Tam prek z Baletne škole samo muk.. narafski ..ferije je i za balerine.. A se pripoveda da ih buju hitili proč otud.. nekam ih hočeju zlifrat na periferiju.. al se bormeš balerine fest buniju.. Aaa.. kak i za celu našu horvacku kulturu više nema sluha.. tak buju i balerine morti prešle študirat balet v Rusiju.. Po tim kulturnim pitanjima naš gradonačelnik.. oni dotepenc z bregof.. je čista propast.. pojma nema.. Jedin mu priznam da se razme v izgradnju fontana.. svaka čast ...


Evooo.. nakon puna tri leta konačno je zgotovlena obnova kapelice Svetog Križa... zdaj zbilam vse blešči kak su to lepo naredili.. Zapraf.. negda davno se Ilirski trg nazival ..Kipni trg.. i to stoga kaj je na mestu ove kapelice stajal velki kip raspetoga Kristuža.. Kam je taj kip nestal.. nigdar nigdo ni saznal.. al je ovu kapelicu v novije doba zdelal oni poznati Herman Bole.. ti vrapca.. pa taj je zmislil pol Gornjeg u Doljnjeg grada... Kak je da je.. tu je debela senca pa se meni nekak neče prejti.........


Pa sam si zasluženo sel v najstarešu zagrebačku kavanu..Palainofku.. mam spodi Popovog tornja.. Več drugu Nesicu od vanilije si guštam.. polahko da dugše traje.. jer čim spijem .. pak bum prešel dalše.. A vjetrek lepo popuhuje dol z Medvednice čez Jurjefsku vulicu ....

Serbus .....



























18:25 | zafrkancija (12) | Print | ^ |

petak, 05.08.2016.

Pri Zdencu Života... pripovetka z vulice...


Zdenac Života..kak se nazivle ta umjetnina na Kazališču.. kaj ti ja znam ..odnavek je tu..tak meni zgledi.. Tu kakti žedni ljudi vodicu pijeju.. No.. denes ja nikom nebi preporučil da pije tu ustajalu zelenu smrdlivu vodu.. A negda davno..dok sam ja još bil lepi i mlad.. bilo je drugač.. Voda v tem zdencu se je fort zmenivala i komotno si mogel zagrabit i napiti se.. pa ni baš da je bila navala.. al znal je tu i tam negdo pošljuknuti koji gutlaj .. Ljudi kaj su prolazili znali su nutra hitit kakšni dinarček.. pogotovu kasno popoldan i zvečera gda su prihajali na predctavu v Kazališče.... Par leta je ta štrafta spred Kazališča bila kakti korzo.. tu su se ljudi sim pa tam sprešetavali do kasno zvečera..Pa su zagrebački cigani brzo skužili da se nutra more nabrati za punu šaku dinara.. Kak sami nisu mogli nutra po vodu zajti.. su dopelai svoju dječicu i na glavu ih porinuli v zdenac i držali za noge dok su klinci skuplali sitniše po dnu.. Razmeš.. zdenac je dost vuski pa se odrasli človek nemre nutra obrnut.. I je ta ciganija postala sramota pa su gradcki poglavari postavili pandura da v blizini nadzire zdenac.. Pandur je znal stajat prek ceste pri fakultetu v senci ondašnjih starih dreva kostajna.. i pazil.. Maaa.. je vraga..se je ogledaval za ženskama.. pa pripovedal z ljudima koji su navek imeli kaj pitati pandura.. A cigani.. velki i mali su pa stajali skriti iza samog kazališča..pa su čim bi pandur okrenul tikvu ili prešel malo dalše.. dobežali i velki bi cigan malog hitro zpustil na glavu v zdenac da pokupi sitniše.. Dok bi ih pandur spazil več bi mali spod vode nekaj zgrabil i su pobegli.. I tak je to trajalo par leta..vse dok se ni desila nesreča.. Kak je velki cigan malog porinul za noge v zdenac pod vodu.. je mali z tikvom vudril po dnu i se onesvestil.. Dok ga je of velki zvlekel.. več je bilo kasno.. mali je cigo zgeknul i bila je cela okupacija okol tega..
Zdenac su zpraznili.. nigdo više nije dinare nutra hital.. I je tak par let vse bili zapušteno..
Pa su Zdenac Života posle obnovili.. napunili z vodom..al su Zagrepčanci kakti pozabili na nejga i malo je gdo z njega pil vodicu il hital dinare..


Jebo pas mater ciganima.. rekel je Ico i skup z Pacovom i Žoharom stal v blizinu Zdenca i su tjerali cigane.. onak .. zgrabil je Ico cigana za vuha..a Pacof bi mu opalil vritanjak.. i nakon par dni cigani su samo zdalka gledeli i čekali da Ico prejde.. Znaš.. Ico je bil frajerčina.. tukel se je po čagama.. beštimal po brtijama.. a i bil je heroj jer je par put opalil pandura i uspel pobeči.. V to doba fakinarenja je svaki zagrebački fakin bil heroj ak je kakšnog pandura mlatnul..makar onak junački z leđa..i pobegel.. No.. Ico je zaustavil pandura.. kakti da bu ga nekaj pital.. i onda je potegnul šaku i zgodil pandura vsred nosa.. Narafski.. tak nekaj se pripremalo ..skupljalo hrabrost.. a mi drugi smo z malo dalšeg svedočili tomu..
Prazapraf.. fučkalo se Iceku i škvadri za cigane na Zdencu.. njim je palo na pamet da bi i oni mogli skupiti nekaj dinara z vode.. Pa su se tak našli pri zdencu.. znogirali cigane i svadili da gdo bu zašel nutra v vodu .. Žohar je bil nekaj majnši od Pacova pa su Ico i Pacof nejga na glavu zagnjuruili pod vodu.. No Žohar se usral od straha pa je začel lamatat po vodi kak stekli i su ga zvukli van da je of jedva ksebi došel.. Narafski.. Žohara su onak oblečenog hitili v vodu pa se je vani tresel kak pokisli pes..
........Ico je ponorel i odlučil da bu on personalno zašel v zdenac..a mi ostali bumo čuvali stražu.. a bilo je to nekaj prije neg su vlasti postavili pandura da pazi.. I tak si je Ico svlekel hlače.. ostal samo v gačama i zašel v zdenac.. Je imel one negdarnje..Galeb.. gače.. z kojih su mu jajca visela na jednu stran a pimpek na drugu.. Ha.. zgledel je kak zajdni bedak z Stenjefca gda su mu se jajca zmočila v mrzli vodi .. Haha.. otprl je usta brez dva gornja zuba.. to su mu ih fakini izbili gda smo se mlatili z bandom z Okičke na Stari Trešnjefki .. i zmumlal.. A kak da poberem dinare.. Mi ostali naokol smo mu savjetovali da se prekobicne na glavu.. ali kaj.. Ico je bil onak fest nabiti fakin.. se nikak nebi mogel obrnuti v zdencu.. I je lepo začel z nožnim prstima sakuplati sitniše i jenog po jenog je tak zvlekel van.. Bogmeš je skupil za jenu kino ulaznicu.... No.. je to bila par put avantura.. ni nama bilo potrebno tak do dinara dojti.. Zabava.. razmeš .....


V to doba je v Zagrebu bila poznata jena ženska.. su je Zagrepčanci nazivali..Luda Marta.. Negdo je rekel da je ta z Trnjanske ceste..al bi ga vrag znal.. I ta je sredovječna ženska plandrala po Gradu.. kričala i svadila se sama z sebom.. Bila je prilično neuredna.. navek razčupana.. z podrapanom kikljom.. Nije nikomu smetala..al su se ljudi okol nje sakupljali i smijali se .. Nije z nikim pripovedala neg samo z sebom i nekakšnim zamišlenim z nejzine tikve.. A klela je kak kočijaš.. I navek bi došel od nekud pandur i poteral je.. Gda bi ju človek malo bolše pogledel.. i nije to bila ženska za hitit.. da se malo dotera čak bi i zgodna bila.. Bajs i Ico su se par put okol nje motali.. kak su rekli.. bi ju odpelali Iceku doma ..okupali i ponucali.. Jedin je bil velki problem kaj je ta ženska brez prestanka galamila.. pa su tak Bajs i Ico odustali.. Dobrih deset leta je ta laufala po Gradu..i onda je nekam nestala.. se pripovedalo da su ju zaprli v ludijanu v Jankomiru..
........... No.. Luda je Marta naredila otvorenje kupanja v Zdencu Života.. Jeno ljeto.. kasno popoldan gda je več bilo nekaj ljudi okol Kazališča.. došla je odnekud Marta.. svlekla z sebe kiklju i rubaču.. gače ni imela i lepo gola golcata zašla v zdenac da se razhladi.. Mlatarala je po vodi da je vse naokol bilo mokro.. i na saf glas kričala da je dobro jedin da ju za pizdu zebe.... Se razme.. za par časeka su stigla i dva pandura.. negdo ih je pozval.. ziher portir z Kazališča.. Mi smo fakini.. navek ista banda z Zrinjefca.. često bili pri Kazališču jer su tu navek prolazile curičke z oneh obližnjih gimnazija.. Žoharu su štele oči scuret gda je videl golu Martu i došel je skroz do zdenca v prvi red...haha.. makar ga je ženska celog zalijala.. ni se maknul ni kad su panduri zvlekli Martu z vode..
Prvo su panduri snubili Martu da zide van z zdenca.. Narafski nije se ta opče na njih obazirala..ona je svoje pripovedala.. A okol zdenca se več skupilo par stotin ljudi .. I našel se tu nekakšni novinar pa je to vse na kipeca del i zutradan je to bila udarna vijest v Večernjaku ... Došla je Črna Marica.. policajski kombi.. i još barem deset drotof.. i vsi su se vrteli naokol zdenca.. nigdo se ni štel zmočit.. Žohar se ponudil da bu on zašel v zdenac i Martu snubil da zide van..al ga je pandur poteral.. Vse dok ni došel pandur.. ogromni brkati.. su ga Zagrepčanci znali kakti Ličana.. Bil je to jen od oneh kojeg su Horvati zapamtili po zlu.. bil je pravoslavac i užival je mlatit Horvate.. No.. je Ličan došel do zdenca..zgrabil Ludu Martu za vlasi i zvlekel ju van da se sirota sva razbila po onem betonu .. su priskočili i drugi panduri i Martu hitili kak vreču v kombi i odpeljali.. Nejzina kiklja je ostala pokraj zdenca dok ju smetlari nisu pobrali.. Zdenac je več drugi dan izpražnjen.. i pak je bil suh par leta.. nakon toga se moglo još neko vreme videt Ludu Martu po Gradu.. al više ni kričala..samo je nekaj mumljala..

Tak.. malo sam se prisetil dogodofština z zagrebačkih vulica.. A rekel bum ti.. ima tega pri meni da nit moj kompjutor to nebi mogel podnesti...ha ... Navek je v Zagrebu bilo čudaka.. bedaka.. skitnica i sličnih potepuha koji su bili ..se reče.. atrakcija za zafrkanciju.. navek pijani "Karavela".. "Medo bere jagode" koji je fest rad imal sladoled.. "Štefa smetlarica".. jedina ženska smetlarica z kolicima.. Slavek prodavač novina pri Maričevom prolazu.. "Češalj".. čelavi skitnica koji je fort nosil ogromni češalj v žepu..... prafzapraf.. vsaki je firtl imel kakšneg svojeg komedijaša..... I tak to .....

Serbus ...................






06:28 | zafrkancija (28) | Print | ^ |

srijeda, 03.08.2016.

agramerske vinjete ........







z najlepšeg grada na svetu .....



17:25 | zafrkancija (9) | Print | ^ |

utorak, 02.08.2016.

zagrebački štikleci ......

PRVI


Juuuutarnji .... 24 saaaataaaa ....noooovine.....

Ništ ......... jebi ga ......

blentaf narod.. jebeš posel ..................

DRUGI


dobro je..nema stare......

....mmmmmm.........

TRETI



deložacija ....................

ČETVRTI


jebal ga vrag.. su medvedi dohajbali na Zrinjevac... bežimmmmmmmm ...

Serbus ..............















16:47 | zafrkancija (8) | Print | ^ |

ponedjeljak, 01.08.2016.

al nigdar nebu kak je bilo ......


I tak sam odustal od pentranja po Dugi vulici.. Pogleč kakšni se črni oblaki koturaju tam od Medvedgrada.. kak da gor coprnice imaju velko pospremanje pa ih z metlom šibaju dol znad Grada.... A kak je ona zgodna prognostičarka Ana z Nove televizije.. uuuh.. kaj ima dobru rit ... rekla da buju velke pluskavice.. a ja narafski.. hodim brez ambrele.. ni baš uputno verati se po bregima... TO bum zbavil drugi put jer još nis naredil inšpekciju Duge vulice odgdar je obnovlena... dakle.. poradi ozbilne prognoze vremena..ja bum ostal na nogohvat od gradckih brtija .......


Velka je sparina denes od jutra.. stojim na Trgaču ..zapraf se vrtim kak piškurla v loncu.. neznam kam bi se zaputil.. svakak nikam dalko.. Vsi moji poznati su nekam nestali.. prešli na urlaube.. neki sa drugaricama.. neki sami.. neki z šocama.. a oni najbolši pelaju vnuke naokol .. Pa kak smo moja najdraža i ja po tem pitanju več dva put oveg leta nadrapali..haha.. zdaj sam libero kak ptiček .. No.. vručina me ztisnula pri hiži.. dobro su rekli spametni da buju vručine i sparine vse bolše..zapraf..gorše neg su do zdaj bile.. Tak i je.. pa ja sedim domof v fotelji.. navinem oni klima aparat da mi puše.. piše tam na upuctvu..kak maestral...ha .. I kaj bi se onda po vani švical..pogotovo ak si nekaj spijem.. ti vrapca..kolko v mene tolko i mam zašvicam.. dakle.. gibam se polaaaahko.........


Ha.. pogleč ove ciklama trajvane.. i to mam dva ciklamasta Čeka za redom pelaju.. Ni to brez vraga.. hmmm.. bi ja rekel da se tu nekaj sprema.. Razmeš.. čuje se pripovetka da su tam dole pri oni slani bari.. zapraf v Split prihajali buzaranti na velkoj lađi kaj ju Kruzer nazivaju.. njih par hilada.. Ti vrapca.. javla mi pajdaš odozdol da vsi mužki bežiju na brdo Marjan pokraj grada i tam delaju barikade.. ha .. Lahko se desi i da sim prihajaju ti ritopikači.. morti bi šteli Metropolu videt....


Rekel sam ja da nebu dobro.. Proletje je svršilo z onem velkim mrazom kaj je pofuril vse zeleno kaj je dohvatil.. pa tak ni poštedel nit našu zagrebačku zelenjavu.. Pogleč.. tekar kaj se je v Junu mesecu pošteno zazelenilo.. več je koncem Jula listje začelo žutet.. kak vse zgledi.. v Avgustu bu i opalo barem pol tega.. A i ogromne vručine su naredile svoje.. a dež kaj je opal nemre nadomestit ništ.. Prafzapraf.. dobro je dež par put oblijal naš Grad.. al kaj.. malo tega dospije v zemlju.. Dež curi po asfaltu..pa se zlije v kanalizaciju.. a z druge strane.. nemre čez asfalt do zemle nit dospeti.. I tak dreva i druga zelenjava nemaju kaj piti.. Još pred par let su znali radniki čez noč z šlaufom vodu puštati pod dreva.. no.. zajdne vreme se to ne dela.. I tak se dreva malo po malo sušiju.. vmireju.. pa ih spiliju i posadiju nova.. narafski.. vse se to debelo naplati.. Posel je posel.. razmeš ..se reče.. biznis ....


I ak več dež neče pošteno zalijat travicu.. onda bu to naredil naš gradonačelnik..oni dotepenec z bregof.. Dal je po travnikima cjevi zakopat..pa zdaj lepo pušta vodicu da obavla svoj posel.. bedak ti je taj naš gradonačelnik.. prvo vse zagrebačke travnike na proletje uzgoji da ih je milina za videt.. Eee..onda na tim travnikima dela bedarije i norije.. špelancije vsake fele.. pa se travniki uništiju kak da su pajceku po njima trke delali.. Pa na koncu vse to zgledi kak blatna livada.. narafski.. treba ih obnovit.. I tak zdaj gradonačelnik besomučno pušta vodu.. Zbilam je norc ... Pogleč samo kaj je naredil z Zrinjefca i Tomislafca..


Velim ti ja .. meni je dosuđeno vsaki špancirung skončati v brtiji.. Evo.. lepo sam se zaputil spram Malog Placa..al su me na Frankopanski sustigle debele kaplice z neba.. Ambrele ni.. šilterica je ostala doma v gajnku viset.. i moja je zdaj najvekša dilema v koju brtiju hitro zbrisat ... Dol v Frankopansku prejti v bivši Rovinj.. nekak mi se neče prek oneh razkopanih trajvanskih štreka preskakat.. morti v Tuškanac prolaz.. maa. tam mi nigdar ni pasalo ... dakle.. nema druge neg se zaputit ipak na Mali Plac v jenu od oneh starih brtija... Put pod noge... dok se ni nebo zrušilo ...

Serbus........











16:45 | zafrkancija (8) | Print | ^ |

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.