petak, 31.10.2014.

…. Posvud …



Baš sam si stal tu pri slastičarnici Zagreb.. Gledim ta zelena dreva.. Posvud v Zagrebu je listje več požutelo i fajn opalo..al tu se drži.. velim ti ja.. ni to brez vraga.. A bi ja rekel da tu svoje parkle ima ovi Tesla.. taj je svakaj v svojem živlenju zmišljal .. a i ovaj spomenik su sim prenesli gor z Bijeničke gde je oni atomski inštitut.. Vrabec ga dal.. gdo zna kaj tu v tem kamenu ima.. Znaš.. često ja tuda predem.. pokraj te slastičarnice.. ha.. pa ta je tu još od one Kralevine .. zapraf.. stare hiže kaj je tu stajala do pred dvajset let ni..pa je na tem mestu nekakšni Šiptar naredil ovo stakleno čudo i otprl nazaj slastičarnicu .. Narafski.. ostala je i dalše.. Zagreb.. makar je od vsega samo to i ostalo… pa ni Šipac bedak.. je zgruntal da je bolše da to ostane slastičarnica Zagreb neg.. slastičarnica Priština .. Ha.. Makar ja tu retko gda sednem.. ne pamtim gda sam zajdni put.. Znaš.. vsako malo je ona inšpekcija zapre.. veliju.. da ju je napala nekakšna Salmonela…. Bi ga vrag znal kakšna je to ženska kaj napada slastičarnice…ha ……………..



Pa makar vsaka ta terasa od teh silnih kafičof ima i ono grijanje.. viš kak svetli črleno.. nemre se pofalit da ima i gostiju.. Hmmm.. valjda stoga kaj je .. se reče.. visoki datum.. To ti je konec meseca gda su ljudi več vse peneze potrošili ..pa ni onda nit za kafič ostalo.. Jee.. ova tu picerija… bil sam ja tu lanjskeg leta.. Onak.. slučajno sam se srel z jenom prijatelicom.. pa veli ona da ni baš za slatko.. kavu ne pije kaj joj je doktor zabranil.. pa nit ni za kakšni alkohol.. Ha.. velim ja.. pa nebumo zdaj tu vani stajali na vuluci i uživali v luftu.. I tak smo zašli v tu piceriju.. taj put i nigdar več.. To ti je kakti malo..hoh.. ugostitelstvo.. barem se po cjenama vidi.. Al tu picu nebi nikomu preporučil.. Znaš.. oni Taljani.. makar ja od tam vlečem svoju povjest.. oni nemaju pojma kaj je to dobra pica.. makar su je zmislili.. Praf za praf.. pred sto i više let je ta pica dole v Kataloniji bila najgorša sirotinjska žderača.. Malo tjesta i gor polijan saft od paradajza.. I to ti je ta slavna taljanska pica.. No.. of tu naredi nekaj malo kakti pravo Taljansko.. nekakšne kerefeke ti prinese .. Maaa.. drek… vsaki Šiptar v našem Gradu bu bolšu naredil … Zapraf.. ja ti slabo te pice jedem.. navek sam znal da pice za nekaj drugo služiju…. Gda sam ja jemput mog več starog tateka otpelal v piceriju.. gor na Novu Ves.. i naručil mu picu Napolitana.. A on se je kak pravi taljanski grofofski fačuk navek oblizival za picom.. I gda mu je kelnerica donesla i stavila pred nejga.. on je to gledel i gledel.. malo prst zamočil.. kušal.. pa je spet zbližeg gledel.. A kelnerica je to primetila pa je prišla i pitala mojeg tateka.. Gospon..kaj nekaj nije u redu…. A veli of moj grofofski otac.. Maaa.. je.. je.. al kakva je to pica bez dlaka.. i pak je prst zamočil i oblizal … Znaš.. bil je moj tatek velki zafrkant.. I gda je vmrl.. su mislili da se zafrkavle .... …………



Znaš.. kolko put meni v tikvu puhne z riti kak bi ja tu kuglu nekam odkotural.. Pa nikaj ona mene tu ne štenta.. al kaj.. još su mi v moji bundevi porazbacane one fakinske daske .. Gda su ovu kuglu tu postavili kakti nekaj umjetničko i vredno.. bila je na nekakšnem postolju.. Zapraf.. ni bila.. Več druge noči su je fakini zgurali pa je prešla prek puta praf v Švicarsku ambasadu.. Narafski.. su se vrata haustora malo zdrobila pa je Grad moral to popravlati.. Eee.. onda su tu kuglu kaj prectavla kakti sunčeko.. to su nekakšna mjesta po našemu Gradu gde vse planete okol kugle zemaljske imaju svoje mjesto..no.. zaljepili su je i pandur je to čuval dan i noč dok se ljepilo ni stvrdnulo.. Al nema teg ljepila kaj naši Zagrebački fakini nebi odljepili.. Pak je za par dni jeno jutro kugla završila skroz dol na Cvjetnom trgu.. Bilo je to v vreme dok je Bogovičeva tek obnovljena na novo..pa još nisu bile te terase od kafičof .. I kaj.. na koncu su v to umjetničko djelo nekakšneg Kožariča.. vrabec ga dal.. po celomu Gradu zdaj te kugle meče oni naš gradonačelnik.. dotepenec z bregof..kaj je momentalno na odmoru.. zapiknuli železnu štangu i zabili vse v asfalt.. I od onda stoji tu..al ju fort fakini svu zašaraju.. A baš bi se lepo skoturala čez vse one stole i stolce…ha ……………



Aaa.. ništ.. pem pogledeti v Pasaž.. morti tu pri Paljetku najdem kakšneg poznatog.. Zapraf se kafič zove Petit.. bi ga vrag znal kaj to je .. al ja onak po domaći velim da je to kafič pri Paljetku.. Tu ti znaju sesti vglavnom penzijoneri .. kakti je tu nekaj malo jeftinejša kavica i druga pijača.. A i nigdar tu nebuš videl preveč gosti.. Zdaj dolazi zima pa se tu dovlečeju razni bezkučnici ..klošari.. i kakšna sirotinja.. pa si naruči kavicu i sedi pokraj pune šaličke i po dve tri vure.. Znaš.. vani je mrzlina.. v neki bolši kafič ih nit ne pustiju.. a v ovem prolazu spodi nebodera i ni baš preveč mrzlo..makar zna durhcug dobro potegnut .. Pa ti tu rad sedne jen moj pajdaš i gledi i sluša te skitnice.. Koji put ga tu najdem pa skup slušamo kak se ta sirotinja tu žali na vse kaj stigne.. a ovi okol su več skužili da on tu sedi samo da njih gledi i sluša..pa ga zdaj vsaki put zažicaju koju kavicu više.. tak sam ti ja jemput znjim bil v velkem razgovoru z tim ljudima.. I onak kakti slučajno ih pitam..dal znaju gdo je taj tu z gitarom i velkim škrlakom.. Znaš kaj.. samo su zlegnuli z ramenima al odmahnuli z tikvom.. a jen je rekel da je njemu samo fest bistro da je taj tu od bronce i da bi lepe peneze dobil za to na odpadu… A kaj.. ja si gruntam da i fajn drugih ljudi nezna da je to spomenik Vlahu Paljetku… Ha.. kaj morti i od vas gdo zna gdo je Paljetak…ha …………..



Ma daj pogleč… lepe črlene rojžice spredi Viner Kavane na Trgaču se držiju kak da je proletje.. To su ti one mesečarke… maaa.. neee.. ne mesečariju ti one po kmici gda mesec sija..a bormeš nit ne cveteju po kmici… tak se zoveju kaj cvetaju vsaki mesec od Svibnja pa vse do prveg jakog mraza.. Ak se vreme ovak dalše nastavi..ak nebu oneh Celzijusa spodi nule.. ha.. buju cvale do Božića.. A terasa spredi Vinerice je prazna.. a nit nutra ni bogznakaj posla.. Nekak kak da se ljudima više ne dopada preveč..Praf za praf.. kavane v našem Zagrebu več dugo nisu nekaj posebnog.. Negda je to bilo malo onak..hoh mesto za spiti kavicu.. pojesti kiflu z pekmezom.. cajtunge sprelistat.. malo se počinut uz polahku glazbu.. Pa malo od tega i današnje kavane imaju.. A i to kaj imaju fajn košta.. nebuš v kavani sedel za sitne peneze .. A ja rad z kakšnom prijatelicom navrnem v tu Vinericu od gda je otprta.. Negda sam znal prejti v Gradcku Kavanu.. v one fest udobne fotelje.. a zdaj mi je nekak lepše v Vinerici kaj je lepši pogled na Trgač.. Makar tu tapecirani stolci nisu nit slični foteljama.. Al je stoga tu najbolša vruča čokolada ..a ja to dobro znam jer si rad po gradu i na drugim mjestima naručim vruču čokoladu.. Ovde ti na vrh šalice dene i oneg belog šlaga pa je spodi čokolada dugše vruča.. I onda lepo polahko z žličkom obereš taj šlag ..pa onda srkneš čokoladu.. malo pripovedaš.. zapraf ja največ samo slušam kaj moje prijatelice pripovedaju…. A te navek imaju kaj.. ti vrapca..da ih vsred noči zbudiš.. imela bu mam nekaj za spripovedat…ha … ………….

…. Serbus ……………..


16:48 | Komentari (15) | Print | ^ |

četvrtak, 30.10.2014.

… no… dobro …tu sam ……



Znaš.. gda vjutro malo zakasniš na špancirung.. gda se ona siva zagrebačka magla malo razide.. onda je sasvim dobro prejti v štrapacirung.. Praf za praf.. ja sam se tu našel kaj bi imel nekaj za zbaviti.. pa.. brus.. lepo sam se začel zprešetavat naokol..a službene upute sam skroz na skroz pozabil … No.. dobro .. i kaj zdaj.. baš me briga za ono kaj se mora.. to mi je navek bilo i ostalo težko.. Vraga se mora.. mora se srat i scat.. a fučkaš te Gradcke magistrate i posle kaj bi tam imel za zbavit.. Ima cajta.. još bu bilo beloga dana za okol hodit.. Moj je tatek navek znal kazat.. Vse ono kaj moreš zutra zbavit.. nemoj denes.. a zutra bumo gruntali za dalše ..
Viš.. malo se sprešetavam čez Frankopansku.. kaj ti ja znam.. nekak mi noge same od sebe navek sim zajdeju.. eee.. kolka sam ja leta tu sprovel.. nekaj v mojem poduzeču Grafički Zavod Hrvatske..a jednak tolko i v brtijama Rovinj i Zagorec.. Narafski v brtiji sam bil z pajdašima za radnog vremena.. pa gdo bi svoje personalno vreme trošil na brtiju…ha .. A ..je.. takšna su to bila vremena.. je narod popeval.. Fest rad imam ovi režim.. plača ide a ja ležim.. Pa sam ja koji put sedel v brtiji.. to gda smo špilali Belota.. .a največ stajal pri šanku.. Ležal spodi šanka nigdar nis.. makar je bilo mojih pajdašof kaj bi se tu lepo smestili gda bi spuznuli z šanka… Vse se je to računalo kakti ..se reče.. radni staž.. a denes ti oni .. mu rečeju.. poslodavac.. odbije od plače i gda peš scati na šekret.. Negda je bilo važno narediti dobro posel.. i na vreme kaj je bilo zarisano.. vse drugo te nigdo ništ nije pital.. Viš.. na primer.. ja sam na posel dolazil vjutro navek na vreme.. pa i malo ranejše.. Zapraf.. prvi bi od pajdašof izišel z brtije z prve pričesti.. Pa bi došel v kancelariju.. otprl obloka da se zluftaju oni smradi od cigaretlina.. Moj pajdaš kaj je zmenom sedel v ti kancelariji je raufal kak da ga je Turčin naredil.. A ona bedinerica.. veliju još.. čistačica.. nigdar ni obloke otpirala.. a nit čikobernice ni zpraznila.. Maa.. je to bila nekakšna stara persona.. kaj se je samo držala za metlu da bi se bolše mogla podšprajcati da ne opadne.. A ta ti je popoldan gda bi vsi prešli z posla domof.. lepo zabrala kancelatriju gde je bil prazan stol..pa bi se lepo tu legla i spala vse do trde kmice.. Onda bi se zdigla.. pospremila metlu i sedela v hodniku i čekala da portir ztisne zvonce da more prejti domof.. Bila je to jena Zdenka.. sva razkuštrana z masnim lasima i podrapanom kikljom.. Jeee.. i imela je samo jen zub v gupcu.. zapraf ščrbu.. a vsi smo se čudili kak je v menzi z tim mogla zgristi pečenu šniclu..
No.. moj pajdaš je takaj navek točno dolazil na posel.. je..je.. vsaki dan je došel kasnejše točno pol vure.. I nigdar ni fulal.. Pa ak bi se zgodilo da je stigel koju sekundu ranejše..onda je stajal na haustoru i čekal da bu točno pol vure prešlo … Aaah.. kolko bi se dalo tega pripovedat.. no.. pa gdo bi to slušal…. Pem ja dalše ………………



Nekak mi tak žalostno zgledi tu spredi Pravneg fakulteta.. Z oneh lepih kostajnof je več skorom vse listje opalo.. platane su ovo leto nekaj krahirale.. kakti da se buju posušile.. pa su onda došli oni šumari i skratili grane.. pa je da je nekaj mlado poteralo..hmmm.. veliju.. vse je zagađeno.. i luft i kiša kaj pada..pa vse to uništava našu gradcku zelenjavu …Zbilam to ni normalno.. vsed leta su neka dreva odbacila listje.. jenostavno je požutelo i opalo.. Bi rekel prijašnjih let da je to od one suše.. al ovo leto skorom da dež curi kak v Londonu..pa listje pak opada.. Velim ti ja.. vrag je preuzel komandu i zdaj nori po celomu svetu.. Pa se ja teg vraga ništ ne bojim.. to ti je moj dobri pajdaš.. ja nejga vsaki dan spominam.. vsaki čas nekoga pošilam v vražju mater..ha .. Razmeš.. dok sam bil klinac.. su rekli stareši da sam vragu z torbe ispal.. Gda sam postal fakinček.. su rekli da me vrag dal… Gda sam bil frajer.. su rekli da me vrag zel.. a denes mi veliju da je vrag došel po svoje .. Pa kak onda nebum bil z vragom v dobrim..se reče.. odnosima …ha ….



I taman sam del na kipec tu prek puta našu staru Kazalištnu Kavanu..gda mi se ovi stari tu nasral.. Pa ja kakti naciljam z aparatlinom.. si gruntam.. bu rista skužil pa se bu genul.. Maaa. drek.. stoji on kak kandelaber i gledi v mene.. Pa ja spet zdignem aparatlina.. a on . ništ.. nit za zeru se ne makne..i dalše gledi v mene.. Stojim ja.. stoji i on tam.. I kaj.. na koncu ja ipak šklocnem.. pospremim aparatlina v žep.. gda i of mulac lepo prejde prek ceste i mam kmeni.. Pita me za koga ja to slikam.. Ha.. kaj bi mu človek zdaj rekel.. Kaj ga briga..al nek pe vrit..al tak nekaj.. No.. lepo ja njemu odbrusim.. Za moju punicu slikam… Malo me bedasto gledel ..rekel je samo..Aha.. i prešel dalše.. Pa se meni ni štelo noveg kipeca slagat pa sam i ja prešel dalše.. A to.. kaj bi ja za moju punicu šklocal naokol.. ma ..drek.. ta nit nezna kak aparatlin zgledi.. Čuj.. ima ta več tolko let da više nigdo v hiži nezna kolko.. vsi samo znamo da je fajn tega na nejzinim plečima.. .. A je stara flertna.. još bi se i po drevima penjala jabuke brat.. I baš stoga sam ja lani poslednju jabuku spilil pozadi hiže.. Se stara spentrala gor..al dol joj ni išlo.. eee.. bila je to cela norija dok smo ju sused i ja polahko zpustili dol.. Na proletje je pak štela iti gor obrezivat grane.. eee.. nebuš.. velim ja i sam ja jabuku obrezal dol pri zemlju…ha … zdaj stara ima panj pa nek sedi na njemu ………..



Sunčeko nekak sramežlivo vse bolše proviruje.. al ni baš da bi nekaj grijalo.. čist mi je lepo v vindjakni.. a gledim naokol.. ljudi več v kaputima i bundama hodiju.. To pa ipak još ni potrebno.. kaj bu gda zbilam zima ztisne.. Ha.. veliju prognostičari.. oni Vakula na televiziji.. da zima i nebu bogznakaj bila.. da bu malo prhal oni beli..pa da bu dež curel.. pa da bu mraza i leda.. vrabec ga dal.. vse je nabrojil.. pa to i ja znam kaj nis kak taj napuhani Vakula učil prognozirat .. Stoga ti ja rajši gledim na oni Novojtv.. kak stari Sjerkovič pripoveda o vremenu.. taj je več davno v penziji al ga navek znova pozivleju da prognozu pripoveda.. I baš je rista fest simpatičan.. tak ti lepo vse o vremenu nadrobi.. pa taman posle i sekire padale ti se nebuš ljutil .. Praf za praf.. meni bi pasalo da je zima suha.. da ništ ne pada.. al ak baš nekaj mora.. nek curi dež.. kaj.. malo vode v cipelišima je bolše neg vleči čižmake do kolena i još morti lopatu za snjeg nositi z sebom.. A friško nek bu kolko hoče.. ti Celzijusi meni nisu nikakšni problem.. Oblečeš se kak Eskim.. i kaj ti hladnoča more..Ništ …..
Pogleč kak naše Horvacko kazalište lepo zgledi.. al to je tak samo zdalka i gda ga vjutro sunčeko obasja.. A zapraf bi ga trebalo znova pofarbat.. je prilično zamusano..pa o tom si nigdo ne pregruntava.. tekar gda bu začela žbuka opadat i voda cureti po gledalištu..onda buju glavonje o tomu začeli pripovedat … Ha.. su konobari posložili v Kazalištni Kavani i pri Hemingveju stole i stolce van.. hmmm.. pa težko da bu denes negdo tu vani sedel……..



A v Gunduličevi navek gužvancija z tim avtomobilima.. pa je zdaj još i dobro kak bu to bilo za pol vure.. Najvekše gužvancije po Gradu začneju okol desete vure.. vsi onda znekud zgmižeju van na vulice.. i šoferi i pješaki.. Ha.. čuj.. pol stanovnika našeg lepog Zagreba su penzijonorci.. a oni malo dugše spiju al ležiju spodi poplona.. tak malo zašparaju na grijanju.. Onda je nekaj malo đakof koji sediju po školama.. pa još nekaj manjše oneh kaj negde nekaj delaju.. a ostali su kaj nikaj ne delaju.. Pa se tak ovi kaj nikaj ne delaju od muke sprešetavaju naokol..penzijonorci z dosade plaziju po vulicama.. a ja zkup z vsim njimi …
Zapraf bum ti rekel.. ja sam denes zbrisal po skrivečki z vulice..Znaš.. zdaj buju oni Sisveti ..pa bi ljudi rad po grobljima hodili.. eeee.. al bi neki rad da ih baš ja pelam po tim bregima.. Pa i jesam.. več dva dni laufam z autom po Mirogoju.. po Vrapču.. po Stenjefcu.. pa onda po Zagorju.. Prigorju.. na vse strane sveta i još kojekud.. No.. to je za familju vredu.. Al kaj.. i stara suseda Metuzalemka bi da ju ja pelam.. pa onda i suseda Ruža je čula da ja rad nekoga otpelam.. No.. pa hajde.. i njih sam odpelal.. No.. stare klamfe se mam pofaliju susedi Branki..i susedi Ljubi kak sam ja dobar i brez ijene reči sam ih pelal i to zabadaf makar su štele platiti.. Pa kak bi ja to vse zabremzal.. lepo ti zbrišem z hiže van pa nek zvoniju kolko hočeju.. a na telefona se nigdo nema javit.. Vrabec ga dal.. da su to nekaj mlajše ženske.. nebi človek ništ preveč progovaral.. vse su vdovice al raztavlene.. al.. ove kaj sam ih nabrojal su ti tu.. mam okol sto let vsaka.. I zdaj bi ja trebal bit kavalir.. ha.. Doduše.. veliju ljudi da je vrag za silu i muhe jel..al kaj.. pa nismo na pustem otoku…….

… Serbus ………………




14:39 | Komentari (18) | Print | ^ |

petak, 24.10.2014.

…ambrele…ambrele…



Kaj da ti velim.. kam god se deneš dež curi.. nikam se brez ambrele nemreš zmaknut.. jenostavno ti živlenje postane normalno z ambrelom.. Pem čez Grad.. moram ambrelu nosit .. zidem na dvorišče.. treba ambrela.. naluknem se na terasu pokraj hiže.. ništ brez ambrele.. Kam se geneš ambrela.. Ščera lepo pem v šekret.. kričim mojoj najdražoj da mi doda ambrelu.. Kam peš.. pita me.. Pem srat.. velim ja .. Pa kaj če ti ambrela na sranju.. pita ona.. Kaj te briga.. velim ja.. samo mi daj ambrelu…. Jeee.. na čisto človek ponori z tim ambrelama.. Znaš kaj.. baš sam denes zbrojil kolko je teh ambrela pri moji hiž imam.. Nebuš mi veroval.. al sam ih pošlihtal ravno petnajst.. nekaj mužkih nekaj ženskih i nekaj oneh kaj ni važno gdo ih drži vruki.. I zutra pem v jen štacun kupit još dve ambrele.. Ha.. kaj sam ponorel



.. Zapraf.. sam videl denes v jenom štacunu v izlogu one male ambrele kaj se razklapaju na tri dela.. pa lepo piše pokraj njih da ih veter nemre zvrnuti.. A male peneze koštaju.. A baš takšne ambrele človek i treba.. kak v zajdne dne veter nori po našem Zagrebu.. mam ti zvrne tu ambrelu i dok ju nazaj porihtaš ..več si mokar.. Pa sam baš najgirih dal zbilam veter nemre te ambrele zvrnuti .. Znaš.. ja bum si ih kupil..al ak mi se koja zvrne na vetru.. mam ih bum odnesel nazaj v štacun i iskal da mi vrneju peneze..
……………..Baš gledim malo po Gradu dok se sprešetavlem po kiši.. malo je oneh lepih šarenih ambrela.. največ su sive al črne.. A baš mi je lepo videti one v vsim veselim farbama.. A pogotovo nemreš videti one naše poznate Zagrebačke ambrele.. kaj ih nazivlemo.. Šestinski kišobrani.. Ha.. pa gdo bi ih i imel gda koštaju kolko i par poštenih cipeliša.. no Istini za volju.. te Šestinske ambrele jesu kakti ručni rad.. velke..su.. čvrste.. imaju pravu batinu i drvenu držku.. al kaj je preveč.. preveč je … I stoga buš retko videl kakšnu žensku da ima tu lepu črlenu ambrelu.. Pa si gruntam da kak bi ja zgledel z takšnom ambrelom.. ha.. Je da ja imam jenu poštenu jaku z drvenom batinom ambrelu.. je fest stara..al ju retko nosim.. A imam i onu z železnom štangom.. i ta je fajn let pri meni.. Eee.. te dve ambrele nebu nit jen veter zvrnu.. Al vse je dobro dok dež curi.. a gda stane.. onda tu ogromnu ambrelu moraš vleč kak vojak pušku.. Bi ju najrajši nekam hitil… I tak ti največ vlečem one cigajnske ambrele.. znaš.. puhnul vetar zel ga vrag.. Da prdneš pošteno v nju bu se raztepla.. Al ti takšnu ni žal i hitit kaj si ju platil i kolko dve pive koštaju.. Veli narod.. kolko penez tolko muzike.. za prvu sili je dobra dok ne zbegneš v kakšnu brtiju gda dež začne …



Baš denes tam na Frankopanski odnekud zafijuka veter kak da bi ga stresel z vreče.. i mam vidiš par zvrnutih ambrela z kojima se ženske boriju na vulici.. Al jenoj starešoj gospici je veter ambrelu zčupal z ruke.. i leti ambrela čez Frankopansku po trajvanski štreki.. A ova milostivica beži za njom al nikak ju dostič.. I onda nekakšni mlajši mužki priskoči i z nogom zabremza tu leteču ambrelu.. Ha.. kak ju je nagazil tak se je ta razpala.. Človek lepo zdigne to čudo i da vruke gospici.. Ona mu se lepo zafali..al žalostno gledi v hrpu krpe i žica na štangi.. A dež curi kak stekli..
………………….Razmeš.. ta ambrela na velko štenta človeka kaj je kak ja nafčen lepo komotno hoditi.. Na primer.. kak buš ruke v žepu držal.. Nikak.. V jeni ruki ti je ta ambrela.. v drugi ruki človek navek nekaj nosi.. kašnu torbu.. vrečku.. cajtunge..štrucu kruheka.. i tak nekaj.. I ak te zasvrbi nos.. to buš još nekak i zbavil z rukavom..al ak te slučajno zasvrbiju jajca..eee.. to nikak nejde.. Nekaj treba zpustiti z ruke.. Z druge strane..tak je lepo držati ruke v žepu.. makar i samo jenu.. Viš.. navek su me vučili i pri hiži.. i v školi.. i v vojski.. bi ga vrag znal gde vse nisu… da je nepristojno držati ruke vžepu.. Ha.. a nigdar nigdo ni znal kazat ..zakaj je to nepristojno.. zapraf.. nit ja ne držim ruke v žepima gda imam oblečen fini ajncug.. bi se žepi raztegnuli pa to onda grdo zgledi.. Al vsi drugi obleki to lepo paše.. na trapericama si lepo zahakljaš palac za zajdni žep..al za remen.. na vindjaknama.. kaputima.. kabanicama lepo si ruke gurneš vžep i kaj zdaj tu nebi trebalo štimat..
……………….Aha..sam se setil kak smo to još kak mlajši fakini znali delat.. Narafski .. moral si malo štete naredit na hlačama..al je stoga bilo fest zanimlivo.. Jenostavno smo si podrapali dno žepa tak da smo mogli čez tu rupu zvleči oneg glavatog.. razmeš..ne … I onda bi došli med pucice i kazali vsaki onoj koju bi si zabral.. Imam nekaj za tebe.. velim..ja .. A kaj imaš.. pita ona.. Daj pogodi.. spet ja.. Maa.. neznam..daj pokaži.. veli ona.. Neču ti pokazat .. velim ja.. Daj..daj.. navali curička.. I gda si videl da je fest navalila.. onda si joj lepo kazal da nek si to kaj hoče videt zvleče z tvojeg žepa.. Narafski.. v žepu je oni glavati stajal kak pravi vojak.. Jee.. bilo je to v vreme gda si mu mogel zapovedati..a ne moliti ga kak denes.. No.. pucica gurne ruku v žep.. zgrabi se za za.. za .. no za teg glavatog..ha .. Znaš.. kak koja.. neka bi mam zvlekla ruku van čim bi zgruntala kaj bi to moglo bit.. Neka bi začela vikat..a bilo je i oneh kaj su se za to ostale držati i mudro šutele.. A je.. svakaj smo zmišlali..



No.. kam sam ja prešel od ambrela.. pa i z tim ambrelama je znalo bit zanimlivo.. Tak bi mi fakini stajali na kakšnem haustoru i snubili curičke kaj su prolazile z ambrelama.. Pa bi pitali.. Dobar dan gospodična.. kaj morem zvami pod ambrelu.. Pa največ bi takšne samo prešle dalše..al je bilo i oneh kaj bi se lepo nasmijale i rekle da može.. I mam bi ja doprhal do takšne lepotice.. kavalirski prijel ambrelu i držal ju znad frajlice.. Ona bi mene lepo prijela spodi ruke.. i tak bi ja i ona prešli dalše.. Ostalim svojim fakinima bi pokazal..onak odostrag poskrivečki srednji prst.. Se razme.. ženska ambrela je navek bila fajn majnša od mužke.. pa kak god bilo.. curička je bila pokrita a ja bi celi bil mokar.. No.. gda bi človek bil kak pes.. vidlo bi se kak sam od sreče mahal z.. repom …

…. Bok …..


17:33 | Komentari (23) | Print | ^ |

srijeda, 22.10.2014.

Svakaj …………….



Začelo je praf v tri vure posle polnočke.. Taman sam bil na scanju gda se je zabliskalo i tak je tresnul oni grom da se meni vse rit ztisnula.. A onda je začela špelancija.. prvo su opale tri ogromne kaplice kiše..a za njim se je zrondalo vse kaj je bilo na nebu.. To ni prestalo blisikat nit grmeti.. sam se skroz na skroz zbudil i bežal z jene sobe v drugu obloke zapirat.. A vani je besnel veter kak da su vse coprnice z Medvedgrada kolo špilale.. Nazajdne sam jedva stigel do špajzcimera a tam je dež letel vse do lustera.. I dok sam zaprl obloka bil sam mokar .. Jebal ga vrag.. kaj taj dež nezna lepo polahko cureti.. I bum ti rekel to je tak trajalo vse do šeste vure vjutro.. I ni se moglo spati kolka je to bila galama.. Sused špengler prek puta je klel vse kaj se mogel setit.. i katoličke i pravoslavne i budističke i vse druge svece.. Ščera je nekakšni mebl ostavil na terasi i pokril z ceradom.. ha..a tu je ceradu zdaj veter odpuhal nekam spram Slovenije.. Susedi Cajgerici pokraj mene je veter vse tegle z cvetjem.. ne zvrnul.. neg odkotural i vse su opale z prveg kata dol..Vrabec ga dal.. dugo nis čul tak žensku kleti.. A Cajger je znutra z krevetlina kričal da nek pusti te tegle v pizdu materinu.. Sused malo dalše je bežal okol svojeg auteka i pokrival ga z dekom.. valjda ju je z krevetlina z žene zvlekel.. se bojal da bu mu tuča auteka potukla.. jebal ga nejgof plehnati karakter.. Naravski.. je bežal samo v gačama i bil mokar kak miš..
Sused tri hiže dalše se fest dragom Bogu zameril kolko ga je spominal.. A kaj.. mu luknja za vodi na balkonu ni stigla svu vodu zgutat pa mu je začelo curet v šlafcimer spodi krevetlina.. A of je z balkona z metlom teral vodi dol .. Velim ti.. cela norijada je bila v tri vure znočka.. I na koncu mi zazvoni telefon.. oni kučni.. vidim ja da stara punica zove z prizemlja.. Maa.. znam ja kaj nju muči.. nemre dosegnut obloka v špajzi kaj je visoko..pa bedača misli da bum zdaj ja dol dotrčal.. Brus..babi.. nek se penje po štokrlu.. Pita me vjutro da kak nis čul da je zvonila.. Pa kaj bi čul.. velim ja njoj..sam spal kak hrga … ha …



I tak sam vjutro gda je malo dež stal ipak prešel nekaj zbaviti v Grad.. Je da oblaki fest nizko visiju..veter nekak sumnjivo polahko puše.. Bilo bu još svakaj denes.. A ne moram ti posebno kazat da je po celom gradu bilo smetja kaj je znočka veter zvrnul vse kante za smetje.. I zdaj to smetlari hočeju pribrati.. Al težko im to ide gda je vse mokro.. Im ja lepo velim da si malo zdahneju.. ionak ih nebu videl gradonačelnik.. oni dotepenec z bregof.. je prešel konačno na odmor …
……………. Jezušmarija.. kak je najemput začelo padati..kak da bi kiblu vode zvrnul..pa još ktomu veter to nosi tak da nit ambrela ništ ne pomaga.. Ništ.. ja hitro v Apoteku..onu glavnu Zagrebačku na Trgaču.. Ionak moram nekaj tu kupiti pa je zdaj pravi čas.. Jeee. valjda su si tak i drugi zgruntali.. Zajdem ja v Apoteku a nutra gužvancija kak da se djeliju Unrini paketi.... A kaj.. vani dež curi kak stekli.. v brtiju mi se nejde.. I tak se stanem vred .. ima bar deset ljudi spredi mene.. Imam ja cajta..čak sam i jenu starešu milostivicu pustil spredi mene.. Zapraf me ni nit pitala..sam se je stala spredi mene kak da je za mene zalepljena.. .. A ljudi pozadi mene začneju gundrati i brundati .. kak je baba mogla prek reda.. Ja slegnem z ramenima .. baš mi je svejeno.. al baba pozadi mene zauzme svoj.. se reče..staf.. Čujte vi gospođo i mi svi stojimo u redu.. veli ova iza mene ovoj spredi mene.. A ova kaj se kak padobranac zpustila tu opče ne razme kaj se to od nje hoče.. il se dela bedasta.. A ova pozadi mene zdaj navali na mene.. ta bi se i svadit štela.. a ja vse na šalu okrečem.. Gospon zašto ste ju pustili ispred vas… Velim ja njoj.. Nis ju ja pustil sama se je tu stvorila ..valjda je zneba opala.. A ona.. Pa onda ću se i ja stati ispred vas.. Velim spet ja.. Eee.. vi gospica nebute..vam bum zaračunal.. I tak mic po mic i več smo blizu pulta.. Na koncu je ova kaj se spredi mene ubacila loše prošla jer je mlada magistra iza pulta vidla kaj se događa pa je toj babi rekla da mora na strani čekati jer ni na redu.. A ovu iza mene sam ja ipak pustil prije a ona mi je sva ozarena i nasmijana od vuha do vuha.. jezušek kakšni velki gubec ima.. rekla..Baš ste pravi kavalir.. Pa se javil i stareši človek kaj je stajal još dalše v redu i veli meni.. Kad ste več tako velikodušni mogu ja preko reda prije vas.. Možete ..velim ja njemu..al posle pemo skup na pivu..narafski vi plačate.. Pa je človek odustal da me dalše zafrkava .. I tak.. vreme je prošlo..jeno dvajset minut je to trajalo.. dež i dalše curi a ja moram van z apoteke...a baš sam se dobro zabavlal… Bežim v brtiju tu v Dugu vulicu v dvorišču …Ha..je zaprta.. nemreš verovat.. Ništ.. bum malo vedril v haustoru ….

Serbus …………..


18:57 | Komentari (11) | Print | ^ |

ponedjeljak, 20.10.2014.

Jesenske špancirancije …………..



Znaš .. nekak je jesen to vreme gda človeka primi ona nostalgija bolše neg drugač.. A kaj.. leto je prešlo.. znjim i fine ledene Ožujske z citronom.. pucice si več navlekle rubače.. hlače.. pa i čižmake.. još par lepih dni.. pak bu nazaj dež curel.. veliju več za dva dni.. nebo bu postali sivo.. sunčeko se bu zkrilo.. a zima bu za čas lupala na vrata…I tak je zdaj baš dobro vreme da se človek još jemput prešpancira.. a kam drugam ak ne na dobri stari Gornji Grad.. Pa čez Streljačku prema gor.. sasvim polahko.. da dugše traje ….



Hitiš jen dugački pogled dol čez Mesničku.. na Ilici gužvancija galama.. trajvani drndaju.. ljudi klepečeju.. avti trubiju.. a ovde gore mir i tišina.. Viš.. Mesnička je sva z kockami naređena.. pa je naš gradonačelnik.. oni dotepenec z bregof.. i cirkusa malo tu delal.. Ha.. pa ni za dugo.. baš su ga znočka zaprli v bajbok.. kak zajdneg gangstera.. baš se ja z tim i ne slažem..al kaj.. Doduše on i ja se znamo dugačka leta.. navek smo se svadili i kleli..a se na človeka navikneš a onda ga zapreju.. Kirega buju ljudi zdaj kleli…



Jezušek.. kak mi nekak denes težko ide ti pentranje gor.. al bum nekak zgural.. Tu na levo od mene bageri kopaju starog brega.. iščeju stare gradcke zide.. podrume.. kosture.. bi ga vrag znal.. Znaš.. nigdar više tu nebu kak je bilo.. Pa ja ne sumnjam da buju to lepo zrihtali..al.. meni bu navek pri srcu ostalo onak kak je do ščera bilo.. A baš su i zkopali oni del starog Griča gde su bile one stare ofucane klupe gde smo curičke pelali v črnu kmicu.. Eee.. to su bili lepi cajti.. Na starom Griču bregu.. klupa v šturcu v šikari.. kmica.. od zgor samo Mesec svetli .. a ti na klupi muku mučiš z curičkom v krilu.. Hmm..zapraf z halterima i najlonkama….Kak zgledi.. nigdar tak više nebu.. A kaj.. Ništ.. pemo dalše ….



A na stari Promenadi prava bogata jesen.. Pogleč samo kak su se v vse farbe zrihtali stari kostajni.. tak je tu lepo stati i gledeti tu lepotu.. A gor v ovi palači oni prognozeri zmišlaju kakšno bu zutra vreme bilo.. pak bu oni Vakula vsega nadrobil nafčer na televiziji.. Morem ti kazat da se čist komotno osečam brez one moje ambrele .. več dva dni ju nis trebal.. al več zutra bu se nekaj zmenilo.. veli oni Vakula..al i mene draplje po levi nogi skroz gor od riti pa do maleg prsta.. Vrabec ga dal.. jedva sam osušil cipeliše od prošleg dažda … No.. treba skoristit dok lepota traje..



A tu na Vranicanjevom spodi Lotrščaka navek malo zastanem i se setim svojih starih pajdašof kaj su se tu okuplali.. Aaaa. prava je to banda bila.. Štef.. Braco.. Ludva… bi ga vrag znal gdo je još na ovem svetu ostal.. nigde nikog nis srel več od davnine.. Pa nit nis nikaj čul o oni lepoj curički Mirjani z Matoševe vulice.. Zbog nje sam tu i batin pobral kaj su tu domaći dečki držali pravo na vse puce z Griča brda.. ha .. Nis ju videl od srednje škole… A je da je Vranicanjevo denes lepo zrihtano.. milina.. al kaj.. nema tu više nikoga.. nit slučajneg prolaznika.. Jedin vjutro pelaju dobri Purgeri tu cucke na scanje i srajne… Eeeh………..



Znaš kaj.. lepo bum se tu pri Kulmerovi palači smestil v kafič od one Vištice.. vražja ženska.. kaj ta vse ne spelava.. Pa ja nemam nikaj protif nje ..al konobar joj jedva hodi od ljenosti ..Projde pol vure dok ti prinese tu Nesicu od vanilije.. a kak je polahki kak šepavi puž.. gda stigne več je Nesica mlačna.. Aaaa.. baš mi paše na jutarnjem sunčeku.. I tak sam si lepo zadremal da sam skoro vrit poslal konobara gda je konačno prinesel tu Nesicu i zbudil me.. Još je rano.. nema nikaj ljudi..a nema nit đakov tam pri negdarnjoj šestoj gimnaziji.. Prek puta na krovu Dverca vrabčeki žifkaju.. sa Vranicanjevog se čuje cucak kak laje.. i to je vse …



Narafski.. navek ja tu na Južni Promenadi zastanem pokraj svojeg pajdaša Gustava.. Fort si on i ja imamo nekaj za pripovedat.. on meni kak je negda bilo.. ja njemu kak tak više nigdar nebu.. malo ogovaramo dobre Horvate.. a onda ja na svoju stran..a stari Gustaf ostane gledeti svoj Zagreb i čudit se kam je to svet prešel ……..



Tak polahko moja špancirancija po Gornjem Gradi pe koncu.. Evo.. več se čez obloke z gimnazije čuje kak mladi nutra galamiju..a ja bum dole v nizinu čez Zakmardijeve štenge.. Još se malo obrneš i nekak z žalom gledim .. kak da bi najrajše tu ostal.. No.. bu još prilike sim dojti………



Viš.. tam na železnom plotu pri vidikofcu z istočne strane .. zapraf na koncu Promenade se odnavek ostavlaju poruke i želje.. zapraf.. nisu to pisma nit papiri nit svileni rubci.. neg pravi železni lokoti.. Naškrabaš na lokot svoje ime i ime svoje najdraže..pa onda lokota zaklučaš na tu štangu.. Pa to znači lubaf vječnu.. Bum ti rekel da sam negda davno i ja svojeg lokota tu zaklučal..Al se je ta železna ograda tolko z tim nafilala.. da je postalo moguče da se bu i ščupala z poda i zida od težine.. Pa su onda pred dost leta plota odpilili i lokote poskidali.. Al kaj.. mladi pak tu mečeju i dalše svoje lubavne lokote.. Kaj ti nemaš tu svojeg lokota…ha …kaj čekaš…..

Imajte se dobro ………………


14:35 | Komentari (19) | Print | ^ |

nedjelja, 19.10.2014.

Čez Dalmatinsku….

To tu kaj vidiš je Dalmatinska vulica.. Je to ona kaj ide od Frankopanske i na drugu stran na Meduličevu van.. Bum ti rekel da tu denes ni bogznakaj za videt.. istina da tu jesu velke ogromne palače..denes su to vse stanovi i nekaj poslovneg prostora.. pa tu mislim na kancelarije gde se samo škraba po papirima.. V ti vulici nema nikakšneg štacuna .. jedin jena brtija i jen nočni klub .. je to sasvim krepana vulica…Ja zbilam neznam zakaj se ta vulica nazivle Dalmatinska.. morti po Dalmaciji …al Dalmatincima..al po onem umjetniku kaj je po kamenju tukel..Jurju Dalmatincu.. Moral bum to negde poiskati….
Negda su v ti vulici stanovali vse nekakšni bogataši..fiškali..bankari.. fabrikanti kaj su si mogli priuštiti živeti po tim palačama i ogromnim stanovima… pa ja baš i neznam preveč ljudi kaj tu stanujeju..al ipak nekaj malo znam.. Prvo bum spomenul da su policijoti tu spredi broja šest još dalkih leta vbili oneg poznatog kaj se takaj boril za Horvacka prava..se zval Milan Šuflaj.. Pa denes nebum o njemu škrabal ..…………..V ti vulici živiju dva fest poznata Horvata.. jen na levoj strani drugi na desnoj.. nebum broja na hiži spominal … A obadva su moji dobri poznaniki i pajdaši makar su dost stareši od mene.. Pa ja koji put dojdem njih pogledeti..al jen nesme znati za drugeg da sam ja bil pri njemu..



Na levoj strani stanuje Ivan Gabelica..poznati domoljub.. Je taj fest nadrapal v oni črleni državi kaj je propala.. su ga zapirali v rešt.. tukli i mučili kak pesa..a samo zato kaj je imel rad Horvacku.. Je taj odhrmbal pet let na robiji.. posle dugo let ni imel pravo biti kak vsaki drugi obični človek .. se to reče..ni imel pravo javnosti.. I gda je došla nova Horvacka država je taj Ivan Gabelica otprl svoju fiškaliju.. advokaturu.. kaj je za to i škole završil.. takaj je i svoju politikantcku stranku naredil i bil predcednik do pred par let.. Je to pravaška stranka .. Denes je več dost let nakupil pa se malo primiril ..al još hodi naokol i žlabra protif črlenih..
Z desne strane te vulice živi drugi poznati domoljub..je to Mate Ćavar..poznati pjesnik i ..se reče.. publicist.. a je i nejgova ženica fest poznata..Ružica Ćavar koja se bori protif abortusa…………Za vreme one črlene države je ti Mate Ćavar privremeno delal i živel v Beču.. I je tam bil v grupi Horvackih domoljuba kaj su delali protif komunistof v bivši državi.. Je on tu dolazil..se reče.. ilegalno pa je nosil one štampane plakate..pamflete.. i još je svakakšne opasne norije izvodil proti črlenih.. I jenog dana su ga dočekali udbaši v zasedi gda je išel ženicu posjetit v Dalmatinsku vulicu.. I su skočili na nejga a on se je znjimi potukel kak besni pes.. i je on strelal z pištole..a su i udbaši strelali po njemu.. Pa je on nadrapal.. je bil pogođen z par metkof i su ga vlovili.. Narafski.. lepo su ga zlečili..pa ga onda zaprli na dugo let na robiju..
A ta dva velka domoljuba ne pripovedaju skup.. nit se ne glediju od vremena gda su ih strpali vrešt.. Je to bilo nekak v isto vreme gda su jenog i drugog vlovili.. Pa pripovetka veli da su udbaši prveg vlovili teg Ivana Gabelicu…I gda su ga mučili ni siromah mogel zdržati muka pa je udbašima izpripovedal da je nejgof pajdaš ovi Mate Ćavar.. I tak su tog Matu Ćavara vlovili i strelali zato kaj je ovi Gabelica jezika splazil.. Pa se kasnejše to doznalo i to mu Mate ni mogel pozabiti skroz do denes… A su skroz to vreme i Matinoj ženi Ružici delali udbaši velkih nevolja..a i ovi današnji ju nikak nemreju zgruntat.. A ženska je bila doktorica stomatologije.. i duga leta nije mogla nigde posla dobit.. Bila su to težka vremena za vse njih.. Sam ja pokušal Matu nagovorit da se oni pomiriju on i Gabelica.. pa Mate neče.. Je on trdoglavi Hercegovac ..a Gabelica takaj trdi Dalmatinac ……A ja sam z Matom bil v pajdašiji još za one črlene države i skup smo bedarije delali ….
Pa je v ti vulici bil još jen poznati Horvat..oni pevec i mužikaš.. Dino Dvornik.. On je v Dalmatinski vulici na broju 18 imel v podrumu nočni bar..nazajdne se zval Afrika kak i ona nekakšna pjesma kaj ju je ti Dvornik napisal.. Je ti Dino poznati sin još bolše poznatog našeg glumca Borisa Dvornika……….Pa je ti Boris..stari japa.. vmrel prvi.. A ti Dino je v tem baru spelaval takšne norije vsih fela da je vsako malo policija imela tu posla.. Je taj bar bil bar jemput na mesec zaprt… Na koncu su se nekakšni nutra obračunavali z pištolima pa je bar zaprt na dulše vreme.. I se onda desilo da je za kratko vreme vmrl i taj Dino Dvornik..a je bil još fest mlad.. Denes je ta luknja gde je bil bar pak nekakšni pajzl.. cafe bar.. kaj se zove..Pračka….
A v Dalmatinski vulici je još za one Kralevine bila velka pekarna kruha.. v dvorišču na broju sedamnajst.. Se zvala Sveta Klara.. I je ta pekarna kasnejše postala državno poduzeće kaj se nazivalo samo Klara.. I dela još i denes samo je spet nekakšni privatnik vlasnik.. i još se zove Klara.. Negda..se i ja sečam je znalo skroz do Frankopanske dišati gda bi pečeni hruh vadili z peči.. Denes se tu ne peče kruh.. to je negde drugde.. ovde samo delaju one pekarske kolače.. Pa više ništ ne diši kaj vse mirise moraju zpuštati prek nekakšnih..veliju.. filtera za pročiščavanje..
Pa ima još.. v Dalmatinski vulici je na broju pet bila velka štamparija.. Tu su libre štampali po onem starinskom načinu..popovi z Kaptola.. se to zvalo Štamparija Krščanske Sadašnjosti.. Su to bili oni stari štamparski stroji kaj su ih zvali knjigotisak i bakrotisak.. Pa je ta štamparija tu delela od Kralevine pa tam negde do osamdesetih let.. Se ja dobro sečam tega kaj sam v to vreme ja delal v Grafičkom Zavodu Hrvatske v Frankopanski vulici.. Pa su te dve štamparije fort nekaj skup ..se veli.. surađivale.. I tak su se tu štampale Biblije..Katekizmi i druge vjerske čitulje..

Gda je tiskara propala je to vse letima stajalo prazno i pohabano.. A gda je došla nova Horvacka je nekakšni ..se reče.. poduzetnik tu otprl nočni bar ..kockarnicu.. a je bilo i oneg striptiza..kaj se ženske skidaju gole..a bedaki im za to daju peneze.. A taj poduzetnik.. si ja nis zapamtil kak se zval.. je z vanjske strane hiže vredil one izloge onak kak je to zgledelo još prije neg je tu začela i štamparija delat.. Pa je taj bar propal.. tera se sud jer se nemreju dogovorit čije je to.. popi tvrdiju da je njihovo.. Grad Zagreb da je njihovo.. a javili su se i nekakšni židovi z inozemstva kaj to iščeju nazaj.. Pa vse to traje več prek deset let.. A Hiža stoji onak napušteno i zapušteno kak to more samo v našem dragom Zagrebu zgledeti …………….

................. Serbus .............................................


19:56 | Komentari (5) | Print | ^ |

petak, 17.10.2014.

Prva nostalgija


Davno je bilo, s godina trinaest
čašica pića i prvi dim
život je bio posebna priča
ljubav na klupi i poneki film.

Šezdeset i neke u Zagrebu gradu
Tuškanac šumi i Zrinjevcu hladu
košulja bjela, čaga u Dvercu
Doxa na ruci iz Praške po švercu.

Iz Trsta starog papci i Levis
švercane ploče Cliff Richard i Elvis
na ruci prsten od zlata čisto
s Ponte Rosa za lira tristo.

Začešljana kosa Tarzan frizura
u gradu na Špici prava figura
a klinke lete, ako si frajer
pljuga u ruci u srcu fajer.

Na Gornjem Gradu, tam pokraj Dverca
u potpunom mraku dva lupaju herca
a klupa škripi, ljubavna klopka
i sve pokvari - glupa hulahopka.

Al bilo je dobro dolje na Savi
kod Babinjaka i čuvar stari
za jednog petaka iz gustog drača
mogel si zurit u babe bez gaća.

Trešnjevka stara na rubu grada
Zvonko Špišić i puno balada
vrtovi cvjetni i tajni bordel
imali su već onda i tramvajski hotel.

Tamo prek Savske Trnje je staro
vrbici i Sava a nebo plavo
i Drago Diklić tam vreme je gubil
tu se dotepel, tu se zaljubil.

Trnjanska cesta, tajanstveno mjesto
raj za fakine, tu došel sam,često
buhara kino s drvenim stolcem
i biljeter Štefek s vrbovim kolcem

Sjevernom stranom na Bukovcu gore
znal sam otići s klapom iz škole
trešnje smo krali i breskve sočne
bilo je to vrijeme za avanture noćne.

A Črnomerec, sirotinjska fara
prosjek mu drži Kustošija stara
za bijeli grad Zagreb to pravi je raj
od vremena davnih tu čuje se Kaj.

I Kustošijanku ljepu i blagu
izabral sam jednu za svoju dragu
na Milera brijegu iznad ciglane
kušlece smo krali sa ljubavne grane.

Novo je doba, prolazi vrijeme
godine stigle, teško je breme
šezdeset i neka na grbači leži
kosa već sjeda i puno sam teži.

Zagrebom lutam, voljenim gradom
na stara mjesta odlazim kradom
izgubljeno vrijeme naći bi htio
al' puno toga ovdje se zbilo.

Zar nema šume tam ispod Dverca
nema ni klupe što čuva dva herca
nema ni Špice kak bilo je prije
grade moj dragi, pa to istina nije.

Od Trešnjevke stare tek ostalo ime
hrpa betona bez čari, intime
samo još Špišić, već pomalo stari
u svojoj pjesmi Trešnjevku slavi.

Ni Trnjansku cestu vidjeti nije
za gomilom stakla tužno se krije
po koji kućerak oronuli stari
ne može biti Lisinskom al pari.

Zagrebom lutam, uspomene blijede
razočaran od nove graditeljske bijede
stakleni dvorac kraj starih fasada
i nagradu je dobil za ruglo grada.

Na svijetu ovom uvijek nepravde bude
i Zagreb je dobil - neke nove ljude


18:02 | Komentari (11) | Print | ^ |

srijeda, 15.10.2014.

Dažd…



Kak i sam vidiš..ništ brez ambrele.. denes taj dež curi celo prijepodne.. I vjutro stojim pokraj obloka i si mislim.. znočka je daždilo.. denes takaj..a za sutra je več najavleno znova kak i denes.. ma..kaj… nebu mene nikakšni dažd zabremzal kaj ja nebi prešel van z hiže… Jedin kaj mi je dost loše kaj se moram pelati v trajvanu .. gda god je takšno loše vreme onda su trajvani bolše puni.. A gda su puni i je ta gužvancija onda se ja loše osječam.. me fest smeta ta jurnjava v trajvan gda stane na štaciji.. Onda one ženske upadaju v trajvan z otvorenim ambrelama… da im slučajno nebi kakšna kaplica zcurela na tikvu.. I gda več zajde v trajvan onda još nutra i steple tu ambrelu okol sebe.. al ju pak drži tak da se meni v cipelu voda cjedi.. A meni onda dojde da joj tu ambrelu ftrgnem na pol.. A kaj moreš.. neznaju se vsi ponašat ..onak fino.. kak to znaju pravi Zagrepčanci…. A teh denes moreš z lampašem iskat…A ja ti se v trajvanu radi stisnem v šturc na kraju tak da celi trajvan gledim spredi sebe.. Navek ima nekaj zanimlivog za videt..al za doživet..



Tak je denes zašla v trajvan..tam pri Slovenskoj.. jena ženska.. bi rekel..polovnjača ..tak okol pedeset let.. To bi trebal videt.. Je imela na sebi krzneni kratki kaput..kak da je vani Sječanj i snjeg do kolena.. pa onda nekakšnu kiklju .malo je falilo da je do poda.. al je .. se reče.. sa strane.. razparana do kolena.. još veliju ..rasprđokana.. Pa se kroz to vidlo da ima nekakšne mrežaste čarape bjele farbe..zgledalo je to kakti bela ribarska mreža.. I na to vse čizmaki do kolena i to oni mušketirski kaj su podfrknuti spodi kolena.. Ti vrapca.. su je ljudi gledeli kak svetcko čudo.. Tak se nemreš obleči neg za cirkus ak nutra predctavlaš kakšneg ženskog jopca ….
Pak to ni vse kaj se ima za kazat… Ta je ženska bila tak nalarfana kak da joj je negdo z malerskom kefom nametal farbu.. Je vlasi kaj su virele spodi nekakšne vunene čudne kape ofarbala v tak črleno da vse pika v oči.. a ta kapa je zelene farbe.. Pa po licu ima valjda za prst debelo farbe.. se reče.. brez ikakveg ukusa.. vse se vidi kud su se kaplice kiše zcedile.. To je tak grozno zgledelo da su se ljudi okol pogledavali i kolutali z očima.. Pa to vse ni ništ.. Gda je ta larfa zašla v trajvan mam je celi trajvan zasmrdel po nekakšnem parfemu.. More bit da si to zleva po sebi.. Nis mogel stajat pokraj nje.. vse su ti suze na oči išle kak je to štipalo…Jezušek dragi.. Jen stareši mužki se ni mogel zabremzat .. gundra tak da ga se čuje.. Kak tu nekaj jako smrdi.. A ona ništ..sam ziher da je čula .. ni nit z okom trepnula.. .. Je to bilo smešno za videt.. pun trajvan ljudi samo okol nje mjesta kolko hočeš…. Meni ni ona zgledela kak kakšna sirota.. je imela dost tega zlatneg šmuka po sebi.. prije bi rekel ženska brez ukusa i mjere.. pa nit one..se reče..samokritike.. A čist lahjko i da je malo trknuta.. A kaj moreš.. vsaki je svoga tela gospodar.. Sam ja na Frankopanski zišel..kak je dalše bilo v trajvanu neznam.. Bum videl na vjestima dal se gdo pri Kvaternjaku v trajvanu zagušil.. I tak si mislim da je bolše da smrdi po lošemu parfemu neg gda kakšni z bauštele izuje stare tenisice v trajvanu ……… Jezušek kak taj dažd curi.. Ništ mi tu ambrela nebu pomagala.. je..a kaj.. jedini spas je v brtiji.. A i nebi škodila Nesica od vanilije…

Serbus …………….


18:25 | Komentari (16) | Print | ^ |

petak, 10.10.2014.

Cipelcugiranje.. jebal ga vrag ……



Znaš..kupil sam si nove cipeliše..one nekakšne kaj se vnjima more fest štrapacirati.. Pa ih ja nis štel..al familja kriči na mene..kakti.. Kaj si škrt za sebe.. kupi si to.. viš kak si težki.. trebaš prave cipeliše a ne ove opanjke kaj ih nosiš… I tak dalše i tak dalše.. I na koncu sam popustil i kupil te kakti ..se reče..špecijalističke.. Užas jen.. to ti je cipeliš nekak z zafrknutim potplatom i na papkima i na petanjku.. I gda hodiš onda se zibleš kak da se v čunu pelaš.. veliju da treba par dni da se priviknem.. I ja sam se oveg jutra začel privikavati.. Hmmmmm.. Hodim tak da sam sam sebi smešan.. a još bolše sam smešan gda pogledim kak to zgledi na nogah.. Kak da imaš one Venecijske gondole priheftane na nogami.. A kaj.. valjda bum se navčil i hoditi ftem i priviknuti na to kak v se skup zgledi..
I tak ti se ja hrabro dopelam z trajvanom do Trgača.. denes ni nigdo smrdel kak živina.. i razmišlam kam da se pem včiti hoditi v tem na nogami.. Ništ.. mislim si ja ..pem na Gornji Grad pa bum tam sprehodal vse vulice .. me tu nigdo nebu videl kak se ziblem.. Ti vrapca.. kak sam nadrapal.. sam prešel čez Tkalču vse do Felbingerovih štengi pa gor na Vrazovo.. To su ti bile muke hoditi gor.. pa z tim cipelišima nemreš hoditi po prstima kaj su zafrknute prema gor.. A kak buš išel po štengami ak ne po papkima.. No.. si ja gruntam ..i to treba nafčiti.. Jeeee.. sam se nekak spentral gor i več sam bil zmučen kak da sam zišel na Velebit..pa sam si tu na Vrazovem sel na klupu v sencu i malo si odahnul.. Baš vidim .ona Gornjogradcka kavana Palainofka je spet malo obnovlena i vređena..al je još zaprta kaj sam prerano došel.. No..a kaj.. ionak još nis tak fest žedan a nit ne volim sam piti v brtiji.. Bum ak zatreba malo kasnejše zašel poškropiti želudec..
I tak sam ti ja sprehodal celi Gornji Grad.. I moram ti priznat da meni vse bolše ide to hodanje v tim smešnim cipelišima.. Nekak.. kakti da ne osetiš da opče nekaj ima spodi cipele.. Počel sam osečati kak lepo federiraju pri vsakem koraku.. pa sam i to zibanje savladal i zdaj več hodim skoro kaki v svojim običnim cipelišima.. Jedin kaj i dalše zgledim kak da imam čamce na nogami.. No pemo dalše..hajde ..hodaj.. vrabec te dal.. si cipeliše skupo platil ………….



Viš .. a to sam ja več štel komentirati pa navek pozabim..a vsaki put gda tu dojdem denem tu hižu na kipec.. To ti je na vuglu Mletačke vulice.. Ta je hiža fest stara ..par stotin let.. negda je bila malo manjša al tak su vse hiže dograđivane..pregrađivane..kak je koji gazda tu došel tak je reda delal.. A je ta hiža najpoznatejša po brtiji kaj je tu bila.. Bi rekel..a kaj.. brtija kak brtija.. Pa ni tak.. To se mesto zvalo.. Krčma Terezije Lader.. Pa se nezna baš puno o ti Tereziji.. Pripovetka veli da je jemput odnekud tu došla zgodna sredovečna ženska..kupila tu hižu.. i otprla brtiju.. Mam se vidlo da je sama i da nema muškega pokraj sebe.. nekak je vsima okol zgledelo da je baba krčmu otprla samo radi nekakšnog zadovolstva..a ne zbog zarade.. najme.. se vidlo i da baba ima penez više neg bi joj krčma donesla.. Makar je.. veliju.. posel dobro išel.. Pa kak i nebi.. gda je ženska sama.. dobro zgledi.. vrti se po krčmi gde su v ono vreme samo mužki mogli zajti.. Pa je bilo i razneg cirkusa v ti brtiji.. Su tu dolazili i Purgeri i razni drugi stanovniki.. trgofci.. mesari.. zanatlije.. pa i oni z gradckih službi.. I vsi su se rad imeli s tom Terezijom..koja je..navodno.. koji put znala kašneg muškog zabrati.za..bi se reklo.. hmmm..privatnu zabavu.
Al ti to vse nisu rad gledele Purgerice… No.. pa je več prešlo ono vreme gda si mogel kakšnu babu prijaviti da je coprnica..al su zato Purgerice znale dojti v gomili pred krčmu i kričati na svoje muže kaj su nutar bili.. a babi su vikale svakakšne pogrde i prostote.. Pa bi onda tu došli gradcki žandari i potjerali babe.. A mužki su svoju porciju jezikove juhe dobili malo dalše gda bi zišli van z brtije.. A nigde ni zapisano ni gda je ta Terezija došla nit kak je i kam prešla.. Su se razni trači spelavali okol nje.. se čulo da je ona fačuk od nekakšneg grofa.. pa da je plemenitašica kaj ju je muž potiral zbog kurvanja.. pa do tega da je nekakšna princeza.. bog te pitaj odkud.. No.. se tradicija v ti hiži nastavila i tu je od navek do denes nekakšna brtija.. Je točno da je to bilo od vremena do vremena zaprto..al se isto tak i ponavlalo..

Denes je v ti hiži ono na kaj se ja hočem žaliti.. Tu je v našem Zagrebu poznata ..Konoba Didov san… TI vrapca..kaj nisu mogli najti nekakšno ime kaj bi bilo primereno našem Gornjem Gradu.. daj si zamisli.. Konoba.. i to vsred starog Grada Zagreba.. pa nismo na nekakšnem kamenjaru pri moru al na otoku da bi tu imeli konobu.. No..je vse jasno.. vlasnik te Konobe je nekakšni dotepenec kaj se rad sječa vinskeg podruma svog dede negde tam pri oni slani bari.. A kaj moreš.. ionak je naš Zagreb pun stranjskih imena znad štacuna.. pa onda ovo još i dobro zgledi.. Al ipak.. Konoba.. na Griču brdu.. svakaj.. bogeg dragi… vražji dotepenci.. pem dalše ……….



Gda sam tri put sprehajbal Gorni Grad.. a več sam postal sumnjif stražarima tam spredi Banskih dvora gde sediju vladajuči..jebal ih vrag črleni.. onda sam si malo stal tu pokraj Uspinjače.. naslonil se na ti zid i gledel dol mojeg Zagreba .. I navek se znova divim onem kaj vidim..i tak sam ponosan kaj sam baš ja pravi prafcati Zagrepčanec.. Pogleč samo kakšno je divno plavo nebo znad našega dragog Grada.. Dole je buka i galama..al ti tu gore ništ ne čuješ.. Mir.. tišina.. tu i tam žifka kakšni vrabec gor na Lotrščaku.. a dol spodi stare kule baš se dotepel moj stari školski pajdaš..oni Tom Evergrin kaj tu svira na gitari.. I baš je začel z onom našom …. pšššš… kuš budi …...
maaa.. to sam rekel vrapcu kaj tu žifka kak nori...

Serbus ………..


17:20 | Komentari (11) | Print | ^ |

četvrtak, 09.10.2014.

… Dobar dan ………………



Narafski..i denes sam se dopelal z trajvanom.. a nazaj prema domof bum išel cipelcugom gda se sprešetam po Gradu. A moram ti reči i kaj je bilo v trajvanu.. Da su spet gužvancije ..to ni ništ posebnog..da vsaka vuš zajde v te naše trajvane i to je poznato.. No.. denes je bilo veselo.. V trajvanu je tolko ljudi na se nemreš pomaknuti a da se v nekog ne zadeneš z nosom laktom..al da negdo tebi ne stane na papak.. Nekaj se sprepetilo pa ni bilo trajvana..al se dost ljudi skupilo.. I v tu gužvanciju na Selskoj zajde i jena mlada..zgodnička ženskica.. bi rekel da je študentica .. Ima lepo ličeko.. črne kuštrave laseke.. zgledi fest dobročudno … I kam se bu zrivala neg baš pokraj mene.. No tu je nastal preokret.. Ta zgodnička pucica je ….hmmm.. kak bi se fino izrazil.. no.. je onak elegantno popunjena kak ona najdebelša platana na Zrinjefcu.. Ima ženska ciceke ogromne.. bi ja rekel da je to oni XXL.. tak se denes računaju veličine.. Pa bi ja tu dodal i još jen X kak je to zgledelo.. I kak stoji baš pokraj mene..zpustim ja malo pogled na dole.. I tu se ima kaj za videti.. Okol trbuha ima tri ona.. veliju šlaufa..ženske znaju o čem ja pripovedam..a vsaki šlauf barem za jen dobar pedalj široki. I još sam malo glavu zavrnul da vidim rit.. bogmeš bi se človek mogel fest zmučiti ak bi kaj takšnoga došlo v pitanje.. Ni baš dobro .. gruntam si ja..kaj ta stoji pokraj mene.. ak tramvajac na mrtvo zabremza trajvan.. ta nas bu vse odgurala čez celi trajvan do tramvajca.. a ja bum prvi stradal.. Sva sreča pa trajvan polahko pela.. Hmmm.. pa ni ženska kriva..i njoj je težko..sva se zašvicala i črlena je kak oni paradajz..
Pa ni trajvan nit došel do druge štacije gda ova pokraj mene zvleče z vrečke zamotuljak.. raztepe ga ..a ono.. sendvič.. Ti vrapca.. to si trebal videt .. barem pol metra dugački a znejga viri i šunka i sir i šalata i još nekaj kaj nis mogel odredit.. A si trebal videt kak je taj sendvič brzo nestal.. Gda je ta zgodna pucica razjapila gubec ..mam je v nejga porinula jeno petnajst centimetrof teg žderila.. Par ljudi okol nas gledi to..ona mljacka.. zubi joj delaju kak flajš mašina.. sva je okol gubca zamusana od one majoneze.. Pa se lepo obriše z dlanom i onda to…poliže.. Jen stareši mužki se našali pa ju pita.. Gospodićna bu vam to bilo dost… A ona se nasmješi od vuha do vuha i odgovori.. Imam još jenog takšnog v cekeru.. I smo se na to lepo nasmijali.. A taj sendvič je nestal dok još trajvan ni prešel nit dve štacije.. Narafski..ženska je vredno polizala vse prste i celu šaku..a prije toga se je z istom tom rukom držala za onu musavu i slinavu štangu v trajvanu..a zdaj se je pak prijela.. Dobat tek.. si ja gruntam.. ta zbilam ima lepi apetiti.. skoro kak ja .. Na Frankopanski je zišla dol.. gledim ja.. nosi ona škarnicl od sendviča prema košarici za smetje.. Viš gruntam si ja.. ta zna kaj je kultura.. Pa nis još praf to do konca zgruntal.. gda ona hiti papir prema košu..al ga je fulala.. papir je opal na trotoar. Ona ga je malo gledela.. i prešla dalše.. A papir je ostal gde je i opal…Tolko o kulturi..



Znaš.. več mi ta Mesnička vulica pe pomalo na žifce.. Več celi teden Zagrepčanci pripovedaju o tem svetlima kaj po kmici žmigaju čez celu vulicu.. Pa i ja bi rekel da je to vekla bedarija koja košta penez.. Al ak si malo bolše zgruntaš.. več posle ove zime kaj bu došla velik teh svetli nebu delalo.. Buju krepala i ..kaj.. nikomu ništ.. Pa gda se zmisliš da je ovi naš gradonačelnik.. dotepenec z bregof.. najvekši gradcki arhitekt.. ingenjer.. doktor.. profesor.. i na koncu Zmaj od Zagreba.. onda se nemaš kaj čudit da je tak kak je.. Ja se zapraf po pitanju te Mesničke ništ ne čudim.. vulica pe i dalše v breg..al niz breg.. z koje strane več glediš.. A to kaj zdaj nema više trotoara.. eee.. to je samo nostalgija našeg gradonačelnika za nejgovim putima i stazama po kojim do nejgoveg sela v Bosni moreju prejti samo oni mali Bosanski kojni.. Pa kaj misliš da tam postoji trotoar…ha .. A. ništ.. barem bu svetlilo za Božič… ha ….



Denes je tak lepi sunčan dan.. tu i tam kakšni oblaček preleti prek neba.. Taman za po vani se špancirat.. A morem ti kazat da se fajn ljudi špancira čez celi naš Grad.. I staro i mlado.. vse je na vulici.. Zbilam neznam kaj bi prije gledel.. dal izloge v kojim je več pometana jesenska roba.. dal dreva kaj su fajn začela žuteti i listje gubiti.. al pa lepe zgodne Zagrepčanke.. pa bum vse po malo..



Čuj.. na Trgaču se pak sprema nekakšno sajmišče.. pa su oni velki šator razvlekli.. makar je naš gradonačelnik rekel dac ga više nebu.. Pa nit ni nigdo to veroval tom dlakavom dotepencu.. Vidim da ljudi to vse glediju.. pa klimaju z tikvama.. čudiju se kaj to of mulac spelava po našemu Gradu.. A da se ja nebi preveč čudil.. pem ja v našu dobru staru Tkalču.. Pogleč samo.. tu ti je kak v košnici punoj pčela.. Pa ne stoga kaj su ljudi vredni kak pčele.. neg stoga kaj je tu takšna gužvancija.. rekel bum ti zaspraf da se moreš fučkat a ne najti mesto v kafiču.. Ti vrapca.. kak da su ljudi od polnočke tu bezecirali stolce.. No.. pa ne moram sesti v brtiju čim ju spazim.. lepo se i malo sprehoditi čez vulicu..makar ni za to baš ni preveč mesta.. Uživancija.. velim ti da tega kaj je naš Zagreb na ovem svetu nebuš našel …



Narafski.. ja sam se ipak smestil..a kam drugam neg v Oliver Tvist.. tu ja nekak najrajši sedim.. Malo je onak v šturcu pa se lepo vidi vulica..a i moreš hitit pogleda na one stare Gornjogradcke hiže i palače koje kak da su z brega zrasle.. Viš.. baš bi trebal malo i na Gornji Grad zajti.. Bum drugi put.. Zdaj sam si tak lepo sel i noge spružil.. a sunčeko me baš onak..pasent.. grije.. Vse gledim dal bu gdo od mojih Zagrepčancof naišel.. Nigdo.. kak da su v zemlu propali.. Pa se razme.. denes je državni praznik.. se reče.. Dan Horvacke neovisnosti..al tak nekaj.. i vsi moji pajdaši su od jutra po svojim stalnim brtijama i kafičima.. i teraju politiku na sva zvona.. Pa gda več nemaju kaj spametnoga za kazat.. onda začneju tračat naše politikantice.. Pa im ona Ruža više ne paše jer .. veliju.. preveč ih podseča na Švarcenegera..A za Kolindu bi se skorom vsi odlučili.. al ih dost i za onu črnu Holicu navija.. Narafski.. oni na vse to glediju kak na ženske a ne politikante.. Maa.. hrustiju se brez veze..a pri hiži su dužni da im nit oni ememef nebi spasa našel.. I tak.. prvo popluvaju vse pollitikante.. zrušiju državnu vlast.. a onda si.. haha..pofukaju vsaki svoju politikanticu.. i prejdeju domof na obed.. A meni ti je več fest dojadilo tu politiku ganjat.. fučka mi se gdo vlada jer je meni ionak jednak dal to bil Papa..al kakšni črni vrag.. Ha.. Nesicu od vanilije si moram navek sam platiti.. nema za to državnog.. kažeju.. poticaja..ha …

Serbus ……………


08:34 | Komentari (11) | Print | ^ |

petak, 03.10.2014.

Raport z Trgača …………



Pogleč.. to se zove osmjeh.. ha.. kakšna čuba.. prava Zagrebačka…



I baš sam na kipec del ove tu bele angeleke..gda mi je utrčal ovi mamlaz i tu se zprdnul..



Evo.. si videl.. a veliju da pri nam nemreš bit .. se veli.. poduzetnik.. Se natrpaš z žgancima i .. peeeeelaaaaj …ha..



Aha.. ona nalarfana Jehofka je dobila konkurenciju.. je stigla nekakšna nova..



Pa ni retko videt one naše lepe mlade pucice.. Zagrebačke mažoretkinje.. te kaj hopsaju i vrtiju oneg štapa.. Al ni vsaki dan videt ove tu.. vse curičke.. nit jena nema manjše od sedamdeset…ha ….

.. Leeeeepi ti je Zaaaaagreeeeb Graaad ............................... Bok ......


07:27 | Komentari (8) | Print | ^ |

četvrtak, 02.10.2014.

Tarapana na Srednjoškolskom ….

Bilo je to vreme gda smo vse bolše imeli spoznaje da se fakini moraju skup držati.. To ti je v našemu gradu i postala velka potreba.. Najme.. navek je bilo fakina kaj su tukli i maltretirali druge fakine..pa največ gda su ti bili slabeši od njih.. I tak je navek negdo bil jači a negdo slabeši.. Eee.. da bi se ravnopravno nosili bilo je dobro okupit se v .. kak su rekli.. klapu..al bandu.. I tak ti je malo pomalo skorom v vsaki vulici bila kakšna majnša al vekša banda.. One manjše su pripadale onim vekšim.. pa vsi skup smo nekaj ozbiljneg predctavlali.. A za vse te bande i klape su bili krivi baš naši školski učiteli.. nastavniki.. profesori.. Zakaj.. ha .. Zdaj bum ti rekel..
Ta školska aristokracija.. nastavniki.. razmeš.. eee.. oni su propisivali kaj bumo mi đaki čitali za onu lektiru.. pa smo mi rad baš to čitali.. A to su bile baš libre koje su nam pokazale puta ka klapama i bandama.. Kak zgledi.. tu profesori u nastavniki nisu tega bili nit onda svjesni.. pa su i vrmli nesvjesni po tem pitanju .. Dakle čitali smo vse one libre koje su pripovedale o druženju.. klapama.. uličnim.. gradckim i selskim bandama.. A te libre su bile fest poznate..pa su još i denes.. Luj Pergad.. Rat Dugmadi… Ferenc Molnar.. Junaci Pavlove ulice… Branko Čopić.. Konviktaši ili Magareče godine… Mato Lovrak.. Družba Pere Kvržice.. a da ne pripovedam kak smo dobro prifatili one Mušketire.. vsi za jenog jen za vse…. I tak.. bilo je još libri kaj su nas napelale da se začnemo okuplati v vulične bande..
No.. pa nebumo za vse to kaj je od teh dvorištnih klapa zraslo v ulične bande.. krivili školu i nastavnike.. Oni su nam samo dali primjera a mi smo dalše samo to spredelavali kak nam paše.. I tak su ti malo po malo vse vekše i jače bile te vulične bande.. Morem zaozbilno trdit da takšnih denes više ni .. Najvekše bande su se okuplale največ v Centru Grada.. pa onda po periferiji.. pa dalše po gradckoj provinciji..
Trebalo je imeti velkog rešpekta pred tim bandama jer su oni bili vekša snaga na vulici neg su to bili i Panduri.. Bande su vglavnom okupljale samo mužke .. retko bi gde našel i kakšnu curičku.. makar je tu i tam kakšna bila ravnopravna



………………Najvekša..zapraf.. najpoznatešja i rešpektirana banda je bila ona z Berislavičeve vulice.. pa ne stoga kaj su to bili fakini z te vulice neg stoga kaj su se okuplali na vuglu Berislavičeve i Gajeve.. A bili su to dečki z Berislavičeve.. Preradovičeve.. Gajeve.. Kovačićeve.. Svačićevog trga.. Osmog maja.. Kavuričeve.. Bilo je ih je vse skup okol sto..al si ih na hrpi najemput mogel vsako doba videt barem dvajset.. Tu smo bandu nazivali Žuti.. stoga kaj je velik del teh fakina imel žute vlasi na tikvi.. Tu je glavni bil jen suhi visoki frajer.. bi si človek pomislil da bu ga lahko veter odnesel gda puhne..Al bi se prevaril.. taj se je tukel za tri druga duplo teža fakina.. Zvali smo ga Begonja .. Navek je bil raščupan i imel je skroz pokvarene vse zube.. Nejgof zamjenik je bil onak malo debeli fakin.. se prezival Labus ..al bi ga vsi zvali Albus.. kak oni sapun za prajne veša.. Pa one svoje okol kaj su se znali je puštal da ga zoveju Albus..al ak bi mi negdo stranjski to rekel.. taj bi mam fasoval po tintari .. Štel je on da ga vsi zoveju samo Al.. kak oneg gangstera z Amerike…
………………..Druga banda po važnosti v našem Gradu je bila Zrinjevačka.. dakle.. moja.. Tu su se okuplali fakini z Zrinjefca koji je v to vreme imel fajn stanovnika pa još večma dečurlije i fakina.. pa su tu bili pribrojani i fakini z Petrinjske.. Palmotičeve.. jenog djela Draškovičeve.. Amruševe.. Štrosmajeroveg trga.. Mrazovičeve.. Đorđićeve .. Trgača.. Praške.. Tesline.. Bogovičeve.. Marinkovičeve.. Vse skup je bilo takaj prek sto fakina.. al nigdar nisu bili na kupu v isto vreme.. Na Zrinjefcu si ..osim mene.. navek mogle najti još barem deset duša v svako doba dana al noči.. V toj mojoj bandi nismo imeli posebno važnog šefa..al smo navek poslušali kaj bi nam rekel jen fakin z Đorđićeve.. smo ga zvali Mic .. Prije nejga je bil jen debeli Feri..al se je taj odselil nekam …Bili smo vsi ravnopravni pa kaj bi gdo predložil to se je smatralao zgotovleno…


………………..Dalše je po važnosti bila banda z Griča brda a knjoj treba pribrojit i bandu z Ilice od Trgača pa do Malog placa.. Frankopanske .. Meduličeve.. Dalmatinske.. bi se vrag više sečal od kud vse.. Oni su se največ držali svojeg Gornjeg Grada i navek si ih mogel najti na Vranicanjevom ..al v kakšni stari šupi po dvoriščima v Ilici na broju šest.. kaj ih je v to vreme bilo kolko si štel .. Znali su se i zavlačit v one stare katakombe spodi Griča brega kaj je jen ulaz bil baš v Ilici šest.. Gornjogradcki del bande su predctavlali Braco i Štef.. a oni Ilički.. brača Vugrinci i brača Jerbići.. Vsi su se oni jedin šmucali po Gradu gda bi se išlo na čagu..al v kino.. Al nedaj Bog da bi negdo strajnski nekaj začel noreti po Gornjem Gradu .. mam su to oni reševali.. A pogotovo gda se radilo o curičkama koje su tu stanovale.. Mnoge od njih kaj su imele dečke z Donjega Grada.. nisu ih smele pelati gor.. Moja je Zrinjevačka banda bila v fest dobrim.. se reče.. odnosima z onim gore..al sam i ja skorom jemput zube odnesel v žepu gda sam začel fulirati jenoj Mirjani z Matoševe vulice …



Još je jena prilična banda bila na Srednjoškolskom igrališču v Klajičevi vulici.. A to su pa največ bili sami učeniki oneh tri gimnazije i osmoljetke kaj su bile v današnjem muzeju Mimara.. A bilo je tu navek i fakina z Jagičeve vulice.. Ti se nisu preveč udaljavali od teg igrališča koje je zapraf velko kak nogometni stadion.. Al nisu nit puštali nikog zvana na svoj teritorij.. Jadna mu mamica gdo bi zalutal sim … Samo igrališče je ..kak i denes.. bilo obraslo šikarom i velkim drevima..kostajnima… a celo ograđeno z betonskom ogradom i gore z žicom.. eee.. baš tu je jemput bila velka tarapana.. tučnjava.. bi nam oni na Kosovom polju mogli zavideti.. Al to bu malo kasnejše opisano..



Bila je v Gradu v samom centru još jena banda z koje se pajdaši nisu mešali z drugim bandami.. makar smo se vsi poznali.. To je bila banda švercera karti za kina.. Pa njih ni bilo več od petnajst..a glavni su bili Sveto.. Tarzan.. Lima .. Dam..a ostali su bili njima podređeni.. Se znalo da je v ono doba v Zagrebu Gradu bilo okol trideset kina.. Al najbolša su.. se razme.. bila v centru.. kino Balkan.. kino Zagreb.. kino Študencki centar.. kino Central..kino Lika.. kino Kozara.. Bilo je još dost kina v centru..al v ova kaj sam ih nabrojal su navek dolazili friški filmovi.. Pa gda bi v tim kinima špilali okol teden dni.. tek su onda išli i v druga kina na periferiju..a dalko kasnejše i na gradcku provinciju.. Al mladi kak mladi.. jedva bi dočekali kakšni novi Amerikajnski.. Fracuski.. Taljanski.. al Engleški film pa je bila velka gužvancija i redovi za karte nabavit .. Eee.. tu su svoj dobri posel zbavlali ta banda švercera.. Stali bi se v red spredi blagajne i kupili vsaki po deset karti.. Tak je banda znala pokupovat i mjesta za pol kinodvorane.. Narafski.. karte su razprodane.. ljudi stojiju spredi kina.. karti nema i kaj zdaj.. Onda svoje začneju ti šverceri.. Išli bi med ljude v gužvanciju i nudili karte na prodaju za celu polovicu cjene više.. A kak se je približavalo vreme za početak filma.. karte su dostigle i duplu cjenu.. Največ su te skupe švercane karte kupovali parovi.. cure pa dečki.. Znaš.. pozoveš svoju curičku v kino na novi film.. dojdeš pred kino..a karti nema.. eee.. onda ti se utrpa švercer i ti kupiš karte po cjeni kolko of traži.. Pa kak buš zdaj objasnil pucici da denes nebu gledela filma kaj si joj pred tri dni obečal…. I tak je to išlo letima..i dobro se dalo zaradit.. No.. ni mogel vsaki švercat z kartami.. Ak se je pojavil kakšni nepoznati .. mam su ga Sveto..Tarzan i pajdašija sredili na licu mesta tak da mu ni više nigdar palo na pamet tu poslove zbavlat.. I tak su išli od kina do kina i kupovali karte i preprodavali.. No.. nakon par let takšnog poslovanja zabranili su nekakšni Glavonje prodaju karti više od pet komada.. A to je naredilo celu gužvanciju gda je došel pred blagajnu kakšni tatek i štel kupit karte za celu familju.. njih bumo rekli sedam.. To je značilo da i tatek i mamica moraju skup stajati v redu za karte..
Pa su se oni šverceri brzo snašli.. gda je došel novi film .. za primer.. v kino Zagreb..al Balkan.. došli bi oni knam na Zrinjevac i zamolili kaj bi par nas štelo za njih kupi vsaki po pet karti.. Narafski da smo išli jer bi ta banda švercera koje smo mi dobro poznali nami dali ..gda je zatrebalo.. po običnoj cjeni.. Tak da ja gda bi išel z kakšnom malom v kino gledeti noveg filma nigdar nis trebal stajat v redu na blagajni.. Došel bi Tarzanu..al Limi.. i on bi mi dal karte po cjeni.. Istina je da su ih panduri naganjali..al bi oni i pandure podmitili.. to se je navek moglo kak i denes…..

Bil je čez konac pedesetih.. celu šezdesetu i početak sedamdesetih.. Zagreb pun teh firtlofsih bandi.. Da samo spomenem velku Trešnjevačku bandu koja je bila za rešpektirat.. pa Trnjane..pa Martičeva.. Kvaternjak.. Maksimir.. a one Podslemenske nebum nit spominal.. oni su se po svojim šumama igrali indijanaca i kauboja dok smo mi v Gradu za ruku curičkice pelali..

……………….Prafzapraf.. nigdo ni točno znal zakaj je i kak došlo do te velke tučnjave na Srednjoškolskom igrališču.. Jenog dana je nama na Zrinjevac dohajbal jen Žuti z Berislavičeve i rekel da se drugi teden sprema velka tarapana na Srednjoškolskom.. Narafski.. mi smo mam o tomu obavestili fakine z Gornjeg Grada.. ovi su javili onim z Ilice.. još bi vsaka banda obavestila po kojeg pravog fakina kaj se je rad štel mlatit..
Se pročulo da su nekakšni fakini z Berislavičeve bili tam pred onem gimnazijama i čekali na štengama curičke.. Pa su se z gimnazije strčali nijhovi frajeri i njih deset je zlupalo ovu trojicu.. Ha.. ak su ti gimnazijalci zgruntali da bu na tom ostalo su se fest prevarili.. Celi teden se je skupljala osvetnička regimenta za pohod na gimnaziju.. Pa su za to saznali i oni gimnazijalci i bili spremni na obračun.. Pa kak bi to moglo prejti a da ne saznaju profesori i nastavniki v gimnaziji.. I oni su postavili nekakšna posebna dežurstva spredi škole na Ruzveltovom trgu..Al nigdo od njih ni znal koji bu to dan…



Došel je dan ..D.. vsi fakini z donjeg Grada smo se skupili na Vranicanjevom na Gornjem Gradu.. Pa je naređena i ..se veli.. smotra.. da se vidi gdo tu je ..a gdo je zbegel.. Moram ti kazat da nit jen pripadnik vseh teh bandi ni izostal.. vsi su bili tu.. bilo nas je prek sto.. Pa smo one slabše i manjše..pa i one najmlajše mam poslali domof.. da nebi bilo problema znjimi.. No.. oni su ipak polahko išli za nama.. I tak je nas.. bi rekel.. jeno sedamdeset.. lepo čez Mesničku.. i Frankopansku odštrapaciralo do Ruzveltoveg trga..Al nismo stali tu.. lepo smo defilirali pokraj gimnazijskih štengi..vsaki od nas je hračnul na štenge i zavrnuli smo nazaj v Klajičevu i čez ionak navek razvaljena vrata zašli pozadi gimnazije na ono velko igrališče.. Tu smo se seli na travu..a napred smo poslali one najmanjše kaj su ipak stigli za nama.. Eeee.. oni su imeli naputak da z kamenjem razbiju par šajbi na oblokima na gimnaziji i tak najaviju da smo mi tu dole.. Fakini z igrališča su se mam povlekli prema školi gda su vidli kolko nas ima.. A zdaj ti bum prvo spripovedal kak je to zgledelo prije te velke šore..
Naši frajeri .. pošto su več imeli različita.. kažu.. izkustva z tučnjavama.. lepo su si priredili kaj je gdo imal.. Pa je negdo imel v ruki železnu štangu.. negdo kakšnu letvu.. pa granu od dreva.. pa velkog kamena zvezanog v kakšni rubac.. a bilo je bormeš oneh boksera i noževa.. Na primer.. Glavonja je rekel da on ima prevelku tikvu i da ga vsaki more lahko v nju trefit.. pa si je lepo z biciklina skinul lanac.. A morem ti kazat da je zapraf i največ bilo teh lanci od biciklina..pa običnih lanci i još svačega kaj se moglo držati vruki i mlatit .. Ja sam imel komad tri prsta debelog električnog kabla dugačkog pol metra.. To sam zel tateku z avtomobila..kaj je to of taki fort pelal ak bi ga morti gdo napal.. Taj ti je kabel bil dalko gorša stvar od milicajskog pendreka.. gde bi znjim vudril tu je koža pucala..
Nakon kaj je par šajbi razbito nagrnuli su gimnazijalci na obloke i vidli da je vrag došel po svoje.. A mi smo dole vsi urlali kak Indijanci kaj su opkolili oneg Kustera.. I kaj zdaj..



Oni nastavniki kaj su dežurali spredi gimnazije na štengama.. brzo su skužili kaj se spelava odostrag.. I gda su dobežali odostrag.. prvi su oni dobili z kamenjem tak da su se povlekli nutra čez zajdna vrata i zaklučali ih.. Al gimnazijalci i oni fakini kaj su tu bili gda smo mi došli su otprli obloke v prizemlju i začeli čez njih iskakat na igralište.. Al gda su vidli da smo mi opremleni za pravi krvavi rat.. začeli su im ostali iz škole čez obloke dodavat stolce koje su ovi razbili da su mogli koristit železne noge za mlatit…
Bilo je to jesensko doba i več se polahko začelo kmičit.. Bitka je začela gda je Begonja z svojom tikvom puknul jenog malo jačeg gimnazijalca koji se kak puran napuhaval.. i of se mam složil na zemlu.. Eee.. tad smo vsi mi naredili juriš prema zajdnem djeli gimnazije i začelo je.. Gdo je koga stigel česnul bi ga brez žalenja.. Bilo je to.. il ja tebe.. il ti mene.. bolše ja tebe..neg ti mene.. Dobro su se tukli ti gimnazijalci.. bili su hrabri.. pa kak nebi gda su z vsih obloka škole gledele curičke i kričale kak da glediju rukometnu utakmicu državne reprezentacije.. Al nam ipak nisu dorasli.. Znaš.. ti gimnazijalci.. to su ti navek bili nekakšni slinavi štreberi.. mamini sineki.. a ne uličari kak mi.. I tak su loše prešli makar smo i mi imeli prilično štete.. Al moraš znati da se negda gda su se frajeri mlatili bilo jeno .. kakti pravilo.. Čim bi zadobil batin da si negde sprekrvaril.. povlekel bi se z bitke na stran i lizal rane.. Imel si posla sam z sebom.. takšne ni nigo više diral .. Jeno sto gimnazijalcof i nas prek sedamdeset.. mlatili smo se jeno pol vure.. Posvud naokol su bili oni kaj su zaustavlali krf.. največ pa z nosa.. pa oneh kaj su dobili debelog štosa pa su sedeli na zemli i jafkali.. pa oneh kaj su im najemput z gupca zubi zleteli.. a kak se drugi dan čulo.. bilo je fajn plomljenih ruka .. noga.. razbitih tikvi.. porezotina z nožem.. . Ja sam se med prvima zaletel na te umišlene štrebere.. par njih sam složil na zemlu.. al se onda nekakšni zaletel v mene tak da sam ja skup znjim odletel tri metra po zemli.. Narafski..mam je dotrčal još jen i svoju cipelu obrisal v moj frnjokl.. Ti bum rekel da je moja plava aristokracka krf tekla kak i od vsih drugih kaj su več zaradili po kaj su došli.. Mi se vse začrnilo spred očiju i Bajs me je odvlekel na stran.. Tak sam ja.. fala Bogu.. v drugoj polovici tučnjave imel razbijen nos i razpuknutu kožu na tikvi pokraj vuha.. a to sam tekar primetil nakon dve vure.. valjda me je negdo trefil a da ja to nis nit osetil.. I kak sam jenog mulca česnul z onim kablom prek rebri.. of je opal na zemlu i.. nebuš mi veroval.. začel je tuliti i zvati mamicu.. a meni je kabel zletel z ruke nekam v travu..



Još dok smo se mlatili primetili smo da je stigla i Milicija..al su oni stajali na strani pokraj plota i čekali da se mi vsi porazbijamo.. Tak je i bilo.. Al je negdo od naših..al gimnazijalcof zakričal.. Murjaaaa.. tučnava je naglo prestala.. Gimnazijalci su bežali v školu.. mi smo največ bežali prek igrališča na vulicu Kršnjavog i čez nekakšna dvorišča.. pa preskočili plota na ondašnjoj fabriki Šavrič i zbegli na Jukičevu vulicu.. i prek železničkog nasipa na Trešnjefku.. Tam smo ostali do kasno vnoči.. Na vuličnoj pumpi za vodu smo se oprali od krvi.. malo pririhtali razdrapanu obleku i vsaki sam po drugi strani se razišli..
Naravski.. Milicija je uspela nekaj naših poloviti ..a v gimnaziji su naredili celu istragu kaj je kak se čulo trajala do jutra.. I kak to navek bude.. negdo je Miliciji vse izpripovedal. Nakon dva dni su i meni pokucali domof na vrata.. I tak smo se na Štosmajerovom trgu na Prvoj Milicijskoj stanici.. našli nas barem dvajset kaj smo sudjelovali v toj tarapani .. Za tolko su nas uspeli saznati.. Ja sam.. se razme.. došel z svojim tatekom.. kaj sam još bil maloletnik..
Mene japa niš ni pital drugi dan gda je videl da mi je frnjokl razbit i natečen kak krumpir.. a kožu na tikvi mi je moja baka zalepila z onim gumenim flasterom..al mi je prije odrezala vlasi i više neg je trebalo.. Japa je jedin rekel da si zdaj mora novi kabel negde nabavit ..

Gimnazijalci su po pitanju Milicije fajn bolše prešli jer su vsi bili maloletniki..ali su fajn gorše prešli od posledica batin kaj su dobili.. Bilo je prek deset polomljenih ruka i noga.. razbitih tikva.. puknutih rebra.. čak je po neke morala dojti i Prva pomoč..
Nakon par dni su cajtunge donesle pripovetku o masovnoj tučnjavi na zagrebačkom srednjoškolskom igrališču…….
-Sukobile su se dvije veće grupe srednjoškolaca iz dosad nepoznatih razloga. Pričinjena je veća materijalna šteta na inventaru i zgradi škole na dvorišnoj strani. Direktor gimnazije i nastavnici bit će također ispitani jer se pretpostavlja da su znali za "dogovorenu" tučnjavu, a nisu ništa poduzeli da se to spriječi. Nakon intervencije milicije na poprištu je zatečen manji broj lakše ozlijeđenih učenika.-



Posle jeno tri meseca vsi smo dobili poziva na sud.. ha.. baš na Zrinjefcu.. A sud za maloletnike je v to doba bil v Petrovi vulici.. . A sudac kaj je nam sudil je bil vujc od našeg pajdaša Čosa .. A Čos je stanoval v dvorištnoj strani suda jer je nejgov tatek bil kakti domar na sudu pa je tu imel stana.. Pa je Čos več prije valjda dobro objasnil svom vujcu kaj je i kak zapraf sve to bilo..tak da nas sudac ni ništ preveč spitival.. Poveroval je svom nečaku ..ha.. kojem je nakon one tučnjave nos ostal fajn na šrek .. Vsih dvajset su nas dopelali v velku dvoranu za suđenje.. Tu je sudac samo začel prozivati nas okrivlenike i čitat kazne..
I tak.. ja sam bil oslobođen vsake krivnje kakti maloletnik..ali sam z drugimi maloletnikima moral iti na nekakšna predavanja socijalnom radniku.. Kasnejše je taj isti sudac i to zrihtal da je zgledelo kak da smo zapraf tam išli.. Valjda nas je človek razmel..ne ..
Ico.. Glavonja.. Mic.. Bajs.. Begonja.. Čarli.. Hors.. i ostali punoletniki su dobili samo opomene… jer smo mi vsi maloletniki.. naravski.. vnapred dogovoreno.. tvrdili da su ovi samo zdalkog gledeli kak se mi mlajši mlatimo..ha.. I to su nam uvažili.. ….. Glavonja jedin ni mogel prežalit lanca kojeg je skinul z svoje taljanske specijalke ..a koji je ostal na Srednjoškolskom igralištu nakon kaj smo pobegli.. Vse štange.. razbite stolce.. lance.. letve i grane su odnesli panduri kakti dokazni materijal…ha …
Mesec dni nakon tarapane je pozadi gimnazije naređen plot od železne žice..

Bila je još jena velka.. su rekli..masovna.. tarapana v Kavani Opera..na Kazalištu na mestu gde je denes ona nova krletka Muzička Akademija..
Al o tom bum koji drugi put pripovedal………….



Serbus ……………


08:55 | Komentari (6) | Print | ^ |

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.