utorak, 30.12.2014.

Vse najbolše ........



Vse najbolše.. vse najlepše.. vse kaj se poželet more..
to Vam želim..ja..Mekon z Zagreba Grada ...........


19:04 | Komentari (17) | Print | ^ |

ponedjeljak, 29.12.2014.

Navek je bilo bedakof ……………….



Ščera se oni beli prhlivec tak bahatil čez naš lepi Zagreb kak da mu je sami vrag ausvajs dal .. A veter ga je nosil na vse strane kak da coprnice z kikljama mašeju.. I sam kaj je malo stal.. ..maaa.. koji bedak bu van zišel ak to nebum ja …ha … Narafski.. oblekel sam debelu bundu .. obul gojzerice i nabil kožnatu šiltericu na tikvu.. I lepo ti ja prtim puta čez vulice i trge.. Nigde žive duše.. kak da si na Sjeverni pol došel za vreme ferija …..



Pa je da one ralice brundaju vsaki čas po vulici..pa i trotoare tu i tam negdo malo postruže.. al baš ni bogznakaj sprešetavat se.. Veliju.. malo promjene ništ ne škodi… jeee.. gda su ženske v pitanju.. to je vredu.. Al za promjenu po mečavi hoditi… takšnu mrzlu žensku nemreš nigde najti ….



Daj pogleč.. pa to je pol metra teg belog opalo.. ni normalno..razmeš.. Jen dan ti lepo sunčeko sija.. drugi dan kak da si v Aljaski … zutra pa bu struganja i lopatanja po tem belom … Nema druge neg zbrisat domof.. Morem i čez oblok gledeti kak prhaju te pahulje.. zapraf.. nekakšni sitni leti naokol i vsaku luknju na tebi bu zašel … Fučkaš snjeg.. kakšna korist od tega …..



Denes pak vjutro velim ja da bum pametnejši neg ščera.. mam sam se hitil v trajvan.. oneg starog Čeha.. vrabec ga dal.. tak je toplo v njemu da su sva stekla zmrznuta.. A kaj.. taj je baš došel pa kaj bi drugog čekal.. I evo vraga.. nis se pelal neg samo jenu stanicu.. i trajvan je stal.. Kriči vozač trajvana.. Neidemo dalje.. pruga se popravlja.. I kaj.. nemaš se komu žalit neg lepo dole i dalše kak znaš … Gledim malo.. nemreš verovat.. pukla je trajvanska štreka i je nastal razmak od jenog kraja do drugeg petnajst centimetri.. Veliju ovi vredni radniki da buju to morali štuklati.. Bormeš ni njima lahko.. of čas je vani sedam Celzijuza spodi štrafte .. I tak jen med njima dela.. tri druga glediju i treseju se od zime …



Ha.. da si videl kak se je to cipelcugiralo.. kak po jajcima hodiš.. a pod nogami zmrznuti snjeg.. tak je sklisko ..ha.. baš kak na ledu.. Vrabec ga dal.. tam prek puta je nekakšna ženska opala kak je dugačka i široka.. i još se odšlajfala barem pet metri dalše.. Mam joj je priskočil jen stareši človek…al je i on opal praf na leđa.. Pa su ljudi stali dizat jenog i drugog..al je ženska fest jafkala.. sirota.. ziher si je tašku zgulila na trdem ledu..ha … Jee.. a kaj.. veliju da su to zimske radosti.. Pa nek se onda ljudi veseliju…….



Bum ti rekel da te noge zaboliju dok hodiš po tem skliskem kvrgavem ledu.. tak mi je došlo da si malo odpočinem na klupi.. ha.. kak bi to lepo bilo sesti si na ovi beli vajnkuš … Viš.. denes pa sunčeko sija.. je zubato.. ništ baš ne grije.. Zbilam.. kakšni sam ja bedak.. pa kaj ja opče delam vani.. i ščera i denes.. Moram hitro najti nekakšnu brtiju.. pa nis ja pingvin da po ledu i snjegu hodim…..

Serbus …………………..


19:03 | Komentari (25) | Print | ^ |

petak, 26.12.2014.

Bok… Štef …………..



Jezušek.. kak mi je denes težko.. razmeš ti mene.. ščera sam se obžderal.. dobro to vse zalijal.. pa ak još uračunaš i velku zdjelu domačih kolačof.. vse skup je to naredilo takšni pritisak na moj želudec..maaa.. kaj da ti pripovedam ..denes sam pušem i švicam se od tega… Narafski.. prvo sam vjutro nazval svoju prijatelicu Šteficu.. još se od srednje škole znamo.. Znaš.. bila je to curička za stat i gledet.. pa se vredilo malo okol nje motat.. je da ju je človek moral malo dugše nagovarat.. . i tak to.. Denes je to sasvim dobro držeća baba.. nebi se človek baš preveč spremišlal kaj bi znjom … No.. zdaj smo mi prijateli pa ja nju zovem da joj čestitam imendan .. Halooo.. kričim ja v telefon.. Halooo.. kriči ona z druge strane.. Tko je.. dere se ona.. Pa ja sam vrag te jebi gluhi.. pokušavlem ja nekak tu vezu ..se reče.. uspostavit.. Vse nekaj šumi.. škriple v telefonski slušalici … Aaaa..ti si.. kaj hočeš.. pita ona.. Ehhh.. velim ja.. si tak fest senilna da neznaš kaj bi ja štel.. paa.. sretan ti imendan… Aha.. veli ona.. imendan.. viš..ti si se jedini setil.. Pa narafski da sam te se seti.. da smo znaš kolko se put ja tebe setim.. začnem je.. Maa.. znam..znam.. ziher ti je druga ruka vžepu.. zajebava ona.. Znaš.. ona je bila jena od oneh kaj je znatiželno gurala svoju ručicu v moj žep.. koji je .. se rezme.. imel rupu.. Al davno je to bilo.. Človeku dojde milo gda se seti starih cajti .. I tak.. malo smo se pospominali .. pa sam joj i Božića i Štefanje čestital.. a i obečal da bum ju skuševal i za rit ščipnul gda se prvi put zestanemo .. I mam je pitala gda to bu…. eeeh.. babe …………
Pa da malo stresem z natrpanog želuca to vse spram dole.. prema riti .. razmeš .. moram se malo sprejti po vani.. A nebu škodilo da si malo friškeg lufta vdahnem .. Vrabec ga dal.. jedva sam hlače zakopčal.. a gdo bu zdaj još i žnirance zavezal … I ..evo.. pomalo se vlečem čez Ilicu.. pa mi se vse čini da bum tu i zavrnul pa nazaj..



Sinoć je dež začel kak bedasti cureti.. a okol tri vure vjutro je začel prhati oni beli prhlivec.. I sva sreča da se ni prijel ..je bil skroz mokri.. taman bi mi trebalo denes z lopatom lamatati naokol.. I pred jutro se razvedrilo.. i kak zgledi.. dan bu dobro začel.. A..prazan je Grad.. zgledi da se ljudi odmaraju.. ni samo meni težko.. Baš gledim ta dreva.. još su puna suheg listaj.. to zbilam nekaj ni vredu z tom prirodom.. Zdaj bi trebala bit dreva potpuno gola.. zmrznuta .. al ak vse zgledi.. prije buju začela znova pupat neg ovo listje opadne..
..............................Baš sam se malo zabremzal tu prek puta Mačkoveg trga .. gledim te stare pohabane hiže.. Negda su tu bile čak tri velke brtije i restavracija.. ..a zdaj je sam jen pišlivi kafič.. A taman na samem vuglu je frizerski salon.. ni bogznakaj.. al je tu od gda ja pamtim .. Tu je svojeg frizeraja imel jen Bosanac..se zval Eko.. vrag mu jebi to ime.. mi se čini da je to od Ekrem .. Noo.. tu je bila kakti učenica jena mala zgodna curička.. Zapraf su bile tri..al ja sam ganjal tu jednu.. Znaš.. je imela kosu do riti.. a guzička kak loptica okrugla.. a noge je imela najbolše v celi školi.. Se razme.. vse kaj je bilo najbolše.. prvi sam ja zbiral.. a drugim kaj je ostalo.. Su se moji školski pajdaši navek bunili gda bi ja kakšnu zgodnu frajlicu okupiral.. Pa gdo vam je krif dečki.. gdo prvi nejgova djevojka .. veli ona stara narodna.. A oni su meni kričali da tko prvi ..drek mrvi.. Jeee.. al su dobro znali da gdo je zajdni..taj ga jede..
No.. ta mala je tu delala vsaki dan do poldan..al popoldan.. I kaj buš drugo neg ju došel tu pričekat da zide s posla i da ju otpratim domof.. Pa kak je mladi človek nestrplif gda su pucice v pitanju tak sam i ja znal tu dojti i pol vure prije..pa sam se nalukaval čez izlog nutra v frizeraj.. A oni šef frizeraja..taj Eko.. bi znutra žifčano mahal z rukami da nek se maknem od stekla.. pa bi se ja zmaknul..al bi mam za čas nazaj se nalukaval.. A taj Eko je bil prasac pa je namerno zadržal svoju učenicu dugše neg je trebalo samo da meni napakosti..
.....................I tak z dana na dan.. navek isto.. Pa je taj majmun znal i ziti van i kričat na mene da nemrem stajat tu pokraj nejgoveg izloga.. Pa sam se ja skrušeno mical..sam da nebi stradala ta moja pucica.. Za neko vreme se je i moj dobri pajdaš zatreskal v kolegicu od moje pucice kaj je tu taki delala.. i na koncu smo nas dva viseli tu vsaki dan i čekali ih.. Al je stari Eko vse više norel i kričal na nas da nek se maknemo od izloga.. Pa nam nigdar ni bilo bistro kaj mi njemu tu vani smetamo.. Pa izlogi i služiju stoga da se čez njih viri nutra al van.. I tak smo pajdaš i ja jenog dana tu vani sedeli na rinzolu spredi teg frizeraja. Znaš.. negda tu ni bilo prometno kak je denes.. tu i tam bi kakšni avto prošel .. noo.. mi smo sedeli i dimili.. hračkali na cestu.. gda je oni Bosanac najemput otprl vrata od frizeraja i zlijal na nas z nekakšne posude vodu.. Vrabec ga dal.. kaj smo v luft skočili i bedasto se gledeli.. a pajdaš je ovome mam mamicu bosansku spominal.. Ja sam bil tolko nabrušen al sam se jedva suzdržal da starom ne hitim v tikvu svoju cipelu skup z nogom..razmeš.. Poradi naših pucica nas dva smo se onakšni mokri maknuli i prešli domof..
.........................Pred samu večeri fučka meni pajdaš spodi prozora na Zrinjefcu.. Kaj je.. pitam ja.. Ajde.. pemo nekam na važno mesto..veli on.. Pa gda je tak važno evo.. mam sam dole.. Vodi mene pajdaš čez Prilaz.. i kaj smo bliže Avstrijskoj vse je meni bolše bistro kam to mi pemo.. A tam su još v to vreme bile kasarne one črlene armije i ta strana Avstrijske, onda se drugač zvala.. ni bila asfaltirana kak je denes neg su bile one manjše kamene kocke.. A kak je vulica navek bila pohabana.. moj pajdaš z ruba ceste zeme dve te kamene kocke i jenu mani v ruke da.. Hmmm.. vse je poznato.. Lepo smo se stali spredi oneg frizeraja .. vsaki pred jen izlog.. Jen..dva.. tri.. i one kamene kocke su našle svoj put čez te velke staklene šajbe.. Eeeeh.. da si čul kak je to zvonilo.. gda se steklo rasipalo po asfaltu.. Narafski.. mi smo došli posle radnog vremena gda je stari Eko več domof prešel.. I tak.. nas smo dva prešli prek puta vulice i zadivljeno gledeli v svoju meštriju.. Ljudi su z brtije pokraj zišli van.. glediju kaj se događa.. a nas dva smo si dali petama vjetra..
………...........Čuli smo drugi dan da je stari Eko mam vjutro zval miliciju i da su došli zapisnika delat.. Narafski.. stari je rekel da su to naredili pajdaši od nejgovih učenica.. No.. one su to jako odlučno odbile i i nisu nas štele odati … Pa je majmun i v školu došel kakti iskati nas dvojicu.. Eee.. tu su ga naši profesori sterali mam van na vulicu jer nisu šteli da netko smeta učenikima.. I tak.. posle su si naše pucice našle druge majstore frizere gde su nastavile učiti zanata.. I dalše smo ih čekali pred izlogima……...



A ova ti je velka.. friško obnovlena.. hiža malo dalše od oneg frizeraja.. par korakof.. na vuglu Klajičeve vulice.. Eee.. tu je negda bilo poznato ugostitelstvo.. restavracija Marijan… V prizemlju je bila kakti obična brtija v nekakšnoj vuskoj dugačkoj prostoriji z takaj dugačkim drvenim šankom.. Malo odostrag je bila velka sala z stolovima i stolcima gde su se prijepoldan jeli gableci.. v podne obedi..a nafčer večere po izboru.. Na prvem katu je bila takaj velka sala za malo bolše peripetije i špelancije kak su svadbe.. i druge proslave.. I još tam gor v šturcu je bila velka soba v kojoj se je kockao i kartalo za velke peneze.. narafski vse na crno.. Odostrag v Klajičevi je manjše dvorišče koje je služilo kakti bašča v koji se pekel roštilj i vrteli jajnci i odojki.. Prijepodneva su na gablece dolazili ljudi kaj su tu naokol bili zaposleni..pa največ z fabrike duhana.. razni obrtniki i zanatlije.. te namerniki koji su znali da se tu dobro more pojesti.. Treba kazat da je ta restavracija još od dalke Kralevine i Endehazije.. a kak je dobila ime Marijan.. vrag bi ga znal.. al se znalo da je to po onem brdu pokraj Splita..Takaj je bilo poznato da se tu okuplaju kakti stalni gosti Dalmatinci koji su bili razni direktori .. poslovođe i bogtepitaj kaj vse.. Ondašnja udba ni rad imela to mesto..kakti se tu preveč Horvata okuplja.. no su šuteli jer su se tu velki penezi okretali ..pogotovo na kocki.. A je bilo poznato da tu za velke peneze kartaju direktori z Fabrike duhana.. pa direktori z Šport Heruca i još par okolnih fabrika kojih več odavno ni .. Ni bila velka tajna da i oni črleni visoki oficiri z kasarne prek puta takaj tu dolaziju žderati i kockati..
I tak su jenom prigodom gore na katu kartali. Kak se čulo tri dni i tri noči zaredom.. I negdo je nekog kakti prevaril.. i je došlo do velke gužvancije i tarapane..pa je neposletku negdo zvadil pištolu i jen je bim mrtaf skroz na skroz..
Narafski.. vse je to zaprto.. velke su istrage bile..pa su neki i v reštu svršili.. Dugo let je bilo zaprto..pa je na koncu proradil samo oni doljni del v kojem je brtija i gde se gableci kuhaju.. Pa se to tak vleklo vse do nove države gda je nekakšni.. se reče poduzetnik do zel ..kak se reče.. v svoje ruke.. malo je vse obnovil i začel tu delati kakti ugostitelstvo.. No.. se prek noči saznalo da je tu zapraf velki kupleraj i da se tu vrtiju okol štange one Ukrajinke.. Ruskinje.. Bosanke i Srbijanke.. a lubaf se kupuje za velke peneze.. Pa nit to ni moglo preveč dugo trajat .. vse je spet zaprto i je letima propadalo.. Pred dva leta je negdo tu hižu začel obnavlati i zvana i znutra.. Nigdo ni znal za koga se to dela i gdo je pravi vlasnik.. zapraf vse se zna sam se nesme glasno povedat.. Se čulo da bu tu Robna hiža.. pa da bu Hotel.. pa da bu nekakšna ambasada.. Je.. vse je obnovljeno.. a na hiži denes stoji velki natpis da se iznajmljuje….
Tak.. malo sam se prisetil gda sam tu prošel ……



I dok ja tu stojim i gruntam si o starim cajtima.. začel je nekakšni mrzli veter puhat.. Vse se premišlam dal produlit cipelcugom nazaj po baruna Filipoviča ..al nazaj na Ilicu i v dobri stari trajvan.. Taj čas mi zvoni mobitel v žepu.. zvoni.. zvoni.. a meni se težko javiti.. No na koncu pogledim..a to zove moj stari pajdaš z brega Grmoščice v Kustošiji..narafski.. i on je Štef.. Maaa.. daj dojdi .. upraf denes skidam klobase z tavana.. a prinesel sam i demižonku Frankofke z sela.. bu došel i sused Ludva. Bumo si malo Belicu zaigrali.. Jezušek.. fest primamliva ponuda.. težko mi je odbiti..al kaj.. još mi je na knap v želucu od žderače i pijače od ščera.. pa kak bum i zdaj nastavil z tim.. Ništ.. Fala Štef.. sretan ti imendan.. pozdravi ženicu i suseda Ludvu..al ja moram domof.. mojim vnučicama kaj su ostale pri meni..
……..Pa gde je taj trajvan več jemput .. jedva stojim ……….

Serbus ……………….


14:42 | Komentari (14) | Print | ^ |

srijeda, 24.12.2014.

SRETAN BOŽIĆ




08:21 | Komentari (16) | Print | ^ |

utorak, 23.12.2014.

Idu cajti …………….



Gdo bi rekel.. dan kak i vsaki drugi..a Božić je spred vrati.. Pa i ja kak i drugi norim naokol i gledim kaj je moguče više penez potrošit za poklone.. Vrabec ga dal.. takšno je vreme.. gda se ljudi darivaju.. a kak smo mi.. veliju.. potrošačko društvo.. onda ni nikaj čudneg ak se i zajdni filir potroši na kakšnu glupariju.. Je..je.. dobro si čul.. ljudi največ kupuju nekakšne norije.. bedarije.. pa to lepo zapakiraju v šareni papir.. zvežeju mašleka i doneseju nekomu na poklon… Tak sam ti i ja skupil za cela jena kola takšnih poklona ..a pol ih nigdar nis razpakiral.. vse to lepo stoji v par škatula na tavanu.. Pa ja predpostavlam da tak i moji pokloni pri drugima završiju.. A kaj buš delal z hrpom nekakšnih bleščečih angeleka.. vazama.. tanjurima .. vrčekima i čašama .. tacama.. krpama.. i kaj ti ja znam kaj vse ne.. Lepo se zafališ..nafališ poklon i deneš ga v šturc.. No.. pa dječica se veseliju vsemu i svačemu..maaaaa.. brus.. ni dječica nisu kaj su bila..nemreš im više podvalit.. točno znaju kaj hočeju.. A hočeju baš ono poradi čega se tebi drek zmrzne vriti gda vidiš kolko to košta.. I tak.. ja naokol iščem .. nekakšni..veliju.. Tablet.. pa Mp4.. ti vrapca imam zapisano.. gdo bi to vse zapamtil ……



A fuliranti v Strmi vulici još spiju.. al delaju do kasno po kmici .. No za kratko bu i tu vse otprto..al tu nemaš kaj posebnog.. morti jedin kuhano vino kaj je tu malo bolše neg drugde.. Popoldan i nafčer je tu takšna gužvancija kak da se vse zabadaf djeli.. Ljudi noriju.. ti vrapca.. jena runda pijače i ostal si brez stotke v žepu.. Znaš.. ni človeku žal potrošit..al ovi tu trgofci su pravi zelenaši.. odereju te kak Musa jarca za dva gutlaja nekakšne splačine.. Al..veliju ljudi da im je gušt tu vani stajat i cugat.. No dobro.. nek im bu.. bedaki..nemaju pojma kakšni je tek gušt sedeti v Kavani.. A za iste peneze .. pa bum ja videl te potrošače gda se za dva dni Celzijusi zrondaju skroz dol v podrum..ha.. Veli oni zalizani Brzoja..na NovojTV.. da bu za dva dni zajc mamicu iskal.. a kak v Zagrebu nema zajcof.. bu se iskalo mesto v brtiji..



Velim ti da to vreme ni normalno.. i ajncug na meni je preveč.. mogel bi hoditi samo v rubači.. Čekam pajdaša Drageca pa pemo v Kavalir nekaj si spiti.. Znaš.. čudnovato je to da ljudi gda se zestaneju peju mam v brtiju.. Nigdo više se ne sprešetavle po Trgaču pa se usput spomina z pajdašom.. nigdo više ne stoji na negdarnjoj špici pa se spomina.. Brtija.. to je zakon.. Još z mužkima ni problem.. zajdeš kam zajdeš..al ak imaš rendes z kakšnom prijatelicom ..al poznanicom.. nemreš v običnu brtiju.. Po tem kafičima je jako loša.. se reče.. situacija.. Em je mali prostor.. em je zagušlivo jer nutra raufaju.. em ti konobar navine muziku od koje ti je mam sila srat.. Znači.. ostane Kavana..al kak ih je pri nami malo.. prijepodneva su vse pune kak šipak koščic.. Al znaš kaj.. vse same babe nutra sediju i žlabraju.. cuclaju kavice polahko samo da more pri jeni kavi vuru vremena sedeti.. Tak sam ti ja neki dan z poznanicom zašel v Malu Kavanu i bil nutra jedini mužki ak ne računamo konobara.. Pa nis primetil da su me baš onak.. napadno.. gledele.. ha … Aaa.. je je.. peju cajti.. još malo i konac oveg leta.. Ti vrapca..kak da je preletelo.. Ni pošteno.. tekar se človek nafči živeti i več ti je vreme pobeglo.. Ha.. evo vidim da Dragec prihaja.. navek mu se žuri.. Znaš..to ti je oni Dragec kaj bedina ženu i cucka od našeg Gradonačelnika.. je bil po vsim cajtungami nema tomu dugo.. Zdaj mu je gazda domof..pa se žali Dragec da i kuhat mora jer milostivica gradonačelnica takšne stvari ne dela.. Aaa. i to ti je baba svoje fele.. ni bogznakaj.. pa i dobra je.. al nezna ništ…. Jezušek da me čuje.. Velim ja Dragecu.. Eee..stari moj zdaj si postal pravi Batler.. Kaaaj.. pita on.. Batler .. velim ja.. kak neznaš kaj je to.. Žorž.. razmeš ……….

Serbus …………..


20:18 | Komentari (9) | Print | ^ |

ponedjeljak, 22.12.2014.

Zagreb..grad izlazečeg sunca ........



I gda meni negdo veli da je oni Japan..tam gde oni z očima všrek živiju.. da je to zemla izlazečeg sunca.. Zbilam svakaj.. Morti i tam koji put sunce izide..al zakaj onda vsi oni hodiju po vulicama z gasmaskama…ha .. Pa ni nikaj čudovitog kaj je teh žutakof više po celomu svetu i tu pri nami neg tam pri njima.. Jee.. čuli su oni kaj to je Grad Izlazečeg Sunca prafzapraf.. Narafski ..to jer naš lepi Zagreb Grad.. Pogleč samo kak se sunčeko pojavljuje ..pa prvo raufunke obasja.. pa krove.. i onda se polahko vse bolše uzdiže dok celi naš Grad ni obasjan…Aaa.. je..je.. to ti je samo na takšnim mestima gde su ljudi dobri..a ženske najlepše..



Pogleč lepote izlazečeg sunca .. nema se tu kaj preveč pripovedat.. to se more samo z popefkom opisat.. Hmmm.. moram kazat onim mojim ženskicama z Bloga.. fort nekakšne norije o lubavi škrabaju..a nigdar o svojem Gradu v kojem sunce izlazi..
Halooo.. Čuvarica.. Dijana.. Dušica… Demetra... Jezušek.. nemrem se nit setiti vsih.. Kaj čekate.. Hočem poemu o Gradu izlazečeg sunca..Zagrebu.. Ha.. morti se i oni moj pajdaš.. profa.. Sjedi.. razkuraži pa mesto da cendra za babama.. naškraba koju lepu o našem Gradu.. Vrabec ga dal.. vsi kričiju kak je Zagreb najlepši.. a nigdo ni.. čmrljžmrlj.. o nejmu.. Nooo.. bu kaj..ha…..



Si videl kak se novo i staro sudarilo..ha.. Al ima Boga.. kak to narod veli.. Pogleč kak se v tem novem lepo pokazalo staro.. kak da bi se v čarobnem špiglu vidlo.. Velim ti ja.. Nigdar nebuš v starom videl odraz noveg.. al to staro bu navek oplahnulo novo.. Ha.. kak sam to lepo rekel.. nis ni znal da imam v sebi tu poetcku dušu.. Hmmm.. daj mi komad papira i blauvajs.. bum probal kakšne stihe zpuknut z tikve … Noo.. idee.. Hmmm.. nejde.. Još jemput.. Aaaah.. prije bum puknul neg stiha zvaljal…..



Maaa.. hirto ti ja hodim..al me sunčeko stiže.. i dok dolaufam do Trgača.. več bu ta lampa gorela nasred neba.. Bum ti rekel da mi nekak baš fajn paše na sunčeku.. Čim se zmakneš v sencu.. zima zube pokaže.. Ha.. al bumo mi ovi zimi.. kak vse zgledi.. roge pokazali.. Kaj če nam zima.. kaj ni ovak lepše.. Veliju norci da Božić mora bit bjeli.. Pa gde to piše.. nek mi negdo pokaže.. Daklem.. ovi Božić bu.. po moji naručbi.. bil vedri i sunčani.. Na koncu konca.. pa kaj ne živimo v najlepšem Gradu na svetu…ha .. pa kak bi zgledel brez sunčeka….. i lepih ženskih.. se razme ….



Kakšno modro nebo je znad našeg Grada..milina.. Pa tu i tam nekakšni mali oblaček.. kak bela pahuljica od guskinog pereka.. Jezušek.. Pa kak onda nebi sim ljudi prihajali .. i nigdar više otišli nazaj .. ha .. Vsi ostajeju i iščeju v našem dragom Zagrebu svoj komadič modrog neba i svoju zraku sunca.. Vrabec ga dal.. kak sam se raznježil.. kak da mi je negdo tri Nesice od vanilije platil na Cvjetnom Trgu… Zbilam.. jako dobra ideja.. Puce i dečki.. pem iskat sunčanu stranu kakšneg kafiča.. Ak spazite kakšneg bilmeza kaj sedi kak gušter na sunčeku.. to bum ja bil ………



Serbus …………….


17:59 | Komentari (11) | Print | ^ |

nedjelja, 21.12.2014.

Gor..paaa..nazaj dol ….eeeeh.. gda je človek bedast ……..



Nema ništ bolšeg neg gda ti jutro lepo začne pri Nesici od vanilije.. pa se tak zgodilo da se najdem baš tu na Malom Placu pri KaviTavi.. Zapraf ja još nit denes neznam zakaj se to nazivle KavaTava.. bi ga vrag znal.. A ima ti teh kafičof po Gradu na par mesta.. i Pod Zidom.. i v Tkalči je nekakšna zalogajnica.. kerefeke.. brez veze.. Al ti moram kazat da je of put Nesica bila odlična za razliku od proletja gda mi je ženska tu naredila mlačnu splačinu.. Valjda je moja kritika kaj pomogla.. I pošto sam ja navek nekak prerano v Gradu.. nema nikakšnih izgleda da bu naletel gdo poznati kaj bi si spili kaj konkretnog… razmeš ………..



Hmmm.. nekak mi se nejde dalše spram Trgača..tam ti zdaj vjutro samo dopremaju robu za one štande.. grijeju vodu za klobase kaj su im od ščera ostale..podgrijavaju peciva kaj su se prek noči stvrdnula.. i nalevaju vodu v malo vina.kakti bu to kuhano vino.. Pa sam ti tak odlučil malo prejti na sjevernu stranu.. i kam drugam neg v breg.. I tak sam zavrnul v Arnoldovu vulicu pokraj najstareše Pošte v našemu Gradu kaj je još ostala tu od Habsburške Kraljevine.. Je da se ta stara hiža hoče sva podreti.. al još stoji dok ju negdo ne zruši.. Najme.. več deset let postoji nekakšni plan da se cela ta štrafta teh starih hiža na toj strani Maleg Placa poruši..jer kakti ne predctavlaju nikaj posebno vrednog.. Narafski.. nekakšni spametni arhitekt je tu zamislil .. a kaj drugo neg staklenu krletku…Pa dok traje.. traje….



Jezušek.. kakšni je to breg pred menom.. Negdarnja kozja staza je postala fajn vusla vulica kaj se nazivle Rokova vulica.. Vrabec ga dal..tak je strma da vse gruntam kak bum z tikvom tresnul po asfaltu.. Dobro kaj je suho vreme.. drugač pak bi bilo lepog sklizanja po riti.. Evo.. hitim još jen pogled dole na Mali Plac.. i vse mi je žal kaj sam se opče sim zaputil.. Al kaj zdaj.. bu kak bu.. valjda nebum zglajzal na tem bregu.. Uuuuh ……………..



Počekaj malo.. moram odpočinut.. jedva sam zgural svojih sto kil v taj breg.. Znaš.. po ravnini ti ja hodim kak tenk.. gda se zalaufam samo me zid more zabremzat.. Ak pem zbrega dol.. eee.. onda postoji velka opasnost da bum.. ak popustiju žlajfe..nekoga fbil ak mi se najde na putu.. dakle.. zdaj stojim i lovim luft kak som kaj je štel nazaj na vodopad Nijagare.. Tak.. došel sam ksebi.. samo zdaj tu fali kakšna brtija kaj bi se človek malo okrepil gda se več spentraš sim gor.. Narafski.. tu od brtije ni nit b.. Vse ravno kak stol.. lepi ogromni park.. makar ni tak kak gda je vse zeleno.. A i tu je stara Rokova cirkva za koju zapraf nigdo nezna od gda tu je al se zna da je fest dugo.. Od davnina ljudi živiju tu na tem Rokovem bregu.. a baš v tem parku okol crkvice je bilo groblje.. Se ja još sječam da su tu bili nekakšni grobi od kamena.. Pa su ih maknuli pred kakšnih trideset let.. gda su vređivali taj park..



A celi taj del kaj se nazivle Rokov Perivoj je zapraf obrublen z hižama kakti velki trg v sredini kojeg je park.. Posvud naokol su stare hiže.. obiteljske.. pa vile.. pa palače.. pa dvorci.. Se zna da su se na tem bregu naselili oni Židovi.pa uz njih i razni strajnski dotepenci i tu su v prirodi gradili svoje domeke.. Narafski..kak je to bil bogati svet.. su i hiže bogate.. pa su negda okol teh bili lepi vrteki parki.. terase.. Denes je malo od lepog ostalo kaj su te vrteke i parke vredili za parkirališta..al su zgradili v dvorištima garaže.. I vse to tu na tem Rokovom baš i ne zgledi više preveč bogato.. Viš.. ovo je negda davno bilo prekrasno dvorišče.. a po tim stupima se penjala ona vinova loza..vse je bilo v cvetju.. Baš gledim.. zdaj je dost zapušteno.. kakti nikog ni briga kak bu.. Pa i druge hiže na Rokovom su dost pohabane..



A ja sam tu još kakti klinac dolazil v taj park v kojem su navel bile njihalke.. tobogani.. i druge naprave za klince.. A i v to vreme je Rokovo bilo još bolše neg je denes obraščeno z grmljem.. bilo je više dreva koja su posle sahnula.. a navek je to bil ogromni travnjak i samo jena blatna staza… A i jen ogromni hrast je bil nasred parka z granama skroz pri zemli pa smo se mi klinci znali popesti kolko se god moglo višlje.. Al kaj.. jenom prilikom se na drevo spentral nekakšni mlitavi klinac pa onda se ni ufal nazaj dol.. I je kričal siromak gor na drevu tak da su se okupili vsi okolni stanari.. pa su i oni svi kričali i davali savjete klincu kak da se zpusti dol.. No taj se ni više ufal nit pomaknut gor na visoki grani.. I kaj zdaj.. Pa su ljudi nas okolne klince tražili da se spentramo gor i pomognemo tem malom lajbeku dole ziti.. Al se of ni dal od te grane za koju se držal kak majmun.. na koncu je došla i milicija i vatrogasci..al se mali mamlaz tolko zplašil da je na koncu ..opal dol na taj debeli travnjak.. Nismo nigdar više čuli kaj o tem klincu.. ni bil tu domaći.. al su za kratko došli šumari i spilili vse doljnje grane.. od onda se više nigdo ni mogel pentrati na taj hrast..al i do denes to očerupano drevo više nikak ne zgledi..
…………Tu na Rokovo su slabo dolazili Zagrepčanci.. je to nekak preveč na bregu i v šturcu.. navek je to bil fest kmični park.. A i klupe su bile nekakšne od betona i dreva pa takšne nikak nisu bile dobre za zalublene.. me razmeš kaj hočem kazat… A drugač.. tu je na Rokovom harala nekakšna banda domačih fakina kaj nisu trpeli da tu negdo strajnski dolazi.. Jenostavno su bili prebedasti da bi znali komu prodat ciglu..al placovinu za klupu naplatit.. Bili su rabijatni i divlji..al kaj buš i očekival od teh tu brđana.. Čak ih nigdar nismo viđali po plesnjakima v Gradu.. Ak su baš morali.. zpuštali su se na Mali Plac po cigaretline i pijaču.. Nijhovo je zadovoljstvo bilo plandrati skroz gor na Tuškanac po bregima čez šumu vse do Prekrižja…..
……….. Posle puno let su staru fontanu na Rokovom ..kakšna je slična i na Griču naređena.. zrušili i deli ovu tu lepu golu žensku.. A je i tu nekakšna voda curela..al su to zaprli i zdaj je lepotica na suhem …Pa nis mogel odoleti da ju malo po riti pogladim ……..



A na mestima gde su bile stare hiže koje se ni splatilo obnavlati su zrasle nove.. Evo na.. nit jena nema krova..kak da si v Kairu.. Znaš to ti mene fest jadi.. te hiže brez koseg krova.. A to je vse kriva ona negdarnja gradonačelnica Marina.. Do nje je bil Gradcki propis da vse hiže v starim gradckim firtlima moraju biti pasent okolini..pa stoga moraju imeti i koseg krova… pa je ta Marina to poništila i od onda je začela ta nakarada od hiža.. Sam se ja znjom fest svadil zbog tega.. razmeš.. onda sam ja još bil Gradcki Zastupnik pri Skupštini..al kaj.. je ona imela potporu pa je delala kaj je štela.. I još je dobro prešla kaj joj nis mogel spominati mamicu dotepencku.. je baba rođena Zagrepčanka.. Zdaj je matora kak mama od Metuzalema .. al ju vidim koji put.. A..kaj.. navek sam joj črlenu rojžicu nosil.. ipak je bila naša.. domača.



Dakle.. več smo prešli oni del kaj je Rokof Perivoj.. zdaj ti je to vulica oneg Ivana Gorana Kovačiča.. vrag ga jebal.. to je oni kaj je v nekakšnu jamu opal..taj je taki nekaj naškrabal kaj sam ja moral za lektiru čitat.. pa sam.. brus.. sam prepisal od moje dobre školske prijatelice..
Bum ti rekel da je nekaj teh starih vila i velkih hiža.. lepo obnovleno.. A..kaj.. su to vse pokupovali zajdnih leta oni kaj ih nazivleju ..tajkuni.. pa i ima dost strancof kaj su se tu dotepli.. A te stare hiže su negda davno gradili židovi.. pa gda su im za Endehazije dali ausvajse da moreju prejti v beli svet.. onda su se tu največ naselili oni razni črleni banditi.. Eee.. zdaj su polahko i oni prešli vragu na veselicu..pa mladi prodajeju te starine jer im je težko to ..se reče.. održavat.. A tu v tem delu našeg Grada je to kakti.. veliju.. elitna lokacija.. Narafski.. za one z debelim geltašnima.. Nebuš tu našel kakšneg siromaka da stanuje.. nit v pasjoj hižici.. Da samo vidiš kakšni su im avtomobili po dvoriščima i garažama.. ništ slabše od Mercedesa.. No.. pa kaj.. gda dojde vreme i njih buju črvi zobali kak i mene…. Ovak gda si malo človek zgrunta… je da je lepo tu na visokem živeti.. mam spodi tebe je Grad..tu je luft malo bolši..al znaš kaj.. brez avta al avtobusa si tu.. vriti.. TI vrapca .pa ja se več pol vure vlečem po ti vulici i još ni konca videti.. A gda si zmislim da bu trebalo nazaj al pak skroz okol naokol prek Tuškanca dol.. Hmmm…….



Evo..pogleč kakšni je to velebni dvorac.. bi si človek lahko zgruntal da je nutra nekakšni bogataš.. Maa.. je brus.. to ti je vlasništvo države.. Do pred kratko vreme je tu bila Horvacka Vojska.. one tajne službe.. bi ih vrag znal.. Pa su se nekam preselili..tam na Kuniščak i zdaj je to prazno i znutra fest zapušteno.. podrto.. razkopano.. Pa sam najgirih gdo se bu tu uselil.. a ziher je da negdo bu.. A taj negdo bu to za sitne peneze kupil.. Tak ti je to pri nami navek.. Nekakšni politikant kaj je do ščera bil podctanar .. prek noči osvane v vili..al penthausu.. al v ovakšnem dvorcu … Pa tu je ništ nemrem.. baš mi je dobro došlo kaj su železna vrata odprta ..uuuuh..kak sam se lepo poscal po državni imovini…ha ….



Viš.. kolko god v ti vulici bilo dvorcih..palača.. vila.. ipak gor na koncu te vulice Gorana hurmastog.. je zemlište na kojem valjda coprnice tancaju rokenrol ..vrabec ga dal.. tu zgledi kak da je zadni nutar živel Kvasimodo.. a posle nejga Nosferatu.. Bi ga vrag znal kaj je z tim.. to ja tak pamtim od gda sam bil klinac.. To je na samom vuglu Goranove i Vijenca.. vse je podrapano i trulo.. naokol samo pikave kupine..trni kak oni srednji prst kaj ga pokazivleš.. a smetja i starudije za jen vagon.. I baš je jen štakor velki kak maček pretrčal prek vulice.. Težko je razmeti da tak nekaj v tem elitnom firtlu more postojat.. A znaš da je mam vizavi Lovački muzej.. a dvajset metri dalše velka vila oneg črlenog vampira Manoliča.. Pozadi te podrtine je taki nekakšni dvorac.. Also…
…………..Mmmmm.. kak mi je v gupcu suho ..kak da je Sahara.. morem ti kazat da sam od teg štrapaca tak fest ožednel.. nemrem ti opisat…. Znaš kaj.. gledim.. baš dolazi avtobus.. a ja taki baš stojim na stajalištu avtobusa.. pa me to fest podseča da ak se sednem v avtobus da bum za pet minut dol na Malem Placu od kud sam i došel sim.. Vrag jebal te elitne firtle.. nit jene brtije nakon cele vure cipelcugiranja.. Pak bu spas v KaviTavi…………….

Serbus ………..


16:43 | Komentari (12) | Print | ^ |

srijeda, 17.12.2014.

Aaaah………………



Je.. moral sam zdahnut.. Konačno je znočka dež začel srat.. pa sam ja jedva dočekal da zidem z hiže z ambrelom.. A dež.. nit vrit nit pokraj.. nit je za ambrelu otprti.. nit za hoditi brez.. I lepo sam se vrnul .. vrgel ambrelu v šturc i oblekel kožnjaka i na tilvu takaj del onu kožnatu kočijašku šiltericu.. Pa zdaj kak bu..
No.. i denes sam skončal z pajdašom v brtiji .. tam pozadi teg staklenog kokošinjca.. Nisam nit otišel na portu pitat za pajdaša..samo sam se navrnul v kafič i mam ga spazil.. Veli on da kaj bi menjal stare navade.. pa tu je došel z mladih dni kakti šegrt..i evo ga zdaj za leto dni pe v penziju.. veli da si rihta nekakšnu invalidcku.. TI vrapca.. gruntam si ja.. pa od gda pijanci peju v invalidcku penziju.. No.. moj mi pajdaš lepo objasni ..se reče.. uzročno posljedične veze.. a to svakak mora skončati z invalidckom penzijom.. Pita me pajdaš kaj bum si spil.. More jen Štok ..velim ja.. Kaaaaj.. čudi se on.. Štoooook .. No dobro.. velim ja.. more i žufki pelinkovec .. Oni Štok je duplo skuplejši..razmeš… Pa gda zbrojiš par rundi onda to more i dost grdu škodu v žepu naredit…. A moj pajdaš i ja imamo sporazum da on plača vse gda sam ja gost pri njemu tu gde smo denes.. a ja plačam vse gda on dojde kmeni v Kustošiju.. Hmmm.. pa ja tu pri nejmu ostanem jednu vuru.. kaj bi reklo da je to tri runde pijače.. A gda on dojde kmeni .. onda ostanemo pri Mađarici celo prijepodne…Al nit moj pajdaš nit ja ne brojimo kolko bu gdo spil al potrošil.. Hmmm je.. zajdni je put on pri meni spil pet Balantajna ..pa je nastavil z gemištima od Plešivice.. jer je kakti za onim Baličem fest žedan…



I kak ti je oni kafič.. vrabec ga dal.. nigdar ne zapamtim ime.. brez stolof i stolci.. to znači da se stoji za šankom.. To dost dobro zgledi.. lepo se nalaktiš.. hitiš svu težinu na jeno rame.. jen kuk i na jeno koleno.. al kasnejše se ta cirkulacija malo poremeti.pa zdaj pem cipelcugom po Safski cesti.. kakti da mi je olovo v nogami.. I si gruntam dal je to zbog stajanja za šankom..al moguče zbog oneh par pelinkovcih kaj sam ih strpal v magazin.. Pa ni važno.. evo.. več bolše hodim.. Vrag ga jebal.. pa fkojem žepu mi je aparatlin.. nisu nit žepi navek na istem mestu….



Dež je več odavno stal.. pa zdaj lepo polahko.. i evo mene prek puta moje srednje škole.. Pa sam ja več odavno dost tega o ti školi pripovedal..al navek se ima kaj za dodati.. Jeee.. kaj je tu negdar bilo lepih pucica.. frizerke.. kozmetičarke.. i još koječega.. tak nekaj je i denes tu.. sam se drugač nazivle.. No.. gda se samo setim kak sam profesoricu z historije znal lukati spodi stola.. Znaš.. profesorski je stol bil onak.. na povišenom.. su rekli katedra.. pa gda bi se onaj gdo je sedel ispred stola zpustil malo v stolcu…. Ha … ja sam navek inače sedel v zajdnem redu v razredu kak i drugi pravi fakini.. Tu se moglo lepo dremati.. znalo se i špilati z kartami.. koji put bi kakšna pollitrenka Badela tu našla mesto.. No.. gda bi došel oni sat historije..pajdaš i ja smo z prveg reda poterali dve curičke odostrag i seli na nijhovo mesto.. Ehhh.. profesorica z historije je bil pravi komad babe.. onak prek tridesete..lepa glavica navek natapirana i polakirana.. naparfimirana.. vse do klupe sam osetil i širil rupe v nosu.. Al je ženska ..taj komad ženske.. rad nosila šoseke i to samo do kolena.. A gda se takšna razbacana ženska v takšnem šoseku sedne..onda joj taj šos pobegne skorom gor do bokova.. I kak je stol z prednje strane bil otprt.. lepo si se malo zpustil v stolcu i gledel.. praf v.. kak smo znali kazat.. rašlje.. me razmeš.. A ženska je nosila najlonke z halterima..al koji put z onem gumenim štrumfpantljikama.. Jezušek.. kaj smo pajdaš i ja slinili..

Al je profesorica dobro skužila zakaj mi sedimo tak nizko na stolcu pa nas je znala upozorit da pristojno sednemo.. Pa bi mi posluhnuli al za čas smo pak skorom ležali na stolcu.. Znaš.. nemre ženska celi školski sat stajati pokraj one ploče.. mora si malo i sesti.. Pa gda si je sela.. mi mam v nizinu.. Al bi ona stisnula kolena i jeno vreme tak držala.. pa su mišice popustile i evo ga… pogled za prave dečke.. Koji put se je ženska znala nami nasmijat i samo bi klimala z tikvom.. maaa.. vse je njoj bilo bistro al si ni mogla pomoč.. Jenom prilikom je meni i pajdašu naredila da z nekim pucama zamenimo mesta v drugem redu ..al smo se mi pobunili i nismo šteli drugam.. A drugim je fakinima vse bilo bistro kaj se to događa v prvem redu..al moj pajdaš i ja nismo šteli nit za cigaretline nit peneze prepustit svoja mesta.. I tak je to trajalo nekolko meseci.. profesorica je stiskala i širila kolena.. mi smo sedeli praf..al pa ležali v stolcu.. ženska je klimala z tikvom..I vse bi tak ostalo da moj pajdaš ni jenom takšnom prilikom stal tak po žepima jajca mešat da se cela klupa začela sim tam pomicat.. Ha.. več nakon tri dni je stol bil zamenjen z drugim kaj je spreda bil zaprt z šperpločom.. Narafski.. više ni bilo potrebe da mi z zajdne klupe navalimo v prvu klupu.. I kaj se desilo.. ha.. Profesorica je mene i pajdaša pozvala da sednemo v prvu klupu a pucke poslala na naša mesta odostrag… I još nas je pitala dal dobro vidimo na ploču.. ja sam čkomil i valjda imel nesretni.. se reče.. izraz.. na licu.. a moj pajdaš je profesorici onak sa strane pokazal srednji prst..si je gruntal da to ona ni vidla.. Zapraf.. vidla je al je to moj pajdaš saznal tekar na popravnem ispitu na koncu godine…ha ……



Viš.. tu gde je zdaj naš stari trajvan Đuro.. to ti je jeno fest opasno mesto za trajvane.. Najme.. na tem delu štreke se trajvani tak zibleju kak da se buju sprevrnuli.. Al to ni ništ novo.. Odavno se o tome v našem Zagrebu zna.. I makar je na tem mestu štreka sto put več popravlana i obnavljana.. navek je ista stvar.. Veliju spametni inženjeri da se tu spodi zemla pomiče.. mic po mic.. i da se stoga štreka pomalo uvija.. Navodno su tome krive one.kak ih zoveju.. vodene kaverne kaj su spodi večeg djela našega Grada. Pa gda to zibanje trajvana postane več preveč opasno.. radniki malo podšprajcaju štreku.. I tak vsako leto zpočetka.. Baš gledim.. bormeš se stari Đuro fest zible..tak da se vse nakrivil na jenu stran.. velim ti ja.. na proletje buju pak tu kopali …. A moji su žufki pelinkofci več izparili.. pa zdaj bi bilo dobro kakšnu Nesicu od vanilije zlijat čez požirak ….

Serbus …………………


17:37 | Komentari (15) | Print | ^ |

ponedjeljak, 15.12.2014.

NIšt mi se neče... kak stari kandelaber sam .................




19:03 | Komentari (17) | Print | ^ |

subota, 13.12.2014.

Zagrebačke špelancije …………….

Jezušek.. tekar je malo zafriškalo i mam vsi v trajvanu kašleju.. kihaju.. šmrcaju.. hripleju..Evo.. baš pokraj mene stoji jen fakinček.. valjda srednjoškolec.. ima ruksak na plečima..z vuha mu viriju one žnore..valjda sluša muziku.. razčupan je valjda od gda se je zlegel.. i narafski.. v ruki drži oni fujfon i tipka i tipka i tipka.. Pa to je vse normalno.. barem njih dvajset v trajvanu of čas tipka po tem fujfonima.. Pa ga ja gledim.. vsaki čas mu se z frnjokla zpusti zeleni šmrklj..i sam da bu mu na gubec sel..a on ga fest povleče nazaj.. za dva tri časeka.. evo spet šmrklj proviri i beži dol.. pak ga of posauga nazaj.. A kaj.. zabavno je to gledeti.. pak mu je v jenem času šmrklj ipak zbrisal i prešel prek gupca.. Ništ posebnog.. of mladi človek je tog zelenog šmrklja lepo z jezikom oblizal i dalše tipka..
Jen korak dalše stojiju mlade pucice..takaj školarke.. kaj bi drugač delale v trajvanu tak rano..Klafraju na saf glas.. smiju se na saf glas.. aaa.. kaj.. veseliju se curičke kaj su žive.. I najemput jena od njih tak hihne da je vse ostale okol sebe zašpricala.. A veli njoj kolegica.. Kozo jedna..pa stavi ruku na usta.. Ova se ispričava.. Nisam stigla..veli.. I ni to nit dopovedala gda ju je po drugi put zgrabilo da bu kihnula.. Kriči ona druga.. Ruuuukaaaa… Maa. kaj.. ni of put ni stigla ruku zdignut na gubec.. Zdaj joj vse okol nje kolegice kričiju da je koza.. A ova z rukavom obriše gubec i odgovara.. Mama vam je koza…



Kolko sam ja put znal škrabati o doživlajima v trajvanu.. To su ti posebne špelancije.. Al još v svojem živlenju nis čul nit videl da su se v trajvanu pograbila dva mužka..al za ženske je to svakidašnja pojava.. Samo se trebaš pelati pa buš več naletel na te babske špelancije..
Denes ti ja stojim negde okol sredine trajvana.. bormeš je dupkom pun.. Pobegel sam malo prema napred da od one koze kaj kiše ne pokupim kakšnu hujnavicu.. Gda najemput skroz od napred mam pri vozački krletki nastane galama.. Čuje se ženski glas.. Bezobraznica jedna nemojte se tako prostački gurati.. Čuje se drugi glas.. Vi ste bezobraznica.. vi se gurate.. Spet oni prvi glas.. Sram vas bilo vi ste neodgojena ženska.. Zdaj drugi glas.. Jaaa.. neodgojena.. dajte se samo čujte kako se blesavite.. Prvi glas.. Ja sam dama i znam se ponašati za razliku od vas.. Drugi glas.. Viiii..dama.. nemojte biti smješni.. da ste dama vozili bi se u taksiju…
I tak ti jena drugu darivaju z objedama i jena drugu podučavaju gdo je i kak zgledi prava dama.. Svadiju se babe na saf glas da se po celom trajvanu čuje.. Pa kak je prilična gužvancija ovi odostrag ništ ne vidiju i vsi istežu vratove.. A ja.. narafski.. znatiželan kak pes.. malo se proguram i gledim.. Dve stareše ženske se držiju za jen stolec i vsaka je na nejga dela svoju torbu.. pa dobro kaj se torbe nemreju svadit jer bi bilo svakaj.. Zapraf.. negdo se zdigel..a ove dve su se pograbile za prazni stolec.. pa da ga mam bezeciraju obadve su svoje torbe hitile na taj stolec.. Zdaj nit jena ne popušta.. Ljudi se okol smiju.. čak par njih navija vsaki za jenu babu.. Kriči ona manjša debela.. Maknite tu svoju zmazanu torbu s stolca da se sjednem.. Kriči druga.. Moja torba nije zmazana i ja sam prije stigla do stolca i ja ču sjesti.. I tak to traje..dok se jen stareši gospon ni zrival do stolca.. Veli.. ni stolac za torbe neg za ljude.. i hitil je obadve torbe na pod i lepo si je sel.. A ove dve su ostale zjevat i začkomile …. I evo.. več je Trgač i skorom vsi peju dol z trajvana………..



Al je denes sunčeko i malo zahajcalo.. bormeš sam si ajncuga razkopčal.. Čudno je to vreme.. pred kakšna tri četiri leta bi bilo snega do kolena v to doba.. a kak zdaj vse zgledi.. buju prije jorgovani procvali za Božić neg kaj bu oni beli prhlivec napadal.. Praf za praf.. meni teg snega opče ne treba.. ionak bi ga samo moral pol dana strugat i hitat z lopatom.. pa po oni blatni žlindri hoditi po Gradu.. A kaj se poljoprivrede dotikavle.. pa ni to me ni preveč briga.. Je da mi je žal kaj poljoprivrednikima.. bumo rekli.. selakima to ne paše.. al kaj im ja morem.. Nek posadiju hraste.. veliju da se oni žir jako dobro more prodati v inozemstvu.. I ne treba orati ni kopati.. A ja bum štrucu kruha jednak platil dal sunce sija.. dež curi..al je sneg zametal njive .. Na koncu konca.. vse kaj morem tu pri nami kupiti je zraslo negde v belom svetu.. jabuke z Makedonije.. šalata z Slovenije.. paprika z Bugarske.. paradajz z Španije.. smokve z Grčke.. grojzdje z Sicilije.. i tak dalše.. Pa veliju da stoka nebu imela kaj jesti.. a koja to stoka..pitam ja.. Pajceki stižeju z Mađarske.. Govedina z Engleške.. piceki z Vijetnama.. jajca z Kine.. I tak dalše … A ak baš hočem nekaj domačeg..onda lepo sednem v svojeg avtomobila i ravno v Zagorje zeleno.. V vsakem selu ti buju vmorili pajceka po izboru.. domačih piceka buš takaj tam našel.. jajci.. sira mleka.. a niti te domače kumice nisu za bacit.. Lahko se pogodiš i poprek Ha..
………….I tak si gruntam i polahko z noge na nogu.. korak za korakom se vlečem po sunčeku kak gušter … Treba skoristit denes jer oni prognostičari pak najavljuju nekakšnu Južinu.. bi rekli.. Ciklonu.. A to znači da bu pak odzgor curelo….. Jezušek.. kak mi je lepo.. Još da mi je susresti kakšnu poznatu ženskicu.. more i nepoznatu.. ionak se fort nekakšne faliju da se baš sprešetavaju tu gde i ja.. a nikak na njih naletet.. Zabadaf tikvu vrtim naokol.. nit jena se ne zabremza spredi mene i veli.. Ja sam ta ..Ha.. lepo sam ja rekel.. Moram si na tikvu nataknut žuti cilindar.. Hmmm.. onda me buju pobrali oni kaj v Vrapče pelaju ljude ….



Viš kak sunčeko prihaja dole z Zvonimirove..ha.. Bum se malo vrtel tu okol Đamije.. ni sam neznam kam bi išel.. Najbolše nazaj spram domaje.. No.. bum druge pute zabral za nazaj.. A bilo bi dobro i negde sesti i Nesicu od Vanilije spiti.. Bi pasalo i kuhano vinčeko..al tega ni v vsaki brtiji.. Zapraf ima ga.. al bolše ne pripovedat..
Jeee.. i skor sam pozabil kazat.. Viš na oni najgornji slikici.. Trajvan broj jedan..kak vse zgledi.. zdaj pela z Zapadneg Kolodvora praf za Dubaji.pa onda nazaj z Dubajija na Zapadni Kolodvor.. Aaa.. jesmo mi Zagrepčanci svecki ljudi…ha ….

Serbus …………………


13:35 | Komentari (15) | Print | ^ |

petak, 12.12.2014.

Tak..to.. razmeš …….



Ipak je nekak lepši moj Zagreb gda ona lampa odzgor svetli.. Mam se človeku malo popravi raspoloženje.. razmeš.. pa tri smo tedna hodili kak Morloki v kmici .. A gledim .. čim je sunčeko obasjalo Grad..mam su ljudi več od jutra po vani.. A do ščera je v to doba Grad bil prazni kak Firenca v doba kolere.. ha .. Je..je.. dobro je rekel oni jen kaj libre škraba.. oni ..Ajk.. tak nekak …. Da smo mi z dalkog svemira kak gušteri na ovi planet došli.. Živa istina.. evo.. i ja sam denes kak gušter zišel na sunčeko… Geni su to .. velim ti ja …
A baš sam se malo prošmucal čez Jurišičevu.. pa gledim.. piše tu Birocom.. pa odzgor malim slovima.. Tehničar.. Jeee.. na kaj su spali.. na jen štacun.. a negda je to bilo velko poduzeče.. Tu su se v ti hiži popravlale.. se reče.. servisirale vse moguće šrajpt mašine.. pa negdarnji računski stroji.. i vse ono kaj je nekakšne tipke i gumbe imelo.. Tu je fajn ljudi bilo zaposleno .. A denes nutra dve ženskice delaju.. Viš.. tu je delal jen moj poznati fakin još od oneh mladih dni.. Gloga su ga nazivali.. Pa se on koji put tu javi.. A..je.. v penziju je prešel.. poduzeče je propalo.. pa zdaj samo nekaj tu švercaju v štacunu.. Sam se z tim Glogom našel na pijači pred kratko vreme.. jezušek kaj smo se tam pri Kavaliru spripovedali.. vse od pred pedeset let na ovam.. Znaš kak to pe.. Poznaš oveg.. poznaš oneg.. se sečaš oveg.. se sečaš oneg.. pa kak je bilo na čagama..pa i o starim fakinima smo se spominali.. Pa sam od Gloge i doznal da je oni Folna z motorom vmrl.. Pa da je vmrl jen od najvekšik štemera v ondašnjem Zagrebu.. je posvud bil poznati kak Bačvica.. To bačvica stoga kaj je imel trbuha .. narafski.. od pive … A moj pajdaš Gloga se taki več davnih leta preselil nekam prek Save.. vrabec ga dal.. pa zdaj tu v Grad dojde kak turist…ha … I tak to.. razmeš... svakaj se ima za pripovedat gda se ljudi najdeju nakon tolkih leta…….



A ovo je mam vizavi od oneg tam gore.. Viš.. ta velka ofucana siva .. zapraf zmazana stara palača je državno vlasništvo.. Pa nebi to opče bilo važno spomenut.. vse kaj je državno zgledi kak i država.. al je v ti palači ni manjše ni vekše neg.. ministarstvo Prosvjete.. Narafski da se te državne inštitucije navek moraju lahko prepoznat.. stoga je hiža baš takšna .. Pa gdo bi ju prepoznal da ju lepo vrediju…ha …
No pa fučkaš ministarstvo.. treba kazat da je negda ..zdaj več davnih leta.. tu v prizemlju bila velka i poznata restavracija i brtija .. Se zvalo.. Risnjak.. Eee.. tu je bilo finih stvari za pojesti.. i za gablec i za obed..a z večera se tu kartalo za velke peneze.. Narfski.. poskrivečki.. A kak su posvud naokol na tem trgu Burze.. zapraf.. denes se drugač nazivle.. vse same banke.. lahko je zaklučit gdo je tu dolazil na žderače i pijače..pa i kartat..
Pa je fest važno spomenut da je tu za šankom bila pipničarka.. Pa ništ čudno da je ženska pipničarka.. al je ova bila posebna.. Bila je to jena ženska v najbolšim letima.. se zvala Đurđa.. Jezušek ..kak je dobro zgledela.. Je imela praf onu kurvajnsku facu..kak bi ju Henri Miller opisal v svoji libri..velke zelene oči.. mali prčasti nosek.. čubu za poželet joj jezika pogurat..okrugla ramena kak da vsaki dan pliva v olimpijskem bazenu.. noge onak malo mišičave.. taman za driblanje .. v krevetlinu.. se razme.. a rit joj je bila trda kak da je z kamena zklesana.. Pa nis ja pozabil ciceke spomenut.. to je delikatesa na koncu.. To su bile dve kruškaste cice.. maaa.. ziher šestica.. Nisi mogel za šankom stajat a da se nisi v to zagledel.. A Đurđa je znala da vsi blejiju v to.. pa je navek imela gliboki dekolte na bluzici..
Đurđa si je rad štela spiti.. vjutro rakijicu.. prek dana gemišteca.. Znaš.. bila je to zdrava seljačka puca z našeg Horvackog Zagorja.. I rad bi si spila z vsakim gdo bi ju počastil.. mogla je spiti kaj tri muška nisu mogli nit nositi.. A gda je bila onak.. fest dobre volje.. je znala za lubaf mužkih kaj su navek za šankom viseli.. razkopčat bluzicu i na cice postavit pun štamprl vina od jenog deci.. A..znaš kaj.. ni nosila oneg cicncekera.. ništ.. a ciceki su stajali kak zabetonirani.. Pa ni Đurđa bila nit škrta kaj se drugih stvari dotikavle.. Ak joj je gdo bil fest simpatičan.. bi ga odvlekla odostrag v skladište pijače.. je tam bil mali sobičak i kauč… No.. pa ne morate baš vse znati.. Risnjaka več letima ni.. je propalo poduzeče.. Đurđe takaj več odavno ni.. tu je jeno vreme ..do pred dva..tri leta bila nekakšna brtija..pa ni teg više ni ..
A ja sam pozabil pitat oneg pajdaša Glogu dal se on sječa te Đurđe i gablecof pri Risnjaku.. Morti se bu kaj tu javil po tem pitanju….. ha ……..



Tak mi je lepo tu stajat.. gledeti kak se sunčeko vse bolše pentra nad naš dragi Zagreb.. slušam kak voda tu lepo žlabra.. kak da sam pokraj Nijagare.. Moram ti kazat da je dost žmehko makar sunčeko sija.. Vjutro je pri meni domof tam v moji periferiji bilo debelog mraza.. je sused strugal led z šoferšajbe.. Tu je malo bolše ak baš stojiš na sunčeku..čim zajdeš v sencu bormeš bum si i gornjeg gumbeka zakopčal na ajncugu.. Pem nekam.. tri dni sam v zaostatku.. moram inšpekciju naredit……………….

Serbus …………….


16:37 | Komentari (15) | Print | ^ |

ponedjeljak, 08.12.2014.

Fajhtne špancirancije ………………..



Več je postalo sasvim normalno vjutro zeti ambrelu i prejti van.. A vani …narafski.. dež curi.. kaplje več tri tedna.. a mesec dni Zagrepčanci nisu sunčeka vidli.. Kakti da bu zutra se nekaj zmenilo.. da bu dež prestal.. a prekzutra bu se ..kak veli oni zalizani Brzoja na NoviTV i sunčeko pokazalo.. Aaa.. je.. narafski.. to bu došla ona anticiklona.. vedro vreme brez oblakof ..al se buju Celzijusi fajn zpustili.. No.. pa kaj… ionak je zima po redu ………



Nekak si gruntam da je najbolše sprejti se po Griču brdu.. čez stare vulice ..pokraj starih hiža.. Navek mi je tu lepo dojti.. A dojdem.. barem jemput vsaki teden.. Koji put se španciram naokol..koji put samo sprehajbam hitro z kraja na kraj …



I pri Cinkušu stati ..zapraf sesti.. i spiti dve Nesice od vanilije.. Maaa.. je.. ni loša tu Nesica..al sam kak zgledi došel preveč rano.. of mladi kaj je za šankom me je pogledel kak da sam mu znočka mamicu.. razmeš.. Je..a kaj bi štel mulac.. da Đekdanjelsa naručim...ha.. No.. pa jesam .. travaricu.. sam tražil onu Šibensku.. Aaaah.. zdaj me je pak gledel kak osel.. valjda ni čul za Šibensku..Pa sam mu pokazal flašu na stalaži ..A..kaj..vse su to falš konobari i pipničari……



A dež curi.. sasvim polahko.. i potiho.. samo se čuju moji cipeliši kak šljapkaju po mokrem asfaltu.. Mi se priviđa kak da sam tristo let prešel vnazaj.. Nigde nikog.. nit človeka nit cucka.. Tak malo stojim.. odmaknem ambrelu da mi koja kaplica na moju tintaru opadne.. Maa.. brus bu.. imam kožnatu šiltericu.. dakle ništ od romantike ….



Aha.. konačno je jena mlada ženska prošla pokraj mene.. špancira se polahko ..kak da na posel pe.. lepo joj ja velim.. Dobro jutro.. a ona.. Ništ.. kak mutava je prešla dalše.. Paa.. kaj.. ni više nit za očekivat v našem lepom Zagrebu da bu te gdo na vulici pozdravil.. Fučka se ljudima za druge..



Pri Žnidaršiču je potpuna čkomina.. Zvana goriju lampaši..sam prijel za kvaku.. Brus.. je zaprto..makar se negdo nutra glasa.. Hmmm.. valjda je i ovim prerano za goste primat.. A morti i oni pjesniki nutar imaju svoj zestanek..ha.. Morti moj poznati pjesnik..Sjedi.. recitira svoju umjetnost.. a drugi ga slušaju.. Ha.. a pjesnikinja Dijana klima pristojno z glavom..a zapraf jedva čeka da Sjedi svrši z svojim prenemaganjem.. ha .. Jezušek.. kak sam zločest … Serbus Dijana.. Serbus..Sjedi …



Nekak mi to Božično drfce preveč sirotinjski zgledi.. mogli su kakšnu kuglicu više obesiti.. Al.. svakak je bolše neg zajdni put.. Lani je celo drevo v šrek stajalo .. Svejeno je lepo to videti.. Je.. lepi je naš Gornji Grad.. pa največ Zagrepčancof..al oni kaj samo misliju da jesu.. nigdar nisu sim gor zašli.. Znaš.. poznam ja ljude.. su v našemu Gradu i prek dvajset let..pa nit neznaju da tu gor nekaj opče ima.. A denes je Gornji Grad samo moj.. ha…



Evo.. začeli su ljudi prihajat čez Kamenita Vrata.. Peju na posel v parlament..al guverment.. Tu se obnavla ta stara kula..vse su one zidarske skele pometali.. A spodi kule ništ svečic ne gori.. one sinočnje su zgorele.. a denes još stara častna sestra ni otprla štacuna.. A na klupi sedi samo jen klošar.. pokraj nejga dve ogromne vreče..skupla one plastične flaše.. Tu se je skril da ga dež ne smoči.. A ja si gruntam dal se on kaj moli tu Mariji pri oltaru.. Hmmm.. bi ja rekel da je taj več davno skužil da ni tu ne opadaju paketi z neba.. I pri Mariji je prazno skladišče.. A..kaj.. bum se nakratko porazgovaral z Marijom pa pem dalše.. .. Bok.. Marija.. kak si kaj.. Dobro..fala.. Serbus…



V Dugi vulici je ipak malo življe.. pa bum se i ja zpustil prema dol.. Nemam kaj više delat po Gornjem Gradu.. celog sam ga denes dvaput sprešel.. Aaa.. tak mi koji put dojde.. pa me projde.. Stojim tu na vrhu vulice pa si gruntam kak smo mi fakinčeki čez tu strminu po trotoaru z rolšuhami se zpuštali.. pa je to išlo kak strela božja.. a mi bi kričali.. Maaaakac.. Maaaakac.. a ljudi bi bežali na stran.. Jen moj pajdaš je završil dole pri šnajderaju v izlogu.. dol pri kraju vulice.. Mu se na putu našla nekakšna baba..a on ni mogel zabremzat pa je skrenul v izlog.. Dobro je prešel.. da je babu potrefil bi ju vbil na mestu.. Narafski da smo vsi zbrisali i ni nas bilo jeno vreme..pa onda spet znova… Aaa.. bilo je tu v Dugi vulici vsega i svačega kaj smo mi fakini noreli.. po zimi z sanjkami po snjegu.. po ljetu z biciklinima.. rolšuhama i terezinama.. Je tu i ona milicija imela posla…….



Si videl.. na Opatovini Petrica Kerempuh sam samcat na tim svojim galgami.. Nema štandova z cvetjem.. terase od kafiča puste.. Čist je tu čudnovato ovak gda je vse prazno.. Al meni se dopada .. mir i tišina.. samo se čuje kak ovi Potepuh popevle.. …
Firum..Firum.. Firuli..
Na galge bumo došli svi ……



Bum ti zapraf rekel da ovak prazni Dolac nis nadalko videl.. Nit jenog jedinog človeka al ženske da bi nekaj kupovali.. Je da zbog kiše nisu vsi prodavači došli.. pa još ktomu je pondelek gda je prazapraf Dolac kakti zaprt.. al ovo denes.. also …….

Bežim.. .. Bum se javil… Serbus ………………….




18:17 | Komentari (15) | Print | ^ |

subota, 06.12.2014.

Nebu dobro……



Veli tak moja punica.. da nebu dobro.. Još nadoda da je vrag zavladal z ovim svetom i da drugač nemre bit neg je.. Maa.. razmem ja nju.. je neki dan oprala forhange..pa ih zdaj nikak nemre posušit.. vsaki dan dež curi.. a v luftu je tolko vlage da dihamo kak ribe.. na škrge.. A kaj se samog vraga dotikavle.. velim ja moji punici da se nema kaj brigat jer sam ja v fest dobrim..se reče.. odnosima .. z vragom.. Pa ak ona hoče bum ja nju vragu preporučil.. Pa mi je nato odbrusila ..da me jebal vrag… Evo..na.. hočeš ženskoj lepo a ona neče.. A moja punica ima več tolko let da više nigdo nezna kolko.. Nekaj tu ne štima.. v moji vulici.. razmeš.. Tu su vse ženske naokol vdovice i vse su v ..veliju.. kategoriji..Metuzalem…ha .. Al veli moja suseda kaj taki ima preveč let kak i moja punica.. da njih dragi Bog ima rad pa ih drži na ovem svetu.. Pa sam se ja pobunil i rekel da to ni tak.. baš obrnuto.. Njih dragi Bog nema nikak rad pa ih neče sebi zeti.. Onda mi te Metuzalemke veliju da sam ja zajebant.. Maa. bi ja njima pokazal svojeg zajebanta..al kaj.. sto let im je pri grbači.. A znaš kak se snebivaju i zgražaju gda ih ja znam pitat dal imaju uredni seksualni život.. Isuse.. prenemaže se suseda Metuzalemka…Kaj vama sused opada na pamet.. A vse se staroj oči svetliju.. A jena tam treta suseda..taki z iste kategorije .. mi lepo odbrusi.. Da kaj se samo falim.. nek pokažem ak kaj morem naredit… Jeee.. gruntam si ja.. Pa nis ja Karitas ……….



Jebal vrag državu i državno uređenje.. tak ti lepo i z voljom pošilaju račune da vsaki treti dan pem na Poštu peneze nosit.. A na Pošti navek red spredi blagajne.. a ja nigdar da dojdem drugi.. nedajbog prvi.. navek sam makar deseti po redu.. A vse samo penzijoneri..zapraf penzijonerke v redu stojiju z računima.. pa se žaliju da to ni pošteno kaj vse moraju plačat.. Veli jena.. Evo.. kad poplatim sve račune ništa mi ne ostane za život.. Narafski ljudi okol nje suosječajno klimaju z tikvamai.. jeee.. žalostno je to da čovek plati štrom i vodu..a onda mora kožu od špeka hrdat.. I nastavi ta ista ženska kaj joj ništ ne ostane.. nit za kruhek.. gda podmiri račune.. Je.. več sam naručila puricu z Zagorja.. to bu za Božić.. a pol odojka sam več kupila na Dolcu kod mesara Franceka to sam zamrznula.. bu za Novo leto.. I još nadoda da mora speč barem tri orehnjače ..a domači orehi su kod kumica na placu po sto kuna kila.. A pogledajte..veli ženskoj pokraj nje vredu.. kupila sam za unuke pun ceker slatkiša i nekakve igračke za Nikolinje.. za v čižmu metnut.. Hmmm.. gda je vse nabrojila kaj je kupila i kaj još bu.. ljudi kaj su ju z početka žalili kak ona nema nit za kruh gda poplača račune.. su zašuteli … je ispalo da nema za kruheka.. pa se buju kolači jeli.. kak je to lepo carica Antoaneta narodu preporučila…..



Gda sam vjutro prešel z hiže još je malo škropil dež.. Zdaj je stal pa se človek malo razvleče naokol.. A vreme pe kak bedasto.. Pol vure zgubiš na Pošti.. jenu vuru v Kavaliru z pajdašom .. pol vure na Dolcu .. i zdaj stojim na Trgaču.. Gledim kak su ženske tu prinesle one zlatne brezove šibe kaj se za Svetog Nikolu poklanjaju.. Pa malo gdo kupi.. ljudi nečeju dati deset al više kuna za tu pofarbanu grančicu.. A i kaj bu znjom.. deneš ju nekom v čarapu..al cipelu.. drugi dan ju hiti v smetje.. Veliju da šibu donese krampus.. a darove Sveti Nikola.. Vrabec ga dal.. znočka treba čižmu deti na oblok a ja baš nemam nikakšnu .. A v druge cipeliše majnše stane… A bum ti tdaj spripovedal.. jenu pripovetku… Ovak…
………………………. Pred par let je to bilo.. Sused Cajger.. sused špengler Debeli.. sused Nino zidar.. Bosančeros i dugački Ivek stojimo pri mojemu plotu i žlabramao.. pa tak i o tem Svetom Nikoli.. pa se zafrkavlemo da kaj bu gdo dobil .. Narafski.. to su lepe navade za dječicu darivat.. a ne stare kojne kak smo mi.. Al je sused Špengler odlučil da bu on na obloku v prizemlju pri svoji mamici del čižmu pa bu vjutro ziher nekaj bilo v čižmi poklona.. I zapraf je on nafčer del na oblok onu ogromnu šljakersku gumenu čižmu kaj ju navleče na noge gda pe v grabu z vodom.. I slučajno ja kasnejše nekaj zidem na dvorišče i vidim kak je sused Nino zidar zašel prek plota i nosi v ruki hamper.. Kaj delaš pitam ga ja.. Pšššš… veli on i zlije v tu čižmu barem dve litre vode.. A špenglerof cucak samo mirno gledi.. pozna on nas vse pa na nas nigdar nebu lajal ak zajdemo v nejgovo dvorišče.. I beži Nino nazaj prek plota da ga stara v prizemlju slučajno ne vidi.. Narafski.. ja sam ostal čkomet pa kaj bu .. bu.. Vani je več rano črna kmica .. I prejedmo vsi spati.. noč je …
…………… Negde okol sedme vure vjutro na sam dan Svetog Nikole.. kriči debeli špengler da ga se čuje skroz do Svetog Petra v raju.. Strčali se susedi na dvorišča ..a of.. Pas mater.. Cucak mater.. Kojn mater.. pa još spomina mamicu i vsim svecima i nadoda vse one spolne organe pri tomu.. Ka je bilo… Sused špengler je vjutro prvo zišel z hiže i prešel pogledeti v čižmu kaj ju je ščera namestil.. I lepo je z čižme zvlekel onu zlatnu krampusovu šibu i celu ..se reče.. šteku cigaretlina.. Narafski.. cigaretlini su se zmočili..zapraf napili vode da zdaj more znjih samo duhanski čušpajz naredit… Kak je to ispalo…… ha---
……………….. Se desilo da je debela Marica.. žena od špenglera vidla da je of z zafrkancije ostavil čižmu pa je odlučila da bu mu poklona dela nutra.. Hitro je prešla još tu večler v štacun i kupila jenu celu .. se reče.. šteku cigaretlina i po kmici to porinula v čižmu.. A mamica od špenglera je nadodala onu zlatnu šibu..
Narafski.. Cajger..ja i drugi susedi kaj smo se zatekli pri tomu vjutro.. šteli smo se poscati od smjeha .. A sused špengler je zdaj začel zkup z svojom debelom Maricom glasno gruntat gdo je tu psinu naredil.. Prvo je nadrapal špenglerof cucak.. dobil je znogom vrit da se je mam zavlekel v svoju kučici i ni se celi dan pojavil.. On je bil krif kaj ni lajal.. Eee.. kak smo se Cajger i ja najbolše trgali od smjeha.. mam su špengler i špenglerica zaklučili da smo to mi naredili.. A suseda Nineka zidara ni bilo jer je rano prešel delat.. Se razme.. mi smo se kleli vsim svetima da nismo ništ krivi.. A Nineku Zidaru smo javili kaj je i kak bilo.. I on se podrapal od smjeha.. Popoldan je Nino došel z posla i donesel špengleru novu šteku cigaretlina.. Narafski.. ja sam iznesel flašu z domačom drožđenkom… i tak.. to je to ……..

Serbus ……………….


08:31 | Komentari (14) | Print | ^ |

četvrtak, 04.12.2014.

Nikak …….



Ak me baš pitaš kak sam.. lepo ti tu gore piše kak sam… Nikak.. Pa opče neznam zakaj bi bil nekak.. Doduše vjutro se nekak začudo zgodilo suho.. valjda se onom gore špengleru v raju zaštopal bide.. pa je malo zastala ta voda.. pa ni za verovat da bu to dugo potrajalo….
I još ktomu..najdeš se vjutro na kraju sveta.. Istini za volju pela do tud trajvan.. al z nejga zideju samo oni kaj kasniju v fabriku..



A to je ona naša najslajša fabrika.. Čuj.. tak mi je zadišalo z raufunga po Bronhijima da sam skoro prešel portira žicat da mi nekaj malo da.. Pa gda sam videl da je to zapraf portirka.. i još ima pištolu za pojasom.. fala lepa.. produžil sam dalše i šnjofal po luftu…



Pa ti malo razgledavam.. nis tu bil valjda pet let..pa pokaj bi človek išel na kraj sveta.. A tu ti je v negdarnjoj žabariji negda davno sirotinja kaj se dotepla do našeg Zagreba delala sebi hižice i vrteke.. srali su i scali v potok koji je denes zaprt z asfaltom.. I kak su leta išla.. hižice su postale hiže.. tak da na jeni strani imaš lepo novo naselje..a z druge strane je još ono staro i još stareše … Baš se tud sprešetava jena ženska i pela cucka.. Narafski se je posral nasred trotoara al to kakti nigdo ni primetil.. Pardoniram ja nju i pitam da gde je tu potok tekel.. Gledi ona mene kak da sam z Marsa opal.. pita.. Kakvi potok.. Aaa.. ništ.. ništ.. gospica.. oprostite.. sam nekaj fulal.. Bedača.. a potok joj spodi nogu teče…



Hmmm.. zapraf su to vse krletke za spanje.. drugo nemaju kaj tu ljudi delati.. Je da se ima kud sprešetavat.. cucke pelat na scanje.. ima i nekaj dreva i travnika.. čak se i kakšna brtija najde.. A po vse drugo ..em se zna.. pemo v Zagreb.. Sedneš si na trajvan i pelaš..pelaš.. vrabec ga dal.. sam gruntal da se pelam na oni transibirski železnici.. kolko je to trajalo do sim …….



I onda zajdeš med te vulice i vuličice.. staze i pute.. maaa.. ništ za pofalit.. i spameten bi se zgubil.. Narafski.. ja iščem brtiju.. a kaj misliš kaj bi drugo.. Tu imam zestanek s jenim poznatim.. nekaj človek prodaje pa mu treba mojeg savjeta.. Aaa.. je.. baš bu si pomogel kaj bu mu stari mulec savjetoval.. Al moraš dojti da ne ispadnem..kurvin sin… Ak ništ drugo bumo si nekaj pošteno spili nakon par let kaj se nismo vidli.. Jezušek..sam zašel v tu vulicu.. a z vsakeg dvorišča laje kak stekli po jen cucak.. vse skačeju po plotima.. Si gruntam kak bu to zgledelo ak koji preskoči plota.. Ništ.. bum se spentral na krof kakšneg aftomobila.. Ti.. nemrem verovat kak si je oni tam onu hižu ofarbal.. črleno da bolše ni mogel.. Velim ti ja .. ni tu nekaj z ljudimi vse vredu.. nit z cuckimi ….
Al znaš kaj.. zajdeš v vulicu.. piše na tabli da su do ..10 Ravnice… onda si najemput mam v vulici.. 7. Ravnice.. pa z te zavrneš v vulicu.. 5. Ravnice.. I onda su ti tri vulice kaj ništ ne piše.. i konačno najdeš.. 2. Ravnice kaj i iščem.. A vulice trete .. četrte i osme Ravnice nis nigde zapazil…. No gda si v topli brtiji.. celi taj konac svjeta još i dobro zgledi… Bežim nazaj v Zagreb …..

Serbus ………………


18:21 | Komentari (22) | Print | ^ |

srijeda, 03.12.2014.

Spet curi.. fort curi…. Naj curi.. vrag ga dal ………….



Ciklona.. Ciklona.. kriči oni zalizani prognostičar na NovojTV.. i još nadoda da je ciklona do ciklone.. ciklonalno područje.. jebal ga ciklonalni ciklon..pa to znam i ja gda pogledim čez oblok..a nejmu je za to trebalo fakulteta svršit .. ha… A i oni stari simpatični prognostičar.. Sjerkovič.. i taj se nekaj kakti malo povlekel v šturc.. nema kaj dobrega za kazat.. pa samo zgibava z ramenima.. nezna kaj bi se zlagal da ljudi buju bolše zadovolni.. No..pa kaj.. dež curi..al kiša pada.. sasvim je to svejeno mojim cipelišima kaj to moraju trpeti... više nikakšna šmol pasta ne pomaže.. Al bum ti rekel da dok traje ta.. no.. ciklona.. dotle je ovak kak je z tim Celzijusima.. Eee..gda dojde ona anticiklona.. ha.. onda buju ti Celzijusu prešli sroz dol v podrum… razmeš.. Pa gda se zmislim da bi onda mogel naletet i oni beli prhlivec.. moj je zaklučak.. dobro je ovak kak je.. Čist se fajn osečam kak Englez.. kak oni Čembrlajn kaj je z ambrelom išel i v krevet .. Ambrela vsaki dan z menom putuje po mojim špancirancijama .. Pa je da je ta ambrela opterečanje.. ruka ti vsahne ak negde malo ne počineš .. Al je koji put ambrela i dobra za podupret se.. onak staneš negde na vuglu i obrneš se hitro za kakšnom ženskom.. ambrela ti život spasi kaj si se poduprl znjom da se ne prehitiš.. Aaah.. te ženske.. lamačeju z tim ambrelama kak da im za zabavu služiju.. Gledim baš jenu.. tak.. srednjih leta.. ni loša.. drži tak ambrelu da vse po njoj dež curi.. Kaj če tebi ambrela .. gruntam si ja.. A je..je.. ni to denes kak negda.. Znaš.. je bilo doba gda su ženske dalko više vodile brigu o svome izgledu.. One natapirane frizure.. pa velke loknice.. pa punđe.. razmeš.. to ni nikak smelo pokisnut.. A da ti ne pripovedam o onem farbama za vlasi.. to gda se je zmočilo je curelo ženskoj vse do gač v svim farbama.. Pa ak bi jako pokisla bi guzica bila bolše pofarbana neg tikva.. a da ne velim za one maškarade za lice i oči farbat.. Eeee.. to je bilo nekaj za videti ak bi ženska pokisnula.. Vrabec ga dal.. bi se lahko mogel splašit i po danu..a kamoli slučajno da ju takšnu potrefiš negde v kmici.. Bumo rekli naposletku da je ženskama negda ambrela praf korisno služila..a ne kak denes.. da ti oči skopa nasred Ilice … A i ta maškarada za ženske je denes drukčija.. te akrilne farbe.. grunt farbe.. fasadeksi i kaj ti ja znam kak se vse to nazivle.. to denes nalarfa na sebe i mesec dni to drži.. dok se skup z kožom ne zguli.. Ti vrapca kak su negda pucice štele kričati gda si ju štel v oko kušnuti… Paaazi.. farba …A ak si ju onak z radosti malo polizal prek obraza.. vrabec ga dal.. kak da si polizal malersku kefu.. Viš.. ipak su ovo moderna vremena.. Al to ti velku opasnost skriva.. Jen moj pajdaš je sedam dni z nekakšnom šocom prešel nekam.. razmeš.. poskrivečki.. bumo rekli na službeno putovanje.. I jeno jutro si je ona oprala .. valjda z terpentinom tu farbu z lica.. Gda se je moj pajdaš zbudil.. ju je pital da gdo je ona i kaj dela v nejgovi sobi.. I skor ju je ostavil i prešel ..al ga je nekak uvjerila da je to ona ista od ščera…. Velim ti ja.. svakaj se događa…
…………………. Jezušek.. vse se pitam da kaj ja delam vani po takšnem vremenu.. Ni nit za posrati.. Slabo buju prešli tu ovi kaj po štandima prodajeju tu robu.. a bormeš nit klobase nejdeju kak je to zamišleno.. Baš gledim.. of tu na Gajevi je več vjutro nakuhal celo brdo kobasic.. a zdaj je več dobar del dana prešel.. a klobase se pomalo grijeju na tem plehu.. .. morti bu to uspel nafčer prodat.. a ono kaj bu ostalo bu negdo vjutro pojel.. spregriješ v vruči vodi i kaj… z senfom je dobro .. I tak.. gruntam si od vugla do vugla.. ambrela funkcionira.. cipeliši još trpiju.. Znad našeg dragog Zagreba se vlečeju ti čarni oblaki.. dež curi..curi..curi ..



Serbus ………………..


15:34 | Komentari (14) | Print | ^ |

ponedjeljak, 01.12.2014.

Gda človek nemre spati …….išče gljive po Zagrebu …



Kaj da ti velim.. ak se nekaj mora onda se to fajn težko naredi.. I tak sam ti ja moral rano vjutro.. je bila debela kmica.. dojti tu gde jesam.. Vrag jebal one električare.. lepo oni samo javiju da buju došli zmeniti onu vuru kaj štrom mjeri .. I kaj.. negdo ih mora spustiti v gajbu da narediju posla.. Ovo je zdaj treti put kaj se najvljuju..pa sam ih ja dva put sprešel.. A kak se veli da Bogek tri put pomaže.. a ja si pak gruntam da je i dva put dost..i evo mene na Zrinjefcu i čekam te mulce.. Pa dok ne vidim da je nijhov avtomobil stal spodi hiže..bum malo na kipeca del tu Gljivu koju su tak lepo zagrnuli z lampicama.. Vrabec ga dal.. je dež tak razmočil tu zemlu da sam si zdaj vse cipeliše zablatil.. bu me kčerka fundala gda vidi kakšni sam zašel v hižu.. No..pa kaj.. ima krpu i metlu .. i žensko je…ha …
Znaš.. lepo je to kaj na vse strane vse blešči.. svetli.. al mi nikak ne paše kaj su zajdna dva ..tri leta te lampice omotali okol teh starih platana.. Ni mi to nekak ..kaj ti ja znam.. preveč je kričavo.. ha .. Mi se čini da je fajn bolše bilo gda su te lampice razvlekli po vrhima platana ..po granama.. pa je zgledelo kak da znad Zrinjefca svetli hilade zvjezdic … No.. su kazali spametni poglavari da je velki problem te lampice metati tak visoko.. Hmmm.. deset let ni bil problem..a zdaj najemput je .. A valjda je novi dotepenec došel za šefa pa zdaj filistrira..
Vreme je tak viseče.. dažd samo kaj se ni spet zlijal.. Ščera mi je aparatlin fest pokisnul..zdaj sam si zel oneg kaj ga moreš slobodno hitit v hamper vode pa mu nebu ništ.. a moreš znjim i nogomet igrati.. mesto lopte..ha .. Doduše nis još probal..al.. tak piše .. No.. pa znam ja onu kak je na plotu pisalo..pa je Mujo ostal brez jajca.. A kaj.. koji put moraš poverovat.. Ti vrapca več sam začel propadat v blato na travniku.. bežim dok mi se još i hoze ne zablatiju.. Narafski.. vodu su v ti fontani zaprli.. zbog zime a zdaj i zbog štroma .. Sječam se ja davnih leta je to bilo.. Još je v to vreme prava gradcka voda tekla z fontane ..a ne da ju pumpa tjera kak zdaj.. I jenu zimu gda je bila najvekša zmrzavica negdo od fakinof je v šahti odvrnul ventila i voda je tekle.. pa je manjše tekla.. pa je samo..kapala.. i naposletku se zmrzla.. A kak se je zmrzavala celi dan i celu noč.. brdo leda se je tu naredilo.. ni opče bilo za prepoznat tu Gljivu spodi leda .. Maaa.. neee.. nismo to naredili moji fakini nit ja.. nigdar mi na našem Zrinjefcu tak nekaj nebi naredili.. Jesmo gor na Griču v parku..al tu ne.. I kaj.. nakon par dni gradcki su glavonje primetili kaj se zbiva.. došli su radniki z štemajzlima i polahko štemali taj led .. Pa su malo i z ognjem grijali i nekak se je led otopil.. Narafski..posle su na šahtu deli velkog lokota.. Se razme.. cjef za vodu je zpucala pa su na proletje morali vse raztavlati.. celu tu fontanu.. A v to doba je to bila tu ona originalna kamena fontana pa je trebalo fest paziti kak se to dela.. Denes ovo tu ni prava originalna fontana.. to je kopija.. Su pred deset let pravu odpelali.. mi se čini gor v Medvedgradcku v onu Gliptoteku i tam pospremili.. a ova je zlevana od nekakšneg špecijalnog cementa.. A malo Zagrepčancof zna da je spodi te fontane katakomba.. Pravi tunel kaj spaja vse tri fontane na Zrinjefcu.. Nutra su cjevi i ventili da radniki lakše to moreju popravlati a da se ne kopa zemlja na travniku..
A znaš ti da je tu fontanu dal naredit oni poznati umjetnik.. Bolle..kaj je pol Zagrebačkih spomenikof i palača zmislil.. Bilo je to ovak……..
Na Bolleof predlog da bu on zabadaf naredil tu jenu fontanu..samo da Grad podmiri ostale troškove.. postavlena je ta fontana tu na ovi travnik.. Bilo je to v doba gda je gradonačelnik bil oni poznati Mošinski kaj je fajn tega lepog i dobrog v Zagrebu naredil.. I kak se je gradckim glavonjama to fest dopalo.. naručili su još tri takšne iste fontane za ostala tri travnika.. I mam su onda začeli kopati taj tunel spodi Zrinjefca i cjevi pometali.. Al kaj.. Isto kak i denes.. Zagrepčanci su se pobunili i nisu šteli da se te fontane tu postaviju ..pa su čak demonštrirali spodi gradonačelnikovog obloka.. I kaj.. gradonačelnik Mošinski je odkazal narudžbu za ostale tri fontane.. A Zagrepčanci su se pobunili jer bi te fontane koštale celo jeno ogromno bogactvo penez.. Viš.. tak se i denes buniju protif fontana.. A kak nebi bilo zalud kaj su skopali one tunele i vlekli cjevi.. Grad je denesel odluku da se na ostala tri travnika postave ona kamena korita i naredi samo vodoskok.. Na dva travnika su naređena a na tretom ni i tak je do denes ostalo.. A Zagrepčanci su se zrugivali z ove tu fontane i nazvali ju Gljiva…
Viš.. denes je Zrinjevac jen od tri najlepša parka v Evropi z tom svojom fontanom Gljivom..a najlepši je po tom drvoredu starih platana.. Denes se Zagrepčanci diviju tomu.. a negda su naši stari po tome pluvali.. Tak su i one kaj ih nazivleju..Bandičeve fontane popluvali pred leto dni..a hračkaju još i denes.. A zutra buju se naši vnuki z tim ponosili….



Serbus …………….. pem domof ….


19:22 | Komentari (12) | Print | ^ |

Došašće… je..je.. dež je prvi stigel ….



Pa makar po celomu Gradu lepiju plakate da je začel Advent.. ja si gruntam da zakaj baš.. Advent.. gda se je tu pri nami v Horvackoj navek pripovedalo da je to Došašće.. Istini za volju to ti je jeno te isto..al zakaj davati važnost strajnskim nazivima gda imamo svoje.. Aaa.. kaj se ja zdaj čudim..ionak smo vse kaj ne treba pobrali od strajnskeg sveta.. A domače se pozabilo pa se još denes i neki nama starešima zrugivaju gda pripovedamo po starinski.. Aaa.. tak je to.. navek ti je v tuđi hiži bil bolši burek neg pri vlastitoj orehnjača… No.. pa ni važno.. Lepo je da se narod veseli ..pa ak ne baš Došašću..onda onem kaj to vleče za sebom.. Viš.. ja se nigdar ne spominam da smo mi Katoliki igda stavlali te vjence.. vjenčiće posvud naokol..a na vratima hiža i stanova to nigdar ni viselo kak denes.. Je da su se navek palile svečice i to fest šparljivo ..tak da ti je ostalo i za drugo leto … Baš gledim kak su lepo vredili našeg Mandušefca.. neka se samo blešči kak i celi Trgač.. Maaa.. me fest štenta gda nekakšne nalarfane mamice pustiju svoju dječicu da laufaju okol Mandušefca ..pa onda još i zgrabiju te grane i žnore i vlečeju..a mamice se tomu smiju i veseliju se kak imaju spametnu dječicu .. Aaa..kaj.. Ništ.. Bi si človek malo tu postajal i vžival v lepoti..al je taj dosadni dež sral celo vreme... I ni za drugo neg otprti ambrelu i gruntat si da nit v Londonu ni nikaj bolše.. Vu to ime pem si poiskat nekakšno mesto gde ništ ne curi z neba.. narafski.. brtiju.. Treba proslavit Došašće….Kaj ne ……



Daj pogleč.. je da te lampice bleščiju ..to su kakti nekakšni svetleči boreki..al čuj.. več deset let jeno te isto mečeju kakti ukrase.. kaj malo nekaj ne spromeniju.. Ima se penez za svakaj pa onda se more i nekaj za to potrošit.. Ovak več vnapred znam kaj bum videl v sledečoj vulici.. Znaš i negda davno dok sam ja bil klinac je naš Zagreb v to vreme bil okičen.. Doduše ni bilo te takšne bleščeče razsvjete..al su poprek vulica bile razvlečene električne žnore i na njima žarulje u bojama.. Zapraf..si imel žutu.. črlenu.. plavu i.. fertik.. pa je to ipak lepo zgledelo.. A po vulicama su viseli nekakšni ukrasi od pleha.. dreva.. papndekla.. i vse se je to zibalo .. No.. je v ona davna vremena naš Grad još bolše bleščil neg denes.. Zakaj..ha.. pa skorom vsi štacuni su onda imeli znad izlogof pa i nutra v izlogima one ..se reklo.. neonske al florescentne reklame.. Pa je to bilo v svm mogučim farbama koje su se fort zmenivale.. Eee.. tek je v ono vreme naš Zagreb zgledel praf velegradcki..
Baš je naporni taj dež.. kaplje z neba.. nit je za ambrelu otpreti.. nit za brez nje.. Tak sam si naguštal da si bum kakšnu klobasu pogural žez požirak.. al kak.. ruke mi trebaju za klobasu i salvetu držati.. a z čim bum onda držal ambrelu.. hmmm.. skor sam kazal z čim…. I na koncu me još nekakšna razpojasana ženska postrugnula z ambrelom prek frnjokla.. beži klamfa za trajvanom pa kak tenk leti čez Trgač i lamače z ambrelom.. A pol Trgača je prazno.. a ona najde mene.. Bi ju poslal v mamičinu luknju..al je prehitro prešla…Ipak ja pem v brtiju v Kavalir.. tam valjda ne letiju ambrele po luftu.. Ziher je ziher……..



Pa kak ni bilo izgledno da bu dež stal.. a v brtiji ti je dugočasno samom lokat.. bum se ja polahko zaputil čez Ilicu spram dole..na zapad ..I bum uzput nekaj malo na kipeca vudril makar je več tega pun aparatlin.. Jebal ga vrag.. nikak to nejde.. dež vse bolše curi.. trebaju ti dve ruke za aparatlina.. hmmm.. kaj bi ambrelu z zubima držal..ha.. Maa.. zpustim ja ambrelu na trotoar.. ništ joj nebu .. Vrabec ga dal.. gledim čez onu rupicu na aparatlinu.. ha,, kaj to leti spredi mene.. Zmaknem aparatlina.. nema ničeg.. nazaj gledim čez rupicu.. pak nekaj leti.. No.. zdaj sam se več zplašil.. razmeš.. malo vidiš nekaj..malo ništ ne vidiš to nekaj.. To nisu čista posla.. Nekaj prha spredi mene..a ni ga za videt.. vse si gruntam.. je da je Došašće.. pa ni valjda da su se baš zdaj angeleki zaputili čez Ilicu na Kaptol.. Hmmm.. ak se mene dotikavle.. prije bi se nadal spredi sebe videti črnog vraga kaj je prihajal po mene.. ha .. A morti to coprnice letiju reda na Mandušefcu naredit.. pa se dobro zna da se po danu coprnice ročiju na Medvedgradu..a po kmici pri Mandušefcu.. Dečki.. bežim.. tu ziher oni Furbi i nejgof ceh imju svoje parkle…. Ha …….
No.. gda sam došel domof sam videl da mi je to obična kaplica kiše opala na oni objektif …

Serbus ………………


09:21 | Komentari (8) | Print | ^ |

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.