petak, 31.07.2015.

.... starim putima ..............


Več je i vrapcima poznato da sam se baš v ti hiži pozadi fontane na Zrinjefcu.. zlegel Ja.. naslednik grofofskog fačuka.. priznatog al razrešenog … No nebum of put nikaj o tem.. to sam več sto put spripovedal..al bum denes krenul putima kud sam začel hoditi kak.. pučkoškolec .. Jeee.. došlo vreme da i ja moram pozabit na luftanje i prodavanje zjaka.. Dakle.. pri moji hiži se sastal naš domaći kučni savjet.. narafski.. moja baka plemenitašica.. grofica.. je imela glavnu rječ.. A mojem tateku i mamici je tak nekaj fest pasalo.. jer kaj bi se oni brinuli ak to more moja baka.. Pa je nastala velka razprava v koju od osmoljetki bi mene trebalo zapisat.. Se razme.. ja tu nis imal kaj reči.. mene se ni pitalo..prafzapraf.. nit me je bilo kaj briga.. Ja sam se samo nadal da se to morti baš i nebu zgodilo ..
I tak.. moja baka je prva predlagala da se mene zapiše v osmoljetku v Draškovičevi vulici.. jer.. kakti tam ideju i vnuki nejzinih prijatelica barunica i baronesa.. grofica i kojekašne aristokracije koji su stanovali v tem firtlu.. na to se pobunil moj tatek i glasno predlagal da se mene mora konačno poslati v Italiju v Milano i da tam začnem iti v školu i nafčiti taljanskog jezika.. hmm.. kojeg ja jedini v familji do denes nis nafčil.. Na to je moja baka ..se reče.. replicirala.. da more to tak.. jedin ak i moj japa zmenom bu tam živel.. jer se na onu aristokratcku familju v Italiji i nemre preveč računat da buju o meni vodili velku brigu.. Na to je moj tatek začkomil jer nejmu ni nit na kraj pameti da bi se zmenom tak fest moral zamarat..
I na koncu se javi moja mamica.. i trdo zahtjeva da se mene zapiše v Križaničevu osmoljetku..kakti je ta najbolša v celomu Zagrebu.. Istini za volju.. ta je škola bila i još je denes na dobrem glasu.. al su se i tatek i baka pobunili jer je to preveč dalko od Zrinjefca…
Na to vse je zazvonil na vratima naš sused.. striček Ivo pa su moji stari mudraci nejga pitali za savjeta.. A on je lepo rekel da je najbolše da me zapišeju v školu koja je najbliže našoj hiži.. Mamica je mam suseda prijela za ruku i sva oduševlena ga gledela i rekla mu kak je on spameten človek..ha .. i prešla knjemu v susedctvo na kavicu.. Tatek moj je samo zmrgljal za njim.. Šljaker zmazani.. a bakica je zmumlala za mamicom… Flojsa …


I tak.. lepo su mene zapisali ..zapraf moja baka je vse zbavila.. v osmoljetku u Bogovičevi vulici na broju 7.. Vani spred ulaza je na fasadi bila velka tabla.. Pučka škola u Zagrebu .. Zapraf.. v to vreme više nisu postojale pučke škole..al je ovo tak tu stajalo još od Kraljevine .. To je bil djel škole iz Varšafske..al su tu bili đaki samo od prvog do četvrtog razreda.. Nakon četvrteg su se đaki selili u osmoljetku v Varšafsku na broju 17.
Več prvog dana v školi sam skužil da zmenom ideju v isti razred i vsi moji vršnjaki z Zrinjefca z kojim sam se igral vani v parku.. pa su se tu našli i drugi z obližnjih vulica koje sam taki znal po viđenju.. jer su se negda na Zrinjefcu igrala djeca z celoga firtla .. Več nakon par dni.. prije neg bi se zaputili v školu.. svi z teg firtla bi se našli na Zrinjefcu.. baš pri onem barometarskom stupu.. Gdo je prvi došel taj je čekal ostale ..dok se vsi nismo skupili i kak ofce krenuli spram škole.. A bilo nas je koji put i dvajset na hrpi skup z curicama.. zapraf.. dečki su se skupljali posebno na jeni hrpi.. a curice par korakov dalše.. I tak bi mi klinci išli napred.. a cure za nama.. Se razme.. curička.. puca.. žena.. vse skup.. ženske.. su navek iste.. pa su te curice nas dečke odpozadi fort zafrkavale.. gađale nas vsim i svačim.. a mi bi se ponekad zaleteli med njih i podjelili im čvrge.. povlekli za kečke.. kike.. konski rep..al bi jenostavno z rukom razkuštrali da su zgledele kak mlade kokice .. Nooo.. več tam v petom razredu smo mi dečki dobro zapazili kak tim curicama bubriju ciceki.. a v sedmom smo obletavali okol njih kak bumbari okol rojžic..a v osmom razredu malo koja od njih ni znala kak zgledi Fukovo klatno.. i prije neg ga je Umberto Eko naškrabal … Ha …..


Dečki na početku kak čopor divljih pajcekof.. za nam pa curice kak ofčice.. i vsi smo tak vikali bili glasni da zapraf jen drugeg nismo ni razmeli kaj ko pripoveda.. Razme se.. mam za par dni se vidlo gdo bu v koji bandi bil glavni..taj je i prvi išel napred a ostali odostrag su ponavlali vse kaj bi on delal.. Ja baš nis od početka bil glavni..al da sam bil najgorši po pitanju lepog ponašanja.. to jesam.. Dakle.. Praška vulica je bila ta kud smo krenuli z Zrinjefca spram škole.. Prvo smo malo zabremzali z druge strane moje hiže pri Penkalinom štacunu i spred vrati kričali.. Striček..dajte nam penkale.. A navek bi zišel van koji od radnikof i podjelil nam par teh čarobnih olofki.. za koje smo mi rekli da su.. suha tinta.. Te prve Penkaline olofke su se brzo pokvarile..pa bi onda imeli zmazane ruke od te tinte koja se ni samo tak dala oprati.. A nit ovi Penkalini radniki nisu bili bedasti.. su nam podjelili one olofke koje su več bile pokvarene.. I onda smo mi od tinte zamusane prste strugali po fasadi.. al bi kakšnoj curici zamusali nos i ličeko.. V školi se ni smelo to trošit..još smo pisali z držalom i perom koje smo umakali v tintarnice ..
No.. tu bi prešli prek vulice na drugu stranu.. stali se spred Bombonjere Union i kričali da hočemo bombona.. Narafski.. ženska bi znutra mam zaprla vrata.. a mi smo onda kucali na izlog od tete krznarice.. To je bila moja suseda z hiže.. pa sam ja nju vsaki dan pozdravlal.. a ona je vsim pripovedala kak sam ja fino djete.. No.. i ona bi zaprla vrata od Krznarije da ne čuje kak galamimo.. Malo dalše je bilo i još je .. poduzeče Štambilj.. eee.. tu je na vratima navek stajal poslovođa.. velki črni človek z mustačima i smijal nam se.. A m,i smo kričali.. Zdravo striček štambilj.. A on bi nam rekel nek pozdravimo vsaki svoju mamicu.. Pa sam svoji mamici to prenesel..a ona je fest zainteresirano pitala dal je taj mladi ili stari.. Prek puta z druge strane je bila ona porušena židofska sinagoga.. a to su ljudi z susedctva nazivali.. židofski templ.. Makar je to bilo ograđeno zidom..i železnom ogradom.. mi smo fakinčeki svakak morali tu zajti makar malo cipeliše zamusati…….


I kak smo polahko se vlekli po vulici stigli smo i do Maričevog prolaza kojim bi išli dalše na drugu stranu.. na Gajevu vulicu van.. No tu bi malo postajali jer smo navek čekali dvojicu z Trgača koji su išli taki znama v isti razred.. Al bi zašli v taj prolaz i nutra tak galamili da se je to čulo kak da pijani filharmoničari držiju koncert brez nota .. A v to vreme.. na samom koncu pedesetih leta.. v tem Maričevom prolazu je bilo puno malih štacuna.. obrtnika.. pa su tu bili i ulazi na gornje katove gde si bila poduzeča i živeli stanari .. tak su tu bili modni štacun Šik.. tu se prodavalo žensko rublje.. gače.. cicncekeri.. halteri. mideri..najlonke z natom i brez.. a mi bi dečkiči stali spredi izloga i zurili u onu gipsanu pupu na kojoj su bile gače i halteri..a pri tom smo se derali kak stekli.. Prek puta Šika je bila parfumerija z koje je navek fino mirisalo pa smo nutra gurali njuške kak pajceki i glasno šnjofali.. Malo dalše je bil vurmaher koji bi takaj stal na vrata mam kak bi nas čul da dolazimo.. A mi smo ga pristojno pozdravlali i vsaki od nas ga je pital kolko je sati.. A on se je smo smijal i pokazival na izlog v kojem je bila ogromna vura .. Pa v to vreme je malo gdo od nas več znal na vuru gledeti…. Još dalše je bila brijačnica Bractvo .. i tu smo se navrnuli i lepo zamolili da nas striček brijač obrije.. A of bi nam pokazal britvu i iskezil zube..a mi bi pobegli kak stekli.. Narafski da se človek samo šalil.. Bilo je tu još zanatlija.. knjižar.. pa modistica z šeširima.. pa pediker kojem smo skroz izlog lukali v gole ženske noge kaj ih je on gladil… A malo dalše je bila v ono vreme.. jedina privatna trafika.. Tu su se prodavale cigaretline kaj ih nigde drugde ni bilo za kupit.. i Amerikajnske.. i Ruske.. i Engleške.. pa i vse moguče domače.. Mogel si tu kupit celu škatulu..ali i ak si štel..samo jenu jedinu.. Kak je moj tatek rekel.. taj je mali žgoljavi človek to mogel v oni državi imat samo stoga kaj je bil židof.. I nejgov sinek je išel znama v školu..ali se ni štel znama i družit.. je rekel da mi nismo dobri za njega.. a to ga je nafčil..kak je sam priznal.. nejgof tatek.. Pa bi mi fakinčeki lepo pohračkali nejgof izlog i još razmazali z rukom .. Jemput nas je nateraval po celom Maričevom prolazu z partvišom.. No.. tatek od mojeg pajdaša z Zrinjefca.. partizan prvoborac je drugi dan došel i spremetal mu celu trafiku.. Dalše gore spram Gajeve su bila velka poduzeča i samo nekakšne slike po izlogima………


I gda bi zašli van z Maričevog prolaza to je bila Gajeva vulica.. V ono vreme su te vse vulice bile sasvim normalne.. z trotoarima..z kolnikom.. avtomobili su pelali sim tam.. bili naparkirani pokraj ceste.. Ni to bilo kak denes.. pješačka zona .. Tu je navek bila gužvancija jer je vse bilo puno štacuna koji su v ono vreme delali i bolše neg denes.. Pa je tu pri samom izlazu z teg prolaza stajal prodavač novina.. se reklo.. kolporter.. Imel je na nekakšnim kolicima naslagane cajtunge.. več je onda bil Večernji list.. i kričal je na saf glas.. veeeečernji liiiist .. Najme v to doba su još postojali vulični prodavači cajtunga koji su kričali i tak reklamirali ono kaj su prodavali.. Al več za dva ..tri leta su zabranili te kolportere.. i jedini kaj je ostal v celomu Zagrebu je bil taj tu pri Maričevom prolazu.. Se taj človek zval Slavek.. bil je malo.. trknut v tikvu.. su rekli stareši da je retardiran.. no ipak dost spameten za cajtunge prodavat.. On je ostal kakti tradicija prodavanja novina.. Bil je tu još barem trideset let,.. fort na istom mjestu.. I onda je najemput nestal.. nigdar ga nis više videl ..
.Pa fučkaš Maričev prolaz.. prek puta začne Bogovičeva vulica.. Negda je to bila natiskana z štacunima vsih fela.. al je imela samo jenu brtiju i jenu slastičarnu.. I denes je natiskana..al z barem petnajst kafiča i terasa z stolcima prek cele vulice .. Kak i denes.. po štacunima su se prodavale krpe.. cipeliši.. taške.. šeširi.. libre i kojekaj.. A po hižama nigdar v Bogovičevi ni bilo stanarof.. nekaj malo z dvorištnih strana.. drugo je vse bilo kakti poslovno .. na celoj školi nit jen đak ni bil z Bogovičeve vulice..


Tu na vuglu z negdarnjom Marinkovičevom vulicom je bila i još je denes Bombonjera.. .. nema nikakšneg naziva nit je igdar imela.. no navek je bila v vlasništvu kakšneg jakog poduzeča.. Znaš.. tu je bilo tak finih bombona da ih nit Union ni imel.. I gda bi išli z škole domof ..okol podneva..al nafčer..ak je gdo imel kakšne peneze tu bi se kupovalo.. Pa bumo rekli da je od one velke početne gomile đakof kaj smo kak ofce išli skup..ostalo nas par fakinčekof i takaj par curičkica.. to je postala moja klapa.. Navek se je pri nami našlo nekaj bugara.. oneh aluminijskih dinara.. a bormeš sam ja znal i celu desetaču zvadit z žepa.. Razmeš.. meni bi moja baka navek kakšnu kintu v žep porinula..ta je navek imala zalihe..pa se znalo da stara aristokratkinja.. pomalo prodaje dukate i šmuk.. i da se pri njoj vsi moremo pomoči .. dakle.. bakinu apanažu bi si ja spremil v žep.. pa bi onda poskrivečki žical tateka.. A on bi rekel.. odi baki žicaj.. A ja bi se zlagal da mi baka neda.. Pa je i japa otprl svoj geltašn i spuknul nekaj bugarof. Pri tomu je gunđal da bi se bolše splatilo kakšnoj kurvi davat neg meni jer bi pri kurvi jeftinejše prešel … A mamica.. jeee.. ta svoje peneze kaj ih je zarađivala v poduzeču nigdar nikome ni dala.. vse je njoj ostalo.. Rekla je da nit njoj samoj to ni dost..Ali.. meni bi ipak gurnula nekaj v žep i rekla nek šutim.. A ja sam znal kaj moram šutet.. to kaj je ona vsaki dan išla kakti kontrolirat podstanara študenta kaj ga je imela v svoji garsonjeri na Gornjem Gradu.. A taj joj je stana plačal.. kak je moja baka rekla.. z kiflom u guzicu .. No.. kam sam ja zašel … dakle v ti bombonjeri sam ja ostavil lepe peneze čez četiri leta kolko sam išel v tu Pučku školu.. Skorom vsaki dan bi mi fakinčeki kupili nekaj od teh bombona i dali curičkama.. one su cuclale a mi smo se divili kak njim to paše.. Jena kaj se meni fest dopadala.. a i zmenom je par let sedela v isti klupi.. znaš.. mi smo v razredu sedeli ..cura..dečko skup.. to je ona čiji je tatek bil direktor Balkan kina.. Eee.. ta je rad imela onu dugačku napolitanku.. se to onda zvalo..Jadranka.. pa bi ja njoj prvo otkinul frtalj te Jadranke.. pa smo onda stigli i do polovice.. nas koncu sam ja samo gledel kak ona uživa i oblizuje se.. Ha.. al sam ja njoj zato..tam pred konec osmog razreda dal vse v jednom komadu.. makar je ona meni na vuho šaptala.. daj samo malo… Bilo je to na jenom žuru …Ha ….


Bogovičeva je vulica zgledela kaj se hiža dotikavle kak i denes.. jedin ni bilo teg staklenog čuda kaj se lepo vidi.. tam negde osamdesetih je to zgrađeno kakti novi dio Hotela Dubrovnik.. Prije tega su tu bile dve jednokatnice.. takaj od hotela i v njima je bila hotelska kuhinja.. Fest su Zagrepčanci mrgljali i prigovarali gda se to gradilo.. ta staklena krletka je bila jeno od prvih takšnih .. se reče.. devastacija.. stareg djela grada.. I meni je dugo let bilo čudnovato kaj se ne vidi nebo na početku Bogovičeve..
A tu gde piše Profil.. tu je bil ulaz v moju Pučku školu .. ta ti je hiža odnavek bila poznata v Zagrebu.. Izgradila ju je za svoje peneze pravoslavna opština.. jebal je vrag.. još za Kralevine .. pa su ju imeli do propasti Endehazije..i onda su ju za sebe bezecirali črleni.. dakle tu je pučka škola bila od samog početka.. pa i nekakšno športcko društvo kaj je posle drugeg rata postalo Partizan.. Najme v prizemlu te hiže je velka dvorana.. za razne športove.. na prvem katu je skroz okol naokol galerija z koje se moglo gledeti dol v dvoranu…. Tam negde z početka sedamdesetih je v ti dvorani bil fest poznati plesnjak.. disko klub..Big Ben .. A sama škola v koju sam ja išel je bila na drugem katu z dvorištne strane te hiže .. Imeli smo taki na drugem katu i velku terasu na koju se moglo ziti jedin čez prozore iz razreda .. A kaj.. bilo je nama klincima tu lepo.. Jedin je grda bila učiteljica.. stara larfa.. stroga kak oni Gargamel z crtaneg filma.. A kaj drugo neg da je bila partizanka.. Fort nam je pripovedala svoje šumske zgode i nezgode z rata.. makar mi to nismo nikaj razmeli.. Prva dva dana v školi mi smo vučili onu partizansku pjesmu.. Po šumama i gorama.. I ja sam saf sretan dobežal domof i pofali se kak znam novu pjesmicu.. I začel sam z vseg glasa popevat.. i fest sam se čudil zakaj je baka mam pobegla v drugu sobu.. a moj mi tatek opalil vritnjak da sam zletel z sobe skroz v forcimer …. Ha …


Evo… tak denes zgledi ulaz v moju negdarnju Pučku školu.. žal mi je jedin kaj nikak nemrem na kipeca deti celu tu hižu.. Najme ni ju nit videt nit moguče naciljat poradi teh terasa i ogromnih ambrela kaj tu stojiju i po ljetu i po zimi … Znaš.. mam pokraj ulaza v tu negdarnju školu je bila i fina i poznata slastičarnica.. tak dobre domače kolače su pekli da je i moja.. drugač fest hajtlih..baka tu rad došla z svojim barunicama.. Tu slastičarnicu su imeli familja..Ramljak.. je.. je.. mamica od oneg poznatog Dinamovog nogometaša je tu bila glavna.. Mi se čini da i denes negdo od te familje i dalše tu drži današnju slastičarnicu … A po celoj toj hiži ima vsega i svačega.. Treba kazat da su tu hižu nazaj dobili oni z slavopravne opštine.. jebal ih vrag ..pa su ju celu iznajmili i kupiju lepe peneze.. A osmoljetke tu več odavno ni.. moja je generacija bila poslednja ………….


Gda bi škola bila vjutro onda smo mam kak bi došli prešli v razrede.. al gda je bila popoldan.. onda smo se prije škole skupljali na Cvjetnom Placu ..Moreš si zgruntat kakšna je to bila gužvancija gda se nas dvjesto.. je..je.. dvjesto skupi na tem trgu.. Mora se znati da je v moje vreme bilo fest klinčadije v Zagrebu..a pogotovo tu po centru Grada.. Ni kak denes kaj nemreš tri klinca skup videti v deset vulica.. tak da je vsaki razred imel pedeset đakof.. pa četiri razreda …ha .. Sva je bila sreča kaj je to stara palača v koji su velke prostorije.. al svejeno smo bilo nutra natiskani v onim klupama kaj su bile skup z stolima zbite .. Narafski.. mi fakinčeki kaj smo se fest isticali po lepom ponašanju.. ha .. smo vani na Cvetači bili dok nebi čuli da zvono zvoni v školi.. A bogmeš je zvonilo da se čulo do Trgača.. Nebuš mi veroval..al je to bilo pravo prafcato zvono kak na cirkvi.. na prvem je katu bilo na stubištu.. viselo na lancu.. pa je stari podvornik gledel svoju žepnu vuru i gda je došel cajt.. je začel z nekakšnom štangom lupati po tom zvoncu .. Ti vrapca.. bi mu zavideli i popovi na Kaptolu .. kam je posle to zvonce nestalo.. bi ga vrag znal.. jedin nis ziher po čemu se kasnejši plesnjak nazival Big Ben.. hmmm.. morti baš po tem zvoncu…ha ……


A gda bi dež curel.. cela ta gomila dečurlije je zašla v Oktogon.. jezušek.. kakšna je pa tam galama bila.. Vse je odzvanjalo od teg kak katedrala visokeg hodnika.. Oni kaj su delali nutra po štacunima.. mam bi zatvarali vrata i za glavu se držali barem pol vure kolko smo mi nutra haračili.. Kak je i denes tu galerija umjetničkih mazarija.. bila je i onda davno.. pa je nekakšni človek fort izlazil na vrata i kričal nekaj na nas.. no nigdo ga ni slušal.. I baš je taj jenog dana prešel v školu i požalil se direktoru.. A direktor te moje škole je bil nekakšni ogromni debeli človek.. navek z kravatlinom.. se zval Došilovič.. pa mi nigdo nismo vidli ..al se posle pripovedalo da je taj naš direktor oveg kaj se došel žaliti poteral na pasja kola i još mu poslal nogu v guzicu .. Ali.. ipak je nama naređeno da nesmijemo više v Oktogon prije škole.. Se razme.. mi smo to poštivali jeno teden dni.. pa vse spet zpočetka … Drugač pak smo navek išli tam prek do negdarnje Vjesnikove štamparije i tam bi v nijhovem dvorišču žicali grafičare da nam daju ona olovna slova.. Kino je onda bilo v staroj hiži.. v dvorani gde su negda za Kralevine srbijanci imeli nekakšne svoje špelancije.. Gda se je zidala nova hiža kino je ostalo z nutarnje strane isto tak kak i Balkan kino.. Se dobro sječam kak su se stari Zagrepčanci zgražali kak se more takšna moderna hiža zidat vsred stareg Cvjetnog placa..A pogleč kaj su pred dva tri leta naredili.. ono čudo od stekla …


Pogleč ovu velku palaču.. na samom vuglu Bogovičeve i Cvjetnog Placa.. ta je mam do moje negdarnje škole.. Tu je gor na prvem katu stanovala ona familja Vrhovec.. to su oni črleni politikanti kaj su vedrili i oblačili.. Se sječam kak je navek ispred hiže stajal ogromni sivi Mercedes..a šofer ga je fort glancal.. Gda bi se odpelal.. onda je pandur stajal na tem mjestu i čuval da se nebi gdo drugi sparkiral.. pa su za kratko Vrhofci naredili svoje nove vile na Pantofčaku.. pa neznam gdo je posle bil tu..al v najnovije doba je tu familja od jednog mafijaša kaj su da na čisto strelili nasred Cvjetno Placa.. No.. pa fučkaš to..
V prizemlju i podrumu te palače je bil ogromni štacun Elektrotehna.. jeno od največih poduzeča za trgovinu električnih aparata i mašina.. Vse kaj je delalo na štrom.. tu si mogel kupit.. i šparhete i pečnice.. pegle.. saugere..mlinčeke za kavu.. televizore.. veš mašine.. lustere i druge lampe i na koncu vse ono kaj je potreboval kakšni električar.. A tu je bila šefica prodaje baš mamica od mojeg dobreg pajdaša z Zrinjefca .. I gda god bi mi tu naokol noreli ona bi zišla van z štacuna ..a mi bi dobežali do nje i onak veselo pozdravlali.. Zdravo teta .. Nju je to fest veselilo.. jer su i ona i nejzin muž bili partizani.. pravi šumski.. Inače je to bila lepa ženskica.. sitna..al vse na svom mestu.. čak sam to i ja zapazil još kak klinac.. Moj je tatek nju fort gledel i guštal.. pa je znal kazat da mu nikak ni bistro kak je ona v šumi pušku držala gda ima tak male nježne ručice da nit pošteno nemre pimpeka primit .. No.. ja o tom nis onda gruntal.. al je moj japa bil dobar z nejzinim mužem.. a kaj bu.. susedi smo .. Of je bil partizanski kapetan..a moj tatek Adolfov Sturmhauptfuhrer.. pa su skup zgruntali da je to jednak po važnosti .. jedin kaj je moj japa odležal posle rata na robiji a of je dobil stana vsred Zagreba .. Nooo.. pak sam zašel všrek .. dakle.. ta lepa mamica je navek cuclala bombone i vsaki put gda bi nas vidla je z žepa na plavoj kuti zvlekla celu škarniclu.. Narafski.. ta smo progutali taj čas.. pa se mamica nasmijala.. pozvala nas nutra v štacun.. prešla do blagajne.. lepo naredila blagajnici da nam da desetaču za bombone.. Al nit moj pajdaš ni bil bedak.. Zel je tu desetaču i kakti pemo skup po bombone..al drek.. desetaču je del v žep a nama rekel da čkomimo …
Jeee.. lepo je bilo biti klinac.. još lepše..frajer.. dobro je bilo i do nema tomu tak dugo.. Zdaj je takaj dobro se vsega pomalo spomenut .. Aaa..kaj..Ništ.. jena mala pripovetka.. onak..uzput ..

Serbus ………..


21:31 | zafrkancija (7) | Print | ^ |

četvrtak, 30.07.2015.

.......štikleci z velegrada ...............



bla bla..bžžžž...blabla.. bžžžž... bla bla ..................
čmrlj..bla bla.. žmrlj..bla bla .... frlj.. blablabla .............


16:34 | zafrkancija (15) | Print | ^ |

srijeda, 29.07.2015.

... i tak dalše ...i tak dalše .................


Ova stara ofucana palača denes je vlasništvo Kaptola.. kak i vse druge hiže naokol.. Napol je prazna..makar su tu i denes nekakšne škole pa i Katolička ženska gimnazija ... Istina je da je ta hiža od davnine Kaptolska.. pa su je onda takaj davno fkrali oni črleni.. denes pak su je nazaj vrnuli Kaptolu.. Tu je nutra v dvorišču i mala javna kuhinja za bogce i skitnice .. A negda .....
Tu je v levoj strani bila škola..se reklo..daktilografska.. tu su ženske učile posel oneh sekretarica..tajnica i drugih kancelarijskih službi.. kasnejše je to prozvano kakti Birotehnička škola.. znaš.. pisanje na šrajpmašini ..stenografija.. morti i kuhanje kavice..to su navek delale sekretarice i tajnice.. a valjda je te curičke negdo i poučaval kak se dopasti svome šefu.. Ha...
Tam z desne strane v večem djelu te negdarnje škole su pak bili šegrti.. avtomehaničari.. pa precizni mehaničari.. to su oni kaj su delali i popravlali šrajpmašine.. I na koncu ..tu su bili šegrti.. vurmaheri .. Ti vrapca.. oni ženski djel je još nekak zgledel..al ovi muški šegrti.. ha.. to su vglavnom bili oni klinci kaj su z provincije došli v Zagreb školati se.. dakle.. moreš si zgruntat kak je to nutra zgledelo.. Pa da bu još gorše.. ti šegrti su največ živeli po đačkim domovima al v podctanarstvu naokol po gradckoj provinciji.. Mi nobles fakini z Grada smo ih jenostavno nazivali.. kumeki.. No.. je bilo i naše zagrebačke djece tu na školanju.. vsi oni kaj se nisu uspeli zapisat v kakšnu gimnaziju su morali v šegrtiju.. I tak su ti po toj i sličnim školama navek ratovali naši dečki z kumekima.. A tu po toj školi su se drapali i demfali od jutra do mraka.. pogotovo znutarnje dvorištne strane....
Curičke pak su največ bile naše Zagrepčanke.. vrabec ga dal.. to je bila cela regimenta teh lepih pucica.. A da vrag naredi još vekšu gužvanciju v toj daktilografskoj školi v podrumu je bil..Klub Mladih.. dakle muzika i plesnjak svake srede.. subote i nedelje.. Tam v sredini šezdesetih je v Zagrebu špilal film..Veseli Klub Mladih.. oni poznati Klif Ričard i Šedovsi.. pa se negdo lepo dosetil i mam na brzinu tu v podrumu vredil klub kak je to bilo i na filmu.. No..ja zdaj nebum o tomu škrabal.. to je negde na početku mojeg bloga vse lepo opisano.. al gda god tuda projdem..setim se teh avantura okol te škole.. Denes sam nakon dugo leta zašel nutra v dvorišče..a to je zapraf bilo i dvorišče skup z osmoljetkom iz Varšafske pa i z drugom jenom školom za stolare.. drvodeljce .. Moreš si zgruntat da v celoj toj gužvanciji ni moglo nikaj dobroga biti..tak da su na koncu to ogromno dvorišče prezidali vse poprek da su odvojili tu fakinažu.. Denes je dvorišče pak v jenom komadu.. prazno.. ogromno.. nekaj dreva je još ostalo.. Je za menom došla stara častna sestra pa me pita da kaj tu iščem.. A ja joj lepo velim kak sam ja tu išel v osmoljetku..pa da sam tu na čagu dolazil..pa curice snubil z birotehnike..pa se tukel..i tak.. A častna mi odgovori.. Je..je.. sve ja to znam.. ja sam tam bila od mladosti v samostanu z strane Frankopanske.. Pa smo častna i ja pol vure pripovedali.. zapraf ja sam njoj pripovedal kak je bilo..a ona je samo klimala z tikvom.. znam..znam.. smo ja i moje pajdašice..mlade učenice .. fort prek samostanskog zida na ovu stran lukale.. Denes je ta častna odprilike stara kak i ja.. i glavarica je pučke kuhinje .. Joj je bilo fest drago kaj smo se skup setili mladih dana.......................


Pogleč.. to je ta negda slavna drvodeljska škola gde su stolari učili šegrtiju.. kak sam rekel.. imeli su zajedničko dvorišče na kojem su se svi okupljali prije škole i za vreme školskog odmora..velkog i malog.. tak je dopalo svaku školu jen del teg dvorišča.al kaj.. avtomehaničari su bili kakti posebno hoh na svoju šegrtiju.. razmeš.. ni mala stvar negda bila avtomobile popravlati.. za njima su bili po veličini i važnosti vurmaheri.. njih nigdar ni bilo preveč.. a zajdni su bili oni precizni mehaničari.. kakti pišgavrit šegrtija.. Nooo.. nis ja pozabil drvodeljce..a mi smo ih nazivali.. tišleri.. dakle kak god obrnuli ti tišleri su bili vsi od reda kumeki.. negde z sela al kakšne još vekše provincije z one črlene države.. Nigdo ih ni imel preveč rad..a bormeš su i straha delali naokol..Bili su nekak najjači.. vekši od drugih..a bormeš i pravi divljaki.. Ja sam v to vreme o kojem pišem bil v osmom razredu osmoljetke v Varšafskoj..al sam.. kakti napredno djete svojega Grada.. več spadal med ozbiljne fakine..
Velki je problem bil učiteljima i nastavnikima svih tih škola reda delati na dvorišču.. Ovak.. Šegrti avtomehaničari i tišleri su smjeli raufati na dvorišču.. Su nastavniki zaklučili da je bolše im to dopustit neg da po skrivečki raufaju po školskim vuglima.. Al Vurmaherima i preciznim mehaničarima to ni bilo dpušteno..a da ne pripovedam o nama osmoškolcima.. Narafski.. ja i moja školska banda smo v to doba več raufali kak turčini.. Je velki problem bil kak da i mi na dvorišču raufamao skup z drugima..Najme.. mi smo osmoškolci vsi imeli poludugačke crne kute na sebi.. onak do kolena.. A takav se nikak nemreš skriti a da te dežurni učitel ne vidi.. Pa smo te kute skinuli i dali našim curičkama da nam ih čuvaju..a mi bi se onda zmešali z drugim šegrtima i narafski.. fort bežali na onu stranu dvorišča gde su bile pod velkom prismotrom pucice z daktilografije..
I tak.. navek je v tem ogromnom dvorišču bilo svađe..tučnjave.. bilo je razbitih tikvi.. podrapanih kuta.. zaplenjenih cigaretlina.. sprešlatanih curica..koje se baš i nisu preveč branile.. I jenog dana su došli majstori zidari i spregradili celo to dvorišče na četiri zasebna djela.. A ja sam to leto završil osmoljetku.. još sam koji put z svojom bandom došel na čagu v taj Klub Madih.. al je to zapraf bila mala škulja gde se vglavnom vrtel gramofon.. Od tog doba pa do denes nis bil v tom opisanom dvorišču.. Jezušek.. tak me je nakaj pri srčeku štrecnulo gda sam ga spet videl ...


I tak.. blazim naokol kak slepi miš.. več sam tri put isti firtl obišel.. Baš si gruntam kak je škoda kaj su pred deset let zaprli najvekši antikvarjat u Zagrebu.. kaj je tu na vuglu bil.. Još tam od Endehazije je tu bila velka knjižara i antikvarjat.. a z dvorištne strane i štamparija.. Narafski.. v novo doba smo dobili demokraciju.. vrag je jebal.. a zgubili knižare i antikvarjate.. Jee.. istini za volju.. baš sam si tu fkral dve libre .. od oneg Đeka Londona koje su još na mojoj stalaži ... Ha ... nooo.. jenu sam kupil a dve fkral... pošteno .......


Eeeh.. o slastičarnici Jumferici.. i brtiji.. Zvečki .. denes več i vrapci povjest pripovedaju po Zagrebu.. Nakon kaj su z oneg poznatog Apola z Zvonimirove vulice poterali mlade drogeraše.. oni su svoj azil našli tu v Zvečki.. To ti je bil vsako popoldan i do kasno v noč celi jen kupleraj na trotoaru i na vulici.. Pošten človek je to mesto naširoko zaobilazil.. V to doba je bilo samo par mesta v Zagrebu gde se je mogla droga nabavit.. a ne na svakom vuglu kak denes.. I tak su se tu okupljali stareši srednjškolci.. i študenti.. a i pomalo vsi drugi.. Tu se raufalo oni hašiš.. žvakala nekakšna smola od koje si dobil prvo vrtoglavicu.. posle pa tikvobolju.. lizali su se nekakšni z drogom namaljani papiri.. i snifalo se ono UHU ljepilo.. Zbilam.. gda bi to današnji drogeraši vidli.. posrali bi se od smjeha.. No.. onda je to bilo nekaj posebnog.. drogirat se.. Narafski.. onda je to bilo i posebno skupo.. tak da su to mogli samo bolše potkovani mladi.. Pa je to trajalo par let.. tu brtiju Zvečku je vsako malo milicija prekopala.. pozatvarala te mlade.. pa i sama Zvečka je znala bit neko vreme zaprta.. Ja i moja bagra z Zrinjefca tu baš i nismo dolazili.. mi smo bili iberales po tem pitanju.. Znali smo jedin koji put pokupit kakšnu nafiksanu curičku kojoj je došla velka volja malo se zabavit negde v kmici.. A stara Zvečka je več letima v zagrebačkoj povjesti.. Su neki probali to malo obnovit..al ni išlo.. Denes postoje druga mjesta za takšnu vrstu zabave..


Nebuš mi veroval..al Kazališna Kavana je još navek zaprta.. Lepo piše na jenom izlogu da je zbog obnove zaprta..a na vratima je cedula od poreznikof da je po nijhovem nalogu zaprta.. Bi ga vrag znal kaj je zapraf..al je ziher da negdo nekaj muti z tom Kavanom.. Škoda kaj je to tak.. Jena od najstareših zagrebačkih kavana koja je negda bilo nobles mesto za poznate Zagrepčance.. umjetnike.. pisce..pjesnike.. glumce.. je pred ovo zajdne zatvaranje zapraf bila obična brtija.. kafič .. Bi ja rekel da se tak namerno dela samo da se do kraja zamete vse kaj je zagrebački podcrtano i poznato.. tak su zaprte i negdarnje ..se reče.. kultne kavane.. Korzo i Medulič.. a onu na Trgaču su Židovi preuzeli i na nikaj više ne sliči .. Eeeh.. tak ti je to..mi dojde da zemem kamen i razbijem vse šajbe.. morti bi onda negdo se zbudil ...


Me razmeš.. zbilam mi na žifce pe ovaj tu žumanjak i taj špičasti pimpek kaj strši v nebesa.. več bi ja tu kuglu zrival na štreku..al je fajn zabetonirana.. pa je i sam oni umjetnik.. mi se čini..nekakšni Kažotič.. kaj je zmislil ono sunce v Bogovičevi.. rekel da ovo tu ne predstavla nejgovu umjetnost.. Tega tu se dosetil..a gdo drugi neg naš gradonačelnik.. oni dotepenec z bregof.. i po svojoj fiks ideji.. naredil .. nigdo nezna kaj ..


Evo.. pogleč tam z druge strane Dalmatinske vulice.. na Meduličevi se lepo vidi ta nova hiža kaj se još gradi.. Hočem kazat da makar je to nova i moderna velka hiža.. skoro nikaj ..al malo ..se reče.. odudara od stare okoline.. VIš.. taj arhitekt je mislil na Zagreb i nejgof izgled.. a lepo je mogel tu naredit škatulu od aluminija i stekla.. kak to je naprimer tam v Cesarčevoj.. Aaaa.. malo je denes spametnih kaj noriju po našemu Gradu.. of mora da je Zagrepčanec .....


Jezušek.. več me noge pomalo boliju.. Stal sam se tu na vuglu Varšafske i gruntam si kam bi bilo dobro prejti v brtiju.. Ni vručina..al bi mi baš pasala jena Nesica od vanilije.. a morti i kakšno Ožujsko z citronom.. Maaa.. Grad je prilično prazni i pust.. nema ljudi.. Vreme je urlauba.. škole ne delaju..visoki je datum pa nit penzijonercof ni po vulici.. a nekam si nestale i naše lepe Zagrepčanke.. Istini za volju..več par dni je vreme ..šicmic.. nigdar neznaš dal bu sunce al se bu dež zlijal.. Sam nek tak ostane i ja bum zadovoljan.. Ha .. Hmmm.. a da se hitim na trajvan i prejdem domof..ha .. maaa.. nekak mi je tak lepo v Gradu.. mojem Zagrebu.. pem još malo naokol.. morti i kirega poznatog sretnem.. znaš.. lepše je piti v pajdašiji neg sam.....

Imajte se dobro ...............


16:19 | zafrkancija (10) | Print | ^ |

utorak, 28.07.2015.

....okol..naokol.. posvud ................


Veli oni žgoljavi prognostičar..Vakula.. da je još denes ovakšna friška blagodat..a več od zutra se pomalo buju pak Celzijusi penjali nebu pod oblake.. A ktomu je još i nadodal da bu pak prihajal paklenski toplotni udar.. jebal ga vrag.. a to znači da bum ja pak zeval kak som na asfaltu ... Pa kaj drugo neg skoristit ovu svježinu i malo se prešpancirat okol ..naokol..posvud.. makar sam to miljon put tak naredil .. Noo.. pa kaj.. meni paše..


I tak.. brez veze peš kam te noge odneseju.. A rekel bum ti.. nemreš čez moj Zagreb prejti a da se nečeg ne setim.. narafski..ja se največ rad spominam kak je negda bilo.. jer tak nigdar več nebu.. tak se prisečam da je tu gde je zdaj slastičarnica..Princes.. jebal ju ja.. tu sadašnju vlasnicu.. pa nit ni to loša ženska.. kaj ni tu natpis.. Princeza..ak baš to mora bit.. Nooo.. tu je od davnine takaj bila fest poznata slastičarnica.. Lazič.. Još od one Kralevine..pa prek Endehazije.. čez celu črlenu državu.. i evo.. zdaj je tu Princes.. pa bi ja rekel da taj nobles nazif ništ ne pomaže kaj bi posel išel bolše.. več je dva put štela ženska zaprti.. pa se nekak predomišla.. Jeee.. nema dost zarade tu.. a nema stoga kaj tu ni ona negdašnja Lazič kvaliteta.. Je ti stari Lazič bil poznat i kaj su tu pri njemu.. kasnejše najbolši zagrebački slastičari.. zanata izučili... To je bila velka preporuka za vsakeg koji je tu pri Laziču biljega dobil..


Pa ni sam neznam kak sam se tu našel.. to ti ja nekak.. onak napamet skrenem spram mojeg Zrinjefca.. Al denes bum rajši na drugu stran .. žalostno mi zglediju ti prazni napušteni i zapušteni štacuni.. Viš.. več dva leta ta vura stoji na tri sata popoldan.. V to je vreme to poduzeče..Sat.. prestalo delat..propalo skroz na skroz.. A tu je do zajdneg cajta delal moj sused Cajger.. vurmaher.. kaj ga često ja spominam v svojim pripovetkama.. Pa sam i ja često tu knjemu navrnul.. narafski.. nigdar ni bil tolko zaposlen da si nebi prešli nekaj spit v brtiju prek puta.. A do pred deset let je i mam pokraj teg vurmahera bila brtija.. mi se čini da se zvala Dinara.. Pa su majstori vurmaheri više vremena vure popravlali v brtiji neg tam pri svojem štacunu.. Al kaj.. denes se malo vura popravla.. kupiš jeftino onu kinesku.. nosiš ju dok ne stane.. hitiš.. i kupiš drugu.... I taj je moj pajdaš Cajger od žalosti prešel v penziju.. A štacun prazan....žalostno .... nit brtije odavno ni ......


Viš.. to je za vsaku pohvalu.. taj riblji restaurant je tu od gda ja pamtim.. a ja ti zbilam imam fajn leta na grbači.. Dakle v tu Korčulu..kak se zove.. su dolazili največ negdarnji črleni politikanti..partijci.. i vsi kaj su se okol njih vrteli.. Prvo je tu bila v podrumu.. konoba Korčula.. dobro vinčeko.. slane srdelice.. i tak pomalo.. Pa su onda otprli restavraciju v prizemlju... i na koncu su i gor na prvem katu naredili kakti malo nobles za posebne goste. kak sam več rekel... Več davnih leta je ta restavracija skroz na skroz zgorela.. jeno vreme bila zaprta.. pa su ju obnovili i tak do denes dela.. A tam prek puta je bila takaj riblja restavracija.. Pula.. pa i denes je takaj nekaj po tom pitanju.. Eee.. tu su pak dolazili vse samo direktori velkih poduzeča.. al su i z jene i druge strane vulice bili naparkirani črni mercedesi v kojima su sedeli i raufali šoferi.. dok su šefovi žderali i pili.. Prafzapraf.. je vulica bila bolše poznata stoga kaj je fort..od Zrinjefca pa do Kazališča.. smrdela po ribama...


A ono kaj človeka žalosti je ova stara pohabana gradcka hiža.. Velko je pitanje kaj bu znjom.. Negda su tu bili štacuni.. galerija umetničkih mazarija..pa staklar.. pa poznati antikvarjat z starim librami..pa frizer.. Pa je vse pomalo nestalo.. hižu je negdo si posvojil i zdaj se pripoveda da ju buju zrušili kak su i pred par let onu pokraj nje.. pa buju tu gradili noveg hotela.. Moreš si zgruntat ..ak bu tak,..bu tu pak nekakšna staklena škatula .. Jeee.. malo po malo i naš dobri ..lepi.. stari Zagreb bu nestal ... Aaaa..tak je to ...........................


Tam negde z polovice šezdesetih leta.. tu je naređen najmoderniji restaurant.samoposluživanje.. se nazival .. Turist.. To je bilo čudo za videt.. veliju da takšneg ni bilo od Beča pa do Carigrada.. Vse nutar od stekla i aluminija.. pokromani stoli i stolci.. taljanske pločice po podu i zidu.. a kuhinja nekaj kaj bi si i Kenedi mogel poželet.. Tu si mogel zajti.. za male peneze si zabrat nekaj od ponuđene i na tanjure pošlihtane ždreače.. narafski i za pijaču po želji je bilo.. pa si to vse natovaril na velku plastičnu tacu i biral mesto gde buš si sel.. Je da je prije te restavracije samoposluživanje več par let bilo v Mosoru..tam pri Trgaču..al ovo je bilo nekaj posebnog.. pa su to prvo namjenili za turiste kojih je i onda bilo po našemu Zagrebu..al su to vglavnom bili nekakšni namerniki z istčneg djela Evrope..pa z Rusije..i tak.. pa kak j to bilo premalo za potrošnju.. su sim spustili i študenete koji su si mogli plačati abonoman.. Na koncu su tu mogli jesti vsi koji su šteli.. Moram ti kazat da i ni bilo tu loše.. Mi fakini smo sim znali dojti i natrpati punu tacu pomfrita.. kaj ga se onda ni moglo kupit posvud kak je to denes.. I bi se natrpali teg slanog krumpira pa se onda preselili gor na vugel v Blato pri Tinu.. na pijaču.... Eeee.. baš je bilo dobro negda ....Denes je to odavno zaprto.. vsega i svačega se tu zmenilo..pa ni nikaj ostalo.......


Pogleč.. vsred Grada Zagreba.. vsred Cvjetnoga Trga.. vrabec ga dal.. Knez Mihajlova česma.. doduše..nekaj manjša..al slična kakšna je i tam pri onem turskom pašaluku.. beogradu.. Bi ga vrag znal gdo je tom umjetniku dal za to nagradu i dopustil da se ztim nagrdi naš lepi Cvjetni trg..al.. kaj.. Železnog Franca su hitili proč.. jednu pipu ostavili za cvječarice da si moreju kible z vodom punit..a ovo naokol je trebalo bit za žedne ljude .. No.. kak stvari stojiju.. a nikak ne stojiju.. ništ za žedne ljude tu ne funkcionira.. pokvareno..........


I još me veseli kaj je tu ta Bombonjera..Kraš.. a od davnine je tu bila takaj bombonjera Union.. Tu si mogel kupit ak si štel i dva bombona i pet deka napolitanki.. deset deka keksa.. one mikiče za lizanje.. čokoladu spakiranu al na vagu.. i tak.. vsega finog.. A mam pokraj je i denes pekarnica..a bila je i negda davno.. Još kak klinac osmoškolec tu bi dolazil z svojim pajdašima pa bi posle škole kupili kakšni perec..al salcštangu.. A znali smo si kupit i celu štrucu beloga kruheka..pa bi ju drapali i jeli kak gladni taubeki.. I kak se onda nebuš setil lepih cajti .......


Eeeeh.. kino Evropa.. negda davno i pak denes.. Al ja to kino bolše pamtim kak kino Balkan.. Jee..a kaj moreš gda se tak dugše nazivalo neg Evropa.. Najlepše kino v Evropi je upraf to.. Bilo i ostalo.. Barokna dvorana z tapeciranim stolcima..još od davnine.. Tu su se navek pokazivali najnoviji filmi.. težko si mogel kartu nabavit ak nisi dve vure prije predctave stal v red.. A tu su se i najbolše švercale karte.. Bi starši frajeri pokupovali vse bolše karte..pa bi gda bu blagajna bila zprta začeli prodavat po duploj cjeni.. Hmmm.. i ja sam koji put tu znal ..kakti.. pomagat starešim dečkima te karte čuvat da ih milicija ne zapljeni.. A v to je kinu bil direktor japa od moje školske pajdašice z kojom sam sedel v klupi.. Narafski da sam joj več v petom razredu začel fulirat i snubit ju.. a rezultat tega su bile karte za kino..narafski zabadaf... Ni japa bil škrt.. bi nam fakinima dal i po deset ulaznic...ha.. al v prvem redu tak da si vrat zlomiš dok glediš....Ha ... pa bilo je v tem kinu svakakšnih avantura..al bum to drugi put spripovedal.. To je kino med poslednja dva..tri stara kina v našemu Gradu ...


Nikaj posebnog denes.. obični kafič..al negda tam v šezdesetim je baš tu bil štacun z Mercedesima.. zapraf sam je jen bil v izlogu..al najnoviji.. Dok su večinom Mercedesi v ono vreme bili črne farbe.. tu je cela dva ..al tri leta stajal jen kak citrona žuti.. Su mu rekli da je to repaš.. ogromni avtomobil.. smo vsaki dan stali barem malo i gledeli ga .. A kupil ga je tatek od takaj moje školske pajdašice zbog koje sam dobil batin od bande z Gornjeg Grada.. je ta Mirjana stanovala v Matoševi vulici a ja sam ju pratil domof i fort snubil na ljepe grehe.. je to bila puca i pol.. No pa su ju kakti pod svoje zeli Braco i Štef z Vranicanjevog.. a ja sam tu bil uljez.. No.. smo to brzo skvitali..al kaj.. se mala zkup z familjom preselila nekam v novi stan.. A je taj žuti mercedes navek stajal v Matoševi vulici.. bilo je to nekaj za videt.. stara ofucana vulica i taj fort zglancani komad pleha.. Jemput sam se pelal v tem.. onak slučajno nas je nejzin japa dostigel na Mesničkoj.. ti vrapca.. bormeš sam imel prpu vriti..al je japa bil dobar.. zapraf ni ništ znal kaj bi ja z nejgovom kčeri .... ha ...


Gda smo več tu.. bum par rječi rekel.. Viš.. v ti hiži se prvi put pri nam pojavil oni Hamburger.. Prije tega smo samo slušali..al v kinu gledeli kaj bi to moglo bit.. Vražji Amerikajnci.. zbilam svaka zmisliju.. pa smo se največ čudili stoga jer je pri nami hamburger bil oni mesnati pisani Slavonski špek.. pa smo se pitali kak to Ameri tak fest moreju hrdat.. No.. gda se to čudo tu začelo delat.. ti vrapca.. stajalo se v redu i po dve vure za jen taj Hamburger.. Istini za volju.. ja nigdar nis štel stajat v nikakšnem redu.. al me vražji apetit nateral.. Bum ti rekel.. probal sam to onda ..i nigdar više nis.. To ti meni nikaj ne valja.. ta smrdliva mlevena govedina.. pa majoneza.. pa velki list šalate.. pa komad paradajza.. vse skup toplo.. maaa.. za spobluvat .. Jeno dva leta je to bilo kakti nekaj posebnog..pa su i drugi začeli te Hamburgere delat.. drek..kaj da ti velim ... Al.. evo.. baš tu je začelo ........


Evo.. taman kaj sam se razpoložil za pripovetke.. začel je dež curet.. tekar tolko da ti se tikva zmoči.. Narafski.. ja domof imam prek deset ambrela vsih boja..veličina i kvalitete.. al zdaj sam gole tikve.. pa i ne preostane neg birat.. brtiju..al trajvan.. hmmm.. bum of put izabral brtiju.. nebu to dugo padalo.. pa ja pem još malo okol naokol..posvud

......... Serbus ...............


19:01 | zafrkancija (15) | Print | ^ |

subota, 25.07.2015.

...štikleci z velegrada ................



21:52 | zafrkancija (13) | Print | ^ |

petak, 24.07.2015.

I kaj... Ništ ................


Pa je ščera začelo grmet.. sjevale su munje nebeske..črni oblaki su navalili debeli kak žganci .. a ja sam hitro pokril svojeg afteka da ga kakšna tuča ne opere.. Malo je zafijukal vjetrek..kak da bi baba prdnula.. i kaj.. opalo je par kaplic kiše.. tekar da prašinu po vulici pobere.. barem je tak bilo pri meni.. A denes čujem kak je negde to debelo padalo..pa su i oni celzijusi opali.. lepo je zafriškalo... Eeee.. gda se lepe stvari događaju to nigdar ni pri meni.. Celu noč sam imal otprte vse luknje na hiži.. gruntam si kak bu durhcug povlekel odzgor z Medvedgrada..al.. nikaj.. Vjutro pak sparno.. poneki oblaček sramežlivo prejde znad mojeg krova..ptičeki šutiju.. odkak je ta vručina nikaj ne popevaju.. susedof cucak Garo leži nasred dvorišča kak krepan.. nejgof gazda .. sused špengler leži kak krepan na svojemu balkonu.. sused Cajger se vjutro vrnul z mora.. veli .. Jebeš more.. a nejgova Cajgerica jamra kak bi ona još ostala al je of mulac navalil domof iti.. pa na to naide moja najdraža i stručno se razpitiva pri Cajgerici kak je na moru.. a moja punica zleti na dvorišče v spavačici i veli da bu kavicu pristavila.. Maaaa.. bežim ja od teh mudrih pripovetki.. Malo na Dolac po paradajzeka i glavicu šalate.. malo pri Fuliru na Ožujsku z citronom.. špancirung do Frankopanske i... domof.. kaj bi se po vani švical.........


Serbus ............


17:25 | zafrkancija (12) | Print | ^ |

četvrtak, 23.07.2015.

........ kipeci z Špice .....................


STILOVI ........


17:04 | zafrkancija (13) | Print | ^ |

srijeda, 22.07.2015.

....špancirancije ................


Čuj.. nikak nis spal več dve noči.. vručina se zavlekla v hižu.. oni maher za klime.. vse nekaj..bu..nebu.. I kaj ti preostane neg vjutro rano prejti v špancirung..dok još lampa odzgor ne opali..


Več se dugo spremam malo sprejti gor po Griču brdu.. tak bum uzput sprobal kak mi je doktor Frankenštajn kuglagera na nogi spririhtal.. Jezušek.. nekak mi ta vulica denes zgledi dugša neg gda sam zajdni put se tu pentral..


Nekak sam se dovlekel do Cinkuša.. kak da sam se na Vezuva pentral.. Pošteno sam se zašvical.. Narafski.. kaj bi pri Cinkušu imeli Ožujsku z citronom.. jebala ih karlovačka sred Griča Brda .. maznul sam dve Cedevite.. nemrem samom sebi verovat.. .......


I tak.. malo simtam po starim slavnim vulicama najslavnijeg Grada na svetu.. Prafzapraf.. nikaj se ni tu zmenilo.. Je da se po kmici tu nekaj špila.. nekakšne prectave po dvoriščima.. pa ti je to vse skup drek.. Tam v Basaričekovu gde su snimali najbolši horvacki film.. aaa..kaj.. tam stane deset ljudi i več je puno.. Pa v onem dvorišču z bunarom su pometali nekakve kištre z Dolca i tu vrtiju koncert.. Maaa.. totalna bedarija.. tekar tolko da nigdo nemre prigovorit da je Gornji Grad mrtaf.. Hmmm.. no bolše ikaj..neg nikaj .. Narafski.. tam v parku Griču je i dalše vse razkopano.. pa kak i nebi bilo gda samo jen človek vleče naokol napol pune tačke.. a drugi mu je šef ... Vse ti to pe kak smola od riti.. negdo pobire peneze v svoj žep ....Bolše da su Grič ostavili na miru za lubavnike..


Evo... valjda dve poslednje Purgerice z Griča brda lepo tračaju pri Staroj vuri i čekaju oni mali razklimani avtobus.. Jezušmarija.. gda taj projde čez vulicu.. zgledi kak da se bu saf razpal..


Malo sam si sel tu i uživam v ti lepoti.. milina.. vodica pomalo skače.. debela je senca..mir..tišina.. Nekakšna ženska me z obloka pita dal mi je slabo kaj sam si sel tu na nekakšni kamen.. Pa ni..ni.. gospica.. dobro mi je.. samo uživam malo...


Vse je po starom i na svom mestu.. Kamenita vrata sam preskočil.. još ih obnavlaju pa su sva pokrita i skele su naokol.. kak to pri nami gre.. barem buju pet let tu zjake prodavali oni restauratori ..


Se razme...La Pizdarija je i dalše zaprta.. gitre su zašvasane.. več skorom dvajset let nigdo nikaj tu ne poduzima..kakti.. se nezna gdo je vlasnik teg podruma v kojem sam negda na čagu išel.. Eeee..kaj je tu v kmici bilo lepih pucica.. A i celi Gornji Grad je bil v kmici.. a pogotovo tam na Griču.. Eeeeee .....


Of srbijanski mulac još ni tu kaču zadavil.. Noo.. barem voda curi..makar nekak mlitavo.. i ja bi se bolše poscal.. Nema nikaj penez v ti fontani.. a negda ih je bilo.. su gornjogradcki školarci i razni zalubleni tu hitali bugare.. Zdaj celi taj trg služi kak parkiralište ..


I tak.. mic po mic.. evo me pri Kulmerovi palači.. Još je tu oni muzej..Podrapanih srca.. od one ženske ..Vištice.. Makar nigdar nigdo tu ne dojde.. al kafič dobro dela.. je još rano.. al kelner mi je donesel mrzlu Ožujsku z citronom.. Praf mi budi.. Jezušek..kak mi lepo curi čez požirak .. kak je začelo.. zgledi da bum i drugu spil .............

Serbus ................


18:16 | zafrkancija (13) | Print | ^ |

utorak, 21.07.2015.

.........kipeci z Špice .............


aaaah.. da mi je spet biti fakin.. makar samo pol dana...


Jeee.. dobra treba... al bum ja ipak pričekal oneg noveg.. z klimom ...


..mamicu al kčerku... hmmmm... obadve..ha ....


18:48 | zafrkancija (10) | Print | ^ |

nedjelja, 19.07.2015.

.... štikleci z velegrada ..............


....... bem te šlampastu .....................


13:08 | zafrkancija (14) | Print | ^ |

subota, 18.07.2015.

špancirancije .....


Viš.. gda je rano vjutro ovak nekakšna kakti maglica..to veli da bu dan fajn topli.. Maaa..kaj topli.. Sahara se sim preselila.. vse se bolše osječam kak oni Tuareg.. jedin si moram devu nabavit ...


Ti vrapca.. gda odzgor zažge.. i kače buju zevale od vručine .. Ni baš preveč spametno čekat da oni bradati odzgor ogenj hiti.. Vrabec ga dal.. mene su na vjeronauku navek vučili da je pakal dole v zemli..a gore da je raj.. pa kak to onda .. Gdo je tu zbunjen..a gdo lud .. gdo kirega...ha .....


Sva je sreča kaj tu vsred Sahare ima i oaza.. Pogleč.. lepo se zeleni.. Narafski.. Ožujska se tu toči.. sam da mi fest mrzlu prinese.. tak da mi se zmrzneju papki na nogama.. maaa.. znutra.. ziher si nebum noge namakal v pivi


Mam mi je lakše.. zdaj sasvim polahko čez Staru Vlašku..spodi Zida na Dolac.. malo paradajzeka i breskvi..velku glavicu šalate.. malo rikule za pomešat.. hmmm.. mi se vidi da sam pozabil kaj još.. Jeee.. vručina je kriva.. moram si pak nekam prejti tikvu razhladit.. morti mi se daske bolše pošlihtaju ....ha ...
Preporučam.. domof sedeti sasvim mirno.. nikaj ne delati..bogsačuvaj.. se razme.. v blizini frižidera ....

Imajte se dobro .....................


12:02 | zafrkancija (17) | Print | ^ |

petak, 17.07.2015.

Štikleci z velegrada ...................



Ti lepo velim.. nema teh na ovem svetu ..neg kaj su moje Zagrepčanke .....


08:26 | zafrkancija (14) | Print | ^ |

četvrtak, 16.07.2015.

.... zagrebačke piknjice ...................



Jezušek.. Jezušek .....


09:35 | zafrkancija (12) | Print | ^ |

srijeda, 15.07.2015.

Španccc... Jezušek..pak mi je vruče ............


Zgledi da je oni bradati gor na nebu takaj ponorel z Fotošopom.. narisal je te oblake makar je bilo videt da stega nebu ništ.. Jezušek ..kaj je sparno.. dost ti je da na miru stojiš a da se švicaš kak kojn.. Dojde človeku velka želja da čez našu Savu začneju sante leda plovit.. Ovak.. leda moreš jedin dobiti v brtiji ..
Narafski.. na Trgaču pak sajmište.. jamra tu jen da mu se sva roba raztopila na suncu.. Ti vrapca.. pa zakaj cukore prodaje.. A mam pokraj teg je nekakšni kumek i špeka ima celu hrpu.. uuu.. kak se je cedila masnoča.. do podneva bu ostala samo koža od teg špeka ....


Viš oveg starog.. lepo se je razkomotil kak da je na Safskom kupalištu.. Jedin kaj nema vode da si kak oni stari Jura moči žulj.. Briga nejga kaj je vručina.. A ja se vrtim naokol.. čekam pajdaša.. je rekel dojti.. valjda bu.. Vrabec ga dal.. i aparatlin mi nekaj šteka.. hmmm.. i taj se je več zmučil..


Evo.. babice se opremaju.. znaš.. oveh dni je ona smotra folklora.. pa se ti raznorazni v narodnim oblekama produciraju naokol.. Mora bit da im je vruče.. veli ova jedna da ima čak četiri podsuknje..pa dve pregače.. na vse to lajbek.. i gače do kolena... maaa.. kaj god.. gdo bi mene naterall.. fučkaš tu smotru ..........


Aha.. mužeki su zaigrali.. eee.. baš im nit nejde bogznakak.. su tri put fulali..pa zpočetka.. velim ti ja.. ništ se po ti vručini nemre .. Jebal ga vrag.. več sam tri put obišel okol celog Trgača.. prešel i Splavnicu gor i dol.. Ha.. da vidiš te sirote cveteke na štandima.. obesile im se glavice i listje.. ha .. baš kak v cvječarnici pri Alanu Fordu...ha ..
Maaa.. gdi je taj moj pajdaš.... Booookačooooo...... Aha.. evo ga ..pe frajer polahko.. fučka se njemu kaj se bum ja zrušil od prevelke žeđi ... I tak.. štrafta v Tkalču ...................


Serbus ......................


17:42 | zafrkancija (8) | Print | ^ |

ponedjeljak, 13.07.2015.

štikleci z velegrada .....................



Pššššššššš.....
Kaaaaaaj .............
Pšššš..Pšššš ...........
Fala..nebi ...................................


09:32 | zafrkancija (18) | Print | ^ |

subota, 11.07.2015.

Špancirancije ......................


Mesto da spim kak pravi penzijonorec.. ja se zbudim kak pravi kmet.. I kaj buš onda delal.. ha.. Se razme.. pemo v špancirung.. Subota je .. vreme kak se samo poželet more .. bum si malo prešel na Dolac..pa ne nikaj kupovat.. onak.. malo z razonode.. Jezušek..kak su lepo zamirišale marelice z štandof kaj su puni voča.. milina..


A nema ti lepšeg neg si sesti spodi tende gor na stari Opatovini.. Malo vjetrič popuhuje z Medvednice.. Nesica od vanilije je kak se spada.. babe naokol klafraju.. vsaka mora vse drugim spripovedat kaj je noveg.. a ti to slušaš hočeš..nečeš.. kak da si v svom dvorišču.. Baš mi paše ...........


I tak se malo sprehodim gor dol po Opatovini..zavirim po tim štandima.. prodavačice me snubiju da nekaj kupim.. A i na glas se žaliju kak nema dost kupcof..kaj su Zagrepčanci na odmore prešli..a ovi turisti nikaj ne kupujeju.. Zašel sam malo i v park .. kak i navek.. prijepodneva tu nikog ni.. tu i tam kakšni cucak gazdu dopela na scanje... ha .. Hitiš malo oko gor na Gornji Grad.. nooo.. drugi put pem gor.. denes mi se nekak neče pentrat ...


Kak se veli.. z noge na nogu.. i mam sam na Kaptolu.. mir.. tišina.. retki avtobusi prodrndaju.. prazni i sim i tam .. Vidi se da je fajn Zagrepčancof zbeglo iz našeg lepog Grada.. Neki su na urlaub prešli.. na more.. oni dotepenci su prešli v svoje domaje.. mamici.. tateku.. babici.. na finu domaču koštu.. a da si nekaj tak i zašparaju.. Eee.. a oni kaj nemreju na more.. a to su ti največ penzijonerci.. oni još spiju.. razmeš.. lepo v krevetlinu prespiju fruštik i gablec.. i evo ga na.. penzija im lepo zdrži celi mesec........ Ionak ni zdravo preveč jesti...ha ....


Jee.. sunčeko vse bolše grije.. no .. pa se ovih dni to lagše podnosi.. Nema oneh velkih vručina gda si mogel jajca speč na šahti od kanalizacije... narafski navek moraš pazit kam se sedneš...ha .. Stojim tu pokraj stare kule.. bormeš je debela senca.. i gledim kak vsako malo dohajbaju kakšni turisti.. Ha..kak ofce ih pelaju oni vodiči.. pa največ su to oni mali žutaki z očima všrek.. samo hajbaju sim tam.. šklocaju z aparatlinima.. i stojiju vredu za scanje tam pri šekretu v čošku pokraj kule... narafski.. uzput si i flašičke napuniju z vodom .. ziher se čudiju kak je to pri nami zabadaf .....


A ljudi se dobro znaju snajti.. lepo si premestiju klupe z asfalta tam na travu spodi dreva.. pa sediju kak da nikaj na ovem svetu ne postoji.. I tak z dana v dan.. travice skorom več i ni.. sama gola zemlja.. A gda opadne dež..onda bu blato do kolena.. Aaa.. kaj.. ionak po kiši nigdo tu ne sedi.. A ja tu stojim.. uživam u senci.. več me i noge boliju..


I saf taj moj štrapac začne zahtevati i nekakšno osveženje.. zdaj bi se več i mogla ona domača medicina fpotrebit..narafski.. Ožujska z citronom.. Hičem pogleda tam prek na Kapucinera.. no mi se čini da tam sunce preveč žge.. Bum nekak zdržal .. a morti i susretnem koga poznatog pa bu slajše spiti koju rundu ..


Znaš.. posvud po svetu ljudi.. domači.. namjerniki.. turisti..zalubleni.. raztavleni.. i kaj ti ja znam.. bacaju sitne peneze v fontane.. Tu pri nam malo gdo hiti nekaj.. Baš denes gledim.. je čez jenu vuru tu prešlo par stotin turistof.. vsi samo kipece rihtaju.. sebe šlihtaju kaj bi se vidli i pokazali gde su bili.. a malo gdo nekaj i baci v vodu.. A sam i primetil..da oni kaj i baciju sitniša..to su največ mladi ljudi.. je..je.. lepo tu dojdeju.. zamočiju prst v vodu.. narediju kipece.. nekaj hitiju.. primiju se za ruke i peju dalše.. Aaaa.. tam prek puta bliže Dolcu ti čeka dežurni.. Cigan.. gdo bi drugi.. Čim spazi da je negdo nekaj hitil mam je tu.. ima zafrknute hlače i one plastične sandale.. lepo zagazi v vodu i pokupi vse kaj najde.. Od kak sam ja tu.. dva put je pokupil sitniše.. Posel je posel ..ha ...


Mic po mic.. z jene sence v drugu i evo me na Bakačevi.. Vse je više ljudi po vulici.. a ziher se i Trgač začel punit.. Zdaj polahko malo vizitirat Trgač.. pa onda praf pri Fuliru sesti i okrepit se.. tam navek negdo poznati naleti.. A posle.. ha.. gdo bi to mogel znati.. kam me noge odneseju..al ..trajvan...ha ...


Serbus ....................


11:31 | zafrkancija (0) | Print | ^ |

petak, 10.07.2015.

.... zagrebačke piknjice ..................



Ha .... zgeknul je .....................


17:07 | zafrkancija (14) | Print | ^ |

četvrtak, 09.07.2015.

Lakše se diše ................

Kaj da ti velim.. denes sam čak i zašparal nekaj penez.. Ni trebalo trošit..medicinu protif vručine..narafski..Ožujska z citronom.. Aaa.. dobro je ..dobro.. lepo je začelo grmet sinoč.. nekak sramežlivo.. pa je dež opal i curel celu noč i malo prijepodneva.. Taman da malo tu vražju vručinu razblaži.. Vjutro je zgledelo kmično kak da bu smak sveta.. al nikaj o tega.. Popoldan se pak ona lampa nebeska zažgala.. al kak stvari stojiju.. mogel bi još kakšni oblaček prihajat..



Serbus ...........


17:07 | zafrkancija (11) | Print | ^ |

srijeda, 08.07.2015.

nikam ne pem ...............


Gda se ljudima lepo veli da nek nikam nejdeju jer im more ona žareča lampa z neba na tikvu opasti.. onda ja takve naputke rad posluhnem.. Ha.. i kaj mi fali.. lepo sam se zmestil v sencu na svoji terasi.. narafski.. dobro sam obskrbil svojeg frižidera.. onak po zakonu.. se razme..Ožujski zakon.. I lepo zasipam pivicu v oni zemljani vrč kaj ima poklopec.. pivica bu dulše friška .. prafzapraf.. pri meni se nit jena piva ni stigla zagrijat ..
Bormeš je denes fajn pripeklo.. čak i ptičeki mučiju..ni ih čut.. a nit susedof pes ne laje.. Ha.. čak nit babe z susedctva nisu na plot zišle klafrat.. Vsi su negde v sencu pobegli.. dakle ..denes bum pri hiži čekal da oni obečani dež opadne.. A gda opadne .. bum se pak sel tu van na stolec..samo v gačama.. i užival.. hmmm.. valjda me nebu grom potrefil ..


No..pa nis dugo zdržal vani na terasi.. Makar pri meni ima hladovine.. zapraf je to samo senca.. al je jednak vruče i v senci i na suncu.. Vrabec ga dal.. moram zbegnut nutra v hižu.. baš gledim oni termometar.. v senci je tridesetsedam celzijusa. a još je dalko do podneva.. Bormeš se oni bradati gor razpištolil z tim svojim roštiljom..
I..kaj.. sprečitaš cajtunge..se razme.. Večernjak je pri meni zakon.. pa onda zvrtim vse po Internetu.. pa malo sprešnjofam po špajzi i frižideru.. razmeš.. gda sam celi dan domof.. fort me nekaj tjera v frižider.. I tak.. zdaj malo prelistavam stare libre..se človek malo podsjeti kaj je negda davno čital.. projde vreme i se pozabi kaj je iza kojih korica .. Hmm.. kak vse zgledi.. bum si malo i odremal.. Zutra pem v špancirung.. pa makar bu oni bradati i sam opal dole na zemlu skup z tom svojom lampom ...

Serbus .........


14:22 | zafrkancija (17) | Print | ^ |

utorak, 07.07.2015.

........žge... za krepat ................


Več dva dni sunce pada kak da je ponorelo.. More bit onaj bradati gor na nebu fest kuri.. hmmm..kaj ni čul da se nesme zdaj korova kurit..bum mu Kanadera poslal ... Jezušek.. bum se raztopil ...


Istini za volju.. dobro se smjestit v debelu sencu na Zrinjefcu.. Fala zdravoj pameti.. one gradonačelnikove bedarije su razmontirali.. al su dobra zagrebačka dječica bormeš vse do jene hortenzije polomili.. I kaj zdaj.. najbolše cvetaju.. a vse skup zgledi kak da je kombajn prek njih prešel.. eee.. to ti je gda se Zagrepčance hoče hitit v kulturni trend.. vrag ga jebal..


Pogleč kak žari i pali ta lampa z nebesa.. Jenostavno se na Trgaču nemaš kam skriti.. Tam spodi oneh tendi pri kavanama je još gorša sparina.. kak vse zgledi jedino mesto v senci je pri bivši Gradcki Kavani..maaa.. zdaj je to nekakšni Johan Frank.. eee.. baš nejdem židovu prometa delat ...ha ...


Ha.. vse je dobro kaj tikvu čuva.. pa i taj suncobran kaj se natakne na tikvu.. Znaš.. jemput sam si ja to kupil i del na tikvu.. pa me je moja najdraža stala cimat za ruku... Daj skini to.. nas ljudi glediju kak da smo z Vrapča pobegli.. ha..No.. dobro je za dječicu.. sam neznam koji bu pajnkrt to štel držati na tikvici ...


Nit je Ljuba denes ikaj cajtugof prodala.. nedaju ljudi peneze da si ženska nekaj zaradi.. A dobi pola od cjene za vse kaj proda .. A proda samo par komadof.. morti si zasluži za kruheka.. Fort nekaj mumla.. sama z sebom se razgovara.. Aaa.. kaj moreš..


Aha.. i stari KokoBil je na Trgač zalutal.. pogleč.. gdo bi rekel da još negdo na ovem svetu zna na prste računat.. jeee.. stara generacija.. Pa su nejga kak i druge bezkučnike zlifrali dol prek Save v Kosnicu.. Al dojde on vsaki dan v Grad.. pa ni mu zima kaj ima tu kožnatu jaknu.. al če ju ostavi dol v Kosnici ..more na nju pozabit.. mam bu prešla za litru i vodu ...


A pri Jehofki je denes fajn prometno.. kakti da imaju konferenciju o tom dal je Bog imel bradu..al ju je brijal ..Vrag ih dal.. vsaki dan tu stojiju .. al sunce žga..al dež curi..al pa je pol metra snjega.. Hmmm.. ti vrapca.. morti su si te bezecirale kartu za raj nebeski.. Koji put se tu znjima zafrkavlem.. a one me na vsaki način pokušaju uvjerit da su v pravu a ja da nis.. Maa.. da su barem malo mlajše.......


Ha.. si videl staru damu.. z stilom i na plac i z placa ceker vleče.. Tak treba.. a ne na sebe nabacat vsega i svačega kak da si z Karitasa zišel.. No.. teh z stilom je vse manjše v našemu Gradu.. Eeeeh.. kak je negda bilo.. i po velkoj vručini sam nosil belu rubaču i kravatlin ...


Pogleč samo.. stojim tu na trajvanski stanici.. si gruntam.. kaj bum cipelcugom išel.. vručina je.. koleno me boli.. pa kaj se nebi lepo v trajvanu popelal.. nutra fino ona klima dela.. a na zvučnik ti vsaki čas pripoveda nekakšni robot.. Registrirajte se pri svakom ulasku u vozilo.. Vrag ga jebal.. pa nis ja avtomobil da se bum registriral.. drek.. ja se stanem v vugel i baš me briga..karta mi je v žepu ..
No.. i tak stojim ..stojim.. kak Kit Karson v Đeksonvilu kaj je čekal poslednji vlak za Jumu.. ljudi okol mene prigovaraju.. narafski.. nekakšni penzijonorec spomina mamicu gradonačelniku.. i onda spazim na oni tabli da vsi trajvani kasniju.... Kaj zdaj....


Vlečem se polahko čez Ilicu..na levoj strani je puno kak v mravinjaku.. z druge strane je sunčano pa je prazno.. Znaš.. zdaj se pri meni opasno začela pregrijavat mašinerija.. vreme je .. zapraf zajdni čas da se v moj kiler zlije jena mrzla Ožujska z citronom.. hmmm.. morti i dve.. Lepo bum se smestil v kafič v Tuškanac prolazu.. tam fino durhcug vleče skroz gor z Medvednice.. prek Kobile.. čez Prekrižje i Cmroka .. i ravno prek mojeg stolca dalše v.. maaa.. vražju mater.. kaj me briga.. Halooo.. konobar.. daj mi još jenu z citronom.. pa gdo žif..gdo mrtaf ...

Serbus ........


15:20 | zafrkancija (12) | Print | ^ |

ponedjeljak, 06.07.2015.

.... Zagrebački štikleci .....................


...šije ga metla za broj cipela .....................


18:42 | zafrkancija (12) | Print | ^ |

nedjelja, 05.07.2015.

... vrag ga zel...kakšne bedarije ....



Jezuškristuš.. oni naš gradonačelnik..taj dotepenec z bregof je načisto skrenul.. more bit da su mu fest rit naštamfali tam gde je bil dva meseca.. pa su mu vsi dreki v tikvu prešli .. Po celomu Gradu je nekakšne plaže naredil.. pa bazene..kakti je to more.. A naš lepi Zrinjevac.. jen od najlepših perivoja v Evropi..več dva dni zgledi kak Ada Ciganlija tam pri onem turskom pašaluku.. Nemreš poverovat kaj ljudima svakaj opadne na pamet.. A ovim našim magistratima je celo brdo opalo.. I zdaj se tu ženske i djeca svlačiju v badekostime.. valjaju se po toj plemenitoj travi.. scaju klinci v fontanu i po grmima.. I veli naš gradonačelnik da su to vse kulturna zbivanja.. Jebala ga nejgova zbivanja.. kojn jen ofucani.. zguraj si Metropolu v guzicu..a meni vrni moj Zagreb ..................



Ništ.. velim ja samom sebi.. zažmiri i naj gledeti kaj bedaki rontaju po tvojem dragom Zagrebu.. I tak tu stojim na Trgaču.. gledim.. skuplaju se ovi kumeki i kumice v narodni obleki.. pa si gruntam.. bu tu nekaj bolšega .. tak jeno pol vure se skuplaju mužeki i babice.. pa onda začneju kapati muzikaši.. jen po jen..vsaki z drugeg kraja sveta .. No.. zdaj se uštimavaju štrumenti.. bu nekaj.. Skupilo se ljudi..ona lampa na nebu žga kak ogenj paklenski.. no.. mi vsi čekamo.. I evo ga na.. zaigrali muzikaši.. zatancali mužeki.. Ijujuuuu.. ijujuuuu...... kričiju kumice i vrtiju se.. milina za videt.. Al .. brus nam vsim.. vrteli se ..ijuju.... pet minut.. i šlus.. fertik .. nema više .. kaj zdaj.. glediju ljudi..začneju pljeskat.. turisti..oni žutaki se čudiju.. narihtali aparatline.. a kaj zdaj .. Jee.. veli jen tamo kaj je ogromnu kameru držal na plečima.. to mi samo snimamo malo za spot.. Jebal vas vaš spot.. pol ljudi kaj se tu skupilo nit nezna kaj je to spot.. Prejdi si spot snimat doma v šekret z svojom babom .. .. a ne tu ljude švindlat... I tak.. od vseg ništ.. A sunce žga odzgor kak nasred placa v Marakešu .... Bežim ......



No.. evo ipak nekaj kaj bi človeka moglo interesirat.. Oni poznati Zagrebački Cinkuši buju se producirali v Amadeju gor na Griču brdu.. Piše i da bu to kakti zabadaf.. Hmmm.. to bi več moglo spadat kakti kulturno zbivanje.. Pa mi oko zapne za ona manjša slova na tem plakatu tu ..jebal ga vrag.. nemrem ksebi dojti.. si gruntam da mi je morti sunce zdrmalo tikvu.. Pa ni.. zmenom je vse vredu..al z tim Cinkušima ni nikak dobro.. Piše tu dole sa u nijhovi gosti.. vrag ih dal.. z Srbije .. Eeee.. moji Cinkuši.. da se mene pita drek bi se vi zvali Cinkuši.. morti Cigani..
Znaš kaj.. pem domof dok nis začel kričat al ljude mlatit po cesti.. Čak si nebum nit Ožujsku z citronom spil pri Fuliru.. Kak je denes moj špancirung začel.. mogel bi ja i ponoret .. jebal ti vrag teg ognja z neba.. a nit šiltericu si nis zel....................

Serbus ...........................


16:46 | zafrkancija (11) | Print | ^ |

subota, 04.07.2015.

... štikleci z velegrada ..................


... bezbrižno ................


...manje bezbrižno .............


22:11 | zafrkancija (11) | Print | ^ |

petak, 03.07.2015.

Špancirancije .....................



Sila Boga ne moli.. veli naš narod..pa sam se ja tak rano vjutro našel vsred socijalističke revolucije… Maaa.. nee.. tak se negda nazivala Zvonimirova vulica.. Prafzapraf.. nisu nikaj fulali kaj se tog naziva dotikavle.. vulica zgledi kak da je ščera baš tu svršila ta črlena revolucjia.. A takšna je ista od gda ju ja pamtim..a tome je..uuuuu… nebi se štel prisečat .. Odnavek je ofucana..hiže izgrađene zmed dva svecka rata.. tu i tam koja posle.. vse su oni črleni nacijonalizirali.. pa se o hižama nigdo ni brinul.. Denes pak te hiže imaju vlasnike i suvlasnike..pa se spet nigdo za nikaj ne briga ..



I tak.. cesta z jene strane.. cesta z druge strane.. v središču dve tranvajske štreke.. vse skup za posrati.. A mogla bi ta Zvonimirova vulica bolše zgledeti gda bi se obnovile fasade i ofarbale vsaka v drugu farbu..kak tam v Amsterdamu al. Gracu .. No.. ipak ta vulica ni nigdar bila za hitit.. Odnavek se tu ponekaj važnoga našlo.. od Kralefskih namjesničkih palača.. pa do poznate Male Kavane.. koja nigdar prije ni bila na Trgaču neg baš tu v Zvonimirovi vulici.. Pa ti je tu šezdesetih leta otprta moderna brtija.. zapraf se to zvalo.. Snak Bar.. poznati Apolo.. Je to v ono doba bilo nekakšno čudo od brtije..pa je čak i radno vreme bilo do polnočke gda su vse druge brtije v Zagrebu delale do deset vur nafčer.. Narafski.. tu je bila vse sama strajnska pijača.. tu sam prvi put probal..Amaro.. Amerikano.. Đintonik.. Zapraf.. tu su dolazili največ oni kaj su mogli plačati visoke cehove..a to su vglavnom bili fačuki od ondašnjih politikantof i direktorof .. I tak se tu vsega i svačega spelavalo..pa je bila javna tajna da ta črlena dječica nekakšne droge tu uzimleju.. i nakon dva leta su to potiho zaprli.. Kaj se te droge dotikavle.. se je samo preselila tam v Zvečku v Masarikovu vulicu.. Apolo je malo bil pod lokotom.. malo otprt..pa još i dan danas postoji kakti obični kafič..



Ima još ponekaj v ti Zvonimirovi vulici..osim sunca kaj več od jutra žga kak stekli.. Tu je pol miljona onih kaj im veliju da su nezaposleni.. ha.. luftbremzeri.. No.. tu je ona ..se reče.. Burza rada..al zavod za zapošljavanje.. Prafzapraf malo gdo je tu kakšneg posla dobil..al.. kaj se more .. Pa ti još tu mam na početku i slastičarnica Vincek.. malo dalše dol pri Hajnclovoj je velka cirkva kaj su je sedamdesetih začeli zidat..Amerikajnci.. Jeee.. to je bil celi škandal čak velko državno pitanje.. Ti vrapca.. v socijalističkoj i komunističkoj državi zidat novu cirkvu.. Ali su na koncu črleni politikanti začkomili jer su Amerikajnci državi davali velke kredite..kaj ih još denes otplačujemo..
I tak.. tu je i negdarnje kino.. su rekli..Mosor .. to ti je nekakšno brdo.. bi ga vrag znal gde.. tam negde pokraj one slane bare..pri Makarskoj.. To ti je odnavek bila obična buhara z drvenim stolcima kaj su bili skup zvezani.. I ak si dopelal v tu luknju kakšnu pucicu i začel ju po kmici šlatat.. ta se ni smela branit jer bi se celi red stolcof začel zibat i škripat kak ona diližansa.. Al.. tu sam ja retko dolazil.. kaj bi v tu bokčiju..



Dalo bi se još tega o ti Zvonimirovi vulici pripovedat..pogotovo o onem djelu posle Hajnclove..al to bum jen drugi put.. zapraf..ono vse posle Hajnclove je bila dalka periferija v vreme gda sam ja plandral i fakinaril po Zagrebu.. Al ima baš nekaj čega se ja jako dobro spominam..
Tam dol nekaj prije Hajnclove.. z leve strane je negda bil vinski podrum.. to su ti po Zagrebu bili takšni pajzli gde si mogel dojti z flašom.. demižonkom.. bačvom..pa i hamperom ..i kupit vina za kolko si imel penez.. Pa kak je taj gazda prodaval loše vino.. za kratko vreme je došel na loši glas..i posel je stal.. A se gazda dosetil i tu naredil takšni pajzlin.. da mu je bila ravna samo ona brtija Jelsa v Petrinjski vulici.. No.. je v tu kmičnu luknju del dugački šank od običnih daski..stalažu za flaše .. i začelo je to delat kakti brtija.. Jezušek.. pošten človek nutra nebi zašel nit da ga z korbačom mlatiš.. Brtija nije imela nikakšno ime ..al su vsi to mesto nazivali..Šestica.. Zdaj buš čul zakaj.. Dok su po drugim običnim brtijama.. bufetima.. restavracijama.. po Zagrebu.. cjene pijače bile nekak slične.. tu v Šestici v Zvonimirovi je bilo za bagatelu.. Drugde si štamprl ljute pijače plačal petnajst..dvajset dinara.. tolko i čašu kakšneg vinčeka.. tu v Šestici je vse bilo po ..šest dinara.. piva je bila po osam dinara..a ono kaj se največ lokalo.. gemišt je bil po tri dinara.. Ti vrapca.. cela menažerija prosjakof.. skitnica.. dotepencof.. fakinaže.. starih ofucanih kurvi i bogtepitaj gdo vse nije sim navalil na pijaču.. hitro se je to pročulo po gradu.. Ha.. od raneg jutra okol pet vur..pa do trde kmice..pa i do jutra iza zaprtih vrat.. Najbolše je išla domača rakija.. vrabec ga dal.. kak da je z zmijskog otrova delana.. To gda si progutal..kak da ti se čez požirak sam pakal spustil.. Al v to vreme se je slobodno prodavalo kaj je gdo imel.. Narafski.. v tom se je pajzlinu samo stajalo pri šanku..al pri nekakšnoj stalaži pokraj zida.. A največ pijancof je bilo vani na vulici spredi te brtije i su sedeli pri zidu hiže na podu..al pa na rinzolu..pokraj same ceste..neki su stajali i dudali z flaše…
Ha.. nemre tak nekaj postojat a da ni i pri tom i sva sila bedarija.. tak su se več od jutra pijanci valjali po podu brtije i spred brtije.. vikali.. tukli se.. razbijali flaše i čaše.. a vsi okolni haustori su bili poscani.. zasrani i pobluvani.. pa su se stanari okolnih hiža žalili fort Miliciji..koja je vsaki dan tu ordinirala.. I nakon dva leta je taj pajzlin zaprt..zanavek
.......Ja i moja pajdašija z Zrinjefca smo tu došli z znatiželje..al smo brzo zgibali proč.. To kaj se tu točilo ni bilo za nas profinjene fakine z Zrinjefca.. taj put se jedin moj pajdaš Glavonja tu nalijal one zmijske rakije..pa smo ga morali nositi v trajvan..a posle je bil sedam dni betežen kak da se bunike najel ..
……………..Ta bivša socijalistička vulica makar je na vsakem vugli imela tablu… Ulica socijalističke revolucije.. nigdar ni pasala starim Zagrepčancima.. Navek su ju zvali .. Zvonimirova po starinski..a kak je i spet denes.. Ak bi v ono vreme na pismu del adresu na Zvonimirovu.. navek je pismo stiglo..
Pa ja nis mislil o tem pripovedat..al kaj.. tu sem denes ..kakti službeno po nekakšnem poslovanju..pa sam se malo prisetil…..

Serbus …………………..






22:17 | zafrkancija (11) | Print | ^ |

četvrtak, 02.07.2015.

štikleci z velegrada ..................


Halooo.. GP zagrebancija ....
Kaj veliš.. je ova moja bolša od one Tvoje z Voltinog .... ha ...


Aha.. evo.. i mamica je prihajala na Trgač...
Hmmm.. ipak ja imam rajši kčerku .....


Ha.. Zoc bajsa i popeva.. vrabec ga dal.. bu ga sunce trefilo v tikvu..
A ljudi slušaju pa pobegneju na trajvan..
V škrabicu mu hičeju samo one žute bugare.. nit za scanje nebu složil ...........


11:45 | zafrkancija (11) | Print | ^ |

srijeda, 01.07.2015.

penzijonersko cifranje .. ....................


.. evo.. odprilike tak ......
.. hahahahahahahahahaha ............
.. kaj se smiješ bedača stara.. bu ti gebis opal ............


11:19 | zafrkancija (12) | Print | ^ |

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.