ponedjeljak, 30.06.2014.

A kaj drugo neg…. špancirancije …….



I gda se zadovolim z španciranjem posvud naokol.. onda najrajše vse skončam na mirnom mjestu.. pa lepo polahko z noge na nogu.. z rukami presloženim na riti pem čez Štrosmajerof trg.. baš kak ove dve spredi mene.. Nikam mi se ne žuri.. kaj bi.. vručina je velka a ja se još nis nigde namočil.. narafski.. znutra.. Pokraj vsake brtije si gruntam kak bum baš tu sel i naručil koju Ožujsku z citronom..pa se onda zmislim da bum ipak negde drugde.. Oveh dni nemreš baš nikakšneg poznatog sresti kaj bi mi delal.. se reče.. društvo.. Hmmm.. kakšna je razlika zmed društva i pajdašije..ha.. Je.. bi ja rekel da ima razlike.. Društvo bi bilo nekašna hrpa ljudi..kaj se moreju i ne moraju poznati.. a pajdašija je nekaj malo bolše stisnuto.. me razmeš.. ljudi kaj se čak i dobro znaju.. A valjda je to tak.. I za prijatele postoji zakon.. Bumo rekli.. poznanik al dobri poznanik nikak ne moraju bit i moji prijateli.. Z poznanikom se moreš pozdravit na vulici.. spiti kakšnu pijaču.. malo pripovedat i vsaki na svoju stran.. Čak i moreš žensku od poznanika snubit ak ti se dopadne a da te peče ..veliju..savjest.. I po tem pitanju ja nemam te savjesti.. Jeee.. a prijatel.. to je nekaj sasvim drugeg.. to ti je gda te tvoj prijatel..pajdaš.. prije neg povleče zajdni dim z cigaretlina pita dal ti hočeš..al pak.. ak ti ponudi zajdni gutlaj z Badelove politrenke.. A pajdaševu žensku buš čuval i pazil kak da ti je rod rođeni.. Eeeee.. koji put ovo zajdne i ne izpadne bognaznakak dobro..
Znaš.. prešel je.. Glavonja.. naš pajdaš z Zrinjefca služit onu črlenu vojsku.. makar je to štel vsim silama zbegnut.. Al kaj.. došli su jeno jutro po nejga i odvlekli ga nekam v Srbiju .. samo se je stigel javiti mamici i svoji curi.. pa je i mene nazval v pet vur vjutro i rekel da mi pajdaši pazimo na nejgovu Marinu.. Se razme da smo mi to ozbilno primili kakti dužnost.. I zvali smo tu Marinu da pe znami v kino.. pelali ju na plesnjak.. častili ju svim i svačim.. vse v svemu.. bili smo pravi prijateli ..pajdaši.. Narafski.. nismo nit pustili da bi ju gdo drugi snubil al nedajbog..kaj drugega naredil.. I tak ti je prešlo vreme.. Glavonja se vrnul z vojske.. navalil na svoju Marinu. Več su se spremali za ženidbu.. I zel im je vrag pamet..posvadili se kak cucki.. potukli i počupali kak mački..i vsaki na svoju stran..zanavek.. A još je ta Marina i kazala Glavonji da joj je pun škaf nas pajdaša.. jer da smo vsi.. pederi.. jer ju nigdo od nas ni štel pofukati dok je Glavonja bil v vojski.. Evo..si videl kak ponekad to prijateljstvo i ni preveč zahvalno…ha ……. Glavonja je več pred deset let vmrl..od pijače … Nigdar se ni oženil. Samo je lokal kak smuk …. Jee.. i riknula mu je jetra ……..



Bormeš bum si zdaj konačno sel tu v kafič na Zrinjefcu.. Baš mi tu paše v senci.. Prek puta v parku lepo šumi oni vodoskok..a tam od Paviljona se čuje nekakšno muziciranje.. Zdaj prek leta vsaki čas negdo nekaj speklava tu na Zrinjefcu.. I baš zdaj negdo izvodi nekakšni ..bi ga vrag znal kaj je too.. valjda ..đez.. Tu i tam prejde pokraj kafiča trajvan al to mene ne smeta.. meni bi bilo čudnovato da trajvana ni.. Znaš ..ja sam se rodil tu na Zrinjefcu v svoji hiži.. I je suseda kaj je priskočila mamici pomagat pri porodu kasnejše pripovedala da ni znala kaj bolše cvili..dal dole na vulici trajvan al moja mamica..
A tu v ovi hiži v koji je kafič nutra v dvorišču..al je terasa tu na trotoaru.. tu je stanoval jen naš pajdaš z naše bande.. Jezušek.. taj baš i ni bil preveč spameten ..al je stoga bil jak kak tri bika skup.. Zvali smo ga Grba jer se je tak nekak držal ..kak oni Kvasimodo kaj je bil zvonar pri Notredame v Parizu.. I taj ti je Grba navek bil brez ženske.. ak bi koju i našel..na brzinu bi ostal brez nje.. Kak je bil fest jaki..tak je vsaki ..od silne miline.. nekaj polomil.. Zajdnu kaj je imel je imela potrganu ruku več treti dan gda ju je upoznal.. A ni to on namjerno..tak je bil šlampast da mu je i šlic na hlačama fort bil otprt.. a navek je naopak nosil rubaču.. A kak se je vučil za avtomehaničara navek su mu nokti bili črni od starog mašinskog vulja.. I taj je Grba odlučil se osamostalit od nas koji smo imeli svoj klub med šupama v podrumu v Amruševi na broju pet.. Pa sam ja o tem naširoko pripovedal tam na onem Lupusu.. No.. i Grba si je v svoji šupi naredil svoj personalni klub.. Zbacal je z šupe van vsa drva i vuglen.. oblekel letve v šupi z plakatima..posterima se reklo.. dovlekel je z tavana nekakšni stari perzijaner tepih .. negde je našel i stari kauč.. del gramofon..i klub je bil spreman za upotrebu .. I mi smo se znali tam navrnuti i nekaj si spiti i poslušati gramofonske ploče.. pa smo i knjemu pelali curičke..pa največ frenterice i svakaj spelavali.. me razmeš.. I tak smo to čuli posle.. Grba je našel nekakšnu žensku.. kakti bezkučnicu i dopelal ju v svoj podrum .. I tu ju je držal jeno par dni.. moreš si mislit da je ta bila sva plava i črna nakon kaj bi ju Grba sprašil .. Al je jen dan došel v taj podrum nekakšni mužki z još trojicom i začel kričati na Grbu da je ta tu nejgova vlastita zakonska žena i da bu ju on odpelal.. Pa je Grba pristojno šutel..a kaj.. ak mu je žena.. nek si ju odpela.. No.. ta ženska je takaj stala kričat da ona neče otiti z tim mužkim jer da ju on tuče i zlostavla.. I kak za truc.. taj mužki je tak odrapil tu žensku da je mam opala na pod.. Jeee..al to Grba ni mogel trpeti.. Gda je skočil i zgrabil teg muža.. hitil ga je v letve od šupe tak da je of probil čez još tri druge šupe dok ni opal na pod.. Pa je zatim Grba i ostalu trojicu tak sprebijal i to z letvom kaj ju je ščupal z šupe.. Narafski.. došla je Milicija i odpelala vse njih v rešt.. I kaj.. Na koncu je ispalo da je Grba z vulice dovlekel nekakšnu kurvu koja je zbrisala od svojeg ..se reklo.. makroa.. A of ju je posvud iskal i našel pri Grbi.. Narafski.. podrum je bil demoliran.. Grba je moral vse sam nazaj vredit.. i mi smo mu pomagali.. Jedin nam je bilo žal kaj nigdo od nas ni bil tam gda je začela ta tarapana.. I tak.. setil sam se malo.. Grba je več davnih dni prešel nekam v inozemstvo..v Švabiju.. nigdar ga više nis srel v Zagrebu………………….



Znaš kaj.. zdaj bum prešel v svoju hižu malo si noge spružit .. Kčerka dela i ni nikog v stanu..A ja kluča imam.. lepo bum si legel na kauča i slušal kak dole na Zrinjefcu muziciraju.. Uzput bum i nekaj kupil svoji kčerkici i del v frižider..Znaš.. ti mladi ljudi nigdar nemaju ništ po tim frižiderima.. samo pijaču i led.. A ja donesem i kakšnih konkretnih stvari..pa mi onda kćer prigovara da se bu morala udebljati kolko sam joj donesel.. A kaj.. mene to veseli .. I dok se pentram po tim okruglim štengama gor.. ni mi se štelo iti z liftom.. gruntam si kak je tu negda bilo.. Jeee.. a denes je samo jen stari negdarnji stanar tu ostal.. narafski i zdaj je moja kčerka.. vse drugo su nekakšne kancelarije.. ambasada.. banka.. nekakšne agencije.. bi ga vrag znal.. Pol teh kaj tu denes jesu su strajnski ljudi.. Baš sam nema dugo videl i gdo je v prvem susedctvu moje kčerke.. Sam ja došel do svojih vrata i začel odklučavat..kad z susednih izpadne nekakšni visoki človek i nekaj mi stane na saf glas pripovedat i mahat z rukom.. pa je nekaj na Engleškom kričal..a ja sam sfatil da je on Amerikanac i da dela v Američki ambasadi a tu da stanuje.. I kak mene još nigdar ni tu videl..hoče on poštopoto znati gdo sam ja.. Pa razmem ja da je čovjek znatiželjan gdo mu dolazi v susedctvo..al se drugač onda dela a ne da kriči na mene i maše prstom.. I znaš kaj.. lepo sam ga poslal v pizdu materinu..onak na Horvackom i otišel v svoj stan.. Posle mi je kčerka rekla da je on mislil da sam ja morti kakšni provalnik.. A..kaj.. zakaj tak fufla dok pripoveda.. nebi ga dobro razmel nit na Horvackom a kamoli na Engleškom…. Jebeš Amerikanca …. Forca Croatia ……………..

Bok ………………………


19:26 | Komentari (1) | Print | ^ |

pozdraf ................

Bok pajdaši..dragi moji Zagrepčanci…..

Celu je noč grmelo.. treskalo.. bliskalo se kak da je vatromet ..a tekar je pred jutro začel dež cureti kak da je ponorel.. I curel je do pol prijepodneva.. Tak da sam denes odustal bilo kam prejti.. A kaj buš po kiši delal vani.. Prafzapraf.. ziher bi skončal v kakšni brtiji i gledel čez izlog kak norci hodiju brez ambrela.. Pa mi se pričinilo da bu mi bolše pol dana domof odsedeti neg cipeliše namakat v kišnici.. A i moral sam nekaj tu naškrabat za moje vjerne Zagrepčance.. Znaš.. Skorom vsi oni kaj su i prije lukali na onem Lupusu..zdaj lukaju ovde..i takaj se nečeju javit..A zdaj je barem lako.. samo napišeš spodi na mestu za komentare.. Al kak zgledi i to je ljudima težko..a mene žalosti.. No kaj.. kak je tak bu…



Pa bi stoga lepo pozdravil mojeg pajdaša Zdenka.. oneg fakina z vugla.. kaj me se je setil i javil se..

Taki bi cifrasteg pozdrafčeka vputil moji pajdašici Liliki kaj se tak sramežlivo javila ..

I još lepi pozdraf mojem Zagrepčancu Bombonu 505 z štraftom kaj me se takaj tu setil.. I da Bonkasu odgovora dam zakaj me ni tam na onem Tforumu.. Znaš.. vse kaj sam zajdne tam naškrabal su mi Admini zbrisali.. Negdo se je nameril na mene pa zdaj uživa kaj me više ni..
Stoga se Ti ..človek z štraftom javi tu na mojem Zagrebačkom blogu.. Osim tega.. nit onu davno dogovorenu pivu nismo nigdar spili… Javi gda buš razpoložen.. došli bumo Lilika i ja skup da te vizitiramo.. A moremo i ak bu razpoloženja prejti do oneg Romeka .. Bum ja pelal i vse Vas častil

I na koncu velki pozdraf mojem pajdašu Ottonu z oneg Zagrebačkog firtla..Canbere.. Se toplo nadam da ga ni pojel kakšni kokodril.. jer se do zdaj ni javil.. Kaj se Otto duri.. ni mi bistro ..

Evo.. malo bum Vam nekaj odpopeval… Jutro dišeče gda bregi su spali.. a mesec još zajti ni štel ……………Tralalalala …………

Imajte se dobro.
mekon@net.hr


11:06 | Komentari (0) | Print | ^ |

Motam se naokol …………….



Baš tak..al se vrtim..al se motam.. kak god da obrneš na isto ti dojde.. Oveh par dni je takšna sparina i vručina da mi vse zgledi kak da se sprešetavlem čez Abu Dabi .. Nema nit preveč ljudi po vani.. zbegava gdo more tu vručinu.. a i dost je Zagrepčancof prešlo na.. se reče.. produljeni vikend.. Znaš to ti je stara dobra navada z one črlene države.. Gda je nekakšni praznik.. pogotovo ak je još ktomu državni.. onda se uz taj dan praznika dodaju dani i spred i pozadi teg dana.. I tak mesto jenog dana.. praznik se slavi pet dni.. Pa ti se tu onda još najde subota i nedela i to ti je vse skup sedam dni.. Jee.. paše to radnom narodu da se ne dela..al mi ni bistro zakaj onda na koncu meseca brundaju i jamraju kaj im je fest manjša plača v žepu... Al.. to ti je tak.. veli moj jen dobar pajdaš.. Bolše mi je za malo penez doma ležati neg za puno penez delati.. Hmmm.. morti je i v pravu v jenu ruku.. a z drugom nek si žulja jajca doma na kauču.. jer si nemre prejti v brtiju spiti dve Ožujske z citronom kak ja..
Viš.. baš malo gledeim tu po ti vulici.. Kneza Mislava.. znaš.. tu su naokol vse vulice po onim knezovima.. Višeslava.. Domagoja.. Tvrtka ..Trpimira.. pa kralice Jelene..haa.. cela ti je tu sredovjekovna Horvacka aristokracija… tak da i ja znam zmešati gde je kaj.. No.. pem čez tu vulicu i gledim vse nekaj kaj mi ni poznato.. Tu se tolko tega zmenilo v tim štacunima.. zapraf ni ostalo ništ od starega.. Čak ni nit starih brtija nit restavracija kaj su tu bile.. Istini za volju.. pol teh negdarnjih štacuna je zaprto kak i po celomu Zagrebu.. Žalostno je to.. Znaš.. negda v moje doba gda sam ja plahutal po našem lepom Gradu.. ja sam znal za vse moguče kaj postoji.. Kaj bi me god pital ja bi ti mogel mam kazat gde je kaj .. gde se nekaj more zbavit.. kupit.. videt… i tak.. Denes je to jako težko znati.. A i ak misliš da dobro znaš.. gda se zaputiš na to mesto.. našel buš nekaj drugeg ..al prazni zaprti prostor.. Tak nigdar več nisi ziher dal znaš..al neznaš kaj je gde v našem Gradu.. Tak sam se zapraf i ja našel denes tu v vulici Kneza Mislava..I došel sam do mesta gde sam lanjskeg leta bil v onem štacunu kaj prodaje vse za elektriku.. i Brus.. nema štacuna.. zapraf tu je al prazan..napušten i zapušten.. ha.. valjda su propali kak i velik takšnih sličnih.. Škoda kaj se to tak događa po našem dragom Zagrebu.. Viš.. ja ti dost hodim po okolnim državama .. veliju denes.. Evropske Unije.. pa tam po nijhovim gradovima ni takšna navada da mali propadneju ak nekakšni velki dojde.. Ne.. I tam ima teh velkih ..se reče.. trgovačkih centri..al mali štacuni su navek isti i na svom mestu.. I v Gracu.. i v Beču.. i v Trstu.. posvud.. Sam tu pri nami mali propadneju čim dojde nekakšni velki.. Jeee.. takšni smo mi ljudi.. rajši pemo velkom strajnskom gazdi peneze trošit..neg našem malom človeku prigodu naredit da bi taj mogel opstati ………



Pa sam se malo stal tu spredi gimnazije v Križaničevi vulici.. vse je prazno.. mir i tišina kak malo gde v Gradu.. Zapraf tu nit nema velkog prometa .. nit z avtomobilima nit z ljudima.. Al zato ima z mladima gda ta škola dela.. A zdaj je ferje pa je vse zaprto.. veliju da bu oveg ljeta cela ta škola bila obnovlena i zvana i znutra.. Pa je.. treba.. fest je stara ta hiža..
Znaš.. tu smo negda dolazili ja i moja banda pucice iskat i snubit.. navek ih je tu bila cela sila.. V celi školi je bilo samo par mužkih..a vse ostalo curičke.. Nit se više ne sječam kakšna je to bila gimnazija gda nisu mužki sim šteli.. No.. došli bi mi z Zrinjefca sim iskati curičke pod večer gda bi škola završila.. Smo se spremili na plesnjak tam na Đamiji v onu Liku.. a tu je bilo najbliže iti iskati one kaj moreju posle škole malo zbrisat v frent.. I tak bi se nas deset sjeli na te štenge.. dimili i pljuckali naokol.. narafski.. navek je negdo imel pri sebi pol litre Badela.. tak da smo navek bili malo našvasani .. Jee. a kak buš se drugač mogel dobro zabavlat ak ga nemaš malo.. se reče.. pri vriti.. No.. mi bi tu došli celu jenu vuru prije neg je škola završila taj dan.. pa smo onak dobro razpoloženi tu na tim štengama galamili kak da smo na tribinama Dinamovog stadijona..
Tak smo jenom zgodom sim došli po več proverene i znane curičke od prije ..da ih pelamo na čagu v Liku.. Te nijhove školske torbe nisu nigdar bile nekakšni problem.. gda bi zašli v onu gimnastičku dvoranu gde je bil plesnjak.. hitile bi one torbe na hrpu v jen vugel i to nigdo nebi diral.. Ha.. pa komu se hoče imeti dve torbe za školu.. ha .. No da svršim pripovetku.. Dakle.. došli smo tu pred tu gimnaziju fest ranejše..malo si pocugali Badela al Kruškofca kojeg su i curičke štele rad potegnuti.. galamili smo tak da je van zišel školski podvornik i tražil od nas da se maknemo z štengi i da prestanemo galamit.. Jeee.. baš se je stari dobro potrefil na nas fakine z Zrinjefca.. I to još one odabrane kakti trde i nepopravlive .. Prvo kaj je doživel gda je stal galamit na nas je bilo to kaj mu je negdo zmed nas frknul čik v tintaru tak da je of začel mahati z rukami kak da su ga napale ose.. Pak mu to ni bilo dost pa mu je Frnja.. a bil je to jen Francek z moje bande.. zvlekel očale z nosa tak na brzinu da of ni stigel nit trepnut.. Na vse to mu je z leđa priskočil moj sused i pajdaš ..oni Pacof i zalijal ga po tintari z Kruškofcem .. I dok si je of siromak podvornik to slatko i leplivo razmazival po tikvi i vrtel se po štengama .. ja i pajdaš Žnora..a taj je bil visoki i tanki kak žnora za peglu.. smo čez vrata zašli v školu i praf v podvornikovu staklenu gajbu kaj je bila mam pokraj ulaza.. I kaj.. Ztisnuli smo zvonce kaj je po celi školi zvonilo.. I zdaj je nastal rusvaj.. makar ni bilo vreme da se zvoni.. đaki ko đaki.. čim čujeju zvonce mam se loviju za torbe i bežiji van z škole.. I tak je bilo.. vse curičke su bežale z škole van.. na koncu su za njima bežali nastavniki i profesori i kričali im da se vrneju nazaj.. Ha.. bi ih vrag dozval.. A mi smo se fakini lepo smestili prek puta gimnazije.. lupali se po trbuhima i kolenima od smeha.. A oni jadni podvornik je na štengama pojašnjaval profesorima zakaj je zvono zvonilo gda to ni trebalo.. No.. mi smo zgrabili vsaki svojeg komada i prešli spram Đamije.. Sledeči put gda smo se tak tu našli na štengama.. nadrapali smo kak črni mački.. makar smo.. zapraf.. tu retko dolazili.. oni podvornik nas je čez oblok videl i prepoznal .. Vrag jen.. telefoniral je na Miliciju..a ovi su mam došli.. Moreš si zgruntat kak smo bežali..vsaki na svoju stran .. V to doba ni bilo na ovem svetu milicajca koji bi nas mogel uhvatit.. razbežali smo se kak raketlini.. Posle smo se našli na Zrinjefcu i razmatrali planove kak da se osvetimo tem podvorniku.. Al.. nismo nigdar.. pozabili smo i nejga i gimnaziju i prešli iskati curičke na druga mjesta.. Tak.. malo sam se setil.



Evo na.. vse prazno.. čak ni v trajvanu nema nikoga.. A tramvajac se znutra čudil zakaj sam ga ja na kipec del.. nekaj je mahal z rukama.. bi ga vrag znal.. morti je mislil da se nebum maknul z štreke.. A meni ti tak dojde koji put da se stanem nasred ceste i šklocam z aparatlinom..a šoferi trubiju kak nori.. tramvajci zvoniju.. TI vrapca.. vsim se tak žuri kak da su puži a ne da se pelaju na kotačima.. Pa mene ni briga za nikoga.. Ovo je moj Grad i ja se bum ak bu mi se štelo sel nasred vulice i sviral munt harmoniku.. A znaš.. lepo ja znam svirati v tu munt harmoniku.. još kak klinac sam začel.. pa nis išel v glazbenu školu neg sam ..onak..sam nafčil.. A prvu sam munt harmoniku pobral z trotoara.. Bilo je to ovak..
Stajali smo mi fakinčeki spredi moje hiže na Zrinjefcu.. baš pokraj oneg kandelabera o kojem sam nema dugu škrabal.. I tu su prolazili nekakšna mamica..tatek i mali sinek v sredini.. A mali je brez veze napuhaval v munt harmoniku.. I ta mu je najemput opala z ruke i praf v lokvu vode kaj je tu ostala od kiše kaj je prije padala.. I stal se je mali derat kak da mu negdo vuha odšrafliva..a mamica mu je rekla.. No.. poberi svoju harmoniku.. A mali ni štel ..je kričal da je fuj kaj je v lokvi vode.. I sim tam.. prešli su oni dalše a harmonika je ostala v lokvi.. Znaš.. bilo je to vreme gda su takšne stvari bile fest skupe a i retke za nabavit tu pri nami v Zagrebu.. I kaj.. ja sam tu harmoniku zvadil z kokve.. odnesel ju doma.. dobro opral v rakiji kaj ju je moja baka čuvala da si izmasira noge gda ju boliju.. harmonika se posušila..i za čudo.. ostala sasvim upotrebliva kak da je nova.. I tak sam ja pomalo začel z tim štrumentom se zabavlat.. I morem ti kazat da je to meni sasvim dobro išlo.. I tak.. do denes sam ti ja zmenil fajn teh munt harmonika.. Zdaj ih domof imam barem jeno deset različitih..A imam i nekaj posebnog kaj je retko za nabavit.. Imam ..se reče.. orkestrarlnu kombinaciju od šest munt harmonika skup spojenih v krug.. To sam strašno skupo platil i na to sviram samo gda su posebene prilike.. A inače često v žep denem onu malu Picolo harmoniku pa ak slučajno gde zatreba ja mam zasviram.. Zajdni put sam bil v Salcburgu v Avstriji..pred jeno pol godine.. i tam sam ju zvlekel v nekakšnoj brtiji i začel svirati one nijhove narodne domače .. Pa oni kak i Slovenci imaju skorom jednaku muziku.. I slušali su tam gosti kak ja muziciram.. A ja sam bil z svoja tri pajdaša i našim ženicama.. pa su ljudi pitali kelnericu da gdo sam ja.. A ona im je rekla.. Neznam.. prvi ga put tu vidim.. govori po Hrvatcki a svira po Tirolski .. Pa sam jeno vuru vremena sviral tak da mi se vse začelo vreteti v tintari..a gazda od te brtije je za naš stol poslal pet krigli pive.. Na koncu je par gosti zatancalo na moje muziciranje.. I tak sam ti ja često znal negde zasvirat.. i mam si dobro došel med ljude.. Praf za praf.. vse manjše muziciram.. Domof mi je gitara v futroli po leto dni a da ju nit ne pogledim.. tak i te munt harmonike .. A kaj.. prejde te volja za tim .. Me razmeš ………….

… Serbus …………………..


10:36 | Komentari (0) | Print | ^ |

srijeda, 25.06.2014.

Dakle… pem dalše…..



Gda sam se nagledel teg zida kojeg buju pa nebuju zrušili.. malo sam se navrnul na Branimirac ..plac.. zapraf ono kaj je od nejga ostalo.. Taj negda jen od najbolših placeva v našem lepom Gradu.. mestu gde si moral stajat v redu pri vsaki kumici.. placu gde se je prodavala najbolša roba.. placu na kojega su prihajali Zagrepčanci z vsih gradckih firtli.. Sam ja tam na onem Lupusu al na Straži dost tega naškrabal o tem placu pa zdaj nebum ponavlal te pripovetke Ali treba kazat da je denes od lajnskeg al predlajnskeg vizitiranja teg mesta.. tu još gorše.. Vsred prijepodneva tu na placu svoju robu izlažeju kakšne tri četiri kumice i pet šest preprodavačof.. pa dva tri štanda z falš robom.. se reče.. široke potrošnje.. a to su ti one razne kineske drangulije .. Dakle.. od negdarnjeg placa tu denes ni nit jena desetina ostala.. par štacuna okol te velke građevine.. pa nekaj malo štacuna i štandof z nutarnje strane i to je vse.. tam pozadi z druge strane nema više baš ništ.. zajdni su tam pred pet let Cigani imeli svoje štande z krpama.. Al su još tu one brtije .. prafzapraf.. nisu to nit brtije nit kafiči.. ti je nekaj .. bi ga vrag znal kak to nazvati.. No.. luknje od pleha.. dreva.. pa poneki kiosk kaj se več razpasti hoče.. tu su i dve tri pečenjare ..znaš.. oni kaj čevape pečeju tak da od prežganog vulja smrdi vse dol do avtobusnog kolodvora.. Zbilam je to tak jadno za videt……..



Bi ja rekel da tu jedin dolaziju kupovat stanovniki z Branimirove vulice i oni z Krešimiroveg trga kaj se nastavla mam tu pozadi placa.. Drugi nema gdo .. Morti je za verovat da buju naskoro tu dolazili novi stanovniki z Strojarske vulice gde se je izgradilo velko moderno naselje tam na mestu negdarnjeg nogometnog kluba Sloga.. i na mestu negdarnjih skladišča Tempa.. baš oveh dni tam započinje uselenje.. narafski ak je kaj prodano.. pa se je za nadati da bi i ti stanovniki prihajali na Branimirac.. Znaš.. tu v našem Zagrebu nigdar nemreš bit ziher kaj je kaj i kaj bu kaj.. Denes je.. zutra ni.. Dotepenci prihajaju na vse strane našeg lepog Grada.. pa je tak i Strojarska vulica prestala, bit .. kak su rekli.. industrijska zona.. i vse bolše je stambena.. A valjda i tim ljudima treba kakšni plac a Branimirac je najbliže…….



Viš.. pred deset let.. tu negde.. su Branimirac obzidali z lepim kamenim zidom.. obnovili su te poslovne hiže..Hmmm.. tak su ih obnovili da z krova ove velke hrđa curi gda i dež curi.. A… vse se dozna..samo treba čekati.. Znaš.. taj plehnati krof kaj ga vidiš takšneg pohabanog.. je zapraf trebal bit od bakra.. tak je barem rečeno Zagrepčancima.. I kaj..ha.. mesto bakra su deli obični pocinčani pleh i več nakon par let je taj zahrđal i zdaj se trusi kak stara prošuplena plehnata kibla.. Al Zagrepčanci ziher ne pamtiju i ni ih briga kaj ih je to negdo prevaril.. Fučka se njima jel bakar il je obični pleh.. Plačeno je i kaj zdaj.. ne….
Čuje se da bi još oveg leta trebalo obnavlat Dolac i Branimirac.. Zapraf.. nit to treba Dolcu.. a još manjše Branimircu.. Dolac hočeju celi zrušit i razmontirat ..pa spodi v zemli delati podzemno parkirališče.. al se jen del Gradckih glavonja buni protif tega.. a za Branimirac je posve vidlivo da pak negdo hoče peneze zgurat v svoj žep.. Ha.. morti buju pak metali bakar na oni krof ..ha ..Ja sam protif da se dira Dolac.. a još bolše protif da se bacaju penezi na Branimirac .. hočem kazat ..kradeju penezi .. Pšššš…. Da me gdo ne čuje …

Pem dalše …ha ……………….


20:01 | Komentari (0) | Print | ^ |

ponedjeljak, 23.06.2014.

Grose štrapacirung …………….. broj tri



Stari zid v Branimirovoj vulici

I gda z Petrinjske zavrneš na desno došel si v Branimirovu vulicu.. Narafski da je dobila ime po onem Horvackom Knezu Branimiru. I o tomu Branimiru bi vsaki Horvat nekaj moral znat tak da nebumo zdaj gubili cajte na nejgovu.. se reče biografiju.. Dakle.. prvo kaj ti vleti v oko gda stupiš v Branimirovu je velka hiža Horvacke Pošte.. Tu pristiže sva pošta za celi Zagreb..a i tu rediju svu drugu poštu kaj pe dalše po belomu svetu.. Tu su i velka poštanska skladišča za pakete i slične velke pošiljke kaj ideju z poštanskim vagonima.. I tak.. nema se kaj drugo povedat za tu poštu .. Ta je ogromna hiža zgrađena na samom začetku oneg drugeg svetckog rata i naređena je za samo dva leta.. Posle je nekolko put proširivana.. produljivana.. obnavljana i tak. dalše.. Mam z druge strane su železničke štreke gde hajbaju vlakovi..a tu neki staneju da pokupiju poštu i pakete…. Tak.. pošta kak pošta ……..



Čez Branimirovu vulicu pelaju trajvani a avtomobili hajbaju celi dan i celu noč.. Z leve strane Branimirove je celom duljinom te vulice stari drvored javora.. pak je tolko stari da ta dreva več na nikaj ne sličiju.. ja bi ta posjekel i posadil nova.. kaj prije to bolje .. A taki celim putem je spodi teh dreva parkirališče.. Ljudi se tuda slabo španciraju..samo oni kaj tu imaju nekaj za zbavlati.. tak da Branimirova vulica kak gradcka vulica i ni bogznakaj.. Doduše ja volim koji put sprejti celu od Petrinjske pa do placa Branimirca.. Istini za volju.. Branimirovu vulicu su produljili još skorom deset kilometrof čez Gradcku periferiju vse do dalke Zagrebačke provincije.. pa to nas ne interesira …………..



Viš.. ova hiža kaj tak ofucano zgledi je negda bila nekakšno poduzeče još za one črlene države.. pa je to propalo i nutra su natrpali svakojake državne i Gradcke službe.. Pa se i mam vidi gdo je tu gazda..kaj ne … A ona do nje..kaj pomalo vleče na roza..eee.. to je z noveg doba.. baš na tom mjestu je bila negda davno još za Kralevine fabrika čokolade i bombona.. Union .. Pa kak je to bila privatna ..su rekli.. kapitalistička svojina.. nakon drugeg rata to su zeli prvem vlasnikima i odredili da bu to vlasništvo radnog naroda.. I nazvali su fabriku po nekakšnem črlenom heroju Josipu Krašu.. I kak se je fabrika za kratko našla v samom centru Grada.. malo po malo su ju preselili nekam v Maksimir.. tu staru fabriku porušili i naredili nekaj modernog.. Tak ti je denes v ti hiži sva sila štacuna.. butika.. kafiča..a gore na gornjem katu su naredili kino dvorane.. i to njih nekolko.. Spodi te hiže je i podzemna garaža .. parkirališče.. tak da to vse zavzimlje mesto cele negdarnje fabrike ..denes je to samo Kraš.. A ovo tu se nazivle Branimir Centar.. Dalše po Branimirovoj su stambene hiže i velki broj štacuna koji su.. zaprti.. Nigdo tu neče ništ prodavat jer ta vulica ni prometna z pješakima koji bi mogli nekaj kupovat…. Denes se v Zagrebu kupuje po onim velkim.. se reče.. trgovačkim centrima.. na periferiji Grada…. Tak da se slobodno reče da je Branimirova vulica zapraf.. mrtva vulica .. A kaj..Ništ.. čak više nema nit brtija kaj su negda bile …Jedin je na početku vulice skrita pozadi velkih hiža Starokatolička cirkva.. za koju..prafzapraf.. nigdo nezna nit ju more videt …



Eeee… zdaj smo došli do naslova oveg djela pripovetke..
Pred par dni je puknula vijest da se bu zrušil oni stari zid v Branimirovi vulici.. Zid je dost pohaban i začel se je naginjati na vulicu tak da je več par let pešakima zabranjeno tu prolazit po trotoaru.. več par dni se vsi zainteresirani okol teg zida boriju al da se zruši..al da se popravi i obnovi.. A samo stoga kaj je taj zid saf namaljan.. se reče.. oslikan i predstavla umjetničko delo.. Pa je tak al ni tak ni na meni da sudim.. istina je samo da je šaren kak cirkuski plot .. No.. ak je to umjetnost ja nemam nikaj protif.. Ali pemo od početka..

Gda je davnih dni.. tam još za Kralevine naređena železnička štreka.. pa nekakšna železnička skladišča..pa i radiona za popravak lokomotiva i vagona.. Branimirova vulica je još bila obična prašnjava cesta .. Pa su se pokraj te ceste začele zidat hiže.. od kojih neke i denes stojiju .. pa i palače.. čak i kasarna .. I vulica je postala vrlo važna pa su ju Gradcki poglavari dali obložit z granitnim kockama kak se to v ono vreme delalo.. I vse više hiža to i vse više ljudi.. Pokazala se je potreba da se železnička štreka ogradi jer su vredni Zagrepčanci fort bežali sim tam prek štreke.. I v ono davno vreme je celim putem pokraj štreke naređena železna ograda .. I kak su leta prolazila nit ta ograda ni bila dovoljna da zaštiti železničku štreku..a i z vremenom je zahrđala o sva se je naherila.. I ja zdaj nebi štel lagat gda je ta železna ograda zrušena..ali ostala su samo dvoja al troja železna vrata još i denes.. Negde dok sam ja još bil klinac su začeli delati tu betonsku ogradu visoku čak tri metra.. A ostatki one stare železne ograde se moreju videti tam na kraju pri samo zavoju v Strojarsku vulicu spodi oneg železničkog podvožnjaka.. No.. naređena je ta nova ograda koja je zapraf bila pravi debeli betonski zid.. pa su to Zagrepčanci nazvali Zid v Branimirovoj vulici….



I taj je zid gda je zgrađen bil dugački prek tristo metrof.. makar denes neki pripovedaju bedarije okol te duljine.. Zid je začel mam pokraj pošte v Branimirovoj.. i prekidan z par železnih vratiju za prolaz kamijona.. išel vse do podvožnjaka na Strojarski vulici.. Pred dvajset i još koju godinu je del zida od Pošte prema dol porušen jer su tu gradili kakti dodatak za poštu.. skladišča i novu hižu za Carinu.. To je oduzelo jeno pedest metri zida..
… No.. gda je zid građen.. kak vse zgledi ni se pazilo na kvalitetu..pa se je šparalo na cementu tak da se je za neko vreme zid začel trusiti.. ljuštiti.. pa i razpadati.. Vsemu je pomoglo i to kaj z druge strane zida hajbaju vlaki.. i putnički i teretni.. pa se trese sva zemla.. i zid i pol Branimirove vulice.. I dok se je zid nekolko desetaka let pomalo tresel i popuštal.. dotle je Branimirova vulica asfaltirana.. a pokraj samog zida z ove vulične strane je naređeno parkirališče celom duljinom.. Branimirova je v to vreme imela samo jen kolnik za gore i jen za dole a z sjeverne strane su trajvanske štreke.. A to parkirališče je služilo za one šofere kaj su se z autima pelali v fabriku Josip Kraš.. pa v onu hižu na vuglu Draškovičeve gde su bile razne državne i gradcke službe.. pa malo niže za fabriku .. se reklo.. trikotaže.. Nada Dimić i na posletku za same železničare z druge strane zida……….



Kak vse propada tak je i taj zid propal tolko da su rekli da je opasan i po ljude i po avtomobile.. Tam koncem osamdesetih leta gda se celi Grad Zagreb uređival za onu športcku špelanciju.. su rekli.. Univerzijada.. negdo se dosetil da bi se i taj zid mogel obnovit al popravit.. I kak su se zmislili tak su i naredili.. malo su zid podšprajcali z železnim štangama..pa vse skup zalijali z novim betonom.. jen del je bil tolko v lošem stajnju da su ga i porušili i na to mesto deli plehnate ploče.. Parkirališče spredi teg zida su zakinuli i naredili trotoar..a Branimirovu vulicu proširili za jenu kolnu traku više.. obnovili asfalt i to je bilo to…
Prije neg je zid v Branimirovi obnovlen.. kak smo rekli za onu Univerzijadu.. bil je samo požbukan i ofarban z sivom farbom.. I ni na nejmu bilo nikakšnih.. kak se to denes veli.. vandalskih šaranja.. tu i tam bi klinci nekaj z kredom napisali al narisali..al bi to kiša za kratko sprala.. Al je stoga bil na vsaki par metri uredno naškraban z onem črlenim parolama.. Živijo Tito.. Živijo SK.. Živijo AFŽ.. Živjelo radničko samoupravlanje.. Proleteri vsih zemalla ujedinite se.. I tak slično a pokraj tega obavezno i črlena zvezda petokraka..al srp i čekič.. Praf za praf.. teh takšnih i sličnih parola je bilo po celomu našem Gradu kak da je rat završil pred tri dni a ne da su prešla leta i leta.. No.. su Gradcki poglavari vse to prefarbali i zid je bil čisti.. Eeee.. onda je došlo doba ..tam z početka sedamdesetih .. gda su zmislili one farbe.. se reče.. v spreju.. i narafski.. nastradali su vsi Gradcki zidovi i fasade pa je tak i ovi tu v Branimirovoj.. Pa svakak da su to delali fakini.. školarci i drugi kaj su si mogli priuštit za ono vreme skupi sprej te farbe.. Zid ni sličil na nikaj neg na cigajnski šator.. saf je bil sim tam isprefarban z raznim bedarijama.. i prostotama.. Pa gda je zadni put obnovlen dosetili su se spametni Gradcki poglavari da lepo pozoveju vse te vulične slikare..a to se moderno veli.. Grafitere.. da oni daju predloge kaj bi se trebalo na taj zid narisat.. I kaj da ti velim.. Baš tak kak denes vidiš da zgleda taj zid takšni je onda davno ofarban i načrčkan z tom.. veliju.. vuličnom umjetnosti.. Doduše čez ta duga leta del teh umjetnina je propal..pa su djelovi zida ponovno oslikavani..
Moram ti kazat da su se Zagrepčanci prvo tomu čudili i prigovarali.. pa su onda odobravali al se protivili.. na koncu su o tem vse manjše i manjše razpravlali i pozabili na zid… A zid je i spodi teh umjetničkih grafika propadal i zibal se.. tresel se.. nakrivil se tolko da su pješakima lepo preporučili da prejdeju na drugu stran vulice..
Kak sam rekel..a to piše po vsim cajtunagama oveh dni.. donesli su železničari odluku da buju taj zid zrušili i delali novi uz pomoč Gradcke uprave.. Al su skočili gotovo vsi naši umjetniki slikari i sva druga mazala i oštro se tomu sprotivili.. Baš ova zajdna dva dana se o tomu razpravla.. kakti zajdna odluka kaj smo je ščera čuli je ta da bu zid ostal.. da ga buju malo spet podšprajcali.. al da buju železničari maknuli jenu al dve železničke štreke kaj prolaziju mam pokraj zida z nutrašnje strane.. Pa ak bu tak.. onda si buju železničari naredili duž celog zida parkirališče za svoje potrebe al i za Zagrepčance.. Kak bu vse svršilo.. bi ga vrag znal.. jako je moguče da bu zid ostal.. Mene da se pita.. nek ostane.. ja ga ionak gledim celo svoje živlenje i dok je bil železni plot i posle gda je zbetoniran.. Jedin bi onem umjetnikima..grafiterima.. predložil da narišeju kakšnu golu žensku.. no.. no.. nek joj deneju smokvin list….. Na samom kraju teg zida..tam pri ulazu v Strojarsku vulicu na oni zadnji umjetnički mazariji lepo je umetnik naškrabal velkim slovima… Jebo majku … Pa čiju to mamicu.. to ni napisal……..

Pem dalše ……………………….


20:23 | Komentari (0) | Print | ^ |

nedjelja, 22.06.2014.

Grose štrapacirung ………….. broj dva



I nekak mi se pričinilo da bi bilo najbolše zavrnut v Petrinjsku.. ionak baš nejdem fort čez celu tu vulicu.. Največ zavrnem z Petrinjske čez Amruševu na Zrinjevac al obrnuto.. of doljnji del me malo gda vidi.. Tak nekak prolazim i čez Palmotičevu.. jemput na leto..al oni gornji del zmed Stare Vlaške i Jurišićeve me fort vidi.. A negda sam rad dolazil v Petrinjsku.. bilo je tu mojih pajdašof skorom v vsaki hiži.. Kak je denes tu z fakinažom ja neznam.. al oneh mojih tu več odavno ni.. a nit se denes na vuglima skuplaju mladi z vulice kak je to negda bilo sasvim normalno.. Pa stoga zdaj ja polahko z noge na nogu pem prema dole.. spram Branimirove I gledim hižu po hižu.. morem ti kazat da su tu vglavnom ostale stare hiže i palače još od davnine.. Pred dvajset let je malo tu začelo nekakšno kopitanje z tim ..se reče.. urbanističkim..promjenama..al je vse ostalo na dve ..tri zrušene stare hiže a na nijhovom mestu su novejše ..modernejše.. I to je tak do denes.. Al..kaj.. ima v Petrinjskoj vulici of čas barem deset hiža..kaj ja ziher znam.. da su otkupljene.. stanari iseljeni.. a hiže su predviđene za rušenje.. Naravski da bu ih jenog dana zamenile kakšne škatule od stekla i betona.. No.. dok je tak kak je mene fest veseli gledeti staru Petrinjsku vulicu.. Več sam ja nekaj toga o ti vulicu škrabal na .. http://www.lupus-istina.com/forum/viewtopic.php?t=5258&start=960 pa nek si to poišče koga interesira.. denes sam samo onak.. v prolazu..pa nebum komentiral vse z Petrinjske vulice.. Dobro je kazat da Petrinjska vulica nije više najdulša vulica v Zagrebu.. A bila je dugačka.. točno jednu godinu.. Ha.. Kaj me glediš.. Pa znaš da je negda tu na broju dvadeset bil zatvor za one koji su osuđeni na kaznu zatvora do leto dni.. pa ak si slučajno zaglavil tolko v tem zatvoru.. to je značilo da gda si zašel v Petrinjsku vulicu.. nisi znje zišel leto dni.. tak.. malo zafrkancije..al ni bilo onim kaj su tolko čekali.. Dakle zatvora više ni..ostal je gor na početku samo Okružni sud.. a čez celu Petrinjsku se vlečeju hiže od .. veliju .. ministarstva MUPa.. a mi po domačem velimo.. Policija.. Ti vrapca.. skorom pol desne strane Petrinjske je vse ta policija.. pa Ministarstvo vanjskih poslova ..pa spet policija.. i tak.. A starih štacuna ima največ z leve strane .. pol ih je zaprto.. a pol još nekaj dela .. Ima par kafiča..al ti su navek prazni i fort se menjaju gazde.. Zgledi da ti Sudci .. Policajci i ministri slabo trošiju peneze v brtijama……..



Evo viš.. baš tu prek puta one policije gde se delaju nove legitimacije i pasoši. su se smestili sam fotografi..čak njih sedam.. ha.. i to jen pokraj drugog.. To je stoga kaj su tu navek na policiji velke gužvancije okol teh legitimacija.. ljudi stojiju i po par vur da bi predali dokumentaciju.. A slikice za to mam narediju prek puta pri tim fotografima.. Stoga ja velim da su fotografi z Petrinjske vulice največ zaposleni fotografi na svetu..ha .. A viš tu gde se vidi da fali jena hiža.. eee.. tu je stanoval moj pajdaš z moje mladosti.. ti vrapca..pa kaj sam ja negda bil i mlad… No.. taj je moj pajdaš bil suvlasnik te stare i podrte hiže jednokatnice .. I je prodal svoj del i kupil si dva .. se veli.. apartmana na moru.. Pa jenog iznajmliva strancima ..a v drugom sam živi.. Jee.. i taj je prešel z Zagreba na brzaka.. I hižu su pred tri leta porušili a da nisu mogli najti drugeg suvlasnika da bi i znjim dogovorili posel.. Naravski da je cela stvar završila na sudu jer taj drugi suvlasnik ni dal dozvolu za rušenje jer od nejga nisu nit tražili da proda svoj del.. A of zdaj traži takšne peneze da ti se zavrti v tintari.. Jee..a kaj.. su zrušili hižu dok je on bil v inozemstvu.. A kaj bi se tomu človek čudil.. v našem Zagrebu rad zrušiju hižu i ljudima dok nutra spiju.. Je..je.. živa istina.. Al nebumo o tomu zdaj… I dok sud traje..a trajal bu barem deset let.. tu je taj negdarnji gazda svog dela te hiže otprl parkiralište i ubire peneze na vsaku jenu vuru.. I obadve ove stare hiže kaj ih vidiš su prodane i stanari su nekam prešli z penezima v žepu.. a delaju još v prizemlju samo ..fotografi.. pa i oni dok ne dojdu bager i kamijoni …………….



Znaš.. ja zdaj preskačem te hiže makar bi o vsaki drugi imel nekaj za kazat.. A tu v ovi hiži na vuglu Šenoine još navek živi moj negdarnji pajdaš z fest mladih dni.. Mi se čini da sam ja i o tom nekaj škrabal pred dva tri leta.. No.. taj je moj pajdaš bil sinek od negdarnjeg črlenog velkog poltikanta .. oneg Biliča.. Tu su oni stanovali na celom prvom katu.. A sinek se zval Ivica i imel je lepu malu nekaj mlajšu sestricu.. A ona je bila Sanja.. I tu sam sestricu ja navek snubil i fuliral joj.. pa smo morali dobro pazit da nas taj velki tatek ne vlovi.. I tak smo se jemput ona i ja spregledavali kaj gdo ima v gačama.. jeee.. bili smo ona i ja fest znatiželni.. A zašli smo te stvari spregledavat nigde drugde neg v nejzinom haustoru kaj ga vidiš na slikici.. ha.. I nas je valjda videl stari pazikuča pa nas je cinkal nejzinoj mamici.. Ha.. a mamica ni bila baš z tim oduševljena pa je vse povedala tateku Biliču.. Jezušek kakšne je tu bilo galame i petljancije.. Narafski tatek je pričepil malu.. a ona je rekla da sam ja za vse sam krif..a ona ništ.. A kaj.. na koncu konca su si moj tatek i nejzin tatek ozbilno popričali kak z jene strane partizanski zapovednik i z druge strane Firerof Hauptsturmfuhrer.. i vse je dobro svršilo jer smo i ja i ta curička bili maloletniki.. A i sinek Ivica je pomogel da se cela stvar zgladi jer je trdil da ništ od teg ni istina.. Al je tata Bilić zabranil sineku Ivici da se zmenom druži.. a i meni je strogo zabranil da dolazim v nijhovo dvorišče.. I tak.. nek im bu.. Tata Bilić je pred par let vmrl od oneg raka i patil se kak zajdna živina.. sestrica Sanja se udala za nekakšneg Bosanca i završila znjim v Bosni negde okol Prijedora.. postala je muslimanka..a to je vbilo nejzinu mamicu.. Ivica je denes negde na drugoj adresi..a of tu stan iznajmliva za skupe peneze nekakšnoj firmi… Retko se vidimo.. Evo..tak.. uzput .. brezveze……………….

Pemo dalše ………


18:33 | Komentari (0) | Print | ^ |

Grose štrapacirung ……….. broj jedan …



Kaj ti ja velim.. čim se malo vreme prolepša naš lepi i mili Grad Zagreb tak zaživi da bi nam bili jalni i oni termiti v svojem hupseru zemle.. daj pogleč kolka je to gužvancija čez Ilicu..pa jedva sam se dovlekel..zapraf.. provlekel od Maleg Placa do Trgača.. Znaš.. pred dvajset i više let sam se čudil kak tam v onem Njujorku ljudi hodiju po vulicah kak mravi.. eee.. a zdaj se pak snebivam kam je to dogural moj Zagreb.. Al to se tu misli samo na tolki broj teh kaj se vlečeju po Ilici.. drugač pak moj Zagreb nedam nit za deset onih Njujorka.. Maaa..kaj.. za ništ ga nebi menjal..me razmeš.. Jedin kaj je oni Njujork malo bolše sreče od Zagreba.. tam ljudi prihajaju v taj čumez..pa i odhajaju na brzinu.. veliju da je v Njujorku fest skupo živeti..pa malo ostaneju.. i zbrišeju v kakšnu indijansku provinciju.. Eeee.. to se nam tu v Zagrebu nemre desit.. Tu gdo god je došel još od negda..al dojde praf denes.. nigdar više se od tud ne zmakne .. daj si samo pogleč kolko je teg sveta tu..a ja ti bum garantiral da od vseh teh nit frtalj nisu pravi Zagrepčanci.. vse je to nekaj falš zagrebačko..al ni nit blizu.. Bi ga vrag znal……...



Viš.. celi je Trgač bezeciran za nekakšne špelancije.. pa oni del na kojem se okuplaju vsi oni kaj na ti velki televiziji glediju nogometne utakmice.. I tu stojiju po celi dan.. kričiju a da nigdo ne razme kaj i komu.. pa oni tam na televiziji te ništ ne čuje.. A posvud naokol su one male brtije na kotačima.. narafski.. Ožujska se toči.. I tu nebi imel nikaj protif gda bi bilo i one moje z citronom.. A te nem tu.. pa stoga nema nit mene.. No zdaj ni utakmice a ljudi ima kak pčela v košnici.. Zbilam se koji put pitam kaj ti vsi delaju po vani na vulici.. kaj te ženske nemaju kaj domof delati..kaj oni mužki vsi moraju hoditi po vulici..ha..zakaj nisu v brtiji..ha .. Pa se onda zmislim da i ja stojim fort na vulici kak kakšni bezkučnik.. pa bum rajše čkomil.. kaj je mene briga za druge..kaj ne …..



I tak sam ja donesel odluku da bežim z Trgača nekam gde je mirnejše.. Dost mi je te buke i teh šatorof..štandof.. Jedin kaj mi paše to su naše ljepe Zagrepčanke.. Eeee.. da je celi Trgač pun teh ljepotica.. ja bi se del v sredinu i užival kak Turčin v haremu.. Daj si zamisli mene kak sedim med tim silnim ženskama.. Hmmm.. makar to ja pokušam zamislit nikak mi nejde.. Morti sam malo zakasnil z takšnim stvarima.. ha .. Jeee.. došlo je doba gda bi ja rekel .... Dobro ženske.. samo lepo prosim.. jena po jena…ha … Maaa.. kaj si ja svakaj zamišlam.. bi se posral od muke.. hmmmm… gdo zna…Kaj ti mali moj veliš na to..ha.. Hmmm… i on čkomi tam dole v kmici…ha …..

Pem dalše ………


12:48 | Komentari (0) | Print | ^ |

petak, 20.06.2014.

…… Bezvezancije ………….



Tak ti je to gda nemaš kaj drugega delati neg brez veze naokol hoditi i gruntati kak je negda bilo.. I čim se malom, obrneš okol sebe mam ti na um opadne kakva bedarija za koju si negda veroval da je najspametnejši posel kaj bi ga mogel zbavit.. Viš of tu kandelaber.. več sam ja odavno štel spripovedat da je jen isti takšni tam na Zrinjefcu bil vrlo važna stvar v živlenju nas fakina.. Praf za praf.. bilo je to vreme gda smo tekar z fakinčeka bežali ka pravim fakinima.. Nit smo bili vrit nit mimo.. Al se je znalo da nekaj važnega v živlenju moraš naredit a da bi mogel prejti z ranga fakinčeka v rang fakina.. I svakaj bi nama onda padalo na pamet i vrtelo se po tikvi.. Tak si mogel postati fest važna persona ak si mogel najdalše hračnut z klupe na sred puta gde su ljudi prolazili.. A još si bil vekši fakin ak si mogel hračnut na cucka kaj je gazda pelal na žnori..naravski.. gda bi njih dva prešli pokraj nas.. mi bi začeli hitro hračke ispaljivat na cucka.. a of bi zacvilel al zalajal..a gazda bi ga povlekel a da ni nit skužil da mu cucak na leđima ima barem tri masna hračka.. Taki je bil velki podvig o kojemu se pripovedalo po celom firtlu i po svim osmoljetkama naokol ..baš pri tem kandelaberu na Zrinjefcu i to onem spredi moje hiže.. okol teg kandelabera smo se rad okuplali nafčer po kmici..pa bi tu bila dečurlija z moje hiže i z hiže na broju dva.. A morem ti reč da je v samo te dve hiže bilo fakinaže i mužke i ženske kak da v tem hižama živiju Rusi a ne pravi Zagrepčanci .. Denes nema baš ni jenog klinca nit klinke v obadve hiže.. No.. kaj da ti velim.. kandelaber je bil prava stvar da pokažeš i dokažeš da je oni Stiv Rivs kaj je Herkula glumil na fimu.. bil tekar mačji kašalj prema tebi.. To je značilo da si se moral spentrati skroz gor na taj kandelaber do same lampe kaj je visela na lancu..pa onda tu lampu zanjihati tak da je pol vure letela sim tam.. Narfski .. ne moram posebno naglašavat da sam se ja barem sto put spentral na taj kandelaber.. A gda si spuzal gor do vrha onda si nekak bil..se reče.. v ravnini..skorom do drugeg kata na hiži.. O tak sam se ja jemput uzpuzal do gor i počel kričati i zvati svoju baku..plemenitašicu.. nek i ona vidi kakaf sam ja zaslužni grofofski naslednik v familji.. I čula me je baka i došla na oblok pa gčedi prema dol da gde sam ja.. Čuje ona da ju ja zovem.. vidi dole hrpu dečurlije al mene ni videti.. A gda me je spazila na vrhu kandelabera.. ti vrapca.. se je začela križat kak da samog vraga vidi..pa mi je onak čez oblok oštro naredila da mam zidem dole a ona da bu mom tateku vse povedala.. Pa se ja nis bojal kaj bi moj tatek na to imal za kazat..on bi sam mahnul z rukom i odbrusil joj da sam ja mužko i da vse to mora tak bit.. Al je mesto mene nadrapal moj pajdaš kaj je stanoval na broju dva.. I taj se je spentral gor na vrh kandelabera pa je i on začel zvati svoju mamicu da ga dojde gledeti kak majmun visi na kandelaberu.. Ha.. mamica se je pojavila na obloku..al je skorom v nesvest opala gda ga je vidla kak joj maše z vrha kandelabera i još lampu gura sim tam.. pa je na oblok dobežal i nejgof japa.. striček Marko ..pogledel si je sineka.. i rekel.. Pričekaj Vladek.zdaj bum ja došel.. A bil je to moj pajdaš kaj smo ga drugač zvali Pacof kaj je imel špičasto lice i pomalo je sličil na štakora.. No.. Vladek ni čekal da nejgof tatek dojde dol.. skliznul je čez kandelaber kak da je of z lojem namazan i pobegel prek travnjaka nekam prema Tomislafcu.. Pa mu to ni ništ pomagalo kaj je došel domof kasno po kmici gda su mamica i tatek več spali.. Drugeg dana nam je vsima bilo bistro da je domof fasal batin kak magarac.. Sam je šutel i zbegaval mene i ostale ..kak da smo mu mi nekaj bili krivi.. Posle smo saznali da mu je nejgof japa zabranil da dolazi v našu pajdašiju.. Pa to ni dugo potrajalo i vse je bilo kak i navek gda se pozabilo to pentranje po kandelaberu.. A da je taj kandelaber postal fest poznat i med drugom fakinažom bilo je sasvim vidlivo jer su se vsaki dan nekakšni fakini sim dolazili pentrat na taj kandelaber i dokazivat svoju hrabrost.. Al smo posle zmislili druge još bolše bedarije o kojim se dalo pripovedat na okol.. Jeee.. al Vladek nebi bil Pacof da svom vlastitom tateku ni zbušil gumu na motorkotaču kaj ga je of parkiral spodi dreva malo dalše od teg kandelabera… Ha.. Denes se više fakini ne pentraju po kandelaberima.. ne hračkaju po cuckima.. ne zvoniju susedima po zvoncima na vratima… praf za praf.. denes nit nema fakina kakšni su negda bili.. Ovi sadašnji samo vrtiju i pritiskaju z prstima one ajfone.. kajfone.. fujfone.. bi ga vrag znal kaj još.. A ziher sam da bi se v našemu Zagrebu i malo koji klipan našel kaj bi se spentral na kandelaber..



Pogleč kak je nekak prazen Grad a tekar smo v sred prijepodneva.. Se vidi da su škole i fakulteti završili pa nema po vulicah oneh kaj peju v školu..al se vračaju z škole.. pa ni oneh kaj ideju pokraj škole.. A nema ni tolko avtomobilof .. Zgledi da su več i začeli urlaubi.. se reče.. godišnji odmori.. pa gdo ima kakšne peneze je prešel na ljetovanje.. gdo nema taj si zamišla ljetovanje.. Znaš kak ide ona smešna popefka.. Tko ima para kupa se u moru..a gdo nema.. doma u lavoru.. A največ ti z našega lepog grada v ovo vreme zbrišeju baš đaki kaj su z drugih mjesta v Horvackoj došli se školati v Zagreb.. Takšni prejdeju domof nakam v nekakšnu vukojebinu..a znjimi i takaj razni dotepenci kaj su svoju ..se reče.. rodnu grudu zemle.. ostavili gdo zna na kojem bregu.. Prejdeju se oni dobro najesti svojim tatekima i bakicama.. a na jesen buju se vrnuli nazaj sim.. kak zgledi.. nigdo nemre brez našeg lepog Zagreba.. Samo negdo vidi tu lepotu..a negdo samo prolazi pokraj nje.. A to su ti upraf ti dotepenci … Njima je naš Zagreb.. se reče.. sredctvo..a ne lubav v srcu.. Eee.. stoga moj dragi Zagreb ima mene.. a ja ima nejga.. Nas dva smo jeno srčeko..



Navek tu na Kazališču malo zastanem i divim se kak je vse tu lepo i uredno.. Milina je za videti to cvetje kaj ga vredne Zagrebačke vrtlarice i cvječarice rihtaju i rediju.. A i tu na Kazališču je navek mirno i skoro tiho..makar se z daljine čuju avtomobili..a z druge strane trajvani.. Tu malo ljudi prolazi.. djeca se sim ne dojdeju igrati.. penzijoneri tu ne sediju po celi dan na klupama.. pa buš čak i retko videl da negdo tu pela cucka na scanje.. kak da vsi poštivleju tu lepotu.. Tak i treba.. Stoga si ja rad tu sednem na klupu.. koji put mi se i malo zadrema..onak z jenim okom.. a z drugim okom gledim dal ima kakšni prazni stolec tam malo dalše v Hemingveju.. kafiču prek puta.. Znaš.. gda si tolko gruntam o tim starim cajtima kaj su prešli.. bormeš i ožednim.. pa zakaj si nebi prešel spiti barem jenu Ožujsku z citronom…….Ha ….

…….. Bok ……………………


17:23 | Komentari (0) | Print | ^ |

utorak, 17.06.2014.

Fort se to vreme kopita ……………



Taman sam došel na par metrof do Trgača kad je začel dež..pa ne padati neg srati.. A tak jednak sere več fajn dugo vremena.. I se nafčiš na to.. Zvlečem šiltericu z zajdneg žepa..nabijem ju na tikvu tekar tolko da mi se obrlihti na nosu ne zmočiju.. Baš su dobro te šilterice zmislili..gdo je da je.. lepo ju svrkneš i gurneš v žep.. pa gda zatreba tu je ..
Ni sam neznam kam sam se zapraf zaputil.. vse mi jednak paše.. al na Dolac..al na Kaptol.. I tak sam se ipak odlučil za.. prema gor.. No..kak i navek .. malo bum postajal tu na Trgaču makar mi je tu vse poznato da bi i žmirečki mogel praf kazat gde kaj je.. Al navek ljudi prolaziju..narafski.. mene največ ženske interesiraju.. Ti vrapca.. vsaka je lepa i dobra.. nebi človek ništ nit jenoj prigovora našel.. pogotovo ne gda si na mestu gde sam ja.. jeee… tu se misli na moje vreme trajanja… A kaj.. vse su moje garancije prešle.. pa kak bi ja onda mogel drugima falinge iskat.. A i nafčen sam tak da treba vsaku žensku posebno cjeniti.. Dok ih glediš na hrpi onda bi mam štel nekaj z te hrpe posebnog zabrati.. a gda glediš samo jenu.. eee.. onda je ta najbolša.. Tomu se reče da se moraš.. prilagodit.. A ja sam se navek znal prilagodit.. tak sam ti ja znal domof dopelati kakšneg komada kojeg sam negde uzput pobral.. Negdar je naš lepi Zagreb bil pun ..se reklo.. frenterica ..kaj su pobegle od hiže..bogtepitaj odkud sve ne.. pa bi se šmucale po Gradu do kmice.. Eee.. a onda se zgodi to da nemaju nikakšneg prevoza nazaj domof.. A mi smo fakini navek takšne znali prepoznat.. kasno nafčer.. ženskica se sprešetavle okol Glavnog Kolodvora..al okol Avtobusnog Kolodvora.. lepo se vidi da nezna kaj bu sama z sebom.. I se zna.. zdaj bi mi došli na svoje.. malo popričaš znjom.. malo se našališ.. pa prejdemo v brtiju.. I več je pol noči.. I kaj.. al bi ju odpelali v oni podrum v Amruševoj vulici gde smo imeli naš privatni klub.. al bi ju negdo od nas odpelal domof ksebi na spanje.. pa sam tak i ja znal dojti na red.. Pa se ja potiho šuljam v svoju sobu..al nemrem ja tak potiho kolko moja baka ..plemenitašica.. more dobro čut.. I nalukne se ona čez vrata pa skoro opadne v nesvest.. Pita me.. A kaj je to tu.. misli ona na tu ženskicu.. A ja odgovorim.. Aaaa. to je jena moja kolegica.. A veli baka na to.. Daj ti tu kolegicu odpelaj prvo v badecimer.. i pazi da ne navlečeš kakšne picajzle.. A je.. ženska je bila malo bolše razčupana i v kmici je zgledela još gorše neg je zapraf bila.. No.. pa kaj.. zdaj bum znjom i nigdar ju više nebum videl.. A moja bi baka posle mom japi rekla.. Čuj sinek.. tu vani znad vrata črlenog lampaša deni..of tvoj grofofski naslednik bu tu kupleraj otprl… A moj bi se japa samo nasmijal i mahnul z rukom.. Pa muško je.. i z tim bi bilo vse zgotovleno…..
Znaš.. moj tatek i moja mamica su imeli hižu na Gračanski cesti.. pa su največ tam bili.. A ja nikak nis štel v tu hižu prejti z Zrinjefca.. Pa koji put i jesam tam bil.. koji put su tatek i mamica bili na Zrinjefcu.. bilo nas je posvud … A onda su tu hižu prodali pa se je tatek dovlekel na Zrinjevac..a mamica si je kupila garsonjeru na Gornjem Gradu v Čirilometodskoj vulici.. I pak smo bili posvud.. kak bi komu pasalo.. A moj je japa od penez kaj ih je dobil za hižu kupil sebi novega NSU Princa .. eee.. to je bil lepi i brzi autek.. a ostatak je.. kak je rekla moja baka.. zakurval.. A mamica je v onu garsonjeru dela nekakšneg študenta kakti podctanara .. al je moja baka to drugač komentirala.. Jeee.. šoca si je dovlekla da joj bu pri ruki gda ju zasvrbi.. A je.. bilo je veselo pri mojoj hiži.. navek zanimlivo.. I nigdar se nigdo ni svadil nit ljutil …………..



I tak ti se ja znoge na nogu polahko španciram.. nikam mi se ne žuri.. Je da me tu i tam nekakšna kaplica odzgor poškakla po vratu pa se scedi čez hrptenjaču.. Al nis ja na to hajtlih.. Malo sam zašel tu nutra pri Široku.. Znaš da su to oni kaj več dvjesto let svječice delaju otraga v dvorišču.. Ti vrapca.. več je ta hiža deset put gorela od gda ja pamtim.. pa je spet tu.. Toj nemre ništ naškodit.. A znaš.. jedva se ta hiža drži kolko je pohabana i poglodana.. Znutarnje strane..tam z dvorišča je podšprajcana z kolcima i gredama da se ne zronda.. kak i vse druge hiže na oni strani Stare Vlaške.. I nigdo ništ ne poduzimle kaj bi se to malo obnovilo i učvrstilo.. kak da baš čekaju da se zruši.. Aaa.. jenog se dana i buju same od sebe na hrpu složile te stare hiže.. Koga je to briga.. A gda se to dogodi..posle bu nekakšni idiot od arhitekta tu postavil nekakšnu škatulu od železa i stekla kak su i tam pozadi Gradske Kavane.. No.. tu pri tem Široku je denes najmanjše svječica..al zato ima vsih fela domačih suvenira.. A ja ti tu zajdem kupit fitilje za one baklje kaj ih v zemlu zapičiš pa goriju par vur.. To ti meni gori na mojem grunteku gda treba komarce poterati.. A tu pri Široku moreš kupiti i oneg tamjana kakšneg i v cirkvi paliju.. Ja si kolko put doma na tanjureku zažgam malo te smole pa cela hiža miriši kak Prvostolnica na Badnjak.. Al.. znam ja.. mene bu i mimo tega vrag odnesel pod račun..ha …………….



Jebal ga Bandič.. Jebal mu Linič mamicu.. Jebal ih vrag lopofski… Čujem ja kak na Opatovini galamiju ženske kaj prodajeju robu na onem štandovima.. Zapraf one tu imaju male drvene bajtice v kojima držiju tu robu.. A kak je navek robe više neg ju imaš kam deti.. to ti one poslažeju robu spredi teh drvenih kioska.. Al njima Gradcka uprava to ne dozvoli pa to one tak delaju mimo propisa.. ali ih zbog tega nigdo ne dira..al im nit hoče kaj pomagat.. Sva ta roba kaj je vani izložena na raznim stalažama.. vješalicama.. stolima i stolcima.. ti je izložena i suncu i kiši.. A spametni inšpektori ne dozvoliju da si trgofci na te kioske zmontiraju one tende.. neg ti se ovi tu.. a to su največ ženske.. snalaziju kak moreju.. I tak ti ti razapinju razne najlone.. krpe.. pa največ one ogromne suncobrane.. No gda dež začne zapraf cureti onda hitro vse moraju nahitat v te drvene kioske.. Pa je tak to i zdaj.. Malo se bolše dež začel zpuštat z neba.. pa je tu nastala cela parada od vseg tega.. A ova jena kaj je malo hrabrejša neg ostale glasno kriči da se čuje čez celu Opatovinu..ha
A ja sam si lepo sel v kafič pod tendu i naručil Nesicu od vanilije.. pa si gruntam o toj Opatovini.. Več su pred više od deset let gda su to malo tu porihtavali šteli maknuti te trgofce.. I jeno kratko vreme ih ni bilo.. Al je i Opatovina postala prazna kak da bi ju z krpom zbrisal.. Nisu kafiči imeli baš nikakšneg posla.. I to samo stoga kaj ni bilo teh trgofcof.. Ovak tu navelko štrapaciraju ljudi.. turisti.. pa nekaj kupiju.. malo glediju.. a kafiči lepo delaju.. Lepo ja velim al me nigdo ne čuje.. Tu v našem lepom Gradu Zagrebu ona bagra koja je tu v Gradu vlast i na čelu im oni gradonačelnik.. dotepenec z bregof.. nigdo ne sluša kaj imaju za kazat stari Zagrepčanci.. Samo delaju po svom nekakšnem zbrkanom mozgu.. Nemaju pojma kaj Zagrepčanci imaju rad a kaj nemaju.. I tak malo po malo vse delaju na krivu stran.. Viš.. tak ni oni Amerikanci nisu slušali svoje Indijance.. pa denes bizone glediju samo na slikicama.. Tak bumo i mi za koje vreme gledeli naš Stari Zagreb samo na još starešim razglednicama.. pa nit njih više nemaš gde kupit …. Sva sreča za trgofce..pa je dež prestal za kratko vreme.. tek je tolko padal da je zbrku naredil.. A zdaj pak ona ženska kriči na saf glas.. Jebal im Bandič mater.. Pa ni rekla komu da jebe mamicu.. valjda inšpektorima.. Al zdaj kriči stoga kaj mora spet robu slagat i izlagat spredi kioska….. Baš je interesantno.. al pem ja dalše ….

… Da ste mi gezund ………………………



mekon@net.hr


20:21 | Komentari (0) | Print | ^ |

ponedjeljak, 16.06.2014.

Jee… polahko ………………..



Jee.. dobro mi denes ide.. vsaki čas susretnem kakšni dobar komad.. razmeš.. Viš ovu v črnoj kikljici.. lepa pucka.. a da samo vidiš kakšne športcke noge ima.. Aha.. to je prava ženska a ne bakalar.. Ehh.. gda sam ja bil v tim letima.. prafzapraf nit se više ne sečam gda je to bilo.. ide vreme vrag ga skelil.. A v ta davna vremena je bilo nekak vse prazno v našemu Gradu.. Škole su zaklučale vrata.. jedin su oni poprafkaši još malo dulše hodili kaj bi mogli ispraviti kolce kaj su ih skupili na koncu školske godine.. Znaš.. ja sam se navek dobro zvlačil pri samem koncu.. Dok je škola trajala.. celu godinu sam ja malo po malo..se reklo markiral z škole.. to ti se drugač reče da si hodil pokraj škole.. Pa gdo bi vsaki dan išel v školu.. tak smo ti ja i moja klapa dva dni bili v školi.. treti dan nismo.. pa bi pak došli na jen dan..pa spet drugi dan nekam zgibali.. I bormeš se skupilo fajn teh.. su rekli .. neopravdanih sati.. Al kaj.. mogel si donesti ispričnicu od roditelja a ta je vredila samo za dva dana.. vse kaj si dulše izostal moral je doktor naškrabat dijagnozu.. pa je to vse nekak funkcioniralo.. malo je pisala moja baka.. plemenitašica.. ispričnice Ha..i to je pisala držalom i perom a nejzin se je rukopis nazival ..krasopis.. Eee.. ta je znala naškrabat tak lepu.. cifrastu i uvjerlivu izpričnicu da je moja školska razrednica vsaki put to uvažila.. No pa ni baka ni štela meni za vsaki drek ..kak je to ona kazala.. pisati te ispričnice.. A bormeš su meni trebale vsaki tjedan barem dve.. Pa bi ja iskal svojeg tateka da i on koji put to naškraba.. A on bi me pital.. Kaj ti to sinek treba za onu staru alapaču profesoricu.. Da..velim ja.. A on veli.. Onda bum ti napisal.. nit ja nebi išel v školu radi te babetine.. I tak.. razmel je mene moj japa.. A pital bi me.. A gde si bil ak več nisi bil v školi.. Ja bi mu odgovoril iskreno.. pa bil sam v kinu.. Eeee… veli on.. za to ti nebum pisal ispričnicu.. A ja sam brzo nadodal.. Al tatek moj.. bila je zmenom i ona mala z susedctva.. Aha.. več je na to živnul moj japa.. I jesi ju držal za nogu v kmici.. Pa narafski da jesam .. velim ja.. No.. dobro ..veli japa.. kaj je morti tu nogu imala v gačama..… I kaj da vam velim.. moj japa.. kak su vsi povedali.. velki kurviš.. potpuno je razmel moj izostanak z škole gda se delalo o ženskama.. I gda je na koncu školske godine ispalo da je i pokraj tolkih izpričnica bilo još tolko izostanaka brez izpričnice.. i ja sam moral to odslužiti.. Rekla je meni ta moja razrednica da bum moral na popravni izpit..pa ne stoga kaj sam ja imel kolca iz Historije kaj ju je ona meni predavala.. neg stoga kaj sam največ izostal baš z nejzinih predavanja… Eeee.. to ja domof nis mogel nikak skriti.. I primil je mene moj japa na red al gda sam ga ja podsetil da je to tak odredila ona moja razrednica.. stara alapača.. odlučil je on sam personalno to sredit .. Onak feš človek kakšni je bil moj tatek.. v odjelu i z svilenim kravatlinom .. prešel je v školu kod te stare alapače.. Istini za volju ni to bila stara ženska neg sredovječna.. čak je i dobro zgledela.. smo se mi fakini fort hrustili na nejzinu velku rit i ciceke barem broj pet.. I da ne duljim preveč.. moj je japa prešel kod nje za prijepodneva.. a domof je došel negde pred večer.. Samo je fest uzdahnul i z žepa je zvlekel moju svedodžbu.. napisanu i podpisanu.. Ništ ga nis onda pital.. al je moja baka samo zdahnula.. Kurviš.. a kaj si toj ženskoj of put zlagal… A japa se samo podsmehival …. A mamica je komentirala.. A kaj.. nek se i ženska malo veseli.. glavno da je sinek svedodžbu doma donesel… Al drugu školsku godinu više nije ta bila moja razrednica.. Došel je nekakšni brkati profesor pa je trebalo zmišlati nove.. se reče.. situacije.. Ha.. al to je rešavala of put moja baka.. plemenitašica .. narafski.. z dukatima iz svoje škrinje z ogromnim lokotom…ha ……



Ha.. navek ja imam dobru pratnju čez Ilicu.. Viš ovu tu.. kak ona Sofija Loren v najbolšim danima.. Vse mi je.. se kaže.. neugodno kolko put sam prešel pred nju da je vidim od spreda.. Jezušek.. kak lepo hodi.. kak da joj je japa bil general.. onak.. veliju.. graciozno.. zdignute glave.. Je.. mam bi ju ja zabral da se mene pita.. I da ne postanem sumnjif kakti nekakšni seksualni napasnik.. ja sam ti lepo ostal odpozadi..A kaj.. ionak pe ženska istim putem kak i ja.. Pa dokle bu.. bu .. Pa ni dalko to trajalo.. zašla je v oni štacun gde se prodaje.. se reče.. doljnje rublje.. Ehhh.. morti je išla sprobat kakšne gače..ha.. I tak sam momentalno ostal sam vse do Frankopanske…



Mi je palo na pamet da več od lajnskeg leta nis navrnul v kazališče Gavela.. pa ne gledeti prectavu neg vizitirat oneg mojeg starog pajdaša kaj tu dela… A taj je tu.. se reče.. majstor rasvjete.. znaš.. porihtava one reflektore kaj pozornicu osvetlavaju.. A taj ti navek ima cajta.. gda god dojdeš priejpodneva.. i kolko god rano da dojdeš.. on je več do teg časa bar tri put bil v brtiji.. Pa bu onda i po četrti put zmenom.. A fala Bogu.. v Frankopanski ima brtija po vsim dvoriščima .. No.. i zajdem ja prvo prek puta v brtiju proverit dal moj pajdaš slučajno tu stoji za šankom.. Pitam starog Juru konobara.. taj nikak da prejde v penziju.. več ga tu dvajset let gledim v istem kafiču.. kaj je morti bil denes Žac tu.. A on mene gledi kak da sam ja opal z Marsa.. Pa kaj ti neznaš… Žac je več posle lajnskeg Božiča prešel v penziju.. Pa kak to.. pitam ja Juru.. A taj ti Jura pozna vse i vsakeg v Gaveli.. vsi tu fort visiju za šankom.. I veli on meni da se moj pajdaš Žac ni zajdne vreme opče treznil..da je od jutra do kmice bil našvasan.. pa su ga pod nus ekspedirali v penziju.. A je .. gruntam si ja.. moj pajdaš Žac je mogel spiti i deset kriglina pive i to od sedam vur vjutro pa do gableca v deset vur.. Bil je bormeš dobar kapacitet.. No.. pa ni ništ preveč fulal kaj su ga poslali v penziju.. ionak je imel i preveč let na grbači a i dost staža.. Moram ga poiskati domof dole v Jukičevi vulici.. ziher tam visi v brtiji na vuglu….
I evo ti ga na.. taman sam del na kipeca teg starog črlenog Čeha.. pa več sam ga barem sto put šklocnul..al nis nigdar v Frankopanski.. gda me pardonira ova tu stareša ženska.. Lepo me zamoli dal imam koju kunu viška kaj bi joj dal.. Hmmm.. kopam ja po žepu i mesto jene kune baš mi se za prste zalepi pet kuna.. Ha.. i kaj zdaj.. dal sam joj.. A ona meni spomina dragog Boga.. vse svece i angeleke..zafaljuje se kak da sam joj dal hiljadarku.. Al ništ se ja na to ne obazirem.. Takšnih ima tu po centru grada na vsakem koraku.. I znaš kaj.. nisu ti prosjaki više onak kak negda odrpani.. zmazani.. bosi i na pol goli.. Denes ti je to postalo sasvim drugač.. lepo su takšni oblečeni.. uredni i čisti.. A na vulici te pristojno pardoniraju.. Gospon.. molim vas imate jednu minutu vremena da vas nešto pitam.. Ili.. Lijepo vas molim za jednu kunu baš mi fali.. I takšnih imaš barem deset od Trgača do Frankopanske.. Pa jenom daš ..onak z navade.. Znaš onu staru narodnu izreku.. Daj siromahu vjutro.. da bi ti imel cijelog dana.. Pa neznam dal je baš tak..al za vskai slučaj … makar da mi črep z krova ne opadne na tintaru……….

…….. Bok …………………


mekon@net.hr


20:37 | Komentari (0) | Print | ^ |

nedjelja, 15.06.2014.

Žge..curi..žge.. curi.. žge.. curi ……….



Tak ti je ovih dni to vreme.. al ovi od zgor oganj siple..al pa zpusti debelu vodu dol..pa ti je na koncu takšna sparina i fajhtnoča da dišeš na škrge kak morski pes.. baš se pipam okol vuha da mi zbilam nebuju te škrge začele rast… Pa zgledi da su se Zagrepčanci več naviknuli da je tak..jer to traje bormeš više od mesec dni.. Stojiju ljudi na suncu potpuno mirni..a stojiju i gda dež curi.. Nigdo se ničemu ne čudi.. čak nit ambrele ne otpiraju jer ih nit nemaju.. Vsi več znamo da bu pol vure dež curel..a onda bu dve vure oganj žgal.. pa buju se spet oblaki navlekli..onda bu se ona tuča zrondala odzgor iz Raja.. i na koncu bu se veter tak zalaufal da buju se dreva koturala po vulicama.. Jedin su zadovoljni naši Zagrebački fajerferkeri jer moreju delati iberštunde …
I dok je celi Trgač okupiran z .. se reče.. rekvizitima za javno gledanje nogometne špelancije z Brazila.. znaš.. vse je tu puno stolcih.. štandova z pijačom.. velka pozornica z ogromnom televizijom.. pa nekakšne železne gitre.. A ja ti rajše pem po drugi strani .. daj pogleč.. baš su denes odnesli i poslednju štangu z one zidarske skele na koji je bila ona ogromna reklama na krpi.. Zdaj se lepo vidi ta stara palača na Trgaču broj jedan.. kak je rekel naš gradonačelnik..oni dotepenec z bregof.. više se tu nesmije ništa na fasadu devati.. Trgač mora biti brez teh reklama kaj celu hižu pokrivaju.. I tak je praf.. Te lepe stare palače se moraju videti v celoj svoji lepoti..
Negdar je ta hiža bila v državni vlasti..pa bi ga vrag znal kak je najemput postala privatno vlasništvo.. Zdaj je kakti vlasnik oni .. rečeju.. sumnjivi biznismen.. Anič.. No.. pa ni mene briga.. sam štel kazat da sam v ti hiži ja delal par let.. Tu je bil negda Centar za informacije i dokumentaciju . kaj da ti velim.. bila je to Agencija za ..se tomu reklo..industrijsku špijunažu.. Tu su delali ljudi kaj su znali strane jezike pa su prevodili za naručitelje kaj je komu trebalo.. Narafski da je to vse bilo fest tajnovito.. Ja sam moral podpisat da bum čkomel za sva vremena o tem kaj se tu dela.. A ja sam ti tu bil kakti grafički urednik i reprofotograf jer su se razne informaciej krale v inozemstvu.. sim pošiljale i prevodile.. pa je to i na koncu trebalo štampati ili preslikati.. Pa kak je tu došlo do nekakšnih sumnjivih poslovanja ja sam zbrisal prije neg su panduri pokucali na vrata.. Al.. bilo je to davno.. prije neg sam došel delat u oni GZH u Frankopansku… Maaa.. tak.. samo sam se malo setil.. Al bi se dalo o tomu dost pripovedat.. Te agencije več odavno ni.. Direktor je nekam zbrisal a ostalo su drugovi raztepli …..



Se razme da ja gda sam več tu svakak moram malo vizitirat i po Dolcu.. pa navek je meni bilo lepo se špancirat po placu .. Još dok sam bil klinac me je moja baka.. plemenitašica.. pelala za ruku po placu i kupovala.. vse po najbolšem izboru.. Več su nju poznale vse kumice i zvale ju.. Dojdite milostiva.. bum vam najbolše prodala.. A moja je baka znala zbirati dobru robu.. Narafski da je i znala dobro platit.. I tak bi ona i ja tu hodili..a ne jemput bi za nama kakšna kumica stala kričat.. Halooo.. gospica.. poglečte kaj je mali naredil.. Ha.. a ja sam dok je baka gledela na drugu stran znal nekaj z štanda fkrasti i metnuti v žep..al gurati v gubec.. Sečam se kak sam jemput zvlekel velku mrkvu z hrpe na štandu i mam je stal gristi i gutati.. pa je kumica kričala za nama.. A moja je baka bila fina dama.. barunica.. i ta si ni mogla dopustiti da nejzin vnuk po placu dela nereda.. Dovlekla me je do kumice i ja sam moral prosit za oproštenje dok je baka kumici bogato platila tu mrkvu.. Narafski.. ja nis štel nit otprt gupca..a kamoli prosit nekakšnu kumicu za oproštenje.. pa sam ipak samo prigovoril da mrkva ništ ne vredi jer je na njoj bilo još zemle z vrta.. a zdaj je ta zemla meni hrustala med zubima..ha … A je.. svakaj je bilo … Gda sam več bil malo vekši fakinček..onda smo ja i moja pajdašija išli na Dolac krasti lubenice Bugarima.. A lubenice su se prodavale tam na oni terasi.. međukat kak se ide gor po štengama.. Pa bi dvojica od nas deset z jene strane došli i zafrkavali Bugara..pa gda bi on krenul prema njima ..oni bi kakti bežali..a mi ostali smo z druge strane vsaki po jenu lubenicu drpili i zbrisali po štengama dol i čez Harmicu prek Trgača po Praški na Zrinjevac.. A v to vreme je Trgač bil fest prometni i po sredini velko parkirališče puno avtomobilof.. Nit nas vrag nebi vlovil v ti gužvanciji.. Eeeee.. nema više teh lepih dni.. nema fakina.. nema nit Bugara ..
Znaš.. štel sam kazat da je naš gradonačelnik.. taj dlakavi pes.. najavil velku .se reče.. rekonstrukciju Dolca.. Vse se bu zmaknulo i nanovo obnavlalo.. pa ja baš ne vidim da to nužno treba..al kaj.. taj dotepenec kaj si zmisli to i dela……



I tak.. pem dole po Frankopanski do Safske.. tam bum nekaj poiskal v Antikvarijatu.. Znaš.. več dugo let ja iščem jenu libru i zdaj sam videl na Internetu da ju imaju baš v tem Antikvarijatu.. A ta ti je libra.. Povijest Zagreba od Franje Buntaka.. To je fest tražena libra a pred petnajst let malo ih je štampanih.. Pa se žurim jer sam ju prek telefona bezeciral.. I je.. čekala me je več na pultu gda sam došel.. Ti vrapca.. to je oni velki format z trdim koricama ..a ima osamsto stranic.. a težka je kak dve cigle skup.. No samo nek je pri meni na stalaži pa bum ju ja pomalo čital i pručaval.. Mene ti vse o našemu lepom Zagrebu interesira.. a imam ja toga dost.. Nek se najde.. Gda više nebu nas koji se nečega sječamo.. buju barem libre ostale.. Ha.. ak bu ih gdo još štel gledeti ……..

…. Serbus ………….


mekon@net.hr


23:37 | Komentari (0) | Print | ^ |

subota, 14.06.2014.

Špancirancije...se razme ......



Daj pogleč kak su se Zagrepčanci hitili v sencu..jeee.. zbilam tam zdruge strane je kak v Kazablanki.. A ja si gruntam kaj tolko ljudi tu stoji..a kad tam ovi tu z ove strane čekaju trajvan koji bu dešel z druge strane.. pa gda se trajvan pojavi na vidiku onda bežiju na drugu stran kak Japanezi gda peju na juriš.. A bormeš je to fest opasno jer je tu Ilica prilično prometna.. malo prije je jen šofer zabremzal..se reče.. na mrtvo.. kaj je baba bežala prek ceste kak da beži za kokicom po svom dvorišču.. Aaa.. lepo joj je podviknul.. Glupača stara.. a ona mu je samo mahnula z rukom.. A znaš.. dobro se je pelati v tim novim trajvanima .. kolko god da se putnikof natiska.. nutra ni prevruče.. ona..se reče .. klima.. dela sto posto.. Ništ se ne špara na štromu.. Al nedaj ti vrag zajti v starog Đuru..al razklimanog Čeha.. drndavog Mađara..a pogotovo oneg Istočnog Švabu.. ha.. kak da si v pekel zašel.. mam ti se švic začne po hrptenjači cedit.. I rekel bum ti da oveh dni ti stari trajvani pelaju skroz prazni.. Ljudi rajši ostaneju stajati i čekati da naide ovi naš novi trajvan.. A ja si gruntam da je ipak najbolše sklonit se nekam v brtiju ..zapraf na one terase spodi teh velkih ambrela.. i živlenje si spasit z kakšnom mrzlom Ožujskom z citronom… ha ………



Viš.. kaj sam ti nema tomu dugo tam na Lupusu.. pripovedal za Mesničku vulicu.. ha..
http://www.lupus-istina.com/forum/viewtopic.php?t=5258&start=975
Jeee.. pred dva dni je začela..kak su rekli.. rekonstrukcija .. te stare vulice.. Evo.. več je razkopana vse do samog Griča Brega.. veliju da buju prvo za plin vse uredili.. A oni ogromni kamijoni navelko odvoziju one kamene granitne kocke .. Su gradcki poglavari rekli da ih buju nazaj poslagali kak su i bile.. Viš.. to je lepo čut da bu nekaj ostalo kak je i bilo.. Narfski da se bu i nekaj zmenilo.. veliju da buju postavili one stare plinske kandelabere kak su negda bili..a ziher da buju i još poneku fasadu obnovili.. Dakle.. Mesnička je zaprta za saf promet.. negde tam do kasne jeseni.. ak se nekaj lošega ne sprepeti.. A znaš da bi moglo tu svačeg biti.. Spodi te vulice ima vsega i svačega.. od stareg groblja.. smetlišta.. kanalizacije od pred tristo let.. raznih tunela i podruma kaj su zatrpani.. I ak oni arheologi začneju tu čeprkati.. ti vrapca.. vulica bu tri leta zaprta.. Zdaj šoferi moraju pelati naokol prek Malog Placa i Nazorove vulice.. pa prek Cmroka na Jurjefsku i na Gornji Grad…. Al pa dulšim putem prek Medveščaka.. na Zvjezdu.. čez Mlinarsku vulicu na Jurjefsku.. Al kaj.. za nas kaj rad štrapaciramo.. ima dost puteva do gor.. kaj ne ……………….



Ha.. si videl.. eeee.. nema na ovem svetu takšne lepote kaj je ima v našem Zagrebu.. narafski.. of put ja posebno mislim na naše Zagrepčanke.. Pogleč samo.. gole nogice.. gole ručice.. ciceki se zibaju.. kratke kikljice.. a cvrkutaju kak ptičeki.. maaa.. kaj da ti velim.. milina.. Pa bi človek tu na tem suncu stal i gledel celi dan dok se ne skurim kak stara treska .. Hmmm.. kakšni ja jesam to bi bila velka mlaka maščobe na asfaltu i od zgor bi plivala moja šilterica.. ha .. No.. bi ja rekel da i v senci ima takaj lepih ženskih za gledeti.. pa bum ipak promenil.. se reče..lokaciju.. Uhhh.. kak ovaj odzgor kuri .. Velim ti ja.. onu crtu kaj joj veliju Ekvator.. je negdo pomaknul prema sim.. ništ se nebum čudil ak naide kakšna deva i Beduin ……

…… Bok … se vidimo………….


13:24 | Komentari (0) | Print | ^ |

cifrasti pozdrafček vsim Zagrepčancima

Bok puce i dečki .....................



Ak hočeš gledeti velku slikicu..onda na ovu tu naredi ..Klik.. pa onda spet ..Klik.. desno gore..


11:06 | Komentari (1) | Print | ^ |

Jezušek...kakšna vručina .......



Lepo ti ja velim.. nikaj ni kak je negda bilko.. zdaj nekakšni drugi upravla z tom našom kuglom zemaljskom.. Ti vrapca.. nigdar ni tu bilo takšnih vručina ..sparina.. praf za praf..kak da smo tam v Bangladešu.. Dva dni tak žga ona kugla odzgor da se hoče celi svet zapalit.. a onda najemput puhne veter kak da bi ga vrag naganjal.. zlije se dež kak z korita gda ga pajcek zvrne.. a zna i ona tuča naleteti pa bubnja po oblokima kak cela paklenska simfonija.. Tak je i ščera bilo.. lepo je sunčeko žgalo.. a onda je najempu zagrmelo.. i dok bi rekel.. kruhpekmez.. začelo je lijat odzgor.. Pa sam ja bežal .. a kam drugam neg v brtiju.. tam pri muzeju na Kazališču.. I kaj… Brtija je zaprta.. To ti je zapraf nekakšna kakti kavana dole v podrumu gde je negda bila ona poznata restavracija.. Pri Dragecu.. Pa su i Dragec i restavracija prešli vrit i od onda se tu svakaj zmenilo.. Zdaj je to nobles kavana..al kak zgledi.. nebu ni to dugeg vjeka.. I tak sam se ja zadovolil tu stajati i vedriti .. Barem pol vure je curelo z neba..pa onda najemput zasjalo sunčeko kak da ništ ni bilo… Zbilam svakaj.. Velim ti ja.. vse su to sporihtali Amerikanci.. Vse kaj ne valja to ti dojde z Amerike.. Veliju spametni ljudi da ti Amerikaneri nekaj zpuštaju z avijona kaj fort letiju po zraku.. pa ima nekaj v tome.. baš gledim neki dan.. letiju ti avijoni.. veliju NATO.. po celomu nebu se poznaju nekakšni tragovi.. Pa to na nebu ostane i pol dana a z tega se onda stvoriju sivi oblaki.. Je.. je.. pogleč koji put gda buš imel cajta.. No.. dobro.. koga je za to briga.. tak je kak je..



Ha.. znaš.. pelam se ja vjutro v trajvanu.. velim samom sebi.. Pem ja na jenu stran z trajvanom.. pa nazaj cipelcugom.. Znaš.. preveč je i sim i tam po toj vručini hoditi..a i ni baš.. bi se reklo.. izplativo.. Najme.. v tom slučaju moraš dva put zajti v brtiju i iskati osveženje ..kak drugač zdržati.. A osveženje je.. narafski.. Ožujska z citronom.. TI vrapca.. zdaj su zmislili i novu Ožujsku z višnjama.. sam ja probal..al ipak mi je ova z citronom bolša..
Pa sam štel kazat kak sam se lepo i zabavno pelal v trajvanu.. Ovak…. Stoji ti trajvan na Črnomercu.. baš se potrefil skroz prazni.. jedin ja stojim v svojem vuglu pokraj vrat.. I zajde nutra nekakšna ženska.. onak okol šezdeset let.. nikaj posebnog.. I sedne si ta na prvi prazen stolec v trajvanu.. pa ni sedela nit tri sekunde zdigla se i prešla dva metra dalše na drugi stolec.. Je.. gruntam si ja.. zdaj more birat.al čim dojde kakšni avtobus na Črnomerec ljudi buju kak stekli navalili v trajvan.. I dok si ja tak gruntam.. zdigne se ženska i preje zdaj na več treti stolec.. TI vrapca.. kaj ta nema mira.. kak da se bu pelelala do Rima Papi na audijenciju… I več ti pomalo ljudi prihajaju i vlaziju v trajvan.. I pak se ženska zdigne i beži na drugi kraj trajvana i sedne si v stolec.. Vrabec ju dal.. gruntam si ja da ta ni baš sva pri zdravoj pameti.. kad ni prošel nit čas..pak se zdigne i beži nazaj na mesto gde je prije sedela.. Al brus.. tog časa se nakakšna druga ženska sedne na to mesto.. A ova gledi.. malo nekaj mrmla..pa se obrne i beži kak nora nazaj od kud se je zdigla.. Ha..al i tu se taj tren sedne nekakšni človek.. Eeee.. obrče se ženska okol sebe.. al kaj.. mesta više ni za sedeti.. I lepo ti ta dojde do oneg človeka kaj se je sel na nejzino mesto.. i onak dešperantno mu veli da nek se zdigne jer je to nezino mesto.. Gledi nju človek.. ljudi takaj okol glediju.. Veli on njoj… Gospa a gde piše da je to vaše mesto.. A ona mu odbrusi.. Tu sam ja malo prije sedela.. A veli of mužki i vidlo se da mu je sasvim bistro da je ženska malo na herak.. Aaa gospica a zakaj niste ostali tu sedeti neg bežite po trajvanu.. A ona još bolše dešperantna začne kričati.. Sram vas bilo.. mjesto ste mi uzeli .. I takšna sva drhteča od ljutnje vrne se na drugi kraj trajvana i napadne onu žensku kaj si je sela na stolec z kojeg se je ova šašava zdigla i veli njoj.. Dignite se .. to je moje mjesto.. A ova takaj ozbilna gospđa odbrusi ovoj bedači.. Vaše je mjesto tam v Vrapču.. Narafski da je mislila na onu ludnicu.. Ljudi se začeli smijati a ova alapača kak furija zleti van z trajvana i kriči kak ona pe iskati policajca.. Ha.. bi ga vrag znal dal je našla pandura.. trajvan je krenul brez nje.. A jen mladi komentira.. Šteta kaj je prešla baš bi se lepo zabavlali da je ostala… Je.. i ja tak velim.. bolše i takša neg kakšni Bosanac kaj šuti i zezuje si cipeliše ……………………



A na Trgaču je gužvancija.. znaš ljudi ranejše izlaziju obavlati si posle po Gradu dok su takšne velke vručine.. A ja nemam kaj za zbavlati pa samo tu stojim i promatram malo naokol.. Prafzapraf.. nit se meni neče hoditi naokol.. vse da bum krenul nekam..pa onda se podbočim na drugu nogu i ostanem.. A zapraf si gruntam kam bi prešel nekoga najti da mi dela pajdašiju pri pivici.. Pa ja znam gde ima koga.. al težko mi je iti.. Hmmm.. morti kakšni poznati naleti v kafič tu v dvorišču na broju petnajst.. Bum još malo postajal a onda se ipak moram nekam genuti………

Serbus ………………

Oznake: plaža


10:35 | Komentari (4) | Print | ^ |

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.