petak, 29.08.2014.

Pripovetke ................


KIOSKI NA TRGAČU

Gledim te najnovije kioske tu na Trgaču.. Ništ posebnog za videt.. staklena kištra kak god obrneš.. vse se človek boji naslonit na to.. ak slučajno fest prdneš.. bi se mogla šajba razletet.. Ipak su meni bili dragši oni fest stari drveni.. a bili su tolki da je jedva nutar stala ženska kaj je cajtunge prodavala.. Ti prvi kioski su samo cajtunge prodavali.. Spredi je bil pult kak i denes z posloženim cajtungama..a ženska je znutra kričala z vseg glasa naslove z prve stranice.. Pa su to kričanje gradcke vlasti zabranili z početkom šezdesetih leta..a v te kioske su deli i cigaretline na prodaju.. Pa ne na komade kak v trafiki neg onak.. cele škatule.. Pa kak je vreme išlo i kioski su se menjali..



Su došli oni aluminijski.. Eeee.. to je bila prava stvar.. Oni stari drveni su bili težki kak da su od kamenja..a oni novi od aluminija su bili fest laganejši.. To ti je bila prava prilika za nas fakine.. Znaš.. smo koji put šteli pogurati oneg drvenog kioska ..pa kak je bil z čavlima zbit..samo se je naheril kak pijana baba .. I tak bi to po kmici naredili a vjutro ni mogla ženska nutra zajti kaj je of stajal kak kosi toranj v Pici .. al.. Pizi..tak nekak .. A oveg aluminijskog smo nas pet..šest znali zgurati i deset metri dalše neg je bil.. Baš na tem mestu na Trgaču je bil takšni aluminijski i mi bi ga fakini zgurali vse do zida Singerove hiže i vrata mu okrenuli do zida.. Vjutro je bilo čudesa .. došel je prodavač kaj je tu delal.. bil je to nekakšni partizanski invalid.. je z štakom hodil makar su vsi znali da mu ni ništ.. Je moj sused z hiže.. pravi partizan.. znal kazat za oveg tu da se boril spodi jorgan planine.. . I gda je videl kak mu je nejgof kiosk zguran skroz naopak.. je začel spominati i Tita i revoluciju i kričal da se on boril za pravdu a ne ovakšne neprijateljske diverzije.. Pa su se skupili ljudi kaj su šteli cajtunge i cigaretline kupiti.. došli su i ondašnji milicajci.. I kaj.. su se složili i kioska nazaj zgurali na mesto.. Narafski.. mi fakini smo zdalka to gledeli i smijali se kak norci.. A malo dalše od kioska .. mam pri trajvanski štreki je bila mala plehnata škatula z jenim malim oblokom v koji je sedel skretničar.. Taj je tu bil i po danu i po noči. i trajvansku skretnicu šibal sim tam.. gda bi trajvan skretal v Prašku.. I taj je videl kaj mi delamo al ni štel miliciju zvati.. Gda su ga drugovi pitali zakaj ih ni zval je rekel da se bojal huliganof kaj su to z kioska naredili.. A brus se bojal.. imel je on nas rad.. smo ga zbog toga znali častiti z burekom..



Jenom prilikom smo taki šteli kioska zgurati v šturc..pa se of jenostavno zvrnul .. Jezušek.. vse su se šajbe razbile.. A gda su ga ljudi drugo jutro nazaj zdigli.. je zgledel kak da je opal z nebodera na Trgaču… Naravski da su cajtunge mam pisale o huliganskom pohodu po Trgu Republike.. kak se onda Trgač nazival … I tak.. je bilo po Zagrebu još takšnih događaja s tim novim kioskima.. čim se pročulo kaj smo mi naredili na Trgaču mam su fakini po drugim firtlima takaj to delali.. Se čulo da su dol na Peščenici takšneg kioska v oni zmazani potok hitili..narafski.. Cigani ... Pa se onda negdo spameten setil v Gradcki upravi i su naredili da se kioski zabetoniraju….. A do denes se zmenilo nekolko tih kioska po gradu.. vsaki put vse vekši i denes je nutar prava..se reče.. robna hiža.. Ovi kaj su zdaj tu čak i bankarske posle tu obavlaju.. Još malo i bu prodavač v kiosku moral imeti fakulteta da bi tu mogel delati ….

____________________________________________________________


V STAREM ČEHU

Daj pogleč.. stara šestica.. drma ..brunda.. zuji.. cvili.. trese se kak mokri pes.. hiče se sim pa tam kak ja gda se nalijem loših gemišti.. imaš osečaj da bu se prevrnul na vsaki flajnki.. A gda bremza moraš se dobro držati da ne odletiš napred..a gda kreče z mesta moraš se fest držati da ne odletiš nazaj.. V vsakem slučaju fest zabavno..
No.. pelam se ja pred par dni baš v ti šestici.. starom Čehu.. napol prazni trajvan.. a ja sam kak i navek otraga v prikolici mam pri vratima.. I pela trajvan od Črnomerca spram Trgača.. A znaš tam gda projdeš Slovensku onda dolazi semafor na Reljkovičevoj.. pa nakon još trideset metri.. semafor na Vinogradckli.. pa na koncu nakon još trideset metri jen semafor na Austrijski ..



A na vratima znutra stoji jen onak malo korpulenti mužkarac i zavzme cela vrata.. Iza nejga stoji ženska..onak bi se reklo..svakodnevna pojava.. okol šezdeset let.. I čujem ja kak ona pita oveg velkog na vratima.. Gospon dali silazite na sljedećoj stanici.. Odovori on jenostavno i glasno.. Da…. I tak trajvan stane na semaforu.. črleno mu gori tam na Reljkovičevoj .. A ona ženska se razgalami na onog velkog človeka na vratima.. .. No.. zar ne silazite.. maknite se da drugi prođeju.. .. A of se velki nit ne obrne samo veli ženskoj… Gospođo još nije stanica…. A ženska se čudi… pa kako nije.. zašto onda stoji… Al v međuvremenu krene trajvan dalše i nakon teh trideset metri pak stane na semaforu na Vinogradcki …. Pak ženska navali na vrata.. a of velki se makne na stranu.. A ženska stane šakom lupat po vratima i kričat.. ..Otvorite ja silazim.. kak se ništ ne događa ženska začne kričat na saf glas… Heeeej vozač otvorite vrata… Zdaj ja velim ženskoj … Gospođo vozač vas ne čuje mi smo u prikolici, a niti je još stanica…. Zdaj se ta ženska sva zapjeni i kriči…. Ja idem u Vinogradcku bolnicu i moram tu izaći…. Veli joj ženska kaj taki stoji iza nje.. .. Budete sad izašli kad dođe na stanicu…. I krene trajvan još teh par metri na stanicu na Avstrijski….. Konačno se otpreju vrata a ova zapjenjena nit ne gledi drugo nego kak da izide van.. pa fula celu drugu štengu kaj ih ti stari trajvani imaju.. i poleti kak raketlin dol z trajvana… Oni velki mužkarac kaj ga je poterala od vrata ju pokuša zgrabit za obleku al ni dospel.. Ženska je odletela kak da bi joj vritanjak opalil i ravno na človeka kaj je stajal mirno na trajvanski stanici.. Tak se je zaletela v nejga da su obadva skup odleteli praf v tri mlada človeka kaj su taki tu stajali.. Pa sva sreča da su ta trojica se dobro snašla pa su zadržali i žensku i oneg človeka da ne odletiju barem pet metri dalše i završiju na asfaltu… Trajvan još stoji na semaforu i ljudi glediju.. Ona bjesna ženska se pokupila.. nit rječi nikomu i odgibala dalše..narafski..na krivu stran.. Oni človek na stanici se još navek ni snašel kaj mu se to zgodilo pa samo zjeva od čuda…



Pe trajvan dalše….. Veli na glas ženska koja sedi na prvem stolcu..kakti žali onu bjesnu…. Sirotica sigurno nije popila jutarnju kavicu pa je još pospana… A veli na to mužki kaj stoji pokraj mene…. Ma ni tu kava ništa kriva.. ta baba nije ovu noč ništa dobila… Pa vsi kaj to čujeju znaju o čemu se to dela.. Pa se ljudi nasmijeju…. Al zdaj se podboči ženska koja sjedi i reče….. Ma kaj si vi muškarci umišljate da se bez vas ne može , samo se pravite važni s tim visuljkom među nogama…… I zdaj još veči smeh v trajvanu na toj strani.. Oni tam dalše smo glediju kaj se ovi tu pri vratima tak smijeju… I evo stanice na Malom Placu.. Oni mužki kaj je kritiziral.. izlazi z trajvana.. obrne se i veli ovoj ženskoj kaj sedi…. Kako izgleda ni vi gospođo niste več dugo čuli za kurac … Noooo… zdaj smo se več popluvali od smeha.. A ova ženska na stolcu kriči za ovim kaj je izišel… Prostak stari neodgojeni , vas nije sram, koliko godina imate… Al vrata su več zaprta.. trajvan pe dalše.. pripovetka je svršena… Do Trgača više nigdo ni ništ komentiral.. Ljudi se pelaju.. trajvan se ziba kak čun .. tišina.. tramvaj struže.. zuji.. cvili …

.... Serbus .............................


07:55 | Komentari (10) | Print | ^ |

četvrtak, 28.08.2014.

……. čez Gajevu vulicu …………..


Znaš. Koji put si tak nekaj zabijem v tikvu..pa onda zaberem kakšnu vulicu po Donjem Gradu i mečem na kipec hižu po hižu.. Nigrad nemreš znat kaj se more sprepetit.. potres.. pa cunami.. pa kakšni Armagedon.. i hiže buju nestale.. I onda si zvlečeš z arhive slikice i glediš.. narafski ak vse ono loše preživiš.. hmmm i ak bu onda još štrom postojal …



Morem ti kazat da nekak navek zanemarim tu Gajevu vulicu.. A je ti Ljudevit Gaj po kojem se vulica zove bil velki človek.. mislim bil dober Horvat.. pa o tom vse znate … kaj bi na tem gubili vreme.. I tak sam krenul čez Gajevu gor od Trgača… Viš..su lepo zrasla ta dreva kaj su ih tu posadili.. je to nekakšna vrsta agacije kaj je fest otporna na gradsku prašinu i druge zmazanoče.. I još gda znaš da ne raste z zemle neg iz betonskeg korita kaj su napunili z zemlom ..onda je to i za čudit.. Pa ta dreva moraju zalevati redovito..i gnoja dodavati.. pogleč samo kakšna je tu lepa senca.. A ova hiža kaj je spredi zaoblena kak rit..to je ona kaj se oni arhitekti gložiju..dal je to prvi zagrebečki neboder..al oni na vuglu Masarikove.. Pa je hižama to sasvim svejeno..al je ova tu lepo doterana a ona tam druga ni .. Hmmmm.. valjda zato kaj je ova tu vlasništvo… pravoslavne srbijanske opštine.. vrag ga dal.. a ona tam je vlasništvo Grada …. No..pa to je politika..nek ide vrit ………………



A ovu sam tu hižu več negde pokazal.. Tu je bil oni poznati radio 101.. su se nekam preselili.. a nis ziher kaj je zdaj tu gore.. moram to drugi put proveriti.. A dole v prizemlu je oni štacun kaj delaju i prodajeju razne fine šalate..pa sam i o tem več gdo zna kolko put škrabal.. nit sam više neznam gde… A mam pokraj teg je i jena mala pekarnica.. Eeee. To je za pripovedat.. Viš piše da se zove Dinara.. pe je to velki breg v Horvackoj..zakaj su baš dali pekarnici teg imena bi ga vrag znal.. A valjda je gazda z teg brega..pa ni važno.. To ti je prava Horvacka pekarnica.. nema tu slinavih Šiptara.. Vse sami naši domaći ljudi.. A mogel bi ti pol dana pripovedat kaj tu vse finega ima.. Od raznih fela kruheka ..pa do peciva i kolača.. i to domačih …. To moraš probati.. I gda tu zajdeš kupiti dve stvari..tretu dobiš za gešenk… A tu nutar delaju domače ženske ..zgodne.. pristojne..navek dobre vole za pripovedat.. navek se vsakomu osmehneju.. A kaj je najvažnejše.. govoriju po Kajkafski .. narafski to je oni jezik kaj ga malo gdo razme…. I tak ti ja tu rad dojdem gda god idem na Zrinjevac kčerki v vizitu.. onda tu svakaj kupim i dobim gešenka … Probaj …..



Tu smo zdaj na vuglu Gajeve i Berislavičeve…. Viš tu žutu hižu.. Tu je dol štacun.. se veli Prehrana.. znači da tu prodaje ono vse kaj se po domaći kaže..špeceraj.. A od gdar ja pamtim..a pamtim fest dugačko.. to je tu bilo prvo..Mljekarstvo.. Narafski da se tu prodavalo mleko.. jogurti..kiselo mleko.. sireki.. Je to onda bilo mleko v staklenim flašama od litre i pol litre.. Pa su za kratko vremena te od pol litre zabremzali.. A kiselo mleko ..jogurt ..vrhnje ..je takaj bilo v malim flašičkama .. Tak gda si išel kupovati onda si moral donesti praznu flašu i menjati za punu.. I onda su tu začeli uz mleko i hruha prodavati ..pa i ona peciva..žemle .. kifle.. perecline.. kajzerice.. Viš denes več ni za kupi teh kajzerica.. malo koji pekar to zna delati …. I tak sam ti ja još kak mali klinac tu prvi put začel iti po mleko i kruh.. A se znalo desiti da bi z cekerom vudril po rinzolu i se flaša puna mleka razbila.. je to bilo veselje za onu moju baku plemenitašicu .. Ni ništ ta kričala al bila jezna.. Bi mi dala drugeg cekera i sam moral ponovno iti v Mlekarstvo.. Kasnejše je tu postal pravi štacun kak je i slično denes.. Sam samo štel povedati kak je na tem mestu fort jeno te isto..a to ti mene fest veseli.. Su to v Zagrebu retki štacuni kaj su na istem mestu tolko leta …………..



Viš onu belu hižu prije ove žute.. to je na broju deset.. Valjda znaš kaj je tu negda od davnih dni bilo.. pa kak neznaš.. V Gajevi na broju deset je bil oni poznati Plavi Podrum o kojem i ona lepa stara zagrebečka popefka poveda.. Je to prvič bila obična brtija v podrumu.. je to bilo još za one Kralevine.. Su se tu okuplali Zagrepčanci.. pili špricere.. jeli kuhana jajca i perecline.. A vani na vulici su stajale prazne bačve kaj su čekale da ih otpelaju znova napunit.. Se ja sečam da su i za vreme moje mladosti.. na kojnskim kolima vlekli to vino.. Pa su onda ljudi..radniki.. te bačve po deski koturali dol z kola i valjali ih dol v podrum.. A su se v ti brtiji..v tem Plavem Podrumu skuplali dobri Horvati.. bi rekli.. domoljubi.. I narafski su ih tu špijunirali oni žandarski žbiri..pa bi ih dočekivali gda bi ovi išli domof i hapsili ih…
Pa je ti Plavi Podrum i narednih leta tu bil.. i su i dalše tu dolazili domoljubi i velik Zagrepčancof.. je to bila prava zagrebečka brtija.. V vreme gda sam ja več plandral kak pravi fakin po Zagrebu..sam i ja tu začel dolazit kaj su me stareši pajdaši dovlekli.. I tak sam i tu..kak i domof pri familji..slušal vse o naši Horvackoj..o politiki.. i kak treba vse črlene potuči … i tak…. A su se v Plavem Podrumu fest glasno popevale one zabranjene Horvacke popefke.. Su nutar bili oni žbiri.. Udbaši..i vse to gledeli..pa su šuteli.. I vsi su nutra znali da su tu Udbaši.. Isto kak i za Kralevine..gda bi naši prešli van onda bi ih ti Udbaši pratili i hapsili.. I ja sam jemput bil nutra gda je začela ona milicijska se reklo..racija.. Zajde nutar dvajset milicajcof i iščeju od vsakega legitimaciju.. Pa ja v to vreme još nis imel pravo na ti ausvajs.. A su me onda z onim avtom kaj smo ga zvali Crna Marica..odpelali v miliciju tam na Štrosmajerof trg.. Su si zeli vse moje štorije i zvali staroga da dojde po mene.. A je moj stari ponorel zbog tega.. Je on posle rata prešel oni Križni put i bil na robiji kakti državni neprijatel.. pa ni mogel zmisliti te milicajce.. Narafski..sam ja dobil za vuho od njega tam pred svim tim milicajcima.. Pa je to stari samo glumil da bi nas lakše zpustili domof..
Puno kasnejše je ti Plavi Podrum bil dugo let zaprt.,. Onda je negdo to vredil i naredil nutar fini restaurant.. pa se to več ni zvalo Plavi Podrum..neg Drina … Se pripovedalo da tu dolaziju oni Ustaše z inozemstva.. Pa ta Drina ni dugačko potrajala.. No v to vreme ja več tu nis dolazil..sam ja našel drugo mesto gde su se takaj skuplali Domoljubi.. Je to bilo v brtiji v Kranjčevičevi vulici pri Zagrebovem nogometnom igrališču.. Denes je to tu v Gajevi taki zaprto..zapraf je tu nekaj sasvim drugega … I od teg stareg Plaveg Podruma denes je ostala samo popefka …………
A ova tu žuta hiža na broju dvanajst je do pred trideset let bil fini..gospocki hotel.. Se zval Bristol.. Je bil na dobrem glasu i su sami strajnski gosti tu dolazili.. No okol tega se ja nis preveč zanimal.. tu ni bilo kurvi kak pred drugim zagrebečkim hotelima.. Denes je tu samo restaurant..a vlasnik te hiže je jen poznati bogati Horvat z Amerike .. A kaj je gore v hiži.. to nigde ne piše …. Privatna stvar ……………………………….



Pogleč..ta roza ofarbana hiža z staklenim balkonima je v Gajevi vulici na broju 23.. I bi negdo rekel kak je ta hiža v novije vreme zgrađena..Zapraf ni.. ta je tu naređena 1933. leta.. Je to projektiral i zgradil mladi zagrebečki arhitekt..Josip Pičman.. Je on v svoje vreme bil ..se reklo.. fest napredni človek.. je taj živel kakti v budučnosti.. Pa se tak i ponašal i delal.. Je visoke škole završil i hodil po svetu..pa se nazaj vrnul v Zagreb.. Je on nekolko hiža projektiral i gradil..pa je poznatejši da je delal planove za ona radnička naselja po našem Zagrebu.. se to onda ..pa i denes..nazivle..Geto …. Pa je ti Pičman kratko živel .. mu se nekaj zmotalo v tikvi pa je skočil na tintaru z jedne hiže z šestog kata…. Je imel samo tridestetdva leta…. A ova hiža tu i ni ništ bogznakaj.. No.. je v dvorišču te hiže bila jena poznata štamparija .. Tu su se štampale knjige i slikovnice za dječicu kaj još nisu išla v školu..pa i za one kaj su več nafčili čitati.. To ti mora bit poznato ak si z Zagreba.. je to poduzeče delalo do prije petnajst let pa je propalo.. To je bilo ono poznato Naša Djeca … I pred konec poslovanja v ti štampariju su se delale samo one razglednice našeg Grada.. Od kak je to propalo skoro da i ni poštene razglednice Zagreba najti …A tak je to pri nam..ono kaj je vredelo je propalo..Na.. tu je zdaj nekakšno strajnsko poduzeče.. mu nemreš ni imena zgovorit da ti se jezik ne sfufla ……………



Ova naranđasta hiža.. je na broju 31.. je to od negdar davno bil ženski đački dom.. Al ne bilo kaj.. tu su bile kčerke od politikantof z cele one propale Juge kaj su se došle v Zagreb školati.. Tu se bogmeš ni moglo samo tak dojti pod obloke popevati lubavne serenade.. su ih dobro čuvali.. Pa nit mi tu domaći dečki nismo preveč noreli za nekakšnim srbijankama ..makedonkama ..bosankama.. šiptarkama.. Smo mi imeli dost drugih ženskih domova za obilazit.. Jen takšni z domačim pucama je bil samo malo dalše.. Pa bum o tem drugi put škrabal …. Denes je v ti lepo obnovlenoj hiži ..se reče.. Učenički dom.. A of put su tu na stanu i skrbi kčerke od strajnskih politikantof i službenikof kaj se školaju pri nami v Horvackoj.. Pa bi ja rekel da su to one z bolše siromašnijih država neg je naša.. One z bogatijih se školaju v Ameriki ..Engleškoj..Frančiji… Sam jemput videl da su tu čez vrata zišle dve skroz črne mlade ženskice.. Jeee..svakaj ima v našem dragom Zagrebu ………………



A sam skoro pozabil.. je to na vuglu Hebrangove i Gajeve.. Ta hiža je uprava od oneg poznatog poduzeča kaj mrtvake posprema gda dojde vreme.. Je to ona Posmrtna Pripomoč..Moraš za živlenja dvajset let plačati članarinu i gda te vrag zeme onda tu samo doneseš člansku knjižicu i oni te pokupiju i deneju pod zemlu.. Zapraf negdo od familje mora javit..narafski da mrtvaki ne hodiju po Zagrebu.. Pa je to dobro.. nemaš nikakšnu brigu .. Plačaš i onda imaš sva prava koja more mrtvak imeti.. Ha.. I ja plačam..ova mi je zajdna godina i onda sam vse podmiril.. Još samo da dojde vrag po mene..angeleki za ziher nebuju … I tak sam se došpanciral do vulice Ante Kovačića … Ima se i tu kaj za povedati…al.. bum drugi put …



A morem ti kazat da ta Gajeva ni cela nekaj posebno interesantna.. Ono malo od Trgača pa do Berislavičeve je kakti prava vulica kaj spada v centar grada.. a ono vse dalše ni nikaj nit za pogledeti nit za doživeti.. Hiže kak hiže.. vse lepe stare građanske hiže..palače v kerima su državne inštitucije..razna ministarstva..sudovi.. porezniki i banke.. No je još po nečem poznata al to i ni baš tak da bi se človek tu zaputil .. Je ta Gajeva puna oneh grobarof.. veliju ..pogrebnikof.. Ima ih valjda prek deset.. Prvo je još davnih leta bilo ono Posmrtna Pripomoč.. je to bilo kakti državno poduzeče.. a v novi državi su se tu naselili i novi grobari.. naravno ..privatniki.. pa bi ja zbog tega dal tom delu Gajeve vulice ime Grobnička..mesto isto takšne dol na Trešnjefki.. No..pa gda je to več dobil oni Ljudevit Gaj..nek mu ostane.. Prvi novi privatni grobar keri je v Horvackoj i v našem Zagrebu otprl to grobarsko poduzeće je baš moj stareši pajdaš z mladih dana.. Je to oni Željko Jurković..ga po Zagrebu vsi znaju kakti Mrtvaca.. A je taj Željko upraf oni kaj sam ja znjim delal demonštracije 1968. leta po Zagrebu.. Su to bile one študentcke špelancije gda sam i ja dobil velke batine od milicije i bil zaprt po prvi put v živlenju. Je moj pajdaš Željko..ti Mrtvac.. onda bil študent a ja srednjoškolec.. A mene več onda ni bilo težko napelati proti teh črlenih kaj su vladali.. Sam je v to vreme več imel dobru poduku v svoji familji po tem pitanju.. Pa sam ja o tem več nekaj škrabal tu pa nebum to ponavlal.. Jesam samo štel kazat da je taj moj negdarnji revolucionar odsedel nekaj po hapsima.. kasnejše završil študiranje.. a onda v novi državi otprl poduzeče za mrtvace lifrati..
Je on poznati postal stoga kaj je švercal mrtvace prek granica v druge države.. pa ne v oni drveni kištri.. več ih je privezal v običnem civilnem aftomobilu i pelal kakti ljude kaj nutar spiju.. pa mu je to dugo dobro išlo..Narafski..su ga jemput vlovili pa je imel velkih okupacija.. Je ti moj pajdaš Željko delal do nema dugo i je zdaj v penziji.. A poduzeče je još navek v Gajevi i tu zdaj dela nejgof sin.. Se firma zove Pogrebnik i ima takšni barjak na hiži.. A neznam zakaj malo tu hižu ne obnoviju.. makar da ju ofarbaju.. A kaj.. za mrtvake poslužit je i takšna dobra ……



Pa da nebumo samo o mrtvakima i grobarima pripovedali..evo na.. tu na vuglu je jen velki ..se to reče ..Salon za uljepšavanje.. piše velkim slovima.. Renata.. Pa se to misli na ženske .. Tu dojdu ženske ..one kaj su malo poznatejše..iz.. veliju.. javneg živlenja.. su to gospođe od onih politikantof.. bogatašof.. direktora i doktora ..glumice .. pevaljke .. pa tak..malo bolši svet.. A tu nutar ima svakaj.. bi ga vrag znal kaj je to vse kaj se tu nudi.. Samo se čuje da je fest skupo.. I se još čuje da se tu dobro moreš zmasirati .. a se čuje da se tu dojdeju i mužki masirati.. Hmmm .. A pripoveda se da je nekakšni tajanstveni tip.. mu veliju Furbi.. tu glavna persona.. I da on i ta Renata razne coprarije tu zvodiju.. A svakaj se denes po tim salonima spelava.. Sam se ja malo naluknul nutar.. vse same lepe mlade damice tu delaju.. pravi komadi.. Jeee..zato i košta tolko.. a gdo zna kaj se to i kak masira… no pa kaj.. posel je posel…



I tak smo več pri koncu te Gajeve vulice.. Znaš.. zapraf nis bil v pravu gda sam rekel da v tem dolnjem delu ni vulica bogznakaj.. ima nekaj kaj ju fest dela poznatom.. Najme.. posle desete vure navčer..zapraf čim se zmrači.. tu ti doprhaju skoro vse Zagrebačke..kurve..one kaj im veliju ..uličarke..al kamenjarke.. I v to doba tu nebu prošel obični pošteni i obični svet.. Tu ti po kmici dolaziju oni kaj za peneze iščeju lubaf.. To ti tak gre.. Te kurve se pošlihtaju po Gajevi..od oneg..se veli.. Zelenog Vala skroz do konca vulice dol pri Mihanovičevi .. Su ti tu one malo bolše i mlajše kaj tu stojiju v gačama i onim minicama.. kaj im se vidiju i riti i pice..druge pak ciceke zvlečeju van.. trete jezika plaziju i lamačeju znjim.. prčiju guzice..zapraf ..vsaka pokazivle svoje kvalitete.. A onda tu začneju v avtomobilima dolazit ..mušterije.. pa se polahko pelaju..V prvem krugu si samo nameriju nekakšnu radodajku.. v drugem krugu se stane i pozove kurvu do avtomobila pa se čez oblok dogovaraju.. I ak se dogovoriju mora človek željan lubavi prvo platiti.. Kurva zeme peneze i da ih jenoj starešoj i pohabanoj kurvi koja te peneze čuva dok se ova mlada ne vrne nazaj.. Je to poradi sigurnosti kaj nebi mušterija nazaj zela peneze posle lubavi.. A na lubav se pelaju okol firtla pa dol čez Miramarsku med one stare vuličice v Trnju.. Pa tam ima zapuštenih mesta za parkirati avtomobil.. i onda se nutra dela lubaf.. Pa je obaveza da gda si napravil posel moraš kurvu nazaj vrnuti v Gajevu..
Do pred tri leta je bilo v oni zajdni hiži jeno ogromno zapuščeno dvorišče i su nutra bile pohabane šupe i garaže.. Pa su v to vreme tu dolazili i pešaki po lubav..se reklo..na stoječki.. Bi te kurva pelala v to dvorišče..se iza kakšne šupe naprčila i to je bilo to.. Narafski da je to bilo jeftinejše neg v avtomobilu.. se to zvalo ..ševa na brzaka ….. Pa su se v tu hižu doselili nekakšni advokati i vredili dvorišče..haustora zaprli i zdaj kurve tu delaju samo po avtima..
I kak sam rekel..tu v Gajevi delaju one kakti malo bolše kurve..a one stareše i pohabane..pa takaj one kaj su nove prihajale moraju se zadovoliti z mestom na onem Maruličevom Trgu na štrafti od Mihanovičeve do Mažuranca.. Je isto tak kak i po Gajevi.. Stojiju na vulici a lubavniki z penezima se pelaju v avtima.. I morem ti kazat da je ta Gajeva v tem dolnjem delu prek cele noči puna teh kurvi.. se staneju te babe nasred vulice tak da moraš sasvim polahko pelati avto.. A one se pokazivleju na vse načine.. Pa gda tu projde kakšni z avtom kaj ga to ne zanima..onda se more čuti kak mu kurve vičeju nek ide u pizdu materinu ………….



Viš.. ova lepa hiža je ona uprava Horvackih železnicof.. Pa je to skoro sasvim propalo poduzeče.. ga država vleče na svoji grbači..zapraf narod plača to kaj za železnicu nema posla.. A kaj moreš gda je zdaj novo doba i vlaki nisu več v modi.. I tak ti se tu delaju vse sami gubitki..a ono malo kaj i zaradiju to pokradeju direktori i politikanti.. Bi ja vse njih poslal domof i v tu hižu preselil one kurve z vulice..pa nek tu delaju i poreza plačaju.. Bi bila bolša zarada i za kurve i za državu … A još treba reči da ta ogromna palača ima najlepšeg krova v celi Evropi.. Takvi su zaključak donesli nekakšni arhitekti … Pa je .. lepa je to hiža ……… ..... Konec ....................


06:35 | Komentari (10) | Print | ^ |

srijeda, 27.08.2014.

... Brando ........................


…. španciramo pokraj njih godinama..a neznamo gdo su …

Evo… ovaj tu kaj fehta je Brando… Ni baš oni Marlon..ali je Brando…
Je to zapraf črni Cigan kak i vsi Cigani na ovem svetu… Ali taj tu ima bogatu biografiju….. Mu je ime Branko..malo čudno..ali zato ima prezime praf ciganjsko… I bum zdaj naškrabal zakaj ga zoveju Brando.. Narafski.. oni kaj ga znaju… A tih več ni puno.



Tam v šezdesetim letima..sredina.. su se snimali oni..su rekli ..jugoslavenski filmovi..Sakupljači perja.. Buđenje Pacova..Idu dani..i još dost takvih kaj su rekli da su socijalni filmovi.. Zapraf je radnja tih filmof vse nekakšna sirotinja.. žgadija.. kurve.. klošari.. Cigani… i tak… Pa je oni režiser..se ne sječam kak se zval.. al je oponašal oneg Taljana Felinija… tražil glumce po vulicama i ..selendrah i med Ciganima… I tak je v Zagrebu pronašel tega cigana Branka… A je več kak mladi človek taj Cigan bil malo bolše kultiviran..ga se sječam kaj je hodil po plesnjakima skup z onim poznatim ciganom Bracom. Pa sam si ja z tim Bracom bil fest dobar..sam i denes.

Dakle… je oni režiser zabral teg Cigana Branka da bu dobil nekakšnu.. se reče.. sporednu ulogu v filmu..Pa je of to dobro odradil..pak je dobil novu ulogu v drugem filmu… i tak je to išlo naprej. Je Branko postal poznati Cigan.. v filmskem svetu pri nam. A ga je zapazil..kaj je valjda gledel te filmove.. i oni Talijanski režiesr.. poznati.. Felinni.. Taj je takaj snimal filmove o sirotinji i Ciganima v Italiji…. I kaj…
Je pozval oveg Cigana Branka v Italiju i mu dal nekakšnu ulogu v nejgovem filmu… I je bilo dobro..pa je ti Cigan glumil v vse više filmof… Su ga i Njemci zvali da pri njima glumi…….
I je glumil….. Pa kak je to ime Branko strancima težko izgovarat su ga nazvali Brando… A of je cval od miline… I je ti… sad Brando.. zarađival velke peneze.. Je imel hižu v Rimu i Berlinu.. je vozil najnovije mercedese i druge športcke avte…. Pa bi se pravil važan gda je došel koji put v Zagreb i je častil vse okol sebe… su samo letele Marke i Lire…………

Se več pričalo da bu Brando bil pozvan v Holivud.. tam v Ameriku… Ali… zel ga je vrag pod svoje..se veli….
Je ti Brando začel luksuzirati… se napuhal kak žaba.. i začel hoditi po barovima i kockarnicama po celoj Evropi… pa je i skupe kurve pelal za sebom…razbijal avte..i tak vse kaj more delati jen bedak z puno penez….. Pa kak ga sasvim okupirala pijača.. ni se mogel več kontrolirati.. i je prestal glumiti.. snimati filme.. ga nisu više zvali režiseri…. Praf za praf ni ti takšni filmovi ..za par let.. nisu več bili zanimlivi…..
A je Brando imal velke peneze zaslužene dok je glumil… se znalo da je oko tri milijona Marki profučkal za samo jeno leto dni… Su o tom pisale i novine po Evropi…. I na kraju pripovetke..jenog dana je ti Brando juril z svojim avtom po Švabiji i se stumbal ..skoro na mrtvo… Je ostal bez noge ………………….
A je v to isto vreme i ostal bez svih penez kaj je vse zakockal zapil i zakurval…
Se vrnul v Zagreb kak zajdni siromak.. bi se reklo kak obični Cigan..kaj je i bil….. Vse ta leta kak je zgubil nogu živi v Zagrebu..tam na Kozari Boku.. na Peščenici….Ima nekakšnu malu penziju i invalidninu… Koji put dojde v Grad i prosi onak z navike iz ranejše mladosti… Se mam vidi da ni zamusani cigan ..kak su oni drugi… i se lepo pristojno obrača ljudima na cesti kaj ih fehta za koju Kunicu….
Sam mu došel i mu ubacil deset kuna papirnatih..a on me čudno pogledal …mu inače vsi daju same Lipe i po koju Kunu… Mu ja velim … Bok glumac ..kak si kaj… A on me samo iznenađeno pogledal i rekel.. Daaa.. svjet je mali…. Zapraf ..ja nejga poznam..ali on mene ni mogel nikak zapamtiti od oneg vremena od kak smo po čagama špilali …… Na.. i to je jeno pravo Ciganjsko živlenje….

Teg Branda buš največ videl na početku Ilice ..al Jurišičeve.. Ništ ne pripoveda nit jamra.. samo drži tu svoju šiltericu i uljudno se zafali onomu gdo mu kaj ubaci sitniša….
Pa ja takšnih ..se reče.. likova.. imam dost v svojem sječanju.. mogel bi celu libru naškrabat.. A ti.. likovi.. žive tu v našem Zagrebu.. v Metropoli.. v našem firtlu.. med nami..al ih največ nit ne primetimo.. Gdo ih jebe.. takšno je živlenje .. pemo dalše… Kaj ne …..

Serbus …………………


09:34 | Komentari (10) | Print | ^ |

utorak, 26.08.2014.

I to je Zagreb


KREŠO …………………………



Na..taj gor na sliki kaj rivle ta kolica je..Krešo. Je on opče poznata faca v Zagrebu… Mislim tu na moju i još poneku generaciju.. Je on praf za praf ..se veli klošar..skitnica.. ništkoristi.. vucibatina..pijanec.. bedak i na koncu konca.. velki siromak..
No..idemo z početka. I on i ja smo se isti dan upisali v osmoljetku..zapraf su nas stareši upisali.. Pa je ti Krešo dopal v razred do mojeg.. A ga ja nis znal od prije..ni bil taj v mojem firtlu.
I je škola začela..a ti Krešo se pokazal kak posebni slučaj.. Je samo norel ..vikal..pluval okol sebe i pišal pod školsku klupu.. I narafski da se to ni moglo podnašati.. Nakon tri meseca su ga proglasili da je ..se veli.. retardiran.. i su ga premestili v školu za takšne..tam gor nekam na Goljak..znad Malog Placa.

Ma kaj.. ni tam nisu mogli z njim na kraj.. A se pokazalo da on zapraf i nema nikog gdo se za njega brine.. Je došel z doma za takšne z Gornje Bistre.. z oneg Golubofca.. I kaj zdaj.. ni za školu kaj se nemre normalno ponašat i su ga poslali v dom..praf za praf ..sirotište v Glinu….
I ga dugo ni bilo za videt. Je vreme prošlo i se jenog dana pojavil v Zagrebu.. Je to bil zdaj velki klipan.. Se motal po gradu i je delal razne špelancije..a največ je kral i đeparil.. Pa bi vsako malo završil v reštu v Petrinjskoj 20.. a ovi bi ga poslali v kakšni popravni dom.. I taj bi Krešo več za par dni bil nazaj ..kaj bi navek pobegel . Su ga zapirali v takšne domove za maloletnike v Glinu ..Petrinju.. Turopolje.. v Medulinu i je bil čak na otoku Rabu.. I od svud je pobegel i praf v Zagreb. I je onda postalo pod normalno kaj on takav živi v Zagrebu…

Smo ga mi banda z Zrinjevca dobro znali .. kaj je stalno knam dolazil žicati cigaretline.. I je ti Krešo postal fest krupni i jaki za svoja leta.. Pa se nekak uzdržaval kaj je ..v ono vreme.. ljudima po kučama nosil drva i uglen..al je nekaj čistil..pometal.. i tak.. a živel je v nekakšnem podrumu med štakorima..
………Je jemput probal i vure švercati tam v Praški vulici. Je dobil na poverenje vuru da je proda.. pak je te peneze zapil mesto da ih je odnesel glavnom šefu švercera. I su ga ti ljudi vlovili i stukli kak vola……..
I se onda nekak kakti malo smiril..ali ne zadugo.. je začel piti ko smuk..a pil je oni jeftini bučkuriš z oneg vinskeg podruma Jelsa v Petrinjskoj vulici.. Je to vino tam bilo na glasu kak zmijski otrof. A of bedak je to pil kak vodu i je još bolše pobedastil… Je išel po gradu i kričal svakakve gluposti.. na saf glas se deral..psoval.. bil podrapan ..zamusan…zapišan ….
I si je onda nabavil onakšna ogromna železna kolica kak oni na placu voziju gajbe z vočem i zelenjavom.. i je začel skuplati stari papir. I mu je dobro išlo kaj su ga vsi poznali pa su mu davali.. A teg je Krešu navek bilo lahko nagovorit da napravi kakšnu bedariju.. pa je njemu bilo taki svejeno samo da za to bi dobi nekaj sitnih penez …

I je došlo vreme gda smo bili več velki fakini i smo polahko začeli kužiti politiku.. Ja sam se kak dobro odgojeni mladi domoljub našel v društvu sličnih kaj tak misliju.. no to sad ni važno.. pa smo se setili kak da skoristimo tog bedaka Krešu… Je on vsaki dan išel prije podne z kolicima tam v Ilicu.. v NAMU..kaj je tam pomagal raspakiravat robu..a za plaču je dobil te škatule od papndekla… I bi ga mi na Trgaču zaustavili.. mu dali peneze za dve litre vina i bi mu rekli kaj da viče po Trgaču… Narafski bi on saf sretan mam prihvatil…..
………..I jemput je tak nasred Trgača začel kričati z vseg glasa da … jebe mater Titu i Partiji ….Su se mam skupili ljudi..a i milicija… I zgrabili su nejga i kolica i odvlekli v Prvu milicijsku stanicu na Štrosmajerof trg. I kaj ..su teg siromaka Krešu dobro zdenfali i pustili.. jer kaj buju z bedakom.. a of je taki i bil nafčen da ga kiša pere a milicija pegla..
A ti siromah nas ni mogel izdati jer je i za to bil prebedast… I tak smo ga par put napuntali kaj je za peneze kričal slične stvari. I smo onda morali prestati kaj su za Krešom išli detektivi kaj bi otkrili z kim on sklapa posle…..
…………..I spet su leta prolazila.. je ti Krešo svoje benavil po gradu.. je i došla nova država Horvacka.. Se na onu.. se reče..Cvetnu nedelju spremal velki miting Hrvata .. tam na Trgu Francuske republike… Narafski..vsaki pošten Horvat kaj je mogel.. je taj dan bil tam.. I ja sam došel z svojim politikantima … I za dragog bogeka kaj se dogodilo prije neg je taj miting opče začel… Se najemput.. kak da je z oblaka opal .. pojavil ti bedak Krešo pijan kak letva i začel kričati z vseg glasa da… jebe mater Tuđmanu i Hadezeju…. Narafski..su ga mam spopali i stukli kak konja v žitu..a ga je pokupila milicija i otpelala…. Zgledi da je još negdo dobro znal teg Krešu skoristit…...

Sam posle tog Krešu još viđal po gradu pijanog i podrapanog.. je znal smrdeti nadalko kaj je saf bil zapišan …Pa ga zajdne dve godine nis srel nigde. Sam si mislil da je morti vmrl..al je negde zaprt bolestan.. pa je on zdaj star kak i ja….. I ščera ga spazim.. ide prek Trgača.. gura kolica kakšna su u Konzumu.. zapraf se oslanja na njih kaj težko hodi.. Sam mu prišel kak negda.. i rekel.. Bok Krešo… a on je samo nekaj mumlal i bil saf slinaf.. ni me nit pogledal.. Sam mam znal da je skroz na skroz pošandrcal.. Prešel je nekam dol po Ilici..se vidlo da vleče nogu.. A sam i primetil da je v čisto oblečen …. Mi ga je bilo žal.. da je stal bi mu nekaj penezi dal ili mu nekaj kupil…
Pa sam baš bil najgirih kaj je to z njim.. Sam otišel tam do Oktogona gde oni klošar z one udruge Bogci.. prodaje te njihove časopise.. I sam nejga pital dal zna kaj je z Krešom… Taj tu zna vse kaj se događa z takšnim svetom v Zagrebu.. I mi je kazal da je ti Krešo bil šlagiran i je dugo bil težko pokretan… Pa gda su ga zbacili z bolnice.. nije štel v ubožnicu v Marof.. Su ga.. tak veli.. Fratri z Opatovine zeli pod svoju zaštitu… Pa ni tam ni dugo zdržal.. je fort norel.. I zdaj Krešo samo potiho mumla i hodi po svojem Zagrebu.. gde i kak živi od njega se nemre čut …I bormeš ni nikak dobre volje.. ak mu se kakšna ženska najde spredi nejgovih kolica. I ak se slučajno ne zmakne..tak ju gurne z tim kolicima da se lahko po vulici raztepe..



……..Jemput.. pred jeno tri leta .. je stega nastal velki problem.. Jenu je žensku tam v Masarikovi tak odostrag ritnul z tim kolicima da je ženska začela zapomagat i zvat policiju.. No.. Krešo je samo prešel dalše kak da se to nejga ne dotikavle.. Ja sam z pajdašem slučajno tud prolazil i malo pričekal.. Je došel odnekud pandur pa je delal zapisnik.. Pita pandur žensku da gdo ju je to vudril i z čim.. A ta mu spripovedi da je nekakšni manijak odostrag kak raketlin doletel i gural ona kolica z štacuna samo posluživanja.. Pita ju pandur da gde je taj kaj ju je vudril.. Narafski .. nema ženska pojma ni gdo je taj ni kam je prešel .. pandur je naredil zapisnika i vsaki na svoju stran..
No.. velim ja pajdašu da pemo poiskat tog Krešu.. znam ja gde bum ga našel.. I tak je bilo.. Krešo si je lepo sel na ogradu spredi Pravnog fakulteta ..spred nejga kiosk z cajtungami.. pozadi je oni javni šekret onak malo zavlečen v grmlje.. Sedi zdaj mulac i duda ono loše vino z plastične flaše.. Sednem si ja do nejga na plot …Bok Krešo.. kak si.. A on samo mumla .. i vse šalje v rodno mesto.. Velim mu ja da je tam gore bil pandur i iskal ga.. Spet of samo mumla i dalše vleče z flaše.. A neda nit meni vrag mira..moram ja nekaj spelati.. Velim ja Kreši.. Čuj stari moj.. nesmeš babe gaziti z kolicami.. A veli on.. Jebeš babu.. kaj dela na cesti.. Čuj.velim ja .. gda je spredi tebe kakšna ženska.. ti moraš samo fest glasno kričat ..Mičiiiii seeee …… Pa sam zvadil dvajset kuna i mu dal.. Zel ih je a da me ni nit pogledal.. Vidim ja da je on skroz ponorel.. Odemo ja i pajdaš i sednemo si v Slastičarnici Zagreb.. pijemo si Nesice.. Najemput čujemo kak malo dalše prek puta Krešo kriči kak stekli.. Marš baba u pičku materinu … a ženska spredi nejga se jedva uspela zmaknut spred kolica … Baš kak sam mu i savjeta dal.. A je.. vrag sam ja.. je a kaj.. navek sam bil.. i ostal bum ……. Fakin ………….



17:40 | Komentari (16) | Print | ^ |

ponedjeljak, 25.08.2014.

Setil sam se jedne Vesne …………………….



Vrtim se naokol onak .. brez veze.. nigde nikog poznatog.. Ti vrapca.. ta moja bagra kaj te navek najde gda te trebaju.. zdaj ih ni nit za ljek.. A ja sam nekak denes rano zmalaksal.. Maa.. znam ja.. nis bil od jutra karakter pa sam si tam z početka Tkalče kupil pun škarnicl oneh kaj im veliju fornetiči.. A to je fest slano.. I kaj.. do prveg vugla sam ja vse to potrošil.. I zdaj treba hitro sprečiti onu dehidraciju.. me razmeš.. A meni je navek nekak lepše spiti rundu pijače v kakšni pajdašiji neg samom.. A nigde poznatog ….



Oni moji poznati se moreju najti v Ilici.. Frankopanski.. Trgaču.. pa do početka Martičeve i koji put na Kaptolu al Dolcu.. A ja ti zdaj polahko cipelcugiram čez Teslinu..Masarikovu..prek Kazališča pa na Prilaz.. Tim putem ima na jenoj strani vulice senca pa je bolše neg čez Ilicu kaj je v ovo vreme sva pod suncem.. No.. gda nema nikoga bum si ja sam negde sel i spil svoju porciju..morti i nekaj više.. Pa sam se odlučil za ovi tu mali kafič na vuglu Prilaza i Meduličeve..of tu prvi kaj ga glediš.. Zapraf je tu od navek bila mala brtija.. onak prava klošarska.. si moral imati hrabrosti nutar zajti ak nisi bil tu domaći.. To ti je bila brtija kašnu je imel i vsaki firtl v Zagrebu.. Tu su se okuplali domača bagaža i fakini z Prilaza i z Meduličeve spodi teg Prilaza.. Negda se v brtijama prodavalo vino z bačvi..pa se ja sečam kak su posvud naokol stajale prazne bačve..



A tu sam koji put znal dojti gda sam kratko vreme snubil jenu curicu z svoje škole a je stanovala v Meduličevi.. dol pri kraju... Bila je to zgodna pucica dobro razvijena za svoja leta.. je imela prirodne črlene vlasi..kak da bi ogenj zakuril.. Se zvala Vesna.. Bila je fest umiljata i potpuno nevina..ni ništ nit znala o lubavi.. I tak se je čudila gda sam joj prvi put jezika porinul v gubec da su joj skoro oči ispale.. Me gledela z takšnim strahom kak da joj držim sekiru pod grlom.. Tek malo kasnejše sam ja skužil kaj je nju mučilo.. V to vreme gda smo si začeli jezike rivati v gubec.. a bilo je to tam na početku šezdesetih gda su se pri nami pojavili oni Francuski filmi.. je glumila ona Brižit Bardot.. pa Alen Delon .. onda se med našim curičkama pronesel glas ga se od takšneg..kak su rekli.. filmskog poljubca more ostati..nebuš veroval.. v drugem stanju.. je..je.. da more ženska ostati trudna.. Pa mi muški nismo v to verovali al glas je glas.. I tak se ta moja Vesna..zapraf nigdar ni postala moja.. zplašila da je ostala trudna gda sam joj uvalil jezičinu do mandula.. No su se te gluposti pročule i po celoj školi pa nam je naša učiteljica z Biologije lepo objasnila da to ni moguče.. Tek onda je nastalo guranje jezika.. posvud si mogel to videti.. i po razredu i po hodniku. I po šekretu..po školskem dvorišču.. Tak je to zelo maha da je direktor škole dal naredbu da se to strogo zabranjuje.. Tek je onda vraga naredil.. Je puno lepše bilo to delati ilegalno neg legalno.. pa smo si te filmske poljupce davali kak da nekaj krademo… Aaaa.. lepi cajti..



Viš vraga.. pak me vlovila nostalgija.. Evo sedim tu v ti bivši brtiji gde sam skoro batin zvleke zbog te Vesne.. je imela velkog i starešeg brata.. je taki bil črleni kak Škot.. pa ni dal sestru snubiti.. I sam ja odustal i poiskal kakšnu kaj ni imela velkog brata nit tateka partizana…. Uhhhhh.. baš mi paše ta Ožujska limunada .. morem ti kazat da je v tim malim.. veliju.. kvartofskim kafičima.. piva bolše hladna neg drugde.. Tam po centrumu se tega više prodaje pa se nit ne stigne dobro ohladit.. a ovde je bogofska.. Bum si još jenu zlijal v požirak …. Tak ...a zdaj dalše prema domof.. fuč… fić… i nikaj na svetu lepšega ni … tralalalala.. fičuk …


********************************

Moj pajdaš Zvonko.. župnik ……



Tak.. tu sam v Primorski.. pa si mislim da bi malo prešel svojem dobrom pajdašu kaj je župnik tu pri cirkvi Svetog Blaža .. morti baš ni zgodno.. znaš..on je navek fest zaposlen.. kak da je direktor velkog poduzeča.. A on ti je fest poznati Zagrebački župnik.. je nekakšni pomočnik našeg Zagrebačkog biskupa.. kardinala Bozaniča.. A moj pajdaš je Zvonimir Sekelj.. se mi znamo još od rane mladosti.. dok je on još bil popofski školarec i bil pri župi Svete Marije na Dolcu.. Pa smo se na Dolcu i upoznali i od onda se najdemo al pri njemu..al pri meni .. Kasnejše je on mene i moju vjenčal.. a taki je jenog dana došel za župnika v Kustošiju.. Eeee.. onda smo se skorom vsaki dan videli.. Pa su ga službeno premestili tu v župu Svetog Blaža.. to ti je najbogatejša župa v Zagrebu.. pa ne stoga kaj ima fest darežljivih vernikof.. neg stoga kaj v ti župi cirkva ima velkih.. nekretnina.. hiža.. škola.. špilšua.. samostan.. štampariju.. i oni poznati kafič.. Kinoteku .. I o vsemu tomu taj moj pajdaš mora vodit brigu.. Pa ga ja pitam dal se on školal za popa al za knjigovođu.. A pri njemu navek ima fine pijače.. makar on ništ neče piti.. al ja hoču .. I ima navek nekakšne zgodne mlade častne sestre kaj mu ..se reče.. kučanstvo rihtaju .. Pa ni čudo.. malo niže dol v Primorski je i samostan častnih sestri.. valjda si onda more kaj i zabrati tam …ha ..
Jeee.. i ja bi tak mogel bit župnik…ha .. No.. pa ja nis nigdar na tak nekaj igda pomišljal.. Rajši sam bil i ostal Zagrebački fakin.. A kak stvari stojiju.. nit moj pajdaš župnik Zvonko nemre mi dati ausvajs za kralefstvo nebesko.. A na koncu konca.. i ja bum rajše sedel v drekima dole v paklu..pušil cigare i pil pivice.. gledel gole ženske .. neg v Raju sedel pokraj oneg bradatog i slušal poeziju…ha ….
No.. pa of moj pajdaš ni takšni.. bi ja rekel da taj osim svoji mamici ni nigdar nit jenoj ženskoj pogledal v lice.. Je.. on je med malo njih kaj se strogo samo cirkve drži.. Pa stoga i je cenjen gor na Kaptolu…. Mu je več bilo ponuđeno da prejde v službu našeg kardinala..al je odbil.. veli on da je njemu lepše z ljudima biti v cirkvi .. I tak.. nis ga našel tu.. veli mi nejgof pomočnik.. kapelan.. da je prešel.. v .. banku… vse sam dela taj moj pajdaš.. makar ima pomočnike.. zdaj i stoji negde v redu v banki i smireno čeka .. Aaa. moj Zvonkec.. kak su nam leta prešla.. ti buš gore dragom Bogu v goste ..a ja dole v podrum … morti buš kaj dobrega za neme rekel ..ha.. No.. kaj.. bum ga našel drugi put.. prvo ga moram nazvati na telefon jer on neče mobitela nosit .. Nit avto ne pela.. z trajvanom ide po Gradu .. kak da ga je ovi novi Papa naredil …

…. Bok ……………..


19:17 | Komentari (8) | Print | ^ |

Metropola

Stari Đuro ...........



Baš tak.. Stari Đuro me dopelal do Avstrijske i tam on zavija na Zapadni Kolodvor pa dalše po Jagičevi..Jukičevi.. prejde Safsku…. i tak dalše.. A ja sam zaprav štel do Trgača al me nekak vleklo da se pelam malo v starom Đuri.. To znaš zakaj je Đuro.. pa zato kaj su ga naredili v oni naši fabriki Đuro Đaković tam negde v Slavoniji.. Viš.. denes taj Đakovič dela tenkove..a mi naše nove trajvane delamo v Zagrebu.. No.. i taj ti je stari Đuro začel pelati tam negde sredinom šezdesetih.. prije je bil još jen stareši Đuro.. Eeee.. taj ti je Đuro bil prava stvar.. tu si se mogel pelati zabadaf i to na friškom zraku.. Si se lepo stal otraga na oni .. bi se reklo.. povjestni.. pulfer.. prijel se tu za oni velki šteker za prikolicu..al gore za žljeb na krovu.. Ak je bila velka gužvancija odostrag na pulferu..a se znalo tam natiskat i po nas petorica..onda si se mogel stati zmedi dva trajvanska vagona.. To je bilo malo opasnejše jer ak bi slučajno zcurel dol..mam bi te kotači podelili na tri dela.. Al ak si bil pravi Zagrebečki frajer..onda si se moral pelati na sve moguče načine.. Narafski da sam se i ja tak pelal.. A na teg pulfera..a to ti je ona štanga kaj se drugi vagon more zakopčati.. si moral skočiti gda je trajvan več prešel dalše z štacije.. Moral si malo bežati i .. hop.. evo te .. I tak.. stajali b mi fakini straga i zvana se kesili i jezika plazili i srednji prst pokazivali kondukteru kaj je nutra v trajvanu sedel pokraj vrat.. Se znalo desit da bi na štaciji kondukter zišel van pa navalil na nas.. pa smo stoga morali pak skočiti dol z pulfera prije neg bi trajvan stal .. No.. pa z kondukterima ni bilo preveč problemof.. neg z pandurima.. Začelo je to hiladudevectošezdesetpete..ak se ne varam .. gda je oni poznati Zagrebečki fakin opal zmedi dva vagona na samom začetku Ilice.. Narafski.. zrezalo ga je na tri dela i zfaširalo da ga ni bilo za poznati.. Bil ti je to oni.. su ga zvali Glista.. a onaj poznati pisac Majdak je o njemu pisal v svoji poznatoj libri.. Kužiš stari moj …Sam ja teg Glistu poznal.. je on bil z Trnja.al smo se skorom vsi velki fakini v ono vreme poznali.. Jeee.. štel sam kazat da su nakon te nesreče panduri fest pazili da negdo nebi skočil na pulfera.. Al kaj.. malo je koji pandur mogel bežati kak mi fakini.. me nebi nit vrag stigel a ne nekakšni pandur z trbuhom … I onda su panduri začeli delat zasjede.. Stali su se malo dalše od stanice i čekali dok još trajvan polahko ide.. i onda bi se zaleteli i.. udri z pendrekima po nami na pulferu.. Ak je bil jen pandur onda si mogel dobiti sam jen vdarec..al ak ih je bilo dva tri,.,eee.. onda si fasoval po nogami i po hrptenjači.. Se znalo desi da bi fakin nakon udarca opal z pulfera i onda bi ga panduri odvlekli na Miliciju.. Moreš si mislit kaj je tam dalše bilo… I baš zbog tega kaj su fakini znali opasti z pulfera je Pandurima bilo zabranjeno da udaraju.. Al kaj.. dali su tim drotima plastične flaše i nutra belu farbu.. Tak bi te pandur lepo pošprical da si saf bil ofarban .. Pa ni to ni dugo potrajalo.. Jenostavno je tam z začetka sedamdesetih prestalo bit moderno se pelati na pulferu.. Tu i tam bi još kirega videl

Tak smo ti jemput nas tri fakina se pelali na pulferu odostrag.. mi se čini da je to bilo v Zvonimirovoj vulici.. se onda ta zvala ..vulica Socijalističke revolucije.. ti vrapca.. jebala ih ta črlena revolucija.. No.. pelamo se mi odostrag a znutarnje strane mam pri šajbi stoji jena sredovečna ženska.. A maše ona nama z prstom.. kakti nas špota.. i pokazivle taki z prstom na svoju tikvu.. onak se lupa z prstom po čelu.. Mi smo to shfatili kakti da ona nama poručuje da smo mi bedaki kaj se tak komotno pelamo na ti štangi kaj viri z trajvana.. Pa mi smo taki mam uzvratili tak da smo ženskoj splazli jezike kolko smo mogli..a moj pajdaš z leve strane.. Pacof .. joj je pokazal..onak z prstima.. dugi nos.. a drugi pajdaš z desne strane.. Ico.. joj je pokazival prema dol.. hmmm… prema svojim jajcima i pokazival joj srednji prst.. je štel kazat kak bi on nju… me razmeš … Jezušmarija kaj se je ženska z druge strane šajbe uzrujala.. sva je postala črlena i nekaj je tak histerično brblala da su joj sve sline letele po steklu… Pa se je onda okrenula prema kondukteru.. kartodrapcu.. koji je negda v trajvanu sedel mam pri vratima.. pa je njemu nekaj povedala i pokazivala na nas.. A of je samo zlegnul z ramenima i smijal se.. Praf za praf kondukterima je to bilo svakodnevno da gledi fakine na pulferu.. A gda je došla stanica.. baba je zišla dol i začela kričati na nas da smo mi huligani i prostaki.. da kak nas mater odgaja.. da kaj bi nastavniki v školi rekli.. i još koječega je nabrajala.. A mi smo na vsaki stanici zišli dol z pulfera i sa strane čekali da trajvan krene pa bi se zaleteli i skočili gor.. Pa je tak bilo i oveg puta.. I dok smo bežali za trajvanom svakaj smo toj babi poručili.. pa nebi štel zdaj to ponavlati.. nikak ni bilo.. se reče.. ukusno za čuti… No.. mi smo se odpelali dalše a ženska je ostala čekati drugi trajvan kaj na oveg ni stigla nazaj …ha
… Denes sam se zmislil kak bi to zgledelo da se kak stari kojn popnem na pulfera i pelam čez Ilicu.. Nebi se ljudi preveč čudili.. bi mislili da je kakšni bedak pobegel z Vrapča ………………….

*****************************************

Đoko .............



I gda sam zbavil kaj sam mislil malo sam se šmucal po Trgaču..Ni sam neznam kam bi prešel.. Trebal bi danas nazvati oneg svojeg pajdaša Drageca.. znaš oneg kaj kakti čuva gradonačelnikovu ženu.. Ak ga nazovem onda ga moram čekati bar pol vure da dojde.. Ništ.. nebum ga zval..ima za to i drugi put.. a ionak bi moral slušati kakšne vse gluparije spelava ta baba kaj ju čuva.. I dok se tak sam z sebom spominam naide of tu človek.. Ovaj kaj nosi tu nekakšnu kantu punu farbe.. Čim tega poglediš mam vidiš da nekaj ni vredu z človekom.. nekaj sam sebi v bradu pripoveda..sav je slinaf.. i fort se vrti kak da ima ringišpil vriti.. Aaa.. to ti je takaj jen moj poznati.. pa se ja njemu nebum javil a on mene ne vidi..siromak ima tak debele očale da jedva vidi na tri metra pred sebom.. To ti je moj šulkolega z osmoljetke.. Zapraf..smo fest kratko bili kolege v razredu.. Su nejga odnekud dovlekli i prav v moj razred ga deli .. je to bilo v osmom razredu .. A nejga vsi zoveju Đoko.. makar mu je ime Petar.. Ono Đoko je zbog prezimena..pa to nebum javno rekel..
I taj je Đoko k nama v osmi razred došel gda je več imel skoro dvajset let.. A i bil je visok.. za dve glave vekši od svi nas .. Mršaf kak i denes..a fort su mu sline curele z gupca.. Več onda ni imel skoro nit jenoga zuba..a kak se i denes vidi .. nema ih ni zdaj.. Taj ti je Đoko bil ..kak su onda rekli.. malo retardiran.. bi se po domaći reklo da je šumak al malo trknut v tikvu.. Bil je pri nami v razredu samo prvo polugodište a onda su ga nazaj vrnuli v nekakšnu pomočnu školu za takšne šumake.. A bilo je smeha z njim.. Taj ti je fort prdel na saf glas a mogel se podrignut kak deva .. i navek je imal zascane hlače .. A smo vsi znjega delali bedaka i norca..nagovarali ga na norije..a on bi jedva dočekal.. Ni bil opasan nit zle volje.. baš je bil naivec i dobričina.. Najrajše smo ga znali otpelati v kino..narafski bi mu platili vulaznicu.. pa ga vsred najbolše tišine napuntali da se podrigne.. A on bi se nekak napumpal z luftom i podrgnul se kak prasac.. narafski.. celo bi se kino začelo smijati.. A gda bi v kinu prdnul kak kojn i još ktomu ofarbal zrak da se osetilo i v prvem i zajdnem redu.. Onda bi došel oni biljeter i bi ga štel zbaciti van z kina.. No..gda se Đoko zdigel onakšni visoki mam bi biljetera prošla volja.. A bil je taj Đoko siromak.. imal je samo mamu.. su stanovali v Meduličevi vulici..pa je tu Đoko još i denes.. To ti je nekakšna škulja od jenog sobička i male kuhinjice v jenom zapuštenom dvorišču.. A smo mu mi fakini nosili navek nekaj na poklon.. A kak smo v to vreme več vsi raufali cigaretline..Đoku smo slali v trafiku.. jer nam koji put trafikantica ni štela prodati.. A tog Đoku moreš videti vsaki dan v svako vreme kak se sprešetavle od Meduličeve do Trgača pa nazaj i stalno pripoveda sam z sebom.. Gledim ga danas.. vleče tu težku kantu po Trgaču več dve vure,, Od kak sam ja prvi put denes tu došel..pa otišel..pa natrag došel..on to drži v rukami.. Bi ga vrag znal kaj je njemu pri pameti.. Al je za videti da ni ništ pametnejši od negda.. I ja sam pak prešel.. Hmmmm.. nekaj nit zmenom ni vredu.. sam denes več tri put bil na Trgaču………



06:46 | Komentari (5) | Print | ^ |

nedjelja, 24.08.2014.

... curi.. kaplje.. pa kaj .........


Od znočka dež curi kak da je onome gor bradatom pipac se na bačvi ftrgnul.. Sam ja imel lepe planove za denes..al..kaj.. kam buš išel po tem vremenu.. Ostal sam domof .. gledim čez oblok.. si gruntam.. morti bu stalo bar na dve vure ..makar i jenu vuru… Ništ.. kaplje i kaplje kak da je oblak vse do zvezda debeli.. Jeee.. daj si zmisli kak bi to bilo gda dež nebi samo ovak curel kak to je.. kak bi to bilo gda bi celi taj velki oblak najemput se zrondal dol na zemlu.. A valjda je tak bilo gda je bil oni velki potop gdar je samo ostal oni Noa i nejgove koze.. Denes baš i ni nekakšna sila kaj bi moral iti van.. Moja bolša polovica je taki domof.. nit se ona i nejzine babe nisu ništ dogovorile da nekam peju zjake prodavat.. pa sam ti ja tak.. kakti solidaran.. ostal domof.. pa mi se nit po cajtunge neda prejti.. A kaj .. baš koji put lepo dojde domof sedeti v piđami vse do podneva.. To se meni retko gda događa.. I tak si mislim ..zapraf se malo prisečam kaj sam ja delal pred kakšnih.. hmmmm.. i još kolko leta pri takšnom vremenu.. Aaaaa.. pa kak se človek nebu sečal.. su to bili najlešpi cajti v živlenju.. Viš.. denes je Nedelja.. pa je i onda znala bit Nedelja.. zbilam.. fort su te Nedelje .. No.. v ono vreme se v Nedelju malo dulje spalo.. pak ak baš i nisi spal.. si se razvlačil kak maček po krevetlinu .. Okol desete vure bi moja baka ..plemenitašica.. polahko otprla vrata i naluknula se dal morti još spim.. Pa gda je vidla da sam otprl oči.. za čas bi mi v krevetlin donesla fruštik.. onak na velkoj taci.. Vsega bi nametala.. i klobase i sira.. i kolačof..naravski domačih.. v ono vreme je pri hiži bilo navek domačih kolačof .. i tak bi na koncu dobil velki lonček beloga mleka..al morti i kiselog mleka.. Ti vrapca.. ja sam vse to smazal i tekar onda se zvlekel z piđame.. Je..je.. mene je moja baka bedinala kak praveg naslednika plemenitaške familje.. i još ktomu poslednji na spisku.. A več sam ti ja v to vreme bil velki fakin .. srednjoškolec.. No.. bi se ja zrihtal i prešel gledeti dal je gdo od fakinof v našoj svakodnevnoj brtiji.. Je to bil oni Splendid na Zrinjefcu.. denes je to Lenuci..al ne dela.. je propalo.. A v brtiji je navek nekog bilo z kim bi nekaj spil i zdimil par cigaretlina.. Eee.. onda bi se okol podneva vrnul domof.. zdaj je bilo vreme za telefoniranje.. Pa sam zval poznate kaj ih ne vidim vsaki dan..a i v to vreme baš ni bilo preveč telefona po hižama.. I tu je moja baka fort kričala da nebu ona plačala račune za telefon kaj ih moj japa i ja naredimo.. Viš.. moj je japa bil fest spameten.. on i moja mamica su večim delom živeli v hiži na drugem kraju grada neg tu na Zrinjefcu.. mamica se baš ni imela preveč rad z mojom bakom.. su se fort razpravlale koja familja ima bolše plemenitaško porjeklo.. Mamica je trdila da je nejzina familja bolša.. vekša.. bogatija.. a moja ju je baka.. barunica pitala da gde joj je onda ostal taj velki miraz kaj bi ga trebala prinesti..ha .. A mom je tateku taki bilo svejeno gde je.. A ja se nis dal proč z Zrinjefca.. No.. i tak bi japa vsaki dan došel tu pri svoji mamici i telefoniral po dve vure.. a pri sebi v hiži je šparal telefona.. A ja sam sledil svojeg tateka i taki telefoniral.. on je fort nekakšne ženske nazival.. pa sam i ja nazival svoje školske kolegice koje su imale telefona.. Znaš.. prek telefona si curama mogel povedat kaj si štel.. ha.. samo te čujeju..al te ne vidiju..



A moja cura.. ona prava kaj ju nikome nis pokazival ni imela doma telefona.. Sam si ja navek gruntal..jel to dobro al..ni.. I sam zaklučil da je dobro.. Gda bi ga imela onda bi ja nju al ona mene svaki dan zvala i po deset put.. Ovak smo obadva bili slobodni i se ni znalo kaj gdo dela.. Pa se ja nigdar okol tega nisam brinul..kaj to ona gda i gde dela.. Za to se brinul nejzin tatek .. Zato sam ja mogel delati kaj sam štel jer mojeg tateka ni bilo preveč briga kaj ja delam.. a mamicu još manjše.. Japa je samo fest zdihaval gda sam ga iskal peneze za tašngelt.. A on bi navek .. filistar.. rekel da nek iščem baku jer ona ima više penez od nejga.. Pa naravski da sam ja vurclal i jenog i drugog i tretog..a vsakome sam rekel da mi oni drugi ni ništ dal.. Tak je navek bilo penez v mojem žepu.. I kaj da ti velim .. Nedjelja je pri meni navek bila svečana.. Obavezno se v pečnici pekla čučica.. patka..al guska.. mlinci..al restani krumpir.. dve vrste salatlina.. prije vsega domača juhica od kokošjeg vrata.. želuca..krilca.. parkli ..al bi im prije podrezali nokte.. a je i moja baka nutra hitila komad junetine da bi juhica.. dobila snagu .. Narafski.. na obed su došli i tetek i mamica.. i v to vreme je vse štimalo.. posle ručka su još potrošili vse kolače.. ak je kaj ostalo su si odnesli domof.. Mamica je navek pri tom pitala..kakti briga ju je mučila.. Sinek dragi.. gda buš ti več jemput došel domof.. A ja bi joj odbrusil… Ja sam se tu na Zrinjefcu zlegel i tu sam domeka .. Jee.. pa to je ona i čekala da velim.. I tak sam ti ja mogel živeti na tri strane v Zagrebu da sam štel.. I mamica je v to vreme imela svoj stan dole na Trešnjefki gde je i druga nejzina ..ona ogromna.. familja živela… I tam je mamica imela nekakšnog študenta za podstanara.. pa je moja baka rekla da taj študira madicinu na fakultetu..a praksu da ima pri moji mamici.. Je.. rekli smo da je tak bilo Nedeljom.. dalše.. Popoldan je bilo vreme da moja baka pe v vizitu svojim groficama i barunicama i to bi potrajalo do kasno nafčer.. A tatek i mamica su prešli vsaki na svoju stran.. A ja sam bil v celomu stanu sam.. Al.. Nedela popoldan je bila rezervirana za moju pucicu.. onu pravu lubaf .. Pa ta nit ni smela drugač nekam prejti neg v Nedelju .. I narafski.. kam bi prešla neg kmeni domof.. A gdo zna kaj je svojem teteku kazala kam ide.. I ..se zna.. popoldan smo ja i moja lubaf provodili v moji sobi.. a kak drugač neg na štrozaku.. me razmeš.. Zapraf je to bil ogromni kauč kaj se je mogel raztegnut tolko da bi cela jena familja mogla na njemu spati.. To je moja baka barunica dala posebno delat okol tri metra dugačkog..tak da su vse nejzine aristokratkinje mogle skup ravnopravno sedeti gda bi došle v vizitu.. Pa o tomu ja nebi preveč nekaj posebnog škrabal.. vse one peripetije okol najlonki z natom.. pa z halterima.. cicncekerom i sličnim bedarijama to gdo zna ..zna.. Pa bi to vse potrajalo do šeste vure popoldan.. narafski.. celo vreme na štrozaku.. Kaj zdaj.. em se zna.. lepo se zbegecat i v sedam vur v Tucman na čagu.. Dakle..speglane črne hlače kaj bi se na njima mogel porezati.. bela rubača.. kravatlin.. ajncug bez proreza.. na dva gumba.. zglancani cipeliši z debelim đonom .. A moja cura si je v svoji torbi donesla minicu koju ni smela domof pred tetekom obleči.. Narafski.. ta je bila samo jen pedalj dugačaka..tak da joj je pol riti virelo van.. A cicnceker si je taki dela v torbicu jer su ciceki v vsakem času mogli meni bit na raspolaganju .. Znaš.. gda se na plesnjaku zgasi velko svetlo i oni dečki zasviraju.. se reklo.. sentiš.. jeee.. onda moja puca i ja postanemo jen komad.. A gde buš je onda prijel neg z jenom rukom za rit..z drugom za ciceke.. narafski si zavlekel ruke spodi bluzice.. a pucica bi se tebi obesila okol vrata.. jeeee.. to se zvalo.. čagati .. Denes to mladi ne znaju.. sam se zibaju i treseju kak šibe na vjetru.. kričiju..a one svetleče kugle se vrtiju kak blesave … Nemaju pojma ovi denes… I čaga bi trajala do desete vure.. a onda si curu moral odpratiti domof…. I dok bi se ja posle vsega vrnul nazaj več je i jedanajsta vura prešla.. pa bi po kuhinji i špajzi poiskal dal je slučajno ostalo nekaj posle one moje aristokracije.. Al je to bil retki slučaj.. I tatek i mamica su navek pri baki imeli posebni apetit..a kaj nisu mogli pojesti su si vsaki zasebni paket zapakirali.. pa je moja baka to komentirala da si japa sprema večeru za svoju šocu..a mamica obed za nejzinog podstanara študenta.. I kaj.. ja bi na koncu zel teglu pekmeza i žlicu..komad kruha,, pa bi se legel v krevetlina onak ..samo bi cipeliše zezul i hlače bacil v čošak.. A vjutro je trebalo iti v školu.. Je.. tak je nekak negda zgledela dobra nedjelja.. Koji put i bolše.... bilo je svejeno.. smo bili mladi.. … me razmeš.. mladi… Ha..

… Serbus ……………

PS.
zgledi da se sunčeko začelo gurat čez oblake.. morti još i prejdem v špancirung......


07:44 | Komentari (3) | Print | ^ |

subota, 23.08.2014.

...Kak su lepe te naše Zagrepčanke ......




Maaa.. vračam se zdola z Vlaške.. nekaj sam zbavljal po štacunima.. A vjutro su se nekakšni oblaki fest narihtavali.. al kak zgledi sunčeko se navelko gura..I bogmeš je zagrijalo.. a ja makar idem polahko imam filing da bi trebal narediti nekakšnu.. veliju..pauzu.. Hmmm.. glupa je ta rječ ..pauza.. kaj ti je to.. moram doma pogledati kaj o tem veli oni Klajič kaj je napisal rječnik strajnskih rječi.. No bumo po domaći rekli.. treba si malo zdahnuti.. se razme.. v kakšnem kafiču pri Ožujskem z citronom …. I tak hodim pokraj kafičof i brtija.. pa si vse mislim .. bum stal v onem kaj zdaj dojde.. No.. mene srce vleče kaj je bliža moguče Trgaču.. I zato sam si sel tu v Stari Vlaški..mam pri našem starom Gustafu Šenoi.. Hmm.. baš… nekak mi je preveč na suncu kaj je začelo več pošteno žgati.. a ovi tu konobar još ni otprl te ogromne suncobrane.. zapraf sam si tu sel kaj sam videl jenu zgodnu mladu… ima dugačke vlasi.. je plavuša.. a bogmeš je i komad ženske.. takšne dugačke noge ima.. a se vidi da ne oskudjeva nit z guzicom nit z cicekima.. A sedi sama i pripoveda na oni mobitel.. Jezušek..a kaj če joj mobitel gda tak galami v njega da joj nit ne treba ti aparatlin.. ju je čut na kilometar… Pa i drugi v kafiču glediju kak ta galami.. i smiju se … A ona ništ ne primeti.. priča ona na saf glas z nekakšnom prijatelicom.. i pripoveda .. zapraf grdo ogovara nekakšnu tretu … Gdo bi rekel kak ta zgodna ženska ima ..se veli.. poganu jezičinu… kaj je svakaj zgovorila za kratko vreme.. A je da je zgodna i komad.. pa ju ja nebi štel doma imeti takšnu.. Valjda ta zna z tim jezikom i kaj drugo delat..ali za slušat ju je grdo.. I tak .. hočeš.. nečeš.. slušaš nejzine pripovesti.. A ja pokušavam odredit kakšni to horvacki ona govori.. I bogmeš nemrem odredit.. pripoveda ona onim dobrim književnim jezikom.. Pa ne govori kajkafski koji nigdo ne razme.. si ja mislim da je ta ipak tu naša domača.. Zagrepčanka… A ja sam spil svoju Ožujsku z citronom.. i pem dalše..a ona plavuša i dalše pripoveda i drži teg vraga na vuhu… Nek ženska uživa … i ja uživam …….Pem dalše.



A ja nebi bil ja ak nebi okol gledel za ženskama.. nit bum ja za to platil poreza niz buju one ostale v drugem stajnu.. A baš mi nekak denes od jutra zapinju za oko te naše lepe Zagrebačke puce i ženske.. Pogleč samo ovu tu ..stoji tu pod vurom na Trgaču.. pa ziher čeka kakšneg frajera.. pa mene ni briga za tega kaj bu..al nebu došel.. gledim ja frajlicu.. Posvud okol po Trgaču idu ženske ..počrnile od sunca..a ova tu je nekak posebna.. Jezušek.. kak ju je lepo videti.. kak da je anđelek zižel z neba na Trgač.. Vrabec ga dal.. pogleč samo kak je ovi mulec prošel pokraj te krasotice.. kak da pokraj kandelabera ide.. nit tikvu ni obrnul.. A ja sam vse ukrug hodil okol nje samo da ju bolše vidim.. Zapraf.. samo i gledm a kaj bi drugo.. morem si ja tak nekaj poželeti.. al kaj.. ništ se nebu izpunilo.. jeee. nemam ja zlatnu ribicu doma v stakleni zdjeli.. Ja sam navek imel nekakšne hrčke v kavezu.. ti vapca..I tak sam malo slinil okol vure na Trgaču pa sam prešel dalše.. Je začelo bit vruče.. i zbog lepih ženskica i zbog sunčeka kaj je začelo žgati kak v Libiji …Maaa.. pem ja na koncu v Moku po jen komad pice.. človeka glad napadne dok naokol zeva kak gladni pes.. je.. pica.. hmmm.. baš su to dobro zmislili.. tu picu …

Bežim v sencu .. Serbus …..


07:50 | Komentari (8) | Print | ^ |

petak, 22.08.2014.

Petak… a vsaki petak ………

Zafrkancije ….



Malo sam se šmucal po Dolcu.. sel sam si v brtiju Serbus i spil dve Nesice od vanilije.. vreme nekak visi.. bu nebu..al dež..al sunce..
Znaš kaj.. nemam ja denes kaj tu iskati.. nisam baš pri dobri voli.. Velim ti ja.. to vreme je krivo.. Pa bum čez Tkalču prešel v Dugu vulicu i prek Gornjeg Grada se zpustil na Mesničku … Tek tolko da se malo sprehodim.. je dobro za cirkulaciju.. Makar.. znaš.. dobro je meni za cirkulaciju i domof sedeti v moji fotelji.. Barem te manjše noge boliju .. Jedin kaj ti mene tera van z hiže je to kaj ja moram svojeg Zagreba videti.. Ak koji dan ..al dva ostanem pri hiži.. vsi okol mene misliju da sam betežen .. Pita mene moja najdraža.. Kaj denes nebuš otišel v špancirung.. Nebum velim ja .. neda mi se.. A ona mam beži svoji mamici i žali se da sam ja ziher fest betežen … Onda obadve gruntaju kaj bi to mene moglo spopasti.. Veli nejzina mati da sam se ziher preveč nažderal pa mi je težko.. A kaže moja.. Ma.. ni.. ne jede ništ vjutro.. morti ga boli koleno kaj ga je lani operiral.. No.. i tak vse naokol kaj je meni i vse fulaju.. A ženina mater.. to je moja punica..



A kakšni bi ja bil Zagrebački fakin kaj nebi svoju punicu zafrkaval.. Znaš.. nema ona mira.. mora ona saznat zakaj ja nis prešel v špancirung.. Neda črv vriti staroj mira.. evo ti nje kmeni na vrata.. Jedva se spentra po štengama.. al znatiželja je jaka .. A kaj.. ja ju pustim v svoj stan.. sedne si ona.. Ništ ne pita.. samo me gledi i proučava.. Kak doktor kirurg prije neg mi bu bubrega zvadil.. Malo popričamo i ode stara .. Posle referira mojoj najdražoj.. Da joj ja zgledim nekak preveč bledo.. i kakti da sam v poslednje vreme malo oslabil.. Nezna ona da meni moje kile samo ideju prek sto na gore a nikak na dole .. I još veli svoji kčerki da pripazi na mene .. morti sam dobil nekakšni slabši .. se reče.. moždani udar.. Se to po domaći veli da te je šlak trefil.. ne.. Ha.. A zakaj to ona veli.. Eeee zdaj dolazi ona moja zafrkancija.. Dok sam ja z punicom pripovedal.. sam svoj gubec malo raztegnul i nakrivil na levu stran i levim okom onak.. kakti škiljil.. i malo sam kakti mucal.. I stara je donesla dijagnozu i zabrinuto je prenesla mojoj najdražoj.. I gda je moja došla domof.. gledi mene kak da me prvi put vidi.. narafski.. prvo ju je na dvorišču stara dočekala.. No.. mene moja gledi.. pita kak sam… A ja joj lepo odgovorim .. Jako dobro.. pojel sam si malo domačeg špeka i pol glavice luka.. pa sam si spil jenu Ožujsku z citronom.. Posle sam malo prešel susedu Cajgeru pa smo si još nekaj skup spili.. a onda smo skup prešli Zvonku..špengleru na još jenu rundu.. Gledi mene moja.. i veli.. More bit da je moju mamu šlak trefil kaj mi je vsega napripovedala……… Tak.. onda se skup smijemo…A kaj.. lepo je živeti…Ha



Pa bum uz put zpripvedal još jenu …..

Sam se predomislil pa pem čez Tkalču pa po kakšnim štengama gor na breg..Tak prolazim pokraj Pivnice Medvedgrad .. I navek se nečega setim.. Viš.. tu piše Mali Medo..al to ti je jeno te isto.. Je to več skorom dvajset let poznato ugostitelstvo.. i ja sam več nekolko put škrabal po malo o tem.. tak sam rekel da su se prvi kompanjoni posvadili i razišli i podelili te lokale kaj ih imaju po Zagrebu.. A ja dost često prejdem dol na Staru Samoborsku cestu v Pivnicu Medvegrad.. Znaš.. kuhaju tam vsaki dan friške gablece i obede i moram ti reč da je to jeftino a dobro skorom kak domače.. A o pivi kaj ju oni sami delaju.. nema se kaj prigovorit.. Ja svakak preporučam tam prejti ak se hoče dobro najesti i dobre pive spiti…
No.. neki dan je moj zet odlučil proslavit svoj rođendan tu baš v Pivnici Medvedgrad ..al tu v Gradu.. v Tkalči.. I kak tu još nismo nigdar bili od gda je tu otprto..a ni tak dugo.. Lepo se složimo i cela moja familja skup z punicama.. svekrivama.. bakama ..suprugama.. decom i vnukima..praf za praf.. cela regimenta.. najavimo se telefonski da rezerviramo mesta.. No mesta ima i brez rezervacije .. Dakle.. stigli smo i konobar nas odpela na prvi kat gde su spremili stole za nas… Ja ..kak i navek.. prvo razgledam naokol..znaš.. moram pobrati.. se reče..dojmove.. Hmmm.. baš me ti dojmovi i ne vlečeju na to ime.. Medvedgrad .. kak se pivnica nazivle.. Nigde v tem prostoru nema ama baš nikaj kaj bi i barem malo podsetilo na Medvedgrad.. nit kakšne slike.. nit kakšne coprnice.. pa nit sam nameštaj ni nikaj posebnog kak bi to človek zamislil.. Znaš.. dol v Stari Samoborski je baš naređen takšni štih da se človel more čutit kak da je na starom Medvedgradu.. A ovde baš ništ..a v sred stare Tkalče..



I da ne razvlačim pripovetku..Ovak.. Za razliku od one pivnice na Samoborski cesti.. ovde je to za mene čisto razočaranje.. Prvo.. konobar je oblečen kak obični potepuh z vulice.. ni ljubazan.. zgledi kak da smo mu na žulj stali kaj smo opče došli.. nezna nikaj reči kaj ga pitamo..samo nam pod nos gura špajzkartu.. opče se ne trudi delati kakšnu reklemu .. nuditi nas da probamo ovo..al ono.. Ništ.. mutaf kak cipela .. No dobro.. dogovorimo se mi i naručimo po špajz karti kaj bumo jeli.. vse si to konobar lepo zapiše.. i prejde…Jeeee.. al nas je pozabil pitat kaj si bumo spili.. a mi sedimo za praznim stolima.. Kričim ja z vseg glasa za njim.. Haloooo.. konobar.. Evo nejga nazaj.. još bolše namrgođen.. Pa znam ja da ljudi nemreju navek biti dobro razpoloženi..al ak si konobar.. koga je briga za tvoje probleme.. A mi smo se več dogovorili gdo bu kaj od pijače naručil..samo to treba prenest konobaru.. V pivnici Medvedgrad ima pijače kak i v vsakem drugem kafiču..al restavraciji..al gda si več došel v pivnicu..onda svakak moraš probat nijhovu pivu.. A pivnica Medvedgrad nudi pivu.. Grička vještica.. Stari Zagreb.. Kontesa Nera.. i Črna Kraljica … No.. rečeju vsi konobaru kaj želiju..piše on.. a ja najzajdne naručim.. Meni prosim.. Barbaru Celjsku.. velku kriglu.. Gledi v mene taj telac.. i spet pita.. Šta vama.. Znaš.. to..Šta…. mogel bi mu to Šta naškrabat na papir i zgurat v nos.. V sred stare Tkalče.. v Pivnici Medvedgrad.. mene zvuzlani konobar pita..Šta … No ja mu ponovim.. Barbaru Celjsku mi donesite…. Gleda on namrgođen.. Toga nema..samo ono šta piše na tabli.. Ima.. ima.. velim ja.. Moja najdraža i moja djeca znaju o čem ja pripovedam..pa skužiju da sam ja odlučil malo zafrkavat teg ..se reče.. ugostiteljskog mulca…. A pokraj našeg stola za drugim stolom sedi nekakšna pajdašija i sluša kaj ja pripovedam pa se i oni smijeju.. Još jen od njih veli konobaru.. Ima. Barbare Celjske.. i meni ste donesli.. Zdaj je konobar potpuno zgublen..
I kaj.. kakšni je da je.. žal mi ga je postalo.. pa ga pitam.. A znate vi mladi gospon gde je Medvedgrad.. veli on.. znam.. v Ilici.. na Samoborski cesti na Safski.. stane on nabrajat.. Neee.. mladi gospon.. to su Pivnice ..a ja vas pitam da gde je Medvedgrad.. .. Kratko.. i najkrače.. Nema taj pojma o Zagrebu.. o Medvedgradu.. o Barbari Celjskoj .. nit o Crnoj Kraljici.. Na koncu mu lepo objasnim da su Barbara Celjska i Crna Kraljica jena te ista ženska iz zagrebačke.. Horvatcke i Evropske aristokratcke povjesti….
I tak.. prošlo je nekaj vremena .. pojeli i spili.vse ..al bi ja i moj zet još pive.. te Črne Kraljice.. Al nema ti gdo prinesti.. A sam lokal dela v prizemlju i na prvem katu.. A kolko sam mogel videti.. ni v pivnici bilo morti petnaest gostiju..a ima nekolko konobarof.. Al of naš.. kak nas je poslužil.. više se ni pojavil.. Kaj.. nema druge neg ja zemem dva kriglina i pem dole v prizemle po pivu.. Kak sam i rekel.. dole su samo tri gosta.. dojdem ja do velkog šanka gde se piva toči.. Prosim lepo još dve Črne Kraljice.. Veli meni pipničar.. Dobro.. bu vam to konobar gore donesel.. Velim ja.. Bum ja sam odnesel jer konobara ni več jenu vuru pogledet dal smo živi..a kamoli žedni.. Of tu kimne z tikvom i ja odnesem krigline gor.. Za čas evo teg našeg konobara za menom gor.. I začne se izpričavat kaj ga ni bilo.. nekaj je nadrobil.. ja ga nis ni slušal.. Najme moje kčeri.. moj zet i ja smo vodili velku razpravu o potrebi da ugostitelski i turistički djelatniki moraju poznavat najbližu povjest barem grada v kojem delaju.. i još razpravlamo o zagrebačkim dotepencima.... A ja sam tvrdil da taj naš konobar mora da se je dotepel z kakšne vukojebine v naš Grad.. gda nikaj nezna .. I baš mi je dobro taj tu naletel.. Brez pardona ja nejga pitam.. Mladi gospon.. od kuda ste vi.. A on kak z topa opali… iz Zagreba ……………….

Puce i dečki.. da ste mi gezund ………..


15:45 | Komentari (8) | Print | ^ |

… sim.. paaa… tam …..

cipeliši …..



A ja .. kak i navek.. delam korisne stvari..a uzput i malo razgledam po mojem Gradu. Nekak mi ništ ne paše.. vse je tak tmurno.. snuždeno.. sivo.. I ljudi nekak ideju po vulici kak oni.. im veliju.. zombiji.. Znočka je tak grmelo i treskalo kak da su vse coprnice z Medvedgrada znad moje hiže turirale svoje metle.. ha .. I nis baš bogznakaj dobro spal .. Evo ti ga na.. jena je ženska tu na Frankopanski zjahala na mene kak da sam ja kojn.. bum ti praf rekel.. ni me nit vidla prije neg me zjahala.. a nit posle.. Prešla je dalše kak muha brez glave .. A kaj bum.. ništ.. nagazila mi je na cipeliše i zdaj je ova leva tak musava kak da sam znjom kopal po zemli.. Vrabec ga dal.. to nesme bit problem.. Baš i zbog tega človek nosi.. traperice.. lepo si cipelu zglancaš na suprotni nogi.. pozadi na tem kaubojskim hlačama.. Je.. tak se je to negda delalo.. Aaaaaa.. pa ja sam pozabil da denes imam oblečene črne Levisice.. No.. tak.. zdaj baš lepo zglediju .. Al kaj je.. je .. bu pričekalo dok dojdem domof….



Znaš.. navek sam domof dobival špotancije zbog tega.. I to v vreme gda nis nosil te amerikajnske hlače.. Je.. a kaj.. cipeliši su navek morali bit zglancani..i onda si to naredil kak je bilo najbrže.. Sečam se .. tam negde v polovici šezdesetih.. jeno kratko vreme je bilo fest moderno imati zmazane.. cipeliše.. zapraf prašnjave.. tak da su zgledele kak da su belo pofarbane.. Bi ja rekel da smo to onda mi fakini imitirali oneg špageti kauboja Đulijano Đema.. A domof bi navek oblekel čiste i zglancane.. a moda je iskala nekaj drugo.. Pa kak bi ja to mogel v to vreme nekom v hiži pojasnit.. Ništ.. Čim bi zišel z hiže mam bi se zaputil prek Zrinjefca na Štrosmajerof trg v park.. Tam su onda steze bile posipane z belim samoborcem.. I tak bi tu začel cipeliše rivati v taj pjesak i mam bi bile bjele.. A ona moja dobra baka.. plemenitašica.. nikak ni mogla shfatit kak si ja tak fest cipeliše morem zaprašit na asfaltu…. A moj bi tatek.. ak se baš zatekel pri hiži ..samo odmahnul z rukom i rekel. baki.. svoji mamici.. Ahhh.. pusti ga.. kad baš hoče nek zgledi kak seljačina .. Al ni bilo nikakšneg oprosta za to.. gda bi došel domof.. moral sam cipeliše zezut i ostavit ih v hodniku pri ulazu da se prvo zluftaju.. Eee.. onda ih treba prvo z jenom kefom dobro zprašit.. Onda z malom kefom namazat z šmol pastom i pustit da stojiju .. Gda bi se pasta posušila.. onda z tretom kefom zglancat i na koncu vudriti visoki sjaj z baršunastom krpom.. Tekar onda su mogle na stalažu z ostalim cipelišima.. Ti vrapca.. I baš nekak v to vreme ja sam si zabral nove cipeliše .. ljepe tumpaste .. braun farbe i .. lakirane.. Istini za volju su me z početka v školi zafrkavali da su to pederske cipele.. Al gda smo na filmu vidli kak takšne slične ima oni Elvis Prezli.. mam sam bil glavna faca.. A te je cipeliše samo trebalo malo z krpom prevleči i bile su kak nove …



Pa ta moda ni dugo potrajala jer su nam je zabranili v školi.. Je došlo čak do tega da nas školski podvornik.. hausmajstor.. ni puštal ni da koraka naredimo na školske štenge.. I tak je moda prašnjavih cipeliša za kratko prestala….. Vrag jebal tu babu kaj me zjahala.. zdaj tekar vidim da mi je i zgulila farbu z cipele.. A bile su to skupe cipele.. Zbilam treba fest pazit na te ženske… Kaj bi na primer bilo da sam ja njoj tak nagazil na cipelu i nogu.. Ha.. Ziher bi začela kričat da ju cela vulica čuje.. pa bi iskala da joj platim za nove cipeliše..a morti bi i pozivala Hitnu pomoč kakti da sam joj nogu ftrgel…ha ..
No.. desilo se to meni jemput.. Davno je to bilo na čagi tam v Streljani gde si moral dojti v paru .. Išla je zmenom pucica z moje hiže na Zrinjefcu.. od poznatog doktora Cenčića kčerka.. Njoj smo vsi dečki fulirali i snubili ju..a ta i baš ni nekog odbila.. No.. kak smo se vrteli na čagi v oni gužvi .. ja sam njoj fest nagazil na cipelu i nogu.. Vrabec ga dal.. je imela one cipeliše kaj im rečeju.. balerinke.. I kaj.. ta se je krpasta cipela jenostavno razpuknula na pol.. Narafski.. domof je išla v jeni svoji cipeli i drugi mojoj makar joj je bila tri broja prevelka.. Se razme.. ja sam zezul i drugu svoju cipelu..strpal ju v žep i išel v štrumfama.. pa sva sreča da to ni bilo dalko..
Al je drugog dana došla mojoj baki na razgovor takaj baka od te male.. pa nis kazal da se zvala Maja.. I tak.. sim.. tam.. ispalo je da moja familja mora nadoknadit štetu.. Ništ strašnoga.. Moj je tatek drage volje Maji kupil iste takšne balerinke mam drugi dan i vse je bilo vredu.. Al je isti taj dan mene tatek pozval na razgovor i samo me je pital..No..plesač.. jesi ju barem pofukal..

…. Serbus ……………


07:12 | Komentari (10) | Print | ^ |

četvrtak, 21.08.2014.

Dobar sam ja .. mladić …ha …..

.........................svakaj ..............


Veli se .. sila Boga ne moli.. al stoga mene fort negdo nekaj fehta.. Znaš jena moja suseda.. tri hiže dalše.. ima tolko let da si lahko pomisliš da joj je Metuzalem brat.. a i tak nekak zgledi.. Znaš nemam ja preveč sreče z tim svojim susedama.. Vse su.. sim tam.. z letima tu negde kak i ja.. mlajših ni.. al još stareših kolko hočeš.. Glat bi mogel znjima napunit jenu ubožnicu na tri kata.. A za takšne sam ja ..hmmm.. mladić.. tak one meni tepaju gda me nekaj trebaju.. A ta stara kaj joj je Metuzalem brat.. ima deset let starešu sestru.. daj si onda zamisli v kakšnem ja živim.. se reče.. okruženju .. Sva je sreća da Mi mužki z moje vulice fest dobro zgledimo.. Al je to brus sreča gda se za tebe zalepi baš familja Metuzalem……..



I tak sam ti se ja našel spet na Trešnjefki.. v Novi cesti.. Pa sam ja o ti vulici več dost škrabal bogtepitaj gde i gda.. No.. pa bumo samo ponovili da Nova cesta začne od Magazinske ceste ..mam tam prek železničke štreke pozadi Zapadnog Kolodvora.. je to stara vulica.. još od vremena gda je to tu vse skup bilo gradcko predgrađe..al periferija.. Skorom vse kaj je tu zgrađeno je iz doba zmedi dva svecka rata.. i tu su naselili radničke familje i raznu sirotinju.. Nema tu nikakšne gospoštine nit aristokracije.. Jedini aristokrat sam ja kaj upraf tu hodim ……



Veli ti meni ona suseda Metuzalem da sam ja fest dobar mladi človek..ha… i da bum ja njoj velku uslugu naredil ak bi nejzinoj još starešoj sestri nekaj odnesel.. No.. pa bum.. velim ja.. kak nebi.. Pa si vse v sebi gruntam da zakaj ni bila tak nečeg potrebita pred barem četrdeset let.. Onda bi se ja znjom mogel svakak bolše sporazumeti.. ha .. I tak ti ona meni utrpa vruke vrečku i v njoj dve teglice.. pekmeza.. veli da je to ona sama skuhala i da zdaj to pošila svoji sestri.. Znaš.. moremo se mi šalit kak hočemo..al jadni su ti stari ljudi kaj nemaju nikoga svojeg okol sebe.. Živiju same ženske.. vlečeju se z štapima.. sline im se cediju z gebisa i imaju krmeljive oči.. I kak joj nebuš uslugu načinil .. Pa ti ja strpam taj pekmez v ruksak i put pod noge.. ravno na Novu cestu.. I tak.. zdaj sam tu.. Iščem hižu jer mi suseda Metuzalem ni znala kazat praveg broja neg mi je samo rekla da su na hiži velki i dugački balkoni.. A sam ja več vnapred odprilike znal gde bi to moglo bit.. Poznam ja dobro i Novu cestu jer je to najkrači put z Grada na Trešnjevački plac.. Narafski ..najkrači ak peš cipelcugom al morti z biciklinom .. A i malo Zagrepčancof opče zna za tu vulicu.. znaš.. nekak je to v šturcu tam prek štreke i tu ti građani nemaju po nikaj hoditi.. A na Trešnjevački plac peju al z avtima..al trajvanom.. I ta Nova cesta..smo rekli.. začne pozadi Zapadnog Kolodvora.. pa se vleče čez pol Trešnjefke do placa..pa čez plac nastavla do negdarnjeg avtoputa.. denes Zagrebačke avenije.. pa još dalše čez Staru Knežiju i van zide dvjesto metri prije starog Safskog mosta.. Zapraf je to fest dugačka vulica … Neg da velim do konca pripovetku..



Narafski.. mam sam ja našel hižu gde živi sestra Metuzalem.. Al kaj.. haustor je zaprt.. a stara nema telefona nit mobitela kaj bi joj gdo javil da ja prihajam.. Al tu je zvonce.. i lepo piše prezime Majerle.. To je to.. Stiskam ja to zvonce več po deseti put.. nigdo ništ.. Stanem se skoro posred vulice i gledim gor na drugi kat gde bi ta sestra Metuzalem trebala stanovat.. Aha.. ipak imam ja sreču.. Pojavi se na obloku nekakšna tikva.. bi ga vrag znal kak točno zgledi.. vse nekaj zgužvano ..kak stare cajtunge.. Haloooo.. vičem ja.. jeste vi gospa Majerle.. Jeeeee.. viče stara odzgor.. I tak.. vičemo i ona i ja ..deremo se da se čuje vse gor do Zapadnog Kolodvora .. i konačno smo se sporazumeli gdo je ona.. gdo sam ja .. i zakaj sam došel.. Al kriči stara.. električna brava na vratima ne dela.. pokvarena je več zajdnih dvadeset let..a ona ..gospica Majerle nemre dole da mi otpre.. I več znate kak to ide..onak po starinski.. Baci ona meni kluč dole z balkona.. ja otprem i odnesem pošiljku v stan.. Uhhh.. zdaj nebi bilo lepo ogovarati sestru Metuzalem..al v tom stanu nebi štel preveč dugo boravit.. oseti se ajnpren valjda dvajset let star .. Je.. nudi meni stara da bu kavicu priredila.. nudi me z nekakšnim keksima.. Al .. bežim ja.. Puno pozdrava mojoj sestri.. kriči gospa za menom po štengama.. ….. Eeeeee.. si videl.. meni ti nigdar v mojem živlenju ni dosadno.. Sa samim ženskama imam fort posla.. je da sam zdaj postal malo bolše zbirliv v zajdne vreme.. Hmmmm.. gdo zna kak bi se ja ponašal v takšni ..se reče.. situaciji.. gda sam imel dvajset let.. Ha….. Sinek.. sve pod nož… govoril je meni moj tatek …………Hmmmm ……

… Serbus ………….


17:51 | Komentari (9) | Print | ^ |

srijeda, 20.08.2014.

Pripovetke …………………….

Drek …..

Mi se javla moja familja dol z mora.. pa veliju da je more toplo kak pišača.. da je preveč slano.. da v vodi ima kamenja.. i da po noči nemreju baš bogznakaj spati kaj morski cucki lajeju celu noč….
Jee.. ipak je onda bolše v našem Zagrebu.. doduše i tu po Gradu cucki lajeju..al vse se završi tak da se posereju nasred trotoara …….



………………Znaš.. nema tomu dugo.. spazim ti ja na početku Ilice.. mam spredi Kastundelera velki pasji drek nasred trotoara.. Bi se reklo da se još pušil kak je bil friški..a i videl sam nekakšneg šajsera kak vleče cucka prek vulice.. I znam ja kaj bu zdaj bilo.. Lepo se ja stanem pri ulazu v Namu naslonim se na zid i čekam.. Kaj čekam.. Ha . pa to da negdo lepo zatacka taj drek.. Ni prešlo nit deset minut i ide človek.. feš gospon.. poslovni človek bi se reklo.. nosi aktntašku .. Žuri se i korača kak avstrougarski oficir na paradi.. I dok bi rekel kruhipekmez.. z celim potplatom je vgazil v tu hrpu dreka.. A cipeliši zglancani.. se vidi da nisu jeftini opanjki.. I taj mulec kaj po zraku muhe gledi.. nebi nit primetil kam je cipelu porinul da se ni.. poskliznul.. Ti vrapca.. začel je zrukami mlatit po zraku i skor je jenoj babi glavu ftrgel z onom taškom .. Vrabec ga dal.. stal je on.. se vidi da se je znenadil kaj mu se to desilo.. Gledi on naokol i ništ mu ni bistro.. A ona ženska je malo zabremzala i lepo mu je z prstom pokazala zakaj je on začel delati piruete po trotoaru.. Jezušmarija.. kak je taj .. bi se reklo.. fini gospon začel kleti…. Da ga jebal pas.. da si to govno porine mamici v zube.. dabogda mu se pas posral v krevet… Tu je vse mislil na gazdu od cucka .. I dok je klel vse svece katoličke ..pravoslavne i muslimanske.. celu Bibliju je spominjal.. pa je skončal z našim dlakavim Gradonačelnikom.. onim dotepencem z bregof.. strugal je taj drek kaj mu se zalepil na potplat po celomu trotoaru.. No.. bilo je to lepo videt.. vse razmazano z drekom.. ne moram ti kazat da smo se ja i ona ženska ..vsaki na svoji strani šteli podrapat od smjeha.. Pa su i neki prolazniki sfatili kaj se zbiva pa su i oni stali komentirat i smijat se.. A of gospon z posranom cipelom je kričal na saf glas.. Ja sam se tak smijal da me posle trbuh bolel vse do Malog Placa…..Narafski.. tu sam si zel medicinu za želudec.. Ožujsku z citronom ….


……… lipe v Safski vulici ……………..

Tu ja mislim nekaj pripovedati o drevima kaj su z obadve strane Safske vulice.. od početka tam pri Ruzveltovem trgu.. pa vse do Vodnikove..ali z druge strane do Jukičeve…. To su lipe…. ona dreva kaj tak lepo dišiju gda cvateju i od kirega se dela fini mirišljavi čaj.. baš sam se denes spodi te debele sence sprešetal..a lipe samo kaj nisu zadišale.. Još koji dan i bu pol Safske ceste na lipu mirišalo gda potegne veter gor z Tuškanca…… Denes lipe nisu samo na tem delu kaj ga ja spominam.. ima ih po celoj Safskoj cesti i z jene i z druge strane …



Ta su dreva..te lipe na Safski vulici od kad ja znam za tu vulicu.. A to je fest dugo.. I tak.. te lipe su takšne bile kak su i denes.. Lipa gda jemput naraste kolko to priroda hoče.. več ne raste neg samo lista i rodi .. Lipe imaš muške i ženske i moraju biti skup da bi one ženske mogle imeti ploda… A plod je ona mala kuglica z dva listeka z čega se priprema čaj… A lipa kak drevo je fest dugovečna i otporna..skoro kak i hrast………
I tak ti je negdo jemput po tom delu Safske vulice zasadil te lipe koje denes prekrasno zglediju i delaju debelu sencu pješakima i stanarima okolnih hiža…. Pa neki stanari i nisu zadovolni z tim drevima .. a to su oni kaj imaju astmu pa druge probleme z disanjem.. Se reče da su alergični.. A lipa gda cvate im dela smetnje pa su jemput par takšnih iskali da se lipe posječeju… je na sreču takšnih malo i lipe su još tu… Gdomu smeta nek ne otpira prozora i nek pe tam gde nema takšnih dreva ..
I gda dojde vreme da se lipe obiraju …….. zdaj bum ja ispripovedal ono kaj sam ja videl i doživel još kak klinac… ..
Dakle gda ih je trebalo brati..a to najbolše znaju babe..bar su negda znale.. onda je v Safsku cestu navalilo čudo baba z pol Zagreba.. A su onda te lipe imele još grana… nizko kaj ih se moglo dohvatiti i z poda… I začela bi berba tega.. su si babe prinesle vreče i torbe i košare.. Jeee… ali su skočile one domače babe tu z Safske vulice i začerle terati ove kaj su se… gdo zna odkud doteple.. I je bil pravi rat.. su ove domače z Safske.. zišle van z metlama i partvišima..pa vudri po ovim drugim.. pa je to branje znalo potrajati največ dva tri dni.. Neke od teh babah su to kaj bi nabrale v Safski..posle prodavale na Dolcu.. No.. i gda bi počupale vse nizke grane.. su došli i muški z lojtrami .. i bi se popeli gor i trgali grane pa bacali dol babama … E to je več bilo preveč za zdržati.. Su se ovi domaći i oni dotepenci tak počupali i začeli mlatit da je morala dojti ona Milicija.. Narafski.. prvi dan su ih vse samo poterali.. Pa su i drugi dan došli brati.. E.. zdaj ih je Milicija zapisala i vzela im..zaplenila to kaj su nabrali … treti dan je milicajac tam stajal celi dan i noč i tak još par dni.. Pa su berači prestali dolazit…



Na vse to su glavnu rječ dali Gradski Glavonje i gradonačelnik.. mislim ja da je to onda bil oni Pirker.. dakle .. su zabranili vsako branje lipoveg cveta i ploda.. i su napisali uredbu po koji se berači kažnjavaju… I tak je to branje prestalo…
A z moje hiže..tam na Zrinjefcu su dve babe takaj išle v tu berbu.. A im je moja baka..plemenitašica.. povedala da to ni dobro kaj su ti cveti fest prašnjavi jer rasteju lipe pokraj ceste… Pa ju nisu poslušale… su joj rekle da im je jalna… A jena od te dve je bila baš pazikuča i je imela fort pijanog muža.. Pa je i on išel i nosil lojtru vse od Zrinjefca do Safske.. a baba je nesla košaru… I tak je tu zajdnu godinu.. kaj su tam to brali.. pijani pazikuča ostal brez lojtre kaj su mu ju oteli stanari z Safske.. A negda su lojtre bile fest skupe..a ova je još ktomu bila vlasništvo hiže ….
Zapraf… da su se ljudi znali pošteno i pristojno ponašati.. nigdo im nebi branil da to bereju.. Stvar je bila u tem..kaj su vse smetje kaj bi posle branja nastalo..ostavili nasred ceste i trajvanske štreke … Denes nigdo po gradu ne bere nit lipe nit druge biljke.. A negda se bralo i po Cmroku i po Tuškancu. i po Kraljevcu i Zelengaju.. a je bilo i onih kaj su na Zrinjefcu i Tomislafcu po travnjaku na proleće brali radiča… To kaj je bil zapišan od cuckof im ni smetalo …………….


morti se još nekaj setim... Bok ............


19:16 | Komentari (7) | Print | ^ |

Toplo je …. fajhtno….

Tak.. malo pripovedam sam z sebom … jee.. navek sam biral zkim bum …..

Tak ti vreme prolazi..sunce žge kak v Kalahariju.. ja se držim debele sence i hladovine..I nekak ispadne da je najbolše ostati domof.. Celu noč luftam hižu.. vjutro zpustim roletline..zaprem obloke.. i onda prejdem malo po našem lepom Zagrebu..tek tolko da moj Grad ne pozabi na mene.. Ni za nekakšne velke štrapacirunge.. a nis ja nit za preveč dugačko sedenje po brtijama.. Morti me potrefi da se znekim najdem na kratko..se reče..na kavici.. makar ti ja tu črnu vodurinu ne pijem.. A rekel bum ti zapraf.. ni dobro nit te moje Ožujske z citronom preveč zlevati v sebe.. pa se od tega samo još bolše švicaš.. jena.. dve dobro pašeju.. bi pasale i one posle te dve..al onda mi je želudec kak krafski..se napuhne..i ta piva samo bučka i žlabra po trbuhu..



A dok sedim pri svojemu domu ni takšna velka potreba za tekučinom.. mirno sediš.. ništ ne delaš..gdo bi delal kaj po takšnem paklenskom vremenu.. no.. morti si nekaj malo pospremim.. prekopam celi oni..Internet.. I na kraju si zemem libru i čitam.. Me zajdne vreme nekaj spopalo..pa čitam stare i prastare libre z moje stalaže.. Of čas imam pri ruki i pod okom debelu libru oneg Čarlsa Dickensa.. Život i doživljaji Nikolasa Nicklberyja.. Mi se čini da sam ja tu libru čital gda sam išel v srednju školu.. Od onda stoji .. A je to ..se reče..izdanje od 1959. leta..kaj bi značilo da je ta libra meni ostala još od one moje pokojne bake ..plemenitašice.. Jeee.. imam ja dost teh starih libri ..još od vremena Kralevine..Endehazije.. i vse na ovam.. Se prikupilo okol dve hilade tega.. pa nekaj držim na stalažama po hiži.. nekaj po škatulama na tavanu i podrumu.. nekaj sam prenesel v onu moju brvnaru..nekaj su si pobrala moja deca.. Pa si ja z vremena na vreme zvadim kakšnu staru zaprašenu libru i čitam ju znova .. Znaš.. to su stari romani gde se vse događa nekak laganejše neg v ovim novim librima.. A meni je fest interesantno čitati kak se negda pred sto i več let živelo v Londonu.. Pa isto tak rad imam oneg Balzaca..taj je opisival živlenje po Frančiji..al zemeš kakšneg ruskog..veliju..klasika pa znaš kak je negda davno bilo v Rusiji.. Vse su to pripovetke z naravneg..stvarneg živlenja.. nisu to glupave zmišljotine.. Sam nema tomu dugačko čital i pjesme.. onak mi je došlo pod ruku.. oni Federico Garcia Lorca.. morem ti reč da je težko čitati..zapraf razmeti te nejgove stihove.. Moram poiskati negde na stalažama .imam i oneg .. Edgara Alana Poa.. taj taki piše fest mračne stihove.. A tu mam pri ruki su mi se našle i pjesme kaj ih je naškrabal oni naš Arsen Dedič.. Brod u boci.. Pa te pjesme ne čitaš od početka do kraja kak kakšni roman..pjesme se čitaju onak.. gda ti dojde..pa pročitaš jenu ..dve..pa ostaviš za.. drugi put.. A za vsakom pjesmom si nekaj o tem razmišlam.. jeeee.. i onda zadremlem v svoji fotelji… Evo.. viš.. tak treba.. vse polahko dok su te vručine.. Pa je tak i po zimi.. zimi ti je zima pa takaj sediš v topli hiži i nekaj čitaš.. ..no pa bumo o tem po zimi škrabali..
Narafski.. z jutra odmah poiščeš po Večernjaku vijesti i najnovije događaje.. Morem ti kazat da su to vsaki dan vse veče cirkusarije i bedarije.. kaj vse delaju ti politikanti.. gda to čitaš neznaš zapraf dal bi se smijal al bi plakal.. vse to zgledi i kak komedija al kak tragedija.. Pa gdomu to oni lažeju..a lažeju tak da to prokužiš za jen čas.. I ništ ih ni sram zato kaj ih narod mam otkrije kak lažljifce.. A kaj bi se sramili lagati gda se ne sramiju fraksti i gepati od naroda. A ljudi samo po cajtungama iščeju najnovije vijesti gde je kaj i kolko poskupilo.. gdo je koga prevaril.. gdo je maznul državne peneze.. kak si je kakšni politikant prisvojil stane..hiže i kilometre zemlišta.. I tak… Onda prejdeš na onu Črnu Kroniku.. to ti je vse skroz črno.. pa je jen vbil drugeg.. dva su oplačkala tretog.. tri su stradala v oni saobračajni nesreči.. baba prevarila muža..a of ju je stukel kak vola v kupusu.. pa je tat provalil v kioska i fkral cigaretline..onda je nekakšni z pištolom počistil zlatarovo zlato.. I tak malo po malo dojdeš do kraja Večernjaka.. i onda čitaš gdo je vmrl … Pa vse dobro pazim da ne preskočim obavijest da sam i ja vmrl.. ha …….Ma.. fučkaš taj Večernjak..vse je to isto.. i po onem Internetu nema več kaj spametnog najti..tam je još gorše kak vsega tega ima i preveč..
I onda malo spregledam one naše Forume.. Fejse.. Bloge.. To ti je negda gda je začelo bila dobra zabava i kakti nekakšna zamena za žive ljude.. Pa je i vse to prešlo vrit.. zapraf mislim da su se ljudi zasitili tega.. Lepo ja velim da se buju ljudi jenog dana spominali i družili kak negda.. v brtiji.. na vulici.. Ovak si gledel v ti komad stekla spredi sebe i spominal se z nekakšnim..a nisi nit znal gdo je taj i kakšni je.. Tu si mogel bit i car i prosjak ak si štel.. nigdo ti ni mogel ništ.. Zapraf ja sam na taj način i stekel nekakšne poznanike pa i sličnomišlenike..ak se to more tak na brzinu najti..barem tak zgledi.. No.. nema veze..glavno da se najdemo kak živi ljudi i pospominamo se jen drugom v brk.. Pa to ne važi za ženske..one nemaju brke.. A morem ti reč da su ljudi sasvim drugačiji v pravem živlenju od oneh na komadu stekla.. Ove kaj sam ja fpoznal su sasvim dobri i jenostavni ljudi.. i dobro se razmemo gda se ponekad najdemo zkup.. Pa i ja skoro ništ ne škrabam po teh Forumah.. nit Fejsu.. tu i tam nekaj na ovem Blogu..tek tolko da je tradicija nastavlena.. A to kaj ja škrabam o mojem dragom Gradu Zagrebu..to je moja namera da zbudim prave Zagrepčance.. pa zgledi da ih je fest malo..al pa pretvrdo spiju i nemreš ih zbuditi … A tak ti je to.. vse se menja.. ide vreme ….

Viš.. ščera mi je odgovora poslal oni moj virtualni pajdaš..Zagrepčanec.. z oneg Zagrebačkog firtla tam prek velke bare.. Na… človek voli svog Zagreba kaj je stareši to večma.. A bi se reklo..gda nekam dalko prejdeš i dost vremena iztekne..onda buš i pozabil kaj je negda davno bilo.. pa drek.. kaj si stareši to te više vleče na ono negdarnje.. Taj moj pajdaš je skupil lepa leta na grbači.. i ja verujem da bi zutra došel kmeni v goste gda bi mogel.. al kaj. Leta delaju svoje pa se nit gibat več ne moreš kak negda.. I kak zgledi taj moj pajdaš i ja nebumo se nigdar vidli.. šteta.. mislim ja da bi imeli kaj pripovedati o našem Zagrebu.. A ja sam pred dost leta bil v ti nejgovi Avstraliji..v Sidneju.. imam tam i ja nekakšnu familju.. pa v to vreme nis čul za teg Zagrepčanca . V to vreme ni bilo još teh.. veliju.. društvenih mreža.. A je ti moj Zagrepčanec bil na začetku nove Horvacke tu pri nami v viziti.. pa nit on onda ni znal za mene.. Viš..kak se ljudi kaj imaju nekaj zajedničkog obilaziju…. I tak.. si gruntam ..pa nemreš v Zagrebu videti človeka i po dvajset let..kak da bi v zemlu prešel.. A gdo zna.. morti se baš taj pela v trajvanu v prvem vagonu a ja v zajdnem..
Ti vrapca..kak ta vručina loše dela za pamet.. svakaj si zmišlavam.. a dobro kaj imam velku tikvu pa se pamet lahko rasteže po njoj.. Je..je.. vse se po vručini rasteže.. i železo i smola..i nokti hitrejše rasteju.. koža se obesi.. je.. da.. koža… hmmmm …. Ništ..pemo dalše.. Pa sam več rekel da ja domof nemam oni klima uređaj.. ne zato kaj nemam penez..neg ga jenostavno nis trebal.. Bogmeš sam si ovo leto začel premišlati da si ga kupim.. Evo.. sedim domof v zamračeni biblioteki.. tak ti ja nazivlem ti moj del hiže gde su libri..kompjutor .. muzika.. šrajptiš.. i kak god okreneš ni preveč friško.. od jutra je hiža lepo razhlađena..pa kasno popoldan se i tu začne toplina skuplati.. I čim padne kmica onda ja bežim van na terasu iza hiže.. pa onda tu sedim v kmici i uživam na friškom zraku kaj dojde gor od mojeg pajdaša Suseda z Medvedgrada.. Je..pa i taj moj Sused.. to ti je jen moj pajdaš.. Habsburgovec.. se zaprl v tem Medvedgradu i nejde dole ni da mu celu gajbu pive ohladiš.. morti za dve bi.. Pa se čujemo prek teh mobitelof … al nema taj preveč vremena.. mora puže pobirat za paprikaš delati.. a kak zgledi i one coprnice gor mora bedinat..ha .. No..baš sam se razkokodakal.. kak nekakšna baba na plotu.. Pem zdaj ipak malo škrabati o mojem dragom Zagrebu.. nekak sam se denes vlenil.. pa kakšnu slikicu zvleči z aparatlina.. od ščera ga nis spraznil .... A vjutro pemo spet na španciranciju …

............. Serbus ..............................



17:40 | Komentari (3) | Print | ^ |

utorak, 19.08.2014.

Još jena trajvanska pripovetka …………

… da ni smešno bilo bi žalostno …………




I tak ti se ja pelam v trajvanu.. narafski od Kustošije prema gor..ha..razmeš.. No.. kak i navek.. ja ti se stanem v vuglec pri vratima.. tak imaš dobar pogled na celi trajvan.. pa vidiš gda zajde nutar kakšna zgodna ženska.. a i vsaki put gda se vrata otpreju dobiš malo friškog lufta .. zapraf v vuglu je najbolše jer te nigdo nebu trknul.. zgazil ti papke.. zahakljal z cekerom.. i još ima dost prednosti spredi drugih mesta…. Več sam ti kolko put izpričal kak se v trajvanu svakaj more videt i doživet.. kolko put zna bit fest zanimlivo pa se otpelaš i dalše neg si štel .. Znaš.. v poslednje vreme su fest začeli kontrolirat karte.. a kaj.. loviju švercere..To nije ni najmanjše lepo gledeti.. to gda kontrolor pričepi kakšnu žensku kaj ni kartu štancala.. A navek ti je to nekakšna sirotinja.. se mam vidi da nema penez za takšni luksuz v Metropoli.. I kaj zdaj.. koji put se ženska plače i cendra kak nema peneze.. druga bi se žalila kak je kartu pozabila domof na gredencu.. treta kopa po taški i cekeru pa tvrdi da je karta tu negde.. jena pak pokuša pobegnut spram vrata.. i tak.. vse ti je to žalostno.. Kolko put bi ja takšnem nekom rad tu kartu platil.. to ni ništ..al je ona kazna takšna da se mam zašvicaš.. Čuj.. ti kontrolori navek vloviju samo ženske brez karti.. mužki im zmakneju čim trajvan stane..a i ti trajvanjski žohari zaobiđu kakšneg muškog kaj nema kartu.. Jenostavno kakti pozabiju na nejga.. Jeee.. se nejemput desi da ti kontrolori dobiju po frnjoklu ak je švercer kakšni rabijatni tip……….. Al ima i kavalirof.. Ovak ….
Jemput sam gledel onak zdalka kak su dva kontrolora vlovili žensku brez karte.. Aaaa.. ta se ni dala preveslat.. Gda ju je kontrolor zgrabil za ruku.. kakti bu ju zvlekel van z trajvana.. ženska je začela kričat …. Upomoć.. napada me.. manijak.. pusti me.. ne diraj me… ljudi pomagajte….. I kaj se je desilo.. Jen onak malo bolše razvijeni mlajši mužki se progural do njih.. teh kontrolorof..pa je jenog tak maznul prek vuha da se of mam zrondal na pod.. I dok mu je kolega štel pomagat.. trajvan je spet stal a of mladi je z ženskom prešel nekam čez vulicu.. I znaš kaj.. vsi su putniki v trajvanu dali za praf toj ženskoj brez karte i tom mladom človeku kaj je oveg vdrapil prek vuha.. I tak su se kontrolori pokupili kak pesi i prešli …. Pa su i cajtunge o tom donesle vjest…




A ovo kaj bum ti zdaj zpripovedal je bil posebni doživlaj v trajvanu…
Znaš tam na Ilici pri Selski cesti je trajvanska stanica.. I navek tu ima fest ljudi kaj čekaju trajvan.. pa dost njih prihaja gor z brega.. z Svetog duha z bolnice .. pa največ stari ljudi kaj se jedva krečeju i trebaju mam slobodneg stolca kireg im.. narafski nigdo ne ponudi pa moraju prosit.. Sramota..al tak je to.. Ljudi sediju na stolcu i tak uporno glediju čez oblok kak da nigdar nisu vidli Ilicu.. A vse samo zato da ne vidiju gdo morti stareši stoji pokraj njih.. Stoga baš ja fest retko sednem v trajvanu.. Mam se pokraj mene najde kakšna stara pa puše.. stenje.. jamra.. tak da ti je bistro da bi ona rad si sela.. A najgorše mi zgledi gda me odostrag onak potapša po ramenu pa me lepo zamoli…. Mladi gospon.. bi me pustili da sednem… Kak ne.. izvolte.. ja sam navek uslužan.. A znaš.. ta kaj me snubila za stolec je mlajša od mene.. vrabec ga dal.. Več sam jemput rekel da si bum pustil dugačke sjede vlasi do ramena tak da se vidi da i ja imam nekaj let na grbači.. A ovak sam fort obrijane tikve z vojničkom šiltericom.. črne naočale.. Levis rubača.. pa ti to vse nekomu zgledi kakti da sam ja nekakšni šmrklivec.. Ti vrapca …baš svakaj.. ja stari kojn …pa šmrklivec… bah…
No.. pa sam začel pripovedat kak je taj put to bilo v trajvanu .. Kak sam rekel ..tam na Selskoj ti svakakšni zajdeju v trajvan.. a posle deset vur je najgorše.. Znaš tam na početku vulice je ona velka cirkva Svetog Duha.. pa tam imaju oni.. Karitas.. se još reče.. Pučka kuhinja.. Eee.. tu ti dolaziju razna sirotinja.. bezkučniki.. klošari.. skitnice.. cigani i vrag bi ga znal kakšne još vuši.. Dolaziju na ručak..zapraf.. dobiju tu skuhanu hranu v svoje rajnglice kaj ih prineseju..A gdo ni donesel rajnglicu.. taj dobi teg čušpajza v najlonsku vrečku.. pa gor zafrkneju na čvor i deneju v svoje torbe.. Pa im tam te častne sestre još koječega natrpaju v nijhove torbe.. vrečke.. cekere.. A tu ti dolaziju z celoga Grada.. pa kak drugač neg z trajvanom.. narafski.. takšni se švercaju.. a kaj gda nit za kruheka nema… I tak ti denes na Selskoj v trajvan zajde jen sitni čovečuljak..saf pohabani.. ofucani kak da je zdaj z kanalizacije zišel.. Znjim je v pratnji jena ženska.. onak.. prek pedeset let.. Bog dragi.. ta je pak zgledela kak da su je spodi trajvana zvlekli.. Sva je bila v nekakšnim dronjkima.. imela rubec na tikvi.. bogmeš ni bilo farbu teg rupca za prepoznat..razčupane vlasi joj strčiju na vse strane.. Ono kaj je interesantno i kaj te mam v oko štrecne je to kaj je ta ženska visoka.. široka.. i okrugla kak da bi dve velke bačve jenu na drugu del .. Čim su zašli v trajvan mam su se ljudi začeli micat proč od teh.. čuj.. tak su smredli da to ni bilo za zdržat .. I lepo su se stali v sredinu trajvana i v jeni ruki držiju svoje cekere a z drugom se držiju za štangu.. Of mužki samo šuti pognute tikve.. ni moči videti kolko ima let.. a ženska gledi čez oblok i celo vreme nekaj potiho mrglja sebi v bradu ..
I kak je trajvan malo bolše zabremzal tam pri Slovenski.. of mali tutlek se je skorom prekobicnul kak je odletel od štange.. Ni mu ništ bilo al se je nekakšna juhica..al retki čušpajz razlijal po podu trajvana.. Ljudi su se začeli još bolše odmicat pa i naglas prigovarat.. Nooo.. gda je ova korpulentna pohabana ženska prek tikve šupila teg maleg čovečuljka skorom je pak odletel na drugi kraj trajvana … Zdaj je on začel tu babetinu prosit za oproštenje i da se bu on vrnul nazaj po drugu juhicu.. Bi da vrag razmel kaj su vse mrgljali.. sam se čulo vsakih par sekundi kak baba veli tom pingvinu.. Idijot.. i to na saf glas.. Kak je nastal celi cirkus ljudi su se v trajvanu pomalo podsmehivali.. A kaj.. je to i žalostno i smešno ..



Tak ti trajvan več juri na Mali Plac pa se ljudi kaj izlaziju dižu sa stolca.. I of mali človek kaj je ostal brez juhice.. a juhicu su putniki raznesli po celomu trajvanu.. zaleti se prema jenom praznom stolcu i sedne si.. No.. evo ti mam za njim i te ogromne alapače.. ljudi dragi.. gda ga je spet puknula odostrag po tintari mam se je zdigel i njoj prepustil stolec.. No.. kak se baba naprčila da se bu smestila v stolec.. tak joj je gromoglasni prdec z guzice izletel kak da se oni Đambođet uzdiže z aerodroma… Eeee to je bilo za poscati se kak su se ljudi začeli smijat..al neki i glasno zgražat .. Nastala je prilična galama pa je čak i vozač trajvana dok je stajal na Malom Placu došel videt kaj se događa.. valjda mu je negdo od putnikof rekel.. Čudil se je taj kaj se to razlijano ljepi po podu.. komadi kelja.. krumpireki i vse drugo kaj je onem jadniku ispalo z cekera.. Samo je zdigel obrve gda je videl ovo dvoje kak lepo mirno .. baba sedi a tutlek stoji pokraj nje.. a zdaj dok je ona sedela on je stoječki bil ravni znjom.. I tak.. vozač trajvana samo zdahne.. slegne z ramenima.. i prejde dalše pelati trajvan.. A ja sam zišel dol na Trgaču.. pa neznam kak je bilo dalše

………… Serbus ……


17:42 | Komentari (7) | Print | ^ |

ponedjeljak, 18.08.2014.

Žuta ..................

Bilo pa se spominalo…. Zapraf je tu navek …………….





To je Žuta..gdo nju nezna v Zagrebu taj baš i ni nekakšni velki fakin z našeg lepog Grada..Žuta je .. jednostavno rečeno.. žicarica.. je..baš tak.. Ide po vulicah i zaustavla ljude.. Lepo vas molim ak imate dve kunice..gladna sam.. nisam jela tri dana.. moram iti doktoru a nemam penez.. I tak od človeka do človeka.. Pa največ po Ilici..Jurišičevi..Vlaški.. Maksimirski i gde ima največ ljudi.. I pazi se.. ak se staneš preveč blizu Žutoj.. maaa.. nebuš dobil buhe..al buš lahko ostal brez geltašna …ha ….

Žuta je došla v moju osmoljetku v Varšafsku iz škole v Draškovičevi.. je to bilo v petom razredu.. Su je od tam hitili van.. Poznati problem.. Velki problem.. Nigdo joj ni mogel stati na kraj.. Je ta delela kaj je štela.. Narafski.. vse same jedinice..smo rekli.. kolci.. ponašanje nula.. a v školu dojde gda joj se hoče ..otide takaj tak..
I se znalo.. Žuta je takšna kaj je nema gdo naredit drukčijom.. Sjebana familja.. tateka ni.. mamica je i sama problem..a Žuta raste na vulici..
I vreme je išlo Žuta je rasla i smo mi dečki najedamput postali fest zadovoljni kaj je ona bila baš v našoj školi.. Pa ni bila v mojem razredu.. neg v susjednom .. Žuta je začela živeti kak prava ženska več sa trinajst let.. je bila onak malo nabita.. ciceki su rano zrasli.. i to je vse kaj joj treba.. I se ni moglo reč da je Žuta bila škrta.. Je dobil vsaki oni kaj ju je tražil..ali keri bi si sam zel.. Ju je bilo dost prijeti za ruku i otpelati nekam v šturc… I smo mi dečki to znali skoristiti.. Znaš.. v to vreme su curičke fglavnom još bile mamine maze.. tu i tam je bila koja malo ..se reče.. naprednija.. razmeš…



Da nebi negdo pomislil da su vsi dečki z škole bili takšni.. Smo to bili mi ..nas nekolko kaj smo bili..bi se reklo.. takaj malo napredniji v odrastanju..pa isto tak pomalo razpušteni.. Večina drugih su v tim letima još bili mamini dobri mali sineki..se reklo.. Tak i cure.. Tu i tam bi se kakšna začela interesirati okol mužkih.. pa se to znalo i moralo mam skoristiti…
I tak su te avanture z Žutom bile svakodnevne.. Prvo vreme gda se je Žuta razpojasala opče nismo išli v školu.. neg navek nekam na zabavu.. Narafski.. smo onda več dimili cigaretline..a bogmeš smo znali i potegnuti oneg Badela.. No kaj.. smo se vlekli po parkima... podrumima ..tavanima.. kaj je negdar tega bilo v svaki hiži na raspolaganju.. Pa ak je gdo od nas bil domof sam..se znalo.. bumo mam naredili tulum.. Zapraf.. onda ta rječ tulum ni bila poznata.. za to se reklo ..žur.. I tak bi se našli v kakšnem stanu.. dopelali Žutu i još kakšnu sličnu frajlicu.. i zabava je začela.. Je znalo bit nas deset mužkih..a samo dve puce.. I je to bilo sasvim dost.. Bi ga vrag znal.. su valjda v ono vreme pucice bile bolše zdržljive i manjše zbirljive neg ove denes.. Bi nas deset celi dan i noć glajzali po tim curama.. pa nit jena ni prigovorila da joj to morti škodi.. A mi mužki v to vreme baš i nismo bili nekakšni velki ljubavniki.. Ono kaj smo navčili o tim stvarima su bile pripovetke stareših dečki.. pa i nekaj smo kopirali z filmova kaj smo gledeli.. I tak je to..zapraf.. vse bilo onak na ..brzaka.. V to vreme nigdo ni mislil na nekakšnu.. se reče...zaštitu.. se znalo samo jeno pravilo.. Da treba ziti dol na predzadnjoj stanici.. To pogotovo ak smo se pri jeni pucici pošlihtali vred.. A je Žuta mogla fest zdržati.. nigdar ni prigovorila.. i gda bi vsi obavili zadovolstvo.. ona je gledela dal ima još gdo..
I je to trajalo jeno leto dni.. pa smo i vsi skup malo postali stareši i su se stvari menjale.. Zdaj su i druge pucice i dečki došli v oni .. se reče.. aktivni pubertet.. gda ih je vse nekaj začelo svrbeti.. to je bilo vreme gda su se vsi poprek začeli zalublivati.. drpati..šlatati.. i sprobavati te nove lubavne stvari…
Je tak i to vreme z Žutom prešlo… nismo je več preveč snubili.. smo je pomalo zgustirali..Zapraf su Žutu pod svoje zeli fakini z Srednjoškolskog.. i je prije kraja osmoljetke otišla z škole.. Moram onak iskreno kazat da z tom Žutom i nismo bili preveč oduševleni.. je..je.. dobro je ona nam došla..al nam ni pasalo kak zgledi.. Nigdo od nas ni z njom nigdar išel po vulici.. Ni bila nekakšna lepotica..onak obična puca.. malo jača.. Al kaj.. je bila žuta.. kak kuruza.. Kuruzne vlasi.. kuruzne obrve.. trepavice.. i vse drugo kuruzno.. pa je čak imela i žute oči.. tak da smo jedva dočekali i one naše druge puce kaj su bile bolše črne….

I to je vreme prešlo.. Žuta je postala skitnica.. problem vsake fele.. rad je i đeparila.. je bila pravi ženski razbojnik.. se tukla kak kakšni muškarac.. Narafski da je to imelo težke posledice za nju.. Vglavnom.. je loše prošla v živlenju…. Nigdar ni nigde delala.. kak ni završila nikakšne škole.. Su je i dalše razni mužki skorištavali.. tukli ju pijanci.. vlekla se z klošarima .. bilo je svakaj.. Čulo se da ima več tri svoja fačuka.. pa su bili negde v domu..
I tak sam ja dugo let pozabil na tu Žutu.. More bit da sam pokraj nje prolazil..pa ju nis ni primečival…. Smo se vsi razišli na vse strane.. Živiš v Zagrebu kak i drugi.. a ne stretneš ni jenog od njih i više od dvajset let.. Čudno je to… Se ljudi zmeniju.. pogotovo ženske.. pa se valjda nit nemremo prepoznati..
A tu Žutu sam ja spazil več prije deset let kak po vulicah prosi i žica peneze.. Pa joj se nis stigel javiti.. morti nis ni štel.. gdo bi znal.. sam pokraj nje prolazil..tek tak.. Znam samo da sam joj par put na brzinu dal nekaj penez..pa je za menom vikala.. nek me Bog čuva.. Ja bi joj dal nekaj više neg drugi..
Pa mi je prije nekog vremena došlo nekak krivo kaj ja tu Žutu ne zaustavim.. pa da znjom malom popričam.. I tak ju spazim jenog dana v Ilici i joj ja velim.. Bok Žuta.. A ona me gledi i pita.. Kaj ti mene poznaš.. Je..je.. velim ja.. dobro te poznam..



I kaj da vam dalše pripovedam.. Smo prešli v Kavalir na Trgaču i pričali dobre dve vure… Svakaj sam se naslušal..pa ništ dobroga.. Narafski da se setila i ona oneh starih dana iz mladosti.. mogli bi tak pričati i tri dni da ne prestanemo .. No..ja sam vglavnom nju slušal.. Pa sirota nema več z kim pripovedat.. I dalše stanuje v centru Grada v istem pohabanom podrumu gde se i rodila… A ta Žuta nema nikakšne zarade.. nit gde dobiva kakšne peneze.. zapraf .. .. mi je rekla da ima par stotin kuna socijalne pomoći… I tak denes mora žicati.. tu i tam nekaj fkrasti kaj bi imela malo više.. Pa nju ..veli.. nigdar nigdo ni štel zaposliti ..No jeno je čvrso rekla..Nigdar se ni kurvala nit drogirala.
Nejzina djeca su več odrasli ljudi.. pa ona sama nezna gde su ni kak denes zglediju ..
I tak je ta Zagrebačka puca još i den denes ista.. frajerica..žicarica.. Pital sam ju zakaj žica baš za dve kune.. Veli da ak prosi jenu kunu onda dobi one pohabane Lipe.. ak žica dve.. onda ziher dobi jenu …Vidim i da je friško ofarbala vlasi.. Pitam ju od kud joj penezi za frizera.. Nema..veli za takšni luksuz peneze.. Jenostavno prejde v neki drugi del Grada i sedne si pri kakšnoj frizerki i naruči šišanje i farbanje.. Gda je gotovo.. veli da nema penez i … prejde kolko hitrejše more.. A veli da još more i bežat ….ha …
Moreš ju vsaki dan sresti v Gradu..osim gda je v reštu.. neki dan me zažicala sladoled pri Vinceku.. I dobro špreha po zagrebački… ljuti se na dotepence.. Cigane i Rumunje … kaj joj deleju konkurenciju…

… ……. A kaj… bilo pa prošlo …… zapraf.. još je tu …….. Bok ……….


18:20 | Komentari (7) | Print | ^ |

nedjelja, 17.08.2014.

Vsi ti cajti kaj su prešli .......................

Guraaaaj.. jebo sliku svoju ....................




Baš gledim malo tu naokol Glavneg Kolodvora.. Negda je tu navek bilo ljudi kak da je parada.. jee.. bio je to v vreme gda su vlaki pelali vsakih par minut ljude z provincije v naš Zagreb.. Jezušek.. z teg Kolodvora su cele procesije dotepencof grabile spram Trgača.. i školarci kaj su pameti došli iskati v naš Grad.. i radniki kaj su z drugih mesta dolazili dinare služit v fabrikama kojih više ni.. A vsako jutro je tu bilo kumica i kumekof z košarama kaj su z cugom pripelali v Zagreb svakaj za prodavat na placu.. I onda su se ti kumeki razporedili.. jeni su košare vlekli spram Branimirca.. drugi spram Trgača i Dolca.. A spredi Kolodvora mam pri glavnom ulazu.. gde denes stojiju taksiji.. tu su stajali oni kaj su im rekli da su ..dinstmani.. Ti su imeli ona kolica na dva kotača.. pa su za sitne peneze pelali kumekima košare do Trgača al Branimirca .. A bili su ti dinstmani jaki mužkarci.. pa takaj nekakšni dotepenci z dalke provincije.. su imeli nekakšne smešne šilterice na tikvi.. fort su se cjenkali z kumekima i kleli kak negdašnji kočijaši.. A se znalo desit da su i fini ljudi v naš Grad pristigli z cugom.. V ono vreme je cug bil glavno prevozno.. se reče.. sredctvo.. No.. i ti bi putniki taki imeli dost prtljage.. kofere.. torbe.. I trebalo je to njima pelati do hotela Central v Petrinjsku..pa hotela Palas na Štrosu.. pa do hotela Bristol v Gajevi.. pa i do Dubrovnik hotela.. Eee.. i v ono vreme je tu na Kolodvoru bilo taksija.. vsi odreda črni..a taksisti su vsi onda nosili lajbeke i nekakšne kape.. I njima su ti dinstmani z kolicima bili velka konkurencija .. Lovili su putnike za rukaf.. snubili ih za posel.. a vrabec ih dal.. vsi su znali pomalo stranjske jezike.. tekar tolko da se moreju dogovorit za štraftu i cjenu.. Pa bi se tak pri kakšnem putniku z cuga najemput našli i dinstmani i taksisti i hvatali se za kofere i uveravali .. se reče.. potencijalnu mušteriju.. da su baš oni najisplativiji prevoz.. A znali su se pošteno pokefati konkurenti.. pa bi razljučeni taksist prešel dinstmanu do kolica i prevrnul ih nasred ceste..al je i dinstman uzvratil pa je prešel do taksija i opalil z nogom po žmigafcu.. Jee.. bilo je svakaj za videti..



A mi smo djeca.. fakinčeki .. navek žicali da nas dinstmani pelaju na kolicima.. Pa bi to skončalo tak da smo mi klinci pomagali gurat puna kolica kam je trebalo.. a nazaj bi nas dinstman natovaril gor i pelal .. Pa je mene moja baka plemenitašica znala čez prozora z hiže videt kak ja guram kolica… jeee.. čul sam ja svojeg Boga od nje.. Je kričala da smo mi fina familja i da nama ni potrebno gurati kolica.. da mi nismo kruha gladni… da ja samo sramotim plemenitaški grb.. i tak još vsega.. No ona ni mogla shfatit da je nama dječurliji to samo zabava..
Ha.. jemput je taj dinstman.. se sečam da su ga zvali.. Jure..bil je negde z Dalmacije.. dogovoril z nekakšnim strajnskim človekom da bu mu prtljagu pelal v Jurjefsku vulicu.. Pa taj stranjski človek ni pojma imel gde to je.. da je znal.. bi si bolše taksi pozval.. Ha.. Imel je dva velka kofera i to je Jure natovaril na kolica.. i on i još nas nekolko klincof smo lepo začeli gurati kolica spram Trgača.. A onda je došel breg gor čez Dugu vulicu.. Znaš.. ta kolica su bila dost masivna i težka.. su imela avtomobilske kotače zmontirane.. I gurali smo .. gurali uz breg.. i Jure i mi klinci smo dihali kak kojni.. A pri vsakem koraku je taj Jure kričal.. Guraaaaj jebo sliku svoju…



Pet put smo stali i zdihavali.. Na koncu je kolica gural i Jure i mi fakinčeki i taj strajnski človek.. No.. posel je naređen.. Jure je pobral peneze.. mu je taj človek pošteno platil i pri tomu se smijal.. Nekaj je z Jurom pripovedal na švabskom jeziku.. a kaj.. valjda se je samom sebi smijal kak je bil bedast kaj si ni taksi zel..Se sečam da je ništ manjša bila muka kolica dol čez breg spustiti.. Pa je Jura odlučil prejti dol na Mesničku..kakti je manjše strmi breg.. Narafski.. zdaj smo pa vsi skup bremzali kolica i vlekli ih nazaj da se nebi odkoturala dol vse do Ilice.. A gda smo stigli dol.. stari je Jura sparkiral kolica pri Kačičevom spomeniku i nas klince odpelal v brtiju Sušak na vuglu Ilice i Frankopanske.. A kaj drugo.. za vse nas je naručil .. himpersaft z sodavodom.. I tak.. setil sam se malo davnih cajti.. Je.. bilo je lepo.. I nigdar tak više nebu ………………….. Bok…


18:48 | Komentari (6) | Print | ^ |

subota, 16.08.2014.

... Denes .................

.. tak ti je to …….

Denes su mi se pak ..se reče.. planovi.. spromenili.. tak ti je to.. nafčer zaspiš z jenim vjutro te dočeka nekaj drugeg.. I nekak je tak dopalo da se od jutra sprešetavlem naokol..a zmedi špancirunga moram nekaj zbavlati .. No kaj se mora.. narafski da mi je težko.. lepo ti velim.. denes plahutam naokol kak oni bedasti leptir kaj prha sim pa tam.. kak ga veter odnese…..



Ha.. malo bum se pospominal tu z našom Zagorkom.. Ti vrapca.. celi jen red na moji stalaži su nejzini libri.. i to oni fest stari.. tam z početka šezdesetih .. Kolko sam ih naokol posuđival poznatima i susedima.. familji.. su se več zglajzali kak da su zvlečeni spodi piramida v Egiptu.. A bormeš su i začela slova bledeti.. Zdaj ih više nikomu nedam.. gdo pita.. ja mu velim.. Kupi si…. denes su jeftini na vsakem kiosku ih ima …. Znaš.. do pred dva leta sam ja tu našoj Zagorki znal zataknut pušlek rojžica ..tam pod ruku v koji drži ambrelu… Pa su to i drugi ljudi tak delali ..A onda su nekakšni fakini.. se reče.. vandali potrgali celu tu ruku i ambrelu.. Narafski da je to popravleno al zdaj malo oni Gradcki redari paziju naokol.. I tak sam ja jemput zadeval pušlek nekakšnih rojžica gda meni pozadi pleča nekakšni zakriči .. Šta vi to radite.. Obrnem se ja i gledim ga.. je.. to je Gradcki redar.. komunalac.. ima značku na ajncugu.. Velim ja njemu.. Dobar dan gospon i da vas odmah podučim.. tu v Zagrebu se pita Kaj.. a ne Šta .. a drugo ja tu zadevam pušlek rojžica jer je takšna navada od gda taj spomenik tu stoji.. Gledi on mene.. ha.. seljačina se ziher zpustil z kakšneg brega v nizinu.. pa ravno v Zagreb.. Veli on.. Ne smije se tu ništa stavljati.. Velim ja ..Ha.. a gde to gospon redar piše.. i jel vi opče znate čiji je to spomenik.. ha .. Zdaj on hoče postati fest služben pa me zatraži da mu dam legitimaciju.. Ehhh.. velim ja njemu.. na krivega si se ti redar nameril.. od mene moreš samo dobiti jenu poštenu za vuho tak da si buš za dugo zapamtil .. Jee.. videl je on da sam ja morti malo zašvindlan pa se je obrnul i otišel.. dotepenec posrani.. još mu se slama z štale vleče po opanjkima… pikzibner …ha... Jezušek kak me takšni norci štentaju .....



Ti vrapca… več me pomalo boliju cipeliši…maaa.. noge me boliju..pa znaš ti kolko sam ja of put štrapacirunga delal..A i fort škljocam z aparatlinom.. Ja si vse zamišlam da su ljudi mene več odavno prokužili i da si misliju da sam ja nekakšni bedak z aparatlinom.. A to ti ne velim brez veze.. Tam negde davnih leta ti je jen podrapanec ..gradcki potepuh..šašavi Ludva.. hodil po Zagrebu i šklocal z aparatlinom… Praf za praf.. za nejga su vsi v Gradu znali da je malo ..se reče.. trknut v tikvu.. I tak se je jenog dana pojavil na vulici z nekakšnim aparatlinom i navelko šklocal vse kaj je stigel.. A bilo je to v vreme gda ni vsaki imel aparatlina kak denes.. bila je to onda luksuzna roba .. A i ak si imel aparatlina onda je bilo prilično skupo samo tak brez veze one celulojdne filmove trošit.. Razvijanje teg filma i delanje slikica..a onda su vglavnom bile črno bele.. je bilo fest skupo.. I jenog dana su panduri pograbili teg klošara Ludvu i zeli mu aparatlina.... Gda su otprli aparatlin..a kad tamo.. ne da ni bilo nutra filma.. neg je celi aparatlin znutra bil potrgan.. Ha.. negdo ga je hitil na smetje a of siromak ga je pronašel i špilal naokol fotoreportera.. Narafski.. su mu vrnuli teg aparatlina .. A moreš si mislit kak je taj saf podrapan i skorom bos po Gradu španciral i šklocal.. A navek se je smijal i ceril kak pravi norc.. Pa se je zaletaval v ženske i onak zbliza im del aparatlina pred nos.. Pa ja verujem da ga je negdo prijavil pandurima pa su ga stoga spregledali nasred vulice.. Viš.. tak morti i negdo o meni misli.. da sam nekakšni norc kaj je skroz na skroz ponorel pa škloca sim i tam.. Pa denes vsaki more imeti jeftinog aparatlina.. al malo gdo hodi po vulicama i slika fasade.. haustore.. hiže.. dreva … trajvane..i tak .. Baš ščera sam stal spredi jene hiže i slikam ja nekakšnu..se reče.. skulpturu na krovu te hiže.. A meni pozadi mojih leđa stane nekakšna stareša ženska pa i ona gledi prema gor.. pa se naginje sim pa tam.. valjda sirota ni mogla zaklučit kaj ja to slikam i zakaj.. A pred dva tjedna su me skorom poterali z Malog Placa kaj sam tam slikal ono sajmište.. veliju ..antikviteta.. Su mislili da sam ja nekakšni komunalac pa bum zdaj začel kazne pisat.. A baš ti komunalni redari naokol hodiju kak besni cucki i pišeju za vsaki drek kazne..al navek moraju i slikati to za kaj te misliju kaznit.. Ti vrapca.. jedva sam im objasnil da ja to delam za svoju volju.. A na koncu mi je nekakšna baba rekla nek za svoju volju pem domof svoju ženu slikat.



Vse si gruntam da nema ..se reče.. smisla.. da zdaj ne doštrapaciramo do kraja oveg puta.. Kaj to meni predctavla još teh pol vure.. a i da si tu Blogeri Zagrepčanci nebuju mislili da sam ostal v kakšnem haustoru spati.. Zbilam.. nigdar ja nis ostal spati v drugem haustoru neg v svojem.. tam na Zrinjefcu.. Znaš.. koji put bi se mi fakini malo bolše oblokali oneg Badela .. Mirogojčeka .. pa bi ja nekak se i dovlekel do hiže..Jeee.. al gdo bi me zdaj odvlekel i po štengama gor.. Te štenge v moji hiži su one ogromne..kamene.. a visoke da moraš noge zdigati kak balerina.. A kak buš gda ti se vse švindla v tintari pa mi te štenge onda zglediju kak Kineski zid.. pa bi se onda sel na prvu štengu.. kakti bum se malo odmoril od teg švindlanja.. del bi tikvu na kolena i ..zaspal .. I bi se zbudil i gruntal da sam spal morti pol vure..a gda hitim pogleda na vuru.. ti vrapca.. več je bilo dve vure posle polnočke.. Pa su susedi z hiže prolazili i ..narafski.. pozvonili moji baki na vrata i lepo me tužili da ja dole spim…. A moja baka bi samo odmahnula i zdahnula.. A kaj ja tu morem.. nemrem ja teg bika gor vleči..a nejgov otac veli da nek samo spi dok se ne zbudi.. bu več sam došel gor .. Pa tak je i bilo.. Ja bi se potiho došuljal do drugih vrata i ušel v svoju sobu.. Jeeee.. to sam ja samo mislil da sam nekoga prevaril.. Na sred sobe me dočekala moja baka v šlafruku.. podbočila ruke i mirno kazala.. Prvo se idi v badecimer oprati pa tekar onda moreš v krevetlina.. i nemoj si mislit da buš zutra spal do podneva.. vjutro imaš školu… Narafski da sam i drugeg jutra spal v školski klupi… A kaj.. bili smo mi negda pravi fakini … jeeee………



Dobro je.. spet je mir kaj se dotikavle kiše pa se ja polahko španciram čez Ilicu i gledim izloge.. Zdaj je vse napunjeno z ljetnom robom.. Makar još moreš videti ženske visoke čižmake.. Pa to je valjda radi mode..a ne potrebe .. A je.. je.. lepo je videt malo kraču kikljicu i nogice v čižmakima.. Ima tega po Gradu..
Jezušek… skorom sam ove tu v izlogu pozdravil.. Taman sam štel kazat.. Dobar dan .. pa onda skužim da su to samo pupe v izlogu.. I tak sam stal i blenul .. ha..a kaj.. gda več nisu prave.. da makar te pogledimo takšne.. Jeee.. kak bi to bilo lepo da jesu prave pa se tak v tim gačama vrtiju po izlogu… Ha.. ja si gruntam da nit trajvan nebi mogel čez Ilicu prejti kolko bi se mužkih tu skupilo.. Al kaj.. nikomu to ne padne na pamet.. Gledel sam ja prave žive ženske v izlogima.. gore pri Švabama v Študgartu gda sam bil v viziti pri svoji familji.. Ha.. tam su skroz gole sedele v foteljama i vrtele z cicekima i širile noge.. zapraf.. imele su samo nakakšnu krpu.. kakti gače.. Jezušek.. Narafski.. je to bilo v njihovi vulici gde su kurve imele svoje bordele.. Se to zvala Vulica črlenih lampaša .. Denes tega navodno više ni.. je zabranjeno.. zapraf.. su zazidali vulicu i samo odrasli moreju nutra … Al je to baš bilo lepo za videt.. Dojdeš..staneš se spredi izloga.. a ženska kaj v izlogu sedi se zdigne .. pa ti z guzicom malo pomrda.. naprči se.. diže noge.. zible z cicekima plazi jezika.. i pokazivle ti da dojdeš.. Jeeee.. i tam je moj karakter fort skakal……

.. maaaa.. znaš kaj… pem domof ………….. Bok …..


18:34 | Komentari (6) | Print | ^ |

........i tak ti se ja polahko vlečem .......

Ahhh ................



I tak ti ja polahko se vlečem čez Jurišičevu.. pa Ilicu..onak.. kak mi dojde..
zavirim v vsaki izlog.. i gruntam si kak je negda bilo..kaj se nosilo.. kašna je bila moda.. A znaš kaj na koncu zgruntam.. da se neke stvari nazaj vračaju kak pred trideset i več let.. Je.. je.. oni štrafasti pa kockasti.. se reče.. dezeni.. pa rubače z širokim kraglinom i manžet gumbima na rukavima.. pa mužke hlače z manđetama.. a da ne pripovedam o cipelišima.. pa takšne kaj su denes fest moderne i skupe kak zlato.. ja sam nosil pred četrdeset let… Zapraf.. denes se vse nosi.. nema nekakšne određene mode.. je da nekaj pomalo diktiraju oni modni kreature.. ne.. kreatori.. al ni više oneg obaveznog z Londona.. Pariza.. Denes je vse više kak v Ameriki.. kaj na sebe deneš dobro je.. Znaš.. ja sam rajši bil za diktiranu modu.. onda je vsaki kaj je držal do sebe nekaj takšnoga imel.. pa smo onda baš po tem bili evropski grad.. A denes je pol naroda v trapericama i to onim lošim kaj visiju na mužkima kak krpe..a vse ženske nosiju one gumirane hlače..veliju tajice.. a gotovo vsi na nogami imaju tenisice.. Bah.. ta Amerika baš ništ poštenog ni prinesla knami.. nema više elegancije.. šik mode.. visokih peta.. zglancanih al lakiranih cipeliša.. obaveznih kravatlina na mužkima.. Vsi hodiju kak da ih je voda donesla … Je.. prošlo je to doba …liberalizacija je to.. svakaj.. ništ naročito.. strašno …Ha.. je začelo to i mene lovit..ha ….



Još ni osma vura.. vse je zaprto.. jedin brtije delaju.. Tam negde okol devete vure začne gužvancija po vulicama.. A meni se nikam ne žuri of čas.. lepo polahko pem od izloga do izloga .. znaš.. oveh dni se vse menja .. ona bolša roba se posprema..a ona slabša se meče na stalaže i onda se napiše velka cedulja da je to po sniženim cjenama.... Pa makar meni ništ ne treba ja rad gledim kaj nam moda diktira .. A koji put si nekaj i kupim.. onak iz heca.. pa mi to onda stoji v ormaru bogtepitaj kak dugo.. A moja mi kriči… Ka si si to kupil gda zdaj to samo moljci v ormaru glodaju… zapraf.. ni moljcih al tak se tomu veli … Čuj.. zbilam.. nis več dugo ništ čul o tim moljcima kaj su negdar glodali po ormarima.. Pa smo negdar po ormarima vešali pušleke one mirišljave Lavande.. Makar pri meni domof nigdar ni bilo videti moljca.. su znale ženske z susedctva se žalit kak su im moljci vse đempere i štrumfe proluknjali…. Jeee.. i ja sam navek onda razmišlal o susedinoj luknji ..ha. A bila je to feš ženska.. su mužki naokol fort za nju rekli da je seks bomba.. Moj je tatek navek za nju rekel da ju treba pomrdat pa onda ak treba i umret.. A ja sam se fest čudil kak to moj japa več ni naredil gda se je znalo da je vse naokol hiže več pomrdal.. Pa je moj japa taki za tu susedu rekel da je ta fest proračunata pa bi mu se lahko mogla zalepiti kak poštanska marka.. Aaa.. znal je moj tatek.. Malo kasnejše gda sam i ja začel tak noreti .. vse mi je bilo bistrije kaj je to i o čemu moj japa pripovedal .. Znaš.. a ta je suseda.. ta seks bomba bila .. se reče.. mlajša udovica.. pa je delala kaj je štela.. a največ se namještala i špilala pred mužkima.. Gda bi vidla da ju glediju onda si je navek popravlala haltere i najlonke navlačila.. i narafski.. zdigla kiklju skroz gor da su se i črne dlake vidle kak stršiju z gač .. A mi smo se fakinčeki skuplali v haustoru na štengama.. a več smo v to vreme navelko natezali svoje pimpače.. I gda bi naišla ta suseda.. zvala se je Anka .. a vsi su joj za leđima govorili da je Anka Partizanka.. kaj je negde v Liki bila v partizanima.. no.. i gda bi naišla mi bi ju pitali… Teta Anka.. bute si spet malo čarape popravili.. A ona.. prava nabita Ličanka.. bi nam se nasmijala i rekla.. Kaj je dečeci.. bi rad pizdu vidli ha .. pošaljite tateke pa vam buju onda tateki rekli kak to zgledi.. I onda bi ipak malo zdigla kiklju prek kolena.. A kaj.. mi smo zdihavali i jen drugeg pitali.. Kaj ti se zdigel.. ha..…Jeee.. kak i vsi fakinčeki koji su našnjofali nekaj interesantnog … A ta Anka Partizanka je inače bila fest vesela i dobra ženska .. Al kaj.. babe su je fort tračale.. a jedin su ju mužki falili…. Tak ti je to ………….

Bok ……………….



12:51 | Komentari (7) | Print | ^ |

petak, 15.08.2014.

Još jena trajvanska pripovetka…

.. ni vse tak kak se čini ..........................

Dol na Črnomercu na okretištu stojim ja v praznem trajvanu..baš sam potrefil gda je došel.. A znaš da ja baš ne volim sedeti .. I kak navek.. dotrčiju ti najemput ljudi z avtobusof..pa si hočeju noge potrti da bi se dočepali stolca v trajvanu.. A največ su tu ženske zainteresirane guzice posesti v stolec.. No.. trajvan se napunil i krenul.. Baš blizu mene sedi na stolcu mlada pucica.. čita nekakšnu libru.. .. I nakon dve tri stanice stane se pokraj nje stari gospon.. vidi se fin človek.. Pucica ga pogledi i mam se zdigne.. veli.. Izvolite sjesti.. A gosponček se osmjehne pa ju pritisne za rame nazaj v stolec i veli.. Najlepša hvala gospodična, ali ne.. samo vi gospodična sjedite.. Sedne si pucica nazaj



..Al kaj.. javi se takaj malo stareša ženska kaj je stajala mam pokraj.. Veli ta .. Ja bi se htjela sjesti.. Mlada pucica kak da bi se spet zdigla al joj stari gospon neda.. Veli.. Slušajte mene.. Ne dižite se nikome.. Pucici je malo neugodno.. vide se da nezna kaj bi .. Zdaj več i ljudi okol glediju kaj se spelava.. Ona stara ženska nekaj brunda sebi v bradu o tome kak nju noge boliju.. A of stari gospon ju pita na saf glas.. Gospođo, jeste se vi kao mlada žena dizali starijima u tramvaju.. Ženska se onak bahato obrecne na nejga.. Veli.. naravno da jesam svaki put ako je netko stariji stal pokraj mene.. Zdaj se of stari gospon nasmije.. Veli.. Eeeeee.. draga gospođo.. baš iz tog razloga vas danas noge boliju.. da ste onda ostali sedeti manjše bi vas zdaj bolele.. Pa su se ljudi začeli smijati.. baba je prešla malo dalše.. je skužila da ju stari zajebava.. A of gospon je rekel mladoj pucici.. Tak gospodična zdaj ste valjda nekaj nafčili ..ha.. Smije se i ona.. smijem se i ja.. došla je Frankopanska i ja sam zišel dol.. Tak ti je.. kolko put zna v trajvanu bit veselo.. koji put i grdo..al kaj.. nek se zna.. Zagreb je Metropola………

… Serbus ……………


20:04 | Komentari (6) | Print | ^ |

Mokar sam do jajca

... gdo se boji kiše još.. tri za groš ..............




Opče ni zgledelo tak strašno gda sam od zdoma otišel.. je da sam si zel ambrelu al ju do trajvana nis otpiral.. Nema nikakšne gužvancije v trajvanu.. skoro je prazan.. I vse je lepo zgledelo dok nis zišel na Frankopanskoj.. Vrag ga zel.. Gda se je oblak otprl.. kak da je negdo ciferšlus povlekel.. i najemput je štela sva voda zneba dol na zemlu.. Čuj.. otprl sam ja ambrelu..ha.. al tu ni bilo pomoči.. Odnekud se je zvitlal veter.. bi ga vrag znal.. vse se je dež vrtel v krug.. a je meni zgledelo kak da z trotoara leti spram gor.. kak da su vse coprnice z Medvedgrada baš sim došle tancati.. Ni bilo za prepoznat dal durhcug vleče od Tuškanca.. al od Save.. morti z Črnomerca.. Vglavnom.. bil sam najemput mokar kak canjek v kibli punoj vode……..



Nebu to zanavek padalo.. velim ja samom sebi.. zdaj si mokar pa moreš lepo špancirat kak da se ništ ne događa.. Nebuš mi veroval.. ja polahko pem od izloga do izloga . voda mi šljapka v cipelišima.. Ha.. ja spameten.. obul sam si antiloperice.. i mam su bile mokre čim sam zišel z trajvana.. Zdaj tu do Cvetnog trga samo zvire voda znjih.. onak.. zagaziš..a voda pihne van kak z fontane…ha .. No pa kaj.. nit mene ne štenta to preveč.. valjda se cipeliši nebuju razišli nasred vulice.. Znaš.. jemput pred par let mi se to zapraf desilo.. Bilo je nekak vreme baš kak zdaj.. dež je curel a ja sam imel na nogah nekakšne sandale.. I vrabec ga dal.. jena se nasred vulice razišla kak da je od papndekla naređena.. sam se je još na oni šlingi držala pa sam ju više vlekel neg v njoj hodil.. Desilo se to skroz dol pri Tomislafcu.. I kaj zdaj.. lepo sam se nekak dovlekel do Tesline vulice i zašel v štacun z cipelišima.. zabral sam si jene koje kakti podnosiju mokrinu.. Al ih nikak navleč na mokru nogu.. Sreča pa su v štacunu i čarape prodavali tak da sam se lepo opskrbil.. Aaa.. tak je to.. dobro kaj v našem gradu moreš cipeliše kupit na vsakom koraku.. lepo z žepa zvlečeš oni Amerikajnski komad papndekla i platiš ….



Ha..pogleč..ima još bedakof na vulici.. mam se bolše osječam.. Nekakšni turisti.. jeee.. oni su platili da ih se pela naokol pa makar i dok dež curi.. A ja lepo zabadaf samog sebe vlečem .. Bormeš su mi hlače več do kolena skroz na skroz mokre..kak da sam v vaštruku punom vode stajal.. Cipeliši na nogami mi zglediju kak one negdarnje šuferice z čim su se negda noge zamatale.. No.. kak of čas zgledi.. buju zdržale….. hmmm...



Ti vrapca..pa se ja več vuru i pol vlečem po kiši.. no dobro.. na Cvjetnom sam si dve Nesice od vanilije spil v kafiču.. i zdaj su mi več hlače prek kolena mokre.. Još bum malo obišel Dolac z nutarnje strane.. znaš.. tu imam pajdaša .. oneg poznatog mesara.. Franceka.. I ak je tu pemo nekaj konkretnoga spiti v oni novi kafič Pod Zidom.. Ni ga.. veli ženska za pultom da je prešel na more.. Aaa.. ništ.. pem na trajvan i nazaj domof..
Dok sam se pelal v trajvanu i ni vani bogznakaj fest padalo.. Al gda sam se skipal na Črnomercu .. pak se gore onem bradatom škaf zvrnul.. Baš me briga.. Došel sam pred svoju hižu i na saf glas zapopeval.. Aj singin in d rejn .. aj singin in d rejn…. I kak oni Gen Keli sam začel lamatat z ambrelom okol sebe.. Dež curi kak stekli.. rubača na meni je skroz mokra..ja popevlem.. Sused Cajger zviri na oblok pa glasno komentira da sam ziher bil pri Mađarici v brtiji.. A nejgova Cajgerica veli da sam naskroz ponorel.. I suseda Mira.. vdovica.. kriči z obloka prek puta.. Hej susjed.. kaj su vam to hlače skroz do gor mokre.. Jesuuu.. suseda.. hojte probat.. vse do jajca su mi mokre……

Aj singin in d rejn … fić.. fuč… fičuk ……………..


06:43 | Komentari (9) | Print | ^ |

četvrtak, 14.08.2014.

Od.. zidina starih do Save … Zagreb u zagrljaj zove …..

Špancirancije ……………



Denes se je vreme od jutra kakti puntalo..pa je na koncu sunčeko ipak poteralo oblake.. taman nekak da se človek malo prešpancira pa našem lepom Zagrebu.. Pa me nekakšni posel poteral na tu stranu i gda smo več tu.. bumo naredili štraftu spram Trgača.. Znaš.. vse moje špancirancije..al začneju .. al svršiju pri Trgaču.. Tak zdaj malo gledim te lepe i ogromne stare palače.. Znaš.. kolko god put tu prejdem.. navek mi nekaj zapne za oko kaj još nis videl.. A rekel bum ti da naši Zagrepčanci fest malo znaju kakšna je to lepota v nijhovem Gradu.. Ljudi ti hodiju.. bežiju.. navek se nekam žuriju.. i malo gdo zdigne tikvu i pogledi spram gor.. Rekel je meni jen tam z oneg Fejsa da ak nebi gledel te moje slikice nebi nit zapraf Zagreba videl.. A za gledeti i videti Zagreba treba imeti lubavi za svoj Grad.. To ti je kak i ženska.. kak znaš da je lepa.. ha.. pa stoga kaj ju fort glediš .. Eeee.. viš.. kak i ženske tak ti ja gledim svoj voljeni Grad.. No.. pemo skup gledeti……..



Gda je pred fajn leta bila nekakšna nagradna igra v cajtungama.. mi se čini da je bil Večernjak .. je trebalo pogađat djelove hiža z našega grada.. Pa bi pokazali na slikici komad fasade.. krova.. haustor.. i tak nekaj i je trebalo pogodit gde to je v Gradu.. Od deset takšnih zagonetki. ja sam vse pogodil.. I još samo jen stareši človek..pa se na koncu spostavilo da je on nekakšni arhitekt.. i ima fotografije skoro vsih važnih hiža v Zagrebu.. Ipak su me pozvali v redakciju i pitali da kak sam ja to vse znal.. Pa tak.. velim ja.. koji put hodim po Gradu zdignute glave.. Taj smo put ja i oni drugi človek dobili nekaj sitnih peneza za nagradu.. Od onda ja još bolše gledim svoj lepi Grad Zagreb pa i vse kaj vidim ..denem na kipec i v skladište v kompjutor……….



Zagreb

Gdi da te iščem
i gdi da te najdem
kad te f meni največ ima ?

I Grič i Kaptol, Sava i Sleme

fse to f jeno samo srce stane
i ne f ono licitarsko,
već f ono pravo
f kojem zveniju serbus i kaj
f kojem živi ljubav za of naš kraj.


(čuvarica pinkleca)



Posvud okol mene moj Zagreb.. Pa ja mu neznam popefku naškrabat .. nejde to meni.. pa sam prosil svoju pajdašicu da mi dometne nekaj .. Zagreb je zaslužil da ga se pjeva..
Navek mi je lepo tu malo postajati al sesti si v kafič.. Pa malo glediš na Draškovičevu.. malo na Račkoga.. malo lukaš v Jurišičevu..al z druge strane v Martičevu.. Tu je pravo zvezdišče kak su stari Zagrepčanci nazivali ..razkrižje.. a velik građana za to veli i raskršče.. jebalo ih raskršče.. No.. pustimo zdaj bedarije .. lepo bum si malo tu posedel pokraj teh fontana.. onak sklopiš oči.. slušaš kak voda šumi i gruntaš si da si pokraj Nijagare.. Ha..al pokraj Nijagare ziher nebuš dobil Ožujsku z citronom neg nekakšni indijanski radler… Viš.. i stoga imam rad moj Zagreb .. A veter polahko popuhuje negde tam z Črnomerca..čez Ilicu.. prek Trgača čez Jurišićevu.. mene fino oplahne..pa produži čez Martičevu..tam nekam v Maksimir ………



A ja baš gledim velku reklamu za sladoled.. Hmmm.. nije da nebi ja štel lizati.. navek sam ja to rad imal.. al si gruntam da mi nebu posle baš preveč pasala Ožujska z citronom.. A ziher bum još jenu maznul tam pri Kavaliru na Trgaču.. A tu v Jurišičevi je jena od bolših slastičarnica..barem kaj se sladoleda dotikavle.. Gdo ni probal.. zdaj je pravo vreme za to.. Praf za praf.. meni jena kugla tega ni dost.. makar da su tri četiri.. znaš.. ja brzo ližem.. tak da mi se ne cjedi čez bradu … Ahhh.. baš je lepo po senci hoditi.. znaš onak.. z noge na nogu.. pa malo zastaneš.. šklocneš z aparatlinom.. Gruntam si ja ovak.. jemput gda več nebum mogel naokol hoditi..špancirati.. kak bum onda ja vse to videl drugač neg na slikicama.. Pa ja gledim pospremiti na kipec vsaki centimetar mojega Grada… Narafski.. ja navek ovaj javno pokazivlem one Zagrebačke firtle koji su meni najlepši i najdragši.. A hodim ti ja po celomu Gradu Zagrebu jednak kak i po Zrinjefcu.. Kaptolu.. Griču.. Trgaču.. No.. to bumo gledeli gda zima dojde pa nam bu morti preveč dosadno …….



Evo..kaj sam bliže Trgaču to se bolše osečam kak v svojem dvorišču.. Praf za praf.. Trgač.. Zrinjevac pa vse do Tomislafca je i bilo moje dvorišče.. Tu sam se zlegel.. tu sam odrasel.. tu sam se skital.. pa evo i zdaj se vlečem v svoji trečoj dobi.. A fajn se tega tu zmenilo i događalo od gda ja to vse tu pamtim.. Jezušek.. mogel bi naškrabati libru kak tri biblije debelu.. No.. gdo bi to opče čital više v mojem Zagrebu…. A gruntam si da mi je zdaj i preveč kesno tak nekaj začeti.. Al.. morem škrabat pripovetke.. onak poprek kak su mi i daske v tikvi poslagane….. A ništ.. pem hitro v sencu i gledeti najlepše ženske na svetu kak se španciraju ….. A gda kolena zacviliju.. em se zna.. v Kavalir …

… Serbus ………………………..


06:18 | Komentari (8) | Print | ^ |

srijeda, 13.08.2014.

Mili Zagreb imam rad ……………..

najlepši je .. najlepši ................




Tak ti se vrtim naokol kolko je više moguče po senci.. A fala Bogu.. sence v našemu Gradu ima kolko hočeš.. Pa se za to fest pobrinul i naš gradonačelnik.. oni dotepenec z bregof.. pa je posvud gde se to može posadil mlada dreva.. A dreva rasteju i hitrejše neg se nadaš.. i senca je tu.. I tak sam ti ja malo zaštekal tu v Jurišičevi mam pri Kurelčevoj vulici.. Jee.. i tu su vulicu lepo obnovili nakon kaj su skončali z onom staklenom kištrom v Cesarčevi prek puta Stare Vlaške.. A znaš.. kolko si ja put tu stanem i gruntam o tem tu umjetničkom ..bi ga vrag znal kak bi to nazval.. Aha.. setil sam se.. Skulptura je to.. Hmmm.. da mi moj jen pajdaš ni pred neki dan rekel.. ja bi čist posumnjal o čemu je rječ.. Veli on da je to skulptura žene.. Eeee.. vrabec ga dal.. ak je to ženska.. onda nek si takšnu najde taj umjetnik i dene si ju na svoj štrozak.. Hmmm.. ni nit čudo kaj se nigde ni potpisal… Ženska.. ha.. zbilam svakaj.. Taj kak da ne živi v našem lepom Zagrebu .. Valjda bedak ni čul nit videl da su naše Zagrepčanke najlepše ženske na svetu… Jezušek.. kak bi ga fdrapil prek vuha ……



Vrag ga skelil.. kak je of dohajbal po trajvanski štreki.. i tak je potrubil da su mi skoro hoze opale kak sam se štrecnul.. No.. pa je to naš Zagrebački cug .. se reče.. turistički.. A največ se v njemu pelaju dječica.. Znaš.. z dječicom moraju i odrasli.. tateki i mamice.. pa gdo bu pazil na te ljudcke ficleke.. Al je velki problem tatekima.. mamice još i moreju nutra zajti.. Ti vrapca.. ja sam lani za Božič svoje vnuke utrpal nutra..pa sam i ja za njima ušel..hmmm. nekak.. Al je velki problem bil tak.. nekak.. ziti van gda je runda bila zgotovlena.. Je znutra nekakšni gelender.. veliju stručno.. rukohvat.. pa nikak projti pokraj nejga.. na koncu sam moral svleči i ajncug i pulover da sam uspel zkliznut .. Vsi su se naokol smijali.. No.. pa je to vse bilo fest zabavno.. Ideeee.. cug..pela.. a znutra popevle Zdenka Vučković.. tralalala.. Zagreb..Zagreb.. tralalala..



I oni plavi Zagrebački cug je prešel dol čez Jurišičevu..a ja najemput čujem pak nekakšno muziciranje.. Samo se obrneš.. i imaš kaj videti.. Daj si samo pogleč.. pa tak nekaj moreš jedin v našem dragom Zagrebu videti.. To je da ti srčeko hoče zleteti z tebe i začne skup znjimi popevati… posluhni ..pšššš….. Serbus dragi Zagreb moj…. A tamburica sitno zvoni..a stari bajs brunda ….. A ja sam kak kakšni dripec bežal za njima.. pokraj njih.. pred njih da ih na kipec denem… No.. pa bum bil sasvim iskren.. zapraf sam v korak išel pokraj ove male plave z tamburicom.. . Jezušek.. Jezušek.. kak da ju je onaj da Vinči naslikal.. A ja šklocam ..šklocam z aparatlinom.. .. ni me nit primetila.. ha .. I bolše da ni.. bi joj mam žica pukla na tem štrumentu…. Eeee.. kaj ti je živlenje.. Al mi je mam laganejše gda se zmislim da ja živim v najlepšem gradu na svetu………



A onaj od zgor samo žge i žge.. Al ja se nebum pomaknul dok i zajdnu ne odigraju.. A vse odreda su igrali naše.. moje domače..Zagrebačke.. I več sam začel cupkati pa mi je palo na pamet da jenu malo starešu milostivicu pokraj sebe zaprosim za jen tanc.. I ona je cupkala sva oduševlena.. No..sam se suzdržal.. kaj znaš.. morti joj se i dopadnem..ha … a kaj onda ..ha .. A bormeš kak da su znali kaj si ja gruntam ovi tamburaši z Prepuštofca su zaigrali našu Zagrebačku popefku za fakine…. Dečki zagrebečki.. lepo popevaju.. pa se djevojčice zanjim ogledaju…. Dečki.. Dečki……. I kaj.. prešli su dalše po Dugi vulici…. Al ja bum ipak ostal tu dole.. pa si čak i spremišlam da prejdem prek puta v Kavalir na jenu Ožujsku z citronom.. dehidracija.. me razmeš ……….

Bok.... bum se javil čim stignem ............


06:37 | Komentari (15) | Print | ^ |

utorak, 12.08.2014.

Čaga sim.. čaga tam… čaga posvud ……

Tvrtkova… Lika na Đamiji…. Streljana.. i nema konca nit kraja ………..


Viš.. to ti velka palača v Tvrtkovoj vulici… na broju 5… Ti je to tam mam pri Križaničevoj, al pr Branimirovoj. Je to kratka vulica al fest prometna i zaštopana z automobilima i z pešakima….Je to desnes nadalko poznati HZMO.. bi rekli.. hrvatski zavod za mirovinsko osiguranje…
Tu nutra si ti doktori .. medicinari svih fela.. Al ti oni ništ i nikog ne lječiju.. samo glediju ljude keri dojdeju… Te deneju pred sebe i njih deset gledi v tebe kak da si svetcko čudo. ..Jeeeeeee… to su fraf za praf komisije kaj doneseju odluku kolko si zdraf da moreš hrmbati..al drugač kolko si betežen da moreš biti domof na zdravlenju.. Pak i ono najvažnejše… su ti to medicinari oni kaj udaraju teftera da moreš iti v penziju.. I ti je tu v toj hiži tak puno ljudi z raznim željama.. da stojiju po vsim hodnikima i štengama po celi dan.
Tak ti je to denes………………….



V vreme gda sam ja haračil po mom dragom Gradu Zagrebu je ta hiža bila takaj poznata.. makar tu nisu bili ti doktori i vse te komisije..
V toj negdašnoj gospockoj palači si bile velke dvorane.. a najvekša na prvem katu. Si do teh dvorana dolazil čez velko stubišče..pa velkim širokim hodnikima .. a sve su to držali debeli stupi.. a su gelenderi bili od umjetnički iskovanog železa. Vse to skup i ni bilo baš fest dobro održavano..al to nigdo onda ni primečival…
Pa kaj je onda to bilo tak vredno.. kaj to denes spominjem….
Ti je z početkom šezdesetih.. kak sam već to spominal.. po Zagrebu bilo plesnjakof više neg pekarof i slastičarof skup. V svaki slobodni špelunki je negdo sviral na struju.. a negdo se drmal po taktu al kak je znal…..
Eeee viš.. v toj ti je palači gor na prvem katu..v velkoj dvorani bil plesnjak .. sredom.. subotom i nedelom. Se v Zagrebu znalo za čagu v Tvrtkovoj.. Je to bil velki prostor kak i oni Tucman.. je fest plesačof stalo nutar. Pak su tam svirali vsi kaj su mogli dojti na red……. Baš sam denes negde videl stari plakat od Miše Kovača pa sam se setil da je i on tam popeval z nekakšnim svojim sastavom muzikaša.. VIS… se denes već nemrem setit kak su se zvali…
Je to bil mirni plesnjak.. ni bilo tučnjava ni drugih bedastoća.. A je i taj naš Mišo Kovač popeval ..onak.. dost mlitavo… Su se v to vreme vglavnom kopirale pjesme onih svjetcki poznatih pjevačof pa sastava… A je oni Mišo furt deral istu kozu… Kad v grlu stane kost.. pa San Francisko…. Sve na tvome licu piše…..i tak… A mi smo voleli malo življe i glasnije VISove i pjevače. Je tu popeval i oni naš poznati Miro Ungar.. kaj je pobegel z kvarteta 4M i počel sam popevati… Je on bil i onda svecki poznat .. Je imel i drugo ime.. Tin Tinklberi..pa je popeval po Francuskoj… Je v Tvrkovoj popeval koji put i Karlo Metikoš..kaj je isto imal svecko ime.. Matt Collins… a je par put tam bila i Josipa Lisac .. Lisica… kaj onda još ni bila tak fest poznata …Jezušek..kak je bila mršava.. sami nos ju je bil …
Pak je taj plesnjak v Tvrtkovoj bil samo četri leta.. kaj je ta palača bila bolše derutna neg je zgledala.. Gda je jemput opal komad plafona.. ni već posle bilo čage.. su par let to vse obnavlali.. Denes više nema ni teh dvorana.. su ih pregradili.. naredili kancelarije i šaltere…. i tak…..



Na pogleč.. ti je to tam na Đamiji .. na broju 3.. V toj je hiži nutra.. z dvorišne strane bil negda..a i denes je poznati hrvački klub ..se zove . LIKA… Je to ime dobil po toj našoj lepoj pokrajini Liki i Ličanima. Je v tom klubu svoju športcku karijeru..kakti svetcki prvak v hrvanju .. naredil i oni poznati Josip Čorak.. A je taj takaj bil pravi rođeni Ličan…. Denes već ima puno let.. se po malo bavi z politikom..a i nekaj malo čeprka po športu.. Se najdem često z njim…
Pak su negda ti športcki klubovi bili dost siromašni .. im ni država dala dost penez pa su se morali nekak snalazit.. Tak i ovi tu Ličani…
Subotom i nedelom je v toj dvorani takaj bila čaga….plesnjak… Se reklo.. idemo v Liku na čagu… je to praf za praf bila fest mala dvorana.. je stalo jedva sto ljudi..onak natiskanih da si mogel samo sentiše plesati.. je to bilo dobro..si partnericu stisnul tak da se zalepila za tebe….
Su tu svirali i popevali ..kak se onda reklo.. falš sastavi i pjevači.. Zapraf nisu bili fest poznati..al popularni… Taj smo plesnjak.. mi dečki z centra Zagreba zvali… " čaga za kuharice i kućne pomoćnice "..
Se baš nekak tak potrefilo da su na taj plesnjak dolazili đaki kaj su se v Zagreb dotepli na školovanje.. tam z provincije..z sela… Pak su to večma bili i oni kaj su živeli po đačkim domovima… A jen takšni velki dom je bil baš s druge strane Đamije.. je posle tam bil poznati študencki dom… I su ti ta mlađarija bila dost siromašna.. pa i ne baš moderno oblečena… su bili.. bi se reklo . onak obični.. seljaki… Jeeee. smo mi z Grada Zagreba fest držali do sebe.. i se na takvoj čagi mam vidla razlika v obleki.. frizurama.. ponašanju.. i po plesanju….
I kaj… moram istinu kazati… smo na taj plesnjak znali dojti da bi se delali važni… Smo mi imeli speglane hlače.. ajncuge .. kravatline.. poštirkane rubače.. zglancane cipeliše.. Jee. i frizure ala Evis Prisli.. Clif Ričard..Pol Anka… al pak one tarzanice ..kak oni Đoni Vajsmiler. Su se več počele furati i Bitlsice..al mi ih baš nismo kopirali.
No.. i tak bi došli v Liku.. moram reč.. samo da bi vlovili kakšneg komada.. se zna ženskicu.. pa bi onda išli z njom na privatne provode… I moram priznati da nigdar nismo van zašli praznih ruku…. Smo mi gradski fakini navek imali nekaj penez v žepu.. punu škatulu cigaretlina i pravi prafcati fajercajg.. na benzin… I smo imeli razrađenu spiku.. ma kaj.. je morala ženska pasti..
Pak su na to čagi svirali početniki.. su neki kajsnejše i postali fest popularni.. a popevali su Ivica Šerfezi.. Šerfa…. Krunoslav Slabinac.. Kićo… Vjekoslav Jutt .. Vjeko… Dalibor Brun……… Pa su već onda Šerfa i Kićo bili poznati..ali nisu baš bili pozivani na bolše plesnjake…. je oni Šerfa takaj bil mlitaf .. a Kićo je deral fort istih pet pjesama ::Rock around the clock.. i još neke od Litle Ričarda….. Ali je zato Kićo znal pričati viceve.. vse ih je samo sipal z rukava….
Je ta mala dvorana bila još manjša kaj su v jednom vuglu bile naslagane one kožnate strunjače.. kaj su na njimi vježbali hrvači… pa su i okol dvorane bile drvene klupe. Je bil jen zahod za vse… i muške i ženske… Jezuš.. kak je smrdel… Pa smo rajši išli scat na dvorišče. v kmicu...kaj ni bilo ni jene lampe čitave. V jenom vuglu dvorane je bila drvena kištra i tu je jen član športckog kluba prodaval Koktu i Oranđadu… Se posle vstanovilo da je prodaval pijaču kaj su je dobili športaši… pa je bila cela afera. Muzikaši su svirali v istoj razini kak su i plesači bili..pak ih se ni nit vidlo. A je cela ta građevina imela tak pohabane prozore ..kaj se ni jen ni dal otprti…Je nutra bilo vruče i znojno kak v turskoj kupelji..
Praf bi rekli.. je to bil obični pajzl..v centru Zagreba..Nit denes ne zgledi bolše..



A tu v Preradovičevi na broju dvajsetdva je bil još vekši pajzl.. a v još menjšoj dvorani.. Nutra v dvorišču je nekakšna dvorana kaj je služila negdarnjim partijcima za zestanke.. Narafski.. je na zidu visel oni Joža.. pa naokol črlene krakače.. srpi i čekiči.. A moreš si zgruntat da je to mam nestalo z zida gda se je tu začelo čagat.. Jee.. su drugovi bili veseli kaj se buju tu mladi okuplali.. su rekli da su to kulturna događanja.. No.. gda je plesnjak otprt tu prvu večer.. je pol vulice sim prihajalo gledeti kakšna je to galama.. A stanari z hiže su šteli ponoret.. A..čuj.. tu ti je začel svirati nekakšni VIS.. kasnejše su postali poznati kakti VIS Stranci .. .. a imeli su zvučnike kaj su tak krčali kak da bi z drotom grebel po veš loncu.. A kak su još i falš svirali.. eee.. to je bilo za glavobolju dobit .. Pa mladima to ni smetalo.. su tu skakali i vrteli se.. ljudi su samo odmahivali z tikvama.. drugovi su zlegali z ramenima.. I je bilo dopušteno samo subotu nafčer do deset vur. V tem VISu je sviral i moj pajdaš z osmoljetke , kasnejše poznati muzički aranžer i kompozitor Markulj Zoran.. A kaj da ti velim.. Kolko je dečkima tu bilo lepo i dobro..tolko curičkama ni nikak pasalo pa nisu nit dolazile.. Pa su se onda hitili na gramofon i ploče..al vse zabadaf.. Na koncu su se vsi skup posvadili.. i drugovi..i stanari i muzičari… čagi je došel konec za svagda …….



Još bum nekaj naškrabal o tem našim Zagrebačkim čagama.. zapraf o onim kaj su prve začele po Gradu.. pa je tak i v vulici Ante Kovačića.. To ti je kratka vulica.. z Gajeve na Preradovičevu.. al je jedna jedina palača na jeni strani.. To je zapraf najvekša palača v našemu Gradu.. zauzima celi firtl zmed Preradovičeve.. Gajeve.. Kovačićeve i Hebrangove.. Davnih leta ju je dal zgradit nekakšni taljanski plemenitaš.. navodno kraljefskog roda..pa se v ono vreme tračalo da je to čak brat taljanskog kralja.. Se pričalo da je zgibal z svoje kralevine kak bi zbegel nekakšni dvoboj.. Al se zna i da on sam nigdar ni živel tu na tem mestu.. Cela hiža je puna velkih soba.. dvorana.. a dole v prizemlju je bila velka ..streljana.. Praf za praf.. još i denes je tu nekakšno streljačko društvo Zrinjevac..makar se zna da je to jena od Zagrebačkih Masonskih podružnica …
No.. da se vrnemo na plesnjak koji se tu.. baš v toj streljani otprl hiladudevectošezdesetpete .. V to doba ta streljana ni delela pa je negdo odobril da se tu otpre plesnjak.. Narafski v to vreme su ti VISovi rasli kak gljive posle dažda..pa gdo god je znal vudriti tri dura i jen mol na gitari je mogel negde muzicirati.. A taj ti je plesnjak bil nekaj praf posebnog.. i za to se znalo po celomu našem Zagrebu.. Najme.. nekakšni je norc donesel tak bedasta pravila za to mesto.. kak da je gruntal z guzicom a ne z tikvom.. Ovak…. Naredili su ulaznice.. muške i posebno ženske.. A gdo je štel nutra na čagu moral je imeti svojeg para.. Pa gda su dvoje došli.. narafski muški i ženska ni bilo problema.. muški je platil za sebe..a za žensku je bilo..se reklo.. gratis.. I onda su nastale zbrke i gužvancija.. Bi se najemput pred ulazom našlo deset mužkih i dve ženske.. pa bi onda gdo je prije stigel zgrabi te ženskice tak da je imel svog para.. pa samo za ulaz po pravilima..a nutra su se razišli vsaki na svoju stran.. pa se znalo desit da bi ženskice došle onak.. se reklo.. čoporativno pred ulaz..al ni bilo dost mužkih taj čas.. Vse v vsemu.. čaga bi začela.. muzičari sviraju.. a vani pred ulazom se loviju parovi.. Pa da se stvari pogoršaju.. negdo bi znutra otprl prozora pa su mužki čez oblok se pentrali nutra.. Tak da je to več nakon mesec dni ukinuto nakon kaj su fakini porazbijali vse kaj se je dalo zdrobit.. Čaga je tu bila jeno dva leta i je zaprta stoga kaj su se daske z kojima je bil zbit pod vse deformirale i ni se moglo čagati a da se na vsakom koraku ne spopikneš….. taj problem z daskami je bil i na čagi na vuglu Mesničke i Streljačke vulice..takaj v nekakšnoj streljani..
A bedariju z mužkim i ženskim ulaznicama su pak ponovili na čagi v dvorani Dverce v Ilici.. tam su jeno vreme puštali nutra samo parove.. To je bila velka bedarija.. pa nisi se imel za koga i kaj grepsti gda su došel z svojom curičkom.. No.. ni to tak trajalo nit pol godine……


Jedan od starijih gradskih plesnjaka i kultno okupljalište mladih, poznati " Kulušić " , već godinama je zatvoren i zapušten. Nema više ni lokota na vratima, zavarena su .

I tak.. bilo je još plesnjaka..čaga po celomu Zagrebu.. po vsim firtlima i špelunkama.. dok se nakon .. bumo rekli.. dva leta.. nisu stvari posložile.. Ima još velkih plesnjakof o kojima bi se dalo pripovedat.. Študentcki centar.. Kulušič koji je posebna pripovetka .. Ambasador.. Neboder.. Centar na Trgaču…. Aaaa..mogel bi leto dan o tem škrabat … Morti jemput bum ….


…… Serbus ……………………….


17:18 | Komentari (10) | Print | ^ |

VELKA FALA ..............


12:42 | Komentari (9) | Print | ^ |

ponedjeljak, 11.08.2014.

Haloooo… Bokačo …..

… i vsi drugi kaj neznate gde bi cipeliše popravlali……..




Tak mi se nekak v tikvi zvrtelo i sam se setil kak si pred par dni jamral da su tam na Ribičiji zaprli šušteraj.. Jeee.. i ne samo šušteraj.. ničeg više nema tam v ti vulici.. A sečam se oneg frizerskog salona za ženske.. se zval.. Renata.. Eeeee.. kakšne su lepe curice tam zanata vučile.. vse jena lepša od druge.. Bila je jena mala.. pravi cukorek.. se zvala Ančica.. je dugo još tam posle delala …………..
No pa nis štel zdaj o tomu pripovedat..makar se ima kaj.. Neg.. Bokačo.. pa imaš pravi starinski šušteraj mam na vuglu Stare Vlaške.. I ne samo da cipeliše dela i popravla neg i koječega od kože dela..pa i još ponekaj ….
A kaj je najvažnejše.. mam pokraj je kafič a sama vulična terasa je praf spredi teg šušteraja.. Ha.. moreš se zezuti i dati cipeliše na popravak a za to vreme bos sedeti v kafiču i nekaj žlopati .. ha .. No.. si gruntam da Ti ipak znaš za teg tu .. Al morti drugi neznaju .. zapraf.. zdaj znaju…



…. Bok ………………..


19:05 | Komentari (9) | Print | ^ |

nedjelja, 10.08.2014.

VSI TI CAJTI KAJ SU PREŠLI ………………..

…čaga v Njam Njamu

Narafski.. to kaj bum vam zdaj pripovedal spada tam v ona dalka šezdeseta leta.. zaprav v prvu polovicu od gda je pripovetka začela..
A je to kak sam več rekel bilo doba gda smo mi mladi hodili po plesnjakima kaj su se otpirali kak konzerve v svakakšnim luknjama ..podrumima.. dvoranama.. barovima .. i bogtepitaj gde vse… Pa sam i rekel da su oni najvekši i glavni bili Tucman.. Lapidarij.. Študencki centar.. Šalata.. Lokomotiva.. Jeđut.. Glazbeni Zavod..Streljana.. Vrbik.. Tvrtkova.. Kulušić…. A vsaki zagrebečki firtl je imel i svoj plesnjak negde v kakšnem .. največ.. podrumu..Pa bi mogel kazat da je i vsaka vekša vulica imela nekakšnu ..se reče.. lokalnu luknju..
Je to bilo vreme gda su v naš Grad Zagreb ..pa i v bivšu državu..napali oni Beatlesi.. Rolling Stounsi.. Beach Bojsi.. Pletersi.. i ogromni broj drugih stranjskih muzikašof.. kaj se to zvalo i Električari.. Pa kak bi to bilo gda nebi mam i domaći dečki nabavili gitare i bubnje.. nekakšna pojačala domače proizvodnje.. su ih sami delali… No.. pa da skratimo pripovetku.. v Zagrebu se navelko sviralo plesalo..se reče..čagalo ……
A sam ja več dost pisal kak je to bilo na onim glavnim čagama.. pa bum sad naškrabal kak je to bilo tam.. malo v šturcu.. pri Kvaternjaku ………



Zagrebački crnčuge i drugi pofarbani stanovniki

Kaj bi pripovetka bila bolše razumliva moram malo pojasniti kakšno je stanje bilo v Zagrebu po pitanju stranjskih ljudi.. Pa bi se tu držal samo onih kaj ih normalni ljudi nazivleju .. ofarbani… Pa se tu največ misli na one crnčuge.. pa onda dolaziju na red oni braun kaj vlečeju malo na žuto..su to Indijci.. pa onda su tu i oni kaj vlečeju na sivo.. a su to Arapi… Oneh svetlo žutih kaj imaju všrek oči ni bilo v Zagrebu.. Pa bi se človek zapital kaj su ti ofarbani delali tukaj.. Je to bilo tak…………
Ona propala črlena država je bila kakti zamlja..se reklo . nesvrstana.. kaj je značilo da ne pripada ni onem kapitalističkem zapadu..ali nit onem bolševičkom istoku.. Dakle..je v svetu bilo takšnih državi puno pa največ po Afriki.. i drugem siromašnom svetu.. Su imeli i svoj savez nesvrstanih.. No.. su te vse zemle i države fest dobro surađivale i bili kakti prijateli.. Pa su se državniki teh zemli vsaki čas posječivali i dogovarali posle i druge prilike… A je ta ondašnja ..se reklo.. Juga.. bila među njim kakti najbolša i najnaprednija.. pa se i zato pravila važna… Pa bumo spet preskočili nevažne stvari i bumo rekli kak su ti državniki dogovorili kak buju njihovi đaki došli tu knam i da buju se tu školali i študirali.. I tak je bilo..
Največ tih kaj su prihajali su bili crnci z Afrike .. Su to bila djeca tamošnjih politkantof ..plemenskih poglavica i raznih drugih važnih ljudožderof..
I onda su one kaj su prihajali v Zagreb smjestili v đačke domove..a oni bogatejši su bili po privatnim stanovima kakti podctanari.. Jeeeee… ali se Zagrepčanci nisu takšnima fest obradovali pa je po tim đačkim domovima nastal lom i nered.. A tu su te crnčuge navek batina dobivali.. Pa su vlasti onda donesle odluku da vse te ofarbane preseliju v jedni zajednički dom kaj bi bili sigurnejši..sami med sebom… I su ih pospremili v jen dom tam v blizini Kvaternjaka … I tak su se ti ofarbani vglavnom kretali okol Kvaternjaka.. pa su tak i zauzeli svoje kafiče..a bogmeš su dobili i svoj plesnjak.. čagu.. A moram reč da su ti vragi brzo vučili našeg jezika …..



Čaga v Njam Njamu..... ljudožderi prihajaju ......


Gda se v opčoj strki okol otvaranja plesnjakof otprla i nova čaga v Šrapčevi vulici.. mam su to našnjofali te crnčuge i napravili okupaciju teg mjesta.
Ti je ta Šrapčeva vulica mam gda se popneš od Kvaternjaka do pol Domjaničeve.. pa onda zavrneš desno.. Je ime vulica dobila po nekakšnem Arminu Šrapcu.. pa nigdar nis o tem človeku nigde ništ mogel doznati.. A mu ime nekak vleče na židofsko.. pa bi mogel biti svakaj.. Pa ni važno.. Je ta Šrapčeva vulica samo par hiža.. ništ posebno..a na kraju je i nekakšni trg.. zapraf park..se zove po onem Otokaru Keršovaniju… A je v ti vulici i od navek ona Mjesna Zajednica.. pa imaju i dost velku dvoranu.. I tu su mladi otprli plesnjak tri put na teden.. Pa su tu svirali razni novozmišleni muzikaši..se reklo VIS.. ali nebi ni jenog spomenul kaj nit nisu dugo potrajali…
I tu su se začeli skuplati ti črni vragi.. Su navek bili dobro i moderno oblečeni kaj su primali svoje apanaže.. z Afrike.. v dolarima.. Su nosili skupe vure na rukama i vsi su imeli zlatnega nakita po sebi.. I ni dugo trebalo da se ..nemreš verovat.. Zagrebačke puce začneju za njih lepiti.. Je to bila katastrofa.. si zgruntaj kak jena Zagrepčanka pleše oni stiskavac z nekakšnim crnčugom.. Pa si onda zmisli jenu punu dvoranu takšnih.. A su Zagrepčanci padali v nesvest gda su te puce z tim crncima hodale po našem lepom Zagrebu.. onak zagrljeni.. Strašno..
Pa se našel i tomu ljek.. Su te puce na brzinu bile vrgnute na stran od nijhoveg društva z škole..vulice.. su ih bivše prijatelice začele zaobilazit..pa ih i počupati za vlasi.. A kak je tu bil v pitanju interes okol onih penez kaj su ih crnčuge imele..su te vse puce dobile jedan zajednički špicname.. Dolar.. I gda se čulo da negdo kakšnu pucu nazivlje Dolar je to mam bilo jasno da ta vrti svojeg repa okol crncih..

Dečki Zagrebečki

Pa sam več rekel da su dečki Zagrebečki bili..se reče.. šokirani kakšna im je to ofarbana konkurencija prihajala.. Pa ne za dugo.. Mam se složila obrambena fronta i je začel rat.. Se onda računalo da v Zagrebu ima okol dve hilade teh ofarbanih dotepencof.. Največ crnčuga.. A se oni Indijci i Arapi nisu pojavlivali na javnim mjestima.. a najmanjše po čagama.. Su oni bili kakti čvrsto v oni svoji vjeri kak Alah zapoveda za Arape.. pa Buda za one Indijce.. I tak su dečki Zagrebečki jedini problem imeli z crncima.. A oni Arapi su zapraf bili največ Palestinci.. kaj su imeli oneg svojeg ratobornog precjednika poznatog na dalko.. Arafata.. I ti su bili našim dečkima fest simpatični makar se nisu puno družili..
I onda su te crnčuge dobile svoja nova imena.. Za one potpuno črne kaj su se sijali kakti zglancane cipeliše se reklo… Antraciti.. A za one manjše črne se reklo da su.. Kreka.. kak oni vuglen z isteg rudnika v Bosni… A za vse skup se reklo da su Kmice… Kak sam rekel.. rat je začel.. su naši dečki obilazili grada i gde bi vidli kašneg Antracita ..al Kreku.. bi taj dobil batin.. Pa su kmice začele hoditi v ..se reče.. grupama.. I gda bi se začeli lemati su ti crnci navek loše prešli.. Nisu bili nekaj ratoborni.. kaj se nisu nafčili mlatit .. onak po gradski ..
Pa su znali dečki Zagrebečki prihajat na onu čagu v Šrapčevi.. njih i po pedeset..sam i ja bil par put.. pa namlatit crnce i polomit vse kaj se tam moglo.. Tak je koji put i ondašnja Milicija morala dežurati na tem plesnjaku..
Z druge strane.. su naši dečki hodili po gradu i su znali negdje v šturcu vlovit Kmicu z našom domačom pucom... I narafski.. bi Kmica dobil po oni velkoj labrnji i bi moral pobegnut.. Ali bi ženska fest nadrapala.. Nisu naši dečki nigdar mlatili puce i ženske po Zagrebu.. Ali su takšnu gda bi je vlovili jednostavno vrgli na pločnik i bi ju.. zapišali.. Celu bi ju popišali i pohračkali i takšnu ostavili.. Je to bila strašna kazna za ženske.. Gda bi ju njih nekolko zapišalo bila bi mokra kak da je z badevane zišla… Pa si gruntam da joj več ni na pamet palo z crnčugom ljubovat..
Su dečki Zagrebečki bili navek ponosni na svoje Zagrebačko poreklo i su pazili da se moral po gradu ne kvari.. Praf za praf su bili fest lubomorni na te Kmice.. su se osjetili izdani i napušteni od teh domačih puca.. A je ktomu i prigodovala pripovetka da te crnčuge imeju pimpeke do kolena.. a da jezika moreju splazit do prveg gumba na rubači..
I tak je to potrajalo samo par let.. Su puce shvatile da se tak nemre v Zagrebu živet..a je i dečkima dojadilo mlatit te Antracite i Kreke … A i teh crncof je pomalo nestajalo.. se pričalo da su ih preselili v oni Beograd v Srbiju.. A oni Arapi i Indijci su se tu vlekli jeno deset let… pa su se valjda vrnuli v svoje domovine. A je i došlo vreme da se dečki Zagrebečki malo pozabaviju z Srbijancima..Bosancima i Šiptarima.. A o tomu bum jemput več pripovedal…



Bi za kraj rekel još nekaj zanimlivog.. Ima v Zagrebu jen crnac..zdaj je star kak i ja.. se zove Solomon Oreido.. Zapraf živi v Bistri..ali dela po Zagrebu.. je taj od onih kaj sam gor škrabal.. Jemput nam je podletel z drugim Kmicama pod šaku.. pa da se spasi od batinof se je kleknul na pločnik i začel kričati da je on… Zagorec.. Pa nismo mogli verovati.. I smo ga siromaha zdigli z poda i otpelali na pijaču.. Taj je valjda jedini kaj ga nismo zmlatili.. Pa on ni baš fest štel študirati.. ali se nit ni štel vrnuti v Afriku.. Je tu v Zagrebu završil šegrtiju za parketara.. A živel je kak poctanar negde v Bistri.. Si je kasnejše našel nekakšnu fest stariju babu tam v Bistri i je z njom živel.. pa je i nasledil kućicu i malo zemle.. Bi se začudili kak taj govori po kajkafski..kak da se zlegel v kakšnoj luknji v Zagorju.. Ima još nekaj…… Gda sam ja pred dvajset let domof menjal parkete ti Oreido Solomon.. postavljal v moji.. se reče.. dnevni sobi.. Sam mu videl oglasa v cajtungama pa sam ga nazval.. i je došel.. Pa smo celi jen dan pripovedali o cajtima kaj su prešli.. I denes ga po Zagrebu znaju kak Zagorca parketara ……………………………

Tak.. malo sam s prisetil ………… Bok …….









17:35 | Komentari (11) | Print | ^ |

Zafrkancija …………..

Em smo mladi …. Ha ……….



Dečki… vlečem se kak zlemani pes.. narafski.. ta vručina me je potrefila v getribu..pa zdaj pelam samo v prvi brzini.. Dakle polahko i samo iščem gde ima sence.. nit slučajno nejdem pod tu lampu kaj odzgor žge.. Viš.. skoro vsaki dan tu projdem.. makar na jenu stran.. i navek ova zgodna tu stoji.. nju moreš i za rit prijeti.. nebu se niš bunila… ha .. tak da sam ju več skoro i začel pozdravlat.. Pa ti se onda pomalo i zafrkavlem.. Znaš.. pred dva dni ja tu malo zabremzam.. ideju spredi mene nekakšne dve ozbilne stareše gospice.. onak na pol koraka.. taman su prošle pokraj mene.. A ja glasno pozdravim ovu tu kaj kakti reklama stoji.. Dobar dan.. Ha. a ove dve se okreneju i gda ne vidiju nikog neg mene samog.. obadve lepo odzdraviju .. Dobar dan.. A ja stanem pokraj te od papndekla i kakti ju zbliza gledim.. A one dve se pogledaju med sebom pa ja čujem kak jena pita drugu… A kaj ti poznaš ovog.. A veli ona druga.. Nee… A ja dalše stojim i kakti gledim kaj to tu piše na ti reklami.. pa se naluknem za onem dvima.. i vidim kak se jena z prstom kucka po tikvi.. Ha.. valjda su zaključile kak sam ja ipak nekakšni trknuti bedak…… ha.. baš sam zafrknut..ha …..Aaaa.. mladost ludost …ha..
Tak smo ti mi fakinčeki znali na vulici kakšnoj ženskoj kazat.. Gospođo.. nekaj vam je ispalo z torbe… A ova bi se okrenula i zvjerala posvod naokol po trotoaru kaj joj je to ispalo.. A mi bi produžili dalše.. A na koncu je ženska začela kopat po torbi da vidi kaj joj je to moglo ispast .. A kaj moreš.. zafrkancija.. …ne …….



Najrajše bi tu stal i nit za živu glavu dalše.. pa pogleč kak tam na Trgaču pali i žari ta lampa odzgor.. Lepo sam si stal tu spodi Pasaža i gledim na Trgač kak na Bazar v Marakešu.. Hmmm.. kaj zdaj.. Gruntam si ovak.. Tu sam stal pokraj negdarnje Moke.. poznatog malog kafiča kaj su ga pretvorili v pekarnicu.. Vrabec ga dal.. v našem Zagrebu vse nekaj kaj je vredelo i bilo fest poznato pretvaraju v pekarnice.. tak su i oni Majmunjak.. tu tri koraka niže takaj pretvorili v nekakšnu žderilnicu.. Pa negdarnja knjižara na Trgaču je postala PimPek.. i tak da ti ne nabrajam… Al je stoga ostal v Pasažu oni mizerni kafič pri Paljetku.. Ni tu loše sesti si ..al tu dolazi ona razna bagaža .. nekak imaš osječaj kak da si negde v Sohou v Londonu … Jeee.. i zdaj si gruntam dal spiti nekaj protif dehidracije tu pri Paljetku.. al nekakšnu drugi ..se reče.. soluciju.. najti … Na koncu sam ipak v Moki zel komad one pice.. nekak mi je začelo krulit v želucu.. pa sam se kak klošar naslonil na zid i požderal to.. Hmm.. zdaj bu proradila potreba za tekučinom.. ha …. Uhhh.. kakšna jena dobra ženska je prošla pokraj mene…. Pem za njom makar zgorel na Trgaču ..Jezušek kak ta hodi na viskim petama.. ti vrapca.. kak Sofija Loren.. .ha..



Daj si samo pogleč kakšne noge ima.. a da si videl kaj dela z guzicom dok hodi.. aaaa.. išel bi za njom i prek Sinajske pustinje.. kak oni mamlazi za Mojsijem … A je.. ta ti je..se reče ..atraktivna mlada dama.. To je ono kaj je meni moj tatek pripovedal…. Znaš sinek.. vse su ženske dobre i još bolje.. Eeee.. ova je ta viša kategorija.. Pa se mužki nalukavaju na nju kak da je angelek z neba opal na trajvansku stanicu.. Vrabec ga dal.. pa takšna lepotica bi trebala imeti kavalira z Poršeom a ne ta se v trajvanu pela.. ha.. Daj pogleč oveg starog kak je blenul v nju.. vse je gubec rasprl kak som Jura..ha …Škoda kaj ni još malo špancirala.. bi me ta povlekla da i ja pem dalše.. Ovak sam ostal stajat dok ni došel nejzin trajvan.. A mene je ozbilno začela ugrožavat ona dehidracija.. je začel svoje tražiti oni slani komad pice.. Zbilam.. zakaj su te pice tak slane…ha …..



I kaj da ti velim.. malo sam prešnjofal po Kavaliru..al je baš moje mesto bilo popunjeno.. I tak sam se ja zaputil gor na Dolac v oni mali kafič.. mu veliju.. Simpa.. taj je mam pokraj Zagorke.. Tu je navek vse puno i natrpano.... al je posebni gušt tu zajti..ka da si v kakšni krčmi v Marseju.. Vsega se tu naslušaš .. Največ ti tu sediju stari penzijonerci pa se spominaju o politiki.. A ja ti garanteram da bi tu našel dest put bolšeg za precednika države neg je oni mlitavi kaj ga zdaj imamo.. No.. pa jebeš tu politiku.. ionak ništ ne vredi pripovedat.. Narafski.. ni tu nis našel prazni stolec za sesti si.. pa stojim nutra polak izloga i gledim tu gužvanciju po placu.. Uhhh.. kak mi paše ta zakonita piva .. več si drugu dudlam.. narafski z citronom.. Pa se ne sječam da sam negda bil tak fest žedan posle pice… ha .. A kaj.. človek se zmeni.. a i pice su valjda bolše slane neg su bile negda ………. Ha ….

… Serbus ………………..


07:25 | Komentari (7) | Print | ^ |

petak, 08.08.2014.

Pripovetke z moje stare škrinje ……

Gradsko kupalište v Nazorovoj ………

Na.. viš… ti je ta hiža v toj … bumo rekli Nazorovoj vulici… na broju deset… Je na tem broju ..bi rekli..kompleks od tri velke hiže..vile..al palače. Je ova tu negda bila ..veliju.. glavno sjedište onih tajanstvenih Masona… Pa se o tom malo zna… su to još navek velke tajne..
A je tam z početka pedesetih ta hiža postala vlasništvo Grada Zagreba… i su nutra vse preuredili i od toga naredili GRADSKO KUPALIŠTE.. to je bilo za one stanovnike negdarnjeg siromašnog naselja Radničkog Dola.. … pa i za druge stanovnike Grada.. kaj nemaju pri svom stanovanju badecimera ni tuša.. su to razni sustanari .. poctanari… pa sirotinja i gradske skitnice..kaj ih je tam milicija vodila na pranje. Je celo prizemlje pregrađeno v kupaone z badevanama…veliju ..kade za kupanje…al pa samo gajbe z onim tuševima…
Se tu za malo penez moglo pol vure koristit toplu vodu… za malo više penez si dobil pol vure badevanu..a si mogel i doplatit za čistog ručnika i jen sapun.. tak mali da si moral pazit da ti vrit ne pobegne gda si ju trljal. A se moglo i platit za vuru vremena i više….
Su nutra delale ženske..radnice kaj su pazile na red i čistoču… Pa su na vsaka vrata ..gda bi netko vušel na kupanje.. z kredom pisale vreme… Pa ak je prošlo..onda bi došle lupat na vrata i vikat … idemooooooooooo….



Jeeeeeeee… nebi bilo gda nebi bilo… su to mesto obilato koristili lubavni parovi..su platili za jenu celu vuru.. pa su nutra ..hmmmm…. prali se .. ha…. Su tu i one dame…prostitutke.. se po domaći veli…kurve.. vodile svoje mušterije.. Pak su i znale sedeti v hodniku i čekati da ih gdo pozove na zajedničko hmmm.. kupanje… Pa nebi bilo kompletno da tam nisu i buzaranti ..pederi…dolazili…
Se bu negdo zdaj pital..kak ja to vse znam… ha.. Pa smo i mi fakini otkrili da je lepo tam otiti z kakšnom curičkom v kadu punu tople vode… smo znali otiti onak čoporativno z curama z škole..pa bi zauzeli skoro vse gajbe… pa smo se nutra zafrkavali….uz sav posel po kojem smo došli.. pa smo galamili a vode je bilo i na plafonu.. A navek smo kasnili z vremenom.. pa su one ženske kričale da zajdemo van. Su naše takšne avanture navek naplačivale više neg je bilo na cjeniku..pa su to sebi v žep metale… I je to trajalo jeno tri meseca pa se na koncu ipak otkrilo.. Negdo se od fakinof preveč falil pa se pročulo po školi.. i je bila velka istraga.. Narafski.. ta avantura je bila zgotovlena za svagda.. A bilo je dobro dok je trajalo …Posle smo probali tak nekaj izvodit v takaj Javnom kupalištu v Ilici osam.. v Dijani.. Al ni išlo.. tam su vse bezecirale kurve i buzaranti…
Je to kupalište delalo do pred oni Domovinski rat… pa je onda zaprto. Je na hiži još uvek natpis GRADSKO KUPALIŠTE…Denes je nutra kancelarija od gradskog ureda Zagrebačke Šume..a sam videl da i negdo stanuje gor na katu. Kažeju nadležni da takšna javna kupališta nisu..se reče.. rentabilna..
Su te tri Masonske hiže vlasništvo Grada Zagreba.. a ima v ulici još nekolko tih starih vila kaj su takaj gradske. No nigdo nezna kazat kak je Grad postal vlasnik tih ogromnih hiža. Praf za praf.. su jako zapuščene… al vrediju zlata.. Je pitanje gdo si bu to prigrabil………………….

.. Serbus ...................




17:18 | Komentari (9) | Print | ^ |

OPATOVINA

Stara ulica na Kaptolu



Čovječe pazi
da ne ideš malen
ispod zvijezda!



Pusti
da cijelog tebe prođe
blaga svjetlost zvijezda!

Da ni za čim ne žališ
kad se budeš zadnjim pogledima
rastajao od zvijezda!



Na svom koncu
mjesto u prah
prijeđi sav u zvijezde!


(A.B.Š.)


16:14 | Komentari (5) | Print | ^ |

četvrtak, 07.08.2014.

Špancirancije… bezvezancije ……

Špancirancije… bezvezancije ……



Posrano vreme.. velim ti ja.. Z hiže sam vjutro zišel z razprtom ambrelom.. Dež je pomalo sračkal.. I gda sam se z trajvanom dopelal do Malog Placa.. vrabec ga dal.. tu sija sunčeko kak na Havajima.. .. I kaj zdaj.. ambrelu je šteta hitit ..pa moram trpet pokoru i vleči ju z sebom.. I tak se ja priklučim jeni velki grupi turista.. vse su to oni žutaki z očima všrek.. Jezušek kak su ti Japanezi mali ljudi.. kak da su Guliveru pobegli z libre.. pa ti mužki zglediju kak dečica v petom razredu.. Jeee.. ženske su več sasvim druga pripovetka.. Je da su taki male.. još i manjše od mužkih..al su vse nabijene i bucmaste .. Hmmm.. malo su im noge auzvinkl..al bi se to vse dalo poravnat.. I tak ti ja kakti slučajno hodim med njima.. pa i ja šklocam z aparatlinom.. narafski i procjenjujem te male črne ženskice.. Hmmm.. nije da nebi človek.. onak ..z znatiželje.. me razmeš …………………….



I gda sam se nagledel..a kaj buš drugo..zalaufal sam se čez Kaptol .. pa kam dojdem.. tak malo uživam v lepom cvetju.. i mam se setim oneg bika kaj je šnjofal rojžice.. Ha.. pa negdo valjda zna o čemu ja pripovedam… I smijem se ja samom sebi.. Eeee.. vole jen .. za tebe i je da šnjofaš rojžice.. a ne da glediš te z črnim vlasima… Hmmm.. valjda denes baš nis razpoložen pripovedat sam z sebom…ha ……..



I moja je konačna odluka da si negde sednem i spijem Ožujsku z citronom.. Baš mi se nekak neče naokol špancirat.. tak mi je nekak brez veze koji put.. I zavzel sam si mesto v prvi brtiji na Opatovini.. v samom šturcu.. Tu je lepo mirno..sam dva stareša gospončeka nekaj žlabraju.. I narafski.. nema tu Ožujske z citronom.. Sim tam.. bum si spil nekakšnu Englešku pivu.. Vrabec ga dal.. ni mi opče pasala.. preveč je žufka.. al i dalše tu sedim jer je negdo pustil dobru muziku..onak po tiho…. Bluz…. nemre bolše…. Daj još jenu pivicu …..

I tak …………………..


19:05 | Komentari (14) | Print | ^ |

srijeda, 06.08.2014.

Pripovetke z moje stare škrinje …..

… i nikom nije lepše neg je nam ……………………




I tak smo se moj sused Cajger i ja vtrpali na Trgaču v trajvan i pelamo se prema Črnomercu.. A to je oni moj sused Cajger.. vurmaher.. Smo se sreli v gradu pa smo se prvo sprešli po Dolcu.. kak pravi domaći papki pokupovali kaj su nam naše ženice naredile.. Malo smo obišli i brtije.. dve na Dolcu.. i jenu friško odprtu Pod Zidom.. To nam nigdo ni naredil..al se to podrazumeva.. I zdaj pemo domof.. Tak zajdemo v šesticu.. narafski v oni novi trajvan..v tem ti lepo ona ..se reče..klima..puše.. pa ni vruče.. .. Si je moj sused mam sel na stolec.. pa on onakšni glomazni zavzme preveč prostora ak stoji.. a ja stojim pokraj nejga i mi dalše žlabramo.. A na Frankopanski dojde v trajvan kontrola.. zapraf su to tri kontrolora.. dva mužka i jena ženska. Kakšna je to kombinacija to znaju samo oni kaj to spelavaju.. I jen mužki i ženska ostaneju na kraju trajvana a of jen ide od človeka do človeka i lepo i pristojno išče karte za pregled.. I dojde do nas dva.. a moj sused Cajger se dela kak da ništ ni videl nit primetil.. I zdaj nejga kontrolor sasvim zbliza ponuka da mu da kartu na pregled.. A moj se sused fest čudi kaj se to zdaj događa.. Pa ja znam da Cajger ima kartu.. a i taki znam da se bu zdaj malo zafrkaval z kontrolorom.. I meni je taj čas takaj palo na pamet da i ja malo razvlečem situaciju.. Veli Cajger kontroloru da mu je karta v taški kaj ju ima okol ramena obešenu..a puna je vsega kaj je nakupoval na Dolcu.. I još veli da je skroz na dnu torbe.. Veli njemu kontrolor nek zvadi kartu i prejde on dalše druge putnike kontrolirati… Al evo ga mam nazaj kaj je mene zaboravil….

Fin človek taj kontrolor.. lepo zamoli kartu na pregled.. A ja mu velim onak po domaći.. narafski na kajkafskom kojeg nigdo ne rezme.. da mi je karta v žepu.. I meni veli kontrolor da poiščem kartu v žepu.. I tak ti nas dva.. Cajger i ja iščemo karte.. Cajger je vse naokol stolca na kojem je sedel.. razvlekel one stvari z placa.. su se ljudi morali pomicati kaj bi mu mesta naredili.. i glasno brunda i čudi se gde mu je ta karta.. A je taj moj sused Cajger velki cirkusant.. i gda mu krene ….. A ja mesto da iščem svoju kartu .. ja pomažem Cajgeru te stvari držati.. i preokretati.. A se ljudi v trajvanu začneju podsmjehivati.. ali se ne usudiju glasno.. je Cajger človek nekaj malo manjše od dva metra i ima najmanjše stotrideset kila.. velka ljudina s bradom i brkima.. zgledi kak stric Bedanec z Kekeca.. Gdo bi rekel da je takšna gromada od človeka… vurmaher..



A za to vreme je oni kontrolor obišel vse putnike.. ni našel nit jenog brez karte.. i zdaj sva tri kontrolora dojdu do Cajgera i mene.. Pa je i trajvan za to vreme stigel do Avstrijske.. A moj Cajger i dalše prevrče po cekeru..a ja držim vrečice z krumpirom ..lukom.. grincajgom. a drugo je okol po podu trajvana.. Pita kontrolor mene da kaj sam našel svoju kartu.. Velim ja da nisam gda moram Cajgeru pomagat torbu pretraživat.. I onda se javi ona ženska . kontrolorka.. Aaa.. je.. sam skoro zaboravil povedat kakšni su to kontrolori.. Pa nisu bili v civilu neg su imali rubače .. one plave od ZETa.. i su pokazivali svoje službene iskaznice.. Jen od kontrolora je bil malo vekši človek.. skoro kak ja težak i zbit.. z žutim brkima.. Drugi je dost nizki i onak nekak mršavo zgledi.. pa mu je ta rubača na njemu prevelka.. bi još jen nutra stal.. A ona kontrolorka je ženska okol trideset let.. pa je črna kak ciganka.. mršava.. bi rekel da i brke ima… skoro pa mustače….

I ta brkata veli meni da nek ne zadržavam i nek pokažem kartu.. Bum mam.. velim ja pa zpustim vse one vrečice Cajgeru v krilo.. I zdaj ja začnem prevrtati po žepima i iskati kartu.. Pa otprem geltašna i kopam nutar..pa se čudim kak karta ni tam gde je inače navek.. onda začnem kopati po žepima..a fala bogu imam ih na obleki kolko hočeš.. šest..al osam na lajbeku.. dva na rubači spodi lajbeka.. četri na hlačama.. I več je trajvan prešel Mandaličinu.. a mi dva i dalše kopamo i iščemo karte.. Of velki kontrolor stoji sa strane i gledi i se podsmešlivo drži.. valjda se nekaj hrusti.. ali ovi drugi mršavi i baba z mustačima se začneju žifcirati.. Veli spet ta kontrolorka.. Ja mislim da vi karte nemate i zamolit ću vas da na Selskoj siđete da obavimo formalnosti .. To je štela reč da nam buju napisali kazne radi švercanja v trajvanu.. A moj sused Cajger začne glasno protestirat.. a ima glasinu kak pokojni Ružđak.. da on kaznu nebu platil.. da on ima kartu.. samo je nemre najti.. A ona črna kontrolorka je ponorela.. začne ona glasno da ju pol trajvana čuje.... Znamo mi takve.. svaki dan ih srečemo.. dosta je bilo.. imate karte ili nemate.. Evo …. Selska siđite z trajvana dol.. Bormeš je zdaj ljudima v trajvanu postalo zanimlivo i vsi glediju prema nama.. Stane trajvan na Selskoj..a moj sused Cajger zvleče z žepa kartu i pokaže kontrolorki.. ona sva dešperantna zgrabi kartu i provjeri ju.. Vse je v redu.. A taj čas krene trajvan prema Kustošiji.. pa i ja zvlečem kartu i pokažem onem drugem kontroloru.. I tu je vse v redu.. I kontrolori sva tri se brez rječi okreneju od nas i prejdeju prema napred.. jedin se meni pričinilo da je ona brkata najemput sva pozelenila.. Jena ženska.. fina gospođa.. malo stareša.. komentira celu situaciju.. .. Veli ona na saf glas.. Je meni bilo odmah jasno da se vas dvojica samo zajebavate z tim kontrolorima ..imate praf.. tko ih jebe.. A ljudi okol se začneju smijati. Tak fina stareša dama..a takvi rječnik upotreblava.. .A oni kontrolori se nisu nit okrenuli.. Pa ljudi baš ne voliju te kontrolore v trajvanima.. Se večina njih nezna tak fino i pristojno ponašat prema putnikima.. Se delaju važni kak da kontroliraju v Orjent Ekspresu..



I tak smo Cajger i ja zišli na zajdni štaciji i narafski.. mam smo prešli v brtiju pri Škorpijonu… Pa smo se v brtiji dosetili da smo baš mogli i te kontrolore pozvati na pijaču.. da im se odužimo za .. zajebanciju …… Vu to ime sam si ja spil dva Ožujska z citronom.. a moj sused Cajger tri velka gemišta ….. A do naše vulice ima još par brtija.. a velki odmor si bumo naredili pri Mađarici.. ha.. valjda tu nebu kontrole…Ha ….


………….. Serbus ……………


19:29 | Komentari (12) | Print | ^ |

utorak, 05.08.2014.

kaplice kapleju .......................



Oblaki, razfucani črni,
daždni dan.
I vse sproti tom,
ja bum prešel van.




Lepo se imajte ................................


17:48 | Komentari (11) | Print | ^ |

Pripovetke z moje stare škrinje ……….

Kak sam bil bedast.. trebal sam joj obečat ………………



Denes sam nakon dugog vremna prešel čez Mrazovičevu vulicu.. To je ona kaj z Petrinjske pe van na Palmotičevu.. je dobila ime po onem Matiji Mrazoviču.. Pa taj ni rođen v Zagrebu..al je tu delal..je bil advokat.. .. i se bavil politikom pa je čak imel i svoju političku stranku.. se zvala Narodna Stranka.. Bil je i v neko vreme Zagrebački gradonačelnik .. Se ti Matija rodil na Kalniku.. je to takaj brdo kaj su se na nejmu.. tam v srednjem vjeku.. skuplale coprnice kaj su se išle naprčiti glavnem coprnjaku.. I tak je ti Mrazovič dobil svoju vulicu v centru grada..
A ti je to obična kratka vulica kaj su tu vse sami stanari.. nema tu štacuna nit kaj drugega zanimlivog.. Jedin se v ti vulici moreš nagledat aftomobila kaj su natrpani kak dlake na riti.. Vse jen na drugem.. Praf za praf .. jedva tu moreš i projti..



A negda davno sam tu na broju tri imel jenu pucicu kaj je zmenom išla v osmoljetku.. I tam negde v sedmom razredu se to zgodilo.. Jenog dana je ona dohajbala k meni domof i izjavila mi …lubaf.. Skoro sam na rit opal.. Pa nigdar do teg dana ona i ja nismo ništ okol tega poduzimali.. A je to več bilo vreme gda smo mi fakini dobro zapeli okol curički se baviti.. A se ta mala zvala Zvjezdana i bila je odličan đak.. A vsi su je v školi zvali ..Debela.. pa je bila malo bucmasta..al ne preveč..onak ..taman.. I ni nigdar bila razmetliva kak su v to doba znale bit mlade pucice.. No.. i ona meni otkrije svoju velku tajnu .. veli da je v mene zalublena..se to onda reklo..zatreskana ..još od petog razreda.. Ti vraga..si ja mislim.. taman mi zdaj treba nekakšna Debela kaj se v mene zatreskala.. A ja sam v to vreme več navelko hodil oko one male Mirjane z Gornjeg Grada..z Matoševe 6.. pa bum o tem več jemput tu pripovedal…

No da… velim ja toj Zvjezdani da nebu ništ od te lubavi kaj bi ona štela.. A ona navalila ..pa mi se obesila okol vrata kak na filmu.. i me stala cmokati i cmakati… I Nekak sam se obranil..pa joj velim.. Čuj Debela.. nemre to tak…. Pa samo kaj sam rekel to ..Debela.. ona začne protestirat.. Veli.. Nisam ja Debela..to se vama svima samo čini.. zdaj bum se skinula gola da vidiš… Ti vrapca.. bili smo sami v moji sobi.. moja baka plemenitašica je prešla nekam na trač partiju… I ova Zvjezdana..Debela.. se za praf začela skidat dok ni ostala skroz na skroz.. gola..
Gledim ja.. a kak nebi gledel.. v to vreme si itekak moral snubiti te curičke kaj bi ti i ciceka pokazale..a ne vse do kraja.. I ..narafski.. kaj bi zdaj lagal.. ovak gola je mam zgledela kak da se angelek zpustil nasred sobe.. Ništ ni smetalo kaj je imela visoke kukove i malo širše.. zato je i zgledela kakti debela…. Sam štel povedat da sam se ja narajcal kak stekli pes.. i krenul da bum ja to vse porihtal ..onak.. znate več.. Pa je bila lukava ta Debela.. Je tražila da joj rečem kak i ja nju volim i da bumo nas dva zdaj skup..se reklo..hodili kak cura i dečko.. Pa ak bu vse štimalo kak si je ona zmislila..onda bum i ja dobil vse kaj hoču… I kaj.. ja sam šutel.. malo sam šlatal.. pipal.. ona je cela onak gola visela na meni.. je da se je i ona lovila za..hmmm.. i rivali smo si jezike.. I to je bilo to.. Lepo mi je pokazala kaj bum ja vse dobil ak bum bil dobar.. Debela se oblekla i lepo me zaprosila da o tem nikomu ne pripovedam… I ja sam obečanje održal.. evo.. skroz do denes.. A Zvjezdanu nis nigdar više nazival Debela… Ja sam znal kak zapraf zgledi…

Pa sam tu Zvjezdanu srel na vulici jemput gda je još bila študentica i od onda nigdar več.. Denes sam je setil gda sam prošel pokraj nejzine hiže tu v Mrazovičevi.. Sam se naluknul na imena kaj su pokraj zvonca.. pa nis videl nejzino prezime.. Morti se odselila..morti se udala pa se drugač zove.. V svakem pogledu je več baka.. ak se računa po letima kaj su prešla… Ha.. i denes je ziher debela.. Morti i prolazimo jen pokraj drugeg al se nemremo više prepoznat …..
A v Mrazovičevi je bilo i par fakinof kaj su se računali kakti članovi moje bande..na Zrinjefcu…. I nema dugo je jen odhajbal Bogu po račun..sam videl v Večernjaku partu.. vsi drugi z Mrazovičeve su nekam nestali…
Lepo je gda se setiš teh najlepših dana živlenja..mladosti.. radosti.. bedarija…. Al je teško gda zračunaš kolko je vremena od onda prešlo… I se pitaš..pa gda je to vse prešlo..gde sam ja bil gda je to prolazilo ….A da je bilo teh angeleka.. je.. bilo je..Uhh.


…. I tak to ………………




12:15 | Komentari (13) | Print | ^ |

ponedjeljak, 04.08.2014.

kaj da se dela .............................



Pondelek vjutro.. vsi još spiju.. i susedi.. čak još nit cucki ne lajeju.. Stojim na lesi i slušam.. tišinu.. kak vse zgledi nit denes nigdo ne dela.. Nis mogel spati.. čak sam se ranejše zdigel neg to drugač delam.. Je..a kaj..sam sam pri hiži.. vsi su se nekam razvlekli.. sprešli na more.. vrag jebal tu slanu baru.. ja nis štel iti.. Pa su me još ščera vsi napustili i kazali da nek se snajdem.. jee ..a kak drugač.. pa sam se ja navek v živlenju snalazil.. i to dobro.. pa kaj nebi zdaj .. Pa si tak gruntam spredi hiže.. morti bu gdo naletel pa pemo skup kod Mađarice na kakšnu pijaču.. bu vreme hitrejše prošlo.. Maa.. brus.. nikoga.. Negde tam dalko je nekakšni bedak vužgal kosilicu za travu.. čuje se kak brenči.. No.. je to dost da moj sused.. špengler Zvonko.. zakriči z svojeg šlafcimera da ga je cela vulica čula…. Jebal pas mater tebi i tvojoj kosilici… Na to mam skače nejgova debela ženica i hitro zapira prozora kaj bi još debši špengler mogel dalše mirno spati… Pa i pri susedu vurmaheru ..Cajgeru.. negdo demonštrativno zapire oblok… I dalše .. muk.. čak nit avtomobili denes ne prolaziju.. tu i tam koji.. Aaa.. nikaj.. pemo nekam…



……… I tak.. malo z trajvanom.. malo cipelcugom.. i evo me tu v Stari Vlaški.. samo sam se najemput tu našel.. No.. dobro.. tu je baš lepo.. bum si sel v kafič tu pokraj starog Gustafa i polahko dudlal Nesicu od vanilije.. Pa spet.. brus.. kelnerica tekar otpire kafič i svadi se z gazdom.. Of kriči na nju da zakaj su suncobrani od ščera ostali odprti.. a ova kriči da ih je ostavil oni drugi konobar.. Ja si lepo sednem ..onak malo v šturc . kaj ja znam.. morti se ta dva buju začeli gađati z čikobernicama..ha .. Dojde taj gazda.. mlajši človek.. saf nabrušen pa si i on sedne za stol pokraj mojeg.. Veli konobarici da prestane brisat stole i da donese njemu običnu kavu.. i za mene kaj naručim.. veli da on časti.. Malo se je smiril i postal ljubazan.. . Ja naručim Nesicu od vanilije.. a ta kelnerica.. zgodna mlada ženskica.. nam mrtva hladna veli.. Bute obadva pričekali petnajst minut da se aparat za kavu zagrije … Ti vrapca.. pak je of gazda štel eksplodirat.. .. Pa znaš da aparat uključiš čim otvoriš vrata… kriči on pak na nju.. Ova sirotica samo zlegne z ramenima.. valjda je več nafčena da of ima kratki fitilj.. Nestala je nutra v kafiču.. a of veli meni.. Gospon.. idemo tu malo niže u kafić kod kolege .. ja vas častim.. Častil ti il ne ja bi ionak sam prešel dalše.. Pa gda je človek razpoložen.. bum barem imel z kim pripovedat………
Ha.. ha.. dojdemo do teg drugog kafiča.. ha.. a taj je namrtvo zaprt.. nigdo još ni nit vrata otprl.. stoli i stolci su još z lancem zvezani.. A of pokraj mene jamra na glas.. Jeste vidjeli.. hoče plaču da im damo na vrijeme.. oni s općine me jebu s računima i porezom.. a radnik doma drži babu za muf umjesto da je več tu za šankom… Čujte mladi gospon.. velim ja njemu.. vi da imate tu na tem mestu hotel.. ziher bi se več davno obesili tu na of kandelaber kolko se sekirate.. Nasmije se on.. pruži ruku i veli.. samo navratite vaša runda vas čeka.. I tak sam ja nastavil dalše.. I evo.. pol vure je več prešlo.. baš mi paše i brez Nesice…



Kaj se je pripetilo.. čudim se ja i gledim da se dost ljudi skupilo na trajvanski stanici v Draškovičevi.. A trajvan stoji skroz dol na vuglu pri Trgu Burze.. Aha.. pokvaril se je i zadaj upraf prihajau stručnjaki da ga popraviju.. A tam dole v Draškovičevi još tri trajvana stojiju jen za drugim i čekaju .. Kriči nekakšni šef trajvanski.. rečemo Zetovac.. ljudima na stanici.. Evooo.. za pet minuta bu popravleno i idemo dalje… A ljudi kak i vsi ljudi.. nigdar im ni praf.. gundraju.. kuneju.. Boga.. vraga.. mamicu i trajvanu i tramvajcu i gradonačelniku… Svima se tak žuri kak da na avijon ideju.. Kak človek more bit rano vjutro tak nervozan .. Jen stari.. ima sto let.. tu lamače z rukami kak da bi štel poletet.. i brunda na saf glas kak medved… Pa ga pita taj šef tramvajski.. A kam vam se gospon tak jako žuri.. A stari odgovara da on ide na Mirogoj.. Su se neke ženske tu začele smijat.. Veli mu jedna.. Gospon, tam ziher nebute zakasnili.. I je stari zašutel .. A oni tam stručnjaki su nekaj nabijali po trajvanu i evooo.. ide.. Valjda bu oni stari stigel na Mirogoj prije neg ga vrag zeme…. Znaš.. to ti je fest zanimlivo.. gde god se nekaj spelava..događa.. navek se najde nekakšni kaj ljudima pamet prodaje.. I na vulici ..kak oni stari kaj mu se žuri na Mirogoj.. i v štacunu v redu na blagajni.. i v trajvanu.. i v brtiji.. maa.. gde god dojdeš naletiš na kakšneg filistra.. Pa more to bit i zabavno …………



I evo ti ga na.. pak se je vura malo pomaknula.. ljudi su pomalo začeli zvirat z hiža na vulicu.. Kak se vidi.. sunčeko je opasno začelo delat rupu v oblakima ..moglo bi denes bit velke vručine .. A ja sam se konačno smestil na stolec v kafiču na Trgu Burze.. Prafzapraf.. taj se zove Trg Hrvatckih Velikana ..al ja ga nazivam po starom.. Trg Burze.. Pa fučkaš i burzu i velikane.. još je dost tišine da se čuje kak lepo ta voda z fontane skače i pljuska.. Milina.. kak je lepo.. Narafski.. več drugu Nesicu od vanilije polahko vlečem čez slamku.. Još samo jen takaj stareši gosponček sedi dva stola dalše od mene.. Konobar se naslonil na vrata kafiča pa i on uživa.. I kaj.. najemput meni zazvoni mobitel v žepu.. A bormeš zvoni da bi i mrtveg zbudil .. javim se ja.. zoveju me moji z mora.. dve tri rječi.. bok.. pusa.. Jeee.. sam malo prije rekel kak se svakakšnih mudraca more najti.. a denes su valjda vsi oni z Jankomira dobili slobodni dan.. Javi se ovi stari pokraj mene.. i začne na saf glas prigovarat na te mobitele.. kak posvud zvoniju.. i v trajvanu.. i v crkvi.. i po vulici.. i kod doktora.. i da se ljudi više neznaju nit posrati brez mobitela.. Ha.. konobar prevrče z očima .. mene smeh spopada.. Nesicu sam spil platil.. a konobar je ostal slušat predavanje o mobitelima ….. Pem polahko čez Jurišičevu..pa dokle bu mi se dalo špancirat ….

Lepi pozdrafček ……………….


16:51 | Komentari (11) | Print | ^ |

subota, 02.08.2014.

no.. zdaj je dost teg španciranja ……

stigli smo dol .....




I onda sam pri kraju Duge vulice zavrnul prek Krvavog mosta na Tkalču.. Narafski da mosta ni več parsto let pa nit potoka Cirkvenika kaj su ga kasnejše nazvali Medveščak . Denes teče spodi zemle v betonskim cjevima.. Gledim kak su pred par dni lepo obnovili kafič prek puta ove stare palače.. Vse po starom domačem štimungu.. se reče.. nostalgija.. pa su i na drugu stran vulice deli terasu.. Ipak.. da su mene pitali.. ja bi tu del Šestinske ambrele tak da bi ta nostalgija bila potpuna.. Al ..lepo je i tak.. A ova velka palača ima svoju važnu povjest za naš Grad.. Baš tu je pred točno stodvadesetsedam let jen bogati i poslovni Zagrepčanec postavil..kaj ..ha .. Telefonsku centralu.. Je..je.. naš slavni Zagreb Grad je imel svoju telefonsku centralu prije neg carska prestolnica v Beču.. I taj naš Zagrepčanec.. nekakšni Schwarz.. je otud na vse strane po ondašnjem Gradu razvlekel telefonske žice.. Doduše.. nigde ne piše kolko je teg Švarca to koštalo.. al je ziher da je v ono vreme lepo zaradil pri tom poslovanju.. Pa lepo ja fort velim da je naš Grad Zagreb več z davnine bil Metropola.. a ne od gda se gradonačelnik..oni dotepenec zpustil z brega …



Ha… pogleč.. evo zgodne lepo zrihtane ženskice tu v senci teg reklamnog stupa na Trgaču.. Maaa.. znam ja nju več par let.. kolko put se ona i ja pospominamo.. ha.. Al ni vse baš tak kak zgledi na prvi pogled.. Znaš.. tu na tem mjestu več od gda ja pamtim stojiju oni.. Jehofci.. To ti je nekakšna vjerska branša kaj trdiju da baš oni znaju pravu istinu i baš oni imaju recepta kak dojti praf do kralevstva oneg bradatog gor na nebu.. Imaš takšne kaj stojiju po celomu Gradu i potiho snubiju ljude na svoju stranu.. A fort v rukama držiju te svoje reklame i časopise.. se reče.. Kula Stražara.. Pa ti ja nigdar nis preveč obračal svoje interesenje tim Jehofcima.. Jezušek kak znaju bit dosadni gda začneju deklamirat Bibliju i one druge vjerske spise.. I ja ti navek prolazim pokraj njih kak pokraj turskeg groblja.. Jenom prigodom.. pred kakšna tri leta.. ja zdaljine spazim kak negdo novi stoji na tem mjestu.. TI vrapca.. velim ja sam sebi.. odgdar Jehofci tu pošilaju zgodne ženske mjesto oneh starih babica .. Gledim ja z druge strane Trgača.. je.. ženskica je zbegecana.. nalarfana.. modernu opravu ima na sebi.. modernu frizuru.. se reče.. ekstravagantne.. sunačne očale.. i tak je črna po rukama i onem kaj se vidi kak da je ščera prihajala z Vaikiki plaže … Moram ja to zbližeg pogledeti… No.. jesam.. Došel sam na dva koraka i taman sam rekel ..Dobar dan gospodična.. gda me ženskica pogledi..a ja sam skoro v nesvest opal.. Taj čas sam uvidel da to ni nikakšna mlada gospodična neg ženskica kaj bi i meni mogla bit ..bumo reki.. makar punica.. Ti vrapca.. ima prek sedamdeset let najmanjše.. Ha.. velim ja samom sebi.. kak si se zalepil..kak muha na pekmez.. No.. kaj zdaj.. gda sam več pozdravil.. ostal sam malo pripovedat.. narafski.. o Jahvi i nejgovim avanturama.. Pa nis ni ja bedak.. znam ja dost o vsemu tome.. sam čital i Bibliju.. i Katekizam.. išel na vjeronauk pri častnim sestrama..a v novije vreme pročital i hrpu libri o vjeri i postanku.. I mic po mic.. čudila se ta Jehofka kak ja puno znam o vsemu tom.. I od onda do denes se koji put znjom pospominam.. tak .. z razonode.. Ha.. kak se človek more prenaglit po pitanju ženskih godina.. Doduše z dalkoga.. Al moj bi tatek.. stari kurviš.. na vse to rekel.. Kaj hočeš sinek.. žensko je.. i tu ne treba zbirati.



Gda sam več na Trgaču.. i kak sam se dost nahodil.. dobro bi bilo malo prejti rit zpustit v kakšni stolec i noge spružit.. narafski v brtiji.. Baš me je of čas nazval na mobitel moj dobri pajdaš Dragec.. da on prihaja na Trgač..pa bumo skup spili on kavicu.. ja Ožujsku z citronom.. Taj moj pajdaš Dragec čuva i bedina prvu damu Grada Zagreba.. dakle drugaricu našeg gradonačelnika.. dotepenca z bregof.. pa ju navek prati dok se ona špancira po Gradu..al se sprešetavle po štacunima.. A gda ona prejde svoji frizerki tu v blizini.. Dragec navek mene nazove pa skup čekamo da prva dama zbavi svoje i pozove Drageca.. A to ni nigdar ni manjše od vuru i pol.. pa ja nju dobro znam još od davnih dana.. I ona rad zmenom popriča gda se sretnemo.. Narafski.. z Dragecom se navek najdem tu na Trgaču na broju petnajst.. v dvorišču pri Kavaliru.. A Dragec parkira svojeg mercedesa v Praški vulici..a koji put se i dopela praf na Trgač v dvorišče.. jeee.. ima on ausvajs za to.. I dok on ne dojde ja još hitim koji pogled po Trgaču.. Baš gledim kak se spet vlečeju črni oblaki.. of put dolaziju z Zapadne strane.. pa velim ja.. z teg zapada niš dobro ne dojde.. baš dobro kaj sam mam pokraj brtije.. ak se onom bradatom gor na nebu slučajno kibla zvrne …ha …

Da ste mi gezund ……………………………….


18:52 | Komentari (11) | Print | ^ |

Smo rekli.. dalše …………..

.. pemo prema dole ……….




I dok sam si malo odpočinul v kafiču v Kulmerovi palači na Katarinskom trgu.. premetal sam po tikvi te moje nostalgije za cajtima kaj su prešli.. Znaš ti kaj tega ima v moji.. se reče .. memoriji..ha.. Ti vrapca.. trebal sam ja to ranejše vse biležit.. ovak tekar tolko kolko mi dojde na volju.. pa morti nit tolko nebi da ni oneh mojih pajdašof.. nekaj pravih.. nekaj oneh virtualnih kaj rad pratiju te moje bedarije..a največ ih veseliju slikice našeg dragog Zagreba.. Znaš.. te vse slikice kaj ih ja objavim na svojem Blogu.. to su največ dva dana stare.. razmeš.. a ti moji pajdaši se tu ne javlaju..al znam ja da oni tu lukaju vsaki dan.. dobijem ja često one majlove.. tak da znam da su živi i zdravi..a i čim me ni dva dni mam prigovaraju da gde sam.. Eeee.. to su ti naši Zagrepčanci kaj su več davnih leta zbegli v beli svet.. pa neki tu i tam navrneju vsakih deset let..a ima ih kaj nisu tu bili prek pedeset let.. I kaj.. zdaj su več fajn leta natovarili na hrptenjači i morti nigdar nebuju spet vidli svojeg Zagreba.. I tak imaju tu.. veliju.. virtualu gde se oni zadovoljavaju po tem pitanju.. A meni i ni preveč težko.. Ionak ja fort hodim po mojem dragom Zagrebu.. a aparatlin je navek zmenom v žepu.. Znaš.. više ne vlečem z sebom one velke aparatline.. denes si deneš teg falačeka v žep pa gda treba si ga zvadiš.. maaa.. aparatlina .. i šklocaš naokol..
Viš.. pak sam se zavlekel v te razprave sam z sebom .. a moram nastavit španciranciju jer me bu moja nova poznanica.. Pinklec.. spet pod rebra podboltala ak fulam.. .. Dakle.. evo.. prešel sam čez Kamenita vrata.. narafski da sam se malo pospominal z Marijom.. zaštitnicom najlepšeg grada na svetu..

A viš teg Juru na kojnu.. on ti tu stoji kakti znamen oneh Horvatckih zmajeva kaj sediju tu gor v Kameniti kuli znad vrata.. pa su to vse za nekaj zaslužni ljudi.. Horvati.. doktori.. profesori .. akademici.. pisci.. i još svakakšna menažerija.. Nemreš verovat.. tu ima svoju fotelju i naš gradonačelnik.. oni dotepenec z bregof.. Hmmm.. pa nikomu na ovem svetu ni bistro kaj i on tu ima za delat.. I još taj dlakavi pes veli da je on Zmaj od Zagreba.. Zbilam svakaj… Jezušek da me čuje.. znaš.. on i ja se dobro poznamo od nekakšnih starih vremena.. Najme.. ja sam ti bil Gradcki zastupnik v Gradcki skupštini Grada Zagreba.. pa je i on bil.. I nas dva smo fort ratovali na pasja kola.. da jenom prigodom ni pobegel..zlupal bi ga ja kak vola v kupusu… Kasnejše smo se pomirili pa denes gda se koji put susretnemo spijemo kavicu.al se čujemo prek mobitela.. No.. on je za mene i dalše dotepenec z bregof i on to zna …….
Pak sam prešel v krivu stranu.. vrabec ga dal kaj rad pripovedam.. Sam štel zapraf kazat za teg Juru na kojnu da on meni nikak ne zgledi kak nekakšni hrabri vitez kaj je zmaja vubil.. Bolše mi taj zgledi kakti ribič kaj sedi na kojnu i ribe peca z štapom počekašem.. ha.. A ovi dole kakti krepani zmaj.. bolše gledi kakti Savski som ………….. ha ……..



A koji put.. poglavito gda je jaka vručina i sparina.. i postoji velka opasnost da bi človek lahko ..se reče.. dehidriral.. onda ti se ja dotepem sim gore i sednem tu v Radičevi v taj kafič.. onak .. si zaberem stolec kaj je moguče bliže sredini vulice.. I dok si polahko dudlam svoju Ožujsku z citronom.. durhcug tak lepo vleče z Medvednice..prek Medvedgrada.. po hrptu Kobile.. znad Prekrižja.. povrh Cmroka.. čez Jurjefsku i Radičevu.. prek mojih ramena..dalše dole prek Trgača.. Gajeve.. nekam tam v Turopolje … Milina..



I zda buju malo moja kolena trpela dok se polahko zpuštam po Dugi vulici spram Trgača.. Čuj.. nemreš nit celi dan tu gore sedeti makar bi to bilo sasvim pogodno za mene.. Pa sam si gruntal dal je bolše prejti v Doljnji Grad čez Mlinarske štenge ..al Male štenge dol v staru Tkalču.. no.. ipak bum čez Dugu vulicu.. Zajdnih par let su skorom na vsim hižama obnovlene fasade i malo krovi pokrpani z novim črepovima.. I morem ti kazat da zdaj Duga vulica sasvim lepo zgledi.. Hmmm.. bi ja rekel da velki broj Zagrepčancof nit nezna da je staro ime za Radičevu.. Duga vulica.. A još ih manjše zna da Radičeva ne završava pri Kamenitim vratima.. neg skroz gore pri Ilirskem trgu.. No.. i vse se više raznih štacuna otpire v Dugi vulici.. pa največ kafiči i one suvenirnice.. Dugo je trebalo Gradckim poglavarima da skužiju da jena od nastareših vulica v Gradu mora imeti.. se reče.. sadržaja.. A jeee.. rad se setim Duge vulice.. gad sam se kak klinac zpuštal dole na terezini al rolšuhama.. Narafski.. navek sam opal dol pri kraju …..

Još par korakof i dole smo …. Bok ……………..



12:11 | Komentari (3) | Print | ^ |

petak, 01.08.2014.

I tak dalše ………….

Čaga v Lapizdariji ………………….



Nemreš verovati.. dojdem na Jezuitcki trg i kaj vidim… Ništ.. zapraf vidim prazni trg .. brez ijenog sparkiranog avtomobila.. To je velka slučajnost .. Tu ak nije tak puno teh zparkiranih da nemreš projti onda je barem jen tu spredi Klovičevih dvora.. Zapraf su ti Klovičevi dvori stari obnovleni Jezuitcki samostan .. Je to jena starina med najstarešim na Gornjem Gradu.. Pa ja zdaj nebum preveč o tomu pripovedal..makar se ima kaj.. od oneg kaj sam si zgruntal.. Jedin je dobro nekaj kazat za ovu tu lepu fontanu.. Negda gda sam još bil fakinček..ta je fontana delala.. bila je puna vode koja je curela onoj zmji z gupca .. kaj ju of tu železni hoče zagutit.. Ti ne moram posebno reč da smo se tu po ljetu kupali..onak v hlačama i cipelišima.. A kak drugač ak si z dolnjega grada došel sim gor.. Jenostavno smo bežali okol te fontane i polevali se..i na koncu bi ionak skroz mokri zašli nutra.. V ono vreme je ta fontana služila zalublenima za sreču..pa su nutra bacali sitne peneze.. one aluminijske dinare.. Al mene nigdar ni nit jen dopal jer je vse pokupila banda z Gornjeg Grada.. I da sam onak mokri došel domof na Zrinjevac i fasoval od moje bake..plemenitašice.. jezikove juhe..
Pa bumo rekli da je ta fontana tu.. zapraf samo ona brončana skulptura teg ribara kaj guti kaču.. ništ drugo neg falsifikat.. rečeju još i.. replika.. jene iste takšne originalne.. A ta originalna je baš v samem Beogradu v Srbiji na onem bregu Kalemegdanu.. pa je to naredil..kak veliju.. velki srbijanski vajar.. jebal ga vrag .. nekakšni Simeon Roksandič.. Jemput sam se ja interesiral kak se je to još od davnine tu našlo..i nigdo mi ni znal povedat.. nit oni z Grdckog ureda za spomenike.. No.. to je tu.. Dugo leta ta fontana ni delala i bila je fest zapuštena.. Tekar v novi državi Horvackoj je spet popravlena..obnovlena i zdaj riga kača vodu.. Lepo je čuti kak v toj tišini voda žubori ….Posluhni ..ha …….




Pogleč… to ti je Habdelićeva vulica na Gornjem Gradu. Ma ni duga ni trideset metrof…..To je ona kaj ide z Kamenite na Jezuitski trg. Je dobila ime po onem Juraju Habdeliću kaj se rodil kak plemić a završil kak pop… Jezuit. Je napisal nekakve pjesme još tam… hiladušesto…..i nekog leta… je isto napisal libre o moralnim vrlinama. Viš denes već nigdo ne piše o vrlinama.. a kaj bi o.. moralnim …ha ….
Pak mi do pisanja o Habdeliću neg o vulici kaj se tak zove. Nema tam nikaj posebnog za videt…hiže kak hiže….al.. ima jen podrum.. uski i dugački. Pa je i dost niski plafon… kaj bi malo vikše poskočil bi si glavu fdrapil u boltu od cigle.
Je…je… to je Lapidarij.

Tam na početku šezdesetih negdo se dosetil pomesti taj podrum i napraviti pravi plesnjak. Za kratko je postal poznat v celom Gradu. Ne zato kaj je sviral nekakšni od najbolših VISova… vokalno inštrumentalni sastav… ti vrapca si denes jezik pretrgnem… neg stoga kaj je to bil jedini plesnjak…čaga.. gde si mogel nutra kupiti pijaču…kak su onda govorili… cugu.. i to pravu prafcatu.. I još ga je nekaj delalo fest poznatim… skoro celo vreme se tam plesalo i tancalo v črnoj kmici… samo je kakšna svečica gorela tam pokraj muzikaša.. je..je… svetlo se palilo samo na početku i na kraju i gda bi.. djevojke birale..… Su i muzikaši svirali v kmici. Pak je svaki put tam bilo šore.. to ti je tučnjava …kaj su se nutra napili pa drpali ženske gdo je koju stigel… v kmici. Jemput je bila velka tarapana .. je negdo nekakvog klinca z nožem spikal.. pa je milicija zaprla plesnjak..
Od onda smo Lapidarij zvali…hmmmm … La Pizdarija…. Je a kaj.. je bilo tak..
Pak su ga lepo preuredili sredinom šezdesetih i od onda je postal poznati klub gde su svirali i popevali vsi poznati moderni pjevači i muzički sastavi. Više tam ni bila čaga kak na početku.. neg noćni klub. Su se tu održavale i svakakve izložbe… pa knjižke večeri.. su se čitali stihovi…i još svakaj …….

Al je najbolše bilo dok je bila čaga. Tam prek puta.. malo vizavi.. na Jezuitskom trgu je bil.. je i denes.. Jezuitski samostan.. sav zapuščen i s daskami zabit. Je imel puno soba… velki tavan… i duboki podrum… zarašteno dvorišče… To je bila prava stvar.. ta stara podrtina..
Ak si na plesnjaku vlovil kakšnu pucicu kaj je došla sama… i ak si joj se znal podvalit… si je malo otpelal v taj samostan na.. hmmm… razgledavanje. A gledit si tam nekaj mogel samo ak si imel fajercajk kaj bi si puta posvetlil.. Jeeeee…. Smo razgledavali starine…. S rukami pod kikljom i s rasprtim šlicom….. No je to za prvu silu bilo dobro….. Je bilo i velkih falinga v tom ropotinju… Je pod bil od strganih trulih daski… je plafon visel na sakih par metrof….. je sve bilo zapišano i smrdelo kak zverinjak… a lahko bi.. ak nisi pazil… koraknul i na kakšni drek..
No je bilo najvažnije da je tam bila kmica.. A gdo je got došel tam prije nekog drugeg .. moral je imeti zapaljenog čika… tak da se znalo gde je bezecirano mesto.. E.. da… bila su to lepa vremana………………
Je Lapidarij delal tam negde…. do sredine osamdesetih… Za zadnjega rata je bil kak sklonište… i zdaj je zaprt…. zaboravlen…. pohaban…
Su Habdelićevu vulicu lepo uredili… fasade ofarbali…. Jezuitski je samostan već davno popravljen.. obnovlen.. i postal je muzejski prostor.. Se i koncerti tu spelavaju..
Samo stari Lapidarij spi… iza železnih rešetki z velkim lokotom….denes je to samo… pizdarija................



Evo.. to je taj Julije Klović po kojemu se naziva ta starina.. Tu su ga postavili oveg leta.. No..a kaj..ak je tak zaslužan neg bu.. Makar meni taj bolše zgledi kak nekakšni stari Venecijanski hohštapler neg kaj pop.. Ha..al vrline su vrline.. navek nekaj dobroga…ne .. Pa mi ni bistro zakaj tu zvanjske strane na zidu ni velka ploča na koji bi pisalo da je ta starina negdarnji Jezuitcki samostan.. I da je v taj stari samostan smestila svoju najvekšu i najbolšu pripovetku .. Tajna Krvavog mosta.. ona naša Marija Jurić Zagorka.. Pa bi njoj tu bolše pasal spomenik neg tam dole v Tkalči pokraj negdarnjeg kupleraja.. Pihhh…….

Pemo dalše ……………………..


21:17 | Komentari (8) | Print | ^ |

Špancirancije..a kaj drugač ……………..

prek Griča brega ..............



Ipak sam se odlučil sprejti čez Mesničku vulicu.. da ja vidim kaj se tu dela jer odzdol z Ilice vse fort jednak zgledi.. I baš kak sam si gruntal..tak je.. Na celom..se reče.. gradilištu delaju četiri šljakera.. a od teh su dva šefovi.. Pa kak onda da posel pe naprej .. Trebal bi to videt naš gradonačelnik.. oni dotepenec z bregof.. pa onda nek zmišla toplu vodu ak more.. Gda bi tu deli dvajset radnikof.. nebi imeli kaj delati mesec dni celu vulicu.. Ovak to nebu do jeseni zgotovleno.. A to ti je tak gda posel dobi poduzeče kaj ima prijavlena tri radnika..a još pedeset Bosancof dela na črno..al ne tu v Zagrebu neg negde na obali pokraj mora delaju apartmane.. Narafski za peneze kaj im je naš gradonačelnik dal kakti..avans… A gda bi zdaj začeli razpravlat o oneh deset posto penez kaj se sprema v žep po skrivečki.. eee.. no.. to je zabranjeno na javno iznosit.. Veliju.. poslovna tajna.. Kak bilo da bilo.. gda bu zgotovlena.. Mesnička bu ziher bolše zgledela…….



TI vrapca.. več sam pomislil da je v naš Grad konačno došel oni kralj Matijaš.. Je taj kralj davno živel a i of Mercedes je več davno z fabrike zišel..ha.. No.. taj kralj Matijaš.. to ti je bil Mađarski kralj..a uzput i Horvacki jer Horvati nigdar nisu mogli zmed sebom zabrati kralja.. pa ni važno to.. Taj je kralj Matijaš po celomu svojem kraljefstvu fort landral i plahutal.. kakti je nadgledal kaj se vse spelava.. Narafski da je hodil ..se reče.. inkognito.. Pa gda je videl da se negde dobro dela i redovito plača poreza.. tu bi pohvale i odlikovajna podjelil.. a gde bi videl da se fuša.. eee.. tu bi onda žmukleri fasovali svoje..
A naši vredni Zagrepčanci.. Purgeri i vsi dotepenci.. su navek nekaj žmukljali i skrivali sam da nebi morali preveč poreza platiti.. Pa se jednog dana dočulo da bu se i tu pri nama naskoro pojavil glavom kralj Matijaš.. Mam je zavladala ..se reče.. panika.. strah i bojazan da morti i tu nebu pravedni ali strogi kralj prekopal Zagrepčancima štrozake i dukate povadil.. Hmmm.. morti je i onda bila ta.. veliju.. fiskalizacija.. No.. da bi kralja preduhitrili su spametni Zagrepčanci kralju v Peštu poslali glasnika z depešom.. A su mu naškrabali da ga pozivaju ksebi v goste jer su ga željni videti i čuti.. Ali.. Ali.. su v pismu napomenuli da za tu prigodu v Gradu Zagrebu na Griču bregu nema tak lepe i razkošne palače v koju bi se kralj smestil gda dojde.. A su i napomenuli da Gradski Magistrat nema dovoljno penez kaj bi mogel zgraditi kraljefsku rezidenciju.. Pa tak poručuju kralju da nek im oprosti vse poreze i još pošalje mit.. dukate..razmeš.. da vrli građani moreju izgradit kraljefsku palaču..
Kaj da ti velim.. naši su Zagrepčanci od navek bili fest spametni ljudi.. Kralj je odgovoril da im oprašta vse poreze i još im je poslal vreču dukata da mu tu v Gradecu narediju dostojnu palaču.. Haa.. se bormeš kralj Matijaš načekal dok su Zagrepčanci cigle poslagali.. Skorom deset let je kralj opraštal poreze i slal dukate ..al istini za volju.. nigdar ni došel videti svoj kraljefski dvor v Zagrebu Gradu.. A Zagrepčanci su i računali da bi tak nekaj moglo biti.. Zazidali su kralju Matijašu palaču.. gad več nisu mogli lagat.. za samo dva leta dni .. je nazvana Dverce .. al ni približnu takšnu kakšne su peneze za to dobili neg pol majnšu.. Narafski.. negdo si je i v ono vreme peneze trpal v žep …
I tak of tu kraljefski dvor stoji več okol pecto let .. Tu se odnavek spelavaju Gradcke svečanosti.. balovi.. primaju i ugoščavaju važni ljudi z celoga sveta kaj dojdeju službeno Zagreba vizitirat.. Nutra v Dvercu je skorom jednak razkošno i po kraljefski uređeno kak je i bilo zpočetka gda je napravlen dvor.. Na gornjem katu su dve ogromne dvorane.. v jedni se primaju gosti.. tu se jede i pije.. pripoveda.. v drugoj se održavaju svečani balovi.. ples razmeš..al to je jako rjetko pa največ za Novo leto… V prizemlu je negdarnja kuhinja.. denes moderno uređena ..al se tu nigdar ne huha.. Gda se nekaj tu spelava.. žderilo i pijača se donese zvana.. veliju.. ketering… Odostraga spram Promenade su spavače sobe za kralja i nejgovu svitu.. Spodi Dverca su ogromni podrumi i denes z železnim vratima zaprti tuneli kaj ideju spodi celog Griča brega..
Z početka šezdesetih su v tem podrumu v Dvercu naredili plesnjak.. čagu.. al je potrajalo samo par meseci i su zaprli.. Plesnjak su premestili dole v Ilicu 24 i nazvali po onem gore.. Dverce……………….



Makar mi se ti črni oblaki znad našega lepog Grada fest pretiju.. ja pem pomalo dalše.. Ima se kam sklonit ak začne dež cureti.. Nikaj mi više ni čudnovato ak se najemput voda zlije z neba.. Ak tak nekaj moreju zdržati Vijetnamci.. pa kaj smo mi Zagrepčanci morti nekaj slabši od oneh žutaka z očima všrek..ha … Malo sam si postajal spredi negdarnje Šeste gimnazije.. Eeeee.. to je prava pripovetka.. tu su bile curičke na po izbor.. Al to bum jen drugi put spripovedal… a ima se kaj .. Zdaj prvo pem tu prek puta v Kulmerovu palaču v kafič na Nesicu od vanilije…..

Pemo dalše ……………….


18:44 | Komentari (7) | Print | ^ |

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.