da se ne zaboravi .....

petak, 30.01.2015.



Zagreb je najljepši grad ................

Noo.. dobro.. dobro ....

subota, 24.01.2015.



maaa.. drugi teden bum pak tu... ha.. nebute me se samo tak rešili ...ha ....


Nekak mi nejde .......

četvrtak, 22.01.2015.





Gda mi dojde..bum se javil ... Imajte se dobro ......

Guuuuuraj …………….

ponedjeljak, 19.01.2015.



Gruntam si ja kak ni dobro preveč hitat na trajvan.. bolše malo pričekat dok prejde ona gužvancija.. Jee..a kaj zdaj.. več sam vani na vulici.. taman je dež prestal kaj je celu noč pomalo sral.. Aaa.. ništ.. pem ja v lokal nacionalno zborište naroda Kustošijanskog.. ha.. a kam drugam neg Mađarici v brtiju.. Tu ti i je.. i ni dobro dojti.. Dobro je stoga kaj buš tu navek našel kakšnog pozntog domačeg človeka.. pa imaš z kim pripovedat dok ti kelnerica Štefica pijaču dene pred tebe.. No.. to fest kratko traje.. Štefica čim koga vidi da je zašel nutra..mam se lovi za flašu i naleva v štamprleka.. I dok si došel do šanka več te čeka pijača.. zapraf.. tri pijače najmanjše.. Kak ha.. Jeee. čim si z nogom nutra stupil i rekel..Dobro jutro dečki.. več negdo namigne Štefici da bu te on počastil.. Pa kak v isto vreme barem dvojica ..trojica namigneju Štefici.. evo.. več su pred menom na šanku tri žufka pelinkofca.. Haaa.. pa ni to brez razloga .. gdo god da te je of čas počastil.. za dva časeka ti njemu vrneš.. i tak se onda samo častimo na vse strane.. Kaj.. za menom su skup došli Cajger i Špengler.. Jura taksist .. pijani Antena i zlatar Vjeko su več nutra bili.. i to nas je več vse skup šest.. Narafski.. nakon par naših rundi i gazdarica Štefica počasti z jenom rundom.. nararafski.. flaša pelinkovca je zglihana do dna.. I tak.. dok se človek malo pričestil.. svetom Vinku v čast.. onda ti začne dnevno politički program.. I dok su pred par dni tu fest glasno navijali za onu Kolindu i spominali kak bi ju gdo nataknul..razmeš.. denes su fajn bolše pristojni.. Eee.. zdaj je Kolinda precjednica države.. pa da vidimo gdo bi ju nataknul.. Al navek se najde kakšna z politike kaj ima ovde interesente .. Denes je na redu Ruža.. to ti je ona velka političarka.. muškarača.. I več kriči Cajger kak bi ga on Ruži nabil.. a Jura taksist galami kak bi ju sfrkal na zajdnem zicu v nejgovem mercedesu… I vse samo stoga kaj je pred koji časak ta Ruža prešla pokraj izloga gde mi stojimo.. Najme..ta Ruža tu mam pozadi Mađarice stanuje.. a navek peške hodi naokol..ta se nikoga ne boji.. a kak i bi gda je ta bifša Kanadcka policajka.. ha ..
Razmeš.. tu v Mađaricu nigdar nit jena ženska ne zađe.. to ti je isklučivo mužka brtija.. tak.. zapraf.. starinski pajzlin.. nema stolof nit stolci..samo velki šank i pulti pokraj zidova.. I kak je to po starinski bila navada..posvud okol po zidima su velki špigli..tak dok pijaču zlevaš čez požirak.. moreš lepo gledeti kak ti skače ona Adamova jabuka.. Praf za praf.. jedina ženska je pipničarka i gazdarica Štefica.. a ona Mađarica kaj je bila tu negda gazdarica je prešla živeti na nebo.. al morti v podrum v oganj..gdo bi to znal.. No.. gda smo svu politiku rješili.. pofukali vse kaj se je gdo mogel sjetit.. .. i sim tam z rundami pijače počastili..začeli su ozbiljni razgovori.. Zvadi Cajger z žepa vuru dene ju na šanka.. Mam začne kleti.. A kaj je tak hudog..pitam ga ja.. A Cajger začne da kak mu je pred sedam dni sim človek donesel pokvarenu vuru ..pa ju je on popravil.. tri kotača zmenil nutra podmazal i još mu štifta na remenu zmenil.. a zdaj teg človeka ni od kud ni po vuru.. A pita ga Antena da kolko ta vura opče vredi.. Aaaa..malo veli Cajger ..sto kuna.. A kolko košta popravak.. pita taksist Jura.. Paaa.. pedeset kuna .. veli Cajger.. Ha.. vsi se smiju.. pa koji bedak bu dal za vuru od sto kuna..pedeset za popravak.. I tak se lepo smijemo.. Cajger kune.. a Antena se od smeha poscal v hlače.. Najme..taj Antena ti je navek pijani i v podne i v polnočki.. Nigdo ne pamti gda ga je treznog videl.. A dobil je špicname Antena ne stoga kaj se ziba kak antena na krovu.. neg stoga kaj je opal z krova dok je išel rihtati susedi antenu…ha .. Narafski.. si je polomil nogu i ruku..pa od onda i šepa.. A pit more kak suha morska spužva.. Siromak.. mu je mjehur nekak fest spohaban.. pa se vsaki čas posce v gače.. Je.. zdaj se i Špengler javi.. i on se žali kak je prošli teden nekakšnoj ženskoj v kuhinji pipu porihtal..pa mu ni ništ platila.. kakti bu drugi put.. Ha.. zafrkava i nejga Antena.. veli.. Pa gde si čul da ženske mužkima plačaju za usluge na pipi.. Svi se smiju i Cajgeru i Špengleru..a ova dvojica lepo pošilaju Antenu u pizdu materinu pijanu i prejdu van z brtije.. Tak sam i ja skoristil gužvanciju i zbrisal na trajvan…………..



I dok ja štraftam spram jedanajstice.. negdo mi se odostrag zapikne v leđa.. vse me po nogama pogazi.. Obrnem se i spazim sitnu starešu gospicu.. tak se zabila v mene da je skorom na rit opala.. Oprostite..oprostite.. nisam vas vidjela.. veli ona.. Pa kak me niste vidjeli .. nisam tak mali.. velim ja .. Jako se žurim .. veli stara i vleti v trajvan.. narafski mam se v stolec sedne kak da je z Medvedgrada peške došla do trajvana.. A kaj zdaj.. vidim ja da mi je vse hlače odostrag pogazila z nogom.. a kaj bum.. ništ.. malo si to z rukom popravlam.. A stara z stolca kriči.. Nemojte se ljutiti.. žuri mi se jako.. No.. dobro ..sam to več čul.. velim ja i ljepo joj se osmjehnem.. Stara se razcvala kak drek na kiši.. Al trajvan još stoji.. pa kaj joj vredi se žureti.. No..i tak.. trajvan lepo pela.. gužvancije ni.. al kak lepo pela..tak je lepo i stal tam prije Slovenske i.. stoji.. stoji.. kaj zdaj.. Otpre vozač sva vrata..a nekakšni tramvajac kriči na vulici.. Zastoj zbog kvara.. Eee.. vrabec ga dal.. ona stara dojde do vrata i veli ovem na vulici.. Znate gospon..al meni se jako žuri.. Ha.. of joj odbrusi.. Pa trčite kad vam se tak jako žuri.. Smiju se ljudi..pa negdo kune.. negdo i dalše flegma sedi v trajvanu i čeka… Gledim ja.. još je trajvanof spredi oveg i vsi stojiju.. pa kaj.. pemo dalše cipelcugom………



I Zbilam.. na Avstrijski stoji trajvan..prvi po redu.. taj je v kvaru.. Zapraf i ni trajvanu ništ..al je nekaj zglajzala skretnica.. Več su tu trajvanski mehaničari.. a i cela regimenta ljudi naokol čeka da bu se nekaj desilo pa da se pelaju dalše .. Pojašnjava tramvajac.. taj je nekakšni šef ..da je trajvan pregazil skretnicu.. je trebal trajvan ravno..al je skretnica spodi kotačof pobegla i su se kotači pričepili med železom.. Veli glavni mehaničar.. treba trajvan al zdignut z prednjeg kraja..al ga odpelat nazaj dva metra da se skretnica izravna.. Čudiju se ljudi.. Pa kaj trajvan nemre natraški pelat.. More..more.. pojašnjava mehaničar..samo of put nemre jer je blokiran električni motor.. Veli da čim nekaj z kotačima ni vredu.. na trajvanu se zapre štrom i trajvan nemre nikam.. To je za slučaj ak bi gdo opal po trajvan…. Jee.. a kaj sada pitaju ljudi.. Bumo ga odvlekli natraške čim dođe naš kamijon.. veli tramvajac ljudima..
Na to skoči jen onak korpulentni človek..ima valjda fajn prek sto kil.. A zašto da čekamo taj kamijon..nebu za pol vure došel.. veli on.. Mam sam skužil da je to naš Zagorec..tak je lepo po kajkafski kričal .. sam ocjenil da je odnekud okol Bedekofčine.. Bumo mi sami zgurali trajvan.. I upre človek gurati tu plavu plehnatu grdosiju.. Guraaaaaaj.. kriči Zagorec.. Vidli ljudi kak je človek dobre volje..pa se vsi tiskaju na trajvan da ga poguraju.. I ona stara babica kaj joj se fest žuri.. gura se do trajvana i pomaže.. Nebuš veroval.. ne dva metra.. neg skorom deset metri su zgurali trajvan.. Čim je trajvan prešel dalše od skretnice.. nekaj je šklocnulo .. i vse je spet bilo vredu.. Idemo dalje.. kriči oni tramvajac na vulici.. Pak ljudi bežiju na trajvan.. kak da ih ni još barem deset pozadi na štreki… Narafski ja sam prek puta vse to lepo stručno gledel i evo.. pem i ja dalše na trajvan.. A ona sitna stara gospica spet sedi na stolcu i .. ni za verovat.. popeva na glas.. Kad se male ruke slože.. sve se moše..sve se može.. Aha.. vrabec te dal.. i ti si Lovraka imela za lektiru.. gruntam si ja…. I..evo..vse skup je trajalo jenu vuru.. . Pemo dalše …..

Serbus ……………



Pem …………………

petak, 16.01.2015.



Gledim ti ja one žutake z očima fšrek ..Japaneze.. blaziju tu po Dolcu.. glediju ..čudiju se vsemu kak pura dreku.. vse na kipec devaju.. i mrkvu i luk.. i papriku.. pa onda pipaju poriluk.. ti vrapca.. kak da ne veruju da je vse to pravo i z vrta ubrano.. Jeee.. kak se čuje ..tam pri oni nijhovi pripizdini vsega teg ni za videt.. zapraf imaju..al je vse zapakirano v celofanu.. al več narezano tak da nit neznaš kak zapraf to zgledi.. Pa gda čuješ da pri njima paradajze narediju z obične muhe.. nazdravlje.. i to se onda nazivle GMO.. A tu pri nami imaju mrkve još i one korenčeke kaj znjih visiju.. Baš jena ženska od teh žutih pipa te mrkvine dlake.. vse ne veruje da je to zapraf tak.. a ja si gruntam kaj bi nekak podmetnul svoju mrkvu da ju malo opipa..ha.. Se pripoveda da se Japanezice žaliju da nijhovi muški imaju fest male pimpeke.. hmmm.. lahko moguče.. pa nit celi nisu velki.. metar i hračak.. morti za kakšni žilet vekši.. Al se taki čuje kak se i ti mužki Japanezi žaliju kak su nijhove ženskice lepe male ..al imaju prilično velke…hmmmm… Je..sam štel kazat.. čudan neki narod .. vse nekaj naopak … Pogleč samo.. kak da smo vsred ljeta.. vsega i svačega ima na tem našem Dolcu.. Tak.. pomalo se šmucam naokol.. nebum nikaj kupoval.. neče mi se nositi v ruki vrečke a ruksaka si nis zel.. Nema one moje gospice..Dalmatinke.. pri koji ja kupujem.. veliju tu kumice da je betežna.. baš mi je žal.. a tak si lepo ona i ja znamo pripovedat.. ona po Dalmatinski.. ja na jeziku kojeg nigdo ne razme.. i tak …………..



Viš.. do prije dva leta su tu spredi franjevačkog samostana več od jutra stajali prosjaki.. skitnice.. bogci vsih fela.. i čekali da im Franjefci spremiju obeda.. Pa bi ih se tu skupilo i po stotin gladnih duša.. I onda bi praf v podne van zišli fratri i z velkih košara bi djelili žderaču.. pa kak bi drugač neg vse to zapakirali v one najlonske vrečke i podjelili tim bogcima.. A je to bilo smešno i žalostno za gledeti.. Dok su tu vani čekali.. su bili ti jadnički lepo v redu.. no gda bi stari fratar otprl vrata.. vsi bi navalili kak pesi na zajca.. I kaj.. su se grabili za to pa je pol tega završilo na podu.. A kak nebi.. su im fratri juhu v najlonsku vrečku natočili..pa taki i čušpajz .. ni bilo nikakšnih tanjura..žlica.. A kak su ovi gladuši mam navalili na to jelo.. aaa.. ni to bilo lepo za gledeti.. I navek je vse naokol ostalo zamusano i puno smetja.. No.. pred dva leta su fratri uz financijsku pripomoč Grada Zagreba.. je tak naredil oni naš gradonačelnik .. dotepenec z bregof.. tam z dvorištne strane.. z Opatovine.. naredili novu kuhinju i velku sobu gde su ovi mogli kak pravi ljudi sesti i pojesti svojeg obeda.. I tak je još i denes.. Dobri su ti fratri … navek pomažeju.. ak nekaj trebaš i tu pozvoniš.. navek buš čul lepu rječ…
Veli jen moj poznati.. taj ti se šverca med ove siromake .. pa si tak zašpara od penzije.. da ipak rajši hodi dol v Krajišku častnim sestrama.. veli da vekše porcije djeliju neg tu fratri..Pa ak bi mene pital.. ja bi takaj rajši častnu sestru neg fratra… ha …..



Kak vse zgledi.. nebu ništ preveč žmehkog od te zime.. Nit je do zdaj bilo nekaj preveč opasnog.. ono malo belog prhlifca kaj je opalo.. taman da na Slemenu naredimo onu Snježnu Kraljicu.. pa da ne pozabimo kak zgledi lopata za sneg.. da si zmontiraš na aftomobil zimske gume i zvlečeč debelog ajncuga z naftalina.. Drugač pa vse zgledi kak da je prolječe.. Veli sinoć oni stari prognostičar na Novoj TV.. Sijerkovič.. da ništ od zime tu pri nami.. More se još nekaj i desit..onak.. dva tri metra snjega.. al samo za kratko vreme.. Baš mi se javil moj pajdaš z one Kanade.. jamra da mu je spredi hiže snjeg do prveg kata.. a okol hiže blaziju beli medvedi i vukovi.. Jeee..velim ja njemu.. a zakaj si prešel z našeg Zagreba tam gor na taj Klondajk.. kaj nisi znal da je i Đek London od tam pobegel kak muha brez glave..opal v more i ftopil se.. Al veli moj pajdaš da se bu vrnul v Zagreb.. makar samo da još kakšnu zgodnu Zagrepčanku štipne za rit..



Tak ti ja pomalo hodim ..pa malo pripovedam sam z sebom.. i evo me spred Kamenitih vrat.. Bormeš su tu zidari vse zaprli z skelama i onim velkim plahtama.. ništ se ne vidi od stare kule.. Veliju da bu to bila jena poštena obnova.. tak i treba.. starine se mora obnavlati kak bi i dalše ostale starine.. Pa bum ja zdak kupil koju svečicu i zažgal.. jenu običnu za vse mrtve.. a drugu debelu za.. mene.. Jeee..a kak drugač.. pa nemrem ja palit svečku za druge.. to se tak ne dela.. Vsaki mora sam tu dojti i malo se pospominat z Marijom ..Kamenitom..zapalit svečku.. i tak.. A svečku bum kupil tu mam spodi kule v nekakšnoj luknji.. Tu ti je sobičak star kolko i kula v koji je spal ključar.. Pa kak je negdo več pred više od sto let vrata fkral.. nit klučara ne treba.. I tak ti zdaj tu častne sestre prodajeju te svečke.. Praf zapraf.. največ je tu nutra stara častna.. ti vrapca..pa nju ja znam od gda znam za sebe.. odnavek je ta tu i navek je.. stara.. A pravi je trgovac ta častna.. kaj god buš kupil.. svečku velku.. svečku malu.. lučicu..pa i obične šibice.. ona bu te napuntala da kupiš i još nekaj.. makar sličicu Marije Kamenite.. A ono zakaj je posebno zšlifana je to da nigdar nema sitnih penez za uzvratit.. Kupim ja dve svečice.. dam joj papirnate peneze.. a ona začne jamrat.. Joooj.. gospon dajte sitnoga ako imate.. Nemam.. velim ja.. No dobro.. spet če ona.. onda još nekaj kupite ili ostavite tu v škrabici za siromake.. Laže stara častna..opče ju ni Boga strah ..ima punu ladicu sitnih penez.. vse zvoniju gda ju otpre gda papirnate nutra trpa.. A vsaki čas negdo dojde po svečice.. Dobro tu posel ide.. več rano vjutro tu gori barem sto svečica.. pa ak zračunaš kolko ih bu do trde kmice…..

Gda sam se več hitil v trošak za spas duše.. zdaj bum nekaj potrošil i za žive.. narafski za sebe personalno.. Čuj..od jutra hodim naokol.. ništ ne jedem.. ništ ne pijem.. pa kak bum onda držal svojih sto kil na nogama.. I več si gruntam o Nesici od vanilije gda spazim tu v brtiji ..mam na vuglu Opatičke i Kamenite lepo piše da imaju kuhano vino.. To ti je tu zapraf.. Cafe Galerija .. fini kafič.. pristojno zgledi.. a i konobarica takaj.. Galerija ti je stoga kaj razni umjetniki tu po zidima na čavl obesiju svoje slike..pa to onda nekaj vremena tu visi.. ljudi glediju.. morti gdo i nekaj kupi.. Pa onda se to vse zmeni.. obesiju druge mazarije..i tak.. Tak ti delaju i pri Palainofki gor na Vrazovem … I evo.. več sedim nutra i čekam da mi konobarica naredi to kuhano vino.. nekaj tam pozadi šanka lupa z rajnglom.. pa vleva z flaše črno vino.. ha.. pravi alkemičarski laboratorij.. NI prešlo pet minut.. gda na vrata upadne.. nigdo drugi neg ona stara opatica kaj dole svečice prodaje.. Evo nje i v ruki nosi termosicu.. Pogleč… pogleč.. čudim se ja.. opatica pa v brtiji.. Lepo ona pozdravi konobaricu i sedne si za susedni stol.. Konobarica prejde odostrag i nekaj dalše tam spravlja.. I evo.. nosi meni ta mlada feš cura moje kuhano vino.. lepa šalička ..onak z onim posebnom drškom.. da ti ni vruče za prste.. Probam ja srknut.. bormeš dobro je naredila.. ima i cimeta nutra.. Al sam skor opal z stolca gda vidim da jednaku šaličku nosi i staroj častnoj.. Vidi vraga .. gruntam si ja.. ta ziher več ima bezecirano mesto v raju gda ju ni strah v brtiji pit.. Vidi častna da ju ja gledim pa mi kimne z tikvom.. kakti fino je.. paše joj to kaj pije.. Pitam ja nju.. Častna.. jel dobro vinčeko.. Kak da bi ju z šilom vrit piknul.. Maa.. kakvo vino.. mladi gospon to je čaj.. Aaa.. čaj velim ja.. dobro je i to.. Znate.. veli meni častna.. dole v oni sobici je jako hladno.. tu radnici nešto rade pa su mi struju isključili a grijem se na električnu grijalicu.. A tak.. velim ja.. dobro kaj je ta brtija blizu.. Da..da.. veli stara.. zlatna je ova mlada djevojka.. i termosicu mi svaki dan dva puta napuni… I zapraf. evo te mlade .. nosi častnoj termosicu.. Bog plati.. veli častna.. zdigne se.. spije na dušak oni vruči napitak z svoje šaličke.. zgrabi termosicu i prejde van … Smije se konobarica.. veli da časna vsaki dan dojde na čajek i još si odnese z sebom.. i navek.. Bog plati .. nit ne pita kaj košta … No.. pa gdo bi se božji službenici zameril…. A ja sam zvlekel penez z žepa i platil.. ni se dragi Bogeg ponudil da bu me počastil………………..

Serbus ………………

Cipelcugiranje ……………….

srijeda, 14.01.2015.



Več od jutra sam ti se ja našel tam malo na periferiji.. Pogleč samo kak se lepo vidi Medvednica.. A morem ti kazat da je i tam samo kakšni ficleg snega ostal… A po Gradu ga još ima samo na onem hrpama kaj su ga nastrugali..pa se zmrznul… a sunčeko još ni dost jako kaj bi to rešilo za jen čas…
Paaa.. pemo dalše……



A ovu tu velku hižu su do nema dugo nazivali.. Kuća Hrvatskog Nogometa.. No.. denes više ni.. su se nogometaši preselili nekam drugam.. Pa bi ja rekel da se v ti hiži ionak više pripovedalo o debelim penezima neg o nogometu.. Na koncu konca..zdaj tu nutra i je nekakšna banka..al tak nekaj …..
Paaa.. pemo dalše ….



A tu v blizini.. baš v ovi novi hiži ti stanuje glavom i bradom naš gradonačelnik ..oni dotepenec z bregof.. Hmmm.. več se jeno vreme odmara domof.. Je nekaj Bogu zgrešil..pa ga je of poslal v čistilišče.. Noo.. bu se on zvlekel.. taj bi i svetog Petra prevarit mogel…..
Paaa.. pemo dalše …….



Jezušek.. tam v daljini je moj Zagreb.. ti vrapca.. ima se kaj i za gledeti a kamoli hoditi..Al .. kaj.. bumo to mi vse sprehajbali za jen čas.. Gdooo..mi… ha .. Paa.. moj aparatlin i ja … Kaj misliš.. kolko taj prepatit mora.. fort ga vadim.. pa stavljam.... pa ga v žepu držim vruki.. da mu nebu mrzlo.. i tak to ….. Paaa… pemo dalše ……



Znaš.. mam mi je laganejše pri duši gda se najdem med velkim hižama.. Bolše se čutim tu neg v oni provinciji.. A kaj ti ja znam.. tam su vse sama dvorišča.. pa visoki ploti okol hiža.. pa te z obloka glediju kak da si došel poreza pobirat.. Razmeš.. ja malo stanem negde..pa nekaj na kipec denem.. a baba čez oblok kriči.. Goooospon.. a kaj vi to slikate.. Ništ gospica.. iščem mlade ženske za na kipeca deti… Moooolim.. kaj ste to rekli… čudi se baba.. Maaa.. šalim se .. velim ja njoj.. slikam vulicu jer buju tu došli za par dni hiže rušit.. Naravski.. sam se kak pes zlagal… A ja ništ neznam o tom.. kriči baba z obloka.. čekajte gospon..evo me dole za čas… Brus babi.. ja sam pobegel iza vugla v drugu vulicu i skril se za nekakšni kamijon.. a baba gledi i leti naokol mene iskat… Ha.. kaj sam zločest …..Fakin jen ……
Paaa… pemo dalše …..



Nooo.. zdaj si valjda pogodil po koji strani sveta ja denes hodim…ha .. Jee.. imal sam dogovor z mojim pajdašom Dragecom.. to ti je oni kaj bedina cucka i ženu od našeg gradonačelnika.. a baš na tom delu i stanuje.. A tak to.. pet put on dojde na moju stran Grada..a onda ja koji put moram i knjemu…. Viš.. tu v šturcu su ostatki od negda velkog placa kaj je tu v blizini bil.. Šteta kaj su to tak naredili.. A gdo bi drugi neg nekakšni dotepenci kaj pojma nemaju o Gradu … ..Paaa..pemo dalše…….



Mic po mic..škloc..na škloc..i evo.. vse smo bliže Trgaču.. Još da na kipec denem fra Grgu.. sve mi nekak čudno zgledi zdaj gda nema okol nejga oneh lepih črlenih rojžica.. Nekak mi je prevelki najemput postal.. Al.. fučka se njemu.. sedi on.. Al se fučka i meni …
Paaa… pemo dalše ……



Aha.. bum još malo zdržal pa pem negde malo počinut.. dan je lepi da bolši nemre bit..plavo nebo kak to samo znad Zagreba Grada more bit.. Ak je vjutro bilo i malo hladnejše..zdaj je praf proletje.. več sam si kaputa razgrnul.. razmeš .. kolko hodim.. dela cirkulacija pa te grije.. Al bormeš i to cipelcugiranje zahtjeva i nekaj mokroga zlijat čez požirak.. Morti na Trgaču i najdem kakšnog poznanika.. zdaj je več okol desete vure.. mogli bi se ti moji gelipteri zvleči z svojih šlafcimera……
Paaa… pemo dalše …………..



I dok ja naokol zvjeram za kakšnim poznatim.. praf za praf.. bi ja rajše kakšnu poznanicu srel.. no.. pa gdo bu dobro bu naišel.. no.. ovi tu lajafci su si našli pajdašiju.. vse se vrtiju jen okol drugeg.. jajca si šnjofaju.. valjaju se.. jeee.. i njima je lepo živeti v našemu Gradu.. Pa.. na koncu konca.. kakšna bi to bila Metropola brez pasjeg dreka na sred trotoara… Bormeš se je ovi črni zasral.. celu hrpu.. Pa je ova tu mlada gazdarica zvlekla vrečku i to pokupila.. Jezušek.. i to je tak zapakirano v žep porinula… Eeee.. vrabec ju dal…. Zdaj mi je dost..pem prek puta v Fulir na jeno Ožujsko.. razmeš … sam zaslužil …

Serbus …………………

Aaaa..tak..Kak tak… Tak..tak …sikak …

ponedjeljak, 12.01.2015.


Još je tu i tam kakšni falaček snega ostal,,al za dva dni mu nit traga nebu.. Ščera je bilo prilična jugovina..a z večera je i dež curel i to fest.. baš dobro ..več sam si gruntal da bum avto pelal na prajne.. pa nis znjega videl van kak je bil musaf.. Ovak pa.. ga je dež opral..pa sam miran do proletja.. Al je vjutro bilo špelancija po vulicama.. Je oni dež lepo opral sol z cesta i z trotoara..Ha.. da si videl kak su ljudi hodili..kak da su na šličuhalištu.. Aaa..je.. prek noči je stegla zima.. Celzijusi su prešli dol..a mokra cesta se zmrzla..
……………..Gledim moju najdražu.. pe vjutro na posel pa vse nekaj z rukami lamače..pa joj noge bežiju na vse strane.. Otprem oblok pa joj kričim .. Aha.. viš.. si ščera gledela v kazališču Orešara..pa denes hodiš kak balerina.. Sklisko je.. kriči moja i vse drži z rukami ravnotežu kak da po žnori hodi.. Al evo i susede Anđele.. feš baba.. vdovica.. al je malo trknuta v tikvu.. bolše je znjom ne imeti posla.. mam ti se zalepi kak klozet papir na posranu rit.. I zdaj moja i Anđela zkup pod ruku peju dalše..ha.. kak da po jajcima hodiju..
……………..Čujem malo kasnejše.. nekakšna galama na vulici.. pak sam znatiželjan.. otprem obloka.. a vani sused Cajger i debeli špengler guraju špenglerof kombi.. naravski nemre ga zažgati.. pa ga onda rivleju.. Pa buš drek ti tu težku krntiju rival.. No.. je zišel i sused Bosanac van.. zdaj bu morti nekaj.. I se Bosanac i Cajger upreju rivat.. a špengler se lepo smestil za volan i kriči ovim da brže rivleju.. Jezušek.. se Bosancu poskliznulo pa je opal celom dužinom i težinom na trbuh.. Moreš si mislit.. ha.. ni mu ništ bilo..malo se stepel i gura dalše.. Moram posle pogledeti da ni asfalta oštetil tam gde je opal..ha .. Narafski.. ja sam hitro zaprl oblok da ne čujeju kak se kesim..vse mi se trbuh tresel…ha ….
………………..Maaa.. sam se zaputi gor na Gornji Grad.. znaš tam v Jurjevski stanuje jen moj pajdaš.. A je taj dost stareši od mene.. To ti je poslednji naslednik negdarnjih Bosanskih kraljeva.. od roda Hrvatinić.. Pa baš stoga kaj je poslednji.. nema sina kaj bi ga nasledil.. ima pravo imeti titulu ..princa.. I tak pem zdaj knjemu.. on je nekakšni tajnik pri Horvackom plemičkom zboru.. A i ja sam tam zapisan kakti grofofski sin grofofskog fačuka.. po ženskoj naslednoj pravici.. Razmeš.. nis platil več četiri leta godišnju članarinu.. pa me of poziva da to razrešimo.. Al.. bum ja drek njima dal.. Plačam ja članarinu v Taljanskoj plemičkoj ligi.. z te strane je moje Taljansko plemstvo po tateku .. I Taljanska plemička liga to meni prizna..makar smo od ženske loze potekli.. Al ovi tu Horvacki plemički zbor ne prizna ništ po ženskoj strani kaj ni Horvacko.. A moja mamica je taki bila naslednica Horvacke plemičke familje po svoji materi..i to se prizna.. Pa kak zdaj.. pitam ja njih.. malo me se prizna..malo pa ne.. Gda treba platiti članarinu onda sam grofič.. a posle nisam ništ..Eee ne more to tak.. velim ja svojem pajdašu.. al titula al ništ od članarine.. Pa veli onda moj pajdaš da nek platim samo pola za onu moju grofofsku polovicu po mamici.. Jee.. pa nis ja pol čovjeka velim ja njemu.. Je da je jena plemenitaška familja v Italiji.. druga plemenitaška v Zagrebu.. al ja sam postal .. moja.. familja kaj je z obadve strane… I tak se ja naganjam z tim aristokratima.. vse sami stari posranci.. grofi.. baruni.. konti.. De.. i tak dalše.. I to ti mene ništ ne interesira.. Nasledctvo je spiskal još moj tatek.. vse je zakurval.. mamica je obligatno pomagala mlade študente..ha .. ja sam z svoje bake zvlekel vse kaj se je imalo za zvleči.. i kaj.. ostal je papir negde v ladlinu v regalu.. A kaj je najlepše.. nigdar nis nafčil Taljanski govorit.. moj japa je znal..pa je on prevodil gda smo koji put skup prešli v Torino i Udine gde je još familja.. A po mamici je to denes ogromna familja.. Moj je deda imel devetoro sinova i dve kčeri z nekakšnom baronesom.. Znaš kaj se je tu tega zleglo.. cela regimenta.. ..Maaa.. brez veze… tak bi ja denes da su stara vremena imel ime.. Forbici..Formessinni.. pl. Rumiha.. Knezovich.. Druzinski.. Narafski.. tu je još jedno prezime koje ja denes koristim to zdaj nebum spominal… Al piše na moji vikendici gor na Mirogoju… ha ….



……………… Viš.. ova hiža na vuglu Krvaveg mosta.. Eee. tu je još od srednjeg vjeka bila takaj hiža..praf pokraj teg negdarnjeg mosta.. v koji je delal svojeg obrta purger Skomina.. Bil je to kožarski obrt.zapraf se je nazival .. sedlar.. To ti veli da je taj Skomina delal sedla za kojne..pa i vse kaj je pri tom išlo… I nebuš veroval da su ti Skomine skroz od onda pa do denes v tom kožarskom zanatu.. Ja se još kak klinac sječam da je jen od teh Skomina tu delal orme ..uzde.. i vse drugo za kojne.. pa je največ to prodaval po sajmištima posvud naokol.. I onda je jeno vreme to bilo zaprto dok se ni pojavil nekakšni naslednik kaj je pak otprl kožarkog obrta..of put se to nazivle ..Kožna galanterija.. Zdaj se tu delaju i prodajeju ženske torbice.. mužke taške.. geltašni.. buđelari.. žetoflini.. remeni i druge kožnate stvari.. Jen od teh tu Skomina je bil zmenom služit vojsku..onu jna.. Pa taj je na velku žalost svoje familje odlučil študirat za fiškala.. a ne za kožnati posel.. Je taj Skomina študiral valjda dvajset let.. i nigdar ni doštudiral.. je delal negde kak činovnik.. Je vmrl pred dva leta.. Al se našel ipak još nekakšni Skomina kaj je nastavil zanata.. Viš.. gdo bi rekel.. Pecto let tu familja dela…ha …



Evo.. pogleč.. Cafe bar Damask.. Ti vrapca..pa kaj smo v Siriji..ha.. Zbilam buš svakaj našel v naši Metropoli.. Piše tu na tabli da se tu pije črna kava z dušom.. Hmmm.. ja ne pijem tu črnu vodu pa neznam onda kak zgledi ova tu z dušom.. A nisam još nit bil tu nutra.. bum jen dan.. morti nutra plešeju one kaj z trbuhima gibaju i hičeju guzicu sim tam .. treseju z cickami.. a morti se tu i one lule dimiju.. veliju im.. nargile.. hmm.. morti ima i hašiša..Kaj veliš.. pemo si jenu zarajfat..ha … Al bum ja ipak zdaj poiskal kakšnu luknju gde si bum v miru spil koju Nesicu od vanilije… ha … Ti vrapca..kaj sam se razpripovedal.. kak kašna baba…ha ….

Serbus ………..

Zima..pa kaj ……

četvrtak, 08.01.2015.



I gda se zadovolim z španciranjem posvud naokol.. onda najrajše vse skončam na mirnom mjestu.. pa lepo polahko z noge na nogu.. z rukami presloženim na riti pem čez vulice i trge.. Praf zapraf.. ruke sam porinul gliboko v žep jer me fest zebe za papke.. Nikam mi se ne žuri.. kaj bi.. je da denes poprilično stiska ta zima a ja se još nis nigde prešel zgrijat.. Pokraj vsake brtije si gruntam kak bum baš tu sel i naručil koju Nesicu od vanilije..pa se onda zmislim da bum ipak negde drugde.. Oveh dni nemreš baš nikakšneg poznatog sresti kaj bi mi delal.. se reče.. društvo.. Hmmm.. kakšna je razlika zmed društva i pajdašije..ha.. Je.. bi ja rekel da ima razlike.. Društvo bi bilo nekašna hrpa ljudi..kaj se moreju i ne moraju poznati.. a pajdašija je nekaj malo bolše stisnuto.. me razmeš.. ljudi kaj se čak i dobro znaju.. A valjda je to tak.. I za prijatele postoji zakon.. Bumo rekli.. poznanik al dobri poznanik nikak ne moraju bit i moji prijateli.. Z poznanikom se moreš pozdravit na vulici.. spiti kakšnu pijaču.. malo pripovedat i vsaki na svoju stran.. Čak i moreš žensku od poznanika snubit ak ti se dopadne a da te peče ..veliju..savjest.. I po tem pitanju ja nemam te savjesti.. Jeee.. a prijatel.. to je nekaj sasvim drugeg.. to ti je gda te tvoj prijatel..pajdaš.. prije neg povleče zajdni dim z cigaretlina pita dal ti hočeš..al pak.. ak ti ponudi zajdni gutlaj z Badelove politrenke.. A pajdaševu žensku buš čuval i pazil kak da ti je rod rođeni.. Eeeee.. koji put ovo zajdne i ne izpadne bogznakak dobro..



Znaš.. prešel je.. Glavonja.. naš pajdaš z Zrinjefca služit onu črlenu vojsku.. makar je to štel vsim silama zbegnut.. Al kaj.. došli su jeno jutro po nejga i odvlekli ga nekam v Srbiju .. samo se je stigel javiti mamici i svoji curi.. pa je i mene nazval v pet vur vjutro i rekel da mi pajdaši pazimo na nejgovu Marinu.. Se razme da smo mi to ozbilno primili kakti dužnost.. I zvali smo tu Marinu da pe znami v kino.. pelali ju na plesnjak.. častili ju svim i svačim.. vse v svemu.. bili smo pravi prijateli ..pajdaši.. Narafski.. nismo nit pustili da bi ju gdo drugi snubil al nedajbog..kaj drugega naredil.. I tak ti je prešlo vreme.. Glavonja se vrnul z vojske.. navalil na svoju Marinu. Več su se spremali za ženidbu.. I zel im je vrag pamet..posvadili se kak cucki.. potukli i počupali kak mački..i vsaki na svoju stran..zanavek.. A još je ta Marina i kazala Glavonji da joj je pun škaf nas pajdaša.. jer da smo vsi.. pederi.. jer ju nigdo od nas ni štel pofukati dok je Glavonja bil v vojski.. Evo..si videl kak ponekad to prijateljstvo i ni preveč zahvalno …ha ……. Glavonja je več pred deset let vmrl..od pijače … Nigdar se ni oženil. Samo je lokal kak smuk …. Jee.. i riknula mu je jetra ……..



Bormeš bum si zdaj konačno sel tu v kafič na Zrinjefcu..tam pokraj negdarnjeg Splendida Tu i tam prejde pokraj kafiča trajvan pa ti vse skače lonček z Nesicom po stolu.. al to mene ne smeta.. meni bi bilo čudnovato da trajvana ni.. Znaš ..ja sam se zlegel tu na Zrinjefcu v svoji hiži.. I je suseda kaj je priskočila mamici pomagat pri porodu kasnejše pripovedala da ni znala kaj bolše cvili..dal dole na vulici trajvan al moja mamica..
A tu v ovi hiži v koji je kafič nutra v dvorišču..al je terasa.. z onim grijačima tu na trotoaru.. tu je stanoval jen naš pajdaš z naše bande.. Jezušek.. taj baš i ni bil preveč spameten ..al je stoga bil jak kak tri bika skup.. Zvali smo ga Grba jer se je tak nekak držal ..kak oni Kvasimodo kaj je bil zvonar pri Notredame v Parizu.. I taj ti je Grba navek bil brez ženske.. ak bi koju i našel..na brzinu bi ostal brez nje.. Kak je bil fest jaki..tak je vsakoj ..od silne miline.. nekaj polomil.. Zajdnu kaj je imel je imela potrganu ruku več treti dan gda ju je upoznal.. A ni to on namjerno..tak je bil šlampast da mu je i šlic na hlačama fort bil otprt.. a navek je naopak nosil rubaču.. A kak se je vučil za avtomehaničara navek su mu nokti bili črni od starog mašinskog vulja.. I taj je Grba odlučil se osamostalit od nas koji smo imeli svoj klub med šupama v podrumu v Amruševi na broju pet.. Pa sam ja o tem naširoko pripovedal tam na nekakšnom forumu.. No.. i Grba si je v svoji šupi naredil svoj personalni klub.. Zbacal je z šupe van vsa drva i vuglen.. oblekel letve v šupi z plakatima ..posterima se reklo.. dovlekel je z tavana nekakšni stari perzijaner tepih .. negde je našel i stari kauč.. del gramofon..i klub je bil spreman za upotrebu .. I mi smo se znali tam navrnuti i nekaj si spiti i poslušati gramofonske ploče.. pa smo i knjemu pelali curičke..pa največ frenterice i svakaj spelavali.. me razmeš.. I tak smo to čuli posle.. Grba je našel nekakšnu žensku.. kakti bezkučnicu i dopelal ju v svoj podrum .. I tu ju je držal jeno par dni.. moreš si mislit da je ta bila sva plava i črna nakon kaj bi ju Grba sprašil .. Al je jen dan došel v taj podrum nekakšni mužki z još trojicom i začel kričati na Grbu da je ta tu nejgova vlastita zakonska žena i da bu ju on odpelal.. Pa je Grba pristojno šutel..a kaj.. ak mu je žena.. nek si ju odpela.. No.. ta ženska je takaj stala kričat da ona neče otiti z tim mužkim jer da ju on tuče i zlostavla.. I kak za truc.. taj mužki je tak odrapil tu žensku da je mam opala na pod.. Jeee..al to Grba ni mogel trpeti.. Gda je skočil i zgrabil teg muža.. hitil ga je v letve od šupe tak da je of proletel čez još tri druge šupe dok ni opal na pod.. Pa je zatim Grba i ostalu trojicu tak sprebijal i to z letvom kaj ju je ščupal z šupe.. Narafski.. došla je Milicija i odpelala vse njih v rešt.. I kaj.. Na koncu je ispalo da je Grba z vulice dovlekel nekakšnu kurvu koja je zbrisala od svojeg ..se reklo.. makroa.. A of ju je posvud iskal i našel pri Grbi.. Narafski.. podrum je bil demoliran.. Grba je moral vse sam nazaj vredit.. i mi smo mu pomagali.. Jedin nam je bilo žal kaj nigdo od nas ni bil tam gda je začela ta tarapana.. I tak.. setil sam se malo.. Grba je več davnih dni prešel nekam v inozemstvo..v Švabiju.. nigdar ga više nis srel v Zagrebu……………



Znaš kaj.. zdaj bum prešel v svoju hižu.. tu na Zrinjefcu.. malo si noge spružit .. Kčerka dela i ni nikog v stanu..A ja kluča imam.. lepo bum si legel na kauča a.. uzput bum i nekaj kupil svoji kčerkici i del v frižider..Znaš.. ti mladi ljudi nigdar nemaju ništ po tim frižiderima.. samo pijaču i led.. A ja donesem i kakšnih konkretnih stvari..pa mi onda kćer prigovara da se bu morala udebljati kolko sam joj donesel.. A kaj.. mene to veseli .. I dok se pentram po tim okruglim štengama gor.. ni mi se štelo iti z liftom.. gruntam si kak je tu negda bilo.. Jeee.. a denes je samo jen stari negdarnji stanar tu ostal.. narafski i zdaj je moja kčerka.. vse drugo su nekakšne kancelarije.. ambasada.. banka.. nekakšne agencije.. bi ga vrag znal.. Pol teh kaj tu denes jesu su strajnski ljudi.. Baš sam nema dugo videl i gdo je v prvem susedctvu moje kčerke.. Sam ja došel do svojih vrata i začel odklučavat..kad z susednih izpadne nekakšni visoki človek i nekaj mi stane na saf glas pripovedat i mahat z rukom.. pa je nekaj na Engleškom kričal..a ja sam skužil da je on Amerikanac i da dela v Američki ambasadi a tu da stanuje.. I kak mene još nigdar ni tu videl..hoče on poštopoto znati gdo sam ja.. Pa razmem ja da je čovjek znatiželjan gdo mu dolazi v susedctvo..al se drugač onda dela a ne da kriči na mene i maše prstom.. I znaš kaj.. lepo sam ga poslal v pizdu materinu..onak na Horvackom i otišel v svoj stan.. Posle mi je kčerka rekla da je on mislil da sam ja morti kakšni provalnik.. A..kaj.. zakaj tak fufla dok pripoveda.. nebi ga dobro razmel nit na Horvackom a kamoli na Engleškom…. Jebeš Amerikanca …. Forca Croatia ……………..

Bok ………………………

….ko kak..i .. kak ki ……

utorak, 06.01.2015.

Obavijest mojim vjernim posjetiteljima.
Opet se može slobodno kopirati sve s mojeg bloga. Isprika zbog dosadašnjeg onemogućavanja. Imajte se dobro




Vrabec ga dal.. i denes je južina..a bormeš je i celu noč bila.. na vse strane se ovi beli vrag pošteno začel otapat.. samo nek.. nit ga ne treba.. moja pšenica ionak raste tam negde v Aziji.. A veliju poljoprivredniki da nisu na jesen preorali njive.. je bilo preveč mokro.. To znači da nisu nit ništ posijali.. Hmmm..pa to spet znači da na proletje nebu osim drača ništ zraslo.. Jeee..a zakaj se onda djeliju oni poticaju kak se to stručno veli.. Razmeš.. kumek dobi jen miljon teg poticaja za zemlu obrađivat.. al on te peneze ..se spet stručno veli..preraspodjeli tam gde mu je najzgodnejše.. I tak si doma kupi novu Plazmu.. a i mercedesa treba promenit..of kaj ga zdaj pela je od poticaja pred pet let.. pa onda nekaj penez da babi da si malo obleku obnovi..a i treba djeci stana uplatit v Metropoli.. ha .. I tak ni skorom ništ preostalo za tu poticajnu poljoprivredu.. Narafski..pak bu država kriva.. voda stoji na njivama.. A su več pred par let stručnjaki rekli da je tu pri nami fest dobro zemlište za rižu sadit.. Pa gda je več voda po njivama.. još ju malo dodaj i posadi rižu.. Ionak ju v Horvatcku dopremamo z Azije.. Veliju da se od one nekakšne repe more delat gorivo za avtomobile..i to fest jenostavno.. Jeee.. al treba tu repu posadit da bi se nekaj od teg dobilo.. A naše njive po celi zemli prazne i puste..samo drač raste.. A kmeti jamraju da su gladni.. Vrag ga jebal.. pa nigdar ni kmet bil gladan kak denes.. i v doba Tahija je bolše jel.. Aha.. je onda i bolše kopal po njivi.. Pa se žaliju selaki da je hrana za stoku fest skupa.. Ima tam v selu gde ja imam svoju brvnaru par kmetija gde pajceke toviju.. I veli mi sused da nezna z čim bu pajceke hranil do proletja.. Eee.. a taj kmet ima barem deset svojih njva a na njima ništ.. Samo Ambrozija raste.. Pa mu ja velim da zakaj ne posadi oni svinjski krumpir..pa svinjsku repu.. pa buče.. onda bu imel celu zimu zalihe v šupi.. Jeee.. veli on da ništ od tega neče samo zrasti.. sedne si v svojeg Bemveja i otide v najbližu kladionicu.. Veli.. jemput bu mu naletelo…ha.
Eeeeh.. pas mater cucku kaj neče mesa jest.. o čemu si ja gruntam i pregruntavam.. Maaa. razmeš stojim tu pokraj travnjaka z snegom pokritog… pa mi je tak došlo.. Kaj tu delam.. ha.. Moreš dva put pogađat.. Evo.. zdaj bu za par časkof deseta vura pa pem na blagajnu velkog Kazališča po ulaznice za Orešara.. Narafski.. babe peju to gledet..a mene zadužiju da karte nabavim .. I na koncu mi nigdo nit peneze ne vrne…. Aaa.. evo.. gledi oni portir na vuru .. zdaj bu otprl vrata ……..



Bormeš dobro curi z krova.. ni ziher hoditi po trotoaru.. more se i nekaj večeg od kaplice zrondat z krova… Sam ti pripovedal kak je bilo pred dva dni.. Baš gledim tu taj spomenik onem pijancu.. Tesli.. A kaj mu je vredelo kaj je bil preveč spameten gda su mu vse zvurclale brtije… Je lepe peneze taj dobil za svoju pamet.. al je vse prešlo v alkoholne pare.. Gledim ja tu koji put kak one razne turiste sim vodiju i pripovedaju im o tem bilmezu.. vse najbolše.. velki človek.. spameten človek.. genije.. a nigdar nigdo ne veli da je vmrl kak zajdni klošar v nekakšnoj zmazanoj rupi v Ameriki..
Znaš.. čekam ja da negdo več jemput poskida te mreže i i svetleče kable.. Još to po kmici i nekak zgledi..al po danu kak da si v Trogiru v ribarskoj luki gde se po cele dane mreže sušiju.. A da ti ne velim da me žifciraju i te hrpe snjega kaj stojiju na vsakem koraku.. Pa kaj to ne odpelaju nekam.. a veliju da ima zviška radnikof pri gradckim komunalcima.. daj im lopatu i nek delaju.. Jee.. brus.. poslali su ih domof na deset dni neplačenog odmora.. Svakaj..



Tak ti se ja rad stanem na ziherašku.. se reče. poziciju..pa gledim i uživam.. Kaj gledim.. ha.. Paa.. tam vizavi z jenog žleba vsako malo se curkom zlije voda na trotoar.. valjda kak se snjeg topi pa se skupi voda i ..pljuuuus.. dole.. Dobro je ak se nekom za vrat ..al po tikvi zlije.. to ga ništ ne boli..a ja se dobro zabavim.. narafski da je to meni smešno.. briga mene kaj nekog zebe zbog teg po plečima.. Aaa..čuj.. ionak ljudi po vulici hodiju kak kokoši.. pogleč malo koji put.. vsi glediju v trotoar kak da buju dol kakšni dukat našli.. malo gdo zdigne tikvu i gledi spram krova.. A vsi znaju da po takšnem vremenu more nekaj i na tikvu opasti.. Pa fučka se ljudima.. no.. se i meni fučka..
I tak.. brez veze.. Ko kak i kak ki…a ja pem dol na Mali Plac se najti z pajdašom.. Hmm.. nebu škodilo kuhano vinčeko.. A dol v Ilici v Kvisizani dost dobro to narediju….

…. Serbus …………..

Bok.. kak ste kaj ……

nedjelja, 04.01.2015.



Nekak sam se spentral do pol Zvonarničke.. znaš.. oni led na trotoaru se denes začel topit..pa je još bolše skliski neg drugač.. Jen korak naprej.. pol koraka nazaj.. sva sreča kaj ja imam ..se reče.. zimske gume na potplatima pa nekak guram … Gdo bi rekel.. pred dva dni je trajvanska štreka pukla od prevelke hladnoče.. nakon tri dni sunčeko je zagrijalo kak na špici Kilemanđara .. Zdaj bu za očekivat da bu z krova začelo curet.. al buju celi komadi snega i leda leteli naokol.. Ja sam več denes dobil par hitrih kaplic taman po kraglu.. vrabec ga dal.. a vse se scedilo meni čez hrptenjaču.. A pri Malom Placu.. z krova se zrondala cela hrpa napol zmznutog snjega.. praf na sred trotoara.. Maaa.. pol koraka da je ženska zakasnila.. dobila bi po tintari.. eee.. da si ju čul.. fina neka dama.. Da jebo pas mater bogu i vragu..dabogda gradonačelniku u spavaču sobu opalo..da jebeš zimsku službu.. Ha.. kaj vse ni ta zgovorila.. A ljudi se naokol smiju kak bedasti i glediju kak baba kriči.. Tak.. ženska malo posle srednjih leta.. ništ posebno.. al ima jezičinu kak krava rep.. nebi ju štel imeti nit za tretu susedu.. Pa joj jen mlajši človek lepo veli da tu ni gradonačelnik nikaj krif.. Aaa.. kaj nije.. da nije kriv nebi bil u zatvoru.. navali baba.. Zdaj se i ja umešam pa joj velim da je naš gradonačelnik na kučnoj njegi.. Al neda se ženska.. čisti si cipeliše kaj ju je taj snjeg zašprical.. kriči.. Evo.. kad treba niti jednog policajca.. tko bu meni platil strah kaj sam ga proživela.. A celo to vreme ženska stoji na istem mestu.. pol metra od te hrpe snjega.. Gda se najemput z krova dol zronda još jena vekša hrpa..al of put metar dalše.. Jezušek.. kak je ženska skočila i pobegla na sred Ilice.. skor ju je avto pobral.. Of put šofer otpre šajbu pa se dere na babu.. Da joj jeba bog mater šašavu..što radi nasred ceste…. I tak… smješno i žalostno.. nigdo tomu ni krif..a dragom bogeku su se mamice naspominali.. Narafski.. ženska ni ostala čekat da i kakšna treta runda opadne z krova.. pobegla je nekam ……..



Na vrh Kaptola..a kam zdaj.. vrabec ga dal.. baš i ni za nekakvo velko španciranje.. Praf za praf.. več sam kolko put rekel da me taj beli.. zdaj musavi snjeg žifcira.. Odzgor kaplje z krova.. dol se još moreš poskliznut.. avto projde pa te zalije z onom vodom punom soli.. Maa.. nikak mi ne paše.. No.. človek se mora malo gibat.. kukove i kolena podmazat.. razmeš.. gda si v mojem dobu.. več po malo škripiš kak stari štokrl.. pa još da i opadnem..ha.. mi pukne ruka kak treska.. Hmm.. no pa ni baš tak.. još na meni moreš drva cjepat..ha …maa.. gde je tu kakšna brtija.. jenu.. dve Nesice od vanilije i mam bu svet ljepši ….



Zbilam.. al po Kaptolu..al dol na staru Tkalču.. Ja ti fort imam probleme dok vjutro zidem na štrapaciranje.. navek sam prerano vani.. brtije tekar otpiraju vrata.. Bormeš..negda su.. dok je vladala radnička klasa.. brtije bile odprte več od pete vure vjutro.. i po letu i prek zime.. Je radnička klasa mogla prije posla lepo se pričestit z kakšnim Badelom.. al turskom kavicom.. Ni bilo teh bedarija kaj denes delaju z tom kavom.. Je ženska pokraj šanka imela velki lonac skuhane kave pa je samo zagrabila v šaličku i to je bilo to.. A denes.. hoče bilmez dugačku kavu.. drugi kratku.. jen bi rad ekspreso.. drugi makjato.. jebal ih vrag.. ja sam se jedva nafčil na tu Nesicu … ha.. pa i ja bi si rad nekaj.. se veli.. konkretno.. zasipal čez požirak..al ni mi gušt samom.. Negda smo vsako jutro mi banda z radničke klase zavzeli celi šank i ni trebalo ništ pipničarki posebno kazat.. čim te je vidla več je spredi tebe bilo to kaj ti piješ.. A denes dojdem v kafič.. još je prazan.. samo ja i kelner.. ona ženska za šankom na stoječki dremlje.. Velim ja kelneru da hočem Nesicu od Vanilije.. a on mi odpoveda da mora pogledet dal tega ima.. pa se onda vrne nazaj i veli mi da nema vaniliju..al ima čokoladu.. Dobro.. velim ja.. može.. A of tulac si to važno zabileži v blok ..ha .. da ne pozabi dok dojde do šanka…….



Ipak bum čez Mikloušičevu dol na Tkalču.. tam bu ziher več nekaj odprto.. dost mi je več teg hopsanja po tem ledu snjegu .. šodru..soli.. vrag bi ga znal kaj je vse zasipano po cesti.. Pa mi nekak fort oko zapinje tam gor.. na dobri stari Gornji Grad.. Al gdo bi me nateral zdaj da se pentram po onim drvenim štengama.. a i gdo bi znal kak je z druge strane Promenade za dole ziti na Mesničku.. morti bi se po riti pelal.. Niš.. bumo ostali tu po ziheraški.. Ionak je gore Palica još zaprta.. a pri Žnidaršiču krmelje z prstima trebiju..tam nigdar vjutro nisi dobro došel.. te gledi oni za šankom kak da si mu mamicu znočka potrošil .. Jee.. i velko je pitanje dal je kaj pijače ostalo od subote.. Znaš.. gor pod Stare krove ti dolaziju oni nakakšni pjesniki.. poete.. vse nekakšna pajdašija kaj jen drugom zamagljena slova prodavleju.. Nis preveč znatiželan ..al da mi ih je videti.. ha.. recitiraju ono kaj su rano vjutro naškrabali..a znočka senjali.. A kaj bi drugo.. vse staro kaj su imeli su več odavno jen drugom podmetnuli.. Veli jen moj poznati.. je on velki poeta.. da vjutro v trajvanu naškraba te stihe.. a oni tam gor mu pleskaju kak da je Homera zmislil… Al sam ja najgirih kaj ti umetniki tam ločeju.. ziher kavice na litre.. zapraf.. stari pjesniki su vsi redom navek bili pijanci.. pa bi bilo čudo da nisu i ovi denes.. Jedin nis ziher za ženske.. one vse nekaj o nočnim maglama.. mjesečevim nitima.. sunčanim akcijama i intreakcijama.. bormeš.. ak su trezne nit od njih ništ nebu.. A znaš kaj.. tak su zmotani da na Jutro pjesnika Žnidaršiču dolaziju v podne… ha .. Svakaj .. buju me još malo pričekali…

Serbus ………….

Vse je.. nikak …..

subota, 03.01.2015.



Lepo sam ja rekel.. gda taj beli prhlivec opadne.Celzijusi buju prešli skroz dol.. beli se bu zmrznul i zdaj ga bumo gledeli dva meseca dok skroz naskroz ne počrni kak vuglen.. Jedin se je za ufati da bu protuletje začelo prije neg bi to kalendar diktiral.. Praf za praf.. normalno je da je takšno vreme kakšno je.. no..pa ja z tim nikak nis zadovoljan.. Fučka se meni za kalendar.. pa nis ja osetljif na zimu.. dapače.. imam ja bolše rad mrzlinu neg onu letnju vručinu.. samo da nikaj ovak belog ne pada.. nek bu suho i hladno kolko hoče.. Al.. gdo bi meni zadovoljil..sam tak postal zbirlif.. hočem kazat ..to kaj se vremena dotikavle.. Druga su stvar..na primer ženske.. dalko je bolše i jednostavnejše zabrat žensku po zimi neg po ljetu.. Kaj i zakaj.. ha.. Pa stoga kaj je po ljetu onak oskudno oblečena pa joj onda iščeš vsaku faldu po njoj.. Ovak po zimi je oblečena kak ruska Babuška.. pa ni ništ videt.. A gda si kakšnu več vlovil .. jeee..a kaj..zdaj.. takšna je kakšna je.. najbolša je.. razmeš.. Ništ se zvana ne vidi.. a po kmici su vse krave črne.. razmeš….
Baš gledim z žalenjem.. tak mi faliju tu vani pri Gustavu one ogromne ambrele i stoli.. Tu si rad sednem i spijem nekaj.. No..bumo još počekali do teg proletja ..Ionak cajti peju i preveč hitro.. za čas bu proletje …ha …..



Navek se ražalostim gda se smucam tu pokraj Popoveg parka.. Kak je negdar ta vulica bila puna ljudi..brtija.. biblioteka je tu bila.. čak četiri frizerska salona.. trafika.. štamparija.. šnajder.. šušter.. vurmaher.. bi se vrag više sečal kaj vsega ni bilo.. Zdaj nema ničeg.. razmeš.. baš ničeg.. nit jen jedini štacun ne dela.. vse je zaprto.. pohabano.. zapušteno.. i tak to stoji skorom dvajset let.. Baš gledim oni negda fest poznati disko bar..su mu rekli.. Papagaj..Eee.. dan i noč su mladi tu vani viseli kak ofčji brabonjki.. a prek puta v Popovem parku su imeli svoje nočne avanture.. maaa.. kupleraj.. razmeš.. Gledim.. Papagaj je z daskami i čavlima zabit.. vrag ga jebal..kak da je prvi svecki rat… tak je to žalostno.. A kaj je tu najgorše.. v celi ti vulici nit jene brtije ni.. Nemreš verovat .. A to ti je na tri koraka od Trgača



Makar je bila zima i sneg do kolena.. Popof park je navek bil pun dečurlije.. vlekli su sanjke na ono malo brežuljka tam spodi Biskupskog dvora.. valjali se po snjegu.. delali one snjegoviče.. ha .. A denes.. samo tu i tam kašni gazda i nejgof cucak.. Narafski.. ni gazdi do uživancije v prirodi vsred Grada.. neg cucku do scanja i sranja.. kam je to of svet prešel.. nikomu ni drago se sprešatavat po parkima ..a v našem Gradu ih falabogu ima kolko hočeš.. negda je to bilo drugač.. Vsi su parki imeli svoje posetitelje..i po danu i po noči.. Pa ni samo tu pusto.. Tak je i na drugim mestima.. I Zrinjevac i Tomislavac.. Svačič.. Tuškanac.. … vse je to prazno i pusto …Hmmm.. valjda se denes drugač živi.. bi ga vrag znal.. Maaa.. ja živim po starinski.. kak negda .. aaa..kaj morem.. stare navade.. me razmeš …….



Pogleč kak se tam v dalini vidi naša Medvednica.. sva je v megli i pokrita z snjegom.. Gda to človek ovak otud gledi.. bi rekel da je to mam tu na par korakof.. Al.. ima se kaj jahati do Medvednice.. čez celu Žervarsku dolinu moraš prejti..pa onda čez cele Gračane do prve steze na Medvednicu.. A bormeš se imaš kaj i z trajvanom pelati.. Pa ja nit slučajno tam nebum išel do proletja.. kaj bi zdaj delal tam.. Medvedgrad spi.. coprnice sediju okol ognja i z vragom špilaju poker na skidanje.. Čez celu Žervarsku nebuš nit jenu brtiju našel.. kakšni to ljudi tu živiju.. strašno.. brez brtija bit …. Stoga bum ja zavrnul nazaj nekam gde ima živih ljudi i brtija po izbor ……………. Vrabec ga dal.. još mi se kotura sarmica po črevima..a več je treti dan noveg leta.. Nebu dobro tak.. preveč hitro se začela vrteti vura … Maaa.. fučka se meni kaj se vura vrti.. neg me štenta kaj se i meni vreme vrti kak steklo.. Ni pošteno.. Nit se ne obrneš..a več je kmica.. taman se namestiš nafčer za spanje.. več je jutro .. pa pondelek i petak.. zmedi ništ.. Velim ti ja.. vse to pe kvragu…. Maaa.. gde je ta brtija … baš bum si nekaj oštrega maznul ..Fučka mi se..Jebeš vse po spisku..

Serbus ……………….

… v novem letu ….dvehiladepetnajstem ………..

četvrtak, 01.01.2015.

Zbilam nikaj posebnog.. dan kak i vsaki drugi.. sivo nebo.. gore.. zamusani sneg dole.. tu i tam sunčeko hoče zmigoljit čez oblake..al kak zgledi..z tega ništ.. Oni Celzijusi su opali na jedanajst spodi štrafte.. baš gledim teg termometra na obloku.. A sused Špengler več z raneg jutra vergla svojeg starog dizelaša.. ha.. pak mu se je zmrzel.. pa ni čudo.. je taj avtomobil več odavno punoljetan.. To ti je nekakšni kombi kaj znjim sused posle obavla.. pa meni nikak ni bistro kak ta podrtina opče još stoji na kotačima.. No.. i vergla i vergla.. narafski..zpraznil je akomulatora.. Pa se zna kaj bu zdaj.. več on gledi prek puta na moje obloke i čeka da se ja pojavim.. A kaj buš neg mu se javil.. Sretno novo leto.. kričim ja z obloka onak v piđami.. A špengler onak saf našpičen zdrobi med zubima..Maa.. je pizdu materinu sretno.. viš da me of jebe kak kojna.. i opali z nogom po toj škatuli na kotačima.. Je..a kam peš tak rano.. kričim ja i saf se tresem od hladnoče na obloku.. Narafski.. pak je nekaj preklel...kakti mora svoju špenglericu pelati v cirkvu na Zornicu.. A.. ta nejgova vsaki dan pe rano vjutro v sedam vur na misu.. Skroz na skroz zmantana baba.. Al..kaj.. Pa nek pe cipelcugom.. kričim ja.. I evo ga na.. na obloku se pojavi sused Ivek.. saf je krmeljif.. i on kriči.. Kaj ste vas dva ponoreli.. pa malo prije sam se legnul v krevetlina.. kaj kog vraga galamite..



Se razme.. ljudi su celu noč slavili zdaj bi pa spali..a mi se spominamo na saf glas.. No.. evo mene na vulici.. več palim svojeg avta i štekam one kable na Špenglerof.. bormeš je mam prijel i zažgal se.. drnda i brunda taj kak tenk.. celu je vulici ziher zbudil.. baš tak.. Evo i suseda Cajgera na plotu.. vrabec ga dal.. vani vse škripi od zime a taj se je zvlekel van v potkošulji.. Maa.. kaj.. taj je mrga od stopedeset kil.. ima dost špeka kaj ga grije .. Kriči i on.. Ima gdo kaj za zube oprati.. narafski.. rakijicu bi si pošljuknul.. Al mu mam odgovara nejgova Cajgerica.. Imaš kalodonta v badecimeru.. Ha.. kriči Cajger onak napol goli.. Z kalodontom si ti rit operi .. I več su na vulici i sused Nino..zidar.. i sused Ivek.. čak se je Cajgerica dovlekla v šlafruku.. Špengler se vrnul.. ostavil je babu v cirkvi.. veli nek se ona vrati kak hoče..a nit ne mora ak baš neče.. No..dobro.. gundra sused Ivek.. kam na koncu pemo zube prati.. Kaj imaš ti još one Trave z Paga.. pita mene.. Pa kak ja nebi imel.. celu litru.. I kaj da vam velim.. napunila se pri meni hiža.. vsi si zube pereju v travi z Paga.. grlimo se kuševamo.. želimo jen drugem sretno novo leto.. Cajgerica je več tri štamprleka trave maznula i začela fufljati.. Špengler je jamral da nejga navek rit peče od teg žestokeg..al je svejeno več na četrtem krugu.. Ivekova žena se pojavila.. i na koncu se i moja zvlekla z šlafcimera.. Eee..zdaj buju kavice i tračevi na repertoaru.. srečom su babe prešle Ivekovi hiži..al su si ipak pri meni zgrabile pol flaše Orehofca kaj je još ostal od jeseni.. I tak.. gda se takšna pajdašija najde hitro se flaša prazni.. A pripovetke peju jena za drugom .. Narafski mam je politika na tapeti.. i evo.. več smo pofukali i Grabaričku i Holicu.. Pusička nam je vsima popušila.. a negdo je i naguzil apšisanog muzgafca.. .. Jee.. lepo je gda se ljudi najdeju i družiju..a okol mene je navek nekakšna pajdašija.. nekak im je pri meni kakti najbolše.. Ha.. Cajger več kopa po mojem baru v regalu i spregledava kaj još ima po tim flašama.. A ja navek imam pun ormar dobre domače kaplice.. Se razme.. flašu Travarice su zpraznili.. zdaj kušaju domaču Zagorsku tropicu.. Kak vse zgledi.. za kratko buju vsi prešli konačno spati……….
A ja se bum ipak zaputi z trajvanom v Zagreb..ha .. i bum odnesel velku rajnglu sarme kčerki na Zrinjevac.. Znaš.. tam su pri njoj sami maldi slavili novo leto.. a to ti podrazumjeva obilnu žderaču kak su Čipsi.. Bobi štapiči.. Smoki.. Kikiriki.. i još kojekašne bedarije ..narafski.. Tekila i Votka uz to … Zdaj bu im ta sarmica došla kak paket z neba …ha ………

Serbus…………

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.