Pri štreki ………….
ponedjeljak, 23.02.2015.
Viš.. gda se zpustiš dol čez Avstrijsku vulicu.. našel buš se praf pri železnički štreki.. Narafski.. tu je i rampa koja je navek zpuštena tak da se prolazniki moraju grbiti da bi se sprevekli spodi te štange.. No.. praf za praf.. sam štel nekaj malo kazat o ti vulicu kaj pe praf pri štreki… To je Jagičeva vulica.. Gda ju človek ovak hitro pogledi.. bi rekel.. maaa.. niš posebnog.. Praf tak.. nema se kaj posebnog tu za videti.. Vulica stara prek sto let.. z isto takšnim pohabanim hižama..osim dve zajdne tam pri negdarnjoj Fabriki duhana.. To je z jedne ..leve.. strane ak glediš spram Safske vulice.. No.. posred te vulice pe prvo trajvanska štreka.. Mam pokraj ove malo gor na povišenom.. se bi reklo .. železničkom nasipu je deset železničkih štreka.. Narafski dol pelaju trajvani gor cug… I da bi vulica bila vulica kaj ima dve strane.. tam pozadi železničkih štreka je desna strana vulice.. Eeee..to je nekaj za videti.. Takšne podrtine od starih napol drvenih.napol zidanih hiža se malo gde još more videti v našemu Gradu.. ……..
V tem starim pohabanim hižama su negda od gda je štreka naređena čez Zagreb.. živeli železničarski radniki.. kakti je to bil prvi železničarski geto v Zagrebu.. Narafski to stoga kaj je i prvi železnički kolodvor baš bil tu gde je i denes Zapadni Kolodvor.. samo se v ono staro vreme nazival Južni Kolodvor … Bilo je to celo naselje tu gor na tom železničkom nasipu.. Te hižice su bile jena pokraj druge.. natiskane.. a pozadi vsake mali komad zemlice.. vrtek pokoja vočkica.. a ni bilo retko videt da si ljudi tu držiju pajceke i kokoši.. V vsaki ti hižici su po četiri sobe.. jednak tolko kuhinjic.. vode i štroma ni bilo.. a šekreti su bili pozadi hiža.. narafski samo rupa v zemli .. pokraj tega bunar.. kasnejše ona železna pumpa.. Tu je živela najvekša sirotinja kaj je rintala za sitne peneze pri železnici.. al su delali pri skladištima tam na današnjem Keglbajsu.. Bilo je tu teh hižica prek pedeset.. al su se čez dugačka leta pomalo rušile.. i do denes ih je ostalo samo četiri..al morti pet.. Za železničarske radnike su izgrađena nova naselja.. to je velki Geto na stari Trnjanski cesti.. pa posle još posvud po Zagrebu.. al navek blizu štreka ..
Imalo bi se još fajn tega kazat o tem djelu našeg Grada.. al gdo bi to škrabal.. a još manjše bi negdo čital.. V vreme dok sam ja plandral z svojim fakinima po našemu Zagrebu.. tu je još bilo fajn teh hižica naseljenih.. narafski.. navek z sirotinjom.. pa makar i nisu bili železničari .. tam negde sedamdesetih leta su največ tega gradcki mudrijaši naredili železnici da mora porušit jer su se tu nastanali razni gradcki skitnice.. bezkučniki..a i kojekašni dotepenci.. Pa je tu bilo vsega i svačega.. samo ne nikaj lepog i dobrog.. Ove hižice kaj su tu ostale su kakti za povjest određene..al nigdo se ne briga kaj bi se to vredilo.. obnovilo.. I denes se tu skrivaju .. se reče.. klošari.. zkup z gomilom mački.. štakora… Nigdar od oneg starog vremena gda je to zgrađeno.. ni tu bilo tekuče vode.. nit kanalizacije.. pa tak nit denes tega tu ni.. I nedaj ti Bog tu prejti.. jer je vse naokol puno dreka i smetja vsake fele.. Gda se bu to vredilo nigdo nezna.. nit je koga briga..
Pa ni to ništ vredno opisivat.. al denes jako malo Zagrepčancof zna da Jagičeva vulica ima dve strane.. Gda dojdeš tu na početak .. vidiš sam levu stranu i trajvansku štreku..pa desno nasip i gor vlakove kak projuriju….
No.. treba kazat da je ta fest zapuštena vulica jena od najprometnijih v našemu Gradu.. Vse ono kaj se pela po cesti..al v trajvanima z sjevero zapadneg djela našega Grada.. čez Jagičevu vulicu mora projti.. Praf za praf.. tu jedva i prejdeš vulicu jer avtomobili tu juriju i celi dan i celu noč..
….. Pa ja nebi tu nit spominal vse to da i tu nis imel velkih avantura.. Se razme.. v pitanju su bile curičke.. jena za mene..i jena za mojeg dobrog pajdaša Črnog.. Bilo je to ovak………
Jedne nedele zpuštamo se ja i moj pajdaš Črni dol z Medvednice i tam negde okol Adolfovca naletimo v šumi na dve curičke kak se vrtiju i plačeju.. kaj je bilo.. pitamo mi njih… Jeeee. su se zgubile v šumi..pa nisu znale na koju stranu sveta treba iti da bi došle do oneg Tunela i trajvana…. Pa kak po toj strani Medvednice malo ljudi planinari.. imele su velku sreču kaj smo nas dva baš tuda prošli.. Narafski.. ja sam od malih nog poznal naše Sleme kak svoj žep..pa ga još i denes poznam kak i svoje dvorišče.. No.. ponudimo se nas dva da ih pratimo do trajvana ..a one dve sretne kak pepepljuge gda sretneju princa.. Čuj.. kaj bum ti posebno pripovedal.. naravski da smo se mam začeli okol njih malo.. se reče.. interesirati.. Ona manjša kaj je meni jedva do ramena dopirala je bila Branka.. a druga velka kolko i ja ..čak i malo vekša.. bila je Nada.. A moj pajdaš Črni je bil skorom za celu tikvu niži od mene.. I brez da se kaj dogovaramo.. ja se prikrpam manjšoj Branki..a Črni vekšoj Nadi.. pa je to bilo smešno za videt..al to smo tekar dugo posle zaklučili.. Ova je mala bila pokraj mene kak patuljica.. a moj pajdaš Črni je pokraj Nade zgledel kak patuljak.. ha .. Pa gdo te kaj pita.. Narafski.. mi smo njih polahko pelali dol čez šumu i našli se na Tunelu..skorom se več i kmičilo….. Aaaa. kaj.. dol na Tunelu smo si zabrali lepo mesto pokraj visokog i gustog grmlja.. prvo sedeli na travi.. malo kasnejše ležali..a na posletku se vsaki z svojom valjal po travi..
Da ne duljim pripovetku.. koga zdaj interesira to šlatanje i kaj ti ja znam kaj vse ne… Naposletku curičke prejdeju na trajvan..a samo su nam štele kazat da stanujeju blizu Zapadnog Kolodvora.. Hmmm.. meni i Črnom se fest dopalo z tim pucicama.. i mi odlučimo njih poiskati.. Vrabec ga dal.. vse smo obišli tam naokol oneh kasarni.. vse vulice od štreke pa do Ilice..okol Keglbajsa.. njih nigde najti.. Na zajdne jenog dana onak razočarani prejdemo čez Jagičevu vulicu i dole na kraju v jenom malom parkiču vidimo njih dve kak sediju na klupi.. Ha.. dakle.. vse se je pak znova dešavalo.. of put v tem parkiču koji je v ono davno doba bil zapuštena šikara zmed Fabrike duhana i Duhanskog Geta.. A kaj drugo neg dan za danom dok mojem pajdašu ni dojadilo bit patuljak.. I tak sam ja ostal z tom malom Brankicom z Jagičeve vulice..
……….A kak i vsi firtli tak je i taj firtl imej svoju bandu koja se je baš rad okupljala ftem parkiču..al su znali prejti i tam v Klajičevu na Srednjoškolsko.. I jemput se zadesilo da su vlovili mene i tu malu pri pravem poslu na klupi.. narafski po črni kmici.. Eeee.. nedaju fakini dirat svoje ženske z svojeg firtla.. ja sam tu bil dotepenec..a vse domače pucice su kakti nijhove.. Ha.. kaj da velim.. potukel sam se.. dobil debelih batin.. i jedva zbrisal.. čak su mi i kožnatu vindjaknu zeli.. Maloj nisu ništ naredili samo su ju sterali domof..
Čuj kaj ti bum rekel.. ta mala je bila tak žgoljava da sam se navek bojal da ju bu veter odnesel .. onakšna malecka al je imela črne vlasi vse dol do guzičke .. črne oke.. velke črne mige.. vse črno.. a i bormeš se fest znala potrudit okol..hmmmm… razmeš… I ja nis štel samo tak odustat od te Brankice.. A kaj.. Sam tretu večer skupil svoju bandu na Zrinjefcu.. lepo im pojasnil kam i zakaj treba prejti.. a šlive pod mojim okom su vidli kak i potrti frnjokl…. Ni trebalo preveč propovedat.. Tu smo večer razbili tu bandu v tem parkiču..tak da su oni sami zatražili ..se reče.. primirje.. Narafski.. to je podrazumevalo i moje slobodno snubljenje male črne Brankice.. Vrnuli su mi i moju kožnatu jaknu..pa čak i cigaretline.. Su dobro znali da ak nebuju pristali bit kak treba.. nadrapali buju vsaki put gda buju v Grad na čagu..al v kino išli..
A Brankica i ja smo se natezali još jeno pol leta..pa vsaki na svoju stran.. Nis ju od onda nigdar više videl nit negde susrel.. Pred dva leta mi jena moja poznanica iz Jagičeve vulice kazala da je ta Brankica vmrla i ranejše neg je trebalo…. Navodno da ni bila preveč sretna v živlenju.. A tak je to.. dalo bi se još dost tega pripovedat okol Jagičeve vulice.. parkiča.. Fabrike duhana.. Duhanskog geta…. Al to bum kakšnom drugom prilikom …..
Serbus ……………..
ZAFRKANCIJA * * #
