ponedjeljak, 21.05.2018.

petak, 18.05.2018.

zapisi z Harmice II ......



četvrtak, 17.05.2018.

... agitacija .....

utorak, 15.05.2018.

zapisi z Harmice ....



petak, 11.05.2018.

pravedni Bog je vmrl ...............


I tak ti ova lepota hodi simpatam... a ja na dva tri koraka dalše zdihavlem... i ja hodim simpatam... Ti vrapca...pa hodil bi za njom vse do Maksimira gda bi se štela malo obrnut i kakšni osmjeh podarit... Nooo... fučka se njoj kaj se ja tu patim...zdihavlem... a moj pali angelek je doživel reinkarnaciju... i tuče po vratima... Pustite me vaaaan. Al... šalu na stran... pokraj ovak nečeg človeku dojdu črne misli... vrabec ga dal... vse sam sakramente zbavil... bil sam ministrant v prvostolnici... imam dobrog pijatelja bivšeg župnika...a denes je glavni vikar pri Kardinalu... pričestim se vsako jutro pri Kavaliru na Trgaču... a kaj sam nazajdne zaslužil od Boga...ha ... pusta leta na grbači... Lepo ja fort velim... Ovo ovak ni pošteno... jer ovo kak se ja zdaj tu patim nebi mi priuštil nit vrag paklenski... Prafzapraf... nit ja nebi štel v Raj... doduše veliju da tam plahutaju prekrasni angeleki... da svira ona Betovenova glazba Oda radosti... da su vsi v beloj obleki... da je tam človek tak savršen da mu ni potreba nit za jelom nit za pilom... i tak se dalše nabrajaju vse same bedastoče... Paaa.. gdo bi se od nas mužkih štel najti med angelekima koji nemaju spola... to bi značilo da nit nemam svoju vucibatinu med nogami... a kaj buš naokol plahutal kak bedak brez pijače i žderače...a ono najgorše... ni ženskih .
Viš... stoga sam ja svoju dušu dal v koncesiju črnom vragu... pem ja dole v podrum pokraj ognjišta jesti i piti... dimiti cigare... i naganjati ženske ... To kaj veliju da mi buju narasli rogi i kopita...haha... pa moraš nekakšnu članarinu platit... i to kaj ženske taki imaju dugačke repove...ha... pa koga to smeta... ne veliju zabadaf da je...pimpek bedak... Znaš... ja i moji stareši pajdaši koji put znamo o bedarijama pripovedat... pa si gruntamo kak bi bilo najbolše vmreti... Veli moj sused Cajger... najbolše je vmreti pri spanju...zaspiš i nema te... A sused Špengler dometne... maaa.. nek me pukne herc tak da odgibam mam v komadu... sused Ivek se zmisli... najbolše je skočit z nebodera... a sused železničar v penziji veli... Hitit se pod brzi vlak... Posluhnem ja njih i onda priupitam... Dečki a kaj mislite da je nabolša stvar... Fukat i vmreti... Vrabec ga dal... veliju skorom v jen glas... A kak fukat.... Evooo... ponovim ja svoju tvrdnju... dokaza da je dobri Bog vmrl ....
I tak.... črne su me misli prešle jer sam spazil prek puta Pimpek pekarnicu... pem si pojesti dva štrudla da ne razmišlam o bedarijama...narafski... posle sledi Žuja... morti i dve... Baš je lepo živet....
Serbus ....

srijeda, 09.05.2018.

cipelcugiranje ................


Nema lepšeg neg gda ti dan začne rano vjutro…a sunčeko tekar umiva krove i sramežlivo stare fasade… Gledim… ljudi bežiju na posel… đaki trčiju za trajvanima da ne zakasniju v školu… makar mene ni nigdar mučila savjest ak sam zakasnil… nooo… ima po vulici i stareših stanovnikof… ti ziher žuriju doktorima… pa su tu onda i dobri gazde kaj su cucke izveli v špancirung i na scanje… pa tak na svom putu na vsaka tri metra naideš na pasje govno… Narafski… svjesni Zagrepčanci mam posle osme vure pokupiju dreke za svojim ljubimcima…al ona rano jutarnja govna navek ostaneju po trotoarima dok negdo na zagazi… A oneh zgubidanof kak sam ja… takšnih vjutro baš i ni na vulici… pa gda vidim svu tu užurbanost… nekak mi dojde …hmmm… neugodno kaj se z noge na nogu vlečem naokol… Maaa.. drek… fučka se meni kaj si gdo grunta… ja sam več denes spil jenu Nesicu od vanilije… zdaj bum i drugu čim mi prihaja pajdaš kaj stanuje na vuglu Safske … Doduše…moj pajdaš ne pije te zmučene napitke… taj si zube vjutro pere z šibenskom lozovačom… zna človek kaj je za zdravlje dobro…

Ti vrapca… čudim se ja…pa kaj of trajvan za Dubec dela tu nasred Safske vulice… no onda zgruntam da je to kakti pojačanje kaj dolazi z Remize… Viš… na Remizi nis več dugo bil… nekak zajdne vreme zaobilazim Trešnjefku… ni pošteno… puno sam lepih cajti tam spotrošil… taki i v Trnju nis dugo bil…zapraf… prohujal sam z svojim avtekom…pa gda vidim kak stare hiže nestaju a nove staklene i betonske škatule dolaziju na nijhovo mesto… zgubim volju tam iti… A bogmeš su več pol stare Trnjanske ceste porušili i malo po malo tam nastaje nekakšni novi grad… eeee… moderno doba ….

Pogleč…. Odnavek su na Safkoj vulici ti drvoredi lipa… neke su stare još od gda se moja baka tud špancirala kak mlada dama… neke su malo mlajše… otkad sam ja tud prolazil kak školarac… neke još mlajše su zamenile one stare bolestne i trule… al takšne hladovine i sence malo koje drevo ima… Denes su grane na tim lipama zgora visoko… poradi trajvana i ljudi kaj spodi pelaju i hodiju… a negda je to sasvim drugač zgledelo… jedva su prošel spodi teh lipa a da se ne vudriš z tikvom po grani… Nooo… več sam ja davno o tomu dost škrabal… više nit ne pamtim gde sve… al bum se jemput pak podsetil teh starih cajti …

Znaš… v ona davna vremena gda sam ja bil đak…školarec… fakin… huligan… vuličar… frajer… i vse ostalo kaj je moralo krasit jenog mladog Zagrepčanca… a ja sam po tom pitanju bil fest napredni… tu su...okol osme vure vjutro… bile stotine učenika… … maaa.. fučkaš učenike… kakšnih je tu lepih učenica bilo… ti vrapca… gimnazijalke… taman narasle za lepe stvari doživljavat… Je.. je.. dok su tu bile čak četiri gimnazije nismo mi fakini morali preveč gruntat kam iči v lof na curičke… dost je bilo dojti sim gda škola završi… onak frajerski z zdignutim kraglom… z cigaretlinom v gubcu…onak kak Hemfri Bogart… z rukami v žepu… i se ni moglo desit da nebuš bil zapažen… Razmeš… ti gimnazijalci tu su bili dost mlitavi, pa smo mi fakini znali da smo navek v prednosti… Pa je znalo tu dojti i do velkih razpravljanja z tim štreberima… narafski poradi pucica… no… mi bi to hitro rješili z šakom po frnjoklu… a nakon tega si mogel birati med curičkami… Frajer… a kak drugač…ha …

I tak… z noge na nogu dok ti se po pameti vrtiju stare slike z doba gda je Bog još bil mlad… nit ne primetiš kak si i kolko sprešel… Dol na Safskoj sam si spil i drugu Nesicu… a pajdaš me napuntal da si v požirak zvrnem i dve šibenske travarice… a težko žabu v vodu naterat… tak sam ja od polahkog postal još polakši… kak se reče stručno… slovmoušn … il gramofonska ploča na 33… A kam bi mi se i žurilo… nigdo me ne tjera nit ne očekuje… ne moram na vuru gledeti… zapraf… ponašam se kak pravi zagrebečki penzijonorc koji nezna kam bi sam z sebom od dosade… Pa ti tak dojdem do pješačkog prelaza… na semaforu je zeleno… al ja baš nejdem… bum si još malo pogledel naokol… pa tak od jenog vugla do drugeg… od vulice do vulice… haha… je znal kazat moj zdaj več pokojni pajdaš Glavonja… Pijem pivo jebe mi se živo …. Tak i meni… baš mi se fuka…pardon… sam štel kazat…fučka.

Tu na tem mestu navek zastanem…ak i vsaki dan projdem moram barem malo se divit tim mladim kostajnima kak krasno cvetaju… Negda su tu bilo velki…ogromni kostajni… do pol vulice su grane širom išle… pa je pred …okol… deset let naš gradonačelnik… taj dotepenec z bregof… dal vse te stare spilit…porušit… I zdigla se velka galama zbog tega… Zagrepčanci su mu došli spodi obloka kričat… pa največ su mu mamicu spominali… I videl je mulac da se fest zasral svojim sugrađanima v škrlak… pa je brže bolje dal posadi nova… več velka dreva kostajna… Kak god bila velka meni su zgledela premala da bi dočekal stati se spodi nijhove sence… Ipak… dočekal sam i ja… pogleč samo kakšnu lepotu… Dreva rasteju… vreme prolazi… tak da se več pitam dal bum ih i dugog proletja videl kak cvetaju… Ovaj put su malo ranejše procvali…al kak ni bilo preveč vručine… dež je curel kak se spada… pa su kostajni dugše v cvatnji neg obično… maaa… milina….

No… i več smo v samom središču centra… meni najdragšeg mesta v Gradu…a kak nebi bilo gda sam se tu zlegel… odrasel… dane gubil… zalubil… ponorel….maaa… vreme je prešlo kak da bi rekel…kruhimast… i kak se veli da se od sječanja nemre živet …neg samo z sječanjima… to i ja moram poiskat kakšnu pekarnicu jer su mi one dve šibenske lozovače otprle apetit koji je i brez tega jako dobar… Uzput bum hitil pogleda v Pif… Grunf… to su brtije…se razme… morti ima kakveg poznatog…ak pa nema… v Kavaliru na Trgaču bum ziher nekog našel… Neki sam dan susrel na Trgaču jenu blogericu…al na moju žalost bil sam jako knap z vremenom… pa smo se samo izkuševali i pozdravili do drugeg momenta… Hmmm… nigdar nemreš bit ziher gda buš na koga naletel… moram malo bolše gledeti naokol ……….

Serbus ……………









ponedjeljak, 07.05.2018.

šajzerska posla




četvrtak, 03.05.2018.

dečki zagrebečki ...........



...dalše je vse bilo konšpiracija ......

utorak, 01.05.2018.

Čez vulice i trge ………..


I tak su sprešli neradni dni… spet vse pe zpočetka… pa i moje špancirancije… Viš… tu na Trgaču je moja početna štacija… malo navek tu zastanem da bi si odredil… se to reče… orijentir na koju stranu sveta da krenem. Prafzapraf… to je meni sasvim svejeno… no ipak sam rad v blizini pekarnic i brtija… nigdar človek nezna kakšna ga nevolja more po putu trefit… pa gde buš našel spas ak ne v pekarnici il brtiji…………………

Eeeh… negdar smo mi klinci sedeli na rinzolima i držali noge spružene na cestu… i baš tu v Petrinjskoj smo navek nasred ceste igrali bagminton i graničara… naganjali se na rolšuhama i romobilima… il bi gurali terezinu na kuglagerima kaj je ružila kak da ide tenk… lepo smo z kredom narisali potrebne crte i špilali. Ak bi naišel kakšni avtomobil… onda smo ga kleli kaj nas štenta pri našem poslu. A pogleč denes… ti vrapca… od teg silnog plehovja… železa… guma… stekla … bi se reklo …avtomobila… nemreš nit videt prek vulice na drugu stran. Jeee… tu se nikaj nemre… to je napredak… a mi v Zagrebu taki živimo v naprednom svetu……….

Zbilam se v našemu lepom Gradu nemre nikomu zameriti ak mu se nekaj ne dopada jer je taj obični bedak. Pogleč samo tu ljepotu… milina za videt… vse si človek poželi kak bik legnuti med te cveteke i slušat pčelice kak zujiju…hmmmm… zapraf se pčelice opče ne čujeju… jedim moreš čut trajvan kak škripi po tračnicami……………

Mogel bi tu človek sedeti i uživati po cele dane… narafski…ak nemaš kaj spametnejšeg i koristnog za delat… no človek kak sam ja… troši svoje penzijonerske cajte onak kak mu najbolše odgovara… a meni fest odgovara da ništ ne delam…ha. Eeeh… tak su me domof vučili…zapraf moj je tatek… grofofski fačuk… imel navek spametne naputke… mi je rekel… Sinek hitro zrasti… bil buš jači od drugih… malo uči al budi pametnejši od drugih… malo radi i imaj puno… polahko živi i dalko buš dogural… I zakaj bi ja onda drugač neg su me nafčili. Doduše moja baka… plemenitašica… navek je mog tateka.. svojeg sineka… špotala da me krivo poučava… nooo… tatek je samo rekel… Muško je… nek se nafči živeti… Mamica se tu ni preveč ftikala… mi mužki smo bili elita v familji… I kaj da na koncu velim… meni je bilo celog živlenja jako dobro… narafski… ak se ne računaju avanture koje nisu dobro skončale… I se nit denes nikaj i nikomu namam kaj požalit…Uuuuh… kaj sam se razpripovedal…kak kašna baba…

Se razme… vse si ja to gruntam i vsebi povedam… veliju da je človeku najbolše pripovedat sam z sebom jer te nigdo ne prekida i nikaj ne pita. Vrabec ga dal… naručil sam si Nesicu od vanilije i čekam da ju konobar prinese… To ovde baš i ni jednostavno jer je šank deset metri spodi zemlje… pa konobar prek mikrofona naruči i onda beži po to dole… pa nosi gore…al gda si je človek več sel v kafič…onda se valjda ima i cajta čekati konobara. Noo kaj zdaj… bum čekal…jebal ga kafič na tri kata… baš sam si zabral… sva sreča da je pogled posvud naokol odličan… jedin nekak premalo ženskica prolazi…………

Zdaj pa nekak hodim tak da bi naredil kobasicu… hočem kazat da moja špancirancija pe v krug… to ti je kak kolut jegera…razmeš. Jebal ga vrag… znaš kak imam rad taj jeger… makar veliju da je to obična klobasa… ja ju imam rad od navek… i to posebno oni Ivanečki… taj je dost suhi i ima v nejmu malo više bibera… pa gda spred sebe doma denem taj kolut…ha.. kak kotač od fičeka je…pa glavicu luka poleg toga maznem … narafski… i pol štruce kruha…onda mi moji doma kričiju da sam.. seljačina. Evo na…čim si začnem gruntat o žderilu… mam te dohvati glad… začne krulit po črevima…vrabec ga dal… baš tu nema nikakšna pekarnica pri ruki…………………………

Uuuuh…aaaah… kak ta hitro hodi… paaa… počekaj malo ženska tikvo… ja sam ipak človek v letima… Haha… nezna ona da ja za njom hodim… nastojim korak držati… pa malo gledim te visoke štikle… pa onda gledim traperice… haha… guzicu gledim… ti vrapca…za takšnom bi mogel do Maksimira hoditi… maaa.. dečki… kaj na ženskoj more lepše bit od guzice i ciceka… ha ………….

Bormeš… več me i noge pomalo boliju… nahodil sam se naokol… spil Nesicu… gladan sam… još malo i na Malom placu ima pekarnic na vse strane… fala Bogu i brtija kolko si moreš poželet… Vreme je lepo i na koncu bum sedel v društvu Žuje… jedine pive kaj je zakonski određena… Denes nis imel nikakšni rendes… nikog nis susrel na vulici… bi ga vrag znal kam ti vsi poznati zgibaju ……………………..

Serbus …………..
Serbus …………..






















ponedjeljak, 30.04.2018.

curice z vulice ..........


utorak, 24.04.2018.

Zgora sunčeko... zdola ja i moj Zagreb


Gda od jutra zbaviš vse kaj imaš zapovedano... a meni se navek dodjeli domača zadača... ona ostalo vreme skoristiš za španciranje... Vreme je praf proljetno... čak bi se reklo da se sunčeko začelo malo preveč napuhavat... ti vrapca... skorom pa je tolko jako da človeku jenostavno na pamet padaju ideje kak..naprimjer... mrzla Žuja... Čuj... čekal sam dobrih dvajset minut na Pošti v Jurišićevi da platim račune... Znaš... ja se još nedam napelati na ona ...veliju... internecka plačanja... kaj je lepše neg stati se vred na Pošti i slušati kak babe žlabraju... prigovaraju kak je pošta polahka... kak je službenica prešla kavu pit namesto da dela za šalterom... pa onda propustiš spred sebe ak ti se kakšna ženskica čini zgodna i time i zaslužna... ak nikaj drugo da ima zgodnu guzicu... . Pa nakon pošte prejdem vizitirati po Dolcu i Kaptolu... obiđem Trgač... pa onda polahko pokraj Kastundelera po Ilici od izloga do izloga... Več je od jutra gužvancija .................

Kak denes nis imel nikaj dogovorenog rendesa... polahko sam odplahutal vse do Malog Placa... denes nema kramarof...al svejeno mi je lepo se tu malo zabremzati... A morem ti kazat da sam uzput navrnul v pekarnicu Pimpek i kupil su jen slani štrudl... koji je zdaj začel zahtjevati nekaj mokrog. I gde buš neg na Malom Placu na kojem su več par dni otprte terase... spodi velkih ambrela... od okolnih brtija...narafski ja tu navek rad sednem v Kraljevac... nekak mi je ta brtija odnavek simpatična... makar je mala kak moja špajza pri hiži... I onda si naručim mrzlu Žuju z citronom... jako imam rad tu pijaču makar mi pijanci prigovaraju da je to falsifikat piva... no meni paše... I tak si guštam drugu Žuju... prva je mam prešla čez požirak poradi velke žeđi za štrudlom.... Aaaah... kak je živlenje lepo .....................

Baš gledim... zgodna mlada ženskica bira grančice jorgovana. Znaš... meni je jorgovan najlepše i najdragše proletno cvetje... milina kak te grančice dišiju... deneš ih u vazu v sobu... i po celi teden zdržiju i dišiju... Pa se onda prisetim davnih cajti kaj su prešli..........
Mi smo Zrinjevački fakini navek imali priliku darivati naše puce cvetjem... je da je bilo za kupiti na Cvjetnom trgu... pa i na Opatovini... al ništ ni bolše neg za curičku fkrasti cvetek... v parku... tam je to ponuđeno i samo treba malo hrabrosti da te ne vlovi pandur il čuvar parka... Prafzapraf... fučkalo se nama za pandure i čuvare... ni bilo teg koji bi mene vlovil gda bi ja začel bežati... No... i tak... prave rože smo išli nabrati tam ispred Zapadnog kolodvora.. tam je odnavek... pa i denes velki ružičnjak.. To su one lepe Majske rože kaj dišiju na dva metra dalko... I tak bi mi prije odlaska na rendes... narafski išlo se na plesnjak v Tucman il Dverce... morti i Lapizdarij... no v to vreme je bilo moderno pucici donesti kakšneg pušleka rojžic...
Došli bi na Keglbajs... kak indijaneri se prišuljali ružičnjaku i lepo si zabrali najbolše rože... složili pušleke i zbrisali pokraj Rudolfove kasarne po Prilazu nazaj v Grad... Razmeš... v to vreme je Zapadni Kolodvor još bil kakti periferija Grada... pa il bi cipelcugom išli il bi se hitili na prednja vrata trajvana i odšvercali te tri štacije... Pulfer na ondašnjem modernom trajvanu Đuri i ni bil upotreblif ak si v jeni ruki držal pušleka.
Po pitanju ostalog cvetja... najbliže je bilo ftrgnuti kakšni lepi cvetek...hmmm... na Kazališču... tam je odnavek bilo zasađeno raznog lepog i skupog cvetja... A najrajši smo si zabrali one velke baršunasto črlene Kale..,. Daklem nas deset bi vsaki jenu kalu ftrgli onak hitro dok bi jen pazil da gdo ne naide... deli ju spodi ajncuga i donesli spred Tucmana... Ženskice naše su bile oduševjene tolko da su tu Kali hitile čim bi se začelo ulazit na čagu... Jee...a kam bi su ju porinule... smeta ti dok tancaš.. a i ak baš mora nekaj držati v ruki... hmmmm.. to se navek našlo...
I zdaj su na redu jorgovani... Tega ni bilo tu v centrumu grada... morti po kakšnim dvorištima...al se znalo gdi se bereju v Zagrebu jorgovani... daklem.. to su bile nočne avanture il gor na Tuškancu... il još dalše i višlje gor na Bukofcu... tam su jorgovani rasli skorom pred vsakom hižom i visjeli prek plota.. Trebalo se samo stati i nabrati dok nigdo ne začne z hiže galamit...
I tak smo jenu večer kasno odlučili prejti gor na Bukovac nabrati tog lepog mirišljavog cvetja... Stigli smo taman gda se ljudi več spremaju spati i zdaj treba potiho grančicu po grančicu trgat... Bilo je to spred jene stare ofucane židofske vile... celi plot je bil pun jorgovana... Glavonja... Ico... Pacof... Pišta i ja... Ti vrapca... za kratko smo nabrali celu hrpu grančica... gda je na prozor zišla baba i začela galamit... Znaš... to se je gor na mirnom i tihom Bukofcu čulo kak da je začel svjetcki rat... Dosta je... veli Glavonja i začne bežat jer je i nekakšni stari z motikom zašel čez vrata prema nama... Ico i Pišta su imeli pune ruke grančica... a jedin je Pacof preskočil plota jer su najbolši cveteki bili z nutarnje strane ... Daj...bežimo... dreknem ja na Pacova... Ti vrapca... najemput je nekaj prasnulo kak da bi puška opalila... a Pacof je začel vikat... Daj pizdatimaterina pomogni... Kaj da ti pomognem matertijebem... Znaš... kmica je... stari prihaja z motikom.... baba na obloku kriči... cucki su začeli naokol lajati kak stekli... a Pacof... mamicu mu nejgovu je odrapil celu polovicu dreva jorgovana i zdaj to meni gura prek plota... Jebalgavrag... to je bila grana jeno tri metra dugačaka da se iza nje mogel i slon skriti... Zvlekli smo granu prek plota vsaki z jenog kraja prijeli i trčeči je odvlekli čez nekakšnu stazu dol niz breg... Kaj da ti velim... Glavonja je zbrisal več dalko... taj makar je bil najvekši med nami... ni bil i najhrabriji... bil je velki ziheraš... Ico je svoje zpustil na pod jer je mulac moral cigaretlina zapalit... a grančice je pozabil zeti... Pišta je od celog naramka jorgovana držal samo jenu grančicu... A Pacof i ja smo vlekli pol dreva jorgovana... Stali smo dol v Petrovi vulici na nekakšnom gradilištu i tam obrstili ti ogromnu granu tak da je vsaki pak imel pune ruke... Polahko smo se odsmucali dol do Zvonimirove i prek Krešimirca do našeg Zrinjefca... Naravski... moja je baka... plemenitašica... bila oduševljena gda je vjutro vidle pune tri vaze jorgovana... mam sam dobil dodatnu apanažu v žep... Glavonja je svoje jorgovane hitil pred svojim haustorom.. ni ih imel komu doma odnesti jer je nejgova mamica delala v Švabiji... kaj je Pišta delal z tim jorgovanom se ni doznalo...al je Pcof najebal doma od starog... makar je jorgovane nabral za mamicu... Stari mu je kričal da je lopov i tat i da nebu v hižu ništ donesel kaj je fkral... pa su jorgovani završili dol spred hiže na Zrinjefcu jer ih je bjesni tatek hitil z trečeg kata čez oblok...
No... to naše samoposluživanje cvetjem po Gradu ni bilo samo jemput... zapraf vsaki put gda bi to situacija zahtjevala... a curice su več bile nafčene na nas... kavalire z Zrinjefca...

Serbus ...

nedjelja, 22.04.2018.

sim pa tam .................


Vrabec ga dal... več skorom deset let nis videl ovu vulicu takšnu kakšna je na slikici... Zakaj... ha... gdo je čul za Skalinsku vulicu tomu je vse bistro... ta je vulica več deset let zatrpana... pokopana spodi raznih šatora...čadora.. tendi... ambrela vsih fela i farbi.. i jedva da su levo i desno vuski prolazi kaj se nazvleju trotoari. Bogtepitaj kaj se desilo...al ovih dni je vulica spražnjena od vseg teg smetja... Stal sam se kak tulac i gledel...pa kakti na verujem kaj vidim... No... je pitanje doklem bu tak... jer ovak ziher nebu ostalo... Al sam se barem dokopal kipecof .

Denes sam na Nesici od čokolade...hmmm... morti bu opala i koja travarica... Tu v brtiji pri kazališču Komedija se često najdem z mojim pajdašima glumcima koji tu norije prectavlaju... Jen od njih ima spodi šanka posebnu flašu fine domače travarice.. onak... skrito samo za nejga i pajdaše... Se zna... prijepodneva su kazalištne probe... glumci dojdeju... malo probaju prectavu... a onda zbrišeju v brtiju...
Jezušmarija... nema tomu dugo sam tu bil i nas četiri smo maznuli celu flašu travarice... na stoječki. I to ne vjutro neg kasno popoldan ... jenu vuri prije prectave... Vrabec ga dal... mene je moja najdraža nekak odvlekla v prvi red... znaš... ja navek sedim v prvom redu... protekcija...razmeš... No... ja sam prectavu odgledel nekak z otvorenim očima... moji pajdaši glumci su odšpilali kak da su prije prectave spili flašu vode a ne travarice... makar je jedan od njih pokušal skočiti z balkona praf na mene...haha... tak je nekaj... se to reče.. improviziral... Naravski... osim mene i moje najdraže ostali to nisu kužili. Posle prectave... vrabec ga dal... i ja i ostala trojica smo se zibali v kafiču na šanku... Opče mi ni bistro kak su tak normalno funkcionirali na daskama. Al... moram priznat... to im ni prvi put...znam ja njih...ha ...

Gda smo več tu... dobro se podsjetit da je of čas v Zagrebu protuletje... da na vse strane cvetaju rojžice... listje se zeleni...cucki spet uživaju govna zpuštati po friškoj zelenoj travici... ljudi kakti malo bolše zadovoljno zglediju... posebno penzionorci kakti ja... evooo... dobil sam of mesec povišicu na penziju... ti vrapca... celih dvadesetri (23) kunice... Zdaj si razbijam tikvu kak tu povišicu potrošit...ha... ipak smo mi socijalno osjetliva država... pa mi ni bistro kaj gdo ima za prigovarat....ha .............

Hmmm... se mam vidi da ove angeleke ni delal oni Mikelanđelo... kak znam... paaa da ih je on delal imeli bi pimpeke i scali bi kak se spada... a ovak to zgledi kak da spodi te kiklje imaju katetere... to se tak stručno medicinski reče... koji im propuščaju vodu... Z druge strane veliju spametni da angeleki nemaju... se reče...spol... Ti vrapca... koji su to siromačeki ak je to istina... Veli narod... ni siromak koji se rodi brez oka... nek onaj koji se rodil brez pimpeka... No... nebi se štel mešati v religiju.....

No... konačno jemput da je ovi... se tomu reče... kružni tok... sređen kak Bog zapovjeda... Tri leta vnazaj su tu vsega i svačega sprobavali... al ni ništ na nikaj bilo slično. Konačno se naš Gradonačelnik... oni dotepenec z bregof... naljutil i naredil da se posadi cvetje... Ipak nikom ni bistro zakaj ni tu naredil fontanu za koje je on drugač velki stručnjak... Bi ga vrag znal...

Pa makar su več okol podneva nastale vručine kakti da je mjesec Juni... naše najlepše na svetu... Zagrepčanke... nikak da se oslobodiju i malo nekaj skineju z sebe... No... dobro... na ciceke kaj se lepo zibaju spodi prozračnih bluzica bumo još malo strplivo počekali... kak i na gole ručice... nogice... al čižmakima zbilam više ni vreme... Jezušek... kam je nestalo ono vreme gda su se minice nosile celu godinu... ti vrapca... v to doba su još i Bitlsi bili mladi ...eeeeh .....................

Serbus ...

petak, 20.04.2018.

zagrebačke piknjice ...........

Na ......... pogodi gde


Na broju ..... lepo piše

Javi se .......


četvrtak, 19.04.2018.

Zagrebački štikleci ........

NAKARUMIČIČI

Kak se mi Horvati vse bolše učimo evropski kulturi tak se to more na više mjesta i v našemu lepom Zagrebu primetit. Bumo dali jen primjer po pitanju trajvanske kulture.
Dojde na stanicu na Trgaču trajvan… ljudi se pošlihtaju ljevo i desno od vrat i čekaju mirno dok z trajvana ne zideju vsi kaj su to nameravali. O tomu smo zajdnih sto let slušali i čitali kak opise ponašanja ljudi v Londonu…Beču… Berlinu… Parizu……. Dok se za to vreme pri nam v trajvane ulazilo kak ofce v tor. No da nebi baš vse bilo kak se spada znebuha se stvorila jena ženska persona… tak odprilike pedesetača… bi se reklo korpulentna ženska. I ta je v peti brzini dohajbala i praf čez špalir spred vrata i hoče nutra. No oni kaj izlaziju ju ne puščaju a jena ženskica ju upozori …Pa dajte počekajte dok zidemo van… i još ju jen muški fest odgurne. Nekaj je ova korpulentna progunđala i malo se zmaknula. I dok su ljudi izlazili z trajvana drugi su mirno čekali, al čim je zajdni zišel i leva i desna strana navali nutra kak stekli biki. Narafski… jedini je razlog tomu potražnja za mestom za sedenje. Moreš si zgruntat da je med prvima bila ona nasilna… al kaj… na vrata prije ovih su ljudi prije zašli nutra i vsi su stolci mam bili bezecirani. I začne se ova dobro popunjena ženska gurat med ljudima kaj stojiju… zvjera na vse strane i išče stolac. Stolca ni i još joj negdo dobaci da nek se ne gura. Al se neda ova naša koja je široka kak Švarceneger i gotovo za celu tikvu višlja od vsih nutra. I promrmlja ona onak poluglasno… Guram se… guram se jer bi rad čičila. Hmmm…obično tak veliju mala dječica gda hočeju sedeti…al ova ponavlja… Ja bi čičila…ja bi čičila i dalje se gura. Trajvan se več ziba po Ilici spram Frankopanske, par ljudi malo čudno pogledaju tu žensku kaj bi čičila, haha… nigdo ništ ne komentira nit se ukazuje kakšna prilika za …čičiti…ha…….


Najemput se onak z pol glasa javi jen mužki… tak… malo stareši gosponček… fino oblečen koji stoji i drži se za štangu…
Nakarumičiči…….
Dva se mužka nasmiju… i ja treti… a jena ženska samo uzdahne i zakoluta z očima na takšnu bezobraštinu. No… je to ova korpulentna čula jer se baš našla iza teg gospončeka i mam mu odbrusi …
Čujte gospon baš ne zgledite da imate karu na koju bi ja mogla čičiti…
Eeee… zdaj se ljudi okrečeju… glasni smjeh se čuje… za očekivati je daljnji razvoj situacije. Gosponček koji je ovoj napredno popunjenoj dobacil par časaka je šutel i onda zauzel obrambeni staf…
Nemojte gospa kuditi konja kojeg niste jahali …
Mi mužki okol kimamo odobravajuče z tikvami a ona ženska pokraj mene i dalše koluta z očima al znatiželno gledi v teg starčeka koji sebe predstavlja kak kojna. I vse je tu prestalo jer se na Malom Placu jen stolec spraznil i ova korpulentna ženska se tak zahajbala čez trajvan da su ljudi samo leteli v stran. Sela si je i glasno uzdahnula… Evočičim
A of fini gosponček čija je čast dovedena v pitanje samo opet glasno dobaci…
Njufukasaki …………………..
No… v trajvanu je tišina dok se z zvučnika čuje …
Karta neregistrirana prilikom ulaska u vozilo smatra se nispravnom.
Jebo te Bandič ……….. opali naglas fino oblečeni gosponček koji si je zamislil da je kojn.




srijeda, 18.04.2018.

Špancirancije ................


Evo... nekaj zapraf žuteg... a ne požutelog od Afričke prašine... Vrabec ga dal... pred dva leta su mužkarci ponoreli za nekakšnim Afričkim šljivama... a denes noriju kaj im je ta Afrička prašina zamusala avtomobile... lepo ja velim da je to još dobro dok z te Afrike ne navaliju prek Gibraltara divljaki z velkim .......... no kopljima... hmmm.. i spet buju samo muškarci ostali oštečeni...ha ......

I tak sam sprešel pokraj Pifa...sam si gruntal da bum tu našel oneg Komandanta Ljubu kak pokraj izloga loče kavu.. Pa ga ni... spet se negdi mota po sapunicama... ti vrapca na kaj je spal... od Komandanta na balonček od sapuna... Eeeeh... svakaj... bum mu rekel gda ga susretnem ...

Gda ja velim da je svet skroznaskroz ponorel onda mi veliju da sam stari dementni penzijonorec... maaa... daj pogleč kak ova tu zgledi... kak papagaj z Madagaskara... Vrabec ga dal... kaj ti je današnja moda... bolše da sasvim gola hodi... morti bi ju na kipec del kakšni Nachtfresser ... Aaa..kaj.. pemo dalše... zemlja se vrti............

Evo na... to ti je gda se ...kak narod reče... od pizde dela kazališče... ta Malena je obična macafuta kaj se naokol vleče z drugim mužkarcima... dok nejzin muž Klepetan po inozemstvu lovi žabe i planira obitelj. A i taj Klepetan je obični pikzibner... gda je došel domof i našel svoju Malenu v lubavnom gnjezdu z nekakšnim klošarom... namesto da je babi pokazal gdo je gazda v hiži i opalil joj fusingus... pretukel je siromačeka kaj si je došel jajca olakšati... Velim ja... navek pogrešni dobi po frnjoklu.

Serbus ..........................

utorak, 17.04.2018.

Serbus .................


Evo na... friško ofarbani stari Đuro još navek pela po našemu Zagrebu. pa meni nikak ni bistro zakaj se neki... bumo rekli kakti... Zagrepčanci buniju protif teh starih trajvanof... veliju da su im previsoke štenge... pa da nema dobro grijanje... pa spet da je nutra fest zagušljivo...pa da se preveč ziba... da je preglasni... i svakakšnih zamjerki mu najdeju... Maaa... fučkaš te dotepence kaj se nigdar nisu pelali na pulferu odostrag na Đuri na friškem luftu. Pogleč samo kakšne stare škrebetaljke pelaju po San Francisku... pa po Berlinu i Minhenu... a oni v Gracu zglediju kak da su pelali okol dvorca kralja Artura... i tam se nigdo ne buni neg su vsi ponosni na te svoje škatule. Zbilam... svakaj ...kaj ne ...............

A zajdnih dni pomalo curi dežek... doduše ni baš Zagrebački neg veliju da je prihajal z Afrike i da je stog žute farbe. Moglo bi bit i tak... maaa... jebal ga vrag... vse mi je poflickal okol hiže... i terase i dvorišče su žuti kak žumanjak... a avtek mi zgledi kak da se na nejga spobluval kakšni pijanec kaj se prežderal filekof. No... pa kak zgledi po prognostičarima to je denes zajdne a do konca tedna da buju paklenske vručine nastale... Paa... kaj ....

A Celzijusi su taman onak kak meni paše... da barem tak ostane pa da človek more pristojno bit oblečen v ajncugu z kravatlinom i zbigsanim cipelišima. Al tega više ni... il je zima za medveđe krzno ogrnut... il je vruče da bi naokol lahko hodil kak oni divljaki z Havaja. Eeeeh... nikaj več ni kak je negda bilo ............................

A proletje je v našemu lepom Gradu kak se šika...cveteki su posvud procvetali... travica je zelena da bi joj se vsaka kravica divila... doduše v našemu Zagrebu je to radost za cucke... pa kaj je lepše neg se posrati v mladu travicu i potem rit postrugnuti... a upraf se jen tu tak zasral pokraj teh cvetekof... a gazda ga je sam povlekel za žnoru da of ni stigel nit svojega dreka pošnjofati. .......................................

Daklem... veliju da bu ovo ljeto vruče... da bu i suše bilo... pa da bu u orkanskog nevremena... da buju munje tukle i tuča padala... da bu dež pljuskal tu i tam... al bu obligatni... i tak... svakaj su nam nadrobili ti prognostičari. Dok je Vakula bil glavni... hmmm... ni mu baš bilo za verovati... no zdaj je glavna ona Strelica... a ženskama se mora verovat ......................................

Serbus ......................................

subota, 31.03.2018.

Srečen Vuzem....



vsim pucama Vuzem dober
po dva jajca i nekaj ober.
i muškimi ak ih rajca
sa Luksalom farbat jajca.
a ja bum ak se mene pita
hrena šunke jajcih
francuske šalate pol korita.
brada masna
kak pri svinjski njuški
trbuh zapet
kak pri hajdučki puški
kaj te briga... krepaj muški.

ponedjeljak, 08.01.2018.

gda je človeku dugočasno... i muhe brojit je zabava..........


i tak ti ja kradom
povazdan španciram gradom.
a zakaj kradom
pa stog kaj veliju da mi je postalo navadom.

i kaj to je mene briga
kaj gdo grunta , nek se friga
a ja nebum nigdar više
haha, v žepu mi je navek figa.

tak ti prejdem i spopreka
uuuh, navek trajvanska štreka
prek vulice hitro fliknem
al se navek i spopiknem.

tak i denes posvud hodim
da se znova razonodim
špancir mi je prava radost
morti i susretnem mladost.

srijeda, 06.09.2017.

prešel sam .................

utorak, 05.09.2017.

Trg Republike Hrvatske


prekrasno jutreko... onak...zagrebačko....


sam ja navek rekel... došlo bu na naše ......


jena od lepših palača na Horvackem trgu... odnavek se tu nekaj spravlalo... škola..muzej... restavracija... disko klub... pa spet škola primenjene umjetnosti...da vidiš kakšnih tu lepih pucica ima... umjetnice vse do jene .....


jedina palača v kojoj još nekaj ljudi stanuje... ta i nebi bila poznata da dole na vuglu ni od davnine poznata Kazalištna Kavana... znani KavKaz... no nažalost... več je par let zaprta... a zdaj se nekaj tu preuređiva... čuje se da bu spet kavana........mam do nje je i razvikani Hemingvej... kafič gdi se okuplaju mladi ....


o Horvackom Narodnom Kazališču se nema kaj pripovedat a da se več ni čulo... Zagrepčanci ga od starine jenostavno zoveju Kazališče...al pa... Velko Kazališče... dame... gospoda... kavaliri... fičfiriči... i ostali napudrani svet tu prihaja gledeti opere...operete... balete... i ostala prenemaganja...


Zdenac Života... od gda ja pamtim tu žejni ljudi pijeju vodicu... no... to je čista prevara... vode nutra ni več prek deset let... a i kolko su Zagrepčanci dobri domačini... vsakom žejnom človeku bi ponudili gemišteka il pivicu... Evo...ja... gdo je za Žuju... sam nek se javi ...ha ...


velka je sreča da su vse lampe na broju... inače nekakšna bagra vsako malo razbije te kugle... znaš... i ja sam bil velki fakin i frajer zagrebački... al ni ja nit moja banda nismo nigdar nikaj od zagrebačke ljepote dirali... al kaj... dotepenci z bregof nemaju pojma kaj je to kultura ....


i v ti palači se zredalo vsega i svačega... no denes je tu Pravni fakultet... spametne lepe študentice...razmeš....................


za vskai slučaj da se ljudi ne zgubiju... pol ih još nezna da je tu stari trg z novim imenom....


negdarnji Učiteljski Dom... odnavek je bil pun vsega...a najmajnše vučitelja... bili su tu muzeji... škole... denes pa je pak nutra svakaj... a nekaj od teg je i Horvacki školski muzej... hmmm... valjda stare vučitelje pokazivaju....


Zagrebačko Sveučilište... tu se postaje fest spameten... narafski ak imaš kam v tikvu slagat znajne... Viš... gdo bi rekel da je ta ogromna palača bila prva Horvacka fabrika cigaretlina... a denes je fakultet... hmmm... zdaj mi je bistro zakaj vani v dvorišču stojiju u raufaju........


to tam šareno je nova zagrebačka Muzička Akademija... tu mladi študiraju glazbu... razvlačiju vijoline... pušeju v trumpete... lupaju po klavirima... i gdo bi znal kaj vse nemaju kaj proizvodi glazbu........
no... preporučam da se sami koji put prešpancirate po našem prelepom Trgu Republike Horvacke... a ja pem v Hemingvej spiti jenu Žuju ....

Serbus ....























subota, 02.09.2017.

zagrebački štikleci ......

















četvrtak, 31.08.2017.

fort jednak..majnše..vekše....


baš tak...vsaki dan nekak je jednak onem prošlom... da začne z Nesicom od vanilije to se podrazumjeva... da se pri tom sedi v brtiji... a kak drugač... gdo pri hiži pije Nesicu... da buš pri tom dočekal pajdaša kaj se je najavil... to je velko pitanje jer ak ga nebu za pet minut... nek se fučka... sledeča štacija je kod Kavalira pa nek se malo prešpancira...


i dok z jedne strane žlabra vodoskok .....


z druge strane štropoču trajvani... praf zapraf... ovo tu ni baš dobro mesto za zestanke... pogotovo kaj je tu gdi ja sedim samo terasa... a kafič je dole v podrumu... i dok dočekaš konobara da ti zeme naruđbu projde deset minut... pa onda on prejde v podrum naloga dati... pa v međuvremenu z podruma prinese još dve naruđbe od prije za drugi stol... pa spet prejde po onim silnim štengama v podrum po moju Nesicu...vse skup traje više od pol vure... nedaj Bogek da si morti fest žedan sim došel... ti vrapca...pa zgeknul buš prije neg bi došel do gutlaja mrzle Žuje... Fučkaš to tu .........


na moje zadovolstvo pajdaš kasni... pa se ja lepo zaputim spram dobrog starog Trgača... tam pri kavaliru ne veliš do kraja dobar dan...a več je nasmješena kelnerica pred menom i pita...Nesica il Žuja ... eee... to ja nazivlem mojom kancelarijom .....


veli onaj zmotani Vakula na televiziji da bu još denes fest vruče...a zutra dolaze velke promene... dež bu curel... ti vrapca... kak da je to nekaj posebnog... čak se više nit selaki preveć ne veseliju tome... ionak je suša vse poharala... al srećom da hmelj dolazi z Holandije pa nebu zmajnkalo za Žuju delat... a ječam raste pri nam i dok je suša............................


baš je dobro tu v senci starih platana... lepo ja velim... to kaj je Zrinjevac... tega na ovem svetu ni... a Zrinjevac je v Zagrebu... i to je lepa kombinacija...malo si sednem na klupu više onak poradi tradicije neg potrebe... a lepe ženskice prolaziju... maaa... nema do Zagrepčanki ............


vrabec ga dal... denes sam zbog pajdaša zmenil svoj dnevni red... kasnejše sam prešel od domof... skorom bu jedanajsta vura prijepodneva... hmmm... ak zračunam dve Nesice i barem dve Žuje pri Kavaliru...več bu i jena vura posle podneva... hmmm... obed bu kasno a Pimpek je mam tu na jen korak ...ha..........................


neki dan sam spazil jenu zgodnu mladu... obrnul se za njom... a nejzine gače skup z črlenim šosekom su se zavlekli v nejzinu guzicu... denes pa nova situacija... pa se onda negdo zapita da kaj blejim kak da nigdar nis videl žensku... Jesam...narafski... fort ih gledim... al ne vidiš vsaki dan kak i pipica more pojesti kikljicu... Jezušek... skor sam začel natraški trčati da dugše morem od spreda gledeti ....ha .....................

Serbus ..................................













utorak, 29.08.2017.

tak mi dojde ...pa me projde .........


i makar se je ščera zlijala voda z neba... ni denes vjutro nikaj bolše...dok si v senci još kak tak... a čim zajdeš pod lampu začneš se švicat................


i tak sam se dovlekel do sim... nebuš mi veroval ak tim velim da nemam pojma zakaj sam tu... sam sam se najemput tu našel ..........


razmeš... tu voda klokoče...šumi...pa se človeku vse zmeša v tikvi... i onda neznaš dal bi slušal vodu il glas zdraveg razuma koji veli da je tu na tri koraka brtija... debela senca... stolec za sesti si i zpružiti noge... se razme... več mi miriši Nesica od vanilije ......................


i dok si tak lepo zasluženo odmaram noge... gledim tam prek vulice tu pohabanu palaču... pa nikaj čudnovato kaj je pohabana i derutna... nutra su čak dva ministarstva... negdar v neka dalka vremena tu dole v prizemlu je bila velka rastavracija... Risnjak... brtija z dugačkim aluminijskim šankom... no... brtija kak brtija... al je pipničarka bila nekaj ekstra... Đurđa se zvala... tak ženska onak srednjih leta al za videt i zapamtit si... imela je cice valjda broj osam... i ni nosila brushaltera... ta su dva brega tak ravno strčala da si na njima mogel slobodno držati punu čašu z gemištom a da se nit kaplica ne razlije ... Drugač pa ženska je bila rastavlena... razpuštenica... i to je znala itekak dobro skoristit... drugim rječima... lahko se bilo znjom sporazumet okol teh ciceka i ostalog... mam pozadi šanka je bila mala kakti špajza... nutra ofucani otoman... i kaj da človek dalše pripoveda... Đurđa ni bila bahata i razmela je svačiju volju... i tak smo jemput mi fakini odlučili...maaaa... bum o tem drugi put .................................


i dok se tak spominam teh prešlih cajti... najemput sam tu pokraj teg kamenitog korita... mu veliju vodoskok makar voda skače da bi ja bolše i višlje scal .... morem ti kazat da je to jedina fontana v našemu lepom Zagrebu koja na nikaj ni slična...kak korito za pajceke ..........................


kak sam i rekel... nigdo nema poštovanja za tu fontanu...evo... človek je odlučil gume na biciklinu oprati... i gda je zgotovil još je i debelo hračnul nutra... pred mesec dni je došla cela čerga malih cigana i tu su se kupali kak da su na Azurnoj obali...narafski... negdo je pozval pandure... al daj ti cigana vlovi...ha ........................


malo sam si sel na te štenge baš fino hladi za guzicu... još da naide kakšni konobar z mrzlom Žujom...ha ...............................


Grad se vse bolše budi... se vidi da je konac Avgusta... pomalo ljudi zvireju na vulice... avtomobili pak brundaju... trajvani zvrndaju... zgotovleni su urlaubi... a još malo bu se sprešlo i đačko ferije... pak bu vse po starom ..............................


čuj... do sim sam došel z voljom... bogmeš mi se nazaj nekak nejde... a nit tu sedeti ni bogznakaj... zbilam neznam kaj to človeku kopa po riti pa navek mora nekam prejti... aaaa...kaj ti ja znam ................................


hmmm...v ovo doba znaju trajvani biti puni... hmmm... nikaj... pem ja polahko cipelcugom nazaj do Trgača... morti uzput naletim na kakšnog poznanika... poznanica je vse majnše... više ne laufaju naokol... domof čuvaju vnuke...ha ................


i tak čez vulicu nekakšne kraljice...pa na Hrvojevu... okol Križaničeve... na Draškovičevu... Boškovičevu... Zrinjevac...Praškom do Trgača i drito na broj 15 kod Kavalira na mrzlu Ožujsku.... je..sam štel kazat da je nekdašnji med najpoznatejšim gradckim plesnjakima bil Kulušič...i zdaj je več prek deset let zaprt z gitrami...čak je zašvasan .... eeeeh... tu su se frkali prvi đojnti v Zagrebu... tu se začela točit vodka Viborova z zrnima črne kave koja je još od oneg doba ostala fest poznata...tu se čekalo v redu za šekret al ne za srajne i scajne neg za fukanje... a cela ta pizdarija je delala do tri vure vjutro dok su vsi drugi samo do jedanajste...aaaa... bilom pa se spominalo ..............................

Serbus...................

nedjelja, 27.08.2017.

na starom Griču bregu .........................


i po gdo zna koji put polahko čez Dverce ........


nema več skoro dvajset let Taverne v Kulmerovi palači... no.. kafič je tu... kakšni takšni ...


na Vranicanjevom več odavno ni stare gornjogradcke bande... ne špila se na dva mala... al je denes lepi park..


a na dobrom starom Griču parku..odnavek zapuštenom i kmičnom... baš kak si to fakinaža more poželet... naskoro bu zniknul potuno novi park...a po sliki i priliki parka od pred sto let... stare klupe su prešle v zaboraf... zdaj buju tu neke nove klupe koje tekar moraju naučit pripovedat....................


stare hiže v Matoševi vulici se jena po jena obnavlaju... je da to polahko ide... al ide... eeeh... nema više tu one zgodne pucice Mirjane koju sam pelal tam na Štrosu ...iza zida... na kamenu klupu... Nit je mene ...nit je nju zeblo za rit... paaa...gdo bi još na to mislil v črnoj kmici.......


korak za korakom... dok se jutarnje sunčeko zdigava znad starog Grada... naskoro buju obasjani vsi stari krovi... vsa dvorišča...vulice i trgi čez koje hodim po tri hiladiti put... valjda..........


i navek gda se spentram na vrh Griča brega... gda plazim čez te starine... spazim nekaj noveg...zapraf starog kaj zgledi kak novo... istini za volju... nekak mi je bolše oku pasalo ono pohabano videt... al se kak človek fest veselim jer se to pohabano obnavla...........


i Banski dvori bi pripovedat znali... a denes pogotovo... svakaj se tu nutra zbiva.. no... to su največ pa... velke tajne......................


več sedam let ovak zgledi ta stara hiža na Markovom trgu...negda je tu bila prva radio postaja Zagreb... prva v državi... čak stareša od one v Beču... svakaj su okol tega tu gruntali gradcki Glavonje... najnovije je da bu tu bil Zagorkin muzej... i nek bu... makar Gričke coprnice obletavale okol raufunga na metli... al nek ju več jemput vrediju .......................


najlepše je tu dojti rano vjutro gda još nema ljudi...avtomobila... dok je mir i tišina...samo se čuje kak vjetar z Medvednice lamače z junačkim horvackim barjakom na štangi ............................


i slavni Horvacki Sabor još spi...ni videt nit pandura kaj ga čuva... i taj još dremle skup z celim starim Gradom............................


i stara plinska lanterna je prešla na spanje... več ju je z rana jutra zgasnul Gradcki nažigač...al su se cveteki kaj visiju na kandelaberu zbudili i veselo pozdravlaju... narafski... mene ............................


Gdo zna po koji put istim putem čez Gospodcku vulicu...nikaj se ne čuje jer tu več odavno ni gospode...doduše... jesu nekakšni kaj si to umišlaju...al fučkaš njih... to su ionak dotepenci kaj neznaju nit z koje strane Sava teče........................


Jezušmarija...kak vura beži... pa sim sam došel mam posle sedme vure... jeee... Nesica pri Kulmeru... pa druga pri Palainofki...vse se to računa... no... nigdar tu nemrem bit tak dugo a da bi rekel da mi je preveć dugo..........................


viš... nit stari Matoš se nigdar ne žali makar je on tu od nekog noveg doba... malo si sedneš pokraj nejga spodi starog dreva kostajna... glediš skup znjim dole v nizinu gdi se Grad budi... galami...štropoče... škripi i zavija... no tega vsega tu ni čut... čak i z stare gimnazije odpozadi ni glasa čut... još je ferije pa mlade fakinaže ni... al za koji dan .................................


makar je mesec Listopad još dalko... stari kostajni su požuteli... i kaj je fest čudnovato... listje opada prije neg su odpali sjajni kostajni... zbilam se of svet začel pogrešno vrteti ...ha ....


Sunčeko se več prilično zdiglo... začelo je žgati... pak bu denes velka vručina... treba poiskati debelu sencu... a gde drugde neg v Pivnici na početku Duge vulice...nutra v dvorišču... jenu il dve Ožujske polahko zlijat čez požirak do mesta gde se piva najbolše čuti... narafski... nit meni ni krivo .......

za vse moje pajdaše...znane i neznane... za vse zagrebačke fakine negdarnje i one kaj su to ostali do denes... za one Zagrepčance kaj su dalkih leta v beli svet prešli...a Zagreba svojeg pozabili nisu...istini za volju a na žalost... neki su se prestali javlati...morti čak više nisu nit znama... vrag bi ga znal... vreme ide... nooo... i za vse one Zagrepčance kaj staroga Grada na Griču bregu glediju čez oblok trajvana gda projuri pokraj Tomičeve vulice...negdar Bregovite ...................... Imajte se dobro...se pak vidimo ...............................

Serbus ...............

subota, 26.08.2017.

kipeci..vse napoprek .................


plavuša .......


taki plavuša.................


ti vrapca...kaj je ova ...ha..............


jebalte... kune nit na vidiku ....


hmmm,.. valjda je dobre noge spazil ....


kojn .................


im je lepo.. praf im budi ...











četvrtak, 24.08.2017.

poezija stare fasade ................























ponedjeljak, 21.08.2017.

zagrebačke piknjice ........


i tak ti je to oveh dni na vse strane po našemu Zagrebu.. tam gdi ne treba.. vleče se novi asfalt..a tam gde treba.. nema nikakšneg izgleda da se bu to desilo ... no.. naša lepa dreva v drvoredima su več fajn zmenila farbu...


veliju oni prognozeri da još jen toplotni udar prihaja.. i tu se nikaj nemre neg stajat na trajvanski štaciji kak v Karson sitiju i čekat trajvan za Yumu.. sam štel kazat ..Črnomerec ...


a kak vse zgledi.. trajvana na dalko ni.. človeku pamet zakipi na ti vručini.. a i v mojemu kileru je zakipelo i treba ga hitro dopunit.. se razme.. mrzla Žuja jedin pomaže...


čuj.. je meni poznato kak je to gda ti gače vrit zajdeju..al kak je tekar gda se cela kiklja zavleče v guzicu...ha ...


nebi štel nikaj komentirat da ne veliju da reklamiram Žuju.. nek se zna.. ja se držim Zakona.....


i tak človek uzput naide na bolše vređene fasade.....


pa i na one bolše pohabane ....

Serbus ................

subota, 19.08.2017.

..i tak ti je to .....


i tak ti je to.. doklen je ljeto je vruče.. po zimi ti bu zima.. gdo bi vsim zadovolil...


viš.. to se meni fest dopada.. kakti je prozračno.. pa spet ni kak bi človek štel.. malo vidiš.. pa ne vidiš.. aaa kaj.. gruntaj si i bu ti lepo..


bi tu človek lahko pomogel gurat.. nooo.. pa ne beciklina...


oni moj pajdaš kaj je obečal da se bu na tu evropsku kocku posral.. čist je pozabil na svoje obečanje.. sam ga pital da kaj je ztim.. je rekel da je preveč ljudi naokol i da bu drek donesel v škarniclu.. no..pa bumo vidli....


pa i ja bi štel svakaj.. al gdo bi spunil... hmmm.. morti se kakšna i javi...ha ...

nikaj ne znači
ak se koji put zmrači
denes je sunček sijal
zutra bu dežek opal
curelo bu celu nedelu
i ja bum si zel ambrelu
al kakti pravi halatak
bum pozabil i ambrelu i škrlak


odnavek su ženske rad skup išle na plac.. pa bi jena drugoj preporučivale kumicu il kumeka.. pa mrkvu takšnu.. korabu onakšnu.. prafzapraf jena su drugoj pamet prodavale.. Nazaj domof bi išla svaka zasebno.. su se posvadile okol krafskog sira... tak ....


tu naj nit probat iti.. se tak praši kak da je pustinjska oluja prihajala z Libije..


veliju da bu zutra dež curel.. stog bumo denes malo raztegnuli španciranciju... a zutra ...aaa.. gdo zna...


vrabec ga dal.. komu po ti vručini opadne na pamet vino pit..


a ja si bum na Malom Placu spodi debele sence spil mrzlu Žuju.... morti i dve.. meni paše..a vam..kak kom...

Serbus ....


















četvrtak, 17.08.2017.

dana 17. 08. 2017.

Negdo me je pital da proverim ..... pa evo....


Jenu tablu je negdo skinul..al se čuje da taj ni nikakšni Ustaša..nit je nacist.. nit.. domoljub..
neg da je velki Antifašist pa si ju je odnesel domof za dugo sječanje....


pa se negdo i zafrkava ...


a to je prava istina ......





petak, 11.08.2017.

silencio..lepo prosim .....


zzzzzzzzzzzzzzzzzzzzzz..... hrrr..zzz..hrrr.....................................

zajebancije ..............


aha..aha...si videl .....


ti vrapca.. bu nekaj ......


drek..... me je antracit skužil ......



srijeda, 09.08.2017.

Zafrkancije ...............


baš kak da je vsred ljeta ........


ipak tu i tam kakšni angelek plahuta...


tu nigdar nikog nis videl da kaj kupuje.... a zgodne curičke nutar delaju ...hmmm..zapraf.. nikaj ne delaju...


a da je fest vruče.. bogmeš je ....pitaj Ljubu.....


pa kam peš Štefek..ha..
na zestanek ...
pa kaj v črlenim hlačama..ha..
paaa.. znaš ti mene .....


ak to.. Kitajenko.. pri njim znači kaj i pri nam....ha .....


ha.. si videl.. kak v doba Matoša...ha...


gdo čeka..taj se ..načeka..


i kaj ti drugo preostane neg prejti gor na Dolac i pri Zagorki spiti kakšnu mrzlu Žuju.. a morti i Bokačo odnekud doprha.....

Serbus ...........


















Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.