Vsi ti cajti kaj su prešli ………….
srijeda, 18.02.2015.….v Treski …….
Još ni trajvan nit krenul z Malog Placa gda me negdo podboltal odostrag v rebra.. Obrnem se .. a meni za leđima stoji stareša gospica.. fest sitna … Pita ona mene… Čujte gospon.. kaj idete dole na Frankpanski.. Je..je.. idem… velim ja .. Tek je trajvan pocuknul gda spet osetim kak me negdo v rebra rivle.. pak se obrnem.. spet ta mala gospica.. Čujte gospon.. odite malo bliže vratima …. Idem idem.. spet ja njoj i začnem se gurati oni jen metar kolko fali do vrata.. Na Frankopanski ionak silazi velki del putnikof.. ne more se desit da bi negdo ostal ma kakšna bila gužvancija.. No.. i kak se ja pomalo guram ..tekar tolko da zadovolim gospicu pozadi.. gda osetim da me nekaj vleče za ajncug.. Pogledim kaj se to zbiva.. a to se ta stareša damica drži z rukom za moj ajncug kak da bum joj nekam pobegel.. Oprostite.. veli ona..držim se za vas da slučajno ne opadnem.. Ha..a kaj.. velim ja njoj.. Samo se vi gospica dobro primite.. z obadve ruke.. I več je trajvan prešel Meduličevu.. gda pak meni mala damica zabije prst pod rebra.. Kaj zdaj hoče.. gruntam si ja.. al ništ ne velim..samo se okrenem i gledim ju.. Čujte mladi gospon.. začne ona.. kaj bi mi šteli ma stanici pomoći da siđem s tramvaja.. znate.. bojim se da ne opadnem.. Maa.. kak ne.. velim ja.. ak treba bum vas i odnesel dole.. Kak ste vi dobri.. tepa ona meni.. I tak.. na Frankopanski sam joj lepo pružil ruku.. ona se malo naslonila.. i vse je dobro prešlo.. No.. pozabila mi je zafalit..tak je hitro odštraftala da sam se vse čudil……
Pa sam se taj čas setil kak je to negda v davna vremena bilo.. Pelali su po Zagrebu oni stari trajvani.. još stareši neg je oni Đuro.. a te smo stare kištre nazivali.. Treska … Pa ne stoga kaj je trajvan bil tanki kak treska.. neg ztega kaj su ti stari trajvani bili napravleni od dreva a ne pleha.. I dok sam ja još fakinaril po našemi Gradu.. još se nekolko takšnih drvenih starina vleklo po štreki.. A kak se za komad dreva reče još i treska.. tak je taj trajvan za vse Zagrepčance bil .. pa i do denes ostal.. Treska.. Kasnejši trajvani su vsi od pleha naređeni ..
…….A negda ti je v Zagrebu bila lepa navada pomagat ženskama gda trebaju ziti z trajvana.. Znaš.. te stare Treske su imele tri visoke drvene štenge.. pa je to bilo fest komplicirano i za zajti gore i za ziti dol.. Zapraf.. muškima to nigdar ni bil problem,, al ženskama koje su na sebi imale one kostime.. šoseke al vuske klajdice.. bila je bormeš muka noge zdigati..
….. I tak.. gda bi trajvan stal na štaciji.. ak je kakšni mužki prvi zišel.. pružil je ruku kakšnoj ženskoj koja bi bila za njim po redu.. Narafski.. nisu to vsi muški delali.. Se znalo gdo je v našemu Gradu imel stare škole lepog ponašanja.. stari Zagrepčanci .. Pa bi tak pruženu ruku.. ženska.. bakica..damica..al kakšna curička.. kolko put rado prihvatila.. a kavalir bi dobil falu.. ljepi osmjeh.. klimanje glavom i još kojekašne komplimente.. Se razme.. nama mužkima je navek bilo drago nekaj lepoga o sebi čut.. Ionak su nam vsi kričali da smo fakinaža.. huligani.. potepuhi.. ništ koristi.. Nooo.. znali smo mi nauku z stare škole bontona…
…….. Prafzapraf.. ja sam gledel kaj je moj tatek delal dok se je pelal v trajvanu zmenom.. Znaš.. makar je moj japa imel avtomobila.. rjetko ga je nucal.. rajši se pelal z trajvanom.. Pa ak bi on sedel v trajvanu zdigel bi se čim bi pokraj nejga stala kakšna zgodna ženska i ponudil bi joj stolec.. Se razme..kak i denes .. ženske su navek bile umorne u jedva čekale da nekam guzicu zpustiju.. Em se razme.. stari bi se zdigel.. ženska sjela i zafalila.. a tatek bi to mam probal skoristit da bi začel znjom pripovedat.. Ha.. vrabec ga dal.. navek se je nameril na takšnu kaj bi mam prifatila.. A gda bi se tatek našel v situaciji da kakšnoj ženskoj pruži ruku dok silazi čez te trajvanske štenge.. mam bi skorisil vsaki centimetar prostora.. Navek bi on pružil ljevu ruku.. a gda bi ženska več bila na zajdnoj štengi.. mam bi ju z desnom malo podšprajcal za leđa.. a kolko put i malo niže.. zavisno kak bi procjenil situaciju…ha .. I ne jemput je moj tatek prešel na krivu stran od one kam je trebal prejti samo da more z kakšnom ženskom kakvu priliku vloviti.. Aaa..je..je.. bil je moj stari velki kurviš.. Gda bi se zbog teg nejgoveg ženskarenja fest najedila nejgova mamica ..a moja baka.. ona plemenitašica .. ona bi mu v brk rekla.. Ti.. Fric.. nebuš kak vsaki pošten človek vmrl v krevetu.. Ti buš na pizdi krepal … A moj stari bi joj odbrusil na ništ od tega nemre lepšega bit .. No.. da ja zdaj ne duljim o svojemu tateku..sam bum rekel kak sam ja.. fajn tega poprimil od mojeg starog.. pa tak i te stare Bečke škole..
Pelamo se.. davnih leta.. moji pajdaši i ja v Treski.. pemo v Maksimir na utakmicu.. Narafski.. kartu nigdar nismo platili.. navek bi se v tim starim trajvanima pelali na izlaznim vratima.. V to vreme su si putniki sami otpirali izlazna vrata..a ulazna je otpiral i zapiral kondukter koji je sedel mam pri ulazu.. Pa da nas nebi kondukter.. a mi smo ga fakini nazivali..kartodrapec.. jer su negda trajvanske karte predrapale na pol da bi bile kakti poništene.. I kak drugač neg smo stajali nas tri na one tri štenge.. vrata su otprta.. briga nas kaj ljudima nutra puše hladno.. Znaš.. to se tak moralo.. stajati na štengi.. jer ak bi slučajno kartodrapac krenul prema nama.. mi bi ak je trebalo skočili dol z trajvana ma kak on jurel.. A ak bi nam kartodrapac zgledel kak nekakšni pikzibner.. nebi ga se bojali..zapraf..takšni se delal kak da nas ne vidi …
…. Bilo je to v Zvonimirovi vulici.. trajvan broj devet kaj je pelal na Borongaj.. Stara treska je drndala.. zibala se.. škripala.. zujala.. Glavnja..Ico i ja stojimo na vratima makar je to bilo rano proletno vreme.. bilo je fajn mrzlo.. Ženska kaj je sedela prva do vrata prigovara nam kaj se švercamo i kaj su vrata otprta jer njoj puše pod noge.. A Glavonja.. takaj pun bontona z Bečke škole.. veli njoj.. Stara.. ztisni noge pa ti nebu puhalo.. I tam na jeni stanici nas tri zidemo dole da drugi putniki moreju van z trajvana ..a čim bi trajvan krenul mi bi nazaj skočili na štenge.. No.. vidim ja na na vratima stoji zgodna sredovječna ženska.. pa ja njoj galantno pružim ruku i malo se naklonim.. Pogledi me ona.. osmjehne se.. nasloni se na moju ruku.. zide dole i veli.. Vidi se tko je fino odgojen.. Narafski ja sam cval kak drek na kiši .. . Ni to propusti zapamtit moj pajdaš Ico.. i več na sledečoj stanici.. mi dole.. a na izlazu se najde nekakšna malo hoh oblečena ženska.. ima na sebi pelcmantl.. lisicu okol vrata.. kožnate rukavice.. Ja taman da bum spet bil uslužan.. gda mi se zgura spred mene Ico i pruži ruku…
Prije neg nastavim škrabat kaj je bilo.. bum rekel par rječi o Iceku.. Zaprav je on bil Ivo..al smo ga mi od milja nazivali Ico.. Ico je bil za pol tikve višlji od mene.. imel je okruglu tikvu.. rjetke črne lasi.. pa makar je tekar prešel dvadesetu.. več je imel sjedih okol vuha.. Gda bi Ico otprl gubec.. mogel si videt.. hmmm.. zapraf.. ništ.. Ni imel dva prednja ni gornja ni doljnja zuba.. pa je to bila luknja pokraj koje su stršali samo oni zubi sa strane.. Te je zube zgubil v oni velki tarapani.. na Srednjoškolskom igrališču.. Jen gimnazijalec ga je z stolcem opalil po gubici.. i zubi su morti još denes negde tam v Klajičevi… ha .. No.. Ico je taki nosil očale ..okrugli špeglini v črnem debelom okviru.. kak je imel oni Rip Kirbi v stripu v Vjesniku U Srjedu.. A kak se je jemput negde potukel su mu te špegline pukle na pol baš tam gde na nosu sediju.. A of si je mamlaz to zakrpal z onim lepljivim braun flasterom kaj ga je baš zbog te potrebe fkral pri ambulanti v Đorđičevoj… I kak smo se pelali na trajvanskoj štengi.. Iceku su se ti retki dugački lasi motali okol tikve i nosa.. pa je zgledel kak da je z avijona opal..
No.. pruži on toj nalarfanoj ženskoj ruku.. široko se osmjehne z tem svojim ščrbama.. a ona svoju ruku brže bolje povuče skroz do sebe i veli Iceku.. makni te hartave parkle od mene.. Ha.. Ico je tak zinul da su mu se i mandule vidle čez tu rupu.. ni mogel ksebi dojti.. Bil je zaprepašten i uvređen da sam se ja pobojal da bu ženskoj zdaj vritanjak opalil.. Srečom se ni tega on dosetil..al je začel toj larfi nabrajat da je čulo pol vulice.. Da je krava.. da ju jebal nepodojeni bik.. da joj je mamica kurva.. da je ona štajgerica spodi Varteksa.. da ju nebi pojebal nit z cipelom.. ha.. svega kaj se je dosetil to je zdeklamiral.. Ženska je hitro zgibala prek ceste.. ni se nit obrnula.. A ljudi su v trajvanu v čudu gledeli zakaj se to taj človek tu tak fest žesti.. Jedva sam stigel Iceka povleči da skoči na trajvan… A of je još dva dana klel tu babu..a mi smo ga pustili.. nigdo mu ni štel kazat da nek se pogledi v špiglin…ha ……..
Serbus ………………….
ZAFRKANCIJA * * #
