četvrtak, 31.07.2014.

…. Noro vreme ……

..a tak.. malo pripovedam sam z sebom... ha .....

Denes pa nis nikam dalše od Trgača prešel.. vreme ne dopušta nikakšne dugačke špancirancije .. Oblaki tak visiju znad naše Medvednice..a kmično je kak da je vreme večere.. Vsaki čas kakšna kaplica opadne kak da nas vse opominje da bi moglo bit i goršega.. ljudi ni nšt po vani ..vsi su ziheraški ostali spodi svojega krova..
Baš gledim tu na vuglu Praške dve častne sestre.. ti vrapca..jena manjša je dost zgodna.. gda bi joj oblekel malo kraču kikljicu i del visoke pete.. nebi se imelo kaj prigovorit.. A još ktomu nosi moderne očale.. pa još i pametno zgledi.. je.. A ja sam tu v šturcu pa samo gledim sim pa tam..pa nekaj šklocnem z aparatlinom .. Bormeš sam tu na jenom mestu stajal jeno pol vure.. A te dve časne su klepetale i klepetale.. mahale z rukama.. klimale z tikvama.. Ha.. pa se ja pitam o čemu te dve imaju tolko za pripovedat.. tam su v svojemu samostanu zaprte zmed četiri zida..hmmm.. kakšne one imaju doživlaje za povedat .. Ha.. vrabec ga dal .. morti se kaj zanimlivog pri njima događa.. ha.. trebalo bi to videt znutra da bi človek mogel znati.. samo kaj nutra med njih nemreš.. Škoda.. morti bi baš bilo lepo…ha …….maaa.. molil bi ja znjima očenašeka…ha ……



A na Trgaču kak i navek.. osečam se tu kak v svojemu dvorišču.. Jezušek..kaj ja vsega pamtim z teg našeg lepog Trgača.. mogel bi naškrabat libru debelu kak tri Biblije skup.. Pa ja se tu vrtim od svoje pete godine živlenja.. Z pet let sam se več sam išel igrati na Zrinjevac.. narafski.. pa bi z starijima dečkima zbrisal vse do Trgača.. A moja je baka fort pazila na mene čez oblok.. dežurala je kak žandar .. i čim bi vidla da me ni na vidiku.. mam bi se našla dole i dobežala po mene na Trgač.. A mi smo fakinčeki navek na Trgaču bili tam na Cesarčevoj livadi prek puta Gradcke Kavane.. Tam je od gda ja pamtim zgledelo kak i denes zgledi.. hoču kazat da je tam od navek bila trava. I još par dreva više neg denes.. i ni bilo teg zida kaj denes zapira te stare hiže.. pa smo se mi deca tam valjali skup z cuckima.. V ono vreme se na Zrinjefcu ni smelo po travnjaku hoditi.. mam bi te naganjal čuvar parka.. pa smo onda bežali na tu Cesarčevu livadu.. A največ smo na Trgaču sedeli na vuglu Praške.. tam gde su negda svoje poslovanje imeli Cigani.. čistači cipela.. pokraj oneg negdarnjeg starog šekreta kaj je bil pod zemlom.. tam smo sedeli pri fasadi hiže na trotoaru i gledeli i brojali avtomobile kaj su prolazili.. Znaš.. v ono vreme je Praška vulica bila dvosmjerna za avtomobile a i trajvan je pelal.. V to doba još nisu taksiji stajali v Praškoj neg tam na početku Petrinjske.. No.. i tak bi mi gledeli avte i kričali.. Puj pečat moj nikad tvoj.. Kakti smo za sebe birali dobre avte.. A praf za praf.. onda i nisi imel kaj zbirati med avtima.. vse sami prastari Fijati.. Citroeni.. Borgvardi.. Simke .. Dekaveji.. i narafski.. oni mali Fičeki…. Al nama je bilo zanimlivo.. A ja bi vsaki put dobil špotancije kaj sam zbrisal z Zrinjefca na Trgač.. Pa bi baka nakefala i te moje starije pajdaše.. su oni bili z susedctva.. A oni su kričali.. Teta.. nismo ga mi zvali.. sam je došel za nama.. . A moja baka.. plemenitašica.. morala je to moje .. se reče.. izbivanje dalko od hiže referirat mojem tateku čim je of došel domof.. Ha..a on je kak i navek mahnul z rukom i rekel.. Aaaa.. pusti ga.. mužko je …. Jeee.. Trgač i Zrinjevac.. pa vse do Kolodvora je bilo moje ogromno dvorišče… ha…..



Ipak bum ja pomalo zbegel na zapad.. nemam potrebe čekati da se nekaj zlije z neba.. A nebo ne da je oblačno kak zna biti neg je potpunoma sivo i kak da se zpustilo do samih krovova hiža.. Nebu dobro.. gruntam si ja.. nikam dalše od Ilice.. ak se debelo zlije ta voda z neba.. lahko pobegneš v kakšni štacun ak baš ni brtija pri ruki … I onda po štacunu razgledavaš kak da si prava mušterija.. A zgodna ženskica kaj nutar prodaje hodi za tebom pa te pita kaj trebaš.. pa ti nudi ovo..pa ono.. A ti samo klimaš z tikvom kak da se nemreš odlučit.. I na koncu prejdeš van jer ti postane ..se reče.. bedasto.. a ženskica ti ziher spominje mamicu sam se ne čuje…ha ….. Pa nis ja tak jemput naredil.. Znam ja ……



Baš gledim te stare hiže v Ilici.. sam ti večne jemput rekel da su skorom skroz prazne.. nit gdo stanuje v njima nit gdo kaj dela v štacunima.. A vse ih je više takšnih.. jeee.. tima je presuđeno da ih buju rušili..samo je pitanje vremena gda se bu do zgodilo.. A največ se zgodi prek subote i nedelje..gda je manjše ljudi po vulici.. i gda v podelek projdeš Ilicom.. videl buš samo kak na kamijon tovariju stare cigle i šutu.. I onda meni dojde da plačem od žalosti.. Kolko je hiža v našemu Gradu tak zrušeno v zajdnih petnajst let.. sam te na njih podsječaju nove moderne hiže..zapraf škatule od betona stekla i železa … A kaj.. Ništ……valjda tak mora bit ……I nas bu vrag zel gda dojde vreme….
Tak na vsakih par korakof čez Ilicu naideš na kakšnu staru hižu..al više njih na kupu.. kaj im je sudbina zapisana.. Na.. tu je bil ona lepa ..stara.. poznata restavracija .. Tri srca.. i je imela lepu bašču v dvorišču.. pod brajdom.. Narafski.. nema je več petnajst let.. Pa su te hiže kupili.. nemreš verovati.. Kinezi.. i su jeno vreme tu imeli restavraciju.. pa onda štacun z onom bofl robom.. a zdaj je več par let vse zaprto.. ni videti nit Kineze nit koga drugog …
Malo dalše dole v Ilici je negda bil stari šušter kaj je vmrl je bilo par let zaprto.. Od nema tomu dugo je pak odprto i to je nazaj šušteraj..al samo za poprafke cipeliša.. Pa je čak taj mladi človek.. a to je sin od negdarnjeg šuštera.. to otprl ..kak je rekel.. da se ne zaboraviju stari zanati i obrti.. I za to je dobil potporu našeg Gradckog Poglavarstva .. A ta potpora znači da of sinek Ferdinand more tu delati taj stari šušteraj a da ne mora plačati nikakšne poreze.. Pa lepo je to da se v našemu Zagrebu tak dobrohotno gledi na te stare zanate i obrte.. Pa je taj tu Ferdinand bil neki dan na televiziji i žalil se je..da se lanjske jeseni nit jen učenik v Zagrebu ni zapisal za učenje postolarskog zanata.. Kak vse zgledi.. teh par takšnih šuštera .. mogel bi ih zbrojit na prste jene ruke v Zagrebu.. bu za kratko vreme potpunoma nestalo.. Tak je i sa starim šnajderima .. remenarima..torbarima.. i još kolkim starim obrtima.. a nekih več davno ni ……



Viš..Ja se navek veselim gda sretnem starog Đuru kaj se klati.. štropoče i cvili po tračnicama.. I taj je stari trajvan zanimlivi del moje Zagrebačke povjesti..Pa sam ja nekaj o tem trajvanu več nekolko put škrabal.. se više nit ne sječam gde.. Eeeee.. to su bila vremena avantura kakšnih današnja djeca i fakini po Zagrebu nigdar više nebuju osetili nit doživeli.. ja bi rekel da se moje vreme nigdar več nebu ponovilo.. Nestala je ta moja Pulfer generacija.. A vsi se slažeju da su ta stara pedeseta i šezdeseta leta bila nekaj kaj se nigdar nemre pozabit, al nit ponovit.. Po vsim pitanjima je to vreme bilo nekaj posebnoga .. Narafski.. med te posebnosti se posebno treba zabiležit .. da su još bolše bile posebne v našemu prelepom Gradu Zagrebu … Gdo nezna.. a gdo mu je krif …ha ………..
Čuj.. počele su nekakšne debele kaplice padat od zgor.. malo prije mi je pajdaš javil da pri moji Kustošiji dež curi kak da se onom gore na nebu bradatom korito prošupljilo.. I zdaj se moram odlučit.. bežati na trajvansku stanicu i dostignut onog starog klimavog Čeha..a to je vse v vsemu deset dobrih korakof.. Al skoristit.. se reče.. alternativu..ha.. kakšna dobra rječ.. i zajti tu v brtiju kaj je na dva i pol koraka.. Narafski da sam zabral ovu drugu.. veliju ..soluciju.. Ti vrapca kak sam se začel pametno izražavat..ha .. pa nis ja zabadaf išel pokraj škole..ha .. A ovu tu brtiju ti drži jena zgodna ženskica ..tak..srednji godina.. zove se Petra.. A ja ti nju poznam več dost dugo kaj je ona držala pravi nočni bar v Kustošiji na Ciglani..mam pokraj Kustošijanske Name .. Pa kak taj bar ni baš bogznakak dobro posloval..ga je zaprla i tu znova začela v brtiji…. Nije nit tu nekaj posebno gužvancija… to je takšni del Ilice gde se nikaj ne zbiva.. po hižama vse samo stari stanari.. nema ..se reče.. klijentele.. ha ..evo spet mene z finim izražavanjem.. Zbilam neznam kaj mi se to događa.. vse sam bolši i bolši.. No.. zdaj bum si tu pri Petri spil koju Nesicu od Vanilije i malo popričal z ženskicom.. pa znam ja tu često zajti i njoj je navek drago …
Bormeš.. dečki.. zadržal sam se pri Petri dobre pol vure.. zbrisal na trajvan.. dopel se do Kustošije i hitro zbegel domof.. A onda se nebo otprlo kak da bi škaf zvrnul.. Vrag ga zel.. začelo je pljuštat kak z vatrogasnog šmrka.. veter je to vse začel nositi na vse strane..a zagrmelo je tak da su se pri meni šajbe na oblokima tresle.. Velim ti.ja… začel je Armrdong..Ne.. Aarmagond.. Ne.. ti vrapca.. Armagedon.. jedva sam se setil…uhhhh….

Serbus…. Imajte se dobro ………


09:14 | Komentari (2) | Print | ^ |

srijeda, 30.07.2014.

Jee.. ljeto ...................



Bormeš je praf tak.. toplina kak vsred leta..ha.. Dobro ja velim da treba sencu poiskat.. A veliju da i treba dost tekučine vlevati v sebe.. kažu da slučajno nebi človek.. se reče.. dehidriral.. No.. pa ja baš nigde nis pročital da ta tekučina baš mora biti voda.. Tekučina je tekučina.. a i Ožujska z citronom je taki tekučina.. Prema tomu ja spadam med one koji uzimleju dost tekučine protif dehidracije.. Jednak tak gledim kaj je moguče više držati se sence.. Pa je praf da najbolšu sencu delaju lisnata dreva.. a taki nigdo ni nigdar rekel nekaj protif oneh ogromnih ambrela spredi brtija i kafiča.. Senca je senca… taman da ti ženska razvleče kiklju znad tikve.. Viš.. ja se vsega dobrega.. kaj se dotikavle zdraveg živlenja.. držim .. Jee.. i veli mi moja suseda Metuzalemka.. ta ima okol sto let.. da ja njoj zgledim kakti kakšni dečec.. Ti vrapca.. pa ja se više opče ne sječam kak sam zgledel kak dečec.. a ona to v meni vidi.. Hmmm.. valjda joj bu pak nekaj trebalo naredit.. je . je.. i navek mene najde.. Dečec …Ha .. ti vrapca …..



…A nema ti bolšeg neg malo ranejše vjutro sesti si na klupu v kakšnem parku.. dok još sunčeko ne začne žgati.. taman da se lepo zagrijeju stare kosti.. I dok ti trpiš tu .. veliju.. sunčanu terapiju.. malo si zgruntaš.. narediš kakšni.. se reče.. raspored za današnji dan.. Usput zbrojiš vse cucke kaj su dopelali svoje gazde na scanje v park.. pa gazde scaju a cucki čike hičeju po travi .. Hmmm.. čekaj.. nekaj sam tu zmešal.. ha.. A kaj moreš.. još je rano.. zbilam si moram prejti nekam v sencu cajtunge spregledeti i spiti kakšnu Nesicu od vanilije..Kasnejše bum i te kak vodil brigu da slučajno nebi dehidriral .. tekučina.. me razmeš ……………




…Kaj veliš.. ha.. lepota za videt.. to lepo cvetje.. Ono proljetno se je več odavno sprešlo.. a ovo bu trajalo malo dulše.. Viš kak se naš gradonačelnik.. oni dotepenec z bregof.. brine za lepotu našeg Grada.. A pogleč onu palaču tam kaj se odostrag vidi.. Ha.. gda god tu projdem ja se setim da sam tu fajn let delal svoj posel i staža služil.. .. Negdar je tu bil GZH.. se reklo Grafički Zavod Hrvatske… Narafski da je propalo.. kak i vse drugo.. No.. ja sam zbrisal na vreme.. Dok sam ja v tem GZH delal.. tam je teklo med i mleko.. prafzapraf .. je drek.. tekli su Badel.. piva i gemišti.. Eeee.. to su bila prava vremena.. Došel si na posel vjutro.. narafski da si zakasnil jer si moral z pajdašima malo duže ostati v brtiji.. Nakon tega si malo delal i več je bilo vreme za gablec.. I to vreme za gablec smo skoristili da si malo odigramo koju partiju Bele.. I gda je zvonilo da je vreme za gablec prešlo..ha.. prešli smo i mi velki radniki.. praf v Zagorec v Frankopansku.. Naravski.. na fileke z parmezanom.. mmmm.. kaj je to bilo fino.. Jeee.. posle filekof smo još koju rundu pive al gemištof odradlili pri Zagorcu.. a bormeš i z sebom odnesli v firmu litru i vodu.. I onda smo spet malo delali.. I tak.. dobro je bilo.. plača kak v Ameriki.. Stoga ja nit nis išel nikam z mojeg Zagreba van.. Tu sam ja imel svoju Ameriku kakšnu ni nigdar nit jen Amerikanec videl.. nit nebu …Jeee.. bilo pa se spominalo …..



Vrabec ga dal.. ja vse nekak v krug španciram.. i pak sam pri Trgaču.. Malo se bum naluknul jer tu se navek ima nekaj za videti.. .. Baš gledim tu tablu kaj veli da je tu Dubrovnik Kavana .. Znaš.. negda davno dok sam ja još bil fakin ta je Kavana bila fest zastuplena od Zagrepčancof.. navek je bila puna..od jutra do večeri.. A imela je i .. se reče.. svoju terasu na strani Trgača.. I to je bilo fort popunjeno.. I onda se negdo dosetil da to nebi trebalo tak bit..pa su prvo tu terasu maknuli.. a za kratko je i sama Dubrovnik Kavana bila zaprta.. I je bila fajn dugo zaprta.. Jedin je ostal jen mali del koji je delal kak obična brtija.. Pa se po tiho pripovedalo da su Kavanu dali zaprti oni črleni komesari jer su se tu okuplali kakti.. se reče antidržavni elementi.. A v prostoru Kavane su se spelavale svakakšne druge stvari..pa je čak jeno vreme to bilo nekakšno skladišče.. Gda je došla Nova Horvacka država.. su tu Kavanu obnovili i pak deli terasu na stranu Trgača.. No ni dugo trajala.. Negdo je prigovoril da ta terasa smeta ljudima.. prolaznikima.. pa su je maknuli i naredili ju tam z Gajeve vulice.. I moram ti kazat da nit ta terasa a nit nutra v Kavani ni nigdar puno ljudi.. Zapraf nutra još i najdeš kakšnog penzijonerca kaj tri vure dudla svoju kavicu i drži cajtunge spredi tikve da se ne vidi kak drema....al na terasi nigdar nikog nebuš videl da sedi.. Jeee.. sam pozabil.. ipak sedi .. konobar.. Tak ti je to gda jemput pehneš v nekaj staroga.. Projde vreme i ljudi zaboraviju stare stvari… Tak ti je i z Gradckom Kavanom.. par let su ju kakti obnavlali.. i zdaj gda je lepo vređena.. nigdo v nju ne zajde.. Al su stoga pune kak šipak one novejše kavane.. Mala Kavana i Viner Kavana na Trgaču…..



Jezušek kak mi je vreme hitro prešlo.. Spominam se sam z sebom i opče ne gledim na vuru.. A i sunčeko se zdiglo pa se več oseti kakšnu ima moč.. baš gledim kak se ljudi švicaju..vse im se po tikvi cjedi.. A ljudi skidaju.. pulovere vindjakne.. kabanice.. kaj su ih vjutro oblekli.. Su računali da bu dež curel.. al ni.. bu popoldan ziher.. zdaj im je pa vruče.. Ha.. a ja sam denes samo v rubači ..al imam onu malu cigajnsku ambrelu zataknutu v oni žep na trapericama .. Znaš.. ja ti nosim one Lee.. a te imaju sa strane posebni žep.. praf za ambrelu.. .. I zdaj si bum podfrknul rukave.. kak kauboj.. Moja baka.. plemenitašica.. navek je kritizirala mužkarce kaj imaju zafrknute rukave na rubači..a nikak ni mogla razmeti da mužki nosiju i rubače z kratkim rukavima.. Je rekla da je to odvratno gledeti te dlakave ruke.. Tak sam i ja fort moral imeti na sebi speglanu i poštirkanu belu rubaču kaj mi je kraglin vrat nažuljal.. Viš.. moj tatek ni nigdar imel zafrknute rukave nit je nosil kratke rukave.. Taj se držal navek kak pravi grofofsi fačuk.. fort je imel ajncug i kravatlin a na tikvi škrlak .. I do konca živlenja ni menjal tu navadu.. Je znal kazat da samo obični šljakeri imaju zafrknute rukave na rubači.. Tak je i mene štental da moram bit oblečen kak sin grofovskog fačuka.. TI vrapca.. pa ja sam navek imel speglane hlače.. belu rubaču.. zglancane cipeliše kak da se vsaki dan pem firmati.. No.. dobro.. kaj zdaj.. Bormeš.. tam od Medvedgrada su začeli prihajat nekakšni oblaki.. kak da se črni mački po nebu španciraju.. Dečki.. pem ja polahko domof …

….. Bok …


18:43 | Komentari (2) | Print | ^ |

utorak, 29.07.2014.

vsi ti cajti kaj su prešli ..............

čaga na Ribnjaku



Navek mi je lepo prejti zdol od Draškovičeve..al čez Branjugovu gor spram Ribnjaka.. Makar je v vulici Ribnjak velki promet.. trajvani drndaju jen za drugim.. avtomobili brundaju.. nekak vse zgledi dost pusto.. Makar su tu velke stambene hiže.. kak zgledi vse samo stari ljudi su tu ostali.. A to je mam bistro gda človek pogledi prek puta v oni Popof Park..al zapraf se zove Ribnjak.. Nebuš denes tam videl kak negda stotin dječice kak se naganjaju po parku.. na njihalkama.. toboganu.. pješčaniku.. Ništ od tega.. Nit buš videl mamice kak pelaju pajkrte v kolicima..pa se okuplaju i klafraju o svojim princima i princezama.. nebuš tam pri negdarnjem bazenu videl penzijonerce kak šnapsaju.. Ono kaj je najbolše vidljivo su prazni i zaprti štacuni .. i to vse do jenog.. po celi vulici Ribnjak.. A negda je tu bilo vsega i svačega.. i špeceraja i knjižara.. i kancelarija.. razna poduzeća .. strajnska predctavništva .. brtije.. cafe barovi..biblioteka.. Baš ništ ni ostalo.. vsi su prostori zaprti.. zapušteni .. Praf za praf.. težko je tu opče sresti človeka da pe po vulici.. Prek puta v Popovem parku jedin moreš fort videti kak ljudi cucke dovlačiju na scanje i sranje..



Je to bilo doba gda su na Ribnjaku prestali s gažom oni Bijele Strijele…. Ti su prešli na Trnjansku v Jeđut…mam tam prek oneg negdašnjeg pješačkog nadvožnjaka.. a prek puta starog Paromlina..
A na Ribnjaku su začeli svirati ..kakti za stalno.. Crveni Koralji i njihov…kak se veli… vokal… Boris Babarović kaj je popeval.. Su ti dečki svirali već dva leta negde po raznim rupama i garažama. Su vglavnom izvodili instrumentalnu muziku kaj su kopirali one Shadowse. Pak im je utrčal Babarović i su začeli i vlastite pjesme delat.. Pa su brzo postali popularni i dobili mesto na Ribnjaku … Su tu na Ribnjaku oduvek samo najbolši sastavi svirali… je to tu bilo kakti nekakšno nobles mesto med ostalima plesnjakima v našemu Gradu …
I se je tu išlo na čagu od početka šezdesetih..pa su i postojale još uvek dobre stare navike. Tu na čagu nisi mogel zajti bez ajncuga..kravatlina…speglane hlače… a je bilo nepisano pravilo.. i bjela rubača. Je tu bila najskuplejša ulaznica od svih zagrebačkih plesnjakof…
Je ples bil na prvem katu teg drvenog zdanja na Ribnjaku. Se ni smelo pušit nutra…samo vani na uskem balkonu. A nutra je navek bilo vruče.. i po leti i po zimi..kaj je bil niski plafon a puno plesačof. Je..sam zaboravil reč da z početka ženske nisu mogle nutra zajti v hlačama…samo v kikljama.. Ih to ni onda ljutilo..su ionak već v modi bile one minice kaj se je i rit mogla videt. Al je bilo još puno i oneh cura kaj su nosile kiklje do kolena. Pa ni one pete na cipelama nisu bile tak kak denes..su se onda nosile cipele s debelim đonima i ženske i muške.
No…pa gda si več zašel nutra na čagu…mogel si svleči i ajncuga a kravatlina spremit v žep..ak ti je bilo vruče. Vse je to služilo samo za pristojni ulaz…
A su to bila vremena..dost siromašna..gda nisu vsi dečkI imeli pristojnog ajncuga kaj bi mogli zajti na takvi plesnjak. Pa ni kravatlina nisu vsi imeli…su se u to doba po modi z Italije… nosile one dolčevite.. pa veste i puloveri…a tu ni išel kravatlin skup.
A za mlade nigdar ni bilo problema ..ak im nekaj zmanjka…smo se onda po bratcki složili..pa kaj je imal jedan …imal je i drugi.. Smo vse djelili..
I tak… jedan je zašel nutra na plesnjak.. onak zbegecan z ajncugom i kravatlinom… pa gda je počela čaga zašel je van na balkon.. i bacil ajncug i kravatlin..dol..pajdašu kaj je spodi čekal. Pa se of oblekel i ušel nutra…. I tak ih je znalo i po deset zajti z jenim ajncugom i jenim kravatlinom… Su to vsi tam znali …al nigdo ni delal problema… je bilo važno da si pristojan i držiš se kučneg reda... Na tim plesnjakima v to vreme ni bilo redarof.. kak denes.. se znalo gdo je tu od dečkih najbolši štemer…pak ak je zatrebalo ha ..al skoro nigdra ni…. Tučnjave i ostale bedarije..kak smo onda se uvjerili.. su največ bile po provinciji v raznim selskim zabavama..pa vatrogasnim špelunkama… Smo koji put z znatiželje išli na zabavu v Dugo Selo…al Vrbovec… Su se tam dečki navek tukli za cure…tam se cugalo vse v šesnajst.. oni domaći bučkuriš direktor..a su vsi nože nosili…čisti primitivizam bi se reklo.
Mi smo v Zagrebu Gradu još uvek bili na "ljubim ruke".."moj naklon" "serbus" "bok"..i te druge fine izraze.. Smo poštivali cure i ženske….aaaaaa … bilo je to tak lepo……hmmmm.. vse dok nisi curičku nekam v kmicu odpelal…ha …
Je čaga na Ribnjaku začela kak i drugde.. v sedam vur nafčer i je trajala do deset..al jedanajst vur.. kak gde.. Bi se reklo …gda je bilo najbolše.. moral si prejti..
Jeee.. moram reči kak smo ja i moja pajdašija fakina..bi stareši rekli …banda ..huligani.. zmislili kak se more na čagu zajti brez penez za ulaznicu. Smo poznali oneg Koralja kaj su ga zvali..Medo… je često prolazil čez Zrinjavac.. pa smo ga pozdravlali..tapšali…hvalili…jee.. i žicali ga cigaretline..kaj je pri nam bila kronična nestašica tega.. A Medo je navek bil velikodušan.. je često i pijaču znal platit …tam v Splendidu..
Pa smo ga pitali kak moremo zajti na čagu gda oni sviraju..a da ništ ne platimo … Pa je Medo.. v poverenju.. rekel kak se to more… :
Su Koralji na Ribnjak dolazili v nekakšnom starom poštanskom kombiju kaj su ga sami pofarbali.. v kojem su prevozili gitare i druge instrumente….pa ona pojačala i zvučnike. A za svaku čagu su to morali ponavlati kaj nisu to mogli tam ostaviti da im gdo ne fkrade…. Su to onda bile fest skupe stvari.
I tak… kombi je prihajal z ceste nutar v Ribnjkak… triftal vure prije početka plesa. Jee.. smo i mi ..nas.. sedam ..osam.. prihajali takaj v to doba i smo več čekali da kombi dojde.. Pa gda je stal smo mam došli i ponudili pomoć za nošenje svih tih potrepština..gor na prvi kat… Pa kak je gdo kaj zgrabil i odnesel više se ni vračal dol.. neg je ostal gor v dvorani…
Jedini od tih Koralja je bil Babarović..Barba… kaj je sam posebno dolazil.. zajdni…pa je i navek zakasnil.. Tak se pravil važan.. je fort bil napuhan ka žabac.. a..kaj.. su curičke tak norele za njim ..kak da je engleski prestolonaslednik ..
Al smo mi.. ja i moja banda.. na Ribnjak malo odlazili… v vreme gda bi v Tucmanu sviral kakvi slabši bend.. bi onda prešli na Ribnjak. Al je Tucman bil naša plesna baza..a okol smo znali iti..tak.. iz zezancije. Su plesnjaki v Zagrebu bili sredom ..subotom..nedeljom.. pa je bilo kad prejti drugam. Smo prešli v Liku na Đamiji…al na streljanu v Kovačevićevu..v Klub Mladih v Gundulićevu… Njam-Njam pri Kvaternjaku… Po ljetu…na otvorene plesnjake ..Tuškanac..pa Šalatu… Maksimir i posvud po Gradu gde je bila kakšna špelunka z muzikom i gde su se mogle najti lepe Zagrebačke pucice..
Al je Ribnjak bil fest pogodan …ak si na čagi upecal kakšneg zgodnog komada..smo rekli da si se ogrebel… je bilo dost prejti po tom velikom parku.. najti praznu klupu…al samo stati za kakšni grm….pa smo si onda rivali jezike v gubec kak nori…da je vse curelo niz vrat.. do kraglina na rubači … Ti vrapca.. dva put sam čak pozabil ajncuga zeti z garderobe kak sam bežal za komadom ..
U to vreme taj park..Ribnjak ..je bil fest zarašten z drvečem..grmljem..je bila tam spodi Biskupskog dvora prava šikara… pa isto tak i na sjevernoj strani parka pri Zvonarničkoj.. A da ne velimo za svetla…su osim okol plesnjaka vse druge lampe po parku bile zlupane… Su po noći po parku spali razni klošari i pijanci… su se tu održavale bitke raznih gradskih bandi… se tu švercalo z svakakšnom robom… pa su i kurve vodile mušterije na lubaf na friškom zraku..kaj nisu morale plačati sobe v staroj Vlaškoj….A potkraj šezdesetih su se u park doselili i buzaranti…pederi.. tam pri trajvanskoj štreki… Ni milicija se ni ufala po mraku nutra zajti…
Po danu su v Ribnjak dolazili mali klinci z mamicama v mali park za djecu..kaj je još i denes.. Su na onem povišenom djelu parka penzioneri šnapsali po klupama…a .. mlajši su španali mali nogomet v onem bazenu kaj nigdar ni imel vode. Je danas zatrpan..se samo malo betona još vidi.
Jee… denes je park uređen.. kultiviziran… dobro održavan.. Su jen del uredili popovi po svom ..kak je negda bilo..gda je to bil Popov park.. Je taj park uredil kak svoje šetalište oni zagrebački biskup Alagović. Je to negdar bila močvara pod kaptolskim zidima..a denes je to najuži centar Grada.



Lepo se danas prošetati Ribnjakom.. je mirno i tiho.. samo se čuje malo prometa z vulice gda trajvani projdeju.. Nema više plesnjaka..al je ona hiža još navek tam.. Pa ni več odavno drvena neg od železa i stekla.. su je preuredili.. ni za poznat . Su nutra nekakšne aktivnosti za djecu…špelancije…špilšul… A posvud naokol su zrasla dreva i grmlje.. da se opče ta hiža nemre videt ..
I makar to vse tak lepo zgledi.. taj park je i denes ostal na lošemu glasu.. Znaš.. velki je.. celi je jena ogromna šuma z stezama .. grmlem.. Klupe su posvud uz steze..al buš malo koga videl da se tu sprešetavle.. Tu ti se znaju skrivat razni gradcki potepuhi.. pa je v poslednje vreme bilo vsega i svačega v tem parku.. pa tak ljudi još manjše tu dolaziju.. Denes jedin taj park ni zapuščen kak je negda bil..al svejeno.. gda tu susretneš kakšneg neobrijanog i ofucanog kak se sprešetava.. rajši se obrni i beži van na vulicu.. Spet je jedino sigurno mjesto tam gde je negda bil plesnjak ….

Maa.. tak..malo sam se prisetil dok tu španciram……………………. Bok ……


18:34 | Komentari (5) | Print | ^ |

ponedjeljak, 28.07.2014.

Pripovetke z moje stare škrinje ....

Gunduličeva 12 .............



Viš tu hižu v Gundulićevi na broju 12.. ti je to škola .. a je i navek bila svakakve fele.
Pa i ova hiža od vugla Varšavske i Gundulićeve je takaj od navek bile nekakšna škola.
Sam ja išel još u osmoljetku v Varšavsku 17 gda su te škole imele z nutarnje strane zajedničko dvorište. Je taj prostor negda dalko bil samostanski vrt.. oneg samostana i crkve svetog Vinceka..kaj ide čez Varšavsku i Frankopansku. I gda su to zeli popima su tu bila dvorišta tih škola.



Ona prva hiža od vugla Varšavske je bila stolarska..su praf rekli.. drvodeljska. Su tu šegrtovali budući tišleri.. stolari.. a v prizemlju su imeli velku tišlersku radionicu.. ih se moglo z vulice čez prozor gledati kak hoblaju..piliju..čavle zabijaju……
A z Gundulićeve do tih stolarof je bila škola takaj za zanatske posle. Su tu išli naukovati automehaničari.. precizni mehaničari i vurmaheri. Se zna kaj delaju automehaničari..pa oni precizni mehaničari su bili ti kaj su popravlali i delali pisaće stroje..šrajpmašine. Pa se zna i kaj delaju vurmaheri….. A na broju 12 je bila malo bolša škola..kaj su tu skoro vse same ženske išle. Je to bila..se reče.. birotehnička škola. Su se tu mlade puce vučile kancelarijskem poslu..pa je glavno bilo učenje pisanja na šrajpmašini..pa i ono posebno pisanje.. stenografija su rekli. Bi ženske gda su završile tu školu lahko postale sekretarice..tajnice.. činovnice..al samo tipkačice na stroju… a morti i lepi ukras nekomu v kancelariji…ha …
Su to v ono vreme bile trogodišnje škole al su se priznale kakti srednje škole.
I tak .. z Gundulićeve su bili srednjoškoci ..a z Varšavske osmoškolci. I gda bi v školi zazvonil velki odmor.. su vsi navalili v to velko dvorišče. Je bilo tu nekolko ogromnih starih divljih kostajna kaj su lepu hladovinu delali…..
I bi se tu zmešali vsi skup kak hruške i jabuke. I narafski.. je furt vladala velka konkurencija med tim đakima. Najbolše su prolazili automehaničari..kaj su oni bili kak nekaj posebnog i značajnog..pa onda precizni mehaničari..al njih su fort podcjenivali ..kak da pisače mašine manjše vrediju od automobilof. A najgorše su prolazili stolarski šegrti.. ti nisu ništ vredeli..su im vikali da su Pinokio..al Đepeto…. Je to vse išlo do tega da su se po tem dvorištu fort tukli pojedinci al največ klape…. Jeeeee.. v tučnjavama su pak najbolše prolazili praf stolari.. su bili nekak jači i žilaviji od drugih.. Vglavnom su to bili đaki kaj su se z provincije dotepli školati v naš Zagreb.. A su pri sebi imeli letve..pa pile..pa šila i ni bila šala z njimi se zakvačiti. A mi osmoškolci smo tu bili kak neutralna strana…a smo stalno nekaj podbadali i onda bi zbrisali z dvorišta. Je oni osmaši kaj su išli v osmi razred su se mogli mjeriti z drugima.. pa sam tak i ja bil z svojom klapom ravnopravni z drugima... Su se borbe vodile okol onih ženskih kaj su išle v birotehničku školu….Su to bile pucke kaj su već fest zgledale kak prave ženske..kaj su se smele doteravati ..a se to misli na frizure i obleku. A mi smo osmoškolci vsi imali crne kute..onak trifrtaljne.. a osmoškolke dugačke prek kolena. Pa smo se i tak razlikovali od drugih v dvorištu kaj su bili kak civili…………
Pa su oni šegrti stolari i automehaničari imali dozvolu pušiti na dvorišču.. je to drugima bilo zabranjeno. A smo ja i moja klapa dimili još od petog razreda.. pa bi se onda zmešali z tim šegrtima i dimili. Su nas jedin pucice z naše osmoljetke znale tužakati našim nastavnikima..pa bi onda oni zašli van v inšpekciju. I bi nam ak nas vloviju zaplenili cigaretline i šibice.
I onda su najemput došli majstori zidari i napravili zide prek tog dvorišta i smo mi osmoškolci ostali sami v najvećem djelu. A z one druge strane su stolarima skroz zaprli puta na dvorište..tak i avtomehaničarima i onim drugim z te škole. Jedino su ženske z birotehnike dobile malo dvorište.
I za kratko vreme su i nas osmaše preselili v Varšavsku 18.. a na naše mesto su došli farmaceuti i kozmetičari. I tak od vseg oneg starog ni ostalo ništ.
Kasnejše su velki del dvorišča z broja 17 pretvorili v otvoreni ljetno kino i kazališče.. se zvalo ART.. a je tu i bil poznati plesnjak .. su ga vsako malo zapirali kaj su se vsaki put vsi poprek potukli. Je došel na loš glas taj prostor i je zaprt bil dugo let.
Danas je del tog dvorišča vraćen samostanu i tam opatice držiju špilšul.. se veli dječji vrtić.



No da se vrnem na Gundulićevu 12. Početkom šezdesetih su gradski vladari uredili stari derutni podrum spodi te hiže.. i tam je otvoren prostor gde se sakuplaju i družiju mladi. Pa kak i v svakoj špelunki v našem Zagrebu z tog vremena i tam je tri put na teden bil plesnjak.
Je v to vreme bil jako popularan oni engleski pjevač Cliff Richard… kaj je z svojim sastavom The Shadows bil mam za Bitlsima i Roling Stonsima. I je v to vreme igral film kaj ga je snimal ti Cliff.. se zval.. po našem Klub Mladih.. mislim da je to bilo v originalu The Young Ones…. je to bil muzički film za kerim su vsi noreli..a največ ženske. je taj Cliff bil fest zgodan.. a je još bolše popeval. I ja sam ga fest imal rad i još denes imam vse njegove popefke..kak i od onih Šedovsa kaj su skoro vse same instrumentale svirali.
I tak… podrum v Gunduličevoj 12 je dobil ime ..Klub Mladih.
Ni to bilo velko prostora.. je moglo stati jedva sto ljudi.. Pa su jedno vreme tam svirali razni novopečeni muzički sastavi.. se reklo VIS..pa je u nedostatku prostora negdo zmislil da tam treba muziku puštati samo z gramofonskih ploča al magnetofona. I tak je bilo…
Je taj klub Mladih postal prvi disko plesnjak na celom onem prostoru bivše države. No.. za kratko vreme su i drugi to imitirali i pobolšali pa je i do denes ostalo nepoznato da j je zapraf prvo počelo v Zagrebu v Gunduličevoj 12. Je taj klub delal još dosta let. Sam i ja z svojim dečkima znal tam dohajbat.. kaj bi morti vlovili kakšnu zainteresiranu ženskicu .. al je to bilo jako rjetko. Smo se mi šmucali po velkim plesnjakima.
I kaj je tu još zanimlivog. V to vreme su se fest počele nosit one kratke kikljice.. minice.. pa ženske cipele z onom visokom debelom petom .. kaj je vsaka imal jenu kilu… pa najlonke z natom i bez nata.. se tak reklo za oni šav.. crtu.. a su moderne bile one frizure z šiškama.. su to v svetu nazvali.. Dobar dan tugo… al su se nosile visoko natapirane frizure. Vse to kaj sam nabrojal se ni smelo imati al nositi v školi. Pak su v taj klub z početka dolazile baš ženske z Birotehničke škole kaj je bila gor iznad kluba. Pa su one kaj su bile popoldan v školi bežale v okolne haustore presvlačiti se u moderno. Su to nosile v torbi z sebom… Pak su znale mahati profesorima i nastavnikima kaj su išli doma.. a oni su ih jedva prepoznali onak nalarfane za Klub Mladih. No.. več za dva tri leta su ukinuli vse te zabrane jer se više ni moglo to kontrolirati kakšnom je brzinom vse počelo dolaziti…
Denes već odavno tam nisu stolari..automehaničari i oni drugi. Na mestu stolarof je Katolička gimnazija.. a tam dalše je takaj nekakšna Birotehnika..sam se to danas drugčije zove. V Varšavskoj 17 su nekakšni kemičari… a nema ništ ni na onem bivšem ARTu.
Narafski.. nema već odavno ni Kluba Mladih.. je podrum bil dogo let zapušten i je nutra bilo nekakvo skladišče.. kaj je denes.. nemam pojma.. više ne hodim po podrumima ….ha ….

................... Bok ........................


17:22 | Komentari (7) | Print | ^ |

nedjelja, 27.07.2014.

……….. Bok ……………..



Nedelja vjutro.. naš lepi Zagreb prazan.. jeee.. Zagrepčanci se domof zležavaju na krevetlinima.. Zagrepčanke se šmajhlaju okol Zgarepčancof.. Ha.. Jeee.. nedjelja je navek posebna.. I ja sam se zbudil rano kak da pem v fabriku delat..al kaj moreš.. navada je navada.. I kaj misliš da se morem zležavat.. Brus.. taman gda sam se začel raztezat kak stari ofucani mačak.. deletel mi v rebra lakat od moje najdraže…. Kaj.. buš se zdigel.. znaš da moraš na Dolac po šalatu prejti… Maaa.. znam.. znam.. več idem.. letim čak.. I ja kak zajdni papak mam skačem v obleku…
Ha.. i evo me na Trgaču.. Ti vrapca.. posluhni.. ha .. tišina.. tu i tam kakšni človek al ženska kaj su vranili na plac.. A Trgač .. denes zgledi kak mlada curička.. daj si zgruntaj gda si zajdni put videl Trgač brez štandof.. brez oneg ogromneg šatora.. brez železnih pozornica.. Maaa.. velim ti.. milina… I mam sam se dva put sprešetal po celom Trgaču kak to inače delaju penzijonerci.. Krasno.. čak se čuje kak ona voda na Mandušefcu skače i žubori.. Prafzapraf.. čekam da se otpre oni zgodni kafič na broju petnajst v dvorišču.. To ti je poznati Kavalir.. Tu ti ja rad v miru Božjem sednem i spijem si dve Nesice z vanilijom.. onak polahko.. A i jen moj pajdaš kaj tu stanuje zna da bu me tu v Nedelju našel pa i on dojde .. I dok razrešimo vse političke špelancije..zkritiziramo vse politikante.. spomenemo vse kaj se v športu zbiva.. vreme projde kak da bi rekel… Kruhipekmez… Naravski .. o ženskama se nigdar ne stignemo pospominat.. A o tem se navek ima kaj za kazat… ne…
I kaj da ti velim.. zbaviš na Dolcu kaj imaš.. narafski.. pospominam se i z tom kumicom kaj šalatu prodaje.. Jeee.. to je jena zgodna mlada.. nosi očale..al joj fest pašeju.. a črna je .. ti vrapca.. ja si navek o tem gruntam dok ju gledim.. me razmeš… Ona rad pripoveda.. ja ju rad posluhnem.. zapraf..ja ti njoj postavim nekakšno komplicirano pitanje..pa onda ona nadugačko odgovara..a ja ju čez to vreme lepo gledim …ha … No.. pemo dalše.. Denes knam domof dolazi na obed sva dečurlija.. vnuki.. pa se tu onda najdu zetovi i kakšna punica.. Daj si samo zgruntaj.. ja ti još imam punicu.. živu žifčanu.. Nemreš verovat.. Više nis nit ja ziher jel ona stareša al sam ja.. Ha.. No.. dobro.. nek se i ona denes malo razveseli.. I tak.. denes prijepodneva moja najdraža i ja uživamo v kuhinji.. Vrabec ga dal.. treba priredit žderila .. vse nekaj posebnoga i to kak v hotelu.. alakart.. za vsakega kaj njemu paše i kaj gdo ima rad.. Jezušek.. zdaj moram jajca trajbati.. no.. no.. kokošja jajca za pohanje piceka.. velki komad svinjarije je več od ščera v pacu.. to bu pečenka.. Pa zdaj moja nadraža guli mrkvice i korabice za juhicu.. jeee.. mora bit prava domača z domačim rezancima.. Vrag ga dal.. kaj se vse tim pajnkrtima pod rit mora mazati z peruškom.. A kaj moreš.. tak ih nafčiš..pa onda si oni to zapamtiju.. i nemreš im te navade zbiti van z tikve.. A kaj.. lepo je.. vnuki buju se po lustrerima vešali.. babe buju v jeni sobi klafrale kak da se nisu vidle bogtepitaj kolko dugo…. Moji zetovi i ja bumo v drugoj sobi žlopali pivu.. punica bu posle debelog obeda samo zdihavala i štucala v tretoj sobi spredi televizije .. Da barem ostane tak lepo vreme.. ščera je dež curel kak stekli skorom do jutra.. pa ak je lepo onda vsi sedimo na velkoj terasi.. A gda bu vsemu došel konec.. več bu trda kmica.. znaš.. ta moja familja gda dojde nezna nikak prejti.. Narafski.. čekaju i večeru da im se posluži… i na koncu ak je kaj slučajno ostalo da im se zapakira.. veliju..lančpaket..ha .. ha .. Jeee.. spametni su ti mladi… Još sam štel kazat…maaa.. Evoooo.. mam stižeeem… Čujte.. moram v kuhinju.. A kaj buš… Ništ ……………….



............. se vidimo...............



08:30 | Komentari (4) | Print | ^ |

subota, 26.07.2014.

V subotu vjutro ………………..



Celu jenu vuru sam se sprešetaval po Dolcu.. pa malo po Opatovini.. Denes je subota pa je onda..kak veliju ženske.. bolši plac.. Paaa.. je.. vsi su štandi puni vsega i svačega.. voča i zelenjave pa još koječega kaj človek nit nemre znat kaj je to i čemu koristi.. Galamiju oni preprodavači.. Šiptari.. gdo bi drugi.. kričiju prodavačice..a i te su se doteple bogtepitaj od kam.. Moreš si zgruntat kakšni te taj horvacki na kojem se spominaju.. No.. tu se ništ nemre.. Veli moja Dalmatinka pri koji ja navek kupujem voče…. Aaa.. đava ih odnija.. beštije su to..A ja joj dam za praf… Je.. je.. šjora.. vse su to same škovace … Rad si ja znjom malo pripovedam..a i ona ni od oneh kaj bi mogla makar za kratko imeti zaprt gubec.. I tak ja po kajkafski kojeg nigdo ne razme.. a ona po Dalmatinski kak da je of čas na Splitckoj pjaci.. A ja ti nju največ slušam kaj ona ima za kazat.. ti vrapca.. i kakšni politikant bi joj mogel bit jalan kak ona dobro pozna politiku.. A ja njoj samo klimam z tikvom a ona sretna kaj ju negdo hoče posluhnut … I na koncu ja njoj.. Zbogem gospica.. A ona meni.. Veseli bili šjor.. I tak človeku dojde da si malo sedne i otpočine.. znaš.. vručina je denes .. Več se dva tri dni sprema nekakšno nevreme.. a je.. bu bilo.. Gda nakon te vručine i sparine začne grmeti i gda se zpusti led z neba.. pa začne voda padat odzgor.. nebuju ljudi kazali Fala Bogu.. nego.. Vrag ga dal.. Jeee.. a gda ja velim da je Pakal tam negde gor..onda se moje susede križaju kak da sam ja glavom i bradom.. Antikrist .. No ..pa ni važno.. ja več zdaj imam ausvajs za pakal.. jedin još čekam na prevoz…ha ….
Hmmm.. stal sam tu med cvetjem na Splavnici i gruntam si kam da prejdem malo otpočinut..



Ha..a kam drugam neg v Malu Kavanu na Trgaču.. več sam ti rekel da je otud najbolši pogled na celi Trgač.. Moram ti kazat da sam jedva našel slobodneg stolca.. TI vrapca.. kak da su još ščera Zagrepčanci bezecirali tu mjesta.. Narafski.. od silneg pripovedanja z Dalmatinkom..a nekaj i od te sparine i vručine..ja sam ožednel tak da sam se kak pes začel oblizivat gda sam videl da mi kelner nosi moju Ožujsku z citronom.. Moreš si zgruntat da sam ju v jenom dahu zesipal čez požirak.. vse me je bilo sram pogledeti levo i desno dal me je gdo videl.. Znaš.. tu v Mali Kavani ti sediju največ ženske.. dudlaju svoje kavice..kapučina i kojekašne bedarije z mlekom.. brez ,mleka..i tak.. I onda ti ja tu dojdem i zlevam v sebe pivu kak kašni kočijaš.. v jenom gutlaju.. Maaa.. kaj me briga.. moram konobaru dati znaka da još jenu prinese.. ova prva je nestala kak da bi ju v suhu grabu zlijal …….



No.. zdaj mi je več dost pa se bum polahko sprešetal kolko bu mi se dalo.. a trajvan je navek negde v blizini..ha .. I tak.. z noge na nogu.. malo gledim izloge.. malo one obavjesti kaj visiju na tim krpama prek vulice.. a i več imam ..se reče.. deformaciju vratne hrptenjače.. kaj se fort okrečem za ženskama… Je..a kaj drugo neg da se okrečem za njima gda se one nečeju za menom.. ha.. Negda je to drugač bilo.. lepo bi se stal negde pokraj kakšneg haustora..al kandelabera.. narafski zbegecan kak da pem v nedelju na misu.. ajncug.. bela rubača.. kravatlin.. speglane hlače.. zalizana tarzanica.. i mirišim po Pitralonu.. I samo čekaš da bu naišla kakšna sama curička..a može i dve tri.. pa kaj je to bilo za mene.. ne.. I tak.. lepo se nakloniš.. osmjehneš.. cigaretlin na kraju gupca..kak oni Klark Gablec.. pa izdeklamiraš.. Dobar dan gospodićna ..kak ste.. nisam vas već dugo videl… A ona bi stala i čudila se od kud ju ti poznaš.. Narafski.. mam bi joj začel objašnjavat..pa bi taki mam uz nju krenul… i tak.. koji put je i uspjelo..ha … Makar samo prvu subotu na plesnjak v Tucman …..
A kaj bum denes.. da zdaj tak nekaj naredim tu na Ilici.. bi ženska morti začela kričati da ju snubi nekakšni stari manijak.. Jeeee.. bilo pa se spominalo ...........................



Baš dobro kaj sam na vreme zbrisal z Trgača.. pogleč samo kak je ona lampa od zgor začela žgati.. Lepo sam se premestil na sjenovitu stran Ilice pa zdaj gledim na Trgač kak z Mato Grosa v Abudabi.. No.. pemo dalše.. onaj odzgor bu vse bolše kuril oganj.a ja bormeš imam kaj prejti do hiže.. No.. do Kustošije ima dost mesta da se človek počine.. al pak hitiš se v trajvan i pelaš.. V Kustošiji bum spas poiskal v brtiji pri Mađarici..a ziher su tam i moji pajdaši i čudiju se da gde sam ja.. Evo dečki.. prihajam…..

Da ste mi gezund ………………………


16:52 | Komentari (8) | Print | ^ |

petak, 25.07.2014.

Vsi ti cajti kaj su prešli .............................

Plesnjak v Horvackom Glazbenom Zavodu v Gunduličevoj



Evo… smo zdaj v Gundulićevoj… odmah tu.. pri Ilici. Je ta vulica fest prometna…kak veliju …žila kucavica… al ništ ne kuca.. sam auti furt trubiju… Je na početku vulice.. na samem vuglu z Ilicom ona… negda…. poznata kavana "Korzo" . Se tu okuplal sav zagrebački poznati svet … poete .. muzikaši… slikari…fotografi…a je bilo mesta i za obične građane.. Su si tu vjutro pili kavicu i čitali cajtunge…a popoldan su sedeli i močili grla z špricerima …a navečer bi tu postalo kak v kazališču. Pa su se v toj kavani spelavale i izložbe… recitirale pjesme… pa i koncerti za izabranu klijentelu. Je kavana stara sedamdesetosam let. I je bila otprta sve do prije deset let. Pak su je zaprli kaj se već ni znalo gdo je pravi vlasnik. I još se denes ne zna kaj bu z tim. Pa se tak nezna z još fajn drugeh stvari…..
Zdaj pemo dalše.. su tu razni štacuni..kaj su se menjali vlasniki sakih par let. Pa je jedino tu fest dugo frizeraj. Se negda to zvalo.. Frizersko brijačka zadruga Trešnjefka… su imeli na Trešnjefki upravu..a frizeraje po celom gradu. Ta tu v Gundulićevoj je bila brijačnica. Su tu dolazili na cifranje poznati muški… ti isti kaj su i v Korzo išli. I je vse do denes to poznati muški frizeraj.
Je tu i velki kafič i ona picerija…da.. ni to loše.. to… pica… a je negda bil restoran z običnim jelima.. kaj si je to mogel i obični svet priuštiti. Denes imaju stole i stolce na vulici.. veliju.. terasa.
Jeee.. i zdaj smo stigli do haustora… one hiže kaj na krovu ima roge. To je ulaz u Muzičku Akademiju.. se negda to zvalo…tam 1827. leta .. Musikverein …. kakti.. muzičko društvo. Pa je posle bil Horvacki Glazbeni Zavod. Pa je to velko H furt nekomu zapinjalo za oko.. pa je novo ime bilo samo..Glazbeni Zavod. Denes je opet HGZ.. Muzička Akademija…..
Su se v tom muzikališču učili svirati razni inštrumenti… se sječam da su furt nutra van ulazili i izlazili đaki i su teglili.. trumpete… vijoline…bajse…roge… Pa se moglo čut čez prozor kak negdo lupa po klaviru, a negdo drugi mu kriči .. da ni dobro… pak su zavijale vijoline.. furt jeno te isto… a je bilo čut i kak negdo kak stekli lupa v bubanj.



Ono kaj je manjše poznato je da je gor na prvem katu one druge hiže… do ove s rogima…velka dvorana z krasnim parketima… dugačkim forhangama… vse kak v baroku. To je bilo posebno mesto gde su se održavali koncerti već izučenih muzičara. Je ta Akademija okuplala vse najbolše muzikaše i naredila vlastiti orkestar. Pa su bili fest poznati i po svetu.. a i ovi današnji isto tak. Su to sve mlajši umetniki i budući velemajstori inštrumentof…. Su tu na te koncerte dolazili fini i poznati ljudi ljudi… pa i obični stanovniki.. gdo je štel.
No…. v subotu i nedelu tu je bil…. Plesnjak.. Već gda sam i ja počel hodit po čagama tu se fest plesalo. Jeee.. nis ja mogel tu zajti na ples.. niti obični svet. Tu su prihajali poznati i glavati ljudi i njihove žene.. ljubavnice … šoce… sinovi.. kćeri… Sve sami politikanti… direktori… profesori..lječniki.. i drugi visoki svet. Se z ulice moglo čez prozirne forhange videt kak plešeju valcere i druge kulturne plese……
Dvakrat sam ja ipak zašel nutra na ples… me vbacil sin od suseda z hiže gde sam stanoval.. Je stari bil direktor one poznate veletrgovine.. Kastundeler.. NA-MA… pak je i sina znal povesti. A taj je mene odvukel. Sam se zbegecal i zalizal frizuru jer ni bilo kulturno tam dojti s dugačkim vlasima. Sam imel speglane hlače tak da bi si na onem ošrtem rubu muha.. porezala onu stvar. Joj.. kak se tu nisam dobro osečal.. Prvo .. tu nisu svirali ono kaj su na drugim čagama… tu se plesalo samo .. kak bi rekli.. klasika..



Gda sem drugi put tam došel.. je bila provjera gdo ulazi.. pa je stari od mog pajdaša moral za mene garantirat da sem dobar drug njegovog sina.. Sam posle par let.. gda sam počel cajtunge čitat.. skužil da su tam bili taj put ona politička braća Vrhovac.. pa oni Bakarić.. pa general Pavliša kojeg sam poznal z susedne kuće….pa oni Crnica.. direktor Kromosa.. pa Ivančević..direktor Gredelja.. i još cela gomila tih persona z svojim familjama i prijateljima. Mi mladi nismo tam plesali.. pa z kim opče bi.. smo samo gledali…pili koktu ..oranđadu z onih malih flašički. Pa smo pobegli na drugi kraj hiže i ušli u učionicu z klavirom. Pa je moj pajdaš počel lupati po njemu kak stekli da je mam dotrčal podvornik i počel nas špotati.. a je ponorel gda je videl da ja čika držim v gupcu. No se smiril gda mu je pajdaš rekel gdo mu je tata. Taj put sam tam uživo slušal kak popeva oni naš Ivo Robić… je onda bil mršav kak letva… Su ta gospoda imela dobar ukus… je.. kak sam posle čul… tam su popeval i Marko Novosel.. Beti Jurković..Miro Ungar..Tereza..Zdenka Vučković.. i još neki drugi ..
Nis više nigdar tam išel jer je stari od mojeg pajdaša začel puštati sina na čagu v Tucman. Su se tam v Gunduličevi ti plesnjaki održavali sve do prije ovega rata u Horvackoj. Je posle uređen kraljevski dvor na Gornjem Gradu "Dverce" pa su se tam glavonje nastavili zabavlati. I još se denes tam produciraju.
Više ni plesnjaka v Horvackom glazbenom zavodu.. al se održavaju majnši koncerti .. kak bi rekli .. zatvorenog tipa. Pa orkestar HGZ nastupa v Lisinskom i drugde kam ih pozivleju.
I još se denes iz te hiže čuju inštrumenti al jako slabo. Je vani na vulici velka galama.. Još malo cajta i bu v Zagrebu zgotovlena nova hiža Muzičke Akademije tam pri Kazališču.. Pa se ja zdaj pitam komu buju prodali ovu tu palaču v Gunduličevi .. A je najizglednije da bu nutra zašlo kakšno ministarstvo .. Tak nebuju samo fort dirigirali neg buju i tancali…ha …..

…. Bok ………….


17:39 | Komentari (3) | Print | ^ |

Pasje živlenje…….



Paše mi.. to vreme.. lepo je.. oblaki su zastrli onu goruču lampu.. laganešje se diše.. razmeš.. ja bi podpisal da tak ostane zanavek.. Al veliju prognostičari da buju one velke vručine došle za kratko vreme.. pa bumo zevali kak cucki i plazili jezike.. Hmmm.. valjda nebu zmankjalo Ožujske z citronom.. najbolše bu bilo da si ja pri hiži naredim ..se reče.. zalihe.. Baš malo gledim.. kak je prazan Grad.. skoro da človeku paše da ni nigdo na vulici.. tak mi se čini da je celi svet samo moj.. kaj se mene dotikavle neg tak i ostane.. Narafski.. samo da ženskih nikak ne zmanjka.. Malo bum se sprešetal čez Masarikovu ……



Pogleč..samo se otpireju novi kafiči.. i to posvud v Masarikovi.. Tam dol na samom koncu vulice je oni Boban.. nogometaš kaj je pozabil kak lopta zgledi.. otprl slastičarnicu.. zapraf.. Čokolateriju.. Ti vrapca.. kaj vse nebuju još zmislili .. Prafzapraf.. i ni tak mala ta Čoko.. je valjda Boban gruntal kak buju tu ljudi kak stekli bežali na te čokoladne kerefeke.. Pa brus.. več je pol godine otprto pa nemreš videt nikoga nutra.. Več se je sva ta čokolada kaj su ju tu pripremili splesnivila.. Bi ga vrag znal kakšnu taj ima računicu.. A je taj Boban na vse strane pootpiral restavracije.. kafiče.. kavane.. zdaj i te čokolaterije.. al mu ništ baš nejde.. Kak on vleče kraj z krajem.. hmmm.. sumnjivo je to.. Mora plačat stanarinu jer je v Gradckim prostorima.. mora plačat štrom i duge bedarije.. pa nekaj mora i radnikima platit.. a ti lokali su mu fort napol prazni.. Hmmm.. No.. pa kaj to mene briga.. meni gda se hoče finu toplu čokoladu spiti..a pogotovo ak imam fino društvo.. se razme.. žensku.. onda prejdem v Viner Kavanu na Trgaču.. tam je najbolša čokolada v našemu Gradu..
A nebuš mi veroval gda ti velim da je gor pri vuglu kod Gunduličeve otprta nekakšna mala slastičarnica.. pa ne za ljude.. neg za ..cucke.. Je.. je.. prava slastičarnica za prave cucke.. Vrabec ga dal.. pa sam ja znal da v našemu Zagrebu ima frizeraja za cucke..pa posebnih štacuna gde se prodaje ona hrana za te živine.. Al ovo kaj sam denes tu videl ni za verovati.. Aaaa.. kaj vsega tu nema za te lajafce.. i kolačiča.. i keksa.. i …. Neznam nit ja kaj to vse je.. Ha.. kaj buju cucki uživali gda ih gazde sim dopelaju.. Doduše neznam kak bu si cucak nekaj naručil.. hmmm.. valjda bu to gazda zbavil mesto nejga..ha ………..



Ha.. pogleč.. več ideju prve mušterije.. Jeee.. nisu nit cucki kaj su negda bili.. I oni ti vodiju pomodno živlenje.. Imaju frizure.. mašleke.. kapute.. cipele.. ogrlice z cirkonima.. posrebrene lance.. gazde im riti brišeju posle sranja .. jedeju bolše neg oni klošari v pučki kuhinji dol v Branimirovoj .. Ti vrapca.. opče se nebum čudil ak jenog dana negdo otpre ..kupleraj ..za cucke.. Ha.. Ti vrapca.. kakšna ideja..ha .. nabaviš si nekolko pasjih kusa i deneš na vrata črleni lampaš… Hmmm.. moram se razpitat dal takšni pasji kupleraj takaj mora imeti.. madam ….ha …….

……. Serbus …………………..


12:33 | Komentari (3) | Print | ^ |

srijeda, 23.07.2014.

..Dež curi ……



Kak vse zgledi denes bu kak je i ščera bilo.. malo sunčeka.. malo bu dež curel.. Nikam brez ambrele.. Makar ja to čudo nikak nemam rad.. Još je dobro doklem dež curi..al gda zasija sunce..onda bi najrajše nekam hitil teg štapa.. Jee.. sam ja kolko put hitil onu ambrelu kaj ju Cigani prodajeju za sitne peneze .. Al denens imam onu moju velku ambrelu koja je pri meni .. ti vrapca.. nit neznam kolko dugo.. Eee.. to ti je prava stvar.. se reče.. ručni rad.. Tu veter nemre nikak prevrnut.. more te samo skup z ambrelom odnesti .. I znaš kaj.. ta ambrela traje i traje.. i nikak da se podrapa .. To je od oneg poznatog Svibena .. Jedin kaj se znjom moreš poštapat.. ta treska nebu pukla napol.. pa lahko moreš ak treba nekog i po tintari tresnut z tim.. kak z kolcem… Pa vrag jebal vse ambrele ..bolše da ja zbegnem na kakšno dobro,mesto gde dež nebu do mene doprl.. Ščera sam baš vžival kaj me je dež opral..denes pak nebum jednak ponovil …. Bežim ………….



Hmmm.. na koju stran sveta da pobegnem.. pogleč kakšni oblaki prihajaju i več su začele debele kaplice odzgor stizat.. Ti vrapca.. kak se je oni bradati tam gor na nebu oveg leta razpištolil.. fort nam pošila dole vodu…Ha.. a on pije nektar.. Bi ja rekel da to ni vredu.. Ak baš mora.. vodu nek pošila jemput na teden.. a onda barem po dva dni Ožujsku z citronom.. pa dva dni gemište.. od Plešivice..ha .. Jezušek kak bi to bilo dobro.. nigdo nebi nosil ambrelu neg bi vsi stajali i zevali prema gor.. a mesto cekerof bi ljudi nosili hampere po vulicah.. Al kaj.. oni tam gor ni tak darežlivi i ništ ne razme.. Pošila nam dole vodu.. pa ti još i nadometne leda.. Pihhhh…. Zdaj več hitrejše bežim samo da ne moram ambrelu otpirat ……..



Evo… spas na vidiku.. Hemingvej bu baš dobro mesto za vedriti.. Baš se zpustila ta voda od zgor bogofski taj čas gda sam nutra zakoračil.. Dobro je ..prije podneva tu navek ima mesta.. popoldan nebi tak dobro tu prešel.. I tak.. lepo sam si sel i naručil Ožujski z citronom.. Ha.. veli konobar da tega nema.. Pa kak nema.. velim ja.. pa kaj nismo v Zagrebu .. Veli on da ima Karlovački radler..pa još nekašni ..takaj radler.. I kaj zdaj.. vrabec ga dal.. Čuj.. velim ja nejmu.. donesite mi Nesicu od vanilije.. Nema.. veli on. Ponestalo je.. Pa mi nabroji vse druge vrste kaj ima.. Hmmm.. velim ja.. natočite mi onda jen Gorki.. to ti je ona žufka pijača.. Veli on.. Nema toga.. ima Vlahov.. Eeeee.. jebal ga vrag da ga jebal.. Jen od najpoznatejših kafiča v Zagrebu Gradu..a nema oveg.. nema oneg… Zdignem se ja i pitam teg mladog konobara ..dripec nekakšni.. Čujte znate vi kak je skončal ta Hemingvej po kojemu se naziva ovi kafič.. Gledi taj mladi v mene kak da sam ja opal z Marsa.. Drek taj opče zna gdo je to Hemingvej.. Velim ja njemu.. Taj Hemingvej si je z puške puknul v tikvu.. Eee.. zdaj of tu pita mene da zakaj.. Stoga.. velim ja kaj v brtiji ni bilo Ožujske z citronom.. Nesice od vanilije nit Gorkog…. I otprl sam ja ambrelu i prešel..a of je bedasto gledel za menom.. A kaj.. Ništ.. pem iskati kakšni obični pajzl od brtije.. ……………….

Serbus ……………………..


16:28 | Komentari (11) | Print | ^ |

utorak, 22.07.2014.

……… v Zagrebu Gradu …… v Ilici 21… i… 29 …..



Mam mi je lakše..oblaki su se of put pokazali kakti vrlo koristni.. pa je dež lepo pomalo cmizdril odzgor .. Barem malo sam se počinul od one goruče lampe kaj je zajdnih dni žgala kak ponorela…. I rekel bum ti da mi je baš fest pasalo sprešetavat se naokol.. Jesam.. imel sam ambrelu al ju nis otprl.. Doduše..imel sam na tikvi šiltericu tekar tolko da mi obrlihti na nosu ne pokisneju.. I užival sam kak mi se lepo par kaplic cedilo niz hrptenjaču..
Gledim .. skoro da človeka nema za videti v Ilici.. vsi su nekam nestali.. prešli.. Oni z penezima na..se reče.. ljetovanje.. oni brez penez namačeju noge domof v lavoru..a oni dotepenci su se na kratko vrnuli v svoje brege i žabarije mamici na koštu pa još i kakšni pinklec nazaj v Metropolu odnesti.. Pa ti tak naš lepi Zagreb zgledi kak da ga je negdo z velkom metlom pomel … Jedin kaj po celomu Gradu plaziju ono turisti.. Japanezi.. Ti Žutaki z očima všrek samo letiju kak stekli naokol.. šklocaju z aparatlinima .. nigdo ih nikaj ne razme..a pripovedaju med sebom kak da se svadiju.. Znaš.. to su ti ništ koristi turisti.. Moreš iti za njima celi dan po Gradu.. nebuš videl da igde nekaj kupiju.. kakšni suvenir al ajnzeckartu .. A vodu si točiju v svoje flašičke gor na Opatovini na oni javni česmi..al na Zrinjefcu z Železnog Franca… I ima ih kak žohara.. A naši spametni..se reče.. turistički radniki.. samo brojiju te Japaneze a ne peneze koji ovi tu ostaviju.. A ostaviju drek..pa morti i nejga nosiju nazaj na svoj otok.. Veli mi moj poznati ..oni ugostitel z Pivnice Medvedgrad.. da pri njemu organiziraju obede za te male žutake.. Ti vrapca..znaš kaj mi je rekel.. Da dva ta Japaneza skup jedeju jenu porciju.. A još mi veli da pri njemu nisu nit jenu jedinu pivu spili.. Samo ločeju vodu …. Ha kaj ti je to turizam v Metropoli … A ja ti zapraf gledim te male črne ženskice.. Hmmm.. tak šlampasto hodiju z tim svojim krivim nabitim nogami.. Maaa.. kaj.. Bi ja.. Ha… onak.. z znatiželje..Me razmeš …ha ………..



Tak ti se vlečem polahko čez Ilicu i gledim malo izloge..malo te stare hiže.. Viš ovu tu na broju dvajdesetjen.. Tu su lajnskeg leta lepo obnovili..al samo z vajnske strane.. fasadu.. Lepa je to palača..pa ni tak mala kak zgledi.. velik nje ima još odostrag z dvorištne strane.. Znaš.. tu sam ja negda lepe cajte provodil.. Ovak.. Tu na prvem katu su velke..ogromne sobe.. onak starinske.. pet metri visoke.. Tu ti je negda svoje prostore imelo jeno pjevačko društvo.. V to vreme sam ja več bil ozbilni človek.. No.. i moje planinarsko društvo z kojim sam ja štrapaciral čez vse brege po celi Evropi.. je takaj bilo i pjevačko društvo v kojemu sam ja popeval i sviral.. malo gitaru..a največ sam bajsal po kontrabasu.. I tak smo mi tu pri ovima v Ilici dobili.. kakti od dobre volje.. da se moremo jemput na teden ..se reče.. koristit z jenom sobom za naše zestanke.. I tak.. mic po mic.. oni popevaju.. mi popevamo i sviramo.. i mi smo se spajdašili kak prava bratija.. I ni to bila šala.. glavni med tim pjevačima je bil jen operni pjevač z velkog kazališča .. koji nam je dirigiral .. I rekel bum ti .. imeli smo mi skup koncerte po gradovima..selima.. bregima i dolima..pa najvekši je bil v zagrebačkom Lisinskom.. taj put je znami popeval i stari zagrebački šansonjer Zvonko Špišić i ona zgodna pjevačica Višnja Korbar.. I tak ti je to trajalo jeno par let.. Znaš.. tajnica teg pjevačkog društva je bila jena ženska.. pa dost stareša od mene.. a bila je korpulentna.. ma kaj.. bi joj i Švarceneger mogel bit jalan.. Se zvala Mira.. I ta ti je Mira hitila mene na svoj kipec.. ti vrapca..a ja nis znal kak bi se zvlekel z te..se reče..situacije.. I malo po malo.. začne ti ona mene..snubit..me razmeš ..onak za praf..samo kaj me ni za ruku vlekla.. Na svakoj..se reklo..probi gda smo popevali..ona bi mene puntala i namigivala.. vrtela se..i svakaj izvodila.. A ja sam se delal tulac kak nigdar v živlenju.. A jemput na mesec smo tu skup.. moji planinari i to pjevačko društvo naredili veselicu i narafski tancali kak bedasti da se do pol Ilice čulo.. Moreš si lahko zgruntat da sam ja celo vreme tancal z tom velkom Mirom.. Čuj.. je bila vekla.. vekša od mene..al je bila i dost zgodna.. je imela rudlave lasi skroz do riti.. a fort je nosila prekratke kiklje z koje su virile mišičave noge kak od nogometaša.. I kaj da ti dalše pripovedam.. Ja sam si celo to vreme dok je ona mene pikirala gruntal o onem kaj je meni moj tatek savjetoval…. Sinek.. nit jenu nemoj propustit morti bu ti baš ta zajdna v živlenju.. I kaj.. Gda smo tak jemput tancali da se tresel celi prvi kat v ti palači.. ona je mene jenostavno odnesla v drugu sobu gde je na sredini bil ogromni starinski šrajptiš…hmmm.. kakti na razgovor.. Ha.. jesmo.. zbavili smo razgovor za pol vure..ha .. Gda smo zišl van z sobe.. pital me je moj pajdaš.. Čuj.. si preživel … a neki drugi su me tak znatiželno gledeli .. Posle sam saznal da ja nis jedini med njima koji je z tom Mirom obavlal v oni sobi takšne razgovore …ha …
Denes više tu nema nikakšnih pjevača nit planinara.. Nema više ni Mire.. Cela vulična strana je..se reče. poslovna.. a z dvorišča su stanovi.. V dvorišču su negda bili obrtniki.. šloser.. špengler.. fotograf i šušter.. Denes je jedini još ostal šušter.. drugo je vse zaprto………………….



Viš.. vsaki put gda prejdem čez Ilicu ja ti hitim pogled na tu hižu.. Tu na broju dvajsetdevet je Foto Klub Zagreb.. najstareši takšni fotografski klub v Evropi.. Nit Beč nit Pešta nisu tak nekaj imeli prije Zagreba.. Gda sam se ja začel interesirati za fotografiju.. a bilo je to v petom razredu osmoljetke.. bil sam v školskem klubu mladih fotografa.. Narafski.. imel sam fotoaparatlina od mojeg tateka.. koji je fort jamral da ga skupo koštaju moje bedastoče kaj je moral davati peneze za filmove koji su v ono vreme bili fest skupi.. I tak sam ti ja kakti malo .. se reče.. napredniji v ti fotografiji.. dobil poziva da se zapišem v Foto Klub Zagreb v..veliju.. juniorsku sekciju.. I jesam.. Bil sam ftem klubu v Ilici dugih leta.. vse do začetka rata v Domovini.. Nakon rata sam odustal od daljnjega aktivnog rada v Klubu.. Čez sva ta leta svakaj sam ja delal v tem tu Foto Klubu.. pomagal sam v organiziranju foto izložbi.. kasnejše sam i ja postal organizator.. pa vse do tega da sam bil tajnik i podprecednik kluba.. Narafski da sam se ja celo vreme aktivno bavil fotografijom.. pa sam imel i svoje personalne dve izložbe.. A čez to svo vreme ja sam i doma v podrumu imel kompletnu foto laboratoriju za vse špelancije okol fotografija.. Gda sam se z Zrinjefca preselil v hižu v Kustošiji i to vse sam prenesel z sebom jer sam v hiži naredil celi.. se reče.. foto studio.. I dugo.. dugo let je ta laboratorija.. taj studio bil v poslu.. Jeee.. i moja stareša kčerka je još kakti osmoškolka takaj postala mladi fotograf..a kasnejše je i završila vse moguče škole za fotografiju..kak sam negda i ja .. Čak je imela i istog profesora kojeg sam i ja imel.. samo je zdaj več bil star kak Metuzalem .. No.. Foto Klub Zagreb je još tu na istem mestu.. al su denes nutra vse redom novi nepoznati ljudi.. pa ja nit stoga nejdem više tu.. Al se navek setim vsega gda tu projdem…
Zajdna moja izložba fotografija je bila 1995. leta v KICu v Preradovičevi vulici broj pet.. Bila je to izložba mojih fotografija z fronte.. Posle tega nis se više bavil fotografijom.. Denes tak malo šklocam čist onak.. z razonode.. Moj foto studio v hiži je razmontiran.. nekaj sam od teg vsega podjeli naokol.. nekaj je negde na tavanu skup z celom gomilom starih aparatlina ………………..

Tak.. malo sam se setil …………………. Serbus ……………..



16:29 | Komentari (4) | Print | ^ |

ponedjeljak, 21.07.2014.

…Svud… posvud.. Zagreb …………



Ja ti navek dojdem tu v centar Grada več rano vjutro.. nekaj i zbog vručine..al i inače mi je takšna navada.. Znaš.. ja ti vjutro nemrem dugo spati..a nit nemam rad zležavat se.. gda otprem oči.. več sam na nogah i gledim hitro zbrisat van z hiže.. Ak se ima kaj za zbavit..to bum zbavil mam vjutro gda još ni gužvancije .. I onda začne moj štrapacirung.. koji put z namerom kam iti..a največ pa ..onak.. brez veze.. kam te noge odneseju.. Tak i denes..
Ha.. malo sam tu stal.. na vuglu Draškovičeve.. Jurišičeve.. napred je Martičeva .. malo všrek je vulica Račkoga.. desno dol je dalše Draškovičeva.. Bi ga vrag znal kam da se denem.. Prafzapraf .. mi je taki svejeno.. hmmm.. bum još malo postajal.. pa kam se zaputi kakšna zgodna ženska.. ja bum prešel za njom.. Ti vrapca.. još bu negdo pomislil da sam ja kakšni manijak kaj po Zagrebu ženske peha.. ha.. Jeee..a kakšni drugi razlog da najdem iti baš tam.. nekam.. Denes sam na vulici brez plana i reda.. pa kak bu .. I gledim.. nalukavam se na vse strane.. ti vrapca.. nit jene jedine ženske za kojom bi bilo vredno prejti.. Maaa..neee.. vse su lepe i još lepše..al još ni nit sedma vura i vse te ženske se nekam žuriju.. bežiju.. letiju.. bi ga vrag znal.. valjda na posel.. A meni se neče bežati nit za jenom.. Je rekel meni moj tatek.. gda mi je inštrukcije o ženskama daval.. ha.. stari kurviš…. Sinek.. nigdar nemoj bežati za trajvanom.. nit za ženskom.. tak se buš spopiknul i opal da se buš samo čudil.. Jeee.. da je bar on to poštival.. I gda je tak pem ja na desno pa kam me noge odneseju.. morti se kakšna pojavi spredi mene……
Malo zapažam te ljude kaj čekaju trajvane..pa one kaj bežiju..kak da bu im posel pobegel.. Čuj.. ljeto je ..vani je fest toplo makar je vjutro ipak malo više svježine.. Gotovo vsi kaj ih gledim imaju nekakšne jakne.. veste..lajbeke.. Ti vrapca.. pa ni vrag da im je zima.. No.. dobro.. još je za shfatit ženske.. njima je navek friško.. Znaš.. meni je navek težko bilo nosit vruki nekakšni komad obleke.. A kasnejše gda ona lampa odzgor zažga.. onda buju to z sebe svlačili .. i kaj zdaj..kam z tim.. Baš brez veze.. Kaj ne …………….



I tak mi se nekak dopalo da zavrnem v Đorđičevu vulicu.. I makar je ta vulica tu v samom centru Grada retko čez nju prejdem.. Istini za volju.. v ti vulici se nit nema bogznakaj za videt..a nit v celi vulici od Zrinjefca pa do vulice Račkoga nema nit jene jedine brtije.. pa ja nit pamtim da je tu igda i bila kakšna.. Navek je to bila mirna vulica puna stanarof i razne fakinaže.. Rekel bum ti da negda gda sam ja laufal po našemu Zagrebu kakti pravi Zagrebački fakin.. v ti vulici ni bilo nit jene hiže a da ja nis nekoga poznal z nje.. pa su to vglavnom bili fakini i pucice .. I dan danas gda tu hodim ja se setim gde je gdo bil.. Aha.. tu je stanoval Frka.. navek spreman za mlatit koga.. pa ak ni bilo koga drugog.. zmlatil je svojeg mlajšeg brata.. pa hiža dalše je bil Njoko.. ha.. taj je imel malu falingu na čubi.. pa gda je pripovedal je to zgledelo kak da osel njače.. Malo dalše v hiži su živeli brati.. Žuti.1 i Žuti 2…. Narafski su bili blizanci.. z isteg jajca.. pa i bili su žuti kak pravi žutanjki z jajca.. nigdar nisi bil ziher z kojim pripovedaš.. Znaš.. ta su dvojica fulirali istoj pucici puna tri meseca doklem ni skužila da tu nekaj ne štima..ha .. A v hiži pokraj je bila Vlasta.. a mamica joj je navek tepala.. Vlastica.. A za praf.. ta je puca več onda bila za celu tikvu višlja od vsih nas mužkih..a bormeš je bila težka kak nas trojica.. Pa ni zgledela preveč debela.. neg je bila onak.. nabita kak oni Minotaur.. Pa je ona bila fest svjesna da je takšna i najjača med vsim nami.. A smo bežali od nje.. Ni bilo pošteno al tak je.. Čujem da se ta nigdar ni uspela udati.. a završila je pred deset let v cajtungami kaj je premlatila nekakšneg mužkog da je jedva ostal žif.. No.. bilo je tu i lepih pucica..al vse su se nekak držale.. bi se reklo.. posrano.. Nisu bile baš preveč društvene.. A kaj.. mamine curičke.. A bilo je ti je tu v Đorđičevoj vulici i dost skitnica..denes veliju.. klošara .. Znaš.. vsaka hiža tu ima svoje dvorišče.. a ta su dvorišča negda bila fest zapuščena.. puna starih šupa .. stračara.. raznih bajti.. pa su se tu največ po kmici okuplali ti vucibatine.. I jemput su ti klošari fkrali biciklina od našeg pajdaša Ferde kaj je tu malo dalše stanoval.. Eeee.. onda su zvlekli svoga vraga.. Taj Ferdo je taki bil frajer za dreva čupat.. pa gda je začel naganjat te skitnice i iskati svojeg biciklina.. bilo je i polomljenih ruka.. noga.. razbijenih tikva tak da je i ondašnja Milicija imela posla.. Pa ja tu baš nis zalazil po tim dvoriščima.. al su zato fakini od tuda bili v moji Zrinjevački bandi..Aaa.. je.. bili smo frajeri.. nema se kaj prigovorit.. Neg znaš kaj.. denes tu v ulici nema več nit jenog poznatog od negda.. hmmm.. morti koji i je al ga ja nigdar nis srel nit videl.. ha.. pa gdo bi koga i prepoznal …….



Evo.. tak da si malo oči odmoriš.. kakšnaa lepota je to moje dvorišče.. taj Zrinjevac.. ha.. kaj veliš.. Nema do Zrinjefca lepšeg mesta nit v Evropi a kamoli gde drugde..Al kaj vredi gda denes tu nema nit stanarof.. nit dječice.. nit fakina.. nema nikoga.. Istina da se tu fort špilaju nekakšne špelancije .. pa i denes su tam na drugi strani nekakšne bedarije z kolačima..Al to ni ništ kak je negda bilo.. Negda je taj Zrinjevac zgledel kak špilšuh .. drugač pak kak školsko dvorišče.. pa do zatvorskog šetališča.. vsega je tu bilo.. A denes je ostala samo lepota najlepšeg .. se reče.. perivoja v Evropi.. Jeee.. ostal sam i ja.. kak zgledi jedini od negdarnje bande kaj tu skorom vsaki dan dojdem.. Aaaa.. nema mojih pajdaša.. poženili se več davno pa prešli nekam.. Morem tu na vuglu stajat celo leto i nebum nikoga poznatog z starih dni susrel… žalostno… A kaj.. Ništ …………………



Nema druge neg se stati tu na Trgač i posmatrati i levo i desno.. Tu ti nigdar nemre bit dugočasno.. Fort se ljudi španciraju sim tam.. peju na Dolac..pa se vrneju z placa.. bežiju za trajvanima.. spodi stare vure stojiju mladi i čekaju jeni druge.. Trajvani ružiju jen za drugim.. Narafski.. ženskih za gledeti kolko hočeš i kakšne hočeš.. Eeee.. gda bi mogel birati..hmmm.. težko bi se odlučil.. vsaka ima baš ono nekaj zakaj bi baš nju zabral.. A ja nis zbirlif.. lepo je rekel moj tatek… Sinek.. nit jenu nemoj propustit.. nigdar neznaš.. morti bu ti baš ta bila zajdna.. Jeee.. fajn sam ja tega od svojeg jape pokupil.. A on je na mene fort bil ponosan.. makar to nigdar ni pokazal..onak javno.. Ha.. on je bil grofofski fačuk..a ja nejgof grofič.. A moj se je tatek fort špinčil z svojim porjeklom..kak da je Avstrougarska bila nejgova a ne od Habzburga …ha …. Hmmmm.. baš gledim jenu zgodnu mladu kak se gor dol sprešetavle čez Splavnicu i gledi te lepe rojžice.. Eeee..da mi je koja manjše na grbači.. kaj joj ja nebi ponudil rojžicu.. Nooo… naj zdaj svakaj lošega gruntat.. Pravu rojžicu..onak.. kavalirski ..me razmeš…
Maa.. kaj… Vreme se punta..prihajaju nekakšni črni oblaki gor z Medvedgrada .. Je lepo rekel oni Vakula da bi mogel lahko i dež cureti denes.. Pa bežim ja nekam najti skloništa.. A kam.. V brtiju.. a kam drugam….ha …..

……………. Bok ………………


11:15 | Komentari (4) | Print | ^ |

nedjelja, 20.07.2014.

Mic po mic.. prek Griča brda ...............



Mic po mic.. z noge na nogu i sam se dovlekel do Vranicanjeve vulice.. Z jene strane su stare hiže.. a z druge je velki park .. To ti je mam pozadi kule Lotrščaka.. Na tom mestu je negda davno..valjda još koncem srednjeg vjeka bil velki samostan s opaticama.. Pa je taj samostan menjal vlasnike kak i denes poduzeča menjaju.. se reče.. menađere.. Prve kaj su zgradile taj samostan su bile častne sestre Dominikanke.. Valjda su i one propale pa su ih tu nasledili fratri Kapucini.. Pa valjda nit njim ni dobro išlo i su za njima došli oni.. Pavlini.. Eeee.. ti si nisu na dugačko gruntali neg su taj samostan..cirkvu i hižu mam prodali državi …ha .. Pa je jeno vreme nutra bila naseljena nekakšna sirotinja i vse je negdo na koncu porušil za oneg drugog rata.. I od onda pa do denes je to prazni prostor.. Al ni navek tu zgledelo tak ljepo kak je zdaj.. To ti je nema dugo pririhtano v park i šetališče.. A taj ti je park na starim temeljima..zapraf podrumima oneg negdarnjeg samostana..
Dok sam ja još bil klinac dolazil sam se igrati na Gornji Grad.. pa največ tam na stari Grič gde je taki bil park .. Al je tu na mestu oveg parka bila obična blatnjava .. su to nazivali poljana.. A kak je poslednji vlasnik te blatnjave poljane bil oni grof Vranicani.. to se nazivalo..a i denes je tak.. Vranicanjeva poljana.. Pa stari Zagrepčanci jenostavno veliju..Vranicanjevo..

No.. gda sam ja tu ..kak sam rekel.. dolazil.. nisu podrumi bili zatrpani do kraja.. Sa strane Promende se lahko moglo zavleči v te podrume pa smo to i delali skup z fakinima z Gornjeg Grada.. Kak je nutra bila potpuna kmica.. doma sam fkral dve voštane svečice i škatulu šibic..i zavlačili bi se v tu luknju.. Morem ti kazat da su dole bila nekakšna dva tunela kaj su nekam išli..al se nismo ufali dalko prejti.. Malo bi se nutra zabavlali dok se negdo nebi nečega splašil..pa smo onda kak stekli bežali van čez tu luknju v zidu.. A onda su došli radniki i od zgor začeli kopati v te podrume.. Su rekli da se tu nekaj istražuje.. Se pripovedalo med ljudima da je to naredila ondašnja črlena vlast..kakti da tu negde ima zakopanog blaga.. Bi ga vrag znal dal su kaj našli..al su jenog dana vse znova zatrpali i pak je to bila samo blatna poljana.. Više se ni moglo nutra v te podrume jer su ih odzgor nafilali z kamenjem i starom šutom, kaj su od nekam dovlekli.. Pa ti je ta poljana od davnine služila gornjogradskim fakinima.. pa i odraslima za igranje nogometa.. Pred dva leta se naš Zagrebački gradonačelnik.. oni dotepenec z bregof.. najemput zbrcnul i naredil da se ta poljana vredi v park z cvetjem.. travom.. mladim drevima.. klupama.. i njihalkama za djecu.. Pa je.. lepo je vređeno.. makar v taj park nigdo nigdar ne dojde.. Zapraf.. vsako jutro tu dovodiju ljudi cucke na scanje i sranje .. na Gornjem Gradu nema nikakšne dečurlije.. nit male.. nit velke.. fakinof takaj več odavno ni.. pa se lepom parku diviju samo odzgor ptičice..a odzdol pasji dreki..

Svakog dreka se je v zajdne vreme špekuliralo da se bu tu delalo.. Negdo spametni je predlagal da se tu naredi ..hoh.. hotel.. drugi bi tu naredili koncertnu dvoranu.. treti nekakšne .. se reče.. sadržaje.. za razne špelancije.. Bi ga vrag znal kaj bu na koncu.. jedin se more kazat da je taj del ..ta Vranicanjeva poljana vredna kolko i zlato zkojim bi to pokril.. Ja sam ziher da bu jenog dana negdo tu naredil nekakšnu grdosiju od stekla i betona.. kak je i ona rugoba na drugem kraju Promenade ..



A hiže v Vranicanjevi vulici su navek iste kak i pred parstolet .. na početku je samostan oneh Čirilometodaca..pa onda par hižica v kojima više ni stanarof jer su to tu prodali .. V jeni je nekašna restavracija kaj se nazivle.. Prasac.. Ti vrapca.. pa se tu pri nam ne veli ..prasac.. neg pajcek.. mam ti je bistro od kud se je taj gazda dotepel v Zagreb.. No.. na kraju vulice je petcto let stara hiža grofa i Horvackog bana Petra Zrinskog.. Vse su te hižice v zajdna dva leta malo obnovlene pofarbane..krovi pokrpani..i tak..
Negda je v ti vulici v teh par hiža bilo velkih familja.. Narafski da je bilo dost pajnkrtof.. a v moje vreme i velkih fakina.. Pa je na Gornjem Gradu bila fest velka banda fakina.. bormeš nisi tu mogel prismrdeti samo tak.. mam bi ti narihtali nosa na tikvi.. Al mi fakini z Zrinjefca smo bili u .. bi se reklo.. dobrim odnosima z njima .. Tak da smo mi odzdol mogli mirne duše pelati pucice v kmicu na Grič.. na Promenadu.. na Vrazovo.. al v kakšni drugi zabiti vuglec na Gornjem Gradu.. A najvekši med tim tu fakinima je išel zmenom v osmoljetku i to zajdnu osmu godinu.. Ha.. je to bil Štef.. zapraf se prezival Štefančić.. Vrabec ga dal.. gda sam ja završaval osmi razred..taj Štef je več išel.. valjda .. v jedanajsti razred kolko je put ponavlal.. I narafski.. prvo su ga hitili van z osmoljetke tam v Opatički vulici.. pa je onda sprešel pol škola v centru Grada i na koncu stigel v moj razred.. v Varšafsku .. Mam se je nametnul da bu on bil najgorši.. Jeee.. al se je nameril na mene a ja mu to nikak nis mogel dopustit.. I sim.. tam.. ja sam nejga sprelemal kak vola v kupusu.. onda je došla nejgova banda z Griča Brda.. pa su njih deset meni nosa potrli… jee.. pa sam ja otpelal svoje fakine na Gornji Grad pa smo im vse lasi i zube počupali.. Nakon tega je zaglavljen mir..kak med indijancima.. i je potrajal par let.. Jedin je malo puklo gda sam ja začel snubiti jenu curičku z Matoševe vulice.. Al se je na sreču ona preselila v drugi del Grada pa je meni tak ostal nos čitaf … Kaj da ti velim.. Te dve bande fakina su palile i žarile po celomu Gradu.. Gda si se našel v kakšnoj frki negde med fakinažom v Zagrebu.. dost je bilo napomenut da si z Zrinjefca..al Gornjeg Grada i mam si dobil ausvajs.. I tak sam ti ja često visel z Štefom tu na Vranicanjevom.. fort smo morali zmišlati kak da se zvlečemo z dreka.. v školi.. f kojem smo bili vsaki čas do vuha.. Pa je mene spašavala moja baka.. plemenitašica.. barunica.. I makar ju direktor škole ni mogel zmislit kakti aristokratkinju.. imel je velki rešpekt prema njoj jer je znal da moja baka ima svršene škole v Pragu.. Beču i Milanu.. da ona govori četiri jezika.. da svira klavir.. da je pol sveta sprešla i za zajdneg muža imela Češkog industrijalca.. A siromak direktor je imel samo šumsku partizansku školu.. valja je ispita polagal negde v Užicama.. No.. moj pajdaš Štef ni imel te sreče.. tatek mu je bil pijanec.. mamica se naokol flojsala.. dječica se skitala posvud naokol.. I moj Štef je tri meseca pred konec škole završil v Turopolju v Popravnem domu …ha … Jee.. pozabil sam kazat da je i moj tatek sređival na svoj posebni način nekakšne nesporazume z mojom razrednicom… Ti vrapca..kam sam ja prešel.. al..kaj.. prisetil sam se malo ..razmeš ……



I tak.. stigel sam do Promenade… do Štrosa..zapraf do Štrosmajeroveg šetališča.. Znaš.. nigdar mi nebu bistro zakaj se najstareše Zagrebačko .. Gornjegradcko šetališče ne imenuje kak je to bilo mam z početka.. Južna Promenada… Maa.. je da je oni Štrosmajer imel velkih zasluga v Horvackoj..al je i bil velki Jugoslaven.. jebal ga vrag .. pa ima on v Zagrebu i vulicu.. i trg.. i galeriju.. školu..pa zakaj mora imeti i najlepši del našega starog Grada.. A daj pogleč kaj piše na oni gitri.. Štrossmartre.. kak da smo v Parizu a ne v najlepšem gradu na svetu .. Zagrebu.. Zbilam si svakaj dopuštaju ti bedasti dotepenci v Gradckoj upravi.. zakaj se to tu ne nazivle Promenadšpancir..al nekak po drugač na domačem.. No.. tu se ništ nemre dok nam v Zagrebu upravlaju oni kaj su iza svojih vrat obesili opajnke.. Samo neka se mladi tu zabavlaju po kmici.. muziciraju.. predctavlaju.. slikaju.. i druge špelancije izvodiju …



Evo… hitil bum još jeno oko na naš lepi i dragi Zagreb Grad.. vse mi je žal, otiti z oveg mirneg mjesta.. Al me več pomalo i noge boliju..a moram ti priznat da sam žedan kak graba.. To znači da bi mi se moglo desit da..se reče.. dehidriram .. ti vrapca kakšna komplicirana rječ.. A da se to ne desi pem ja pronajti nekakšno zgodno mjesto spodi kakšneg suncobrana.. gde v miru morem spiti barem dve Ožujske z citronom.. Narafski.. moram imeti dobar pogled na naše lepe Zagrepčanke ..ha ….

Imajte se dobro ………


14:58 | Komentari (8) | Print | ^ |

subota, 19.07.2014.

… Kak smo rekli… pemo dalše …………



Pa sam tu v Basaričekovi malo zastal spredi te stare hiže.. Se pretpostavla da okol četristo let več ta tu stoji.. A to ti je prafzapraf.. prva Zagrebačka pivovara od gda v Zagrebu Gradu znaju za pivu.. Tu je nekakšni Purger.. trgovac.. došel na spametnu ..se reče.. ideju.. da bi morti Zagrepčanci rad imeli tega safta.. Bormeš se ni prevaril .. jedin su se susedi malo bunili kaj je znalo smrdeti gda je ..se reče.. fermentiralo.. No.. gda im je sused ponudil tu pivu.. mam su pozabili vse drugo… Sama pivovara je bila z dvorištne strane v drvenim šupama i bajtama.. V prizemlu te hiže je bila brtija v koju su dolazili Purgeri i drugi.. se reklo.. građani i namerniki .. Narafski da je bilo i druge pijače..al je taj gazda največ nudil pivu jer je imela najbolšu cjenu.. Je to bilo kakti svetcko čudo v Gradecu na Griču brdu.. No.. dok su se v prizemlju častili obični ljudi.. tam gor na prvem katu je bilo malo bolše ..hoh.. vređeno.. Tu je pak dolazila gradcka gospoda.. plemići.. baruni.. grofi.. fkratko.. razna aristokracija i fest bogati Zagrebački trgofci.. Pa se je gzda pivovare dosetil.. je zrušil pregradne zide na prvem katu i naredil..ha .. velku sobu za.. bal.. Je.. je.. Slobodno kažemo da je tu bil prvi javni plesnjak od gda naš lepi Zagreb postoji.. Pa kak bi naredil nekašne promene da Zagrepčanci ne moraju samo pivu pit i tancati.. je taj gazda naredil i drugo svetcko čudo tu na bregu.. Po prvi put je v ti sobi gde su velemožni tancali.. priređena kazalištna prectava.. Prava prafcata.. Nekakšno putujuče kazališče je lutalo po svetu pa su i na Grič dovlekli svoje umjetnike glumce.. Dakle.. još dugo vremena su se tu v ti hiži održavale predctave i plesnjak za građane.. Kak je to sve tu bilo privatna stvar teg domišlatog Purgera.. to se mesto ne računa kakti pravo kazališče..al je zapisano v starim spisima.. A prije neg je otprto pravo kazališče tam na vuglu današnje Čirilometodcke vulice još su se privatne kazalištne prectave držale u palači grofice Keglevič v današnjoj Matoševoj vulici …
No.. kak je ta pivovara tu v Basaričekovi postala smetnja kaj je bila mam pokraj Gradckog Magistrata.. na mestu današnjeg Horvackog Sabora.. je taj Purger svoju pivovaru preselil v Doljnji Grad koji se je več navelko širil.. Ju je smesti v današnju Gajevu vulicu tam gde je zdaj restavracija i kavana..Boban..
Sam se samo tak malo prisetil dok sam tu prolazil.. Jeee.. naš lepi i dragi Zagreb Grad je več v ono davno vreme bil prava Metropola.. takšnu pivovaru v to doba ni imel nit Beč.. a bute se fest začudili gda vam velim da je naš Zagreb i telefona imel prije neg Carska prestolnica .. Beč… Ha ..kaj smo ti mi Zagrepčanci…ha …………
Denes tu v hiži živi par stanarof otraga v dvorišču..a gor na katu je prazno i zaprto.. bi ga vrag znal ….je sama hiža v fest lošem stajnu.. pogotovo znutra ……



Pogleč.. ljetni odmori su i tu v Banskim dvorima ..kak zgledi.. nema nikoga..makar se oni črlenim kaj vladaju državom tučeju po prsah kak za njih nema odmora.. Pa sam ja tu bil na Markovem Trgu dobrih pol vure.. i nis videl nit jenog velemožnika da bi ušel al zišel z dvera.. No.. pa kaj to mene briga…. Jedin kaj me štenta su te žute pruge narisane na tem granitnim kockama na podu.. To je kakti oznaka gde buš avtomobil parkiral.. Ti vrapca.. pa kaj su ti buržujski šoferi tak bedasti da se neznaju zparkirat brez tih štrafti…ha ………….



Navek se rad prešpanciram čez tu Čirilometodcku vulicu.. Ima ta za mene takaj del povjesti.. Tu je na broju pet stanoval z dvorištne strane jen prijatel moje familje..pa i ktomu velki pajdaš mojeg tateka.. I smo često tatek i ja tu znali dojti.. tatek na gemišt..a ja bi lutal po celomu Gornjem Gradu.. A taj človek..su ga vsi zvali Vujc.. je bil, oni .. se reklo.. aranžer.. Pa je taj vređival izloge po celomu Gradu Zagrebu.. V to vreme se vse slikalo i crtalo z farbma.. narafski z rukami.. Stručnjaki za to su morali imeti velkog smisla za umjetnost.. I bil je to dobro plačen posel.. I gda bi moj tatek i Vujc spili vse domače zalihe vina i i sode z oneg sifona.. prešli bi taki v onu staru brtiju v Basaričekovu .. tam bi ja došel na svoje kaj bi dobil .. himper saft z sodom da mi je vse špricalo pod nos.. Al o tom bum jen drugi put pripovedal ….



Baš mi lepo zgledi naš Gornji Grad.. Videl sam ja po Evropskim gradovima takšna slična mjesta..al kaj je naš Gradec.. tega nigdo nema… A i moral sam se malo okrenut..znaš.. ja ti rad pogledim za ženskim nogami.. A kaj.. to mi je navada još od mladih dni.. Je meni moj japa.. kak su rekli vsi za nejga da je stari kurviš.. navek daval upuctva okol teh ženskih pitanja.. je rekel…. Sinek.. prvo poglediš noge.. i ak su te onak kak se spada nit vse drugo nemre bit drugač.. Onda glediš ciceke.. moraju se pomalo zibat..al ne preveč.. Rit je fest važna jer se moraš za nekaj držati.. a glava je najmanjše važna.. gda vse drugo prije dohvatiš.. glavu nebuš nit primetil…. A je.. znal je moj tatek.. Se pripovedalo da je tam na Zrinjefcu pomrdal vse kaj mu je dopalo..hmmm.. ruke.. Je moja baka.. plemenitašica.. barunica ..a nejgova mamica fort kričala…. Jenog dana buju tu na vrata lupat došle sve tvoje šoce z pinklecima v rukama.. Gdo bu vse te pajnkrte hranil.. No.. vse je dobro prešlo ……………

Pemo dalše ……….


12:32 | Komentari (6) | Print | ^ |

Kakšni štrapac …………………



Bormeš je.. Ni mi vrag dal mira pa me z Tkalče odvlekel na Felbingerove štenge.. Vrabec ga dal.. skor sam dušu zpustil dok sam se spentral gor do Radičeve.. I gda sam malo lufta vlovil.. nekak sam se dovlekel do Palainofke na Vrazovem.. Jeee.. brus.. još ni otprto.. Konobar je tekar začel stolce preslagivat .. A baš sam si naguštal spiti barem jenu Ožujsku z citronom.. Ništ.. bum se zadovoljil z ovim lepim cvetekima kaj visiju z obloka.. Još da i kakšna krasotica djeva poskrivečki gledi ..al ništ od tega.. Djeve su z Gornjeg Grada nestale.. Malo je tu stanovnikof.. vse kaj je vredilo ..hiže.. palače.. stanove..su pokupovali Zagrebački fiškali.. pa nekakšni bogataši kaj su se dotepli bogzna od kam.. Znaju oni da bu to jenog dana vredelo kak suho zlato.. A stare Zagrepčance tu moreš na prste nabrojat.. Nekaj malo ih je ostalo v Opatički vulici i v Matoševi.. pa i v Jurjefski.. Se lepo vidi da su hiže prazne i zaprte.. neke se obnavlaju… a neke čekaju da se zrondaju od starosti .. Je..a kaj ….



Evo.. stara palača Državnog arhiva nikak da dočeka red za obnovu.. Več pet let kak su rekli da je na redu.. Tu nutra su stari srednjovjekovni arhivi negdarnjih starih Horvatckih županija.. vse je natrpano z starim papirima ..spisima.. librima.. Pa i stari spisi našeg slavnog Grada Zagreba.. Tu moreš dojti i nekaj poiskati z starog doba.. Ali to moreš samo videti a nekaj i kopirati.. Negda se to nekaj malo plačalo i si moral čekati par dni.. neznam kak je denes .. Nis več par let ništ tu iskal ….
Prek puta je stara osmoljetka.. mam pokraj stare kule i Zvjezdarnice.. Al đakof več davno ni.. Znaš.. na Gornjem Gradu nema više dečurlije kak je negda bilo .. mir i tišina..kak da je do ščera kuga vladala.. Živeg človeka tu nemreš sresti …. Jedin Zvjezdarnica dela i tu moreš dojti gledeti i po danu i po noči .. ti narihtaju oni teleskop i onda glediš kak po Mjesecu Rusi i Amerikanci igraju nogomet…. Ha …..



Aha.. v Basaričekovi je konačno završila obnova hiže na broju jedanajst.. To ti je hiža v koji je sniman oni naš najbolši Horvatcki film.. Tko pjeva zlo ne misli.. pa je do pred par meseci to bilo vse tak pohabano da se štelo podreti.. Zdaj vidim da su i z dvorištne strane vse obnovili i još nekaj malo se dela.. A z ulične strane je i dalše najstareši poštanski ured v Zagrebu.. A na gornjem katu i na tavanu je nekakšni arhiv Grada Zagreba.. Fort službeniki nutra nekakšne papire premečeju…….



No.. jena od najstareših hiža na Gornjem Gradu.. ona stara brtija.. Pod Starim Krovovima .. još čeka..al da ju obnoviju..al da se sama zronda .. Z dvorištne strane je vse v tak derutnom stanju da se vsaki čas more vse zrušit.. Još do lanjskeg leta je nutra živela stara ženska.. vlasnica te hiže.. Makar su je mnogi snubili.. ni štela hižu prodat..a nofci ni imela za obnovu.. Denes je to najstareša brtija v Zagrebu Gradu.. prek pecto let kolko je hiža stara.. I tu su takaj snimali oni isti film kak i v susedctvu.. Pa sama brtija još dela..makar vsaki čas menja ..se reče.. korisnike.. Težko je to držati v uporabnom stanju.. Gledim gor na prvi kat gde je stanovala ta stara gazdarica.. Hmmm.. vse je zaprto.. Gdo bi znal kaj se spelava…..

Pem dalše ……………….


07:45 | Komentari (5) | Print | ^ |

petak, 18.07.2014.

Špancirancije ……..



Dobro je rekel oni Vakula na televiziji.. zbilam je denes vruče.. Pogodil je kak z prstom vrit.. Več sam ga prošli teden štel za vuha navleči.. Znaš.. sretnem ti ja nejga tam okol Trgača gda on ide na Gornji Grad na posel.. A ljudi ga pozdravlaju i svakaj mu od šale dobacivaju.. Tak se je meni prošli teden osmehnul gda sam komentiral da on ne nosi ambrelu pa to znači da dež nebu curel.. A baš kratko posle tega me oplahnula kiša dol pri Malom Placu… ha .. Eeee.. da mi je bil pri ruki taj Vakula.. A kaj.. bi ga na pijaču pozval…ha … Čuj.. tu na Trgaču ni za zdržat kak ona lampa odzgor žga… A i neče mi se okol teh štandof hoditi..sam dojdem v napast da si kupim velki škarnicl oneh finih medenjakof………….



I gda god sam ja tu okol Trgača nevek se naluknem malo i na Dolac.. Tu ti je fort nekaj interesantnog.. Jeee.. ima oveg leta sva sila teg voča i povrča i druge zelenjave.. A kak drugač.. sunce sija.. dež curi.. i vse raste kak bedasto… Pa i ona trava kak da je ponorela.. Znaš.. imam maleg grunta tu pokraj Zagreba.. zapraf je i prevelki gda treba travu kositi.. A baš sam ščera dušu zpustil dok sam rival tu kosilicu.. Pokvaril se je oni.. veliju.. pogon.. pa zdaj dela na.. žgance.. ha … Jezušek.. pa i tu je vručina kak pri vražjem kotlu.. Bežim…



Ahhh.. milina.. v dobroj staroj Tkalči je još velka senca.. Treba to zkoristit i malo si zdahnut.. Još nit nema gužvancije.. Znaš.. ja ti rad sednem tam v debelu hladovinu pri Oliveru Tvistu.. nekak mi je tam baš dobro.. A i imel sam rad oneg Dikensa kaj je škrabal te libre.. pa i denes rad kakšnu pročitam.. Imam i domof nekolko nejgovih libri.. No.. zdaj si bum spil Nesicu od vanilije.. narafski..ak dojde kakšni konobar.. …..



Tak.. malo sam si otpočinul.. znaš.. ja ti od raneg jutra štrapaciram naokol po Gradu.. Vsaki dan ja obidem po neki del našeg lepog Zagreba.. Takšna mi je navada ostala od davnine.. Još dok sam stanoval tam na Zrinjefcu.. fort sam plandral naokol.. I gda sam se preselil v svoju novu hižu v Kustošiji.. vsaki dan sam moral bar par korakof narediti po Gradu.. Maaa.. zdaj je na Zrinjefcu v mojem stanu moja stareša kčerka.. imam ja kluča pa ak se fest zamorim.. onda prejdem tam si malo noge zpružit.. Al ipak sam rajši v kakšni brtiji.. barem vidiš vse naokol.. a ja ti rad gledim ženske.. Te naše Zagrepčanke su zbilam najlepše puce na svetu.. I tak.. dve sam Nesice maznul pa zdaj morem dalše.. Cajta imam vse do konca sveta.. pa z noge na nogu… A kam.. Hmmm … kam god.. baš me ni briga …………. Serbus ……………………


19:18 | Komentari (5) | Print | ^ |

četvrtak, 17.07.2014.

Pripovetke z moje stare škrinje .....

MOJA HIŽA NA ZRINJEFCU

del prvi

Evo na.. pogleč..to je hiža na Zrinjefcu v keri sam se ja zlegel…Lepa je to hiža i jena od najstareših na tem trgu.. A moja familja nutar stanuje još od dalkih dana prije nek sam se ja zlegel. Ta ti hiža ima svoju povjest.. itekakvu.. Eeee… gda bi znala pripovedat..
Pak ti je i sami Zrinjevac star kolko i naš slavni Zagreb Grad …………



Tam .. v dalka vremena gda su Zagrepčanci..su se još zvali Gričani.. z bedema Gornjeg Grada gledeli prema Savi.. ti je današnji Zrinjevac bil obična baruština i kaljuža.. vse zaraslo v šikaru i šumu. Pa su tu purgeri išli lovit divlje patke pa veprove…….. Gda su se domačinstva na Griču povečavala.. je trebalo i najti novo mesto za odlaganje smetja i drugeg otpada. Do tad su vse to bacali dol čez zidine na mesto današnje Duge Ulice broj 3. Pa im je to zašlo skroz gor do vrha.. im je fest smrdelo.. I onda se neki Grički glavonja dosetil da se to smetje vozi na novo odlagalište.. praf na Zrinjevac.. Narafski se to onda ni tak zvalo. I tak su v one jame od baruština bacali smetje i otpad z celoga grada .. kaj se već počel fest širiti i izvan starih bedemof. Pa je već bilo hiža na današnjem Trgaču.. pa Petrinjska.. pa Vlaška… Ilica..
Je Trgač bil glavno sajmište.. se reklo Harmica.. i je tu bilo vsega i svačega.. Pak je Zagrepčancima zasmetala živina.. krave.. kojni.. ofce.. kaj se spešetavala na sajmištu po Harmici .. A Harmica je vse bolše zgledela.. su začeli delati prave zidane hiže naokol. Tak je i smetlište na današnjem Zrinjefcu najemput bilo preveč blizu hiža.. I je onda Gradsko Poglavarstvo doneslo odluku da se ono smetlište na .. bumo rekli ..Zrinjefcu.. zatrpa z zemlom i da se sajmište tam preseli..
Tak je leta 1826. otprto novo gradsko sajmište.. Su tu mam začeli graditi štale..svinjce i tore za stoku.. brtije i skloništa za ljude…
Narafski da se i onda već plačal porez..placovina.. skladište..i tak… pa je na vuglu gde je denes moja hiža gradsko Poglavarstvo sagradilo zidanu hižu kaj su je službeno nazvali Pazarnica.. Bi se denes reklo Uprava Gradskih Tržnica. I je jeno par let bilo to sajmište.. a je to praf za praf vse bilo na goloj zemli.. samo blato al prašina… I tak.. malo po malo.. okol teg placa.. sajmišta.. bogatejši trgofci su začeli zidat prave hiže a ona aristokracija je z Griča brda tu takaj začela gradit velke palače jer je tu bilo više mjesta neg gor na Gradecu .. Je prva velka hiša bila kaj ju je zgradil oni Pavle Hatz.. na mestu današnjeg Županijskog suda.. Pa ni štel tu živet taj Pavle Hatz.. neg je tu ogromnu hižu iznajmil Gradu Zagrebu kaj bi nutar deli žandarmeriju.. bi rekli policiju.. a jen del je postal zatvor. Je dvorišna stara hiža još z tog vremena..
I tak su Purgeri donesli novu odluku da se to sajmište preseli na negdašnju staru ciglanu pri Južnom Kolodvoru.. a je to današnji Zapadni Kolodvor…



I onda jen slavni Zagrepčanec.. oni Ivan Kukuljević Sakcinski zahteval da se to mesto uredi kak spada.. I dali su Zrinjefcu ime Novi Trg.. Je mam kak su to malo vredili i.. se reče.. kultivirali preseljena Glavna gradska tržnica koja je do tad bila na Harmici.. Je dakle.. leta 1866. Harmica postala gradsko šetalište i glavni trg za okuplanje Zagrepčancof.. a Zrinjevac.. zapraf Novi trg… plac…. Je i to trajalo par let.. Okol teg placa su se počele graditi nove i još vekše prave hiže i ogromne palače.. su to gradili razni grofi..plemići.. bogati trgofci..
Tak je i.. bumo rekli.. moja hiža napredovala .. su sagradili na tem mestu dvokatnicu.. kaj je i dalše bila gradsko vlasništvo i su nutra bili činovniki.
Pa gda su več bile tak lepe hiže izgrađene trebalo je još uvjek blatnu i prašnjavu cestu urediti da gospoda ne hodiju i mažeju si cipeliše. I je bil predlog da se to zemlište uredi z drvečem.. grmljem.. cvetjem .. travom i da se napraviju posipane steze.
Glavni je elaborat za to dobil naloga napravit… glavni Zagrebački mjernik Rupert Melkus ..
I je bogmeš napravil i su počeli radovi na tem uređenju.. Leta 1872. su zrušeni i odpelani vsi ostatki kaj su zaostali za sajmištem i tržnicom.. Došlo je na red napraviti.. kak se veli.. hortikulturne zahvate… I je za te potrebe pozvan iz Beča glavni ravnatelj kraljefskih parkova..oni Rudolph Siebecki… a je glavni Zagrebački vrtlar Ferdinand Luks zbog tega bil velko uvređen…………
I tak je to mesto postalo na predlog Gradskog poglavarstva Trg Nikole Šubića Zrinskog.. jednostavnejše rečeno Zrinjevac… na dan godišnjice teg junaka. I se dalših let Zrinjevac uređival i preuštimaval svakak .. su se dograđivale hiže i palače.. zapraf je Zrinjevac postal glavna Zagrebačka promenada i mesto kulturneg života.

Tak se i moja hiža leta 1921. povečala za još dva kata.. i dan danas tak zgledi… Je postala to.. Obća Zagrebačka Štedionica i Zalagaonica..
Jeeee.. kak i vse banke tak je i ta propala pa je hiža prešla v namjenu stanovanja..
Tak je moja prabaka.. kaj je bila plemenita milostiva… došla v jen stan kaj je zamenila za njega nekakvo velko zemlište v Maksimiru. Je to bilo 1930. leta.. I od onda je moja familja tam.. do dana današnjeg…..
Praf za praf.. bi o Zrinjefcu mogel pripovedat sedam dni da ne zastanem nit Ožujsku z citronom spit .. i o hiži v koj se nastanila moja familja……
Pak je to tek .. mali.. se reče.. uvod.. v ono vreme gda sam se ja v ti hiži zlegel i zrasel i se sečam vsega od malih nogah.



Je ta hiža bila nekak fest interesantna.. kaj su v njoj živeli al delali razni poznati ljudi. Su druge hiže na Zrinjefcu morti i bolše zgledele i bile vređene znutar, ali nisu imele tak zmešane.. bi rekel čudnovate stanare . Pa bi počel to z onimi kaj su v toj hiži delali.. imali svoje štacune..obrte.. lokale.. salone…
Treba znati da je ta hiža vekša neg kaj to onak zvana zgledi. Ima tri krila i četiri kata.. velki tavan i malo dvorište.. A podrum su prave katakombe.
Glavna stran gledi na Zrinjevac..pak druga stran v Prašku vulicu.. a treta stran je z dvorišne strane i se drži hiže na Zrinjefcu broj 2.
Pa je na oni strani .. na Zrinjefcu..bil velki frizerski salon .. je pisalo.. Za dame.. Kak da se one ženske koje nisu baš dame.. ne friziraju… Je to bil fest poznati salon.. su nutar delale frizerke.. njih devet.. pa gazda kaj je samo naplačival i klanjal se milostivama.. držal kaputa.. otpiral vrata.. i naređival svojim ženskama.. Je taj gazda bil i frizer i jen najpoznatejši vlasuljar na onem prostoru negdašnje države.. To je oni majstor kaj dela perike.. veliju vlasulje… Pa su knjemu dolazile razne.. no bumo rekli.. dame.. kaj su štele svoju tikvu pokriti z tim čudom. A su se te perike..al vlasulje delale od prirodne kose.. Je v dvorištu taj frizer imal posebnu radionicu za te perike.. a je tu i primal ženske kaj su došle prodati svoju kosu. Je..je.. baš tak.. prodati.. Bi došla cura al ženska kaj je imela dugačku kosu.. pa je ti gazda pregledal tu njezine vlasi na glavi.. je ispitival kvalitetu.. A su bogmeš tu večma dolazile siromašne ženske sa sela i druge provincije kaj su znale imeti vlasi do riti.. Pa ..kak se pričalo je dost njih došlo kaj su imele vuši na glavi… I tak… bi se gazda pogodil za cenu.. odrezal ženski kosu.. joj nekaj platil i još poslal v frizeraj da joj malo vrediju ono kratko kaj je ostalo. A se tračalo po hiži da je ti frizer znal takšne sirote i snubiti za .. hmmmm.. one stvari. Pa bi joj onda malo više platil.. I se pričalo da mu je dobro išlo.. makar je već onda bil v priličnim letima..
Pa bi tu kosu onda na dvorištu pral.. sušil .. češljal i farbal. Gda je proces bil gotof.. bi od tega delal perike pol naruđbi i po mjeri.. Je delal i za kazališča.. za glumce..al i za čelave mužkarce koji su si to mogli priuštiti..
Je taj nejgof frizeraj delal do 1962. leta.. Su one črlene vlasti otkrile da je taj frizer nekaj hudoga zgrešil v doba Endehazije.. pa su mu zeli taj salon i se reklo… nacionalizirali … Je moral zaprti i su ga hitili van.. mu je ostala samo ona dvorišna radionica za perike… No je taj frizer bil i drugač bogat.. je imel v Ilici velki stan kaj ga je iznajmlival.. i je imel hižu v Palmotičevoj gde je i on živel z nekakšnom šocom.. Ni se nigdar ženil i ni imal dece… Gda je vmrl je država zela i tu nejgovu imovinu.. a ona šoca ni ništ dobila. Se taj frizer zval Mirko Ščetinec.. tu je bil domaći dečko…z Zagreba …mali debeli.. čelavi.. Su se vsi čudili kaj nigdar ni sebi napravil periku …
Je par let bil frizeraj zaprt.. pa je onda otprt novi.. državni.. kaj se zval ono poznato.. Bratstvo.. Gda je to Bratstvo propalo.. postalo je Estetikuvema i je frizeraj bil do pred par let.. Denes je nutra nekakšna turistička agencija…
Je z prednje starne .. na samoj špici hiže bila brtija… se zvala Trst.. po onem gradu v Italiji.. Al je ta brtija takšna posebna pripovetka ..pa sam ju več i posebno izpripovedal v oni drugi pripovetki z Moje stare škrinje …..




Pa pemo zdaj v Prašku vulicu gde je jeno krilo te hiže. Moram kazat da v vreme o kojem ja pripovedam ta hiža je v prizemlju drugač zgledela.. Ni bilo oveg.. veliju pasaža.. neg su zidi bili skroz do vulice .. Zakaj je negdo to tak preuredil nigdar mi ni bilo za razmeti.. Tu je bilo vsega…….
Mam do brtije Trsta je bil oni poznati Horvatcki izumitelj i avijatičar Slavoljub Penkala kaj je zmislil olofke kaj smo rekli da su .. suha tinta... Su se još te olofke kasnejše zvale i Penkale po izumitelju.
Z vanjske strane hiže je bil mali štacun gde su se te olofke mogle kupit.. ali i naručit na velko.. A sama mala fabrika.. zapraf radionica je bila v dvorišču i v podrumu. Smo mi deca z hiže.. tu stalno viseli i žicali te olofke kaj su onda bile čudo..Pa kak smo več išli v školu smo imali to kaj drugi nisu ni znali da postoji.
Sam gazda je tu retko dolazil.. se on bavil drugim stvarima.. je delal i avione… ali je v toj maloj fabriki olofk bil jen poslovođa.. Albert.. Taj je bil dobar i nam je daval dobre olofke.. pak su ona dva radnika kaj su delali nutar .. nam uvek podvalili one pokvarene.. kaj je z njih curela ta masna tinta…
Pa bi vse ruke imeli zamazane.. a se ta tinta ni samo tak dala oprati z prstiju… Se pri tom Penkali vsega pribora za pisanje moglo kupit.. držala .. pera za pisanje.. nalifpera… i još vsih vrsta tinta v boji… Su se v to vreme olofke.. te Penkale i nalifpera nosile i na poprafke.. pa i na punjenje.. vse po želji… Je ta Penkalina radionica tu bila do 1963. leta gda je taj Penkala prodal svoje patente za to… Zaprav se moral odselit kaj je celu tu stranu hiže zela država za svoje potrebe.. o tom bum kasnejše nekaj rekel…
No… mam pokraj teg Penkale je bil fotograf.. Se zval Mirko.. Je v toj mojoj hiži on samo imal svoj laboratorij .. se tak reklo.. gde je razvijal filmove i delal slike.. Je svoju fotografsku radnju imal na Trgaču.. na broju 15. Smo mi klinci tu često dolazili kak bi dobili stare nevaljale filmove.. kaj su se ..se reklo.. osvetlili.. Je to nama bila zanimliva stvar za igru.. Pa bi dobili i one špulice na kaj se filmovi namataju. Je taj fotograf na velko kupoval filmove pa ih posle premotaval za aparatline i prodaval.. Je tu pri hiži v podrumu imel črnu komoru gde su se delali i oni filmovi.. se reklo .. fotografske ploče za one jako stare aparatline keri su se još v to vreme koristili. Su nas znali pustiti v tu komoru pa smo gledali.. v kmici.. kak se delaju slike… Je taj fotograf i delal slike za ondašnju miliciju .. pa su vsaki dan knjemu tu donosili aparate kaj bi se zvadil film pa metnul novi…………
Si razmišlam koji put.. jel to imalo.. se veli.. utjecaja.. kaj sam puno kasnejše i ja završil školu za fotografe…more bit…bi ga vrag znal …ha …
I taj fotograf Mirko je zaprl štacun i radnju kad i Penkala zbog istih razlogof.

I na samom kraju teg krila moje hiže je bil još jen frizerski salon.. nekaj manjši od oneg z strane na Zrinjefcu… Al je zato bil jako poznat i posječen. Je velkim slovima pisalo Frizerski salon Ruža. Je ta Ruža bila vlasnica.. je i sama nutar delala. Je to ta ista kaj se posle preselila v Frankopansku.. pa je tam do denes… i još je velko poznata.. Sama frizerka Ruža več ne dela.. je tak fest stara…ali delaju njezini nasljedniki… Su tu .. v taj salon.. dolazile poznate ženske z Zagreba.. Se tu frizirala ona poznata šnajderica Žuži Jelinek.. gda je bila v Zagrebu.. Je imela šofera i oni velki američki avtomobil.. od sedam metrof… Su ti dolazile i ženske politikanti z one .. se reklo .. Partije.. se sečam one Milke Planinc.. se navek v črno farbat došla.. a ju je pred vratima čekal nekakšni ogromni bilmez v sivem odelu.. Pa je tu dolazila i ona fest mlada pjevačica Zdenka Vučković kaj je fort bila natapirana.. je zgledela glava kak kup sjena… A je došla i operetna diva..ona z kazališča.. kaj je posle bila glavna v onem našem filmu Gdo pjeva zlo ne misli.. ta Mirjana Bohanec.. je bila mlada i fest zgodna….. A gda bi neki poznatejši zašel Ruži na frizuru.. smo mi fakinčeki došli na vrata salona .. pa bi gledali kak da je to za pojesti… A bi Ruža da nas se reši..zvadila par dinarof i dala nam.. A mi smo mam prešli prek puta v Krašof štacun i kupili si napolitanke.. su se onda mogle kupiti .. onak.. na vagu….
A najpoznatejša mušterija pri Ruži je bil oni ženski muškarac..al muška ženska .. buzarant.. pjevač i svirač gitare.. Đukica Puček.. Je taj fort glumil žensku .. pa se i oblačil v žensku robu.. nosil štikle.. a imel dugu kosu i…… žensku frizuru.. Je dolazil jemput tjedno na frizuru.. a vsaki dan je navratil na češljanje .. Pa smo mi klinci zijali v njega kak v svecko čudo.. Smo mu vikali Đokica Đokica.. a se on fest ljutil na to.. jer je on bil Đukica… Pa bi se okrenul k nam i pital… Mali gde ti je tata.. pozdravi ga….. Pa bi ja svom tati to prenesel..a on bi odgovori.. Jebeš budalu…. Pak je moj tata vmrl nepoznat.. a ti Đukica je još navek poznat i žif…. Sam uvek mislil da je taj puno stareši od mene.. al je bil samo petnajs više.. Još i denes svira na gitari v Oktogonu….
Gda se Ruža preselila v Frankopansku.. je i Đukica prešel za njom tam.. Smo se puno.. kasnejše često sretali v Frankopanskoj.. kaj sam ja tam delal v Grafičkom Zavodu Hrvatske.. al smo si znali otiti v brtiju Rovinj nekaj spiti i spominati se o starim cajtima … I denes si popričamo gda se sretnemo…

Te prostore kaj su bili z te strane hiže su vse skup spojili.. kaj su zide porušili.. napravili onak hodnika kak je to denes.. Tu se doselil nekakšni Jadroagent.. al nigdar ni nutar nikakvi človek zašel. Su nutra delali neki stranci.. a se pričalo da je to nekakšna tajna služba… I je tak do denes……….
I tak to je to kaj se dotikavle tih .. bumo rekli .. poslovnih prostora….

Jeee….. Vam nis povedal da je v našem susedctvu v Praškoj bilo velko dvorišče.. Je negda tu bila ona židofska bogomolja…hram.. al tak nekak.. Su to zrušili za vreme Endehazije.. pa je na tem mestu ostalo samo ruševina… Se moglo zajti v podrume i nekakšne hodnike kaj su išli na vse strane.. prema Trgaču.. spodi Zrinjefca.. pa su se spajali z podrumom v mojoj hiži i onoj do nje….Su neki bili nakon par metrof zazidani.. a jen je išel durh pod Trgač na broju 12… Se pričalo da je to bilo zato kaj su onu banku kaj je negda bila v mojoj hiži.. praf zapraf.. držali Židovi.. pa su si kopali tunele kaj bi mogli se skriti al pobegnut…. Pa su za kratko vreme došli radniki i zatrpali te podrume … a je onda nakon par let na tem mestu zgrađena moderna trgovačka hiža ..ona Standard Konfekcija.. Modna Kuća… je ta zgorela sedamdesetih leta..
A denes su v mom podrumu takaj ostatki tih zazidanih tunela… nigdo to ne otpira….
V drugom delu pripovetke o moji hiži na Zrinjefcu bumo nekaj rekli o ljudima kaj su tu živeli. A to je bilo jeno fest .. se reče.. šareno društvo.. od malih i nepoznatih pa do velkih fest poznatih ljudi v našemu Gradu Zagrebu …..

Serbus ...........................


16:26 | Komentari (10) | Print | ^ |

utorak, 15.07.2014.

PRAŠKA VULICA…. BUFFET TRST… I JOŠ PONEKAJ ……..

Pripovetke z moje stare škrinje ……………




Viš.. tu od Trgača začne Praška vulica

Praška je vulica v samom središču grada..ide od Trgača do Zrinjefca.. je dobila ime po onem Češkom gradu Pragu.. Neznam zakaj..al je tak..Se prvo zvala.. gda su se začele gradit hiže i palače prema Zrinjefcu…..vulica Marije Valerije… je ta bila nekakšna princeza od Habzburgovaca… Su v toj novoj vulici hiže delali poznati plemenitaši.al bogati građani… Pavle Hatz.. Dragutin Vranyczany.. conte Barattia..pl. Ožegović… pa neki Šipuši i Hohnjeci.. bogataši… i razni Židovi… Je kasnejše i glavna trajvanska štreka išla čez Prašku.. i još denes ide…



A tu na vuglu desno je bil oni poznati pajzlin.. Trst........

Kak sam več rekel.. je bila ta brtija na samom vuglu Praške i Zrinjefca.
Je otprta negde posle drugog rata. Je to bilo državno poduzeče kaj se bavilo ugostitelstvom.
Bil je to zapraf obični pajzl kak i večina sličnih brtija v gradu. Je imel visoki šank da si se lahko mogel nalaktiti i si glavu pridržati gda ti postane težka. Je bilo par stolof v drugi prostoriji gde si mogel sesti ak si imel društvo..al si štel nekaj pojesti. A za pojesti su bila samo kuhana jajca..čvarki.. pereci ….
Dakle.. vu to vreme gda ja počnem govorit o tem Trstu.. se još točilo vino z bačvih kaj su bile pošlihtane v podrumu.. bil je oni sifon z sodom pak su se pili špriceri..a pivo je bilo v flašama..črlenim al zelenim.
Je brtija bila smrdliva kaj su nutar fort čikali..a se ni luftalo..a se i vsaki dan negdo pobluval po podu.. a negda bi se i negdo zascal..onak .. čez hlače. Je..je.. takšna je bila tam elita zastuplena.
Zapraf.. fort su bili isti,, bumo rekli.. gosti v tem pajzlinu.
No, kak bi mogel nastavit o tem Trstu vam moram nekaj povedat o Praški vulici.. a je zvezano z Trstom.
Je v Praškoj vulici bil jen štacun ..oni Posrednik.. Se je v njem prodavalo vrednih stvari kak su zlatni i srebrni šmuk.. vure vsih fela.. vredni bešteki.. dragulji.. biseri.. Vse je to bila največ polovna roba kaj bi je građani donesli na prodaju.. Pa če se kaj proda je ti Posrednik uzimal proviziju. A je v tem štacunu bilo sva sila te robe.. je bil nafilan kak filana paprika. Kaj je to bil jedini takvi štacun v Zagrebu i još na široko dalše. I se znalo.. gdo nema penez za kupiti nekaj noveg nakita.. vure..al kakšnu drugu vrednotu.. je to išel iskati v Posrednik.
Je ti Posrednik bilo takaj državno poduzeće.. su imeli i druge vrste štacuna.. kaj se prodavala obleka..je taj bil v Petrinjskoj vulici broj 4..a oni z meblima je bil v Vlaškoj…pak tehnička roba v Jurišićevi…..
A je taj Posrednik dalko stareši.. još za Kraljevine je to bil posel jenog Židova.. se vse zvalo Staretinar – kupovina – prodaja - zalagaonica. Pa je to posle rata nacionalizirano.. se veli .. postalo društveno vlasništvo.
A je v to vreme bilo fest naroda kaj su šteli kupiti nekaj jeftinejše.. polovno.. a još več je bilo onih kaj su šteli nekaj svojeg prodati.. kaj bi bolše mogli živet.
Pa je tak Praška vulica postala poznata v celi državi.. radi teg Posrednika.
Je Posrednik imal dva velka izloga kaj su v njih za dana nametali svu silu te vredne robe.. a bi po noči to zvadili kaj nebi negdo izloga razbil i oplačkal … Pa gdo je god nekaj štel tam prodati.. je tražil da se to dene v izlog… Je to bilio važno.. jer nisi tam dobil peneze gda si to donesel na prodaju.. neg si moral čekati da se to proda.. Su neke vrednote tam stajale dugo vremena..pa i nekolko leta.. a da ih nigdo ne kupi.

I tak….. je to mesto na vulici spredi Posrednika bilo navek puno da si jedva mogel proč. Su se tu zadržavali oni kaj su se zvali .. šverceri… Al su prodavali .. al su kupovali..
Ovak… človek nutar donese nekaj na prodaju .. mu to službenik proceni..al dene tvoju cenu na to. A oni švercer vani te halta.. i ti ponudi svoju cenu za to .. kaj je bila dost spodi tvoje želje. I narafski.. ne buš na tak nekaj pristal.. I bi došel za koje vreme pitat jel to tvoje prodano.. Ni.. A oni švercer vani bi te strplivo snubil i dalše.. Na kraju cele pripovetke je ipak taj švercer došel do tega za sitne peneze..jer bi človeku kaj prodaje trebali nofci...
A su na vulici stajali i oni kaj su nudili na prodaju.. največ vure vsih fela.. pa zlato..lančeke.. prstenje…. Je puno ljudi tuda prolazilo kaj se negda največ njih v Zagreb dopelalo z cugom.. Pa je skoro vsaki čez Tomislavac i Zrinjevac došel v Prašku i na Trgač. Tak su šverceri snubili prolaznike da kupiju vuru..al nekaj drugo.

I je dobro išel posel.. Su pri šverceru vure bile fest jeftinejše neg v štacunu.. al tem Posredniku.. Je to išlo tak…. te pita ti švercer dal trebaš vuru..su rekli i čuka.. Pa ak trebaš te otpelal v brtiju Trst gde je sedel glavni švercer kaj je pri sebi imal vure. I je taj zvadil z žepa par vura da si moreš zabrat. Je imel največma oni Darwill… Omega…Doxa.. Omikron.. Areta..Zenit.. Je.. ti Darwill i Omega su bili najskuplejši..a oni drugi jeftinejši.. a je najmanše vredela ta Areta.. I bi si ti zabral..platil si glavnom šefu.. bi te još zažicali da platiš rundu za šankom..kakti si dobro prešel jer ti je glavni dal velki popust… I ti bi sav sretan prešel z novom vurom na ruki…
Praf za praf … vse te vure su bile jeno te isto..sam su drugač zgledale.. Su se te vure v djelovima švercale prek granice z Italije..al Istambula.. gde su bile fabrike.. Tu pri nam v Zagrebu je bila ilegalna tvornica za montiranje tih vura.. tam v jeni hiži v Dubravi.. Je tam denes velki i poznati zlatar.
A glavno skladište zgotovlenih vura je bilo v Boškovičevi vulici na broju 20. Tam je sedel velki šef.. su rekli Bos.
I tak je postajala ta švercerska hijerarhija… Glavni Bos.. je robu daval onem glavnom šverceru kaj je sedel v Trstu… a oni šverceri vani na vulici bi imeli samo jenu vuru na ruki kaj bi je pokazivali kupcu… Su ti vani bili samo.. kak bi se reklo denes… Terenski komercijalisti …… Vsi skup su dobro zarađivali..Zakaj..ha …



Vse vure kaj su sklapane iz delof.. su nutar v ..se veli kučištu.. imale istog stroja.. Oneg najjeftinejše Arete.. Pak su se samo metale drugače ciferplate.. su to brojčaniki.. raličitih fela .. marki vura. I kaj si god kupil .. bil je jen te isti drek.. za veču..al manjšu cjenu.
Bi to človek kaj je kupil saznal tek gda bi vuru odnesel pravem vurmaheru na popravak…
Tak se i prodavalo zlato v Praškoj.. Največma zaručničko..al vjenčano prstenje.. te lančeki za krstitke..kaj je negda bilo obvezatno. Ti je švercer ponudil.. bumo rekli.. zlatni lanček.. kaj ga je imel oko svog vrata.. pa ak si bil zainteresiran te otpel pak onem glavnom v Trst i taj je taj prodal kaj je z žepa zvekel..kakti original v škatuli.
Ali je oni glavni dobro procenil kolko ti moreš poznati kaj je zlato .. a kaj ni. Pa ak je zaklučil da si bedak ti je podvalil lažno zlato.. a naplatil pravo.. Tak i prstenje.. makar su lažni prsteni bili retkost pri švercerima jer ni mogel imeti vse veličine.
Al su zato lančeki skoro vsi prešli lažni. Je bilo onih retkih kupcof kaj su šteli proveriti jel to pravo zlato.. Pa ni bilo problema.. te jen od vanjskih švercera otpelal kod zlatara .. tam v Gajevu.. i je zlataru dal svoj lanček na proveru.. Je zlatar potvrdil da je zlatni.. kaj je i bilo.. a kupcu je posle glavni dal original v kutiji.. kaj je bil zapraf lažnjak. Kak god si okrenul.. su te ispredelali….
Taj glavni kaj je sedel v Trstu je v vsako godišnje doba imel na sebi balonera z puno dubokih žepova.. a je i nosil z sebom kožnatu torbu kakšnu imaju doktori… Je sedel v birtiji mam pri ulazu v šekret..kaj se štengama išlo v podrum… Ak bi bila kakšna opasnost bi se spustil v taj šekret..pa je čez zadnja vrata zbrisal v podrum i čez haustor van na vulicu…. Jeno vreme su ti glavni kaj su se takaj menjali imali dogovora z nekim stanarima v moji hiži kaj bi im oni čuvali robu v stanu… Jemput gda je milicija delela raciju v Praškoj vulici i v Trstu.. je ti glavni dobežal gor k meni na vrata lupat.. i ja sam ga pustil nutar dok ni prešla racija.. Bi im kod racije zeli vsu robu kaj su imeli pri sebi.
Jeee... ja sam v ti hiži v to doba stanoval..al bum o tomu drugi put škrabal...

A ja sam poznal skoro vse te švercere.. pa su bili godinama moji susedi…
Tak je ta brtija Trst bila glavna švercerska poslovnica v Zagrebu.
Gda bi se navčer brtija zaprla su čez moj podrum dolazili v onu drugu prostoriju kockari kaj su celu noč kartali za nofce.. Su se v ono vreme izlogi brtije zapirali z onim plehnatim roletama.. i se ni vidlo svetlo van na vulicu… Su se znali kartati vse do jutra.. a su konobarici dobro platili kaj je ostala celu noć.
Su se kasnejše v Trst preselile i one kurve kaj su ordinirale pod Zidom.. kaj su im tam zaprli brtiju.. oni Dalmatinski podrum… Pa je Trst tak bil kompletan .. kaj si god trebal mogel si to v Trstu dobit al saznat informaciju…..
Ja bi v Trst navrnul vsaki dan popričat z tim šarenim društvom.. a sam i ja znal kojem papku prodat kakšnu vuru.. kaj sam ju mogel tu dobit na.. se reče.. veresiju..
I onda su se jenog dana v Trstu pograbili oni makroi..su to poslodavci kurvama.. pa su se zpikali z nožima.. je jen bil mrtaf…. Je ležal na onem kamenom podu i saf bil krvavi.. sam videl to …..
I su Trsta zaprli na skoro dva leta.. Potem su ga preuredili u moderni kafič..
Iz Praške su oterali švercere.. Oni Posrednik je još do pred kratko vreme delal.. sam videl da prerihtavaju štacun.. neznam jel opet otprt.. jednostavno pozabim pogledat.
…………. je..je… otprt je.. lepo vređen… pak prodaju nutar vure.. piše of put.. Darvel…….
Denes Trsta više ni.. Su ga zaprli pred dvajset i više let kaj je celo to poduzeće propalo.. Na tem mestu su bile razne druge.. se veli djelatnosti.. zajdni je bil oni Sity expres… Zdaj je zaprto…prazno….-.. i tak to… sam se malo setil tega………………………..

A su tu v Praškoj vulici bile razne obrtničke radione i štacuni…a po dvorištah i cele male fabrike… Je na početku..tam od Zrinjefca bila trafika .. kaj si mogel kupit vsega kaj postoji od duhana… cigaretline vsih fela… rezanog..al droblenog duhana… pa one črne kockice trdeg duhana za žvakanje.. Sam jemput probal pa sam se zbluval kak živina…kaj sam gutal te hračke mesto da sam pluval..
A kak sam ja bil najmlajši v moji klapi na Zrinjefcu.. su fort mene pošilali da idem kupit jeneg..dva al tri cigaretlina… A su tak na komade kupovali oni kaj nisu imali penez za celu škatulu..al oni kaj im se ni štelo to nosit v žepu.. Je tak bilo po vsim trafikami v gradu…. I je dalše od trafike bil oni poznati.. do denes je tam..štacun .Kraš….. Negda je pisalo samo Bombonjera..a kasnejše je dobila i ime.. To je bilo pravo.. Se takaj tu prodavalo na komade al na vagu.. pa i poprek.
Su bile velke škatule al staklenke pune bombonof vsih fela..pa si mogel kupiti i jenu kilu ali i pet deka… A si mogel dati pet dinara i tražit da ti za to da nekaj.. Pa gda još nismo mi klinci začeli čikat smo v tem Krašu trošili sitniše…. Pa je tam dalše bil štacun kaj su se prodavala dječja kolica..ona za male bebe i vse potrepštine za to.. Se zvalo Podmladak. Je bilo kolicof od pletene vrbe pa do onih tapeciranih z kotačima kaj su se pumpali… Je kasnejše to preuzelo ono poznato poduzeće Jadran.. kaj je nema tomu dugo ..propalo.
Je tu bila i fest poznata krznarija.. Je štacun bil z vulice a v dvorišču je bil šnajderaj tega.. pa skladište krzna.. Su tu dolazile nobles ženske kaj su si mogle priuštit te skupe kapute i bunde… Se gazdarica falila da šiva bunde za celi.. se to zvalo..centralni komitet..narafski za ženske… Se vlasnica zvala Doboš Elza.. i je bila jena od mojih suseda v hiži na Zrinjefcu… Je bila bogata baba puna zlata na sebi… Nam je redovito davala za bombone..a mi bi joj vikali..ljubim ruke teta….

Je do tega bil.. i denes je.. oni najpoznatejši frizerski salon v Zagrebu.. Kincl..
No.. tu su dolazili.. bi rekli.. krema Zagrebačka… Mislim samo ženske ..dame .. gospođe i drugarice.. Bi tu došla kakšna dama.. pa bi je dve frizerke po glavi trajbale.. pa je sa strane manikerka nokte na rukami rašpala.. Je taj salon još od Kraljevine tu na istom mestu. Je tu i bil oni Posrednik kaj sam gor pisal..pa onda Štambilj.. Je to bila radiona kaj su se delali štambilji..od drveta..gume.. mesinga.. pa ak je gdo štel bi i od zlata naredili… I denes je taj tu ..se zove Pečat.. kakti je to po horvacki… I je onda bil štacun i proizvodnja ženskih čarapa.. z natom ..bez nata.. z velkim al malim očicama.. na pantljiku.. al gumu..Pa su se i halteri delali po mjeri.. kaj su držali te čarape na nogama.. Pa je bil i neki štacun kaj su se proizvodila radna odjela..kute i razna zaštitna oprema za radnike… i onda dolazi jen od najprvih modnih butika v našem Zagrebu… je pisala velka tabla ŠIK… Se tu prodavala gotova ženska roba..al posebne kvalitete i ..se reče..dizajna… I onda dojde oni Maričef prolaz..o tem bum jemput nekaj naškrabal…



Pa za tim ide štacun.. pafumerija..kaj se prodaju fini mirisi i šminke..kasnejše su još dodali kvalitetnu bižuteriju.. I je sad na redu velki..zapraf dugački štacun kaj je prodaval štofove.. se još veli..tkanine.. na malo i velko.. Su nutar bile poslagane velke bale teg štofa kaj se dovažal z celog sveta…. Su tu kupovali građani..al največ šnajderi… Je dalše ona sad več propala Mladost.. knjižara i papirnica…su denes nekakšni ostatki tega kaj prodajeju uredsku opremu… Ti je onda tu bil i štacun kaj ga je držal jen Taljan.. se ne sečam kak se zval.. je tu prodaval kožnatu galateriju.. ženske torbice.. muške taške.. remenje.. rukavice kape i škrlake.. vse od prave i fino obrađene kože.. Je tu bila fest skupa roba.. se pričalo da je to uvoz z Italije ..Njemačke.. Francuske……..
Pak je onda još v Praškoj bilo dalše.. zlatarnica..kasnejše ono Celje.. pa su bila dva fotografa… Je bila i galerija umetničkih slika..su se tu delale ..kak veliju aukcije al dražbe.. Posle je to pretvoreno v LIKUM..pa onda v ULUH.. denes je ULPUH.. bi ga vrag znal kaj im je vse to.. no su i dalše izložbe.. I na kraju pri samom Trgaču je bil Singer.. još dugo let posle drugog rata.. Su se prodavali šivači stroji.. pa štrikače mašine… posle su dodali i ostale kučanske aparatline…pa vse do denes menjaju djelatnosti v tem prostoru.. A negda davno su se v tem, velkom štacunu prodavali avtomobili.. oneg Tadije Bartoloviča..kaj je prvi v Zagreb dopelal avtomobil za taxi.
Pa su i na vrhu Praške stajali taksiji vse do sedamdesetih let..gda su ih premestili v Bakačevu.
Je to kaj sam opisal ona zapadna strana Praške vulice.. Z druge strane je do pol vulice velka palača kaj je od navek bila banka.. pa osiguravajuče društvo.. poznata Croatia.. Je onda negda bila tu židofska sinagoga.. kaj su je zrušili i na njeno mesto zgradili Robnu hižu.. kaj je zgorela tam sedamdesetih.. Je od onda velko parkiralište..kaj ga držiju židovi.. kaj im je vračena ta parcela.. i na kraju..spet.. je moja hiža.. kaj sam več opisal.
Je v Praškoj vulici bilo i više vsega.. štacuna.. radiona.. malih fabrika.. su bili po dvorištah i v dvorištnim hižama.. kaj se z vulice ni vidlo.. Su bile samo table kaj su davale obavjesti..al su po haustorima bili mali stakleni ormareki..izlogi….
Praška vulica se mogla glatko meriti z Ilicom.. Je bila prava velegradska vulica
Denes je tu vsega i svačega.. največ poslovni dio..se reče..
Je meni Praška vulica navek bila draga..makar v njoj nisu več oni kaj su negda bili.. Ali sam ja tom vulicom vsaki dan išel v školu.. kasnejše na posel.. i vsi su se ljudi z te vulice znali i pozdravlali… I denes rado i često projdem čez nju.. i se setim .. starih cajtof kaj su prešli……

Serbus ………………


(vse fotke su od denes)


18:00 | Komentari (2) | Print | ^ |

Negda bilo pa se spominalo

Frizerski salon KINCL je zaprt zanavek ....



Najstareši frizerski salon v našem Zagrebu Gradu je zanavek zaprl vrata. Više od osamdeset leta je delal..još tam od one Kraljevine..pa prek Endehazije.. čez celo vreme črlene države.. i zdaj je nakon tolko let.. nestal... Pa ni nigdo vmrl al pobegel.. Jenostavno Gradcki poglavari nisu imeli zagrebačkog sluha za tu starinu.. Praška vulica ostala je brez poslednjeg svojeg znamena.. vse od starih dni več je davno prešlo v zaboraf.. Strašno je to kak v našem lepom i dragom Gradu.. dotepenci z bregof.. štimaju i beštimaju z svojim bedastim tikvama.........


17:45 | Komentari (0) | Print | ^ |

ponedjeljak, 14.07.2014.

Na Zagrebačkom moru ………………………

Gdo još ni čul za naše Zagrebačko more taj zbilam nema kaj delati v našemu Gradu.. Od navek tu teče rijeka Sava..a v negdašnja davna vremena..pred jeno dvjesto let je tu bil.. se reče.. rukavac .. To ti je kakti nekakšno korito kaj ze zabilo pokraj rjeke v zemlu pa i po nekolko stotin metrof.. Pa čez te rukafce ni tekla Sava al je tu bila voda kaj ju je Sava nanesla.. I celi taj kraj je bil fest vlažni i natoplen z vodom.. Pa je to bilo pogodno mesto za delati poljoprivredu .. I tu se je takaj pred odprilike dvjesto let posložilo naselje.. se razme ..selo.. a posvud naokol su bila polja i njive..vočnjaki i vrti.. ljudi su stoku tu držali..a bormeš su se v ono vreme dale lepe ribe tu vloviti…I to je selo nazvano Jarun .. pa nigdo nezna zbog čega baš tak.. pa i ni važno ….




No kak je taj Jarun zapraf bil del negdarnje stare Trešnjefke.. tak se je vse više ljudi tu doseljavalo.. bogtepitaj odkud.. pa se selo začelo širiti al je i dalše tu ostala velka poljoprivreda .. vglavnom, se sadila kuruza … I je to selo vse manjše bilo selo kaj se je bolše širilo spram Safske vulice i starog Safskog mosta.. Pomalo je to začelo zgledat kak pravo gradcko predgrađe..kaj je za kratko vreme i postalo.. Zgradile su se obiteljske hižice..vsaka je imela vrteka al vočnjak.. još su se držale kokice ..a bormeš su dugo tu držali i pajceke i krave..
A sami taj Safski rukavac je navek bil pun vode jer v negdarnja vremena ni bilo suša kak denes i Sava je bila gliboka i hitra rijeka.. A v tem rukafcu je voda bila kakti mirna i tu su se navelko množile ribe vsih fela.. A okol teg rukafca je rasel šaš.. vrbe.. i razna druga dreva i grmle.. Nigdo to v ono vreme ni redil pa je to bila prava prafcata đungla.. To je bilo tak zaraščeno.. i ni bilo asfaltnih cesta.. neg samo prašnjavi puti i staze .. Narafski.. po danu je tu svetlelo sunce ..po noči mjesec.. drugeg svetla tu ni bilo.. Zagrepčanci su taj del Jaruna zvali .. Mato Grosso.. kak onu velku neprohodnu prašumu v Brazilu…..

I ni trebalo dugo vremena projti da su Zagrepčanci taj Jarun otkrili kakti dobro mesto za različite avanture i doživlaje.. največ su tu dolazili ribiči z Grada.. pešice al z biciklinima.. malo bi razkrčili z sekirom zelenjavu da su opče mogli dojti do vode.. pa bi tu postavili svoje štape z udicama.. a dok bi čekali da se kakšna bedasta riba zakvači.. znali su sedeti v vodi.. narafski po ljetu.. V ono staro vreme taj Safski rukavac ni bil gliboki…. Pa su tu nedelom dolazili navelko Zagrepčanci z svojim familjama i kurili roštilje.. a oni najhrabriji su se i kupali v ti vodi.. A ta je voda bila fest muljevita.. pa čim bi nutra zagazil mam se to blato zdiglo i bi voda bila potpuno braun boje…
I onda je leta hiladudevectošezdesetčetvrteg Zagreb pogodila velka poplava.. Se rijeka Sava razlijala čez pol našeg Zagreba Grada.. je čak došla vse do Studentckog centra v Safski vulici.. A da ne velimo da je oni del Trešnjefke pokraj Save bil potpunoma poplavlen..a samo to selo..al predgrađe..Jarun je bilo skroz na skroz potopljeno.. Samo su vrhi krovova stršali znad vode… Bila je to velka katastrofa v Zagrebu jer je par hilada hižica.. šupa.. prizemnih stanova.. podruma.. bilo tak vništeno da ljudi tu više nisu mogli živeti…



I konačno su se Gradcki glavonje dosjetili da tu treba nekaj poduzeti..pa je odlučeno da se pokraj sjeverne obale Save mora narediti visoki nasip da se više ta katastrofa nebi ponovila.. I mam su začeli uz Savu dovažati zemlu.. šoder i kamenje.. I zdaj dolazimo na pripovetku o današnjem jezeru Jarun.. Baš z teg Safskog rukavca su začeli vaditi šoder i kamenje kaj ga tu ima v izobilju.. Pa su kopali i kopali.. vadili to z vode.. i vse pelali za izradu teg nasipa.. Pa je to potrajalo par let dok nasip ni bil zgotovlen.. Jeee.. kak su naredili nasip.. tak su i taj Safski rukavac zaprli.. odvojili od rjeke.. I zdaj je to prestal bit rukavac.. pa je postal velka i gliboka močvara… I kak su prestali vaditi šodera.. pak je celo to mesto zaraslo v sami šaš.. spet je i dalše bila đungla…. Zagrepčanci kaj su morali pauzirati dolaske na Jarun zbog radova na vađenju šodera.. zdaj su se nazaj vrnuli na tu velku baru.. I kak je vreme prolazilo.. okol te bare je vse bolše zarastalo v zelenjavu.. i pak je to postalo neprohodno kakti pravi Matto Grosso.. A je of put opasnost bila vekša za namjernike i ribiče.. jer je voda bila dalko bolše gliboka neg prije.. A i nastale su fest strme obale .. pa ak si se odsklizal dol v vodu.. imel si dobre muke se van izvleči…
I kak je opasnost od izlevanja Save potpunoma prestala to se taj del Trešnjefke navelko začel gradit i to je doguralo dotlen da je ono selo Jarun denes jeno kakti elitno naselje.. Od oneg starog su ostale obiteljske hiže.. krava kokoši i pajcekof kak da nigdar nit bilo.. Negdarnja polja i njive su denes velke zelene parcele vređene v lepe parkove i šetališča.. steze i putevi su široke avenije z drvoredima …
A ona negdarnja bara je to prestala bit i denes je to ogromno jezero z čistom vodom.. plažama i vređenim kupalištima.. naokol su posvud asfaltirane staze za bicikliste.. posebno za španciranje.. Na jenom delu su športcki veslački klubovi kaj se po vodi takmičiju i za njih je naređena ..se reče tomu.. regatna staza dugačka dva kilometra.. A uređivanje tega je začelo dalke 1987 godine gda je v Zagrebu bila ona športcka priredba.. se reklo Univerzijada.. O onda do denes.. to je vsakim danom vse lepše i bolše mesto za razonodu Zagrepčancima .. dječici.. cuckima.. Posvud naokol su ugostiteljski .. veliju.. objekti.. vse od dreva naređeno tak da se moreju zgubiti med tom zelenjavom.. Pak su denes od one bare i močvare postala dva jezera.. Velko i Malo.. pa ona regatna staza posebno.. a po celomu jezeru ima vse skup šest otoka a tri su spojena mostima.. Tu se održavaju razne priredbe.. koncerti.. športcka natjecanja … vsega tu ima.. A jen manjši del je ostal onak po starom.. divlje i zaraščeno.. to su namjerno tak pustili da se tu moreju zadržavati ptičice..patke i razna druga živina kaj živi pri vodi i u vodi.. Se razme da v ti vodi ima fajn riba..pa tak i zagrebački ribiči dojdeju na svoje.. Jedin nema više pecanja zabadaf.. treba platiti .. Naravski.. za vse se brine naš Grad Zagreb.. I jako često i v velkom broju tu dolaziju Zagrepčanci i v leti i v zimi.. Je.. lepo je tu.. a skorom v sred našeg lepog Grada Zagreba …. Ak nisi…svakak to idi pogledeti … Od stareg Safskog mosta na desno i za pet minut si tam .. A celi krug kaj ga narediš okol Jarunskog jezera je okol šest kilometrof… taman da to sprehodiš v jenom dahu..pa onda lepo sedneš v jen od teh kafiča i naravski .. spiješ koju Ožujsku z citronom ……Ha ….



Znaš.. ščera sam se išel malo špancirati po Jarunu.. me je odvlekla moja najdraža.. Inače ja nejdem često tam.. mene ti više privlačiju vulice i trgovi po našemu Gradu.. Al.. negda gda je to vse skup još bilo ono Matto Grosso ..eeee… tu sam ja imel velkih avantura .. Al bum o tomu jen drugi put pripovedal .. Aha.. dok vam tu škrabam te svoje bedarije.. sunčeko je hitro nekam zginulo.. začelo je grmeti i mam je začel dež… Ha.. of put me nebu vlovilo na vulici… Brus …..

…. Serbus ……………….


17:01 | Komentari (8) | Print | ^ |

nedjelja, 13.07.2014.

Kak mu se hoče ……………



Maaa.. to ovo vreme .. malo dež curi ..pa onda sunčeko zasija.. Nigdar nemreš bit ziher jel ti treba ambrela al buš se saf zalepil od švica gda te sunce opali.. A kaj.. veliju da je to dobro za poljoprivredu.. hmmmm.. to ti meni nikaj ne predctavla.. ta kmetcka rabota .. ja bum ionak skupo platil svu tu zelenjavu dal dež curi al ne.. Jedin me malo veseli kaj ni tak vruče.. Znaš.. ja ti nikak nemam rad to ljeto.. ha.. jedin morti radi pive.. Ožujska z citronom je meni jako fina pijača.. pa mi se rugaju moji pajdaši da pijem Ožujsku limunadu.. pa kaj ak mi paše..
Pogleč samo teg Vinceka v Ilici.. Jeee.. zdaj mu je sekira opala v med.. Znaš ti kolko naši Zagrepčanci teg sladoleda poližeju..ha.. tu je vsaki takšni sparni dan celi red za tu ledenu kuglu.. Bi me vrag zel da stojim v redu..pa još da platim i na koncu da si jezika brusim po tem.. Ovak pivu samo zliješ čez požirak i ..šlus .. Baš si gruntam kam bi se smestil v kakšnu sencu .. Denes je nedjelja pa su Zagrepčanci malo zakasnili na jutarnju kavicu.. lepo se domof zležavaju na krevetlinu.. ženice al mamice su prešle v cirkvu na mešu.. gda se vrneju buju z placa donesle piceka i dele ga v lonac.. Jeee.. tak je negda bilo.. nisi si mogel zgruntat nedelu brez kokošje juhice z mrkvicom.. pohanog piceka.. restaneg krumpira.. zelena šalata.. I narafski ak ništ drugeg onda barem palačinke z domačim pekmezom.. ha .. Pa se takšne tradicije vse bolše moreju samo prepričavat kak je negda bilo.. A bilo je .. bilo.. gda se samo sjetim.. Narafski ja sam v svemu tomu sudjeloval kakti.. se reče.. konzument.. ha kakšna komplicirana rječ.. a moja je baka.. fina dama.. plemenitašica.. navek za mene i mog tateka rekla da smo požderuhi.. Znaš.. pri meni je v hiži moja baka..inače negdarnja hoh dama.. barunica.. vodila to kučanstvo.. mamica tu ni smela nit prismrdet jer joj je moja baka kazala da nema pojma o kuhanju.. Pa to moju mamici ni ništ štentalo.. ionak je fort jela z najmanjšeg tanjura kaj bi ga našla v kredencu.. je jako pazila na svoj struk.. Pa bi joj baka znala podmetnut da to dela namerno kaj je znala da moj tatek voli onak malo bolše popunjene ženske.. Pa je ispalo da se moja mamica rihta za svojeg šoca kak manekenka… No.. nedeljni je obed bil na vlas točno v jenu vuru posle podneva.. Narafski.. moj japa i ja smo več pol vure prije sedeli za stolom i nervozno gledeli gda se buju z kuhinje začele rajngle nosit v špajzcimer.. I tak.. kak sam rekel.. pohani picek pod nus..a polak svakak i kakšna fina svinjska pečenka jer je moj japa navek rekel da prizna samo juhu od piceka.. Tatek si je mam odrezal najbolši komad pečenke..ja sam zmazal obadva bataka od piceka..baka je glodala krilca..a mamica je pomalo guštirala belo meseko od piceka.. Rekla je da je svinjetina fuj i da je to samo za muškarce.. Tak smo moj japa i ja trpali v želudac vse kaj smo uspeli dograbit.. baka se je smijala i bila fest zadovolna kaj ja i japa skup jedemo kak dva vuka..a mamica je komentirala.. Jeee.. samo nek ždereju skup.. još malo i skup se buju naokol išli kurvati.. A je.. imala je praf.. moj je tatek naganjal vse kaj je nosilo kiklju.. a i mene je podučaval.. Sinek.. nema loše ženske.. vse su dobre i još bolše.. nigdar nemoj propustit priliku.. Narafski da sam si ja to dobro zapamtil.. No.. nakon kaj bi se natrpali do vuha i pojeli obavezni melšpajz.. baka je ozbiljno postavila pitanje.. A gdo bu zdaj kšir opral… narafski.. prva je z špajzcimera zbrisala moja mamica.. je rekla da ima rendes z prijatelicama.. a se dobro znalo da ju negde čeka oni nekakšni študent kaj joj je bil šoc.. Tatek se povlekel v drugu sobu na kauč i mam zahrkal.. a ja sam zbrisal van z hiže tak da me nigdo ni čul ni videl.. A baka je samo uzdahnula .. Vse su to ništkoristi.. i prešla oprati kšir… Maaa..kaj.. tak sam se malo setil .. Jezušek.. pa ja sam skorom pozabil da mi je moja najdraža naredila da z Dolca donesem velku glavicu šalate.. Bežim nazaj na Dolac.. Sreča kaj je Ilica skorom prazna pa morem bežati.. Ha.. moreš si zgruntat.. ha.. kak sto kil beži po Ilici..ha ………



..................... Lepo se imajte........ Bok ......................


19:54 | Komentari (4) | Print | ^ |

Sudbine ……..2

Gdo bu spametni zrušil Staru Vlašku

Kak sam i sto put rekel.. nigdar nemreš bit.. v našem lepom Gradu.. ziher da buš zutra videl ono kaj si i ščera.. Jeee.. naš je dragi Zagreb postal Metropola pa zdaj treba vse kaj je staro porušit i z oveg lepog grada naredit HongKong ..al NjuJork ..al k tomu slični betonski i stakleni kupleraj.. Vrabec ga dal.. malo gledim i čitam kak oni Švabe plačeju za svojim starim hižama.. pa iščeju stare slikice kak bi mogli znova nekaj takšnog starinskog naredit.. A viš.. tu pri nami ima starine kolko hočeš al nigdo neče nit spomenut kak bi to trebalo sačuvat.. Narafski.. ja kričim na saf glas ..al gdo bi mene posluhnul.. Pa ti ja stoga španciram po mojem dragom Zagrebu z aparatlinom i na kipec denem vse ono kaj bi čez noč moglo nestat.. A tega takšneg ima kolko hočeš.. Nemreš verovat ..al nekaj takšnega je tu na tri koraka od Trgača..pa i z Trgača glediš v tu starinu…



Taj najstareši del našega Grada tu stoji skorom hiladu let.. skroz tam od srednejga vjeka.. Ta je Vlaška vulica nastala kakti naselje dotepencof.. zanatlija z doba gda je tu bil samo današnji Kaptol.. No.. pa ja nebum zdaj tu škrabal o povjesti Zagreba.. vse to je lahko najti v librima pa i na Internetu.. Htel bi samo kazat da je današnja Stara Vlaška vulica..takšna kakšna je velkim djelom ostala slična kak je bila i z prveh dni.. Poslednje stare hiže v Stari Vlaški su okol petcto let stare..a med najstarešim je ona Žigrovičeva hiža mam spodi prvostolnice.. i vse hiže dalše su samo nekaj mlajše kak i one prek puta……….



Velka je istina da se te vse hiže v Stari Vlaški hočeju podreti od silne starine.. Morti nekomu ovak zvana i zglediju dobro,,al je to fest prevarlivo.. Znutra su te hiže tolko derutne da bi se več mogle i same zrondati na hrpu.. A pogotovo one kaj glediju tam s druge strane na onu Cesarčevu vulicu..zapraf na livadu.. Je da je tu oni zid kaj ih skriva..al je taj zid naređen tam negde z šezdesetih leta baš stoga kaj su ondašnji Gradcki Poglavari šteli skriti tu rugobu koja je več onda bila v očajnom stajnu.. V to vreme su v tim derutnim hižama stanovali Gradcki bezkučnici.. sirotinja.. i.. gradcka.. se reče.. socijala.. natrpani tu kak buhe v štrozaku.. Ti vrapca.. daj si denes zgruntaj kak bi mogel tu na deset metri od Trgača živeti kakti nekakšna socijala al bezkučnik…ha.. No.. denes nutra ni te socijale.. zajdni je bil jen moj pajdaš.. negda velki Zagrebački fakin.. kasnejše baraba i razbojnik kaj je velki del živlenja sprovel po reštima.. A on je tu živel v jeni sobički v prizemlu.. i na sred teg prostora je bil z drvenim šteherom poduprt plafon da se ne zronda..kaj su gornje drvene grede stare i trule bile.. Pa su tu znjim živele i dve ofucane kurve kaj su se štraftale tam Pod Zidom i spredi Varteksa na Trgaču.. Pa gda bi ove dopelale kakšnu mušteriju.. on bi stajal vani i čekal da se posel naredi.. narafski da je on naplačival svoj del za ..bumo rekli.. korištenje starog podrapanog štrozaka.. Čak ni imel nit kvake ni brave na vratima.. neg je podmetal dve stare cigle ..
No.. kak je i v ostalim hižama bilo vse slično kak i pri ovem djelu.. naredili su Gradcki poglavari teg zida jer su ti bezkučnici po dvorišču spredi hiža bacali smetje i svakakšnu kramu dovlačili.. A zajdne strane teh par hiža su bile vse od dreva naređene ..kak su ostale i do denes.. Pa se to vse lepo vidi znad teg zida.. I dan denes vse to baš ni v preveč dobrem stajnu tak da se tim djelima hiža nigdo ne služi jer bi se vse moglo zrušit kak da je od šibic naređeno..
Koncem sedamdesetih leta su Gradcki poglavari svu tu sirotinju ekspedirali nekam drugam..pa se zna kam.. po šupama i pdrumima teh velkih starih hiža i palača v samom centru Grada.. A oneh par hižica v Stari Vlaški su dali malo pokrpati.. zmenili su par trulih drvenih greda i štehera.. prerihtali trule obloke i vrata.. i vse skup nakon tega su zaprli..su rekli ..do daljnje odluke.. I tak.. letima je to bilo prazno i kakti zaprto.. Praf za praf.. nekakšni klošari su spet nutra provalili i tu poskrivečki živeli.. brez vode i brez šekreta a nit štroma nisu imeli.. Narafski.. ja pripovedam o tom dvorišnom djelu teh hiža kaj je skrito pozadi teg zida na Cesarčevoj livadi.. Z vulične strane su prostore dali v najam za male štacune..kaj je ostalo i do denes.. Tam na početku teg starog djela Vlaške vulice je znutarnje strane..Bakačeve.. ona fest stara hiža v koji je od gda se pamti oni obrtnik kaj dela svječe i druge zdelafke od voska.. Denes je to poznati štacun z suvenirima .. Širok.. Sama ta hiža je stara v doljnjem djelu okol pecto let..dok je gornji del naređen z drva puno kasnejše.. Sama ta hiža je barem pet put zgorela v ognju.. kolko ja znam.. al su je navek znova obnovili .. pa to baš ništ puno ne vredi jer se v zajdnem djeli te hiže nemre ništ delat nit živet.. jer je ..opasno da se zronda.. Ona sam palača na vuglu Stare Vlaške .. dvokatnica je dalko kasnejše naređena i denes je privatno vlasništvo stanara kaj nutra živiju.. Al su stoga štacuni z ulične strane v vlasništvu Grada.. Dalše hižice koje su v zajdne vreme malo obnovlene su vse v vlasništvu Grada i date su v najam za štacune..pa je tak zajdne otprta ona slastičarnica Amelija.. i korak dalše prije par dni nekakšna Vinarija.. Ostalo je zaprto..pa i ona do nema dugo brtija..kafič.. Desetka.. pa je ta na broju deset pa je stoga desetka.. A i zvala se Desetka i stoga kaj je tu brtiju imel v najmu nekakšni Dinamov nogometaš kaj je navek imel na leđima broj deset.. Zbilam se of čas ne morem setit koji je taj.. Pa ni važno.. Delala je ta brtija kakti malo bolši kafič..barem kaj se ponude dotikavle.. dolazili su tu nogometaši..al največ oni treneri i nogometni funkcioneri.. I to je potrajalo do pred leto dni gda je brtija zaprta.. A zaprta je zbog..se reče.. opasnosti da se zronda celi zajdni del koji je ..kak smo rekli.. z dvorištne strane.. naređen od dreva koje je skroz na skroz sprhnulo.. Gradcki poglavari i dalše to dajeju komu v najam..al si taj negdo to vse mora sam obnovit.. Grad je jedin malo pokrpal žbuku na fasadama teh hiža i ofarbal da baš ne zgledi kak zajdne ruglo..



Z druge strane..mam z početka Stare Vlaške spodi Biskupskeg dvora je ona stara podrtina.. Žigrovičeva hiža.. Negda v stara vremena pred pecto let.. tu su hižu zidali dve familje.. Lackoviči i Žigroviči.. I kaj je interesantno.. oni sami nisu nigdar živeli v ti hiži neg su je mam davali v najam.. Tak su se tu zredali svakakšni stanari..a celu tajnovitost toj hiži su dali nekakšno tajno društvo kaj se tu sastajalo.. veliju da su to bili oni Masoni..pa nekakšne stare ..se reče..sekte.. pa nekakšno Bractvo..i tak dalše.. Makar se je fajn istraživalo okol te hiže.. nigdo ni mogel ziher odredit nejzinu pravu povjest.. Denes je ta hiža tolko v derutnom stajnu da postoji vjerojatnost da se bu i sama zrondala za kratko vreme.. Znutra je ta hiža negda bila nekaj posebno lepoga.. prava zidarska umjetnost.. to se vidi još i denes ak negdo uspije nutra zajti.. No.. z dvorištne strane su kakti pomoćne ..se reče.. zgrade.. zapraf luknje gde su negda davno živeli sluge i bila je kojnska štala.. i tu denes živi nekakšna sirotinja z ogromnim cuckom.. a vsi skup nemaju nit vode nit štroma.. zapraf.. vodu kradeju z šahte..a štrom z drvenog kandelabera v dvorišču.. Nutra je vse zmazano tak da ni za normalnog človeka.. A ulaz čuva taj ogromni vučjak koji nikoga ne pušta dalše od vrata.. Grad Zagreb se ništ ne brine o ti stari hiži jer ta ima naslednike negde v Ameriki.. I oni i Grad se več dvajset let tužiju po sudovima okol teg vlasništva nad hižom.. A hiža vse trpi..a doklem bu.. bi ga vrag znal.. Pedesetih.. šezdesetih do polovice sedamdesetih su v prizemlu imeli svoje štacune..jen šnajder kaj je šival balonere.. i jen kaj je delal ambrele.. mi se čini da je to bil oni denes poznati ..Sviben… No.. kak je podrtina bile vse vekša..to su i ti štacuni zaprti..
Dve hižice dalše od ove još po malo živiju makar samo v prizemlju gde su štacuni i mala knjižara.. Ni te nisu v bolšem stajnu jedin bolše zglediju kaj su im malo fasade ofarbali..



No.. pa da svršimo z pripovetkom… zakaj sam zapraf i začel o tomu škrabat.. Pa samo z teg razloga kaj su vse te stare hiže več davnih leta zapisane kakti ..se reče.. objekti za rušenje.. Je ..dobro si čul.. za rušenje.. Viš.. najstareši del našeg dragog Grada Zagreba bi čez noč mogel nestati.. skroz na skroz.. Prafzapraf.. Gradcki poglavari i oni naš dlakavi gradonačelnik.. detepenec z bregof.. samo čekaju da se nakaj od vseg teg staroga začne samo rušit i onda buju imeli razloga da se to dokrajči z buldožerom i odpela na kamijonima.. Pred ..zdaj več..dalkih četardeset let je jen arhitekt predložil da se vse to skup z desnom stranom Bakačeve i Stara Vlaška z obadve strane .. do nizine.. zruši i da se tu nikaj više ne izgradi.. To si je on zgruntal kakti da bi se .. veliju.. otprl pogled na Prvostolnicu i Biskupski dvor.. tak da bi se z Tgača več vidla cela Katedrala i i vse okol nje.. A na mestu teh porušenih hiža spodi Biskupskog dvora je taki v davnini bil Biskupski vrt i šetališče.. I To bi se takaj vredilo kak je negda bilo.. a zjdni je to vređival oni zagrebački biskup Maksimiljan..
Ali..ali.. vse je to vredu.. Prvostolnicu treba videti jer je najvekša stara građevina v Zagrebu.. Jeee.. al je del te naše Zagrebačke povjesti i prva vulica kaj je zgrađena spodi te Prvostolnice.. ta negdarna Vlaška Ves je bil prvi djel budučeg Grada Zagreba gde su se začeli nastanjivati ljudi..čak prije neg je nastal Gradec na Griču brdu.. Tu su živeli prvi buduči Zagrepčanci.. Purgeri.. tu se začel širiti naš lepi Grad Zagreb.. I zdaj bi to negdo samo tak porušil..
Rekel bum ti pravu istinu.. Makar je prešlo dost vremena od gda je taj predlog za rušnje dal oni blentavi arhitekt..a to ti je oni Slovenac.. kaj je delal i onu staklenu rugobu na Kazališču kaj ju denes spet obnavlaju.. Taj ..se reče.. plan.. je još navek spreman v ladici v Gradcki upravi.. I ništ nebu preveč čudnoga ..barem meni..ak jenog jutra više nebu teh hiža… Osim one Žigrovičeve na broju pet v Stari Vlaški.. vse druge hiže nemaju nikakšnu povjestnu nit arhitektonsku vrednost.. i moreju bit zravnane z zemlom..
Tak je zrušen del Cvetnoga Trga ..prije par dni tak je prošel i stari Paromlin.. tak bu za kratko vreme prešel i oni trokut.. Branjugova .. Stara Vlaška.. Langov Trg . a ovo zajdne se več začelo i samo od sebe rušit … Pa bum o tomu sledeči put škrabal..ha.. ak se prije toga ne zruši … Tak buju prešle i stare hiže v našoj Ilici.. Maksimirskoj.. Petrinskoj.. v doljnjoj Vlaškoj.. i posvud v Zagrebu.. Nigdo ne vodi računa da je starina povjest jenog Grada koji bu zutra ziher postal dalko vekša Metropola neg je to denes.. Al kaj se tu more.. Baš ništ.. Došli su v naš Zagreb nekakšni kaj su se zpustili z bregova al znikli z kakšnih žabarija..pa vedriju i oblačiju po našem dragom Zagrebu… tak.. drugu bum žalostnu pripovetku koji drugi put naškrabal………….

Serbus …………………..


10:28 | Komentari (4) | Print | ^ |

četvrtak, 10.07.2014.

A ja praf ..Mađarici ………



Jeee.. znočka je začel dež cureti i ni stal ni do zdaj dok ja ovo škrabam.. Moram ti kazat da meni tak baš fest paše.. laganejše se diše.. me razmeš.. Lepo sam si okol polnočke otprl širom obloka i spal kak pravednik… vse mi se vjutro ni štelo zdignut z krevetlina.. Pa sam ipak stal pokraj obloka.. gledim kaplice kak curiju po steklu.. i si gruntam.. dal prejti nekam..al ostati domof.. Hmmm.. I dok sam o tom gruntal nis ni primetil da sam si zvlekel z ormara svu potrebnu obleku za obleč.. No.. ak je tak.. onda bum se malo nekam sprešel.. Narafski..ambrela je denes neophodna..pa sam čak i vindjaknu navlekel jer je veter nosil tu kišu na vse strane.. Fino.. lepo.. malo te na vulici kiša oplahne. ambrela ni baš od prevelke koristi.. I tak znoge na nogu mam sam na Ilici.. Jezušek kakšna gužvancija je tu.. avti stojiju.. trubiju.. na semaforu je i zeleno i črleno.. vse farbe su se najemput vužgale.. pa vsi misliju da su baš oni v prednosti.. A to se tak dost često događa v našemu Gradu gda dež debelo opadne.. mam se zmočiju kabli i žnore i po šahtama i po kandelaberima.. pa se oni štrom tak zmota da na koncu moraju dojti maheri to zrihtat.. A nit po trotoaru ni bogznakaj bolše.. ljudi bežiju z ambrelama po vulici.. pa nigdo se neče drugome zmaknut da se laganejše projde mimo.. A kaj.. vsi se nekam žuriju.. Baš gledim.. pokraj mene je sprehajbal moj sused špengler.. ha.. pa kam se taj tolko žuri.. je pred dva meseca v penziju prešel.. Ni me nit opazil spodi ambrele.. sam se je zaletel prek ceste kak bizon.. mu je nekakšni z avta potrubil..a of ga je na saf glas poslal v pizdu kusinu i nastavil.. Ha.. sused špengler ima stodvajst kila i ak ga trkne avtomobil.. više bu štete na avtu nego na nejmu..ha .. A ja sam lepo i kulturno stal spredi zebre.. no.. pješačkog prelaza i čekam da mi kakšni šofer zabremza i pusti me prek.. Maaa.. brus.. nigdo te nit ne vidi.. I onda prohuji jen z nekakšnim ofucanim kombijem i vse nas lepo do vuha zalije z vodom kaj stojimo baš tu gde sam ja stal.. Eeee.. zdaj mi zalijani vsi skup kričimo za njim da nek ide u tri pizde kusine i pokazivlemo mu srednji prst..



I nekak sam se dovlekel do brtije Mađarice prek puta placa v Kustošiji.. Hlače su mi mokre do kolena skroz na skroz..a do šlica samo napol..kak da nis maloga dobro stresel prije neg sam ga pospremil posle scanja.. No.. to mužki dobro razmeju.. I zdaj si gruntam kak sam opče bil bedasti gda sam po takšnem vremenu zišel z hiže.. I gda sam več tu gde jesam.. dalše ni koraka nebum naredil.. Narafski.. zašel sam v brtiju Mađaricu.. hitil ambrelu v čošak iza vrat i poiskal koje fraj mesto pokraj šanka.. Znaš.. tu v Mađarici je vse onak kak prava stara brtija mora zgledet.. A kak ti to baš i ni preveč velki prostor.. pol tega zavzme visoki šank okol kojeg se samo stoji.. nema stolcof nit običnih nit oneh visokih.. Okol po zidima su takaj stalaže pri kojima se stoji i pije.. A vse je tak porihtano da velkom djelu mužkih kaj tu stojiju..taj šank i one stalaže taman pašeju da se lepo moreju nalaktit.. Znaš.. baš je ta izreka.. nalaktiti.. zišla na of svet z brtija.. Dok sam još bil školarec i gda bi se na školsku klupu onak podbočil.. mam bi profesorica primetila… A kaj si se tu nalaktil kak da si v brtiji… Domof ak sam sel za stol i lepo se udobno podbočil i čekal da rajngla stigne .. moja baka.. fina dama ..plemenitašica. bi zakričala.. A kaj tu sediš kak za šankom v brtiji… Ti vrapca.. na koncu izpadne da ti jedin nigdo v brtiji nebu prigovoril ak se podbočiš..nalaktiš.. ne ….
I znam ja .. ak bi došel v pol noči tu v Mađaricu.. prije mene bi tu za šankom več stajal moj sused vurmaher.. Jee.. i zdaj je tu al se on nikak nemre nalaktit na šank.. za nejga je to prenizko.. Taj ti ima okol dva metra i stopedeset kila i zavzme celu onu kraču stranu šanka.. I tu kak se stane gda dojde..tak se ne pomakne dok ne otide.. taj ni scati nejde.. a uredno zleva v sebe gemište od ranog jutra.. Zapraf i on je v penziji od nema tomu dugo..i zdaj tu v brtiji dela ..fuš.. vsi ljudi z Kustošije ga poznaju i znaju da mu tu v Mađaricu moreju denesti vuru za popravit.. A on vsaki dan od jutra skupla pokvarene vure.. popoldan domof spi..a pod večer popravla te vure.. I drugo jutro je pak tu za šankom z punim žepom vura …. A valjkda si je i sused špengler zgruntal da bi se ti v brtiji znalo najti kaj posla pa i on redovito vjutro navrne.. I tak ti se ja zguram med ljude za šankom gde stojiju oni ..se reče.. stalni gosti.. pa največ vse tu domaći ljudi.. I mam me vsi tapšaju po ramenu i pozdravlaju.. se razme.. računaju na to da bum i ja koju rundu platil.. Pa zakaj ne.. ionak buju i meni drugi naručili pijaču.. Gda tu zajdeš i staneš za šank.. moreš računat da nebuš baš preveč hitro mogel ziti van..ha .. I dok sam ja pozval par pijača za tu moje poznate i pajdaše.. več je spredi mene na šanku nekolko pijač.. Vrabec ga dal.. znal sam ja.. trebalo bu zdaj vse to zdržati.. nazaj nemreš.. dakle.. nutra z tom pijačom………
Znaš.. pa nis ja tu vsaki dan.. navrnem se koji put da ne veliju da sam postal flajsih pa nečem v običnu brtiju.. al da bi bil tu vsaki dan po ovakvem režimu.. eee.. to bi me brzo pospremilo vragu na račun.. Znaš.. ja ti rad spijem kakšnu Ožujsku pivu.. pa najrajše onu z citronom.. al zdaj je još preveč rano za to.. I kaj bum zdaj ja tu v brtiji.. Kavu nikakšnu ne pijem..a tu nemaju one Nesice od vanilije al čokolade.. I tak si ja naručim žufki pelinkovac ..a vrag ga zel.. več su zdaj tri tu spredi mene..a jenog sam več pospremil v magazin .. No..kaj je tu je.. Posvud okol mene se pripoveda samo o politiki.. politikantima.. kritizira se i vsako malo se kakšneg politikanta glasno pošila v pizdu materinu..onak brez pardona.. Znaš.. tu v brtiji se nigdo ništ ne vređa makar i drugač misli.. Tu vse moreš kazat..a isto tak i prifatit kaj drugi reče.. I upraf of čas komentiraju onu političarku.. se zove..Kolinda.. Al kaj.. nigdo ju ne fali kak spametnu žensku koja se dobro razme v politiku.. ha.. vsi samo pripovedaju kak bi ju nategnuli.. pofukali ovak pa onak.. pa bi im pušila.. pa bi ju za vuha držali.. prafzapraf.. celu pornografiju tu znje delaju.. Pa kaj.. tu v brtiji je Forum i more se reč kaj se misli..
Treba još kazat da tu v Mađaricu nigdar nikakšna ženska ne zajde.. to je izklučivo mužka brtija.. ja od gda pamtim..a to je fajn dugačko.. još tu nis nigdar videl kakšnu žensku.. Al jena je tu i to kelnerica i gazdarica Štefica.. To ti je zgodna sredovečna ženska..onak.. se veli.. korpulentna persona.. Stoji iza šanka šuti.. posluživa goste.. od nikoga ne traži mam peneze za pijaču.. vse pamti gdo je kaj spil i naručil.. I nigdo ju nebu nigdar prevaril.. Al ona ti ni Mađarica kak se zove brtija.. Mađarica je bila negdarnja gazdarica koja denes ima skorom sto let i stanuje gore znad brtije.. A Štefica je tu negda delala kak pipničarka..pa je i ostala kasnejše kak gazdarica.. A ime brtije je ostalo staro.. I nema teg Kustošijanca koji ti nebu znal kazat gde je brtija Mađarica.. A Štefica na te politikajnske pripovetke o Kolindi samo vrti z glavom i podsmjehuje se.. A da baš ona nebi bila sasvim obična pipničarka.. med zubima drži nekakšnu pol metra dugačku cjef.. veli se tomu.. elektronska cigareta.. Ti vrapca.. i dimi se stega kak z raufunga .. Narafski.. i vsi okol mene dimiju prave cigaretline.. jedva vidiš prek šanka na drugu stran kak je vse zadimleno..
I tak.. dež vani i dalše curi.. sused Cajger.. vurmaher je več pun žep novih vura nametal za popravak .. sused Limenko.. špengler dogovara popravak žleba susedu pekaru .. Došel je i pajdaš zlatar al denes pije kavu.. neče vodu jer se je ščera od nje saf zasral..ha .. Sused Franc kaj na placu prek puta ima štand z zelenjavom i vočem je tu dobežal a na štandu je ostavil svoju babu da se zmoči.. Evo.. upraf ulazi i moj jen školski pajdaš z starih dni.. A.. spredi mene su fort dve ..tri pijače.. a več sam ih tri put tolko zlijal čez požirak.. Uhhh.. baš bu mi denes naporni dan.. A kaj buš.. Litru i vodu.. veli jen moj pajdaš.. Kratko se živi …. A dež curi… curi ..curi …….



................. Bok .........................


19:39 | Komentari (5) | Print | ^ |

srijeda, 09.07.2014.

.... Ha ...............



..Ha... dečki kaj velite.. Mi smo Horvati jedini na ovem svetu kaj imamo zakonitu pivu...


12:13 | Komentari (2) | Print | ^ |

Strašno.. kakšna vručina…….



Zajdnih nekolko dni je začelo palit i žarit.. kurit..žgati.. kak god obrneš.. vruče je kak v železari Sisak pokraj Visoke peči.. pa je da tu i tam malo zagrmi i zlije se kakšni mršavi dež.. al to nikaj ne pomaže.. Spodi cipeliša se asfalt tak zmekšal da ženske nit slučajno nesmiju one špičaste pete nosit.. mam bi se zapiknula v smolu.. A i za tikvu žari taj oganj nebeski.. pa si koji put nabijem šiltericu..al stari slamnati škrlak.. Jeee.. taj škrlak ja imam več prek štirdeset let.. Stajal je fajn leta v kištri na tavanu..pa sam ga slučajno našel gda sam nekaj prekopaval po starinama.. A imam ga od gda sam začel hižu delat v Kustošiji.. je da je malo ofucan i je požutel od starosti..al takšni je baš meni po mjeri.. ja ofucan.. škrlak ofucan..ha…
Pa kaj da ti velim.. kak god bilo ja moram malo spejti čez moj dragi Zagreb.. pa makar i ognjene kugle sipale z neba.. Uzput da velim da sam vse bolše ziher da je pakal tam negde gore na nebu.. Pa kak ne.. Daj pogleč.. po ljetu te oni odzgor hoče zažgati.. onda se od zgor zlije dež takšni da vse hiže potopi do raufunga.. a tu i tam se od zgor zpusti oni grad.. veliju .. tuča .. tak da vse kaj je zraslo potuče.. porazbija roletline na mojem obloku.. avte zlupa kak z batinom.. Pa onda spet od zgor z neba celu zimu pada oni beli prhlivec da imaš kaj z lopatom delati.. pa zamete vse vulice i pute.. pa onda na proletje z neba dojde velki mraz i pofuri raslinje.. I tak dalše da ne nabrajam.. I gdo na vse to more tvrdit da je tam gore nekakšno kralevstvo nebesko.. bi rekli.. Raj.. Hmmm.. pa kakšni su to ti angeleki i nijhof gazda gda se tak loše ponašaju prema nama tu dole.. A gda vse zračunaš.. baš oni odzgor delaju nama tu dole nereda.. No.. meni kaj je zapisano da pem v pakal.. taki je svejeno onda dal je taj pakal gor..al dol.. važno samo da ima tam lepih ženskih i Ožujske z citronom …ha …I tak.. lepo preporučam da se Zagrepčanci držiju sence.. hladovine .. makar v brtiji ………..



Viš.. tu na ovem kamenu okol kandelaberof navek si negdo sedne da si malo počine..al kak ja da z dobreg mesta gledim naokol.. Tak sam se i denes štel malo sesti i još se čudim.. kak puran dreku.. da je pri vsim kandelaberima mesta kolko hočeš.. I jesam.. sel sam si al tak na kratko da sam se prije zdigel neg sam do kraja zpustil guzicu.. Jeee.. kak da sam se na šparhet sel.. dobro kaj ljudi nosiju obleku.. ha.. daj si zgruntaj kak bi ti jajca lepo zgledela reš spečena da nemaš te hlače… Pa sam se rajše malo prešpanciral. gor pa dol po Trgaču.. I nema preveč ljudi.. samo oni kaj moraju trajvana čekat.. pa i takšni stojiju tam v senci spodi Harmice pa gda vidiju da trajvan prihaja onda bežiju kak škorpijoni prek pustinje.. Velim ti.. ni bit za vani.. opasno je.. Stoga ja i velim da brtije ni zmislil bedak.. viš.. po zimi se nutra lepo zgriješ.. po ljetu pa nutra najdeš spasa od vručine.. Je da te to nekaj košta..al vsaka ugoda košta .. A i nemreš žlopat stalno vodu.. neki dan je v našu brtiju.. Mađaricu v Kustošiji ušel naš sused zlatar.. Došel je saf črleni kak je negde po suncu hodil.. Lepo ga ja pitam da kaj si bu spil da se malo oporavi.. A on veli kelnerici Štefici da nek mu da čašu punu hladne vode.. Jeeee.. siromak.. ni do kraja ni zgutal taj H2O i več je moral bežat v šekret.. Jedva je stigel kak ga je sračka poterala.. A ja mu lepo velim da si je trebal naručit mrzlu pivu..al hladni gemišt.. Ni voda baš tak fest zdrava kak se to misli i pripoveda.. A moj sused vurmaher veli da je voda jedin dobra za noge prati.. i još I tvrdi da vura koja je opala v vodu mam krepa..a ak opadne v vino.. samo ju streseš od kaplic pa ide dalše… A valjda človek zna… A moj pajdaš zlatar je još tri put bežal vodu z riti zpuštat…ha ……….



Kak sam več i prije pripovedal.. Mesnička vulica je zaprta celu su razkopali pa se tuda nemre više na Gornji Grad.. nit ljudi nit avti.. Pa su otprli oneg Tuškanac prolaza da avti kaj dolaziju od zgor z sjeverne strane moreju van na Ilicu.. I ljudi se čudiju tomu..No.. pa pred trideset let je taj prolaz bil sasvim normalna cesta ta vse avtomobile.. A onda su Dežmanovu vulicu zaprli i naredili..se reče.. pješačku zonu.. A ovo zdaj je samo privremeno.. A baš je v Dežmanovoj bilo lepo sesti na terasu kafiča.. Hladna Ožujska z citronom spredi mene.. a odzgor z Medvednice lepo vleče durhcug prek Medvedgrada na Prekrižje..pa čez Cmrok i Tuškanac dol prema Ilici….. Milina.. lepo je živeti v mojem Zagrebu ….

Serbus ..................................



11:38 | Komentari (4) | Print | ^ |

četvrtak, 03.07.2014.

Sudbine …………… 1

Zdaj ga vidiš..al gdo zna doklem ....... Britanac .............

Jeee.. vse na ovem svetu ima svoju sudbinu.. i ljudi i živine i stvari… Veli ona podsmešliva popefka.. brojalica.. Jena pura tri pandura..vsakom dojde zajdna vura… I tak nekak ti to i bude.. Ljudi vmireju.. živine krepaju.. a stvari… eee.. kak koja i gda … A ja sam tu nekaj štel kazat o sudbini našeg lepog Grada Zagreba..zapraf o starim hižama kojim zbilam tuče zajdna vura.. A takšneh po našem dragom Gradu ima velki broj.. Na vse strane po vulicah.. trgah.. po periferiji i gradckoj provinciji.. Maaa.. za razmeti je da nikaj nemre bit zanavek ..al.. hmmmm .. moglo bi svakak bit dulše neg to bude… Znaš.. poslednjih dvajset let.. od gda je nam tu prihajala ona posrana .. se reče.. demokracija.. vsaki vrag se spopikava na nekakšna svoja prava..pa onda dela po našemu Gradu kaj mu se dopada i gda mu se dopada.. Pa ja tu mislim na te naše stare gradcke hiže..od prek sto let stare.. koje činiju srce i dušu našemu Gradu.. Al ta demokracija je z sebom prinesla velik raznih nepodopština.. narafski.. vse su te po zakonu.. I zdaj se događa sledeče.. veliju.. po zakonu.. da vsaki more z svoje imovine delati kaj mu se dopada i gda mu se hoče.. I da zdaj ne pripovedam o zakonima.. rekel bum samo sledeče.. Oni ljudi z penezima..al oni kaj imaju prijatele po bankama.. zoveju ih.. investitori.. kupuju te naše Zagrebačke stare hiže..stanove.. dvorišča.. a naši dobri i vredni Zagrepčanci im to tak rado prodajeju.. Maaa.. razmem ja te naše Zagrepčance.. Stari ljudi.. živiju v još bolše staroj hiži.. očeju se i ljudi i hiže raztepsti kolko su pohabani i jeni i drugi.. I onda dojde oni z penezima.. lepo im ponudi noveg stana negde na periferiji Grada.. još im i dometne nekaj penez.. i stari Zagrepčanci su sretni kak mala deca gda im porineš bombon v gubec.. Z druge pak strane.. vlasniki starih hiža su mladi ljudi koji su brez velke muke nasledili te stare hiže i stanove..pa čim im negdo ponudi.. mam to prodaju samo da dalše nemaju nikakšnih briga okol tega.. Vse je to za razmeti.. kak sam i rekel zpočetka.. vsaki more z svojim delati kaj hoče..







Eeee.. i onda dolazi smak sveta.. Taj z penezima.. investitor.. takaj more z teg svojeg kupljenog delati kaj hoče..ha .. Narafski.. kojeg buš bogataša našel na ovem svetu da bu nofce trošil na stare podrtine od hiža.. Nema takšneg.. Taj ti lepo naredi.. se reče.. projekt.. poruši te zdaj svoje stare hiže.. i onda na tem mestu naredi nekakšnu velebnu staklenu krletku.. Tak da onda to vse skup nije ničem slično.. Al koga je za to briga.. Nikoga pa ni oneh kojih bi trebalo to brigat.. A to je Gradcka uprava.. je..je.. Upraf oni su ti koji dopuštaju da se v našemu Gradu ruši i gradi.. Pa ja razmem da se porušiju stare fabrike..stara skladišča i vse ono kaj ni do zdaj ni predstavlalo bogznakaj v našemu Gradu.. Al rušiti stare hiže v centru našeg Grada.. one stare prek sto let koje upraf daju srce i dušu našemu Gradu…eee.. to ni nit pravedno nit pošteno .. A rekel bum ti da takšnih hiža of čas v Zagrebu ima velki broj.. Na vse strane.. po vulicama i trgima.. To su hiže za koje se veli da nemaju nikakšnu povjestnu vrednost .. nisu nikak i zničim zaštičene kak vredna starina.. se još reče.. tradicija …
No.. nebum zdaj razpravlal o tem preveč.. Skupil sam ja po našemu Gradu velki broj takšnih hiža kojima je več dugo određena ta sudbina.. Zrušit ….
Pa sam za početak izabral naš drugi najpoznatejši trg v Zagrebu Gradu..a taj je Mali Plac..al Ilički Plac..al pa službeno Britanski Trg..kojem noviji i mlajši Zagrepčanci veliju Britanac.. Nebuš mi veroval..al ja samo iztinu povedam.. da na tem trgu ima of čas čak šest (6) starih hiža na spisku za odstrel.. baš tak.. vubili buju v nekakšno skorašnje vreme šest starih hiža na Britancu.. Malem Placu.. Iličkom Placu.. kak ti je dragše čut..
To su najstareše hiže na ovem Trgu.. još od vremena gda je čez trg tekel potok Kraljevec.. i dok je posred teg trga rasla trava .. Velku povjest ima taj trg.. tolku da ju ja nemrem celu zdaj izpripovedat..al lahko je najti po starim librima i na onem modernom Internetu.. Zdaj je važno kazat da su te hiže zapisane za slobodno rušenje.. vse z istočne strane trga.. tam od gde se v breg penje Rokova vulica..pa do iza zavoja vse do Nazorove vulice.. Jedin na vuglu Nazorove ostane ona velka stara palača koja ima državnu zaštitu ..makar ni to ne predstavla nekakšnu ogromnu sigurnost..
Projekt..se reče.. za to mesto je naređen več pred petnajst let..i stoji v nakakšnem ormaru v Gradcki upravi.. Vse je več narisano.. spreračunato.. i čeka se jedino ona.. lokacijska dozvola. A tu dozvolu daje Gradcka uprava ..ak zatreba za deset minut.. Kolko je poznato.. makar se to skriva da se nekakšni pravi Zagrepčanci nebi bunili.. na mestu gde se buju te hiže zrušile..treba se izgradit nova moderna.. staleno betonska ogromna gajba.. kak tomu veliju.. multipleks građevina.. Viš.. više se nit ne zove to hiža..kuća.. zgrada.. neg ..Građevina … I ta multipleks građevina predstavla ..stambeno-poslovni centar.. z dodatkima za opće društveni značaj.. Ti vrapca.. dok to zgovoriš pamet ti se zmota..
Zdaj se tomu suprotctavlaju nekakšni spametni.. svjesni.. pošteni Zagrebački arhitekti pa i oni stručnjaki za staru Zagrebačku baštinu pri restauratorskom zavodu v Gradu.. Ali.. niš od tega.. Veliju znalci da je za to več dobiveno zeleno svjetlo.. Pitanje je samo gda se bu taj nekakšni..investitor odlučil rušiti i delati novo.. Teh šest hiža su večim djelom otkupljene od vlasnikof koji su se velkim djelom več i odselili nekam.. V tim hižama još delaju samo kafiči i par štacuna..al i oni su tu samo o milosti teg..investitora.. Gradcka uprava je svoju odluku potvrdila nema tomu dugo gda su objavili da naskoro počne ..veliju.. rekonstrukcija Britanskog trga .. To znači da buju vse razkopali.. plac maknuli..spodi teg djela v zemli buju kopali ogromnu rupu za podzemnu garažu .. A pitam ja vas za koga bu ovde ta podzemna garaža..ha.. Pa svakak za one kaj se buju naselili v onu novu Multipleks Građevinu.. Pa da pojasnimo nekomu kaj je to multipleks građevina.. To je nekaj sličnog onem staklenom čudu na Cvetnom Trgu..al onoj staklenoj škatuli v Cesarčevoj vulici spodi Stare Vlaške.. Zdaj si takšneg nekaj zgruntajte tu na Malem Placu.. Iličkom Placu.. Britancu spodu Rokovog brega…. Jebal ih multipleks …………..

Ima toga još fajn..al bum drugi put ………………


18:43 | Komentari (0) | Print | ^ |

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.