Flojndravo vreme ….

nedjelja, 30.11.2014.

Zbudim se vjutro.. narafski.. kak da sam skretničar pri železnici pa moram v pet vur na posel.. A kaj buš.. kaj sam stareši to mi manjše treba spati.. Gledim pišliveg filma na teveju do jene vure posle polnočke..a v pol pet vjutro več zevam i čudim se kak je vani još kmica.. Moja blaženo spi na svoji polovici kreveta.. od nekud se čuje kak nekakšni vergla motora na autu.. mu je krepal akomulator.. tri hiže dalše laje ogromni pes kaj susedu čuva .. Vse to je sasvim normalno vsako jutro.. Navek jednak.. Znaš.. spim pokraj otvorenog obloka.. nigdar ga ne zapirem.. nit po ljetu nit po zimi.. pa sam zdaj spružil nogu spodi poplona van da osetim kakšno je vreme vani.. Ovak dok gledim .. nema se kaj lepoga videti .. sivi debeli oblaki kaj se več celi teden vlečeju znad našeg lepog Grada Zagreba i dalše su tu.. Truciraju.. vrag ih zel.. Aaa..kaj.. ležim tak.. žuljam si jajca.. gruntam dal bi se zdigel al ne.. Maaa.. kaj bum se zležaval kak medved.. pem ja nekam v štapacirung..

I kam buš išel po praznem Gradu.. Ljudi još spiju.. štacuni su zaprti.. tu i tam nekakšni kafič več dela..al je vse prazno.. Kak i navek.. vse moje štrapancije začneju baš na vuglu Frankopanske .. to mi je ostala navada još od davnih dni.. navek bi se stal na vuglu Frankopanske i Koturaške pa gruntal kam dalše .. Čuj.. na Trgač mi se zdaj nejde..tam su več vse navlekli za to sajmište .. štandi.. šatori.. ..pa to još nekak zgledi gda je Trgač pun ljudi..al ovak prazno.. kak da je celi Grad pomrl.. sam dolaziju oni kombiji kaj vlečeju robu za prodaju al pijaču i žderilo.. Tak ti je i na Zrinjefcu i po vulicama tu v centrumu.. Hmmm.. bum se ja ipak zaputil gor čez Mesničku pa na Gornji Grad.. Vreme je tak puzdravo i flojndravo.. vse nekakšna magla prha.. fajhtnoča ti se zavlači v vsaku rupu na ajncugu. Čez rukaf ti se spentra po hrptenjači.. Pa ni velka hladnoča..al tak nekak zgledi kak da je ..
Viš.. kak je to žalostno.. Vsaki put gda projdem pokraj hiže v koji je živel i vmrl naš najpoznatejši gradonačelnik.. Gustaf Šenoa.. malo zabremzam i vsaki put se znova snebivam kak nigdo nema savjesti tu hižu tak zapuštenu gledeti.. I vlaga ju je načela od zdol.. od zgor žbuka opada.. obloki su truli.. narafski.. hiža je gracko vlasništvo.. nigdo nutra ne živi.. je prazna.. Gdo zna gdo bu ju jenog dana kupil za sitne peneze..a zapraf vredi zlata tu na tem mestu.. A mam prek puta ove stare podrtine je i jena taki slična.. Tu je pak živel i vmrl jen naš drugi gradonačelnik.. oni Smičiklas.. pa nit za nejga nigdo nezna.. a hiža je taki kak i od Gustafa.. sva se raspada i znutra i zvana.. Jee.. tak ti je to gda dotepenci z bregof glavnu reč imaju v našemu lepom gradu..

Korak za korakom i evo mene na samem vrhu Mesničke.. Tu se navek obrnem i gledim nazaj v nizinu.. A dole je celi naš dragi Zagreb Grad kaj se več začel buditi.. trajvani treskaju po štreki.. avtomobili drndaju.. ljudi se žuriju na posel.. na plac.. A meni se baš fučka za celi svet.. Znaš.. gledim tu vulicu.. lepo su znova poslagali te kamene kocke.. Je da je trebalo ostavit trotoara..al kaj.. i ovak dobro zgledi.. Al su se pobunili nekakšni stanari i zahtevali da se po celi vulici moraju te bele štrafte ofarbat.. pa zebre naredi.. kakti da buju dječica mogla sigurno hoditi.. Vrag jebal vse te dotepence kaj se buniju.. to domaći nikak nisu gda čuješ kak se zoveju mam ti je vse bistro.. pa v celi Mesnički.. celom Gornjem Gradu nema deset klincof kaj čez tu vulicu peju dol v školu.. A ovi su zdigli halabuku kak da tu cela regimenta dječice vsaki čas prolazi.. Maa.. to je tak narihtano sam da se trucira našemu gradonačelniku.. onem dotepencu z bregof.. I kaj.. su došli radniki i ofarbali te bjele štrafte..pa zdaj tek to nikak ne zgledi.. Jebeš budale kaj su se tu doteple …….
Sam si štel z čiste dešperacije tu v brtiji pri Titušu spiti Nesicu od vanilije.. al kaj.. znutra nekakšna ženska pomeče z metlom.. veli da još ni otprto.. pipničarka stoji spredi špiglina i šminka se.. a ja nek pem v vražju mater iskati Nesicu.. A..kaj.. Ništ..pem dalše ……….

I kak se človek nebi sekiral gda vse to vidi.. Na..pogleč.. ova taki zapuštena siva hiža je od još jenog zagrebačkog gradonačelnika kaj se je tu zlegel i živel.. Oni Vukotinović.. I zdaj ti meni kaži da je to vse slučajno kaj su baš stare hiže naših poznatih zagrepčancof..ktomu gradonačelnika.. tak zapuštene .. Ja ti lepo velim da je to namerno tak zmišleno sam da se v našem Zagrebu vbije sva nejgova povjest.. Al je stoga mam prek puta nekakšni dotepenec z kamenjara otprl onu konobu.. Didov san.. jebal ga dida vrit vsred te nejgove konobe ……

Gde god da hodiš čez naš dragi Zagreb Grad moreš naletel na kakšnu štangu.. letvu..al nekakšni drugi šprajc na kojem je cedula da z hiže opada žbuka.. da opadaju črepi al žlebi z krova.. A viš tu na ovi stari Gričkoj palači lepo piše da tu opadaju.. cigle.. Vrag im mamicu onem glavonjama v gradcki upravi.. Lepo su več pred par let zaklučiili da tu staru palaču treba pod nus obnovit ..al narafski.. za te stvari nema se penez.. Al penez mora bit da se dotepencima zgradiju stanovi i zabadaf podeliju.. pa Ciganima se moraju komfori osigurat.. pa za politikante šumu posječ da si moereju vile zidat spodi Medvednice..i tak.. za vse ima al za našu slavnu Zagrebačku povjest.. nema penez… Al..kaj.. največ Zagrepčancof nema pojma kaj se po našemu Gradu zbiva.. vsi hodiju hitro svojim putem.. nigdo tikvu ne zdigne da malo pogledi okol sebe.. Aaa.. je.. brigo moja prejdi na drugoga.. to ni moje pa kaj bi se ja za to brinul.. Viš..a ja vsako malo pošilam gradckim glavonjama kašno protestno pismo.. poplujem i njih i nijhov posel kaj ga zbavlaju i dobre peneze bereju vsaki mesec .. Narafski.. nigdo mi ne odgovori dok im ne velim da zakon zapoveda da mi moraju odgovorit.. Moreš si zgruntat kakšni odgovor dobijem… Nema penez ….ha …

Aaa.. ništ.. neče mi se zpuštat dol čez Dvoranski prečac po štengama..rajši bum se prešpanciral čez Opatičku dol spram Kamenitih vrat pa bum onda odlučil kam dalše.. baš malo gledim i ovu zapuštenu hižu.. narafski.. ta je državno vlasništvo.. Al ta ni prazna.. tu je nutra od davnine ženski đački dom.. malo sam stal i posluhnul.. Još je rano pa se lepe pucice nisu zvlekle s svojih postelja.. ništ se ne čuje glasno klafranje kak to drugač je.. Eeee.. tu sam ja v svojim fakinskim danima lepe doživlaje imel.. se reče.. avanture.. Al to bum koji drugi put spripovedal.. Za denes bu dost i ovo.. Još da mi je malo negde sesti i spružit noge.. nebu ništ škodila ta Nesica do koje se nikak nemrem dokopat.. A morti bum i kakšnu svečicu zažgal na oltaru pri Mariji na Kamenitim vratima.. A tam ima i koja brtija kaj valjda dela..ak se je kelnerica uspela našminkat…ha …..

Serbus ……………………..

Dečki i puce… šnjofam klobase ….

petak, 28.11.2014.

Nekak je človeku najbolše lepo si sesti v kakšnu brtiju i nekaj toplega čez požirak zpustiti.. Narafski.. ja sam navek pri Nesici od Vanilije ak ..se reče.. situacija ne zgledi drugač.. Ak je kakšni pajdaš zmenom kaj bu u nesvest opal gda me vidi kak žlopam tu Nesicu..onda si ja nekaj drugeg naručim.. nekaj muškega.. A bormeš bu za koji dan pasalo i kuhano vinčeko.. makar ono kaj dobiš v brtiji i ni bogznakaj.. Bum ti to drugi put povedal..to o kuhanem vinu.. Baš sam se lepo zmestil pokraj velkog izloga i gledim kak vani prolaziju… maaa.. kaj.. nigdo ne prolazi.. Vrabec ga dal.. več pol vure sedim tu na istem mestu i nigdo živ ni prošel čez Dugu Vulicu.. A i v kavani Medvedgrad nema nekaj gostiju,,sam dve babe klafraju v drugem vuglu..al ih je čut valjda i gor na Markof trg.. Te kak vnuke čuva i pela ih v špilšul..pa mora kuhati sineku i snahi..a druga kak mamicu mora pelati doktorima..a doktori nemaju pojma o ničemu.. Jebal ga vrag.. ja vse čekam kak buju kaj o seksu razpalile..pa..ništ.. Fučkaš tu gerijatriju.. pem ja nekam drugam..a nit ta Nesica tu ni baš kak bi trebala bit.. Em čekaš deset minut da ti ju naredi.. pa ti donese malu šaličku z nekakšnom mlačnom splačinom.. al dobiš tri male vrečke cukora.. Maa.. zgodna je ta tu puca kaj goste posluživa..al nema pojma kaj je to Nesica …

A po celomu Centru je več vse okičeno.. pometane su lampice.. pa štandi i one drvene hižice..kakti mali štacuni.. I vsega tu ima.. i za pojesti i za spiti.. i za nasladiti se..pa i nekakšne robe za kupiti..a največ samo za gledeti.. Ljudi prolaziju.. malo gdo nekaj kupi.. Viš tu prodajeju te fritule.. nije to loše.. malo ti teh špekula od tjesta zmulja v vručem ulju..pa posipa malo štaub cukora odzgor i to ti košta petnajst kuna.. Jee.. i čačkalicu dobiš da si prste ne zamastiš.. Sve je to dobro v pondelek i vtorek gda friško vulje deneju..od srede dalše več je vulje zažgano i cela Gajeva vulica smrdi.. Sam ti ja lani jenu porciju tega kupil.. onak z znatiželje..sam več pozabil kaj to je.. Negda davno je to meni moja baka delala..al se je to drugač zvalo .. se nemrem setiti.. pa nisu bile fritule.. No.. lani sam si jenu del v gubec.. i vse je bilo dobro dok nis zubima to zdrobil.. Uuu.. vrag ga jebal.. zvana je bila onak mlačna..a znutra kipuča da sam si mam jezika pofuril… sam dva dana fufljal zbog teh fritula……..

Daj pogleč.. vse su to cukori zcifrani da vse kriči od teh farbi.. Viš.. i to ti košta preveč neg vredi.. Malo cukora.. nekakšneg ljepila da se to skup drži.. deneš v gubec i mam se raztopi..A svakaj zmisliju samo da dječica mamice vlečeju za rukaf.. Ha.. pa vsi smo bili mali i znamo kak je to.. hočeš imeti..hočeš probati.. makar da je to drek v vanilin cukoru zapakiran.. Negda su to po našemu Gradu prodavali Makedonci.. Je imel človek spredi sebe na trbuhu drvenu škatulu ..onak prek ramena i okol vrata obešenu.. i nutra si bili ti cukori.. štapeki.. kuglice.. i druge fele za lizanje.. Narafski..gda bi ga spazil mam si kak besni cucak za ruku vlekel mamicu i zahtjeval da to hočeš.. zapraf.. mene je fort v špancirung moja baka vlekla..pa sam ja nju cukal da mi kupi.. A kaj bi.. moja je baka bila hoh dama..grofica.. nebu ta od zamusanog Makedonca ništ kupila.. Navek mi je rekla da je to ptičji drek ofarban i da to ništ ne valja.. Pa sam onda bolše prešel v bombonjeri v Praški vulici…. Baš gledim.. denes dječica i nisu tak željna teh sladkišof.. pa ovo tu je više kakti za ukras neg kaj se proda za lizanje …...

Eeee.. ovo je več nekaj kaj se človek mora malo zgruntat.. Čuj.. skroz gor do Gajeve sam našnjofal klobase.. I zdaj tu stojim i gledim.. bi al nebi.. pa hodim naokol.. bi..al nebi.. Pa otidem..pa se vrnem.. hmmmm.. jebal vrag vse karaktere kaj ti braniju zadovoljstvo.. bum si pojel jenu klobasu i.. šlus.. I več stojim v redu.. narafski ..malo više senfa.. i najdebšu kaj ima nek mi dene v tu kiflu.. Jezušek..kak je lepo špricnula klobasa gda sam ju zagrizel kak stekli pes.. vse mi se cjedi po bradi.. maa.. baš me briga.. je..je.. i velka čaša pive ..narafski Ožujske .. Viš.. gledim ovu lepu plavu gospodičnu.. dojde mi da ju pitam.. Mlada dama.. morti ste za klobasu.. Hmmm.. gdo zna kaj bi mi odbrusila .. A tak je nekak željno gledela baš one najdebše klobase..
A znaš.. ščera nafčer sam ja tu pelal svoju familju na klobase.. narafski v redu stojimo moj zet i ja.. ženske čekaju polak.. Nafčer je tu velka gužvancija za klobase i moreš čekat v redu i petnajst minut.. I spredi mene je par ljudi..a nekakšni človek..onak malo stareši.. veli onem mladom dečku za pultom.. Zapraf ga pita.. Mladi gospon..a kolko košta klobasa brez teg peciva.. Ha.. gledi ga taj mladi.. nezna kaj bi mu odgovoril..Al se snajde curička kaj taki nutra dela i veli starom da nema posebno klobasa.. a posebno pecivo.. Al stari navalil i hoče znat kolko vredi klobasa brez peciva.. Smiju se ljudi okol.. neki gundraju kaj of zadržava.. A jena mlada pucica z dečkom..kaj su stali pozadi mene v redu žalostno veli.. Viš siromaka.. nema dost penez za vse platiti.. A odbrusi njoj nejzin fakin.. Maaaa..pizdu materinu nema.. da nema pital bi pošto je pecivo brez klobase..a ne klobasa brez peciva.. pa smo se vsi nasmijali..a oni človek je prešel dalše i nekaj je mrgljal sebi v bradu …………

Serbus …………..

Fučkaš vse …..

četvrtak, 27.11.2014.

I tak ti peju cajti..peju dani.. jesen je gliboko začela svoju čud pokazivat.. Nekak je vse sivo.. oblačno.. tu i tam nekaj malo nečeg opadne..pa to ni pravi dež.. a sunčeko več dnima proba zviriti čez te oblake.. Nit je preveč friško.. a nit ni za v rubači hoditi.. Jenostavno neznaš kak bi se oblekel.. obul.. dal bi zel ambrelu al ne.. Vrabec ga dal.. bolše da je i tak neg da oni beli prhlivec začne.. makar ga oni prognostičari dozivleju..copraju.. a vrag navek sam dojde.. ni ga treba zvati…. Na ..pogleč.. več je deveta vura prešla a ja još nis nikaj zbavil.. tak se vlečem naokol kak krepani mačak.. Praf za praf.. ništ mi se v tikvi ni posložilo.. Viš.. to su velki problemi.. par dni te ni po vani.. i zdaj neznam kam bi.. je da su mi domof dali zadatke..al kaj.. pišmevrit.. ja pem kam ja hoču i gda ja hoču..Ha..kaj sam fest važni gda me nigdo ne čuje…….

Stojim tu na vuglu v Stari Vlaški i gruntam na koju stran da se genem.. bum sim.. nebum.. bum tam.. nebum.. Nekaj mi je povedal jen pajdaš da se bumo našli.. zdaj ga zovem..a on bedak još domof spi.. veli da je skroz pozabil.. Jeee.. lahko je pozabit..a kaj da se je z kakšnom babom dogovoril.. bi videl kaj to znači pozabit .. No.. veliju da još na ovem svetu oni bradati z neba hodi.. pa sam ja susrel svoju negdarnju dobru susedu…Jee.. negda je to bil komad ženske .. ti vrapca.. vsi smo mužki v moji vulici slinili za njom.. a ta baš i ni bila preveč škrta ženska..razmeš.. ha.. I zdaj je to komad babe..da opadne z stolca na mene nebi nit flek ostal ..ha .. Jezušek.. vseg me zkuševala i tak me stisnula da sam skoro zgeknul.. no nedam se ja .. i ja sam nju pričepil z obadve ruke tak da je to zgledelo kak velka hrpa nasred vulice.. Mam ja nju pitam.. Čuj stara.. kam zdaj pemo.. da te pelam na kavicu.. na kolačeka.. morti bi kakšnu rakijicu.. a moremo i na vruču čokoladu.. A ona meni odbrusi.. je.. sve si nabrojil na kam bi me pelal..sam ono pravo nisi.. Hmmm.. zvlačim se ja.. pemo prvo na ovo kaj nam je pri ruki ..pa bumo o vsem pripovedali.. Narafski.. obadva se rad šalimo..Jee.. negda su te špelancije sasvim drugač zgledele.. a denes tak kak je.. Narafski.. prešli smo v prvi kafič i tračali o vsemu u svačemu ..Žensko je žensko.. velim ti ja……..

Zdaj gledim kak je ta Jurišičeva navek prazna i pusta vulica.. kak da je negde bogu za leđima a ne na tri koraka od Trgača.. A ima tu lepih štacuna.. butika.. zlatarnica.. i još koječega zanimlivog.. čak i ono kino Grič je tu navek.. Negdar sam tu imel nekolko pajdašof kaj smo skup haračili po našem Zagrebu.. Denes kak da su vsi vmrli v ti vulici.. nigde nikog..a najmanjše poznatog.. Čak nit v pošti ni gužvancija.. se vidi da je visoki datum gda ljudi nemaju peneze za račune plačat.. Pa ta naša pošta i ne služi ničem drugem neg kakti velka blagajna gde Zagrepčanci peneze ostavlaju za državna i druga poslovanja.. A da tu celi dan stojiš nebuš videl da je negdo kakšno pismo v onu žutu kištru hitil.. nema više pisanja pisma .. razglednica i dopisnica.. To su ljudi sasvim pozabili.. vse se denes dela na onem mobitelima .. ajfonima.. fujfonima.. tabletama.. laptopima.. bi ga vrag znal kaj vse nisu spametni zmislili .. Pa ja koji put pošilam kakšnem poznatom pismo..al razglednicu.. i se čudim kaj nigdar nigdo ne odgovori.. zapraf.. dobim poruku.. oni SMS.. da fala za razglednicu.. tak ti je to.. novo doba……….

A nebo se vse bolše kmiči.. zgledi da bu ipak nekaj z teh oblakof .. baš me briga.. imam ja svojeg kožuha..pa i škrlaka kožnatog.. v torbi je ona mala ambrela.. moreju i sekire padat ak čeju.. Evo.. viš.. v Zagrebu je oni Krisof Kolumbo.. jebal ga vrag.. valjda se je v starem Đuri dopelal.. TI vrapca.. kolko se let več nis na pulferu pelal.. zapraf.. nit ih više ni pozadi teh starih trajvana.. Gdo zna dal bi se fakini i denes pelali kak negda mi.. Gruntam si da denes nit ni pravih fakinof kak negda.. vse ti je to zdaj nekaj mlitavo.. hodiju z onem žnorama v vuhima.. v ruki samo nekaj ..se reče.. tipkaju.. nit ne primečuju svet okol sebe.. Stojim i gledim.. prolaziju lepe zgodne pucice.. ženskice.. al se nigdo više za njimi ne okreče.. zapraf.. jedini ja.. za vsakom bi se obrnul i malo si ju spregruntal.. Maa.. velim ti ja.. neznaju denes ti mladi ljudi živeti.. Gda ja v svojem firtlu dečkima koji put povedam kak sam ja z svojim pajdašima fakinaril po Zagrebu.. glediju me kak da je med njih opal Barun Minhauzen…. Pita me nema tomu dugo jena pucica nakon kaj sam završil pripovetku.. Striček.. kaj je zbiljam bilo tak il ste to vi sanjali.. Viš.. pojma nemaju ti mladi kak je lepo živeti.. A kaj.. Ništ ….

Pem dalše… Serbus ………………

Ptičicaaaa

srijeda, 26.11.2014.

Velka fala jenoj Jadranki... FALA .......

Pozzz...

petak, 21.11.2014.

Cifrasti pozdrafček vsim pucama i dečkima... .. bum se javil koji put....

Gde smo ono stali ….ha ….

ponedjeljak, 17.11.2014.

I gda se z Pimpeka zaputiš spram..Zagreba.. no..dobro..dobro.. kaj se mam jeziš.. dakle.. pemo prema Kvaternjaku..pa ti oko zapinje na tem starim hižama.. baš je lepo videt gda negdo makar zvana malo ofarba tu starinu.. pa malo vredi žlebe.. črepe na krovu.. a v prizemlju makar i da otpre kakšnu žderilnicu.. To je navek ..se reče.. profitabilno..a i ljudi se dobro osječaju gda ih zapuhne oni fini topli šmak z nutra.. Ti vrapca.. kak je meni težko prejti pokraj teh.. Dubravica.. Mlinara.. Pimpeka.. i vsih drugih kaj delaju te fine stvari.. Znaš.. nis ja nikakšni karakter gda se treba donesti važna odluka.. žderat i pit..al samo prejti pokraj tega kak pokraj Turskeg groblja.. maaa. Taj čas sam nutra i makar jen falaček nečeg slanog al slatkog.. Narafski to navek ima svoje posledice a to je ogromna žeđa.. Ha.. evo viš.. sam štel povedat o tim hižama.. baš gledim.. Ona velka ogromna kaj je tu pred dva..al tri leta zgrađena na mestu taki starih hiža.. ta još kak tak dobro zgledi.. prava gradska velka hiža.. I nekak ju je lagše spregristi neg nekaj ovakveg kaj sledi ….

Pa da si človek lasi zpukne z tikve gda ovak nekaj vidi.. A bormeš je to tu nekak na brzinu zraslo.. sam ja videl da se tu nekaj sprema.. pa te onda jeno vreme ni v inšpekciji.. i pogleč.. Pita se človek koji je bedak nekakšnem drugom bedaku tak nekaj dopustil..ha .. Vrag ga jebal.. kak da je komad stekla opal z neba.. Maa.. nis ja došel z Zanzibara pa da se čudim ..al zbilam ovo tu nemrem sprežvakat.. Pa bi najrajši našeg gradonačelnika.. teg dotepenca z bregof.. za vuho sim dovlekel da to vidi.. kaj nejgovi pomočniki to delaju po našemu Gradu.. Al kaj vredi.. nemaju vsi oni skup filinga za nekaj lepo.. tak sam se zapjenil da bi najrajše zutra sim dožel z pračkom i malo opral to staklovinje …

Tak mi nekak žalostno zgledi ta Maksimirska vulica.. pa ne zbog tega kaj je zdaj jesensko doba i dreva nisu zelena.. I v sred leta ti tu ništ bolše ne zgledi.. ta dreva su več tak stara da su se napol posušila.. i nisu za drugo neg posječ i nova zasadit.. Viš kak su to naredili i drugde po Gradi.. projde par let dreva lepo narasteju i onda je deset..dvajset let vse kak treba.. Jee.. Maksimirska vulica je kakti malo v šturcu.. nema tu nikaj preveč važneg.. tu ti velki glavonje ne stanujeju.. pa kaj bi se onda tu trebalo brinut kak kaj zgledi.. A baš je Maksimirska jena od najprometnijih vulica v našemu Gradu.. trajvani pelaju jen za drugim.. avti se kotrlaju navek.. brez da bude kaj lufta.. i po kmici.. i po suncu.. radni dan ..al nedela.. tu težko moreš komotnu prejti prek ceste.. Viš.. ja sam se malo na cestu stal i del to na kipec..a več mi je nekakšni majmun začel trubit kak da pela hitnu pomoč.. pa baš mu se nis štel maknut…..

Zdaj smo tu na vuglu.. mi se čini Valdecove i Maksimirske.. ta stara hiža kaj ju vidiš.. eee.. ta je tu bila prije vsih ostalih hiža.. Dok je još Maksimirska bila obična prašnjava cesta v ti hiži je bila brtija.. se reklo.. Konačište.. Tu bi namerniki v Zagreb zastali.. malo se počinuli.. zrihtali se prije neg bi vušli u Grad Zagreb.. Brtija se zvala.. Gostiona pri Jureku i Štefeku.. pa se je dost nagađalo gdo su bili Jurek i Štefek.. neki su pripovedali da su to dva prijatela.. drugi da su to dva brata.. i bi ga vrag znal kaj je bilo praf.. Pa ni važno.. Hiža je par put obnavljana .. davno več to ni konačište .. al je brtija i gostiona tu vse do denes.. Otraga gde su negda bile štale za kojne.. kasnejše je lepo vređena vrtna bašča spodi velke brajde.. To su mesto Zagrepčanci dobro poznali jer su to nazivali..Izletište pri Jureku i Štefeku.. Praf za praf.. to je negda bila velka provincija i tu su se Zagrepčanci dolazili gostit i častit..oblokavat i veselit.. Okol su bile livade i vočnjaki pa je to bil..se danas reče.. izlet v prirodu na kraju Grada.. Ja se sječam da je to delalo dosta leta.. pa je najemput zaprto.. i letima je bilo prazno i zapušteno..sam je na fasadi ostal i još je denes natpis kaj se jedva vidi.. Gostiona pri Jureku i Štefeku.. Negde pred kakšnih deset let je negdo štel to spet obnovit..pa je kakti vse bilo zrihtano kak negda.. Je delalo jeno kratko vreme..pa je spet zaprto.. i denes je pak zapuščeno.. i vnutra i pozadi je ona bašča prešla vrit .. Praf za praf.. kak i fajn drugih restavracija.. brtija.. gostiona.. bufeta… je nestalo a zamenili su ih kafiči brez duše i srca… Ni poznato čija je to denes ta stara hiža.. nigdo nutar ne stanuje.. nigdo dole v štacunima ništ ne dela.. a gostiona se samo spomina v kakšnim škrabotinama

Zdaj bum malo zastal tu spredi ove hiže pozadi te ofucane breze.. Eee.. tu je stanovala jena lepa mala.. je imela guste črne lasi vse sfrčkane…loknice.. razmeš.. Jee..posvud je imela te loknice.. No.. sam ja nju upoznal na nekakšnem plesnjaku..pa kak to več svršava.. sam ja nju pratil domof..skroz od Grada cipelcugom tu na periferiju…ha … Pa ni bil problem zajti na trajvan.. ona bi se pelala nutra ja na pulferu..al kaj.. bi preveč brzo stigli.. Dakle.. več prvi dan pemo mi čez Vlašku..več na Kvaternjaku sam ju celu sprešlatal.. iskal sam one loknice.. razmeš.. Pa kak ni bilo preveč velke pobune.. več smo v nejzinom dvorišču pozadi hiže vse stvari stavili na svoje mjesto.. Čuj.. bum rekel onak..praf.. nis je ja zatreskal v tu malu.. jenostavno se njoj dopalo..a meni.. kaj da ti velim….. Pa je to tak potrajalo par tjedni.. i evo mene jemput pri njoj v hiži.. makar ovak hiža ne zgledi velka..al je ima fajn pozadi.. Ima ona svoju sobu .. No dobro.. nebumo fort pri meni domof .. Veli ona da su mamica i tatek nekam prešli i da buju fest kasno došli.. Jee..a kaj.. ja sam tu.. ak me gdo posle hiti van.. ha.. nebu mi prvi put da nekakšni tatek pobjesni gda me najde v nejgovi fotelji..
Gledim ja malo po stanu..ima nekolko soba.. vse to skupi moderni mebl.. debeli tepihi po zviksanim parketima.. Velke slike po zidima.. A nasred jenog zida v ogromnem špajzcimeru je velka slika oneg črlenog maršala.. malo dalše na zidu je zaheftan pravi prafcati mitraljez.. i još par oneh starih puški tanđara..a na jenom ormareku je.. prava pištola.. onak kak za ukras narihtana.. I posvud naokol oni mali stakleni stalki u med staklom fotografije nekakšneg partizana.. Ti vrapca.. pitam ja ovu malu da gdo je taj človek.. Veli ona da je to nejzin tatek.. partizan.. pukovnik.. al ni vojak neg je direktor fabrike cipeliša Zagreb… No.. za čas sam ja nejga pozabil gad smo se začeli valjati po nejzinoj sobi po podu.. I vse je kak i navek prešlo kak se spada i zdaj sedimo na podu pokraj gramofona.. slušamo muziku i premečemo ploče..
Najemput se vrata otpireju kak da ih je Veli Jože z nogom ritnul.. i gliboki glas naredi.. Gasi odmah to.. kasno je ..ljudi spavaju.. I čez vrata u sobu zajde velki človek.. naj mi Bog grehe oprosti.. zgledel je kak ogromni majmun.. Črni..kak i kćer.. kosmati.. obrve kak partviši.. glas kak oni stric Bedanec z Kekeca…. Ostal je zevati gda je mene spazil na podu..a ja sam taki zeval od kak je on zašel v sobu.. Aha.. veli on.. to je to.. a tko si ti.. pita on.. No.. kčerka se je mam snašla i veli da sam ja nju dopratil domof kakti da nju nebu strah po kmici hoditi.. Šuti taj ogromni črni tatek.. pozove mene v špajzcimer i pita kaj si bum spil.. Fala nikaj.. delam se ja fin.. Nudi me z cigaretlinom..pa ja nit to ..fala nebum.. ne pušim.. Hmm. A rajši bi zaraufal cigaretlina neg Boga videl ..
Nejzina se mamica.. nekakšna sitna plava ženskica samo naluknula i rekla da je umorna i da pe spat.. Bilo je več prešla jedanajsta vura po noči.. I ja velim kak ja zdaj odlazim daj e kasno..Al stari veli.. sjedi tu da malo porazgovaramo.. No dobro.. ja sam več došel ksebi.. i ak bu kakšne frke.. lahko bum ja zbrisal.. več sam se nagledel naokol z čim bum starog heznul po tintari…A ona moja mala stalno nekašne grimase dela spram mene a ja nis ništ kužil dal je to na dobro al na zlo vleklo.. I zdaj pita mene taj ogromni majmunski partizan.. vse onak.. v koju školu idem..kakšni sam đak.. gde stanujem.. z čim se zabavlam ..jesam kakšni športaš..i još celu vreču bedastih pitanja.. Narafski ja sam skorom vse zlagal kaj sam mu odgovaral po pitanju moje persone.. Skoro pa sam bi pomočnik svetog Petra v raju.. Stari važno klima z tikvom i najemput me pita.. A tko je Tvoj otac.. Ha.. kaj bum zdaj zmišlaval.. lepo mu velim da je moj japa fačuk taljanskog grofa.. da je moja baka plemenitašica.. a da je i moja mamica nekakšna princeza .. Sluša to of.. a ja si gruntam..dal on to mene spitava kaj misli da bi njemu morti bil kakšni zet..ha.. Ona moja nafrčkana mala stoji v vuglu sobe i dalše premeče gramofonske ploče po stalaži.. I pak najemput opali taj pukovnik pitanje.. A jeli Tvoj otac bio u partizanima za vreme rata.. Hmmm.. kaj zdaj.. to je fest sklisko pitanje.. Al znam ja kak je moj tatek bil ponosni na svoje ratovanje..pa nebum ja zdaj nikaj zmišlaval.. Lepo ja ovem velkom črnom partizanu velim da je moj japa kakti dobar Taljanski državljan prešel služit Benita pa je čak bil z njim prijatel.. a gda su Benita za noge obesili.. moj je japa prešel Adolfu još jeno dva leta.. pa je na koncu služil črlenom maršalu pet let na robiji v Jugoslaviji..
Vrabec ga dal.. se ja više ne sječam kaj sam si ja taj čas vrtel po tikvi..al ovi tetek od te moje male se je zdigel z kauča.. stal se je spodi slike črlenog maršala i spodi mitraljeza.. podbočil se i zagrmel.. Sad si tu i nikad više.. ovaj čas nestani da ne gledam.. I rista se onak opasno podbočil z rukami.. Nis ja dva put čekal da mi to ponovi.. Zgrabil sam svoje cipeliše pokraj ulaza u onak samo v čarapama skliznul čez štenge na Maksimirsku..
Kaj je dalše bilo nigdar nis saznal.. Tu sam malu nakon puno let susrel v kinu Balkan.. pozdravili smo se a ona mi je prectavila svojeg muža.. Vrag ga dal.. taj je mamlaz još gorše zgledel neg nejzin tatek ……

Pemo dalše ………………….. trong>

Eeeh.. taj .. Furbi …

nedjelja, 16.11.2014.

Denes je vjutro okol šest vur dež curel..baš su oni prognostičari pogodili kak z prstom vrit.. No.. dobro.. gruntam si ja .. stojim pokraj obloka i čoham se po riti.. al su lepo rekli i da bi se moglo razvedrit i da bu čak sunčeko sijalo..Hmm.. jenu vuru sam se čohal.. i na koncu donesel odluku da ovi oblaki kaj visiju kak forhange.. buju pak nekaj zpustili..al ja svejeno pem v špancirung.. Za vsaki slučaj bum si ja oblekel svojeg kožnjaka i del kožnati škrlak na tikvu …pa ni ambrela morti nebu zviška..
I več sam ti ja v devet vur vsred mojeg lepog Zagreba Grada.. Pa naredim jenu klobasu okol Zrinjefca..pa malo prek Kaptola i Dolca..bumo se malo naluknuli i v Jurišičevu.. a morti se kaj noveg zbiva v Petrinskoj .. Praf za praf.. nikaj posebnog nis videl.. jedin kaj moram priznati da vsaka ženskica i pucica zgledi drugač od one druge.. pa kak bi to i bilo gda bi vse bile jednake.. I na koncu sam skončal.. a gde drugde neg na Trgaču.. Si gruntam.. morti je dobro kaj je naš gradonačelnik.. oni dotepenec z bregof.. prešel malo na odmor.. Konačno da več mesec dni na Trgaču ni oneh Sulejmanovih šatri.. Baš je lepo gda si na jenom vuglu na Trgaču..a komotno glediš v drugi vugel.. onak poprek.. I tak ti hodim sim tam.. lepo me sunčeko grije..i preveč.. vrag jebal teg kožnjaka kaj sam ga na sebe navlekel.. a i ambrelu bi najrajši nekam v šturc hitil.. Al sam baš zel onu starinsku ambrelu kaj ima oni železni gromobran .. škoda bi ju bilo hitit nakon tolko let..
Pa nit ne gledim i za falaček kaj se nis zabubal v človeka kaj je z ženskom stajal na sred Trgača..spredi mene.. Pardonček.. prosim.. velim ja .. i onda spazim da je to moj pajdaš Furbi kaj ga još od Bloga nis videl .. Bok sim.. Bok tam.. kak si ..tak si.. jesam.. nisam.. i nebumo stajali tu kak kandelaberi.. Narafski ..sam se pozdravil i z ženskom makar ju prvi put vidim..
Znaš .. Furbi ti je velki fakin.. pravi Zagrebački.. je da je nekaj mlajši..zapraf.. je dost mlajši..al ti zna vse o našemu lepom Gradu.. kaj deset drugih neznaju.. pa ženskica v sredinu kak se šika i mi tri lepo..kam bi drugam neg v Tkalču.. A bu za malo deseta vura i Tkalča se začela hitro punit z ljudimi.. Velim ja da hitrejše bezeciramo mesta dok se još more.. Znaš.. milina.. spružiš si malo noge.. ljepo je toplo kak da je svibanj mesec.. Furbi se je mam namestil i gledi v sunčeko.. valjda bi štel još kaj farbe vloviti.. ženskica sedi otmjeno.. vse si gruntam kak se dela važna..al zapraf je ..onak.. skromna.. povlečena.. Baš dobro.. gruntam si ja.. konačno jena kaj nebu v muškoj pajdašiji glavnu reč imela.. I tak.. Furbi i ja navalimo na Nesice od vanilije.. ženskica bu samo vodu.. Jezušek.. vse me je sram žensku počastit z vodom.. Pa je i konobarica malo čudno gledela..al kaj.. gost je gost.. moraš mu vdovolit …
Kaj da ti velim.. konačno da imaš z kim o Zagrebu pripovedat.. a o tome se ..fala Bogu.. more leto dni pripovedat a da nit scat ne prejdeš.. jee.. vse smo važne stvari spominali.. falili.. kritizirali.. žalili se i veselili.. Vrabec ga dal.. dve su vure prešle kak dva časeka.. Z Katedrale tučeju velka zvona.. podne je.. top z Griča je heznul .. A kaj.. dost je bilo.. vidim ja da je več i ženskica nervozna.. No.. strplivo šuti.. pomalo pijucka vodicu.. mi smo dva svoje Nesice potrošili.. Došlo vreme .. treba dalše ..vsaki na svoju stran..
Razmeš.. nismo stigli nit malo tračati ..smo na koncu zaklučili da smo skroz na skroz na to pozabili.. No.. Furbi je fest zabavan človek.. dobro se razmemo pa nam trači nit nisu ništ faleli.. I gde smo se našli tu smo se i razišli.. na sred Trgača.. Furbi i ženskica na jenu.. ja na drugu stran.. Narafski bumo se pak našli za nekaj vremena.. A..baš mi je lepo prijepodne v nedelju prošlo.. kam zdaj.. bum se čez Ilicu sprešetal kolko bu mi se dalo pa onda na trajvan..
Jeeeeee.. vrabec ga dal.. skor sam pozabil povedat.. ta ženskica z Furbijem.. to ti jen lepi kak snježna pahuljica beli… Haski ………………

Serbus …………. trong>

Štrapacirung …. od sim..spram tam ….

subota, 15.11.2014.

Jajca ...........

Tak sam ti se i ja našel na sasvim drugem delu sveta.. Moraš koji put i v periferiju prejti nekaj zbaviti.. pa sam se ja tak našel tam na Bukovački cesti.. sva sreča nis trebal uz breg hoditi.. sam bi mi još to falilo.. No.. zbaviš kaj imaš.. i zdaj moraš nazaj.. a nazaj je navek lagše iti gda znaš da se buš vrnul v domaju.. I gda sam več tu gde jesam.. bum se malo navrnul tri metra sim pa tri metra tam.. Of pu sam začel pozadi riti oveg tu atletičara.. veliju da je to bacač diska… pa je da nekakšni tanjur drži vruki..al ga več davno ni hitil nika

Znaš.. to je tu mam pokraj Dinamovog stadijona.. razmeš.. to je negdar bila zagrebačka provincija.. denes je periferija.. a veliju da je Zagreb još dalko tam pri istoku.. Dakle.. tu na periferiji su se začeli delati pokraj stadijona i drugi Šporcki .. veliju ..tereni.. to su ti denes poznati kakti Svetice.. No.. da bi se označilo da se tu dela o športu..tam negde z početka šezdesetih su tu postavili teg velkog brončanog športaša z golom guzicom.. Jezušek ..kakšnu je to sablazan naredilo med Zagrepčancima.. Mužki si samo klimali z tikvama.. bi ja rekel da njih ni smetalo kaj se jajca i pimpek na javno pokazivleju.. ženske su več na saf glas prigovarale da je štetno za dječicu.. a zaptaf su bile nezadovoljne kaj je taj pimpek nekak ispal premali…ha .. jedin su se stare babe križale gda su pokraj tega golog prolazile..
Pa su hitro vsi pozabili da taj gologuzi tu stoji.. V ono vreme tu ni bil park nit cvetje nit grmlje.. Bilo je pusto mesto pa se je taj tu videl z vsih strana nadalko..
I jenog dana su se fakini dosetili i za jen Vuzem su tem brončanom ..ofarbali ..jaca.. v žutu farbu.. Ha.. kakšna je to bila smijurija.. pol Grada je došlo gledeti ta jajca gda su to objavili v cajtungami.. pa je ondašnja gdacka vlast to dala oprati i vse je bilo vredu.. pa se to ponavlalo vsakog leta za Vuzem.. I nigdo se ni preveč ljutil zbog tega …
Al tam z konca šezdesetih gda je v našoj Horvackoj bila našpičena ona.. se reklo.. unutrašnja politička situacija.. pa je vse smrdelo na nekakšne ustanke.. pobune.. revolucije i kaj ti ja znam.. zapraf vse znam al nebum zdaj preveč o tomu.. No.. su one črlene vlasti fest pazile kaj narod dela kam hodi.. spredi cirkvi su udbaši žbire držali.. pa su po vsim brtijama žbiri poslušali kaj narod pripoveda.. i tak.. bila je velka diktatura .. I baš v to vreme su se te črlene vlasti fest našpinčile gda je to leto negdo pak ovem guzonji jajca ofarbal..a spodi ostavil tablu.. Hrvati sretan Uskrs… Eeee.. to je bila velka tragedija za vlast.. mam su velku potragu naredili za onimi kaj su to naškrabali .. Narafski.. pohapsili su vagon ljudi..pa nisu ništ našli.. Jajca su mam oprali.. al su več drugo jutro pak bila ofarbana.. I tak z dana do drugeg dana i na koncu su panduri tu dežurali i čuvali jajca.. No.. Vuzem je prešel i jajca su ostala na miru… Sledečeg leta.. pak su domoljubi odlučili truca delat črlenim vlastima.. pa su dva študenta po kmici prišli tem guzonji i ofarbali mu jajca.. Al..kaj.. z grmlja su zleteli panduri i vudri po toj dvojici tak da su ih skorom fbili.. jen od njih je i ostal invalid od teh batin..a obadva su završili v reštu na leto dni..Se razme.. drugi dan naši fakini nisu došli jajca farbat po kmici neg su ih ofarbali vsred belog dana gda panduri nisu pazili..ha .. Narafski pak pri sledečem Vuzemu su panduri tu postavili stražu.. Al su oni kaj su znali kaj treba delat začeli gruntat kak bi se jajca ipak ofarbala.. Ni bilo sam tak dojti.. je naokol bilo dvajset pandurof.. policjotcki avtomobili.. i ona Črna marica.. Eeee. kaj zdaj..
Ovak i onak.. dogovor je spravlen.. V celu tu ..se reče., akciju farbanja jajca.. su bili okupleni mladi ljudi.. domoljubi.. su ih nazivali nacionalistima.. Da se nebum preveč falil.. i ja sam bil v tim.. se reklo.. protudržavnim elementima.. nakon debelih batin i zatvora kaj sam zaradil 1968. leta za vreme študenckih demonštracija .. Tam sam ja i začel svoje drugo.. novo vreme živlenja.. Pa bu to morti jena druga pripovetka..


I tak.. naređen je ratni plan pod nosom ondašnje Milicije .. v biblioteki pri Matici Hrvatskoj v Matičini vulici.. pa gde buš se bolše skril neg pri pandurima na dva koraka.. Daklem.. određene su četiri grupe mladih ljudi koje su trebale izvršit farbanje jajca..pa i još nekaj uszput.. To je godina 1970.. par dni pred Vuzem.. Tu smo se noč okol tri vure vjutro poskrivečki okupili na dogovorenim mestima okol teg mesta.. pa to i ni bilo sam tak.. kaj je posvud okol teg brončanog bilo na sto metri vidljivo.. V ono vreme ni bilo teh velkih hiža kaj su denes na vuglima Maksimirske.. Bile su to stare hiže jednokatnice a okol njih vrti i vočnjaki.. grmlje.. drveni ploti.. Tam gde je denes uprava Zološkega vrta v onem lepom parku je v ono vreme bila ta zapuštena hiža i okol nje gusta šuma.. Ee.. tu su bile skrite dve grupe kaj su došle.. jena čez Petrovu vulicu i druga z Jordanofca prek Rebra.. Jena grupa ..a v grupi je bilo po pet..šest fakinof.. se več nafčer okupila v jeni stari hiži na vuglu Maksimirke .. tam gde je bila fajn dugo fabrika poplona.. A jena grupa je več celo popoldan špilala nogomet na travnjaku gde su denes oni teniski baloni.. Tu je i bilo fajn grmlja i negda je tu raslo drveče.. Praf za praf.. ta grupa je tu celo popoldan med sami pandurima bila.. jer su i panduri svoje velke snage baš tu postavili.. No… bedasti panduri nisu nit posumnjali v te dečke.. kak je za Vuzem več dost rano kmica.. nigdo ni primeti gde su ti dečki med grmljem.. Svaka je grupa imela po jenu piksu žutog kričavog laka za železo farbat i po dva pemzla.. kak god da se stvari okrečeju.. farba je morala završit na tem guzonji na jajcima.. pa makar i na tikvi ak drugač nebu … I dalše ovak…. Tri su vure vjutro …

Jena grupa z one šume gde je ona uprava Zoo.. je zletela prek trajvanske štreke i dotrčala prema pandurima.. hitili su farbu med pandure i začeli bežat praf po Maksimirski cesti spram stadiona Dinamo.. tam se je bilo lahko prek železnog plota prehitit i nestati v kmici.. V ono vreme je Dinamof stadion sasvim drugačije zgledel neg denes ..
I dok je ta grupa bežala i pol pandurof je bežalo za njima..al nisu nikog uspeli vlovit.. V taj čas je z one iste šume zletela i druga grupa .al su oni farbu hitili na policajske avtomobile kaj su bili spredi teg spomenika.. narafski.. i mam začeli bežati gor po Maksimirskoj spram Kvaternjaka i v prvu vulicu desno i nestali med onim malim vuličicama.. I za njim su krenuli panduri..al zabadaf.. Za to veme je stiglo još nekolko policajskih avtomobila i još pandura.. Stanovniki z tog dela su vsi bili na oblokima.. a neki su i zišli na vulicu i gledeli kaj se to zbiva … Jajca još nisu bila pofarbana .. Prešlo je tekar deset minut prek tri vure …
Zdaj je na redu bila grupa gde sam i ja bil.. To je bila grupa z najmlajšim dečkima i bile su i dve cure znama.. Mi smo bili pozadi plota jene od starih hiža baš nasuprot nosa oveg gologa.. bili smo najbliže.. Ali mi nismo imeli farbu neg.. kamenje.. A baš to kamenje su v cekerima donesle te cure kasno nafčer.. kakti su ušle v dvorišče te hiže.. I tak..vsaki od nas je imel v rukami po dva .. tri kamena.. one velke batude.. Eee.. mi smo zdaj trebali bombardirati z tim kamenjem po policajskim avtima.. Jen.. dva.. tri.. i vudri.. kamenje je letelo.. panduri su se sklanjali natraške od avtih..Par šajbi je prešlo kvragu.. Mi smo to pohitali i dali se v junački bjeg prek teg dvorišča v drugo dvorišče i tam čez Zvonimirovu dalše med vuličice..
Dok su panduri dohajbali do teg dvorišča.. nikog ni bilo nit na kilometar.. A to je bil pravi čas za onu četvoricu kaj su ostali tam v grmlju pokraj pandura gde se denes tenis špila.. Narafski.. panduri su vsi bili na drugi strani .. a ovi su skorom pa komotno ofarbali jajca tem gologuzom.. i pobegli prek Svetica na Peščenicu.. Se razme.. vse je to zapraf velka hitrina .. pa je taj guzati imel i vse noge žute.. To prijepodne su došli nekakšni radniki i z benzinom čistili i strugali tu farbu.. Ni to moglo prejti v tišini.. su treti dan pak bile pune cajtunge o tomu.. Narafski.. vsi su novinari škrabali o vandalskom činu huliganskih hordi koje su čak i Miliciju napale..
Bile su velke istrage med Domoljubima i mladima po školama i fakultetima.. Mnogi su odpelani al pozvani na.. se reče.. informativne razgovore.. Bila su to napeta vremena..
Nigdo taj put od cele te naše velke grupe ni bil vlovljen tu noč.. Ja i moja grupa smo čubeli pokraj nekakšnog starog skladišča v Livadarskom putu..a čim je svanulo smo one dve pucice otpratili domof .. Nakon par dni smo se vsi sastali na čagi v Študenckom centru .. Tu smo čuli da su dečki z najstareše grupe tu noč i pištole imeli z sebom ..

Tak.. nakon tega svega je bilo puno raznih.. bumo rekli akcija.. Več !971. leta na proletje .. gda su v Zagrebu začeli progoni domoljubnih Hrvata .. hapšenja i batinanja..ja i petorica Zagrepčancof smo se zatekli v oni JNA v Ohridu v Makedoniji.. Gda je do nas doprla vijest kaj se v Zagrebu zbiva.. svlekli smo uniforme nabavili civilnu obleku i bežali prema Zagrebu..
Od nas šest samo je jen došel do Zagreba i tu su ga v haustoru več čekali panduri.. Mene su vlovili v Beogradu na atobusnom kolodvoru.. a druge negde uzput.. jer smo od Skoplja dalše vsaki sam bežali spram Zagreba .. Narafski.. osuđen sam za protujugoslavensku djelatnost na šest mjeseci strogog vojnog zatvora.. uz nadoknadu služenja vojske..!971. sam došel v JNA.. a koncem !973. sam pušten.. Nakon tega je bilo 9 godina i 3 mjeseca stalnog nadzora..
Jen sam od suosnivača Društva Političkih Zatvorenika i još se denes falim z iskaznicom broj 001. To su mi dali kakti najmlašjem med njimi.

Maa.. tak sam se malo prisetil gda sam videl oveg z golim jajcima..koja su još navek zelena od prošleg Vuzema Pemo dalše .. ima još fajn do trgača ......

Serbus .........trong>

Vincilirova hiža v Kustošiji

četvrtak, 13.11.2014.

Evo…si pogleč… Gda sam jemput negde pripovedal o oni vrtlarevoj hiži v Vlaškoj vulici…sam rekel da je još samo jena takva v Zagrebu.. To je ta…ova žuta… v Kustošiji… na Černomercu… Je to takaj Ilica na broju 290. Stara je to hiža…točno 206 leta.. je bila tu gdar je oko nje bilo samo polje i njiva. A Ilice još tu ni bilo…je samo prašnjava cesta pelala čez polje.. Su tu bila velka imanje ..poljoprivredna…vrti..vočnjaki…vinograd na bregu otpozadi….
A ta je hiža bila stan i kancelarija od vlastelinovog vrtlara… se taj posel nazival onda "vincilir"… a človek se zval Johan….je nadgledal celo imanje u upravlal z njim. Je to onda bil gospodski posel.. Bila je tu v Kustošiji fest poznata obitel Bossak… kaj su bili vlasniki sveg toga…..al ih je malo denes ostalo…su se raselili po svetu..al vmrli…..

Je ta hiža svakaj doživela čez sva ta duga vremena.. denes je najstarša v Kustošiji… A gda više ni bilo polja i njive ni već trebalo vincilira . Pak su se v toj hiži zredali raznorazni posli i ljudi. Bila je tu dugo let mesnica…je mesar otraga v dvorišču klal stoku i mam v mesnici prodaval…. Pak se je Ilica produljila čez celi Grad i prešla celu Kustošiju …tam još dalše prema Vrapču.. Pa su se gradile hiže i mesar ni smel više imeti klaonicu…. Pak je mesar otišel…. A mesto mesara je došel šnajder…krojač….pa je on dugo let…vse do starih dana tu šival obleku..največ za sajmištare… Se zval Franc…Gda je Franc vmrl jeno vreme je bilo zaprto… kaj je već vse bilo pohabano i v lošem stanju.
Je onda to malo zakrpal jen Pletač….kaj je veste i pulovere štrikal…se zval Miško.. Je imel one stare ručne stroje kaj ih je furt rastezal sim… tam…je bil par let pa je prešel v penziju.. I onda je došlo već novo vreme pa je hižicu kupil jen tu domaći…pak ju je zrihtal kak je negda v originalu bila.. I denes su tu obrtniki Pedikeri…frizeri…kozmetičari….
Lepo zgledi ta stara hiža…al nebu dugo…Se na tem mestu planiraju gradit velke hiže…. neboderi..pa bu se Ilica širila…a morti bu i trajvan išel dalše…… A stara hiža bu ostala sam na fotografiji…. v kakvem albumu…..

............... Bok ......................

Kavana Opera na Kazališnem trgu ….

srijeda, 12.11.2014.

Jezušek.. vse smo porazbijali …….

Tam negde z početka šezdestih je nekakšni spametni dal porušit dve stare hiže na vuglu današnje Deželičeve i Kazališta.. A te su bile skup z ondašnjom i današnjom školom primenjene umjetnosti.. Tu su se školali buduči Horvacki umetniki.. kipari.. slikari.. klesari.. ljevači.. fotografi i bogtepitaj kakšna vse umetnička meštrija.. I tak.. staro zrušili.. novo naredili.. A naredili su plehnato staklenu škatulu kaj se je celi Grad Zagreb zgražal kak je to zgledelo.. A to je delalo ondašnje velko socijalističko poduzeče.. Željpoh. .kaj je malo kasnejše propalo i znova se zdiglo kakti poznati do denes..Ferimport.. Pa kak i ovu škatulu denes.. i onda su to nekakšni proglasili velkom umetnošču.. a negdo je to popluval kak i ja .. I da bi Zagrepčanci mogli kaj je moguče više kritizirat.. cela ta staklena hiža ni bila od običneg stekla.. neg od taljanskog kristala.. Ti vrapca.. to je za ono vreme vse vredelo tuste miljone.. I nigdar nigdo ni narodu pojasnil zakaj to mora bit tak skupi taljanski kristal..a bormeš ga je za tu škatulu trebal celi vagon.. No.. pa vsakeg čuda za kratko dost..tak je i ta plehnata i staklena škatula postala nekaj kaj se nikak nemre zbegnut.. A v ti velebni novi moderni palači je bila uprava teg Ferimporta..pa je vsaki direktor imel ogromne sale z pogledom na Kazalište..

A dole v prizemlju je zrihtano za velku kavanu.. su ju nazvali Opera.. Eee. to je takaj bilo luksuza za videt.. tak nekaj valjda ni imel nit oni Rokfeler v Ameriki.. Celo prizemlje je bilo zaprto z ogromnim kristalnim šajbama..a z njih su visele bogate svilene forhange..od plafona pa do poda.. Na jedni strani je bil ogromni šank.. nekaj kaj se još ni tu pri nami nigde moglo videt.. Šank je bil barem pet metri dugački..a celi je bil kromirani tak se je sijal da ga nisi mogel nit gledeti a da ti oči ne scuriju.. Spredi teg šanka su bili stoli i stolci..al ne kakšni god.. Vse je bilo od .. se reklo.. kovanog železa.. narafski .. ručni rad.. Stolci su imeli mekane svilene jastuke za sedeti..a stoli su od zgor imeli taki kristalne table.. Pod je bil od črneg mramora ..zglancan da si se mogel videti v njemu.. Z strane pri ulazu je bila kakti garderoba gde si obavezno moral ostavit kaputa..balonera.. ambrelu al kaj si več nosil v to vreme..
Se razme.. kak i prava luksuzna kavana v socijalizmu.. i ova je imela svoje zaposlenike.. pipničare..konobare i ostali personal oblečen v črno bele livreje..kak na dvoru carice Marije Terezije.. Jen bi konobar navek stajal z vanjske strane na samome ulazu.. kakti on bu gospodi.. pardon.. drugovima i drugaricama otpiral vrata.. Drugi je stajal mam iza vrat z nutarnje strane i pelal goste do garderobe..al z rukom pokazival kam imaju dalše prejti.. Nutra med stolima je stajal još jen konobar kaj je mam dotrčal gda su si gosti zabrali stola.. lepo ih pozdravlal i pozval drugog podređenog konobara i njemu prenosil kaj gosti hočeju.. Čuj..vse je to zgledelo smešno.. pa baš stoga nit ni dugo potrajalo.. No.. gosti su sedeli.. pili kaj su naručili..a moglo se tu kak i pri vsaki bolši kavani i nekaj pregristi.. kakšnu roladicu.. paštetu.. šopanu kiflu.. pa do razneh kolačeka..
Ne moram ti spominat da je tu vse koštalo kak da je dopelano z Marsa.. Pa su stoga tu z početka dolazili pomalo oni črleni politikanti i razni direktori.. vsi kaj su na račun države žderali i lokali.. A pošteni Zagrepčanci su samo zvanjske strane čez te kristalne šajbe nutra vireli i čudili se ogromnim kristalnim lusterima kaj su z plafona viseli.. i žalili oneg pipničara za šankom kaj je moral fort glancati teg pokromanog vraga.. Svakak da su vse čaše i štamprli bili kristalni..a ostali kšir od najbolšeg Češkog porculana .. O vsemu tome su cajtunge navelko škrabale celu godinu dni kolko je trebalo da to čudo postane kakti normalna stvar..
Al..kak v socijalizmu i ni bilo preveč bogate radničke klase kaj bi si mogla priuštit prejti v Kavanu Opera.. to je ta kavana vse slabše delala i skorom navek bila prazna.. Politikanti su i drugde imeli bolše skrita mesta za luksuz terati..a direktori su takaj rajše hodili po bogatim brtijama ždreat i pit neg tu v Kavani Opera grickati kifleke..
Pa da bi se kakti nekaj tu pobolšalo stanje.. spametne su tikve uredile velku salu na polukatu znad Kavane.. Do gore su pelale široke mramorne štenge z črlenim kosmatim tepihom kaj se je mogel na jenom kraju štengi namatat..a na drugom odmatat gda bi se zamusal.. No.. na tem polukatu je bilo zdaj ..se reče.. predviđeno više tega za špilat.. Gda zatreba bi se posložili stolci i bilo je tu moguče držati velke zestanke.. su rekli..sjednice.. A drugač pak tu su mogli potrebiti priređivat bankete.. priredbe.. plesnjake i druge špelancije.. Ha.. pa nit to ni na dugi rok potrajalo.. malo su tu dolazili na te bankete politikanti.. malo direktori i strajnski državniki.. i.. pak je vse postalo mrtvo .. Kaj zdaj..
I se dosetil pak nekakšni spametni i z vanjske strane spredi te staklene kištre je zporavnat travnik.. nakeljen je taki mramor..al bjeli.. i naređena je vanjska terasa kak to i takšne kavane po svetu imaju.. Narafski.. i tu je vse bilo kak na Habsburškom dvoru.. Al..kaj.. dva su leta prešla.. Zagrepčanci su več i pozabili na tu rugobu na Kazališnem trgu ..spredi je oni posađeni grm zrasel visoko.. pa se ta Kavana Opera opče ni vidla z ceste.. malo gdo bi tu nekaj došel spiti.. I jenog dana.. Kavana Opera je zaprta.. lokot na vrata i .. šlus… Jeno leto dni je bilo zaprto pa su spet Zagrepčanci jamrali da je nekaj tak skupoga i luksuznog naređeno..a zdaj zjapi prazno .. I došli su na red obični mali ljudi.. Zagrepčanci.. Kaj.. Kavana je otprta ..al se više ni zvala Kavana Opera.. neg samo Opera.. Makar je znutra vse ostalo onak luksuzno vređeno.. vse su cjene spale kak i v obični brtiji.. Nit to ni pomoglo da bi se tu negdo začel okuplati.. Sama ta hiža je nekak v šturcu pa tu zapraf ni bilo nikog gdo bi tu zalazil.. V susedctvu je bil Grafički zavod Horvacke..al su vsi grafičari išli lokat i žderat po brtijama v Frankopanski.. Profesori z susednog Pravnog fakulteta su išli od navek v Kazalištnu Kavanu z druge strane trga.. a z ove strane su ostali sami učeniki z te umjetničke škole..a koji v to doba nisu išli po brtijama kak to denes delaju.. I kaj.. Opera je i dalše prazna..



Se razme.. navek se najde nekakšna spametna tikva kaj bu problem rešila.. V to vreme su več navelko začele one čage.. plesnjaki po našemu Gradu.. tak je i vizavi z druge strane Kazališta bil oni Tucman..al je i zpočetka bila čaga v ogromnem podrumu spodi umjetničke škole.. današnjeg muzeja.. I taj negdo spametni je odlučil da bi i tu v Operi mogla bit čaga gore na polukatu v oni ogromni sali.. Dakle.. stolce su nekam zrivali.. naredili podesta za muzikaše.. dole v prizemlu proširili garderobu.. Vse je tu .. i dvorana i brtija i najlepši pogled čez kristalne šajbe.. Tak je jene subote tu začela čaga.. I makar je bilo po celomu Gradu proglašeno.. t subotu ni došel nit jen jedini par na plesnjak.. Zabadaf su glavonje za taj put ..se reče.. angažirali one fest poznate Crvene Koralje.. koji su svirali jeno pol vure v prazni sali..
Sledeće subote je pak bila tu čaga.. došlo je tekar nekolko mladih.. malo su gledeli i prešli dalše.. Vrabec ga dal.. ni to bilo dobro zamišleno.. taj gdo je to sve zgruntaval ni pojma imel kaj treba delat.. No.. zdaj je celu stvar v svoje ruke zela uprava socijalističke omladine.. Trebalo je tu sramotu popravit i plesnjak je moral bit..
Eee.. da bi sledeču subotu napunili tu plesnu salu.. po vsim srednjim školama v našem Gradu su podjelili bezplatne ulaznice i naterali nastavnike i profesore da snubiju mlade iti na ples v Operu.. Narafski.. nastavniki su te ulaznice podjelili najbolšim učenikima pucama i dečkima .. vse su same štrebere zabrali kaj nit nisu znali kaj je to prava čaga.. I vse je to bilo vudreno na velka zvona ..a taj put buju na tom plesnjaku svirali VIS Stranci.. vse mladi muzikaši takaj srednjoškolci.. I moj dobri pajdaš još iz osmoljetke.. Maky. je med njima sviral.. Nararafski.. ja z svojim pajdašima nisam nit bil blizu da bi mi tam išli.. Se znalo kam mi pemo na čagu.. Tucman.. Streljana.. Tuškanac.. Dverce.. Lika..Tvrtkova.. Lapidarij.. Bi nas vrag nagovoril da pemo v nekakšnu Operu..a se i znalo da buju tam profesori i nastavniki špijunirali..

Al je ipak tu subotu došlo do preokreta.. Najme.. neke pucice kaj su trebale dojti v Tucman.. v svojim školama su dobile te ulaznice za Operu.. i kaj.. lepo su nam poručile da se vidimo v Operi.. Hmm.. se razme.. kam ženske tuda i mi.. Istini za volju nemamo mi ulaznice ..al svejeno pemo tam.. več v sedam vur gda započne čaga nutra v Operi je bilo vse puno fine mamine dječice.. štrebera.. jumferica..al je bilo i oneh stareših gimnazijalaca.. a kasnejše se pripovedalo da su i študente nasnubili tu dojti.. I tak tu večer vsi dečki z Zrinjefca i okolnih bandi su prešli v Tucman i okolne čage.a nas četvorica pemo v Operu.. Čuj.. puce čekaju i mora se iti gda se zna da se posle čage pe v špancirung v Tuškanac..al na Grič..
Nutra v Operi je dole v brtiji bilo par stareših..kasnejše se čulo da su to bili nastavniki i profesori.a znjima i nekakšni delegati z Saveza socijalističke omladine.. jebal ih vrag vse skup.. No.. gore na polukatu v sali se več čula muzika.. čaga je navelko trajala.. Nas četvorica.. Mic..Ja.. Pacof i Bera.. došli smo na ulaz i tražili da pemo nutra i da bumo platili ulaznicu.. Al na vratima su bili nekakšni malo vekši stareši gimnazijalci kakti redari i rekli nam da mi nemremo nutra jer nemamo ulaznice kak i drugi.. Velim ja njima da bu jen od nas prešel gore naše ženskice pokupit i da mam pemo dalše.. Nedaju oni nit to.. Pacof se razpizdil i gurnul dvojicu i odhajbal nutra do štengi al ga je tu jen od oneh majmuna zveknul po tintari.Taj čas su se tu stvorili još njih barem deset i mi smo zaklučili da je bolše nestati neg batin pobrati.. Pacof si je dobro zapamtil oneg kaj ga je vudril..i mi smo znali da bu taj kad tad najebal gda ga Pacof samog vlovi.. I kaj.. prešli smo kak potučeni cucki v Tucman..

A v Tucmanu barem dvajset naših i onih kaj se računaju kakti naši.. Bil je tu Feri.. taj je bil poznati po celoj onoj bivšoj državi.. Feri je bil v to vreme najteži človek v državi.. imal je stošezdeset kila žive vage..ha.. Zgledel je kak velka mesnata kugla z koje viriju tanke noge..Al je Feri bil dalko hitrejši neg bi si to negdo mogel zgruntat.. Da si ga videl samo kak je driblal na dva mala..a na čagi je plesal kak da je velka balerina.. Feri je v to doba bil glavni v naši bandi na Zrinjefcu gde je i stanoval.. Bil je on fačuk jenog oficira i Zagrepčanke a rođen je v Zagrebu makar ga je taj oficir naredil tam v Bihaču.. Pravo ime Feriju je bilo Emeriefendić Ferid.. ha.. a Zagrepčanec.. Navek je pripovedal da bu si kakti drugi mesec išel ime spromenit..pa je na koncu i vmrl z tim svojim imenom.. Narafski.. Feriju je malo koji frajer v Zagrebu dorasel gda je bila v pitanju kakšna tučnjava.. Tu su se večer v Tucanu našli osim naših fakina Žifko i Emil z Trnjanske ceste a koje smo mi dobro poznali.. Bila su ta dvojica glavni na Trnju.. Bili su tu i fakini z Berislavičeve.. Albus i Begonja.. pa braća Jerbić z Ilice.. brača Žuti z Mrazovičeve.. vsi Vukasi z Petrinjske.. Braco i Pišta z Gornjeg Grada.. Vglavnom armada kakšnu si moreš poželet za pravi rat vodit.. I kak smo mi tu stigli pokunjeni i Pacof z kvrgom na tikvi.. mam su se naši okupili i zpitivali kaj je bilo.. Narafski.. mi smo celu stvar napuhali i zažgali da su vsi mam šteli prejti prek na drugu stran Kazališča i sredit stvari.. No.. nas jeno dvajset smo zišli van z Tucmana i lepo naredili ratni plan.. Zdaj nas četvorica kaj smo dobili fusingus pemo prvi nazaj na ulaz v Operu i iščemo da nas pustiju nutra.. a ostali buju sakriti iza ona dva velka grma.. Pa ak nas ne pustiju.. mi mam moramo započet tarapanu..a ostali naši buju uleteli.. Dakle.. lepo mi prek ceste i čez Kazalištni trg praf prek travnjaka prema Operi.. Nismo naredili nit deset korakof..gda nam v susret pe.. vrabec ga dal.. Folna z Palmotičeve.. Prvi put smo teg razbijača vidli uredno oblečenog.. Imel je tamno sivi ajncug.. z ogromnim reverima.. belu rubaču i nekakšni štrik okol vrata.. Narafski.. počešljan ni nigdar bil.. Za ruku je pelal nekakšnu frajlicu i debelo se začudil gda je nas videl v onakšnem velkom čoporu.. Smo mu pojasnili da se pemo razračunavat v Operu.. taj čas je svoji frajlici rekel da nek ga malo pričeka spredi Tucmana..kati bu se on za čas vrnul.. I još je Folna naredil našem Žoharu da nek odbeži v Ilicu v Dverce i pokupi Tarzana i braču Vugrince jer ih je tam videl…



Dakle.. evo nas četvorice pak na onim staklenim vratima i da bumo zašli nutra.. Brže bolje par oneh redara kaj su bili pri ulazu krene spram nas.. Ehhh.. Pacof ni poštival dogovora.. gurnul je vrata i zaletel se praf v tikvu baš onem kaj mu je pred vuru vremena kvrgu naredil na čelu.. Of je opal kak daska na marmorni pod.a pacof si je nastavil cipeliše o nejga brisat.. ja sam se zaletel med ostale a i druga dvojica za menom.. I dok smo se mi pokefali z ovim tu.. najemput su se razletela ona staklena vrata na ulazu i od njih je ostala na pantima viset samo jena štanga z kvakom.. Narafski.. Folna i Feri su skup najemput prošli kroz vrata.. za čas su vsi naši bili nutra v prizemlju.. Neki su naši krenuli po štengama gor v salu..al su se od zgor začeli zaletavat prema dol oni gimnazijalci..študenti i ostali fini mužki.. Nastala je takšna gužvancija med vsim onim stolima i stolcima da je na vse strane letelo razbito staklo.. One vse frajlice kaj su bile tu na plesnjaku skupile su se na vrhu štengi i kričale kolko su mogle..neke su plakale..a neke su med nami bežale van.. Oneh par stareših ljudi.. kasnejše se čulo da je jen bil iz one črlene omladonske organizacije..a još trojica znjim su bili nastavniki i profesori.. Oni su se skup z konobarom i šankmeštrom zavlekli v jen kut i tu gledeli kaj se događa.. Narafski.. Bajsu su kak i navek prvo pukle hlače..pa onda i kaput.. Feri je svojeg kaputa svlekel i hitil nekam i onak samo v razdraplenoj rubači mlatil okol sebe.. Zapraf.. Folna i Feri su morali iskati koga buju zmlatili jer su vsi v ti gužvanciji bežali od te dvojice.. Ico.. Glavonja.. Mic i Ja smo se mlatili z onem fakinima baš na samim štengama..a dečki z Berislavičeve.. su več bili gor v dvorani i začeli lemat one kaj su se gor med ženskami skrili.. pa su vsi skup od zgor začeli bežati dol i par njh se razteplo po štengama .. Sva sreča kaj je bil debeli tepih ..

…………..Najemput su nutar navali panduri z pendrekima i začeli mlatit koga su stigli.. i mužke i ženske.. I tu ni bilo moguče nikaj drugo neg se pokefat i z pandurima.. Zdaj su se stvari skroz na skroz zmenile.. I mi fakini i oni dobri omladinci i študenti smo se skup začeli mlatit z pandurima.. Nigdar nismo saznali gdo je pandure pozval..al bilo ih je barem petnaest..
Eee.. tu je Folna došel ..se reče v element.. Ionak je te pandure imel na piku kaj su ga fort po Gradu kažnjavali zbog vozačkih prekršaja..pa zbog cirkusiranja z motorom.. i još za kojekaj je imel putra na tikvi.. Folna je zgrabil onu železnu stolicu i hitil ju med pandure da ih je mam pet opalo na pod.. Feri je več njih nekolko pošlihtal po podu okol sebe.. a mi ostali smo se z pandurima nateravali i mlatili gdo je koga prije stigel.. Velki del vsih kaj su nutra bili su uspeli čez razbijene izloge zbrisat van.. ženske ni nit jene bilo nutar.. samo mi kaj se nismo šteli predat pandurima.. Mene je jen pandur z nogom opalil v leđa pa sam opal na kolena na onu gomilu stakla po podu.. A to su bile te kristalne šajbe specijalno naređene da gda se razbije prejde v sitne falačeke velke kak bažul.. Pa je tega stekla bilo naokol da bi mogel z lopatom grabit .. Feri je nekak z pandurima zašel pozadi šanka i za par časaka ni od šanka nit od oneh stalaža z pijačom ni ostalo ništ.. I Feri i panduri su se valjali na podu med staklovinjem .. Bajs je kak je zgledelo dobil z pendrekom po tikvi pa je sedel na podu i bil saf krvavi prek face.. Pacof je imel nekak čudnovato zvrnutu ruku.. posle je ispalo da je na tri mesta pukla.. Folna je zakričal da bežimo odostrag jer su tam nekakšna vrata prema dvorišču .. On i Feri prvi.. pa mi ostali.. Mic.. ja.. Žuti.. Albus i Begonja.. Fistrići.. Blizanci.. i kolko nas je još tu ostalo.. još smo držali na plečima batine dok smo se vlekli prema tim vratima.. Meni je z kolena tekla krf da mi je puna cipela bila.. Kaputa i kravatlina več nis imel od gda je vse začelo.. pa sam i ostal brez manđet gumbi kaj sam ih tateku po skrivečki zel.. Je.. bila su velka vrata ..drvena visoka i široka.. Al zaklučana.. Albus je opali po njima z nogom..kak v kaubojskom filmu..al mu je izgleda samo noga pukla a vrata su ostala na mestu.. pa su se Folna i Feri skup zaleteli..vrabec ga dal.. cela ta vrata zkup z štokima su odletela v dvorišče i opala na parkiranog črnog mercedesa.. bili smo v kmici v tem malom dvorišču.. panduri nisu za nama bežali jer smo uzput porušili i nekakšni velki ormar i zakrčili puta ..
I kaj.. z dvorišča se moglo na Prilaz al je prije slobode spredi nas bila železna ograda.. debela ..barem tri metra visoka i zaklučana.. Pa ni to morti nebi bil nekom od nas problem spentrati se prek..Al je baš spredi bil sparkiran milicajski avto..oni Tristač i dva pandura pokraj.. Nema se kaj neg natrag nutra pa kaj bude.. Tučnjava je bila zgotovlena.. pandura je bilo kak da je revolucija začela..i mi smo se našli zmed dvajset ostalih kaj su ih panduri polovili.. Jen del je več bil v onem kombiju kaj smo ga zvali Črna Marica.. drugi su v vuglu morali sedeti na podu.. Čim smo se mi pojavili mam su panduri skočili na nas i hitili nas na pod med staklovinje.. Vsi smo bili zgrebani.. natučeni.. zrezani od stakla.. Feriju je z leđa viril komad nekakšne treske kaj mu se je zabil v meso gda je proletel čez ona vrata.. Ni to nit primetil onakšni debeli.. Mam su panduri nazvali Hitnu pomoč.. Kak smo sedeli na podu na hrpi.. šteli smo raufati cigaretline ..al nam panduri nisu dali.. I vse je naš Folna podnesel al da bi mu negdo zabranil cigaretlina zaraufat.. to ni mogel podnesti .. Zdigel se je z poda.. a bil je još bolše razčupan neg inače.. sav zamusan i krvavi.. pa je odrapil najbližeg pandura tak da je of opal tri metra dalše i još pokupil dvojicu z sebom.. pa je zgrabil oni železni stolac i hitil ga med ostale pandure i odjuril čez razbiti izlog van spram Kazališta.. Proletel je čez one velke grme i nestal.. Par pandura je potrčalo za njim..al kaj.. su se začas vrnuli nazaj.. jen je rekel da je Folna valjda trajvan preskočil gda je tak uspel pobeči.. Za Folnom se još par fakinov dalo v bjeg i uspjeli su nestat.. Mi ostali smo vsi završili podrapani i zranjavani na Prvoj milicajskoj stanici na Štrosmajerovom trgu..
Nebum zdaj pripovedal kak je tekla ta adminištracija pri pandurima.. celi sledeči dan je to trajalo..a po neke od nas su morali dojti roditelji.. Feri je završil v bolnici v Draškovičevi skup z Pacovom, kojem su zagipsali ruku.. Bajs je ostal v bolnici ..je imel potres mozga.. drugi neki su ostali na šivanju rana .. Albus je zdrobil vse prste na nogami gda je odrapil ona vrata z nogom.. narafski je dobil gips do kolena.. pa je drugi dan zajebaval pandure da mu se potpišeju na to..

Vse su nas pustili treti dan domof z Petrinjske na broju dvadeset.. tam je negda bil v dvorištni hiži zatvor.. Narafski.. vse su nas na kipec deli.. zeli otiske prstiju.. vse moguče podatke zeli.. Bilo nam je rečeno da bumo vsi dobili poziva na sud ..
Moj se tatek fest najezil na mene zbog oneh manđet gumbi za rubaču.. su to bili lepi pozlačeni .. mu ih je nekakšna šoca poklonila.. Al se hitro primiril gda je čul na milicijski stanici da sam krif stoga kaj sam dva pandura vudril tak da su na pod opali.. Mam me je začel tapšati po leđima da sam skorom ja opal na ona svoja kolena puna staklovinja.. To mi tek treti dan domof moja baka..plemenitašica.. zvlekla z pincetom.. Još i denes se vidiju ožiljki od tega ..

Na sudu smo nakon par meseci dobro prešli.. Vsi stareši dečki su dobili uvjetnu kaznu zatvora od jenog leta..pa na tri leta kušnje.. Feri i još dvojica su dobili šest meseci zatvora v Turopolju..ostali pa opomene i nadzor socijalnog radnika.. Feri je prije zatvora zbrisal svojem starom v Bihač.. pa se više ni nit vračal v Zagreb.. Tek nakon dvajset let si je došel po mamicu kaj je več na umoru bila.. Folnu nisu nigdar vlovili po tom pitanju..al je imel on z druge strane z milicijom i sudom dost posla.. Folna ni više dolazil na Zrinjevac.. nis ga nigdar nit srel kasnejše.. Pred par dni sam čul od jenog starog pajdaša da je Folna pred dva.. tri leta vmrl .. Navodno da je celo živlenje bil kak i negdar v mladosti.. fakin ….. Ostali smo se još viđali.. susretali.. pajdašili ..al je hitro došlo vreme pa smo se razišli.. negdo v vojsku.. negdo se oženil.. neki su zbrisali v inozemstvo .. neki se nekam preselili.. začeli smo delat…i tak……

Narafski... cajtunge su sedam dni navelko škrabale o tem događanju..kak da je začel treti svecki rat.. Vse su dupelizci novinari na hrpu deli z Bitlsima.. Rolingstonsima.. električnom glazbom.. čagama..kao pojavom navale kapitalističkih ideja s zapada....
Opera je dugo let bila zaprta prije neg su tu staklenu rugobu zrušili i naredili današnju Muzičku Akademiju.. NIgdar više posle one tarapane ni tam bilo plesnjaka .. Bila je obična brtija v koju nigdo ni zalazil...

Več sledečeg leta sam zaglibil v zatvoru..al na kratko.. Bil sam med vodečim koji su v Zagrebu začeli onu študencku revoluciju.. Narafski.. revolucija ni uspela.. batin sam pobral kak vol v kupusu.. i zabiležen kakti antidržavni element.. I to je nekak odredilo moje dalnje živlenje.. No.. to je posebna pripovetka ……………..

Serbus ………………

Kmica… a moj Zagreb blešči ………….

utorak, 11.11.2014.

Da nebi gdo zgruntal kak se ja bojim kmice pa samo prijepodneva španciram čez moj Zagreb..Maaa.. neee.. po danu navek imaš nekaj za zbaviti pa je to zato tak.. A ja kak pravi Zagrebački fakin.. sam navek imel rad moj Grad po kmici.. Zapraf.. negda davno sam čak više plazil naokol po kmici neg po suncu .. pa valjda si negdo ne zamišla kak je lepo curičku na klupi v parku za nogu držati vsred dana gda te vsaki vrag more videti.. pa onda mužki sliniju.. a babe se zgražaju i odmahivaju z tikvom.. Eee.. kmica je bila za te stvari.. pa i za fajn tega drugeg … Svakaj se more po kmici …………

Pogleč kak Ilica blešči.. A gda ju buju za par dni još i zakitili z onim Božičnim lampašima.. eee.. to bu kak v Betlehemu.. Maaa.. drek.. v Betlehemu ni nigdar bilo štroma pa nit denes ga ni.. velim ti ja … Zagreb je Metropola.. a ne oni Beč i Pariz.. pa fajhtni London.. Aaa.. kaj je moj Zagreb.. takšneg nigde na svetu ni ………..

Pa makar je oni dež celo leto sral odzgor..zdaj nam je naša Zagrebačka jesen bormeš lepa.. Več par dni je toplo kak da si na Portoriku.. moreš se v ajncugu sprešetavat.. Tak i ja.. oblekel sam si črni ajncug.. črnu rubaču.. črne cipeliše.. vse črno.. kak raufankaš zgledim.. da mi se tikva ne svetli kak mesec na nebu … mam bi se negdo zapiknul v mene..

I cvetja ima kolko ti srce poželi..al kolko tvoj žep more zdržati.. Hmmm.. Al ni kavalirof kaj bi ga kupili.. Znaš.. više nekak ni moderno pucama.. ženskama.. šocama.. cvetje nosit.. Eee.. negda si nisi mogel zmislit na rendes prejti brez kakšne rojžice.. čokolade..al škatule bombona … Denes je važno imati Marbolo v žepu.. v ruki oni fujfon.. v vuhima one žnore.. i držati žensku okol vrata kak da buš ju zadavil.. Eee.. gda je prešlo ono lepo vreme …………

A NAMA v Ilici odnavek svetli kak carska palača.. V moje doba je to bila jedina ..se reklo.. robna hiža v Zagrebu.. I navek je bila puna ljudi kak čekaonica tretog razreda na Kolodvoru.. Pa su se nutra ljudi sprešetavali i gledeli ..sprobavali robu.. obleku.. nekaj i kupili.. A gda su nutra zmontirali one .. se reče.. pokretne štenge.. eee.. to je bil pravi špilšul.. Su se ljudi pelali kak mala djeca..gor dol.. celi je Grad Zagreb tu dolazil i vredu se čekalo da zajdeš na te štenge.. A ljudi peju samo gor dol.. Vrabec ga dal.. su bile te pokretne štenge tak pune da su vsaki čas poskakali ziherungi od štroma.. I onda su pokraj štengi postavili stražare.. gda bi vidli dečurliju kak se hočeju pelati,, mam bi ih zvlekli z hiže van..a i odrasle su vritnuli gda bi vidli da se fort jeni te isti pelaju gor dol.. Denes je Nama takaj robna hiža..al nit blizu kak je negda bila.. Malo gdo zajde nutra.. fort je prazna.. makar nigdo više ne pazi na one pokretne štenge.. Više to ni nikomu interesantno …

Viš.. na Trgaču spodi stare vure navek negdo nekog čeka.. To je od davnine poznato mesto za rendese dogovarat.. Gde se najdemo.. na trgaču spodi vure.. pa je okol vure navek tolko ..največ mladih.. da moraš dobro gledeti gde je ona koju ti čekaš.. Lahko se z mužkima dogovarat.. Veliš mu v koji brtiji i to je to.. Al žensku nemreš naručit v brtiju.. Zapraf.. denes ni to ništ čudnovato da ženske same zajdeju v kafiče.. Negda se to ni samo tak moglo.. pa si onda rendese..kak smo to nazivali.. sudare.. imel vani na vsim poznatim mestima.. Na Cvetnom trgu se rendes dogovaral pokraj telefonske govornice.. eee.. nema je več dvajset let i više .. pa na vuglu Ilice i Frankopanske pokraj kioska z cajtungami.. na Zrinjefcu pokraj paviljona.. na Đamiji pokraj vodoskoka… i tak… Malo sam si stal tu spodi vure.. vse nekak bedasto zgledim med tim mladima.. A i oni mene glediju..onak.. sumnjivo.. Kaj taj starkelja tu dela… ha .........

I dojde vreme da se mora dalše.. makar bi ja tu mogel do polnočke stajat..tak mi je lepo.. Al znaš.. pem v Kazalište Komedija gor na Kaptol.. daje se ..veliju.. mjuzikl.. Spli'ski akvarel.. A ja ti imam godišnju pretplatu na svoja mesta v kazališču.. več više od četrdeset let držim četri mesta v prvem redu.. Znaš.. ja sam pretplatu nasledil od svoje bake.. plemenitašice.. ta je imela svoja mesta po vsim Zagrebačkim kazališčima.. No.. je v Komediji imela mesta v tretom redu.. pa je meni dugo trebalo dok sam se dograbil za prvi red.. Najme ..v prvi red moreš dojti samo ak negdo kaj tu drži svoja mesta .. vumre.. A ja sam dobro pratil jen stari bračni par kaj su sedeli v prvem redu.. valjda su imeli okol sto let vsaki.. Lepo bi njih dopelal spred Kazališča taksi.. pa bi se nekak dovlekli do prveg reda.. i onda.. spali su vse do kraja prectave.. pa sam se ja par put ponudil da bum ih pelal domof..a stanovali su v Martičevi vulici dol pri kraju.. I tak.. gda su se jemput fest razboleli..ja sam njih posetil domof i su oni pristali meni ustupiti svoja mesta.. čak nisu šteli ni peneze za to.. I tak sam se ja dokopal prva dva mesta .. Eee..zdaj su mi falela još dva mesta tak da morem ja i djecu svoju smestiti v prvi red.. Pa sam pital ženskicu kaj je po tim pitanjima delala v kazališču Komedija.. prešla je več davno v penziju.. da kak bi ja još dva mesta zgrabil.. Pa mi je kazala da nek čekam gda bu drugeg leta nanovo obnova predplate..pa ak gdo zakasni..al otkaže svoja mesta.. morti i vumre.. onda bu mi ona javila.. I vrabec ga dal.. baš pokraj moja dva mesta ljudi se nisu na vrema javili da im se bezecira.. Samo sam jen dan čekal.. i sam nasnubil tu ženskicu da mi odredi ta mesta za mene.. Narafski.. je to bilo vreme gda bi meni malo koja kaj odbila.. i tak ja več tolka leta imam svoja četri mesta.. A baš je dobro v prvem redu.. moreš si lepo noge zpružit .. moreš se komotno zdignut i prejti na scanje al nekaj si spiti v kafič.. moreš se nalukavat dole v podrum gde orkestar svira.. a bormeš se i nagutat prašine gda oni glumci skačeju po pozornici kak norci.. Aaa.. jeee.. da samo znaš kak je dobro tak zblizine gledeti balerine kak špilaju… eee.. vse osetiš kak mirišiju.. A meni moja najdraža koja.. narafski.. sedi pokraj mene veli.. Gledaj stari..gledaj.. sline ti več curiju…………… Aaa.. jee.. je ….

Serbus ……….

Bok puce i dečki ………

ponedjeljak, 10.11.2014.

Nekak mi vreme tak hitro leti da ga nit črni vrag nebi zabremzal.. leto je prešlo..kak zgledi nit ova jesen nebu do vjeka trajala..Al još oveh par dni treba skoristit kak se spada a to bi se reklo ..špancirati se naokol.. Makar oni prognostičari lažeju da se vse praši gda pripovedaju kakšna bu bila zima.. jeni veliju da bu snega do kolena.. drugi da bu bormeš ljudima do vuha.. treti trdiju da se buju za koji dan beli medvedi začeli tu pri nami sprešetavat.. A oni malo pametnejši kažeju da bu zima postala ljeto i da buju palme začele rasti na sred Trgača… Ja bi vse te prognostičare strpal v jen podrum i nebi ih zpustil vse dok se ne dogovoriju kaj je zapraf prava prognoza.. Baš neki dan gledim .. na Horvackoj televiziji trdi ona Picekica da bu lepo i stabilno vreme.. se veli.. anticiklona.. pa onda okrenem na Novu TV.. tam oni žgoljavi zalizani prognostičar trdi kak dolazi evropska anticiklona i da bu kakti dež curel.. Pa okrenem na oni Alđazera.. a oni teroristi veliju da bu vsega pomalo.. i oblakof.. i sunca.. i kiše.. I na koncu si ja zgruntam da ti prognozeri samo peneze pobiraju a nami prodajeju maglu …
Najbolše ja pitam vjutro svoju punicu kakšno bu vreme.. a ta ti je zmislila kalendar i prognozu još prije oneh Maja.. I veli ona meni.. Brez brige peš van samo v rubači.. oblaki su visoko.. vjetra ni.. znočka je bila mesečina.. vreme bu za poželet.. No.. na koncu konca moraš nekomu i poverovat.. I tak ti se ja lepo sprešetavam po našemu lepom Gradu Zagrebu.. pa ti se tak najdem posvud.. gde me treba i gde me ne treba.. malo sam se došel pospominat z starim Gustafom tu v Staru Vlašku..

Cveteki se još dobro držiju po kandelaberima.. to bi se reklo da naš Zagreb mraz još ni opral.. Sprehodavam se naokol.. kak da sam našvasan.. Bi ga vrag znal kaj to človeku dojde.. Peš.. ideš.. hodiš.. baš te briga za celi svet.. Nekak v zajdne vreme nigde nikoga poznatog nemreš susresti.. kam su se vsi deli.. Hmmm.. sediju po brtijama.. zdaj su im pristigle penzije pa imaju peneze.. a gda dojde mjesec kraju.. eee.. onda se vsi pomalo samo španciraju.. A tak ti je to ..Nikaj veselog nit za videt nit za čut.. Bil sam malo pri pajdašima dole v Safski.. oni tam čubiju i fort nekaj iščeju.. bi ja rekel da nit sami neznaju kaj.. Gradonačelnik naš.. oni dotepenec z bregof.. je zbrisal na odmor.. pa se ništ po Gradu zanimlivog ne zbiva.. Maaa.. vse je to politika.. fučkaš to … Na.. tu v Preradovičevi je nekakšni bedak začel z pištole streljati naokol pa su vse panduri zabremzali.. nit nemrem projti kam ja hočem… Zgledi da je celi svet ponorel ………………

Na zajdne bum si ipak malo sel na to blago jesensko sunčeko.. tu na Malom Placu.. Milina.. tu ni prvelka galama.. na placu skorom ništ denes.. a i kafiči su napol prazni.. To baš človeku treba.. Hmmm… nebi škodilo da je tu i kakšna prijatelica.. al bi ga vrag znal kam su vse zginule.. Nit jene jedine nigde ni.. Tu i tam se javiju na telefona.. nekaj na oni SMS.. i to ti je to.. Kog vraga fort imaju za delat.. Z tim ženskami nigdar nisi na čisto.. Zove me.. narafski.. onda ja pol vure slušam ..zapraf.. kulturno mučim a ona pripoveda i pripoveda.. moreš ostavit telefona na stolu i prejti si cajtunge prolistat..pa za pol vure nazaj na vuho deti telefona.. ta još dalše vergla.. Al ja sam z fine hiže zišel pa ja vsako malo promumlam.. Daa… Jeee… aha.. i tak tolko da zna da ju ja slušam.. pa to nju nit ni briga.. važno da pripoveda.. I zmed ostaleg me pita da gda bu me vidla.. Eeee… vrabec ga dal.. mene to pita a ja sam vsaki dan v špancirungu po celomu Gradu.. al pak domof sedim i zjake prodajem .. a ona mene pita gda bu me vidla.. A da joj veliš.. zutra se najdemo…aha.. baš zutra nemre..a prekzutra ima nekaj drugeg.. a morti bu drugi teden bila fraj pol vure… i tak dalše i tak dalše … na koncu vse bude onak kak se bu slučajno potrefilo …I dok si tak pomalo gruntam.. i nekakšni oblaki prihajaju.. a čim sunčeko zajde za oblak.. mam je drugač.. pa bum se ja polahko zaputil domof.. Nafčer pem v moje Kazalište Komedija.. špilaju.. Spi'ski akvarel.. Baš bu to zabavno.. sam ja to gledel več par put v svojem živlenju.. zajdni put je još bil žif oni naš glumac Boris Dvornik.. eee.. kak ljudi zgibaju..pa ih nigdar više ni ………

Maaa.. kaj… Serbus ……………..

Bu nekaj …..

srijeda, 05.11.2014.

Znad Zagreba su začeli prihajat črni oblaki kak črni mački.. sam se valjaju i vse nekam na moju stran .. Pa je.. narafski.. ja sam tam spodi Medvedgrada ..taman na štrafti spram coprnjačkog ceha .. I dok se ja tu šmucam okol Kazališča.. javlaju mi od zdoma da je začel i nekakšni veter puhat kak nori.. Jeee.. a kaj.. odgovaram ja.. vrag jebal te mobitele.. zovite me gda mi veter krova odnese … Hmmm.. valjda nebu takšneg vetra.. a osim tega.. ja sam pred tri leta celoga krova zmenil i naredil znova po Švabskim regulama.. Bi se sam vrag moral doč kopitat po mojem krovu kaj bi ga zrušil.. A z druge strane.. ja i taj gospon Vrag smo v jako dobrim.. se reče.. odnosima.. pa ja baš ne kunem preveč..al znam kazat.. Jebal ti vrag mater.. Pa to znači da sam ja lepo vragu ponudil nečiju mamicu.. kaj ne.. Paa.. vidi to vrag …ha …

Ha.. pa kaj gruntaš kaj ja tu spodi Kazališča delam.. Bi lagal kak mi je baš tu tak lepo stajati.. Maaa.. čekam deset vur da mulec otpre blagajnu.. javila mi je moja najdraža da nek se navrnem v Kazališče i na blagajni iščem več rezervirane ulaznice.. Za koga.. pitam ja nju.. Veli ona.. Za Anu Karenjinu.. . Pa vidim ja da je tu predctava Ana Karenjina..al pitam za koga su ulaznice.. Za mene.. veli moja i kesi se kak nora.. Jeee.. čekaj malo.. pa ne misliš valjda da bum ja išel z tebom to gledeti.. Pa gledali smo to pred par let i još me rebro boli kak si me podboltala kaj sam začel hrkati.. Neee.. veli moja najdraža.. nejdeš ti..
Uhuuh.. več sam se zašvical kak sam se sprestrašil da bum moral spet gledeti tu Anu.. No.. dobro je.. pe moja z prijatelicom.. narafski.. a ja bum zdaj ulaznice platil.. Makar i to samo da me to zaobide.. Znaš.. imam ja domof tu libru na stalaži.. davno sam ja to pročital.. pa sam i z mojom pred par let to gledel baš tu v Kazališču.. Hmmm.. dobro je videti te balerine kak se vrtiju.. glediš.. glediš.. glediš.. … i onda najemput.. više ne glediš.. dok ti ne doleti lakat pod rebra..
Aha.. evo starog lakeja v livreji.. otpire vrata dve minute posle deset vur.. I makar sam ja tu prvi pri vratima stal.. dve sredovečne larfe su tak na brzinu zmigoljile spredi mene da sam ostal v čudu.. Smije se jedna i veli meni.. A ko vam je ..gospon.. krif kaj ste tak polahki.. Nikaj nikaj.. velim ja samo vi dajte.. i još sam jenu fest mladu zpustil spredi mene.. A ta je imela dobro našpanate hlače na riti.. baš onak kak treba.. i visina.. i širina.. vse paše.. Za težinu ni važno.. još ni jen miš ni spodi velkog kupića stradal …ha ….
Zdaj pem domof.. sam pustil obloke odprte.. pa da zbilam taj veter nebi kakšneg srajna naredil… Zutra bu veliju dež curel.. fala Bogeku.. pa sedam dni je bilo mira od te vode z neba.. Znači.. pak buju ambrele na kipecu …

…….. Serbus ………………

Viš …………..

utorak, 04.11.2014.

Jutro je sasvim lepo začelo.. ništ magle znad Zagreba.. poneki oblaček.. pa nit ni da bi se reklo.. friško.. taman kak da je jesen tekar začela.. Pa to svakak treba skoristit i malo se sproluftat.. Sunčeko namiguje.. meni ja namigujem njemu.. Pa bi si najrajši sel na klupu tu v parku na Starčevičevom trgu i malo zadremal.. Ha.. tak mi je nekak došlo.. A gledim ti tam onu našu Esplanadu.. Aaa.. lepi je to.. velki i stari hotel.. jen od naših najbolših .. Pa bi se svakaj o tem hotelu dalo pripovedat.. cela libra naškrabat.. maaa.. gdo bi to čital.. Znaš.. al ti je i tu negda bil plesnjak.. No.. pa to je tu bilo ..se reče.. hoh … narafski po ljetu vani na terasi.. pa to ni bilo samo onak.. dojdeš platiš ulaznicu i vse si rešil.. Brus.. Tu si na ulazu platil.. se reklo.. konzumaciju.. pa se više ne sečam kolko al je bilo to fajn skupo.. Za te peneze si mogel celi teden v brtiji dobro cugat.. I tak.. platil si.. zašel nutra i tu si sa strane na toj terasi dobil svoj stol i svoja dva mesta.. Narafski..ak si došel z kašnim ženskim komadom.. Pa tu su retki mužki dolazili sami..a ženske još manjše.. pa je bilo i takšnih ..al se mam znalo da su to kurve kaj tu imaju svoju skupu štraftu .. No.. si dobil svoje mesto.. a si za te peneze kaj si platil dobil i jenu pijaču po svojem izboru .. vse ostalo si dalše plačal sam.. Bum ti onak po pravici rekel.. ja sam tu bil samo tri put na čagi.. kak prvo.. tu si moral bit zbegecan kak da peš Hajle Selasiju v audijenciju.. drugo.. tu je glazba kaj su svirali muzikaši bila malo ozbilnejša neg po ostalim čagama v Zagrebu.. A čagalo se po vsim .. veliju .. kurtoaznim pravilima.. To hočem kazat da si nisi mogel zgruntat ..a kamoli prijeti žensku za rit..al ju stisnut ksebi tak da bi joj ciceki mam zvirili z cicncekera.. Vse po reguli kak bonton zahtjeva.. A cela ta terasa.. je bila ogromna.. Z dve strane su bili stoli i stolci.. a vsaki je imel i svojeg sunconbrana ..makar je čaga bila po kmici.. V sredini se tancalo na fest glatkem betonu.. a muzikaši su bili na visokom podestu .. cela je terasa okol naokol bila zaprta z grmljem Oleandera koje je raslo z drvenih škafi.. pa je stoga ta terasa bila i poznata v Zagrebu.. kakti Oleander terasa.. Narafski.. celi dan je tu bila kavana na otprtom... Mi smo fakini tu jemput došli z znatiželje da vidimo kak se bogati..glavati i visoki svet zabavla.. I ni nam se ništ dopalo.. A kaj bi.. Došel si z svojom ženskom.. celu večer si samo znjom tancal.. narafski .. druge si mogel samo spodi oka gledeti.. Jeee.. al človek mora koji put i scati ..a to je bila cela procedura.. Fini mirišljavi šekret je bil nutra v hotelu.. pa si z terase moral prejti čez dugački hodnik.. pa onda po štengama ziti v podrum .. pa na levo.. pa na desno.. Ženskama je navek bilo bolše.. te nigdar nisu morale na scanje..Al mi mužki kaj smo švasali pivice..al gemište..eee.. nama je to bila nužnost.. A kaj je najbolše.. scanje v hotelskom šekretu se posebno naplačivalo.. Je v šekretu sedela stara ženska.. i naplačivala.. scanje pet dinara.. sranje deset…. Vse v svemu.. skupo je bilo tu dojti na čagu.. jer bi za jenu večer potrošil apanažu za celi mesec.. Pa kaj bi si nekaj malo zašparali.. Glavonja i Ico su odlučili svoje scanje obavit v one škafe z kojih su rasli ti Oleanderi.. Su prešli v malo kmičniji del terase.. i se delali kak da čez to lepo grmlje glediju Glavni Kolodvor..a pri tom su z šlaufa zpuštali v škaf.. No.. bilo bi to sasvim dobro da Glavonja za čagu ni oblekel kremaste hlače i braun antilop cipeliše.. Lepo se je poscal.. pa ga je još i tak stresel da je vsaki to mogel videti.. i vrnul se knami za stol.. Jezušek.. da si videl vraga.. kak je scal v oni škaf v tu zemlu.. tak mu je nazaj špricalo po hlačama.. pa su mu hlače do kolena zgledele kak da je taj čas čez močvaru prešel.. I kaj.. je rekel da ga pričekamo.. pa je preskočil čez Oleandre onu kamenitu ogradu i prešel se domof presvuč.. Sva sreča pa mu do hiže ni trebalo nit pet minut… ha …
Tak.. malo sam se setil ………………

Došel je v Zagreb nekakšne posle zbavlat moj dobri poznanik z Splita.. to ti je oni politikant ..Luka Podrug.. pa taj navek odsedne tu v Miramarski vulici v hotelu Internacional.. narafski.. na račun grada Splita.. I onda se on i ja najdemo na kratko pa se ispripovedamo.. On na ..ča.. ja na.. kaj.. i dobro se razmemo.. Pa to na kratko se razvleče na dugačko.. i vreme tak hitro prejde da se vse čudiš.. Eee.. kak je negda bilo lepo gda ljudi nisu gledeli na vuru.. Gda je cirkva zazvonila ..se znalo za kaj je vreme.. A zmedi tega te ni bilo briga.. Ovak vsaki čas gledim na vuru.. aha.. zdaj treba ovo.. pa v tolko vur treba ono.. pa.. jebal ga vrag i te vure ….

Pogleč.. tam z Istoka su se nekakšni oblaki dotepli.. Ha.. švercaju nam komšije prek granice i Košavu i oblake.. Opče neznam zakaj na granici imamo policjote i maltare gda prek more vse kaj se komu dopadne.. kaj če nam ti oblaki..kak da nemamo svojih dost …ha .. Neg.. da se ja polahko povlečem na malo bolše ziheraško mesto.. pajdaš je prešel nekam za poslom.. a ja zdaj tu nemam kaj delat.. Hmmm… na koju stran.. pa bum čez Miramarsku prek Mihanovičeve na Tomislavac.. i samo prema gor.. Denes je prognoza za lepo vreme..al gdo bi više veroval onim na televiziji.. lažeju vse gda zineju.. Pa zakaj bi onda i istinu povedali za vreme…ha …………….

Aha.. tu je bolše.. se reče.. opasnost prešla.. oblaki su odprhali čez Vukovarsku spram Safske.. Gledim.. tam fest dalko se vidi naša Medvednica.. a kolko je videt.. tam sunčeko obasjava.. baš lepo.. gor na Medvedgradu se coprnice ziher sunčaju.. v bade kostimima… morti v bikiniju.. Hmmm.. to samo vrag zna .. A kaj ak imaju one.. se reče.. tange.. vrabec ga dal.. To su ti ženske gače.. nit vrit.. nit pokraj.. Znaš.. ja si navek gruntam kak to je.. V moje vreme curičke nekaj takšneg nisu imale.. su nosile na riti gače..al gačice.. a nikakšne žnore kaj ti se vrit zavleče.. Mora bit da je ta krpasta špaga sva posrana gda skine te ..tange.. Hmmm.. kaj ti ja znam … mora i ženska koji put prdnut… ne …..

Malo se divim jeseni tu na Štrosmajerovem trgu.. Prazan ti je taj trg.. več letima tu nikog nema.. a negda je bil poznati kaj su tu po danu i lepom vremenu dolazile mlade mamice z dječicom v kolicima.. A znalo ih je bit prek stotinu..pa su hvalile svoje prince i princeze.. prematale ih na klupi.. pa ih hranile..a ne rjetko si mogel ..onak slučajno v prolazu videt kak kakšni fačuk vleče papicu z ciceka…
A po noči ti je tu bil v celomu Zagrebu poznati špancir za.. buzarante.. pedere ..razmeš..Tu su se skuplali kak štakori po trdi kmici..kaj nit jena lampa ni svetlela .. Al.. o tom bum koji drugi put pripovedal..
Neg smo se mi fakini znali spentrati na ovi spomenik gor pa bi još i pijaču gor zdigli.. raufali i kričali da se čulo do Kolodvora i do Trgača.. lepo bi jen drugom na ruke..pa na rame i več si gore.. a zajdneg bi povlekli za ruku.. Pa se znalo gor spentrat i nas deset.. Baš denes gledim.. kak smo opče tu tolki stali… No.. bi došel čuvar parka.. jen stari penzijoner.. narafski.. partizan.. je nosil fort nekakšnu kožnatu šiltericu kak Lenjin i gore petokraku od črlene krpe zrezanu .. Se navek falil da mu je to još od rata ostalo…. I bi taj čuvar stal spodi spomenika i kričal na nas da mam zidemo dole.. Aha.. mi bi njemu srednji prst pokazivali i mamicu spominali.. pitali ga za nejgovu drugaricu.. zapraf.. delali smo z nejga norca.. A on bi skakal okol spomenika tem Štrosmajeru i probal nas z batinom dohvatit.. Al smo mi bili na tri metra visine i samo smo mu se smijali .. čak bi mi i praznu flašu od Badela dole hitili.. a bormeš su i čiki leteli za njim.. Pa bi se on sel tam pokraj na klupu i zdaj bu on čekal gda bumo mi dole zišli.. Ha.. A jesmo.. zišli smo.. samo kaj on ni stigel do nas a mi smo več pobegli.. Jenostavno smo odzgor skočili dol na travu i zbrisali.. narafski.. pak smo mu srednji prst pokazivali.. I tak.. navek smo z tim čuvarom bili v ratnom stajnu.. Zapraf.. ne navek.. Naredili bi veliku pomirbu gda bi na Zrinjefcu svirala pleh muzika.. eee.. onda smo mi njemu pomogli stolce posložit na oni naš paviljon.. pa posle promenadnog koncerta mu spet pomagali to pospremit v podrum spodi paviljona.. I na koncu bi skup prešli v Splendid na pijaču i slušali nejgove partizanske pripovetke.. Več sledeči dan.. pak je gledel naš srednji prst i naganjal nas z batinom… Bilo nam je fest žal gda smo čuli da je vmrl …………….

Krasna je jesen v našem lepom Zagrebu.. vse mi se neče prejti dalše.. Al.. kaj.. mora se .. nemreš nit cjeli dan po vani hoditi.. Treba i nekaj domof naredit.. A treba do domeka dojti.. Cipelcugom..al trajvanom.. Hmmm.. najrajše bi ostal na Zrinjefcu pri kčerki.. A bil sam neki dan pri njoj na obedu.. Znaš kaj.. zdaj bum se ja zalaufal i za jen čas bum bil na Zapadu.. ..

Serbus …………………….

Uuuuh.. kašno posrano vreme ……

ponedjeljak, 03.11.2014.

Baš kak ti velim.. od jutra je takšno posrano.. fajhtno vreme.. da sam skor odbežal nazaj domof..Al kaj.. imam nekaj za zbavit .. i tak sam se našel v magli..A zbilam.. Zpustila se gusta magla iznad Zagreba daj samo pogleč ….

Peš na jenu stran.. peš na drugu stran.. posvud jednak.. A išel sam tu v negdarnji Vjesnik.. tu dela jen moj poznati.. I gda sam ga na velku muku pronašel v tem neboderu.. on se je lepo začudil kaj me tu vidi i veli meni da kaj ga nis nazval … Jee.. pa bi ga ja nazval..al človek je zmenil telefona.. pa je zmenil mobitela.. a na koncu sam saznal i da je ženu zmenil…ha … Ima tu pozadi te staklene krletke jen kafič.. vrabec ga dal.. tak je pun da smo se jedva v jen vugel zmestili.. Pa ja pitam pajdaša kak to da je tu tak puno..a on veli… Aaaa.. vse su to kolege z radnog mesta.. Aha.. No dobro.. a gde je vama onda zapraf radno mjesto.. tam..al tu …ha ……A kaj buš.. moraju se ljudi okrepit … kaj ne …..

A tu pri Trgaču je kakti malo bolše .. manjše je magla..a tam spram Maksimira se kakti malo začelo svetlet.. Znaš.. tam ti stanuje moja dobra pajdašica.. ju zoveju Čuvarica Pinkleca.. A taj pinklec navek vleče z sebom kam god pe.. a z nejga sam letiju na vse strane nekakšne popefke .. A kaj.. to je fest komplicirano za pojašnjavat.. No.. si ja gruntam da ni ona denes prašinu pobirala pa zdaj maše i trese z krpom z obloka.. pa je tak maglu poterala.. ha .. Pinklec.. kak si kaj …ha … A su i rekli prognostičari da bu denes bilo sunčano i toplo.. No.. pa bumo vidli .. ima još cajta da se popravi..

Si videl.. negdo je ipak tu maglu poteral .. i več okol dve vure je sunčeko sijalo kak da je Svibanj mesec.. mam su se odnekam Zagrepčanci zvlekli i kaj.. navalili v brtije.. Pogleč samo.. na Cvetnom trgu nemreš mesta najti ni da buhe moreju skakat .. Pa ..nekam bum se zrival.. baš bi si nekaj spil …Vse gledim naokol.. Hmmm.. gda bi samo znal koja od teh vsih tu lepih ženski je morti.. Dijana.. pa Demetra.. morti Kraljica.. pa Dušica.. No.. pa makar da Sjedi naide.. znaš.. ni baš dobro sam piti v brtiji….

I najemput ti meni zvoni oni mobitel v žepu kak stekli.. Ti vrapca.. pa gdo bi mene zdaj nazival.. I kaj misliš.. glavom moja najdraža.. Gde si.. pita.. Tu sam..velim ja .. Pa ja sam na Cvetnom trgu.. veli ona.. I ja sam.. velim ja .. Si videl kak me je našla.. ha .. kak da ima svoj satelit tam gore .. No.. zdaj pemo skup malo v špancirung.. kak negda ..polahko ….

No.. pa gda sam več tu..hmmm.. bum probal zgurat tu velku kuglu.. I ta ti je takaj kakti sunce od oneg Kožariča.. Vrabec ga dal.. po celomu Gradu je nasral te kugle.. Čuj..ak ju bum zgural .. ja nebum ništ krif.. Človek se malo naslonil i sunce je prešlo kvragu.. Pa guram ja.. guram.. Nejde.. Jebal ga vrag.. i ovu tu su z klinom priheftali v asfalt.. Šteta.. kak bi se lepo odkoturala dol čez Safsku …ha … Čuj.. zdaj sam se zbilam zmučil.. Ništ.. zemem ja moju najdražu spodi ruke i pemo domof na.. sarmu .. Još je ščera skuhana..

Serbus ……………

…okol… naokol…

nedjelja, 02.11.2014.

Vjutro se nekakšna gusta magla zpustila znad Zagreba.. pa je malo ljudi po vulicah..A kaj buju delali po vani v nedelju vjutro.. No.. za špancirat se je sasvim dobro.. malo obideš sim.. malo tam.. pa ti je vse skup to..okol..naokol.. Da me negdo gledi.. bi rekel da sam ponorel.. A i rekekl bum ti zapraf.. pak sam malo zbrisal da komu ne opadne na tikvu da bi nekam na groblje išel.. Eee.. tega mi je dost.. Oveh dni sam se nalaufal po tim bregima.. skuril cisternu nafte.. i naslušal sam se kak je groblje lepo vređeno.. Vrabec ga dal.. pa kakšnem to bedaku more groblje bit lepo.. nigdar mi to ni bilo bistro.. Groble ti je .ak bumo praf zaklučili.. najobičnejše smetlište.. A kaj me zdaj glediš.. se to službeno veli.. odlagalište odpada.. A kaj.. gda zgekneš onak na čisto.. pelaju te na smetlište.. Hočemo al nečemo to priznati..al je tak .. Pa baš mene briga.. kak komu paše.. nek mu bu.. Znaš.. dojde ti moja punica z nekakšneg sprovoda.. vmrla je jena malo dalša suseda kaj je imela samo osamdeset let.. I veli moja punica.. Šteta je ženske.. pa ni bila preveč stara.. mogla je još živeti.. aaa.. je..je.. imela je tak lepi sprovod… Hmmm.. slušam ja staru pa ju pitam.. A kaj je to tak bilo tam lepo.. kaj je sviral rokenrol i su ženske v minicama tancale.. a mužki ih ščipali za rit..ha .. Gledi mene moja punica i veli.. Paaa.. bilo je puno ljudi i cvječa..pa su popevali one kmične pjesme.. .. No.. velim ja.. pa kaj je tu lepog.. Nazajdne se stara složila da ni ništ bogznakaj gda te zpustiju v rupu v zemli i zaštamfaju odzgor….
No.. pa fučkaš groblje .. pem ja poiskat mesto gde se živi okuplaju i spiti kakšnu Nesicu od vanilije.. Tu mi pri Ameliji v Stari Vlaški ni nekak .. gledim ono dvoje kaj sediju.. su se ztisli v kapute kaj im je friško.. zapraf i je.. nekakšna je to sama mrzla fajhtnoča… A pogleč oveg tu.. vrabec ga dal.. Gda se je taj tu stvoril z tom črlenom kapom.. kak da je z stigel z oneg Partenkiršena z skijanja …

Viš.. i dok je tam okol Kvaternjaka još ta gusta magla iznad Zagreba.. tu se je začelo sunčeko pojavlivat.. velim ti ja da bu denes još bilo lepog vremena za španciranje.. tak se bum malo šmucal okol Kaptola i spregledal kaj ima noveg.. ha.. Tu nigdar nema ništ novog.. vse staro i zglajzano.. al lepo zgledi .. Fajn je trebalo dok su tu staru hižu vredili.. zdaj se pa sudiju čija zapraf je.. Popi z Kaptola ju hočeju za sebe.. nekakšni Šiptar trdi da je nejgova.. Grad Zagreb bi rad da njemu pripadne.. Jee. bilo bi najbolše da ju daju meni..tak se nigdo nebi trebal svadit okol tega.. Maa.. gledim ti malo te libre tu pri Kaptolski knjižari.. več letima jeno te isto v izlogu i nutra na stalažama.. pa tu nigdo ne zajde nekaj kupit.. Znaš tu ti prodajeju i one Zavjete.. Katekizme i Biblije.. Jemput sam ja nutra zašel pitat pošto je Biblija.. makar ja imam pri hiži i dve na stalaži.. veli meni človek kaj nutra prodaje da košta tristo kuna.. Jezuškristuš.. velim ja ..pa zakaj tak puno.. Jeee.. veli človek.. ima puno listova.. trde kotrice.. težka je skorom pol kile..i tak.. A ja se delam malo onak bedastejši neg drugač jesam.. Pitam ga da zakaj opče prodavaju te Biblije.. Gledi me človek i čudi se.. Veli.. Pa zato da ih ljudi kupuju.. Eee.. velim ja njemu.. Mora vas biti Boga strah.. gda bi cirkva štela da ljudi imaju Biblije bi ih zabadaf djelili naokol ljudima.. al morti za kakšne sitne peneze.. Slegne človek z ramenima i veli da ni on odredil cjenu……

Stojim tu i gruntam kam bi dalše prešel.. Imam još dost cajta dok se moja najdraža zdigne z štrozaka.. pa se spremi i prejde na nedeljnu trač partiju z svojim babama..Pa to potraje nekaj vremena dok oblajeju vsega i svakog kaj se moreju prisetit.. Z obed se denes nebumo ništ brinuli..Ščera je cela moja familja bila pri nami na obedu.. pa su ostali i na večeri.. na zajdne su odnesli i pune cekere z sebom.. Tak sam se ščera nametal da me je celu noč v želucu tiskalo..a i mi mužki smo nekaj pive spili..pa je bilo i španciranja po noči na scanje.. A denes pemo kod naše kčerke na Zrinjevac na obed.. Pa si vse gruntam da bi ostal tu v Gradu i čekal da moja dojde..al da pem po nju… Bum još videl kak bu ………

Na koncu sam ipak prešel na Dolac.. Denes je napol prazno.. još je svetak pa ljudi baš i ne plaziju po placevima i štacunima.. A neki sam dan tu bil popoldan gda je vse prazno i na kipec del vse kaj se je imalo za deti.. Razmeš.. su Gradcki glavonje najavili da celi Dolac pe v obnovu.. da buju vse zrušili i znova delali.. kakti je to trebalo ove jeseni započet..al bi ga vrag znal kaj bu zdaj gda je naš gradonačelnik.. oni dotepenec z bregof.. prešel na odmor .. A kaj se mene dotikavle.. Dolac more ostati takšni kakšni je..još sto let.. I gda najbolše glediš vse to znutra i zvana.. nemreš najti falingu zakaj bi se nekaj trebalo rušit i znova delat.. Ha.. valjda ima v Gradcki blagajni viška penez pa to treba potrošit.. Zapraf.. su rekli i da bu Branimirac išel v onovu.. Hmmm za tam mi je još manjše bistro.. pa tam plac jedva da dela nekaj…. No.. ja tu nemrem ništ.. Aha.. neki sam dan tu pri ovim ženskama kupoval mandarinke i banane.. I pitam ja te simpatične ženskice.. Koje su banane bolše.. ove vekše..al one majnše.. Veli jena da je to sasvim svejeno..al se druga ni z tim složila.. Je rekla.. Navek je bolše ono kaj je vekše.. Pa ja nis ništ odbrusil na to.. Nigdar nemreš bit ziher kaj je kakšnoj dami nekaj manjše a nekaj vekše ………ha ………

Serbus ……………..