Dojde mi koji put da se prisetim ...............
petak, 12.09.2014.
Tu na početku Jurišičeve ti je ta slastičarna od gda ja pamtim.. A slastičarne i brtije fest pamtim.. sam ja vse to obilazil v svoje vreme.. A v tu slastičarnu me navek pelala moja baka..ona plemenitašica.. Si je moja baka bila dobra s ženskom kaj je tu bila kakti gazdarica.. A pravi vlasniki tega su bili ona poznata familja ..Ramljak.. to su ti oni kaj je njihof sin bil oni poznati nogometaš v Dinamu.. Pa su imeli nekolko slastičarni po našem dragom Zagrebu.. Je najpoznatejša bila ona v Bogovičevi na broju sedam..pa onda ova v Jurišičevi..pa jena v Maksimirski..i kaj ti ja znam gde vse.. No.. moja baka bi z gazdaricom pila kavicu otraga v kuhinji..a ja bi dobil velku porciju vanilije i citrone.. Kak negda tak i denes imam isti petit za isti sladoled..
A v ono vreme se nisu v slastičarnama gostima nudile kave i druga pijača kak denes..samo kolači i sladoled.. I tak bi ja tu pojel tolko sladoleda da se ona baba čudila kak takšni mali klinac more ftrpati v sebe tolko teg sladoleda.. I bi babe poklafrale i tak je to bilo letima.. Pa ja znam da oni Ramljaki več nemaju slastičarne v Bogovičevi nit tu v Jurišičevi.. im je ostala jena mala luknjica tam v Maksimirski..pa mislim da nit to nebu dugo delalo..
A tu v Jurišičevu sam ja pelal kasnejše.. kakti gda sam več bil Zagrebečki frajer.. svoju curu..je to ta kaj je i denes zmenom kakti moja zakonita drugarica.. I več v to vreme je ta gazdarica v slastičarni bila stara kakti mama od Metuzalema.. Pa se samo okol sprešetavala po slastičarni..A je sirota bila i fest senilna pa me stalno zpitavala kak je moja baka makar sam joj sto put rekel da je vmrla.. Al je zato dobro zapamtila gdo sam ja i kolko sladoleda morem pojesti.. I tak ja ni kasnejše nisam tu moral ništ platiti a nit za svoju curu.. Pa da nebum bil kakti nekakšni fehtaroš sam ja navek babi kupil kavu..al kakšno cvječe.. A ona bi sirota gda bi ja i cura odlazili navek rekla da pozdravim svoju baku.. Pa sam ja svoji baki to prenesel vsaki put gda sam joj išel na grobeka..
No.. tak sam ti ja.. negde z početla ljeta.. zašel v tu slastičarnu nakon puno let.. gledim ..je lepo vređena.. ima velke hrpe sladoleda v pripremi..a one vitrine su pune kolačof.. Pa meni nekaj neda mira..vrnem se ja do ulaza i pogledam kaj na vratima gore v čošku piše.. Tam mora stajati gdo je vlasnik.. I gda sam videl mam sam se vrnul na vulicu i prešel na drugu stranu .. Morti sam ja očekival da bu vlasnik bil negdo domaći ..al ništ od tega.. Kak i velki večini Zagrebačkih slastičarni i tu je denes vlasnik ..Šiptar.. Ovaj se zove Ahmedi.. Ti vrapca..kak da sam v Istambulu.. Je..pa baš nebum tu ništ pojel.. ne volim ti ja te slinave Šiptare.. nisu mi ništ krivi..al nisu po mojem ukusu.. A oni Ramljaki kaj imaju slastičarnicu v Maksimirski su valjda vnuki od onih starih jer tam na vratima još navek piše Ramljak.. Pa je meni dalko iti skroz v Maksimirsku..
Sam neki dan tu prošel.. cela hiža se nekaj obnavla.. a stara slastičarnica je zaprta.. Bi ga vrag znal kaj bu zdaj nutra bilo.. Morti dojde kakšni novi Šiptar pa bu spet slastičarnica …ha……
Tam z kraja pedesetih leta su tu v ovem delu Šenoine vulice stajali Zagrebački prevozniki.. Foringaši.. pa gdo nezna kaj je to bumo rekli da su to kojnska zaprežna kola na kojima su se prevozili tereti kak to denes delaju z kamijonima .. Baš tu z leve strane su bili pošlihtani jen za drugim nekolko tih foringašof.. Vsaku foringu su vlekla po dva ona ogromna kojna.. A v to vreme više ni bilo kojnskih kola kak po selima i provinciji.. z drvenim kotačima.. bila su to velka i jaka kola z avtomobilskim kotačima.. su se zvali.. gumenjaki… I gda bi negdo od Zagrepčancof trebal prevoza kakšneg velkog tereta.. morti selidbu al nekaj sličneg.. došel bi sim v Šenoinu i dogovoril se z kočijačem..
I dok su kojni tu stajali al po suncu..al po kiši..al po zimi.. kočijaši su prek puta v podrumskoj brtiji lokali vino al rakiju.. Bili su to jaki ljudi.. debeli i črleni.. navek našvasani i fort su kleli.. Ni zabadaf gda se nekomu veli da kune kak kočijaš.. A ovi tu su na saf glas fort kleli te svoje kojne.. A kojn kak kojn..nemre navek stajat kak da je od dreva naređen pa se pomalo giba sim pa tam pa hrže kaj ga muhe škaklaju.. na koncu konca se zasca i posere nasred vulice i mam to z kopitami zatanca po asfaltu.. A foringaši bi kojnima tu davali jesti jer su fort na kolima imeli nekaj sjena i v vreči zobi.. A kak su tu stajali od jutra do mraka.. kojn je gladan pa bi mu kočijaš obesil okol vrata vreču zobi pa bi of to jel.. Narafski.. nezna kojn za Bečku eleganciju ..pa prosiple to vse naokol.. A kočijaš bi došel z brtije pa bi začel tak kleti kojna da se čulo vse do Kolodvora..
Mi dripci i fakinčeki smo rad došli z Zrinjefca tu v Šenoinu i gledeli te kojne.. pa bi nam koji put kočijaš dopustil da kojna malo pogladimo po tikvi. Kojni su nam bili fest zanimlivi jer su to v to doba bili jedini kojni v Zagrebu.. Oni stari Fijakeri kaj su stajali spredi Kolodvora više nisu pelali al rjetko gda.. samo su još dva stajala tam v šturcu spram Esplanade i skoro nigdar nisu nikog pelali.. Za to su bili taksiji..
No.. i tak smo mi klinci sedeli na rinzolu v Šenoini i gledeli te kojne.. pa smo tak nafčili kak se oni kočijaši z kojnima spominaju.. Gda je kojn trebal povuči foringu i pelati.. kočijaš bi samo od zgor z sjedišta coknul z jezikom i rekel.. Gijaaaa… A kojn bi krenul brez ikakšneg prigovora.. A gda je foringa trebala stati kočijaš bi pak zakričal.. Ehaaaa… A mi .. klinci kak klinci.. neda nam vrag mira.. gda ni bilo nit jenega kočijaša blizu.. lepo bi kojnima doviknuli.. Gijaaa ..ha.. I kojni bi poslušno krenuli.. Al to kretanje foringe ni moglo prejti v tišini jer bi ta kola škripala i strugala.. lanci z kojim su to kojni vlekli bi zaružili po asfaltu..a i navek bi kočijaši povlekli nekakšnu kakti bremzu na kolima.. pa bi ta začela cvilit kak da vragu zube brusiš.. I mam bi kočijaši strčali van z brtije i začeli kričat… Ehaaa.. Ehaaa…i bežali bi za kojnima i foringom čez Šenoinu vulicu.. Narafski .. mi klinci bi zbrisali i par dni nebi dolazili dok kočijaši ne pozabiju..
Več šezdesetog leta su i tim foringašima zabranili da pelaju čez Grad Zagreb.. Premestili su te foringe dole v Hajnclovu vulicu pri Istočnem kolodvoru i mogli su pelati samo po periferiji.. A tu v Šenoinu vulicu su došli prevozniki z kamijonima.. Pa su to največ bile stare krntije još od drugeg rata..Češke Prage.. Švabski Opeli.. Fijati.. bilo je i kojeg Amerikajnskog Đemsa.. I oni su delali usluge prevoza tereta Zagrepčancima.. Al nisu tu dugo bili.. su se stanovniki v ulici žalili Gradski upravi jer su ti kamijoni delali velku galamu a skorom vsakom je curelo ulje z motora.. Kak su negda Gradcki čistači prali vulicu za kojnima tak zdaj za kamijonima to nisu mogli jer je ulje masnoča i nemre se z vodom oprati.. pa su i te prevoznike preselili dole v Branimirovu spredi tvornice Kraš… Od onda je Šenoina vulica mirna i tiha ….
Tak… malo sam se prisetil stareg vremena …. Serbus .............
ZAFRKANCIJA * * #
