četvrtak, 27.04.2017.

Agramerske huncutarije




18:40 | Komentari (17) | Print | ^ |

petak, 21.04.2017.

Rekel sam ja....


Lepo sam ja rekel.. jemput mora i nam Zagrebčancima sunčeko zasijat.. i evo ga.. Istini za volju.. odzgor z Medvednice vleče mrzli sjevernjak.. vrag je dotepel i nekaj oneg belog prhlifca gor na breg.. aa.. vreme nori kak i oni prognostičar Vakula.. skroz je ponorel.. takšne bedarije je ščera spripovedal da nit pes z putrom to nebi zgutal.. No.. ja sem zimskeg ajncuga pospremil i zdaj se tresem kak šiba na vjetru.. jeee..a kaj.. prejdeš na drugu stran vulice gde sunce obasjava i mam je bolše.. A nit vruča Nesica nebi škodila..


Čist človeka veseli ovak nekaj videt.. kak se ti tulipani lepo zibleju na vjetreku.. kak i ja.. a spodi čučiju fijolice.. Stojim tu.. ljudi prolaziju.. i nigdo to ne gledi.. kak mutafci vsi nekam žuriju.. Heeeej..ljudi.. zdignite tikve.. poglečte..Zagreb je najlepši na ovem svetu.. Al kaj.. mulci si domof otpreju Nejšlđeografik..pa se diviju Parizu.. Londonu.. Madridu.. a tu na dva koraka okol sebe ne vidiju ljepotu..


Negda se posvud škrabalo i pripovedalo o protuletju.. cajtunge su navelko pisale o Aprilili.. dječicu se vleklo po parkima gledeti kak travica raste.. oni vekši su obilazili Botanički vrt.. zalubleni su v Maksimiru i Zelengaju gledeli kak se pupoljki otpiraju.. koseki..slavujčeki i štigleci su popevali.. ševe su se ševile..vrapčeki žifkali.. V školi smo dobili zadatak poemu naškrabat.. narafski..o proletju.. Se razme.. nas deset uzoritih fakinof smo vsi jednak naškrabali v teku za horvacki jezik.. Proljeće, proljeće, svi ljudi vele, proljeće, proljeće , djeca se vesele... I kaj.. vsi smo dobili velkog črlenog kolca v teku.. No.. smo mi začeli štajgat da to ni pravedno..Ja sam tvrdil da je of drugi od mene to prepisal.. onaj treti se žalil da je onaj peti prepisal baš od nejga.. i tak smo špilali zafrkanciju dok nas ni nastavnica hitila van z razreda.. Je kričala za nama.. Bagaža jedna.. sutra nek vaši roditelji dojdeju na razgovor.. Ja sam rekel svoji baki.. plemenita je to bila ženska.. grofica.. da mora dojti v školu.. A ona je poručila toj nastavnici da nek joj pošalju fijakera pa bu onda došla.. pa sam rekel tateku da on dojde na razgovor.. a moj japa me pital kolko let ima ta nastavnica..pa gda sam mu rekel da je okol šezdeset..samo je odmahnul z rukom i ni štel više nikaj o tom slušat.. a mamica.. ha.. i ta je nekakšna grofica bila..ali malo modernejša.. pa je na moj zahtjev odbrusila.. Nek se jebe baba nemam ja vremena.. I tak sam ja vlekel kolca z horvackog do konca školske godine..a onda je ipak moja baka vse z tom palandrom porihtala.. da je ova čak meni i pohvalu naškrabala.. Jeee.. moja baka je držala v svoji kasi dukate i raznoga šmuka za takšne slučaje..... Maaa.. tak sam se malo prisetil negdarnjeg davnog proletja...

Serbus ....





17:41 | Komentari (16) | Print | ^ |

srijeda, 19.04.2017.

Agramerske huncutarije .......




16:25 | Komentari (13) | Print | ^ |

četvrtak, 13.04.2017.

Vsi ti cajti pred nami........



I tak.. pak nam se spremaju lepi cajti.. Vuzem prihaja.. a več su začeli velki dani.. pa tak velki četrtek.. velki petak.. velka subota.. Vuzem.. velki pondelek.. ti vrapca.. gdo preživi dobar bu.. A nakon vsega zbilam bu čudo preživet vse te peripetije z žderilom kaj se bu nataložilo kak mulj v trbuhu.. A kaj moreš.. ak nisi karakteran, a ja nis ni malo.. onda nit za post ne postim.. nit za blagdan ne šparam.. A kak bum postil gda su v špajzi več dopol pune stalaže vsega.. z frižidera sam kaj ne ispadaju jaca.. šunka strči da jedva vrata zapreš.. hren se oseti makar još ni nariban.. majoneze čekaju da se francuska naredi.. suhi kolači su z celofanom premotani..ha.. da ja nebi slučajno kušal kojeg.. vinska pijača je pošlihtana v podrumu.. još treba dopelat gajbu Žuje i vse bu kak zakon nalaže.. Narafski.. cela familja se bu dotepla.. veliju velka i mala dječica da je Vuzem obitelski blagdan.. pa kam drugam neg vsi kmeni i mojoj najdražoj.. Kakti je pri meni i mamici največ mesta.. velki špajzcimer.. najvekši stol.. i preveć stolcih.. tajnurof nemre zmajnkat nit punih nit praznih.. i na koncu vsega i svačega za pojesti i spiti.. i još domof dva put tolko odnesti...ha ... Ti vrapca.. valjda bumo moja i ja vse to još jemput zdržali....................


Vse to tak lepo zgledi.. al ja več dva dni vlečem domof potrepštine kak osel.. pelam posvud naokol po štacunima.. treba ovo.. treba ono.. pa još ovo.. a ono bumo zutra.. I još sam navek ja okrivlen ak se kaj pozabi nabavit.. Kriči moja na mene.. Pa kaj nisi vse dopelal..lepo sam ti kazala..ovo..ovo.. ono.. ono.. Jeee.. štitim se ja.. Pa sam pozabil.. star sam.. Neda se moja.. Kaaaj..zdaj si star.. a gda treba z susedim laufat po brtijama onda si dečec...ha.. lepo si vse zapiši kaj moraš donest.. No..dobro.. Ja si vse lepo zapisujem.. moja najdraža diktira.. i ja pak po deseti put pem v nabavu.. Hahaha... dojdem v štacun... haha.. ja sem tu.. al je cedula ostala domof.. I tak vam to od jutra do sutra prolaze cajti.. Viš.. celi teden prenemaganje z tim blagdanskim hucuntarijama.. a onda vse prejde v drek magazin.. i ak si dobreg zdravlja.. več treti dan dreki plivaju po Savi... Al kaj.. na koncu se vsi fest veselimo...


Denes sam vjutro nekakšnom siromačeku kaj držu spruženu ruku i fehta..stresel celi žetoflin sitnišof.. tak mi je nekak došlo.. ja vlečem puna kolica blaga..a on žica za kruheka.. No.. pa znam ja da bu on to negdi koristnije potrošil.. na primer za podmazivanje požiraka.. al ga poznam z firtla.. skromno živi.. hrani se pri fratrima na Svetom Duhu.. pri hiži nema štroma nit vode.. dužan je pa su mu to zeli.. Kriči on za menom.. Suseeeed.. preveč ste mi dali.. i dobeži za menom i vrne mi.. plastični žeton za kolica kaj je bil med sitnišem..haha.. Si videl kaj je poštenjak.. Vse te cajte kaj su pred nami bumo zgurali.. siromahi kak moreju.. kulaki kak hočeju.. na koncu bumo vsi zadovolni jer bumo v Raju jednaki...
Ženskami dobreg znanja za farbanje jajca.. a vi mužki.. najte si na jajca zabijat kojnske potkovice.. nisu vaša jajca od pleha kak Fabergeova...
I tak lepi i dragi moji mili.. se najeli..se napili.. veseli bili.. do sledečeg javlanja....





16:30 | Komentari (25) | Print | ^ |

nedjelja, 09.04.2017.

Tko pjeva zlo ne misli


Polako odlaze dragi likovi iz meni najboljeg hrvatskog filma. Najboljeg iz žanra urbane komedije, koja oslikava male ostatke jednog načina života iz zlatnih dana Zagreba, a koji su se provlačili još u vrijeme moje mladosti.
Relju Bašića, Zagrebom znanog, pozdravljanog na ulici, uvažavanog u svakoj javnosti, kao Gospona Fulira , često sam susretao u Gradu, jer je živio u najstrožem centru u mojoj blizini. Pozdravljao sam ga kao i stotine sugrađana, a on bi strpljivo otpozdravljao s visine... bio je vrlo visok. Prilikom jednog mimoilaženja pozdravio sam ga, on otpozdravi i upita : "A odakle se mi poznajemo ?" "Paaa, iz Zagreba" odgovorio sam zatečen pitanjem. "Rođen sam i živim na Zrinjevcu" brzo sam dodao. "A, to je već rijetkost" komentirao je i pozvao me da ga posjetim u njegovim službenim prostorijama u Ilici 31 otkud je upravljao svojim vlastitim osnovanim kazalištem. Iako poslije godinama nije više koristio te prostorije, još i danas je na vratima njegovo ime.
Zadnje desetljeće svojeg života, proveo je više u stanu, jer je bio teško pokretan, a u njegovoj zgradi nije bilo lifta. Samim tim bio je sve manje vidljiv u javnosti i pomalo padao u zaborav, mada je kod kuće radio, pisao za kazalište i film. Iako znamo da svatko mora umrijeti, vrlo žalim za likovima iz moje mladosti, koji su mi bili ponekad i uzorom. Relju će do kraja zaboraviti, takav je život, dok jesi jesi, kada te više nema , bez tebe se može.


07:58 | Komentari (24) | Print | ^ |

četvrtak, 06.04.2017.

Zagreb pod oblakim stoji...


Tak ti to dojde.. vlečem se naokol... kakti pravi penzijonorec ...

A..kaj.. baš mi paše...

Lepo za videti ...

Nemreš fulat....

Po gdo zna koji put.....

Z drugeg vugla....

Staro..a navek novo ...

Zagreb pod oblakim stoji....








08:16 | Komentari (16) | Print | ^ |

ponedjeljak, 03.04.2017.

aaa.. tak je to ....





Komentar godine :

DOMENICO
jeee si mislin.. da ni taj gospon pital nekaj drugo .. morti koji trajvan vozi za groblje? ..
a dama (dalmatinka) mu je odgovorila: ajde stari, ča si izlazija iz groba kad se ne znaš vratit :)))



18:29 | Komentari (17) | Print | ^ |

protuletni raport z Metropole.....


Nema se kaj prigovorit.. nakon one zime kaj je dojadila i Bogu i vragu.. protuletje se pokazalao v svoji najbolši sliki i priliki.. pa tak zkup z tim ideju i naši reporterski kipeci z Metropole.. Znaš.. ne treba človeku puno .. dost ti je malo postajat z strane i gledeti.. maaa.. moraš se diviti i zafaljivat kaj živiš v najlepšem gradu na svetu .....


Narafski.. datum je takšni da ljudi baš i nemaju penez..al kak vse zgledi.. i zajdni krajcar bu se potrošil na bolše živlenje.. Na Cvjetnom trgu ni moči najti prazneg stolca.. a konobari su kak ponoreli.. jedva stižeju ljude poslužit.. prafzapraf.. čeka se i pol vure da si živlenje spasiš z Žujom.. pa da spet ne ćekaš sledečih vuru vremena.. najbolše je mam naručit dve.. ha .. A sunčeko je praf zagrijalo.. suncobran nebi ništ preveć škodil...


A naš zagrebački kralj vulične popefke.. Hadži..još ga znaju i kak Pekar.. jer je negda davno kruheke delal v nekakšni pekari.. evo.. pogleč kak je namignul starešoj dami koja se nikak ni dala proč.. A ljudi rad posluhneju domaču popefku ....


A i of Slavonac je došel nekaj tržiti na Harmicu.. prodaje kožnate remene.. buđelare.. Dojde on vsako malo v Zagreb.. a navek je jednak oblečen.. Meni nekak bolše zgledi kak Sančo Pansa.. neg Slavonac.. al gda otpre gubec i razvleče praf po slavonski.. vsaka sumnja je nestala...


A evo i najpoznatejšeg dotepenca z bregof.. narafski.. naš gradonačelnik personalno.. ovaj z leve strane.. Dovlekel se malo med ljude.. kak on sam veli ..i on je človek.. no o tom bi se dalo pripovedat.. Malo dalše je i moj dobri pajdaš Dragec kaj vleče gazdinog cucka.. a prvu damu Grada Zagreba ni videt.. gospođa Vesna je ziher ostala negdi na fitnesu..ha .. A pogleč teg gorskog paura.. jebal ga vrag.. kaj mu negdo ne veli da se keper hlače i traperice nigdar ne peglaju na crtu.. Hmm.. morti človek i je.. al nigdar od nejga Purger....


Evo.. zagrebački cug pela da se nadalko čuje.. dečica se veseliju..ha.. al je v tem malom cugu više odraslih neg dječice..Znaš kak to pe.. mamica. i tatek.. babica i dedek.. pelaju malog vnuka v špancirung.. i onda se vsi ftrpaju v teg cuga.. pa onda kakti dječica uživaju.. no se nigdo ne buni...


A odnekud su se stvorili i motoristi.. im rečeju.. bajkeri.. sva sila ih je došla na Trgač.. narafski.. pratiju ih domaći policijoti na motorkotačima.. lepo su ih tu pošlihtali a ovi jadni zdihavaju od vručine na sunčeki koje je fajn zahajcalo..


I nebi človek nikak bil praf domaći Zagrebčanec ak se nebi i vizavi vsega obaziral na naše lepe Zagrepčanke.. Fučkaš i bajkere.. fučkaš i gradonačelnika.. pa i protuletje nebi bilo baš nikaj brez naših zagrebačkih ljepotica.. Vu to ime.. peš mala na kipec i na Bloghaer..

Imel bi se još fajn tega za pokazat.. no kam bi ja došel gda bi po takšnem lepom vremenu sedel domof pri kompjutoru.. Bežim van na friški luft.. med ljude.. bolše kazat med ženske.. na sunčeko..
Živela Žuja...font>














08:17 | Komentari (10) | Print | ^ |

četvrtak, 30.03.2017.

zagrebački štikleci .....


ha... MG...pak bu sranja.......

hitro dečki.. bu se Anzelmo saf zasral ak vse sam spije....



ozbilna kak i glazba ....

osmjeh od vuha do vuha za 10 kuna i jen Bravooo....



18:06 | Komentari (13) | Print | ^ |

srijeda, 29.03.2017.

Agramerske ajnzeckarte.....


kam se geneš..dobro bu.. Zagreb se fort vrti tu okol mene...ha ...


i nigde ni tak lepe kak je tu...


il gor..il dol.. leve il desne.. vse je poznato..a navek novo ...


i trajvani.. ljudi i hiže.. vse su navek srcu bliže....


v Zagrebu velke hiže.. a v Zagrebčancim velko srce ......


gdi me najdeš.. tu sem je.. domof ....


i naše sunčeko...maaa kaj.. Fuđi je drek ......


il po suncu il po senci ..Zagreb je najlepši ...


Dečki..ova.. maaa..neee z desna.. ta z leve strane.. to mora bit ona Špišičeva Barbara.. znaš kak je to stari Trešnjevečki fakin popeval..
........Barbara bješe čvrsta, široka Barbara bješe naša dika Barbara, Barbara, lijepa ko slika.....................

Pozdrafček z Agrama .....
















17:42 | Komentari (13) | Print | ^ |

utorak, 28.03.2017.

Špancirancije....


Ak hočeš v miru Božjem sedeti.. gruntati si.. popefke slagat..il morti slušat kak voda žubori.. a pri tom uživat pri Žuju..a to je po zakonu.. onda moraš dojti sim.. A gdi to je...ha.. paaa.. snajdi se..


Dan je kak zmišlen za španciranje.. takšno čisto nebo več dva dni se modri znad Zagreba.. Velim ja.. tega kaj je Zagreb nebuš našel nigdi neg v.. Zagrebu.. Tak veli i moj pajdaš Bokačo.. i ja tu nemam kaj nadodati.. Jezušek..kak sunčeko grije.. eeeh.. nemaju ljudi pojma kaj je to uživancija.. A v kafiču ja.. i nigdo drugi..konobar se ne računa..a taj se ionak ne obazire na tu ljepotu..evo ga.. mulec.. kopa nos tam spodi suncobrana....


Pa nemre človek nit sedeti pol dana na jenom mestu.. Pemo dalše.. Evo.. do Pravde se more dojti čez razcvetane magnolije...


Pa onda dalše čez Park mira i prijatelstva.. Mir je..al ja nis videl nikakšne prijatele..ak se ne računaju cucki koji tu obavlaju svoje potrebe.. narafski.. dreke nigdo ne skupla.. pa oni jedini tu prijateljuju v miru ...


I prek Parka Adolfa Mošinskog bumo sprešli na glavnu vulicu.. Znaš..taj Mošinski je bil najdugovječniji gradonačelnik Grada Zagreba.. narafski dok ni došel of današnji dotepenec z bregof i prešišal Mošinskog za puna četiri leta.. A Mošinski je gradonačelnikoval čak dvanajst let.. Of naš sadašnji obrašteni bu kak vse zgledi bil doživotno...ha ...


No..valjda znaš gdi jesmo.. Evo..zdaj bum prošel spodi Bezsmislenog mosta.. kojim jedin muhe putuju.. se reče.. dvosmjerno.. ha..

Serbus .....









18:21 | Komentari (8) | Print | ^ |

ponedjeljak, 27.03.2017.

čkomi... gdo te kaj pita... ....


Denes je jutreko kak malo gda.. je da je bilo pomalo friško..al sunčeko sija.. vjetrek popuhuje.. a nebo je plavo kak.. no ..kak znad Zagreba.. Pogleč oveg trubadura Olivera.. pak se je naslikal v Zagrebu.. no pa buju Dalmoši došli na svoje..zapraf..Spličani.. Razmeš.. vsi su Dalmoši z Splita.. još nit jenog v Zagrebu nis srel a da je taj z Kukljice il morti z Muča.. Polače.. Jeee.. pa ni Dijoklecijan zabadaf zabral baš to mesto za palaču zidat.. ima tu nekaj.. Doduše.. fučka se meni za Spličane.. moremo se jedin razpravlat o Spličankama.. narafski.. da ne čuju Zagrebčanke..


Nesica pri Glembaju.. pajdaš kak i navek kasni.. ti vrapca..pa ni v školu nigdar ni došel na vreme.. Zdaj se vidimo dva put na leto..al se človek drži svojih navada.. Velim ja nejmu..Znaš prijatel zdaj smo došli v leta gda moramo malo pripazit na vreme.. ni dobro kasnit.. Zakaj..pita on.. Pa stog ..na primer.. nesmeš nikak zakasnit na sranje.. Zakaj..opet on pita.. Paaa. stog kaj ti se bu drek kotural po gačama ak zakasniš na šekret.. daj čkomi.. gdo te kaj pita.. veli on i kak navek..naruči si Badel.. taj zbilam ni promenil stare navade...


Vjetrek vse bolše popuhuje.. bogmeš sam si kragleca zdignul i zakopčal jaknu.. Tu po Safskoj vleče durhcug praf odzgor z Medvednice drito dol prek Save v Turopolje.. Bum malo hitrejše potegnul....maa .. bum brus ...


A nemreš a da vsakih par korakof ne stanem i hitim nekaj na kipeca.. Magnolije su se praf razcvetale.. milina ih je za videt.. A i malo bum tu postajala.. tak lepo sunčeko grije.. a ja kak gušter.... gledim .....


Haha.. gledim tri riti .. bogmeš su vredne naše zagrebačke vrtlarice.. vse mora bit kak po špagici posađeno.. Viš.. te tri guzice.. vsaka je svoje veličine.. imaš kaj za zbirat.. Hmmm.. ova treta mi nekak fest opasno zgledi.. ak ta odrapi.. ti vrapca.. kak da bi puknul turski top tam dole pri Sisku..


I tak lepo palahko obidem teg trga.. nema se tu kaj delat.. Negda davno su tu bile tri gimnazije.. curički na izbor v vsako doba ispred v parku.. Al i frajera kaj su tu dežurali i čekali.. I ja sam par put tu snubil nekakšne pucice.. nikaj ozbiljnog.. al navek se je našlo nekaj ..onak.. za uzput.. razmeš.. Vse je bilo dobro dok jemput ni došlo do velke.. se reče.. masovne.. tarapane tam odostrag iza gimnazije..na Srednjoškolskom igrališču.. bogmeš je imela posla i žandarmerija i hitna pomoč.. No.. o tom sam več škrabal pa nebum spet ..al lepo se spomenut..


Opče mi nikak ni bistro zakaj su te gimnazije zaprli.. i onda tu v ti negdarnjoj kasarni naredili muzej.. Mimara.. I zdaj taj muzej malo dela..pa malo ne dela.. prafzapraf nigdo ga ne posječuje.. pa ionak su nutra izloženi sami falsifikati kaj ih je taj Mimara podvalil Horvackoj za velke peneze i ustupke..


Jezušek..kak to vreme curi.. z ranega jutra sam več bil tam v oni južni zagrebačkoj provinciji.. se nazivle..Novi Zagreb.. Ma je to brus Zagreb.. ja to ne priznam.. negdar gda si prešel prek malte na Savski cesti.. z skelom se odpelal na drugu stran Save.. mam si bil v Turopolju.. I onda su začeli tam v šoderu gradit..zidat betonske škatule.. nazvali to Novi Zagreb.. i zdaj ti se ta vukojebina razteže skroz tam do Klare i Plesa.. I tekar onda začne Turopolje tam negdi pri Orešju.. Da sam ja na mestu Turopoljcof.. svakak bi se žalil ...ha ...

Serbus.....


















18:19 | Komentari (16) | Print | ^ |

petak, 24.03.2017.

Čez vulice i trge ........


Eee.. sad ste me ljepo slikali, pa onda nekaj i kupite... snubi me ova zgodna trgofkinja na sajmištu na Harmici.. I kaj.. kupil sam jen onaj..kaj mu veliju ..magnetić.. pa sam ga poklen i poklonil pipničarki Štefici v brtiji pri Mađarici v Kustošiji.. I tak smo vsi bili sretni...ha ... A je.. ženskica je onak..elegantno popunjena.. taman da se ljulja a ne žulja.. jedin me štenta kaj vruki drži oni baguš i tak ga vleče da joj se valjda i z riti dimi.. Znaš.. nigdar nis imel rad puce i ženske kaj raufaju.. ti vrapca.. joj jezika v gubec porineš..pa kak da su ga v ašnpeher gurnul.. No.. na koncu konca ipak nis bil baš tak zbirlif...ha ...


A na Zrinjefcu je procurela i fontana Gljiva.. Ti vrapca.. kolko sam se put v njoj okupal gda sam bil klinac.. A moja baka me gledela čez oblok i mahala z prstom..pa z šakom..pa na koncu si je skorom ruku v ramenu ftrgla.. a ja sam se delal da ju ne vidim.. Narafski da me je tužila mom tateku.. Ha..a taj je kak i navek izjavil.. Pusti malog .. pa mužko je ... Eee..onda mu ti kupi nove cipele.. lepo je baka posavjetovala svojeg sineka..mog japu.. drugač pa zakonitog grofofskog fačuka.. Narafski..ja sam v vodu zašel z cipelišima.. a gda su se posušile.. si ih mogel samo ..hitit.. Tak ..sam se malo prisjetil ...


Viš..oveg još nis upoznal.. pojavil se je lajnsku jesen..fort je na istom mestu.. Odlično popeva i svira one španjolske romanse.. A ima glasa da ga se čuje skroz dol do Frankopanske.. no.. cucak mirno spi.. V prvi mah mi se pričinilo da je to oni Bloger..NF.. no sam skužil da of ima vekšeg cucka..


Ha.. Vincek je i tendu zpustil.. no još je prerano za sladolede lizat.. Al čim bu zahajcalo odzgor tu bu red skroz van na vulicu.. Vrabec ga dal.. bi ja ..kakti velki znalec. slobodno izjavil da je Vincekof sladoled jen od slabših v Zagrebu.. Znam ja slastičarnice gdje je deset put bolje..a i kugle su vekše i jeftinejše neg pri Vinceku.. Gdo mi ne vjeruje.. sam nek mi se javi..


Ha.. gledim ja ovu mladu personu.. nema se tu kaj nadodat il prigovorit.. bum ju na kipeca del.. Ti vrapca.. najemput se ona nekaj zaletela..kak da je Omara Šarifa spazila.. skorom ju je trajvan pobral.. Ztiskam ja oneg svojeg zummma na aparatlinu.. morti bum ju dosegel...........

I kaj.. taj vrlo dober komad ženske.. ziher je Zagrebčanka.. je vletela praf v PimPeka.. sirotica ..valjda ju je velka glad morila.. Mmmm.. i ja sam taj časek dobil apetit.. hmmm.. na picu.. . mam sam si dve šnite naručil.. buju zdržale do Malog placa.. a tam si bum živlenje popravil z jenom Žujom... ... morti i dve ...ha..

Serbus ....












18:29 | Komentari (15) | Print | ^ |

četvrtak, 23.03.2017.

Mali Plac pri Ilici ......

Mali plac.. Ilički trg.. Britanski trg - Britanac....
nakon novog uređivanja sjeverne strane....
Vse kaj hočete znati o Malom placu..a do zdaj niste znali.. poiščite na Wikipediji ili na službenim stranicama Grada Zagreba .. A za one ljenčine kojim se neče malo potplata potrošit.. evo par kipecof .....


več z Ilice se vidi nova vura na sjeverni strani Malog placa.....


najdemo se spodi vure na Britancu.. novo mesto za zestanke..ak dež curi..fala Bogu.. brtija na vsakem koraku..


bi ja rekel da se vura vidi skroz odzgor od Kraljefca... a morti i z Medvednice...


novo mesto za počinuti se dok čekaš avtobus il ak si baš ne moreš priuštit sesti si v brtiju..još gda se dreva zazeleniju.. buju se tuda mlade mamice sprešetavale z kolicima i pajnkrtima....


a fontana baš po mjeri Zagrebčancof.. je da su to velki penezi..al ja sam užival..


a vodica skače..pomalo.. pa malo višlje..pa najvišlje.. ziher i lepo žubori al ju ni čut od velkog prometa naokol.. no po noči je praf za čuti..kak da stari potok Kraljevec spet teče posred Malog placa.. kak negda...


sa vsih strana je jednak lepo za videt.. ljudi se okuplaju..pa nis čul nikoga da mrgolji.. vsim se dopada..


zdaj se treba samo priviknut na novo lice Malog placa.. a gda je nekaj lepo.. ni treba dugo....


Još gda se zazeleni odostrag Radnički dol.. to bu sasvim drugčija slika.. Splati se dojti i videt... sesti si na jenu od deset terasa malih okolnih kafiča i uživat... A moremo se i najti pa skup spiti nekaj...


Osim pondelka vsaki dan se tu nekaj spelava.. il se prodaju libre za sitne peneze..il se prodaju starine v četvrtak subotu i nedelju.. il biciklini v petak.. Ja se rad tu prešpanciram gotovo vsaki dan ...

Lepo se imajte
























15:30 | Komentari (30) | Print | ^ |

srijeda, 22.03.2017.

zagrebački štikleci .......


milina...ha ... sunčeko.. Nesica.. lepe ženske.. Zagreb kaj ne ......


nit trajvani več nisu kaj su bili..haha...


vse po pet kuna ..... vsaki me put vrag natera nekaj kupit ...


Allahu Akbar ....
maaa.. nebi joj nikaj zaračunal ....


Ova sunčana vura ide točno da nemreš poverovat ...


ak bi baš moral zbirat..

zabral bi....hmmmm.. ipak obadve .....













18:00 | Komentari (12) | Print | ^ |

utorak, 21.03.2017.

Kaj bi se zamaral ...


Protuletje hitro prihaja.. na vse ga je strane videt.. Hmmm..tak je i lajnskeg leta bilo.. pa se zavrnulo nazaj na zimu.. Gdo bi znal.. veliju prognostičari da bu Ožujak fest topli..kak da bu ljeto.. Ha.. pa nek bu.. ak bu Ožujak topli.. Ožujsko bu mrzlo... Kaj ne ...


I kaj bi se človek zamaral z prognozama.. navek nas zlažeju oni Vakula i ona guzata ženska.. Španciraš se tak kak je.. doduše.. lepše je brez bunde i toplih štrumfi.. a da ne pripovedamo kak je ženskicami gda se malo razkomotiju.. haha.. a kak je tekar nam mužkima gda se ženskice razkomotiju..oblizeki..ha...


Uuuuh.. mi je vruče.. bormeš je zahajcalo odzgor.. ti vrapca.. do ščera sam iskal sunčeko..a zdaj iščem sencu.. Nigdar ni dobro.. A si primetil da več dugo ni dež opal.. doduše..stigne još ..ma mi nekak fali ambrela .. haha.. zafrkavam se...


Viš.. od vsih gradonačelnikof našeg lepog Zagreba..ja nekak najrajši imam teg Gustava Šenou.. valjda stoga kaj sam još kak dečec začel čitati nejgove libre.. Prvo kaj sam sprečital je bila..Kletva.. Posudila mi je te četiri libre prijatelica od moje bake.. barunesa Tinka Naumov z Ksavera.. Tam je imela ogromnu vilu punu libri.. Pa sam ja jemput gda smo tu baronesu vizitirali slučajno zgrabil baš Kletvu i mam mi se fest dopalo.. Pa mi je baronesa Tinka velikodušno posudila te libre uz strogu napomenu da ih čuvam kak oko v tikvi.. Narafski da sam ih sačuval.. još do denes su pri meni na stalaži.. haha.. nigdar joj ih nis vrnul makar je ona zahtjevala jer je ..kak je kazala.. ostala rupa na stalaži z librima.. Vglavnom ja više nigdar nis pratil svoju baku gda je išla baronesi.. a gda je ta prihajala knam na kavicu i kolačeka.. ja bi zbrisal van il bi se skril nekam.. Onda je jemput baronesa Tinka dešperantno zaiskala da se njoj vratiju libre.. Pa je moja baka mene pred njom pozvala na red.. Ja sam skrušeno rekel.. ljubimrukemilostiva.. a ona je kak stekla navalila da joj vrnem nejzine libre.. Jeee.. ja sam več v ono doba bil pokvaren da je vse smrdelo.. Lepo sam baronesu pogledel praf v oči i rekel.. Milostiva ja sam vama vrnul libre još lajnskog leta.. Jezušmarija..dragi bog.. svi sveci.. pa kak morem tak lagat.. čudila se milostiva.. Na to je oštro ..se reče.. intervenirala.. moja plemenita baka i rekla baronesi da ja.. nejzin vnuk.. naslednik grofofske titule grofofskog fačuka.. mojeg tateka.. nigdar ne lažem.. I tak su se njih dve razišle z visoko zdignutim nosevima.. Pa ni prešlo pol ljeta evo milostive Tinke na vrata.. izljubila moju baku.. Serbus conta Mimi.. pa nismo se tak dugo vidle..pa kak si.. zakaj ništ ne dojdeš.. i tak dalše i tak dalše.. I v celomu tračeraju.. narafski.. dve plemenitašice imaju navek kaj za tračati.. baronesa Tinka se nakon tri ajerkonjaka izjasnila da je ona one libre kaj je mene optužila .. ipak našla.. Znala sam da bu tak.. rekla je moja plemenita baka i sva sretna mi mam vruku pogurnula peneze da nek prejdem nakam van z hiže.. Najme..vidla je ona one Tinkine libre v moji sobi i bilo joj je mam vse bistro.. pa je moja baka šutela da skrije sramotu.. a plemenita Tinka se debelo zlagala sam da more spet dojti svojoj prijatelici na trač partiju.. Čuj.. meni nigdar v živlenju ni bilo dosadno..


Prošel je denes vjuto pokraj mene moj prvi sused Ivek kak da pe pokraj turskeg groblja.. Jeee kaj je zdaj.. ti je baba jezik vgrizla.. velim ja nejmu.. kaj nebuš nit dobro jutro rekel.. Aaaa.. zine on kak som Jura.. mi je zgledelo da je pokraj mene dimnjačar prešel.. veli on.. Aha.. bedak jen.. kak prvo.. dimnjačari imaju zlatne gumbe na obleki a moji su srebreni.. Drugo..nastavima ja.. dimnjačari nosiiu kefu i lojtru na plečima..a ja nemam nikaj neg ruke v žepima.. Pozabil si kugle.. veli moj sused.. Haha.. ostavil sam ih pri tvoji ženici.. zafrkavam ga ja..al on je ozbiljan kak kandelaber v liftu.. Da bar jesi.. mrglja.. ionak me moja fort davi da ..Jel bu kaj denes.. haha.. dužan je domof babi.. haha.. Hmmm.. kak da ja nis....ha ...


I tak ti vreme prejde.. več se vura pomiče k podnevu.. malo sam si sel na klupicu.. da si malo noge spružim.. pa onda dalše do Kavalira na Nesicu..tam ziher več negdo od poznatih sedi i čeka žrtvu da rundu plati.. A kaj moreš.. Ništ ..... kaj bi se zamaral.. bum platil i šlus ...

Serbus..











16:41 | Komentari (13) | Print | ^ |

nedjelja, 19.03.2017.

kam se obrneš...Zagreb posvud ...


Treba skoristit poslednje zimske dane.. gdo zna morti na protuletje opadne oni beli prhlivec gda ni štel za Božič.. Pri nam nigdar ni ništ ziher.. znaš kak je lanjskeg leta bilo.. gda se vse lepo razcvetalo onda je vudrul mrazek.. I tak ti još držim onu ogromnu lopatu pri ruki..a i kantu soli.. Znaš.. vrag nigdar ne spi ..


Pa kam te veter odnese.. ni važno..kam se obrneš.. posvud je Zagreb..


Prilika je za videti stare fasade.. gda se zazeleniju dreva.. dalše od haustora ne vidiš.. Vrabec ga dal.. svakeg leta gledim ..pa navek nekaj noveg najdem.. pa se čudim kak to do zdaj nis videl ..


I kaj je najvažnejše.. nigdar mi ni dosadilo razgledavat po Gradu.. ha.. pa to i delam skorom vsaki dan.. ak ne baš fasade.. al ženskice svakak...


Ti vrapca.. kolke sam ja cipeliše razdrl po tem asfaltu.. hmmm.. bi trebal iskat .. se reče.. subvenciju od gradonačelnika..oneg dotepenca z bregof kaj veli da pozna vsaku luknju v Gradu.. A drek on pozna.. ak ga ja zapelam v gradcka dvorišča.. bu se zgubil kak da je tam v Mačupiču ...


Zbilam.. imel sam pet let gda sam prvi put z Zrinjefca pobegel dol na Tomislavac.. i kam neg v cigajnsku pajdašiju kaj su tam stanovali.. To ti je denes najpoznatejši zagrebečki Braco Cigan.. je onaj kaj je z pokojnim Malnarom norije spelaval na televiziji.. No..gda bi ja došel na Tomislavac.. onda smo se naganjali po parku i namakali v fontani.. A gda je Braco pobegel gor na Zrinjevac.. onda je moja baka,, plemenitašica.. mene lepo upozoravala da pazim da ne dobim buhe.. Pa je pogladila Bracu po črnoj tikvi i kazala mu.. Hodi musavi dečec.. ima još kolačof .. A Braco je samo čkomel.. zgutal celi tajnur kolačof.. nigdar ni rekel fala.. samo je slinil.. A kaj.. i do denes je ostal slinaf.. Susrel sam ga v Palmotičevi.. narafski.. smo se pozdravili kak stari fakini.. jedin kaj Braco nema nit jenog zuba v gubici.. Pa gdje su ti zubi.. pitam ga ja.. Evo ih.. veli on i zvuče papirnati rubček z žepa..a v njemu zamotan gebis...ha .. Braco i ja smo bili velka konkurencija jen drugom na čagi v Tucmanu tam šezdesetih leta.... no to je druga pripovetka...


I tak .. vulice dugačke.. trgi široki.. navek buš nekog susrel poznatog.. a pitam ja tebe..kolko susretneš starih znancof kaj su ostali neprepoznati.. Projdemo ziher jen pokraj drugog..pa se pitamo.. neznam od kud mi je of poznat... Maa.. fučka se meni za znance..al za znanice.. e to je druga pripovest.. Maaa.. istini za volju.. težko ih je denes prepoznat nakon tolkih leta...

Serbus....













16:38 | Komentari (12) | Print | ^ |

petak, 17.03.2017.

Fučkaj ga .....ha .....

Drugarska se pjesma ori
Pjesma koja slavi rad
Srce gromko nek nam zbori
Da nam živi, živi raaaaaaaad !


.......jebi ga.. drpila me nostalgija makar sam navek samo gledel kak drugi delaju ...ha ...


Bok stara..si došla... veseliju se naši zagrebački taubeki.. jen joj se od sreče posral na rukaf.. baba ni nit skužila.. pa se skup z drekom odpelala v trajvanu...ha ...


Ova ziher ni Zagrepčanka.. al gdo bi imel srca naplatit joj boravišnu taksu.. Pri meni.. cimer fraj ..ha ...


I onda sam zašel v pekarnicu i kupil si celi škarncl hrustavih keksof.. Hmmm.. nekak imaju čudnovati žmah.. da nisu morti pokvareni ...ha ...









17:29 | Komentari (13) | Print | ^ |

četvrtak, 16.03.2017.

ve mi je laganejše....



v Zagreb sam prišel totem
sprešel ga celog potem
vse vulice i trge obiskal
jedin nis zgruntal gde bi se poscal
greha ve naredil nis
jer sam nogu zdigel vis.





10:39 | Komentari (15) | Print | ^ |

nedjelja, 05.03.2017.

Hooooop .....




17:20 | Komentari (15) | Print | ^ |

subota, 04.03.2017.

kak komu .......


Moram mam kazat da su na mestu stareg dreva kaj su ga pred dva dni zpilili još ščera vteknuli novo.. Rekli su da je ono staro bilo bolesno i da bi se oveg leta posušilo.. Tak sam si ja nekak i zgruntal da bu bilo.. nebi naš gradonačelnik.. oni dotepenec z bregof.. vsred svoje.. se reče.. kampanje.. rezal po Gradu dreva onak čist z heca.. No na sencu bu trebalo počekati barem tri leta.... I kaj.. Ništ ... ionak ni dobro sedeti spodi dreva..posere ti se ptiček z grane na tikvu il nedajbog v kriglin Žuje ...ha ...


I došel je na Trgač of siromaček.. zavrnul hlače..pa kakti da puk vidi da on ima drvenu nogu.. I onda je zvlekel z one svoje prtljage nekakšnu piščaljku.. pa je začel kak stekli puhati v tu trsku..zapraf je to mala drvena flauta..tak tomu kažu.. Ti vrapca kak stari ima jaka pljuča.. po celomu se Trgaču čuje..da su ljudi ofce..ziher bi se zdaj okupili okol starog.. no.. ovak bežiju.. ha.. valjda nigdo ne razme tu nejgovu rapsodiju šumskog boga Pana.. Na nesreču starog umjetnika.. i panduri su na drugi strani Trgača čuli taj koncert.. i evo ih.. nekaj su starom pojašnjavali i prešli tam na Splavnicu ciganke tjerat..a stari se spakiral i nestal skup z piščaljkom.. kak je dobro išel.. nebi človek rekel da mu nogi nekaj fali.........


Pa se človek z velkom pravicom zapita zakaj radniki razkopavaju tu trajvansku štreku vsaka tri meseca v leto dni..a fort na istom mjestu.. Ti vrapca.. il je na tom mjestu spodi zdenac..il morti kipi vulkan.. bi ga vrag znal.. al ja več imam pun kompjutor kipecof baš z teg mjesta.. Prafzapraf.. majnše vekše vsi znamo kak to pe.. gradcke peneze treba potrošit kaj je moguče laganejše.. kopat tam gdi je najlagše.. a da vsi Zagrepčanci lepo vidiju da se nekaj dela.. I tak ti skopaju pet metri štreke.. naplatiju dvajsetpet metri.. i.. za tri meseca spet .. pa spet..pa spet..


Meni ni bistro kak se Ljubi hoče pol dana tu stajati.. špancirat sim tam.. držati te cajtunge v rukami.. i.. nikaj prodati.. Istini za volju.. ak nekaj i proda..po propisu si smije mam pola zadržat.. al kaj.. ne proda koji put baš ništ.. Kolko ja put tu na Trgaču stojim i baš gledim dal bu kaj ..se reče.. prometa..maaa.. ni da gdo pita.. A Ljuba ti je sirota ženska.. stara frajla.. zapraf.. ja sam joj metnul to ime Ljuba.. poradi diskrecije.. drugače je nejzino pravo ime.. Več par let tu prodaje.. i po suncu i po kiši.. i po mrazu.. Znaš.. malo je ona.. bi se reklo čudna..onak.. v tikvi..razmeš.. ima več fajn leta na grbači makar tak ne zgledi.. A ima na tikvi lasi kak tri druge ženske.. jemput joj je veter špangu hitil pa su joj vlasi skroz do riti opale.. Do pred leto dni je ona kričala naslove z cajtunga.. pa su joj panduri zabranili.. Tak samo špancira sim tam.. čim nekaj proda mam otide prek puta v Pimpek po nekakšnu žemlju.. A kaj moreš.. sirota je ..sirota bu ....


V starem Čehu.. šestica je to.. se več teden dni nekaj spelava.. vsaki petak popoldan .. tak piše.. pela ljude zabadaf.. a nutra se toči nekakšna pijača.. takaj piše da je to jabukovača.. bi ga vrag znal.. več sam dva put štel zajti nutar..onak z znatiželje.. pa mi navek pobegne.. No.. pa ak se zapraf ta jabukovača toči.. to nit ni za mene.. Od prave jabukovače moreš samo sračku dobiti i podripati se prije neg gače negdi zpustiš.. Maaa.. nebum nit išel.. još da su klobase i Žuja v pitanju.. kak tak.. a ovak.. zapraf..kak komu paše...


Vrabec ga dal..kak se je ova cukrena frajlica razplakala.. da si to videl..Najme opal joj je mobitel ..puuuuf,, dol na te kamenite ploče.. ti vrapca..na tri dela se raztepel.. a njoj je ostala samo žnora viseti z vuha.. Ja sam se zabremzal.. skor sam stal na jen komad teg.. veliju.. spametnog telefona.. i još je jen človek pobral drugi komad.. Frajlica je to začela popravlat.. taj človek i ja smo skup ztisnuli te poklopce.. curička si je fteknula v vuha žnoru.. i razplakala se.. Kaj je bilo.. pitamo ju.. Ne radi.. cmizdri ona.. I kak se ja baš ne razmem v te spametne aparatline.. znaš.. ja ti imam v žepu onu staru Nokijinu ciglu.. po nejmu moreš i z čižmakima skakat a ništ mu nebu.. no.. ni of človek nezna kaj treba.. Al spasila je situaciju nekakšna mlajša ženska kaj je naletela.. Pogledi ona to čudo z vsih strana.. ztisne i veli.. Evooo.. radi... Zapraf pucica ga ni uključila.. Tak je bila sretna da je dalše odgibala a da nam ni rekla nit Zbogom.... A kaj... mladost je to ....

Serbus .......













12:33 | Komentari (20) | Print | ^ |

četvrtak, 02.03.2017.

maaaa..kaj god......


Jesi videl.. vjutro se je Medvednica skroz bela zbudila.. čez noč je oni beli prhlivec po treti put v dva dni opal..Velim ti ja.. ni za verovat Vakuli.. Kaže moj stareši sused Papak.. Kaj mulci pripovedaju o globalnom zatoplenju..a v Zagrebu je na nuli.. i oblekel si je debeli kožuh kak da pe bele medvede lovit.. A debela suseda Marica..ona špenglerova cendra.. Oblekla sam si hlače a nisam dela hulahopke pa mi je zima.. kaj da delam sad... Narafski vani je na vulici pa joj se neče nazaj v hižu navlačit onu napast žensku.. A ja šutim..pa si gruntam.. Da si me to pred trideset let pitala.. bi te ja pozval kmeni na jenu masažu noga.. a ovak kaj me briga kaj je tebi zima.. I Marica i Papak prejdu.. Pa i ja mam za njima..


Ha..traži se suprug pa ktomu i novi.. Navek sam ja pripovedal da su te ženske skroznaskroz nore.. Jenog je supruga imela.. pa je otišel.. napustil ju je.. zbrisal je.. to bi se moglo kazat da ženska baš i ni bila bogznakaj..kak god ju obrneš..gda se je človek odlučil zmaknut.. Ima praf..kaj če mu takšna ženska.. I ta ak je spametna.. nebu više nigdar iskala noveg muža jer vsi su mužki gadovi.. .. No.. je sasvim drugač ak ženska nevaljalog muža vudri z cipelom v guzicu i da mu pakrački dekret.. ni bil dobar.. cugal je.. kurval se je..zapil je vse peneze.. imel je fort posrane gače.. kockal se je.. il mu je pimpek fort visel kak kravatlin.. No.. takšna ženska ima praf iskati noveg muža.. to ti se reče.. emancipirana ženska.. nezna kuhat.. fort je nalarfana.. pije vjutro dve kavice..dimi cigaretline.. neče djecu imeti.. ima mamicu na skrbi.. obilazi butike.. fort visi na Fejsu.. i tak to.. Eeee..takšna more iskati noveg muža.. al je velko pitanje dal bu ga našla.. Prafzapraf.. neznam ti ja nikaj o tome.. maaa..kaj god....


Viš.. ja sam još kak frajer pri Strugaru cipeliše dal delat po mjeri.. ti vrapca..jene su mi još negdi na tavanu z tog doba.. Taj šušter gda naredi cipele.. trajale buju dok si žif..samo ih moraš ..se reče.. dobro održavati.. šmol pastom mazati.. glancati.. tumplati na vreme.. špic plehe menjati... je da buš za jene takšne kvalitetne potrošil celu penziju il pol plače..al se ..veliju.. dugoročno splati.. Drugi pa veliju.. Maaa..kaj bi takšne skupe cipele kupoval.. bolše je kupiti one jeftine..nositi dva meseca i hitit pa spet nove kupiti.. Istini za volju..denes ima cipeliša vsih fela i vsih klasa po na izbor.. Pa kak gdo voli ... Strugar je najbolši šušter v Zagrebu.. a mam za njim je Igrec z Jurišičeve a taj je još skuplejši.. Bi ga vrag znal.. kupiš si drvene klompe pa si miran taki sto let...


V Gajevi vulici mam tam od Trgača su denes vjutro drevo spilili.. bi ga vrag znal zakaj.. Ljudi su se okol skupili.. galamiju.. radniki slegavaju z ramenima.. i drevo je mam v kamijonu.. Zutra bumo čuli zakaj su to naredili.. maaa.. baš je na mjestu gdi je po ljetu terasa Kavane Dubrovnik... haha.. kakti baš slučajno to drevo morti ni bilo zdravo... A morti i novo zasadiju..hmmm...


To ti je emancipirani muškarac.. Negda je sasvim normalno bilo da po placu hodiju ženske..kakti kučanice.. i vlečeju cekere pune potrepština za kuhinju.. Mužki su morti samo do vinskeg podruma prešli po novu litraču.. il v štacun po pivicu.. No.. došlo je novo doba.. ženske delaju kaj su negda samo mužki delali.. a mužki su postali papki..ili se lepše veli.. dobri suprugi.. Kaj ti ja znam.. ja sam negdi zmed tega.. jedin kaj se jebat nedam.. nikak...


Na Trgaču su nove smetlarske snage.. došel je mladi smetlar.. ništ pametnejše ne zgledi od stareg Grintafca kaj je pred dva dni nestal z Trgača.. Jedin morti da ni Grintavac posluhnul oni Jehofku.. mu je neki dan baba tumačila da je zajdni časek da spozna istinu i da se spasi.. Se Grintavec fort prepire z tom Jehofkom kaj stoji tam na Splavnici.. prošli teden joj je rekel da bi on nju mogel spasit.. pa je ona sva dešperatna nejmu odbrusila.. Da baš bi ona štela znat kak bi to on nju spasil.. Grintavec kak Grintavec.. domaći človek Bistre z Varoši.. lepo joj je pojasnil da se ona mora samo.. naguzit i gače svleč i bila bu spašena.. Hmm.. denes nema nit Jehofke nit Grintafca...

Serbus ......................












17:00 | Komentari (16) | Print | ^ |

utorak, 28.02.2017.

tak i onak .....


Nigdar mi ni bilo bistro zakaj of Štef Radič tak drži ruku.. Morti zbog tega kaj je rekel da mu je Horvacka v srcu pa se tak vudril da to pojača.. il pak je vsim Horvatima pokazal Bosanski grb.. pa nadodal.. jebite se Horvati.. glupi ste kak guske v megli.. Daklem.. vsakom je na volju da si to sam protumači..


Pri Milčecu prazno.. samo nekakšne dve stare babe nutra žlabraju.. Odkak je stari Zvonkec vmrl.. tu se nikaj posebnog ne događa.. naš gradonačelnik.. oni dotepenec z bregof.. je vdovici Milčec dal da tu bude zabadaf kakti na uspomenu na pokojneg škrabala.. Narafski.. več odavno sam skužil da tu moje Nesice nema...


Viš.. tu gdi piše kino.. to je zapraf Kino Grič.. negdar v doba moje mladosti je to bilo kino Kosmaj.. Bila je to najbolša buhara u ovem djelu Grada.. narafski.. tu su igrali filmovi treče klase.. al je bilo fest kmično otraga v zajdnem redu.. dva stolca skroz v šturcu do zida.. tak da pucica i da je štela ni mogla nikam pobegnut.. Film je igral.. a i ja bi se taki igral z.. halterima..
A v gornjem djelu hiže je bil hotel..pa ne kakvi god.. neg hotel za visoke oficire one črlene Armije.. pa je to i v ono vreme bilo slabo poznato jer su ti glavonje tu dolazili v civilu. No mi domaći fakini smo znali pa smo tu držali zasjedu i gledeli kak se po kmici jena po jena kurva prismukne v haustor i gor po štengama. A levo od haustora je bila restavracija al navek zaprta..zaprav je delala samo za te posebne goste.. Ak si slučajno nutra zašel mam bi se zdigla dvojica ogromnih gorila i zatražili bi legitimaciju.. Onda ..nekaj kasnejše je to gor bili zaprto jer je ..se reče.. pukla nekakšna afera z kurvama..pa su i pištoli imeli posla.. Dugačka leta je bilo vse prazno.. a zdaj v našoj fale vrednoj državi je tu nutra Dom za djecu i mladež.. Alojzije kardinal Stepinac.. Ha.. gdo bi to rekel...


Naši zagrebečki taubeki znaju kaj se šika..evo ih na jutarnjoj.. bi se reklo.. toaleti.. lepo se umivaju.. pereju si noge.. poneki i rit namoči.. malo se posere..zatacka..na koncu si malo spije vodice.. i odprha tam znad Trgača..


Tak se vrtim posvud.. pa baš gledim.. još je tu tabla ..Rudar.. na oni žuti palači.. Eee.. negda je to bilo jako poduzeče.. uvoz izvoz se reklo službeno.. a neslužbeno je ..šverckomerc.. Narafski.. nema taj naziv nikakšneg doticaja z rudnicima nit su tu deleli rudari.. jen moj šulkolega z osmoljetke je tu bil nekakšni direktor.. pa je rekel nam pajdašima.. Dečki ak nekaj trebate z inozemstva .. samo dojdite kmeni.. vse bum ja nabavil.. Tak je i bilo.. Prvu onu .. se tomu reklo.. muzičku liniju.. mi je on nabavil.. bila je to Hitači 100 vata z zvučnikima velkim kak gredenc.. Nekaj malo sam ju platil.. zapraf više me koštala pijača tam iza vugla.. Nis ga več fest dugo videl..


Znaš.. ja bi te velke šarene reklame po Gradu načisto zabranil.. daj kaži kak to na ovem mojem kipecu zgledi.. nikak.. kaj ne.. Je da je tam nekeljen oni Špiček kaj spelava norije z kuhanjem..no pa nek norce dela na televiziji a ne tu pokraj ove velke Dalmatinke.. Jezušek.. dobro kaj nisu vse Dalmatinke tak ogromne...


Taki mi nigdar ni bilo bistro zakaj ovu staru osmoljetku odnavek vsi zoveju..osmoljetka z Draškovičeve vulice.. gda je glavni ulaz skroz z druge strane v vulici Račkog.. Istini za volju tam z Draškovičeve je ogromno školsko dvorišče i visoki železni plot i vrata al od gda ja pamtim.. z lokotom zaprta. No..ni važno.. tak je bilo i tak bu valjda ostalo... Bum ti rekel da su tu bile taki lepe pucice..tam v sedmom i osmom razredu gda su več ciceki pomalo klamfali sim tam.. a curice fort nekaj svrbelo.. Al tu je bila velka konkurencija med fakinima..pa si moreš samo zgruntat kolko je tu frnjokla procurelo i šliva spod oka zraslo...eee.. bilo pa se spominalo..


Baš mi je lepo tu malo stajat.. pozadi mene šumi voda v fontani.. sprednje strane tandrkaju trajvani kaj na vse strane sveta pelaju.. ženska pela trajvan.. mašem ja njoj..maše ona meni.. pa se ziher čudi kakšni to bedak tam vani norije spelava..ha.. ni mi baš taj kipec uspel.. zgodna neka ženskica al ni Zagrepčanka.. naše domače puce ne pelaju trajvane.. il su Bosanke il Hercegofke.. naše su rajši na burzi...ha...


A tu v ovi hiži.. mam desno je stanoval jen od mojih najbolših pajdašof z osmoljetke.. ti vrapca kakšnih smo nas dva špelancija izvodili.. to su posebne pripovetke.. a najbolša je ona gda smo bili pomagači nejgove tete Samante.. to joj je bilo umjetničko ime.. drugač pa je bila Ljerka.. no.. ta je bila plesačica i to ona ..Striptiz.. v Gril baru na Trgaču i v nočnem baru v Palas hotelu... Bum to jemput spripovedal.. vrabec ga dal.. onda sam prvi put videl na friško obrijanu pipicu..... aaaah .. Taj moj pajdaš je več dalkih leta prešel v Švicarsku i nigdar se više ni javil ... Teta striptizeta je prešla v Pariz.. pa nit za nju se ni čulo..
Al sam štel povedat da je ta hiža v Jurišičevi osamnajst bolše poznata kaj je tu jeno vreme živel oni škrabalo.. Janko Polič Kamov.. taj je pak bil svakakšni svecki avanturist .. fort je delal norije v ono doba Hedervarija.. pa je bil i pajdaš z onim Štefom Radičem.. no loše je skončal.. Veliju neki da je bil i oni..mason... bi ga vrag znal ...

Čuj.. neče mi se više.. makar ima štofa za tri debele libre.. Serbus .......


18:31 | Komentari (17) | Print | ^ |

četvrtak, 23.02.2017.

Špancirancije .......


Pošto su oni prognostičari za konec tedna najavili svakakšnih preokupacija gor na nebu.. a denes se od jutreka pokazalo lepo.. ni treba fest gruntati dal to skoristit il ne.. I to bu bil još jen lepi špancirung.. pa zakaj ne gor na Griču bregu.. taki bum videl dal se prek zime kaj spromenilo.. a i da kojeg kipeca naredim za one kaj su za Gornji Grad samo čuli...il za one kaj ga na usko glediju samo z Trgača gor čez Dugu vulicu.. No..još ima nekaj malo Zagrepčancof kaj se moreju prisetiti kak je tu negda bilo.. kaj se zbivalo.. kak se kuševalo.. šlatalo.. i kaj ti ja znam kaj vse ne....


Vrabec ga dal.. ljudi su puta naredili.. al se nigdo ni dosetil kaj bi na polovici brtiju otprl.. ovak moreš do kraja i dušu zpustiti il v žepu politrenku nositi.. pa kak ja nemam nikaj takvog.. ništ.. bum se još malo nekak privlekel ...


Ide nekak..


Pa polahko znoge na nogu.. kam bi se človek žurel ...


V starom zdencu več odavno vode ni.. su ga pred par let zčistili..zaprli.. a vodu sprepelali po cjevima v kanalizaciju.. Kome tu treba voda v zdencu.. Tu gor nigdo nit gemište ne pije..a kaj bi tek vodu ...


Pa zavrneš malo spodi Popoveg tornja.. hitiš nekaj na kipeca.. ti vrapca.. nit sam neznam po koji put al nek se najde..


I zdaj nastane velka dilema.. dal dalše gor po Jurjefski.. dal nazaj v Dverce.. dal dol čez Dugu vulicu.. dal.. dal... vrabec ga dal... kaj ...


A kam neg v brtiju.. najme kelnerica je taman otprla vrata na Palainofki.. pitam ju dal se more kaj dobiti.. veli ona da more za platiti..haha.. zgodna gospodična..Ja bum Nesicu od vanilije.. veli da bu i ona.. lepše je imeti tak nekaj lepo mlado pokraj sebe.. Nikog niodkud.. mirno je.. ženskica pripoveda..ja ju posluhnem.. tam prek puta na Ilirskem trgu je ipak i dalše ostala baletna škola.. nisu ih uspeli hititi van.. aaaa..prave su te naše balerine.... sunčeko se vse bolše zdigava... čak je denes i toplo jedin kaj več tri dni puše ona južina .. al komu to smeta..


Nikaj nemre trajat zanavek.. i brojim ja štenge Felbingerove vse dol do dobre stare Tkalče....

Serbus ....

















17:07 | Komentari (13) | Print | ^ |

utorak, 21.02.2017.

nihtbogznakaj ......


A vjutro se zpustila gusta magla.. ti vrapca kak da je jesen pred zimu..a ne proletje spred vrat.. Luft pun vlage.. južina da te vrag zeme.. ti vrapca..pa več me dva dni tikva boli.. hmmm.. veliju da i zub boli gda je šuplji.. ja se pa vlečem po Gradcki upravi.. iščem oneg gradonačelnika..teg dotepenca z bregof..da mu frnjokl porihtam jerbo ni dovršil fontanu na Malom Placu.. Maaa..zafrkavam se.. imam tu za zbavit nekakšne posle.. al da mi je of dotepenec naletel.. bi ga ja pital za zdravle.... Znaš.. piše na vratima da uprava dela od sedam vur..al stranke.. to sam ja.. primaju od osme vure.. I kaj buš onda neg otišel malo plazit naokol....


Pogleč.. kak v Londonu.. kmično.. pospano vreme.. regimente hodiju hitro na posel.. a ja se španciram kak skitnica kojeg su vjutro hitili van z prenočišta.. Baš si gruntam kak su ljudi loše volje gda vjutro moraju iti na posel.. Vrabec ga dal.. pa gdo se poslu veseli.. Ja dok sam delal i vjutro išel na posel.. bolje da vsi bežiju od mene proč.. grizel sam...


Več po drugi put obilazim Tomislavac.. ni mi za dalko prejti.. gdo bi se posle vračal nazaj.. Nit mi tu nisu brtije po volji.. pokraj pekarnice žmirečki sprehajbam.. našel sam pri sebi još jen mali ficlek karaktera.. moram par kil zgubiti.. jebalgavrag.. jedva hlače zakopčam.. a i rubače sam prerasel..ha.. Jezušek..kak vreme polahko ide gda nekaj čekaš.. a ja nikak nemam rad čekanje........


Vodica skače.. tak je nekak tišina da se lepo čuje kak žubori.. kak da bi se ja poscal v lokvu vode na vulici.. A tu malo dalše človek pesa vleče.. pes se narihta..posere na travicu.. a gazda gledi pesa.. gledi drek.. gledi mene.. pa spet odmjerava drek.. i valjda je zaključil kak ja nis preveć opasni.. pa povlekel pesa kak kojna i zbrisal ... narafski drek je ostal usamljen na travici........


I dok sam ja aparatlina porihtaval..najemput me nekaj štrajfa..kak da bi me trajvan pogodil.. skor sam odletel v grmle.. Gledim.. ženskica.. mlada.. kak švabski Majbah je prohajbala a da ni nit osjetila ništ.. zapraf me nit videla ni.. Fala bogu.. se lepo more zaklučiti da joj dobro v živlenju ide.. pogleč koja je to rit.. bi rekel moj pajdaš Tona.. Eee.. z tim bi se frest dalo pomučiti.... Pardon.. dreknem ja za njom.. Ona se obrne al nikaj ni zabremzala.. Molim.. veli.. Nikaj.. nikaj gospođična.. nis nikaj vam rekel.... Prejde ona sto na vuru ...


A magla namesto da nestane ..vse se bolše zpušta.. pem ja polahko posle zbavit drugač pa bum dobil vrtoglavicu kolko sam put oblaufal Tomislavac.. Ak me negdo morti gledi.. ziher si grunta da sam z norhausa zbrisal...ha ...


I dok se gor na nebu sunčeko pokušava naluknuti na Zagreb..ja bežim na Trgač.. pajdaš Dragec me ziher več čeka pri Kavaliru..

Serbus ......













17:19 | Komentari (18) | Print | ^ |

nedjelja, 19.02.2017.

pesja posla ..........


Bela : kuku..kuku.. evooooo mene .......
Crni : koj te vrag sim dotepel .....


Bela : daš mi pusuuuu ....
Crni : daj se smiri stara .....


Bela : kaj ti ju moram na nos metnut..daj pošnjofaj ...
Crni : radodajka ....


idemo djeco.. ni to za vas .......






07:55 | Komentari (18) | Print | ^ |

petak, 17.02.2017.

Štikleci i dalše ........


SSSR... nikaj se ni zmenilo.. Tri stoje ..jedan radi.....
Of kaj nekakšnu luknju buši je doviknul.. ne preveć glasno.. kaj kurac slikaš..
Ja sam mu odpovrnul taki ne preveć glasno... Kurac ...
Ni skužil.. drugač bi ja moral bežati ...ha ....


Prvi javno obznanjeni Klan na Bloghaeru.....


Ščera sam ga pofalil kak lepo zgledi..
a denes se je mam zasral .......


V negdarnjoj Kazalištnoj Kavani se nekaj dela.. majstori kopaju.. štemaju
no..kaj bu na posletku bilo.. to nigdo nezna.. pital sam nutra jenog..al je samo zlegnul z ramenima... Cosa nostra......


Sim pa tam.. v Pifu samo jen jedini gost.. Komandant Ljubo.. mrko gledi kak da mu je Dimnjačar cigaretline fkral..
nebum ga štental.. morti ofenzivu sprema ....


Sunčeko..sunčeko.. i mam ti je nekak vse lepše v živlenju..
i baš si bum tu sel v Majvej.. za truc vsim onim kaj našeg domačeg fakina Tomicu zajebavaju...
Nesicu prosim.. od vanilije.... ........ Tak ...


Nebute verovali..al ova dama je Adriana markiza Bona..
Nis joj se javil jer nis platil več dva leta članarinu tam v Teslini pri plemičima..
sam se znjima posvadil jer nečeju priznati nasljedctvo po ženskoj obitelji.....
aaaa.. to su posebne bedarije ...


ON
za ruku bum te pelal
kušlec ti bum dal
zanavek ti buš moja
nigdar ti nebu žal.
ONA
rožica sem bila
rožica več nebum
da mi leto mine
ja več cvela nebum.
OBADVA
i nikom nije lepše neg je nam
samo da je tako vsaki dan.

















17:30 | Komentari (18) | Print | ^ |

četvrtak, 16.02.2017.

zagrebački štikleci ....


praf z Medvedgrada...inkognito ....


Halooo..Zagrebancija...
evo Tvoje "čečenke".. of put brez Bagatice ...ha ...


Crvenkapac ....


lepo ih je videt ....






18:55 | Komentari (11) | Print | ^ |

srijeda, 15.02.2017.

Špancirancije


Nigdar več nebu Kvaternjak kaj je negda bil.. takšni kakšni je denes je sramota i grdoba.. Ona nekakšna zamusana.. bumo rekli.. fontana kaj na nikaj ni slično.. zapraf je samo sračkalnica za taubeke kak i celi središnji del trga.. Vse skup taj kamenit krš zgledi kak velka popločana grobnica negdarnjeg Kvaternjaka.. A spametni fort nekaj zmišlavaju.. buju naredili ovo.. buju prerihtali ono.. buju..pa buju.. jebal ga vrag.. vse kaj treba jedin naredit je da se vrne plac nazaj gdi je bil.. I vse bu vredu .......... A kaj buš gda gorštaki upravlaju gradom..


I dok se sunčeko pomalo zdigava.. makar je dost friško lepo se malo sprešetavat tu okol Hajnclove.. Šubičeve.. malo razgledavat izloge.. ak je moguče zapazit nekaj kaj još nis videl.. ak pa nema nikaj.. navek kakšna ženskica projde kaj bi bilo vredno obrnut tikvu za njom.. Ti vrapca.. ja bi več trebal dobiti oni Šancof okovratnik kolko mi se skrivil vrat.. več mi je na 180 stupnjeva od vertikale...ha ...


Malo sam se sprešel čez plac tu v Šubičevi..makar Zagrepčanci i dalše veliju ..plac na Kvaternjaku.. pa to tak veliju z navade.. makar je plac dobrih stopedeset metri dalše od starog mjesta.. I tu ima vsega i svačega ..al nigdar ni kak je bil tam na trgu.. Vse se tu natiskalo napoprek.. jedva moreš projti od zmešanih štandova..kioska.. pečenjarnica..pekarnica.. na štandovima vglavnom prekupci.. i cjene su nekaj vekše neg na Dolcu.. A prek puta stara fabrika lonci i rajngli stoji kak spomenik davnim vremenima.... Ti vrapca.. ja još navek imam doma v gredencu dve stare rajngle od Gorice .. i morem ti kazat da su i nakon pedeset let najbolše očuvane od vsih kasnejših...


A malo dalše navek zglancana moderna staklena palača.. narafski..to je INA.. tu je prek dvajset let.. Al ta je poznata jer je baš tu dol v podrumu atomsko sklonište v kojem je proglašena ova današnja naša Nezavistna Država Horvacka.. Prafzapraf.. i ni tolko poznato baš to.. ljude slabo interesira povjest.. No kak je da je... naša je država baš v staklenim modernim dverima proglašena samostalnom.. To se reklo ..jebeš jugoslaviju i srbiju skup znjom ... Tak ..stoga jesmo tak moderni..kaj ne ...


Jezušek..ovo mi je skorom promaknulo.. viš kakšna je to umjetnost gda je na tak velkom papiru narisano.. Pa stalno ja to pripovedam da je Žuja dalko vekši izum od elektrike.. Jer elektriku nemreš zlijat čez požirak.. a na koncu te elektrika more fbit.. a gdo je čul da je negdo od pive vmrl..ha.. No.. dobro.. bumo bili ozbilni.. to je tu zakeljeno samo poradi upozorenja kaj je tam dol z leve strane.. Kad piješ ne vozi.. Viš ja se tega fest čuvam i pazim.. i nigdar me nebuš videl da ločem dok pelam avtomobila.. Ti vrapca.. jemput sam dudlal običnu vodu z flašičke pa mi se zahliknulo i tak da sam moral vudruti kak norc po žlajfi.. Od onda fest pazim da ne pijem dok šofiram ...


I malo sim ..malo tam.. levo.. pa desno.. više desno neg levo..zapraf nikak levo.. samo desno.. i evo mene v Martičevi.. Znaš.. ta je vulica fest stara..a vse ove hiže kaj se vidiju su nastale gda se je naš socijalizam udarnički gradil.. I lepo su se tu smestili direktori.. šefovi.. partijci i ostala črlena elita druge klase..pa tekar onda radnička klasa.. Bile su to za ono vreme moderne stambmene hiže.. gdo je dobil stana v Martičevi taj kak da je na srečki dobil. Al kaj.. v socijalizmu se samo udarnički zidalo.. al nigdo ni ništ moral obnavlati.. popravlati.. rihtati.. bila je to vse kolektivna briga i odgovornost.. Narafski.. malo po malo je propadalo.. i socijalizam i hiže.. Eee.. onda je došla nova država.. socijalizam se razprodal za male peneze.. sam štel kazat.. stanovi v tim hižama.. I denes je vsaki vlasnik dužan sam vse obnavlat.. A horvati kak složni ljudi nemreju se nikak dogovorit med sebom.. Pa vse zgledi kak je i bilo..pohabano.. a čeka se revolucija i novi socijalizam.. valjda..kak drugač..


Gda sam poslednji put tu prolazil još su cirkvu Svetog Petra obnavlali..farbali.. vse je bilo v zidarskim skelama oblečeno.. Bogmeš su je ljepo zrihtali.. a križeka na vrhu tornja su tak zglancali da se nadalko blešči.. morti ga je i z Raja videt.. a vura.. vsaka čast točno ide.. Se pripoveda da ju je mladi Lebarovič porihtal.. a taj tu v susedctvu ima svoju radijonu.. Ti vrapca.. fort se vrtim tu naokol i svemu čudim kak pura glisti.. Je a kaj.. v nedostatku ženskic ja gledim cirkvene tornje....


Pogleč.. negda su jutarnje gužvancije bile v šest vur vjutro..pa se vse pomikalo spram sedme vure i malo po malo zdaj su velke gužvancije fort.. Več bu i deseta vura a prek ceste nikak nemreš komotno prejti.. I bu te zgodil trajvan.. il bu te kakšni avtomobil pobral.. ak ne z desne strane.. z leve bu ziher.. Tak su ti došla ta vremena da cestu moreš prejti samo na tim zebrama i to gda ti semafor dopusti.. Maaa.. fučkaš ta novo doba..


Uuuuuh.. fala Bogu.. čim prejdem Draškovičevu mam se osječam kak pri svoji hiži.. tu mi se baš fučka taman da hodim posred vulice.. Ak mi gdo prigovori mu pokažem prst.. jedin ak se pokaže pandur..onda fest ubrzam korake.. Vreme se vse bolše i bolše pokazivle.. nebo plavo kak da hoče nadoknadit one sive kmične dane kaj su za nama ostali.. Makar se nekakšni spametni prognostičari još navek pretiju svim i svačim.. No ak bu curel dež.. nek samo curi i opere zagrebačke vulice z kojih se još praši ono malo soli kaj su posipali gda je bila poledica.. Bum ti rekel.. več me pomalo i noge boliju.. ti vrapca.. pa več pune dve i pol vure hodim kak bedak.. zbjegnul sam vse brtije i zaobišel vse pekarnice na svom putu.. a znaš ti kak to v meni stvara pravu revoluciju..od bezkarakternog se pretvaram v karakternu personu.. No.. to meni ni slično ... Maaa.. gdi je prva brtija il pekarnica.. kaj bu al bu moja ...


Evo viš kaj ti je živlenje.. još mi čez požirak struže slani kifl.. a spodi nosa su mi brki od Nesice..a ja več po Trgaču iščem inšpiraciju za svojeg aparatlina.. Pa kak nebuš.. pogleč.. Stanem ja z leve strane pa kakti gledim libre.. pa zaobidem ovu ljepoticu pa gledim z desne strane libre.. i gda postanem preveć napadni.. onda se ja ..se reče.. strateški povlečem i opalim žensku junački odostrag... Ha .....

Serbus.....




















17:21 | Komentari (16) | Print | ^ |

utorak, 14.02.2017.

dobro je prešlo ........Valentine ni za ljek ...


Več od osme vure je vse spremno i porihtano.. rože pošlihtane v celofanu.. samo čekaju bedake.. no sam štel kazat kavalire da ih kupiju.. cijena..prava sitnica.. za jenu rojžicu moreš i solidni gablec kupit.. pak gdo voli nek izvoli.. gda su ženske v pitanju nesme se preveć šparat.. Narafski.. ja nis kupil nit jenu.. kaj bi moja najdraža na to rekla.. Ovak :.. davnih let gda sam bil još frajer i donesel joj cveteka rekla je oduševlena.. Ziher si ju fkral babi na Cvjetnom... Nekaj kasnejše dok sam več bil ozbilni dobrozgledeči človek i prinesel joj velkog pušleka rojžic rekla je.. Aaaa..fala dragi.. ziher je sindikat prodaval rože pri poduzeču.. Denes pak.. hmmm.. da donesem rože moja bi me začuđeno pogledela i rekla.. Pa nemamo kravu da to pojede........Ha...


Kak sam rekel a bilo je i za očekivati da bu teh roža po vsim vuglima.. pa i na Splavnici je cela regimenta cvečaric i trljaju ruke..pa ne stoga kaj posel dobro ide.. neg od zime.. Morem ti kazat da je denes jutro osvanulo vedro..al friško tak da je pri meni domof bilo i mraza na krovu.. No.. sunčeko se pomalo pokazivle čez maglicu.. morti bu kasnejše i nekaj zatoplilo.. Zdaj jedin kaj bu toplo to bu Nesica pri Petitu..za početak..


Znaš.. rjetko zajdem v taj Petit.. baš i ni bogznakaj.. Nesica je mlačna.. isklučili su grijanje na vajnskem djelu.. ja sam jedini gost pa me kelnerica gledi ljubazno kak da sam porezni inšpektor.. Pa ipak je došla do mene..ja velim.. Nesicu od čokolade.. ona pita..Kaj još.. ja velim..Ništ..Ti vrapca.. neznam kaj bi štela da još naručim.. morti uslugu spodi stola ili kaj.. Zdržal sam dvajst minut i otišel.. nigdo od pajdašof ni naletel.. zapraf za njih je još prerano..još domof čohaju jajca spodi tuhice.. I kaj mi drugo preostane neg v špancirung....


Kaj ti ja znam.. nekak mi denes ni gušt plandrat naokol.. sprešel sam par vulic.. nikaj se od ščera ni spromenilo.. vrabec ga dal.. več znam kaj v kojem izlogu ima.. Sednem si lepo v Kavalira..malo požlabram z kelnericom koja je za razliku od one z Petita dobre volje..nasmijana.. vidim da na šanku več v čaši stoji rojžica.. znači kavalir je bil v Kavaliru.. Da vse ispadne pošteno.. ja i nju ponudim da si nekaj natoči.. al sirotica je skromna.. samo bu Cedevitu.. skor sam joj kazal da je to dobro samo za rit oprati..al kaj.. ni važno.. Ni tu nema neg dva človeka kaj cuclaju kavicu i čitaju cajtunge..to su oni kaj pri jeni kavici sediju od jutra do podneva.. informiraju se i grijeju.. Na jen časek je čez vrata tikvu porinul oni general Lošo.. pogledi me kak da sam vanzemaljac i pita dal sam videl Rojsa.. Jesam velim ja.. Pa gdi je gor ga nema.. nervozan je Lošo.. Tam v dvorišču imaju svoje prostore vsi generali pa koji put navrneju i v Kavalir.. Kaj ja znam.. ščera sam ga videl.. smijem mu se ja.. Odi vrit.. veli on i zgiba dalše.. Od one dvojice kavopijaca jen je saspal na stolcu.. drugi prevrče novine i jebe na glas mater nekakvom Sauhi kaj je peneze pokral .. Opče ne razmem kaj se ljudi sekiraju i dešperiraju po ti politiki..


A znad Zagreba se nebo zbistrilo..ona modra zagrebačka farba se razlijala kak da je more .. sunčeko se začelo pravit fest važno.. a i ljudi su začeli odnekud zvirat.. Ni oveg Valentinova ni naš gradonačelnik..oni dotepenec z bregof.. pozabil na Trgaču pririhtat oneg ogromneg šatora..a nutra vse jednak kak i vsaki put samo kaj su denes posvud pometana srčeka i .. se razme.. cjene Valentinske.. Fučkaš to.. ja sam svojoj najdražoj kupil več ščera dve libre koje si je sama poželela i zabrala.. zdaj bum još zel jen pušlek Mimoza da doma v šlafcimeru lepo dišiju....I kaj....pemo dalše..


Put do moje domaje doduše ni popločen z žutim ciglami..al bogmeš nit uz put za zemlu Oz nema nit jene jedine pekarnice nit brtije.. A ja sam se nekak začel čutit kak oni strašni laf.. zapraf strašna mi glad došla pri trbuhu.. Moje obečanje da nebum zašel v vsaku pekarnicu koja mi se najde na putu.. je ostalo ..obečanje.. a obečanje je obečanje.. trajni glagol ak se dobro spominam.. Pol škarnicla slanih kifleka mi je zdržalo taman dok sam z nogom stupil v moju Kustošiju.. a zdaj morem očekivat zvižduk z Mađarice jer su Cajger..Špengler.. Štefek.. Vinko..Tona.. i ostali pospanci ziher več pri rundi.. Evo dečki... prihajam... Vu to ime.. živele Valentine ...

Serbus...













16:24 | Komentari (10) | Print | ^ |

nedjelja, 12.02.2017.

zagrebački štikleci ............


self ..................


ziheraš ..............


blagostanje ................


bijeg u hajlajf ...........


Bok Štef.. gde si bil..
Paaa.. z dečkima v Mali Kavani...
A kaj si tak smrznut...
Jebiga..denes su slabo grijali ....


Hitne intervencije .......










18:19 | Komentari (19) | Print | ^ |

petak, 10.02.2017.

gdo je zgasil lampu .......


Več četrti teden kak ni sunca videt v našem Zagrebu.. zapraf je.. pred par dni se pokazalo kak za probu samo petnajst minut.. I dalše vse sivo.. kmično kak na Islandu gda oni vulkani eruptiraju..tak se to reče.. Znaš.. pripoveda se da ti vulkani buju vsaki čas eksplodirali i celi svet bu bil posipan z pepelom.. Tak je bilo pred deset let.. pa nisu mogli avijoni leteti kak je bilo vse puno teg pepela.. pa kaj.. fučka se meni za avijone.. važno da trajvani pelaju.. No.. valjda bu onaj bradati gor na nebu razmaknul forhange pa da i nam malo ta lampa zasvetli.. Bedak stari..kaj je zgasil tu lampu.. nek si metne sunčane očale rajši..... Jebal ti vrag to vreme....


Vrtim se i vlečem kak krepana mačka.. neče mi se hoditi.. več sam taki fulal štacun kam sam se zapraf zaputil.. aaa.. tak ti je to.. človek ima tikvu sam da kapu ima kam nabit.. Nekak je denes fest fajhtno.. pa i malo hladnejše neg ščera.. dobro je kaj ništ ne pada.. Prošel sam pokraj tri pekarnice i deset brtija a da se nis ni obrnul.. hmmm.. nekaj zmenom ne štima.. Jebal ti vrag to vreme ....


Evo Komet..kaj ti ja velim.. veliju nekakšni mamlazi da of mesec dolazi smak sveta.. da nas bu štrajfal nekakšni ogromni komet.. pa onda veliju da bu se celi taj komet zabil v našu planetu.. treti pa pripovedaju da dolazi oni izgubleni planet.. Nibiru.. to je onaj z kojeg su Anunaki došli i od majmuna naredili..kaj ti ja znam koga.. more bit Srbe.. I dalše se za Veljaču pripoveda da bu začel treti svecki rat.. da su Amerikajnci i Rusi na nekakšnoj granici i ..barem za zdaj.. samo si plaziju jezike.. Kriči moja suseda Metuzalemka.. još joj malo fali do stote.. Neka bu rata.. ljudi su pokvareni.. vse ih treba potuči.. prvo vse stare poslati na frontu.. i tak se ona pjeni kak Plavi Radijon.. a ja ju pitam dal bu se ona dobrovoljno javila.. Zakaj bi ja.. čudi se ona.. Pa tak suseda da nam kak Marlen Ditrih v črnim čarapama z halterima popevate Lili Marlen.. velim ja njoj.. Vi sused ništ ne razmete.. vi ste zajebant..zbog takvih i bu rat... odbrusi ona i prejde.... Jebeš babu.. retroaktivno...ha ...


Več dugo nis bil v Petitu.. to ti je oni kafič v Pasažu.. sasvim slučajno zavrnem v Pasaž i naleti na mene jen poznanik.. Bok kak si..Bok kak nisi.. i kaj bumo stajali kak bogci.. lepo smo se smestili v Petit i celu jenu vuru drobili o politiki.. jedva nekaj malo o ženskama.. ono.. Fukaš kaj.. Koooo ja.. kaj je tebi.. A ti.. Hmmm.. nit ja se baš nemrem preveć faliti.. a lagal nebum.. prerano je i nis si nikaj spil da bi mi se jezik odšrafil.. I ode moj pajdaš..a ja sam pak pozabil pokaj sam opče došel v Grad.... Jebal ti vrag to vreme ...


I zvoni v mojem žepu ona Nokijina cigla.. javlja se moja najdraža.. Jesi zbavil kaj v Gradu.. Jesam ..jesam.. velim ja.. bil sam v brtiji i zdaj si gruntam dal v Tkalču il na Dolac.. Jebalte vrag senilni.. pa si rekel da buš prešel na plac po tikvice.. snebiva se moja.. Aaaaaa.. znal sam da je nekaj trebalo.. al se nis mogel zmislit kaj.. pravdam se ja.. I tak sam završil ipak na Dolcu pri kumici kaj je hukala v prste.. Pošto kuma tikvice.. pitam.. Dvajset kuna kila.. veli ona mrtva hladna... Kaaaaj.. za tikvice tolko.. pa devetnaest kuna je kila mesa pri Todoriču.. gundram ja.. To vam je gospon crkotina a ne meso.. ak hočete dobrog mesa.. imam ja svinje za klati.. za vas bu povoljno.. Fala..fala.. nečem nit jeno nit drugo.. dajte mi tikvice.. tak su fine pohane.. bolše neg meso.. dajte mi ove tri velke.. Evo gospon.. nek bu za vas po petnajst kuna kila.. I tak ti je vse naopačke na ovem svetu.. karfijol više košta neg karmenadla.. a poriluk je dobil duplešnu cjenu od neki dan.. No kaj.. jesti se mora.. Napunil sam ruksak z tom svom zelenjavom.. koštalo me kolko bi potrošil celi teden po pekarnicama.. I još ak se zduri oni vulkan na Islandu..pa nas posipa pepel.. bi ga vrag znal.. bumo jeli cucke i mačke.. Več sam hitil oko na susedovu mačku.. debela je kak vijetnamska svinja.... Jebal ti vrag to vreme.......................

Serbus ...............











17:12 | Komentari (16) | Print | ^ |

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.