četvrtak, 19.07.2018.

štikleci z Harmice .........


utorak, 17.07.2018.

eeeeh...dok sem bil mlad i bedast .......




ponedjeljak, 16.07.2018.

Horvacka je zlatna... jebeš Francuze

petak, 13.07.2018.

v laži su kratke noge .....


četvrtak, 12.07.2018.

OPTIMIZAM DO DASKE ....


srijeda, 11.07.2018.

kaj more bit važnije od nogometa



HRVATSKA...HRVATSKA !!!

utorak, 10.07.2018.

nedisciplina......

... disciplina ....


ponedjeljak, 09.07.2018.

dež curi .....



Jen je oblaček
kak črni maček
zpustil znad grada
svoj mokri hraček.
A ja sam pobegel
hitro kak strela
pri hiži je ostala
stara ambrela.
V haustor sam zbrisal
a nis ni znal
na štengi sam sedel
gdi se maček poscal.
U vražju mater
i cucki i mački
stara ambrela
i oblačkovi hrački.



subota, 07.07.2018.

malo si počivam........



v subotu
na svoju sramotu
pijan sam ležal
pri Barinu plotu
a Bara stara
ženska dobra
skočila name
kak indijska kobra
pijanduro stara
maaa kakšni kurviš
žlundra ti visi
nisi za niš
jee Bara stara
ružo ocvela
a još ščera
si ga rad imela
skoči Bara
šlica otpre
nejga izvleče
dene podase
daj šuti
stari pajdaš
težka vremena
daj kaj daš

petak, 06.07.2018.

bilo pa se spominalo ........



srijeda, 04.07.2018.

kak je Pepek postal magarac




utorak, 03.07.2018.

malleus maleficarum



ponedjeljak, 02.07.2018.

tramvaj naš svagdašnji ...

četvrtak, 21.06.2018.

Puce moje...tak vas imam rad



Babe zasele
gupce otprele
kotar bi hteti
jezike podreti

Jena žlabra
druga nadoda
nemreš pojmiti
teg ženskoga roda

Niti začetka
nit konca zapraf
jeziki lamaču
kak telegraf

Gda bi i štel
rad bi pobeči
al skoči baba
pa se zadreči

Ti mulec stari
imaš bit kuš
gdo te kaj pita
po gubcu dobil buš

Joj micica draga
ak nisi znala
ja sam mučal
a ti si žlabrala

Ništ ni pomoglo
kak grozdje na vrbi
zela je kolec
i vudri po grbi













srijeda, 20.06.2018.

... intermeco ...










ponedjeljak, 18.06.2018.

muke kontrolorske ........


četvrtak, 14.06.2018.

angelek... kiklja i jen kerubin....


Od vsega kaj je oni bradati gor na nebu naredil... najbolše mu je uspjelo gda je delal ženske...

Narafski... ja pem za njom...a gdo nebi išel za takšnim angelekom... jedin kaj nema plave lasi neg črne da ga se nebi nit vrag odrekel... Znaš... hodi ta pucka kak da je na paradi... vse joj kiklja lamače okol ... bi se praf reklo... lepe okrugle ritice... I najemput kak da bi ih durhcug povlekel... z haustora zideju ove tri spodobe... skorom su se zaleteli v ovu moju črnu kraljicu... No... ni to ni tak vredno pažnje...al of prvi je jedva zbegel jen... se reče... direkt... malo je moral eskivirati i mam si je ruku v žep porinul... znaš... mi mužki imamo navadu da čim vidimo lepu žensku... mam ruku v žep porinemo... Nooo... of drugi ni mogel skriti kak se je frapiral od čuda... mam je bilo ziher da ovak nekaj lepog ni tak na skoro videl... blenul je kak telac... bi ga vrag znal dal se je do zdaj kaj spromenilo na nejgovem licu... I vse je to sasvim normalno... nooo... pogleč ovu ženskicu odostrag...malo v šturcu... jebal ga vrag... takšni jalni pogled več odavno nis videl... da more fbit... ovaj angelek bi ležal mrtaf na trotoaru...hmmm... morti bi baš ja daval umjetno disanje i masiral herc... Skor mi je žal da ni tak..............................


Viš... ovo je bila zgodba za pamtit celo živlenje... Ide ta lepotica... onak...flajsig vrti guzicu... i onda najemput... zapuhal je naš dobri zagrebački veter z Medveščaka... zvrtel je vse papire i ostalo smetje po Trgaču...al je zvrtel i kikljicu ove mlade ženskice... Ja sam se baš našel v blizini... znaš... ja sam navek tu negdi gda su v pitanju angeleki i slične spodobe... nooo... to je bilo za videt... kikljica se zdigla skroz gor do ramena... i... ostala su gola leđa... maaa... fučkaš leđa... ostala je gola golcata rit... Al ženska je hitro... precizno kak Dok Holidej... zpustila ruku i poravnala kiklju... Kaj da ti velim... ja sam tu bil... držal aparatlina v ruki... al to je vse tak hitro prešlo da sam samo stigel konec na kipeca deti... Bilo je tu par ljudi... jen stareši par stoji a muž pita... Kaj ova nema gače... Al nejgova jednak tak stara žena stručno mu pojašnjava... Ima...ima.. al to su tange pa se ne vidiju.................................


I na koncu...haha... da si malo olakšam situaciju... razmeš... po tikvi mi sam zujiju filmi... te ona črna z okruglom guzicom i dugačkom kikljom... pa onda ova z plavim lasima i z kikljom v luftu... vse to na človeka djeluje...pa sam ja odlučil spas poiskat malo gor...na Kaptolu... Vrabec ga dal... samo kaj sam naredil tri koraka... odzor z Bakačeve se zalaufal jen... ti vrapca... Kerubin... I praf na mene ... je zgledelo da bu vsaki čas poletel... Imel je tak sjajno ... se to reče... ozračeno lice...kak da je pred koji časek bil z Jezušom na kavi gor pri Kapucineru. Aaa... nikaj... pem se ja ipak osvježit z kakšnom Žujom z citronom... po ovi sparini bu to jedini spas .....................................

Serbus






srijeda, 13.06.2018.

curice z vulice i.... tri Žuje ........


Nemreš poverovat kakšna su to vremena prihajala... pogleč samo... Znaš... v moje doba se ni moglo desiti da bi curička tak čekala ... ti vrapca...pa ja sam navek bil taj kaj je došel barem pol vure prije i čekal...čekal... sprevrtal daske po tikvi...Kaj ak nebu došla... Morti ju mamica ne pusti... kaj ak si je našla drugeg frajera... Noooo... na koncu vidiš kak se žuri prema tebi... herc ti hoče prodreti čez rubaču... Jeee...ja tak nekaj nebi pustil da čeka ....

Nit se v moje vreme ni moglo desit da bi ženska išla na vrelo vodu lokat... bognajoprosti...kak krava... Ak nisi imel v žepu peneze barem za dve Kokte... kino ulaznice il plesnjak... nisi nit trebal pucicu pelat po Gradu. Pogleč kak je ženska žejna... skor sam ju pozval na ........

I koja bi odbila rundu Rokenrola...ha ...

ponedjeljak, 11.06.2018.

zagrebački štikleci ....





utorak, 29.05.2018.

Elegancija .........


Z jene strane ove velke vručine i sparine kaj su trebale dojti tam negdi v Srpnju jenostavno človeka nateraju da svoje lepe protuletnje navade preokrene na čistam letnje... to bi se reklo... Žuja je zakon...a kak se odnavek po zakonu živelo...tak se i ja ponašam. Doduše denes mi najbolše paše Ožujska z citronom... to te tak lepo osvježi...pogotovu ona druga kaj ti se zleva čez požirak... Milina... makar moji pajdaši z mene delaju norca... da kakšni sam ja Zagrebački frajer a pijem vočnu pivu... Eeee... dečki dragi... bilo je cajti kaj su prešli... gda sam ja praf po zagrebački pil purgerske gemište i Ožujsku z zelene flaše. Čekam jenog pajdaša... naručil sam Ožujsku z citronom... konobar me gledi... pita... Radler... Neeee... velim ja...Ožujsku z citronom... Skužil je da se zmenom nikak nebu drugač mogel sporazumet... a i sam taj klipan baš ni malo ni zgledel kak Zagrepčanec... pa ja nis štel bedarije spelavat kak ja to znam... Morem ti kazat da tu nis več jako dugo sedel...zapraf odkad su Gradcku Kavanu preimenovali po nekakšnom Židovu... Fučka se meni za Židova...al Gradcka Kavana bu navek Gradcka i...šlus .


Noo... kak je bilo za očekivat... pajdaš ni došel al mi je poslal poruku na mobitela i čudi se kak ja nis prijel majla... paaa...kak bum ga prijel gda ja nemam spametnog telefona neg svoju staru Nokiju Nostalgiju... I tak se fajn teh moderniziranih ljudi fest čudi kaj ja nemam ajfona ... fujfona...il kak se to sve naziva... A kaj če mi... velim ja... evo ga imam pri hiži več dva leta zapakiranog... novog... gdo me treba nek nazove...a ak me je željan videt i malo poklafrati... prosim lepo... za to su navek služili dogovori... rendesi i ... brtije.......... I tak se ja lepo španciram... gledim... ide takšna lepotica... a oblečena kak ona Sara Kaj... elegantna klajdica na gumbe... slamnati škrlak... moderni cipeliši...sandale... a hodi lagano kak balerina. Nis mogel odoleti... moral sam ju na kipeca deti... al ne smijem pokazati z prednje strane... morti je kakšna blogerica pa bum ja nadrapal....ha ...


Da bi reč rekel...ženskica jako dobro zgledi...zapraf ak se mene pita sve ženske zglediju dobro i jako dobro... no ova tu je posebna jer opče nema ...frizuru... lepo si je tikvu ogulila kak to i ja delam... nema problema z češljima...viklerima nit z pranjem vlasi... Bi ju ja opalil... sam štel kazat... na kipeca del odnapred...al kaj... pogleč kakšni to Hulk znjom hodi... ti vrapca... ak bu taj fort blizu nje... nigdo ju nigdar nebu zapazil a da taj Hulk ne zapazi znatiželnike... A si videl kaj znači imeti prozirne hlače... pa to i ni nekaj posebnog...al gda spodi ima one krpice kaj se zoveju...tange...eeee.. to onda sasvim drugač zgledi... Nemam ja nikaj protif teh gača...tangi...al bi se ja okladil u kaj hočeš da je ona vuska krpica kaj joj zajde skroz v guzicu... navek posrana... Viš... negda toga ni bilo... pucice su nosile one ...kak se denes veli... babske gače... jeeee...al je to bilo sasvim dopadljivo videti spodi minice... Uuuuuh... gda se samo setim teh minica...


Znaš... ja sam ti tak nostalgičan za tom negdarnjom elegancijom... a denes me baš sreča poslužila pa gledim več valjda desetu ženskicu kaj pozna eleganciju... Ove današnje mlade pucice baš i na hajeju preveč da bi bile elegantne... oblečeju si podrapane traperice... na nogah navlečeju smrdlive tenisice brez čarapa... ti vrapca... im negdi noge smrdiju kak Bosancu gda se v trajvanu izuje... Eeeh... malo je videt curički v lepim klajdicama... šosekima... plisiranim kikljama... maaaa nema v hlačama nikakšne elegancije... pa vsaki kočijaš ima podrapane hoze... A da ti ne velim kak je to po kmici bilo spodi zgašene lanterne tam na Griču bregu... klupica v najvekšem grmlju... gdi ni mesec nemre prodreti... a ja polahko vučem kikljicu od kolena prema gor... i gda sam več posel obavil... ona kikljicu povleče nazaj prek kolena dol. I tak nekolko put...a se znalo desit da nit treti dan nisi povlekel do gor... ni baš navek bilo lahko... Kak je to z hlačami nebi znal povedat... al sam ziher da je svakak fajn teže nekomu hlače svleč neg zdignut kikljicu....... I tak to ..............................

Serbus !


















petak, 25.05.2018.

curice z vulice ..............


Upozoruju se Zagrepčanci da je v našemu Gradu nastala posebna situacija... kak vse zgledi... Marsijanci su spet prihajali ...

ponedjeljak, 21.05.2018.

petak, 18.05.2018.

zapisi z Harmice II ......



četvrtak, 17.05.2018.

... agitacija .....

utorak, 15.05.2018.

zapisi z Harmice ....



petak, 11.05.2018.

pravedni Bog je vmrl ...............


I tak ti ova lepota hodi simpatam... a ja na dva tri koraka dalše zdihavlem... i ja hodim simpatam... Ti vrapca...pa hodil bi za njom vse do Maksimira gda bi se štela malo obrnut i kakšni osmjeh podarit... Nooo... fučka se njoj kaj se ja tu patim...zdihavlem... a moj pali angelek je doživel reinkarnaciju... i tuče po vratima... Pustite me vaaaan. Al... šalu na stran... pokraj ovak nečeg človeku dojdu črne misli... vrabec ga dal... vse sam sakramente zbavil... bil sam ministrant v prvostolnici... imam dobrog pijatelja bivšeg župnika...a denes je glavni vikar pri Kardinalu... pričestim se vsako jutro pri Kavaliru na Trgaču... a kaj sam nazajdne zaslužil od Boga...ha ... pusta leta na grbači... Lepo ja fort velim... Ovo ovak ni pošteno... jer ovo kak se ja zdaj tu patim nebi mi priuštil nit vrag paklenski... Prafzapraf... nit ja nebi štel v Raj... doduše veliju da tam plahutaju prekrasni angeleki... da svira ona Betovenova glazba Oda radosti... da su vsi v beloj obleki... da je tam človek tak savršen da mu ni potreba nit za jelom nit za pilom... i tak se dalše nabrajaju vse same bedastoče... Paaa.. gdo bi se od nas mužkih štel najti med angelekima koji nemaju spola... to bi značilo da nit nemam svoju vucibatinu med nogami... a kaj buš naokol plahutal kak bedak brez pijače i žderače...a ono najgorše... ni ženskih .
Viš... stoga sam ja svoju dušu dal v koncesiju črnom vragu... pem ja dole v podrum pokraj ognjišta jesti i piti... dimiti cigare... i naganjati ženske ... To kaj veliju da mi buju narasli rogi i kopita...haha... pa moraš nekakšnu članarinu platit... i to kaj ženske taki imaju dugačke repove...ha... pa koga to smeta... ne veliju zabadaf da je...pimpek bedak... Znaš... ja i moji stareši pajdaši koji put znamo o bedarijama pripovedat... pa si gruntamo kak bi bilo najbolše vmreti... Veli moj sused Cajger... najbolše je vmreti pri spanju...zaspiš i nema te... A sused Špengler dometne... maaa.. nek me pukne herc tak da odgibam mam v komadu... sused Ivek se zmisli... najbolše je skočit z nebodera... a sused železničar v penziji veli... Hitit se pod brzi vlak... Posluhnem ja njih i onda priupitam... Dečki a kaj mislite da je nabolša stvar... Fukat i vmreti... Vrabec ga dal... veliju skorom v jen glas... A kak fukat.... Evooo... ponovim ja svoju tvrdnju... dokaza da je dobri Bog vmrl ....
I tak.... črne su me misli prešle jer sam spazil prek puta Pimpek pekarnicu... pem si pojesti dva štrudla da ne razmišlam o bedarijama...narafski... posle sledi Žuja... morti i dve... Baš je lepo živet....
Serbus ....

srijeda, 09.05.2018.

cipelcugiranje ................


Nema lepšeg neg gda ti dan začne rano vjutro…a sunčeko tekar umiva krove i sramežlivo stare fasade… Gledim… ljudi bežiju na posel… đaki trčiju za trajvanima da ne zakasniju v školu… makar mene ni nigdar mučila savjest ak sam zakasnil… nooo… ima po vulici i stareših stanovnikof… ti ziher žuriju doktorima… pa su tu onda i dobri gazde kaj su cucke izveli v špancirung i na scanje… pa tak na svom putu na vsaka tri metra naideš na pasje govno… Narafski… svjesni Zagrepčanci mam posle osme vure pokupiju dreke za svojim ljubimcima…al ona rano jutarnja govna navek ostaneju po trotoarima dok negdo na zagazi… A oneh zgubidanof kak sam ja… takšnih vjutro baš i ni na vulici… pa gda vidim svu tu užurbanost… nekak mi dojde …hmmm… neugodno kaj se z noge na nogu vlečem naokol… Maaa.. drek… fučka se meni kaj si gdo grunta… ja sam več denes spil jenu Nesicu od vanilije… zdaj bum i drugu čim mi prihaja pajdaš kaj stanuje na vuglu Safske … Doduše…moj pajdaš ne pije te zmučene napitke… taj si zube vjutro pere z šibenskom lozovačom… zna človek kaj je za zdravlje dobro…

Ti vrapca… čudim se ja…pa kaj of trajvan za Dubec dela tu nasred Safske vulice… no onda zgruntam da je to kakti pojačanje kaj dolazi z Remize… Viš… na Remizi nis več dugo bil… nekak zajdne vreme zaobilazim Trešnjefku… ni pošteno… puno sam lepih cajti tam spotrošil… taki i v Trnju nis dugo bil…zapraf… prohujal sam z svojim avtekom…pa gda vidim kak stare hiže nestaju a nove staklene i betonske škatule dolaziju na nijhovo mesto… zgubim volju tam iti… A bogmeš su več pol stare Trnjanske ceste porušili i malo po malo tam nastaje nekakšni novi grad… eeee… moderno doba ….

Pogleč…. Odnavek su na Safkoj vulici ti drvoredi lipa… neke su stare još od gda se moja baka tud špancirala kak mlada dama… neke su malo mlajše… otkad sam ja tud prolazil kak školarac… neke još mlajše su zamenile one stare bolestne i trule… al takšne hladovine i sence malo koje drevo ima… Denes su grane na tim lipama zgora visoko… poradi trajvana i ljudi kaj spodi pelaju i hodiju… a negda je to sasvim drugač zgledelo… jedva su prošel spodi teh lipa a da se ne vudriš z tikvom po grani… Nooo… več sam ja davno o tomu dost škrabal… više nit ne pamtim gde sve… al bum se jemput pak podsetil teh starih cajti …

Znaš… v ona davna vremena gda sam ja bil đak…školarec… fakin… huligan… vuličar… frajer… i vse ostalo kaj je moralo krasit jenog mladog Zagrepčanca… a ja sam po tom pitanju bil fest napredni… tu su...okol osme vure vjutro… bile stotine učenika… … maaa.. fučkaš učenike… kakšnih je tu lepih učenica bilo… ti vrapca… gimnazijalke… taman narasle za lepe stvari doživljavat… Je.. je.. dok su tu bile čak četiri gimnazije nismo mi fakini morali preveč gruntat kam iči v lof na curičke… dost je bilo dojti sim gda škola završi… onak frajerski z zdignutim kraglom… z cigaretlinom v gubcu…onak kak Hemfri Bogart… z rukami v žepu… i se ni moglo desit da nebuš bil zapažen… Razmeš… ti gimnazijalci tu su bili dost mlitavi, pa smo mi fakini znali da smo navek v prednosti… Pa je znalo tu dojti i do velkih razpravljanja z tim štreberima… narafski poradi pucica… no… mi bi to hitro rješili z šakom po frnjoklu… a nakon tega si mogel birati med curičkami… Frajer… a kak drugač…ha …

I tak… z noge na nogu dok ti se po pameti vrtiju stare slike z doba gda je Bog još bil mlad… nit ne primetiš kak si i kolko sprešel… Dol na Safskoj sam si spil i drugu Nesicu… a pajdaš me napuntal da si v požirak zvrnem i dve šibenske travarice… a težko žabu v vodu naterat… tak sam ja od polahkog postal još polakši… kak se reče stručno… slovmoušn … il gramofonska ploča na 33… A kam bi mi se i žurilo… nigdo me ne tjera nit ne očekuje… ne moram na vuru gledeti… zapraf… ponašam se kak pravi zagrebečki penzijonorc koji nezna kam bi sam z sebom od dosade… Pa ti tak dojdem do pješačkog prelaza… na semaforu je zeleno… al ja baš nejdem… bum si još malo pogledel naokol… pa tak od jenog vugla do drugeg… od vulice do vulice… haha… je znal kazat moj zdaj več pokojni pajdaš Glavonja… Pijem pivo jebe mi se živo …. Tak i meni… baš mi se fuka…pardon… sam štel kazat…fučka.

Tu na tem mestu navek zastanem…ak i vsaki dan projdem moram barem malo se divit tim mladim kostajnima kak krasno cvetaju… Negda su tu bilo velki…ogromni kostajni… do pol vulice su grane širom išle… pa je pred …okol… deset let naš gradonačelnik… taj dotepenec z bregof… dal vse te stare spilit…porušit… I zdigla se velka galama zbog tega… Zagrepčanci su mu došli spodi obloka kričat… pa največ su mu mamicu spominali… I videl je mulac da se fest zasral svojim sugrađanima v škrlak… pa je brže bolje dal posadi nova… več velka dreva kostajna… Kak god bila velka meni su zgledela premala da bi dočekal stati se spodi nijhove sence… Ipak… dočekal sam i ja… pogleč samo kakšnu lepotu… Dreva rasteju… vreme prolazi… tak da se več pitam dal bum ih i dugog proletja videl kak cvetaju… Ovaj put su malo ranejše procvali…al kak ni bilo preveč vručine… dež je curel kak se spada… pa su kostajni dugše v cvatnji neg obično… maaa… milina….

No… i več smo v samom središču centra… meni najdragšeg mesta v Gradu…a kak nebi bilo gda sam se tu zlegel… odrasel… dane gubil… zalubil… ponorel….maaa… vreme je prešlo kak da bi rekel…kruhimast… i kak se veli da se od sječanja nemre živet …neg samo z sječanjima… to i ja moram poiskat kakšnu pekarnicu jer su mi one dve šibenske lozovače otprle apetit koji je i brez tega jako dobar… Uzput bum hitil pogleda v Pif… Grunf… to su brtije…se razme… morti ima kakveg poznatog…ak pa nema… v Kavaliru na Trgaču bum ziher nekog našel… Neki sam dan susrel na Trgaču jenu blogericu…al na moju žalost bil sam jako knap z vremenom… pa smo se samo izkuševali i pozdravili do drugeg momenta… Hmmm… nigdar nemreš bit ziher gda buš na koga naletel… moram malo bolše gledeti naokol ……….

Serbus ……………









ponedjeljak, 07.05.2018.

šajzerska posla




četvrtak, 03.05.2018.

dečki zagrebečki ...........



...dalše je vse bilo konšpiracija ......

utorak, 01.05.2018.

Čez vulice i trge ………..


I tak su sprešli neradni dni… spet vse pe zpočetka… pa i moje špancirancije… Viš… tu na Trgaču je moja početna štacija… malo navek tu zastanem da bi si odredil… se to reče… orijentir na koju stranu sveta da krenem. Prafzapraf… to je meni sasvim svejeno… no ipak sam rad v blizini pekarnic i brtija… nigdar človek nezna kakšna ga nevolja more po putu trefit… pa gde buš našel spas ak ne v pekarnici il brtiji…………………

Eeeh… negdar smo mi klinci sedeli na rinzolima i držali noge spružene na cestu… i baš tu v Petrinjskoj smo navek nasred ceste igrali bagminton i graničara… naganjali se na rolšuhama i romobilima… il bi gurali terezinu na kuglagerima kaj je ružila kak da ide tenk… lepo smo z kredom narisali potrebne crte i špilali. Ak bi naišel kakšni avtomobil… onda smo ga kleli kaj nas štenta pri našem poslu. A pogleč denes… ti vrapca… od teg silnog plehovja… železa… guma… stekla … bi se reklo …avtomobila… nemreš nit videt prek vulice na drugu stran. Jeee… tu se nikaj nemre… to je napredak… a mi v Zagrebu taki živimo v naprednom svetu……….

Zbilam se v našemu lepom Gradu nemre nikomu zameriti ak mu se nekaj ne dopada jer je taj obični bedak. Pogleč samo tu ljepotu… milina za videt… vse si človek poželi kak bik legnuti med te cveteke i slušat pčelice kak zujiju…hmmmm… zapraf se pčelice opče ne čujeju… jedim moreš čut trajvan kak škripi po tračnicami……………

Mogel bi tu človek sedeti i uživati po cele dane… narafski…ak nemaš kaj spametnejšeg i koristnog za delat… no človek kak sam ja… troši svoje penzijonerske cajte onak kak mu najbolše odgovara… a meni fest odgovara da ništ ne delam…ha. Eeeh… tak su me domof vučili…zapraf moj je tatek… grofofski fačuk… imel navek spametne naputke… mi je rekel… Sinek hitro zrasti… bil buš jači od drugih… malo uči al budi pametnejši od drugih… malo radi i imaj puno… polahko živi i dalko buš dogural… I zakaj bi ja onda drugač neg su me nafčili. Doduše moja baka… plemenitašica… navek je mog tateka.. svojeg sineka… špotala da me krivo poučava… nooo… tatek je samo rekel… Muško je… nek se nafči živeti… Mamica se tu ni preveč ftikala… mi mužki smo bili elita v familji… I kaj da na koncu velim… meni je bilo celog živlenja jako dobro… narafski… ak se ne računaju avanture koje nisu dobro skončale… I se nit denes nikaj i nikomu namam kaj požalit…Uuuuh… kaj sam se razpripovedal…kak kašna baba…

Se razme… vse si ja to gruntam i vsebi povedam… veliju da je človeku najbolše pripovedat sam z sebom jer te nigdo ne prekida i nikaj ne pita. Vrabec ga dal… naručil sam si Nesicu od vanilije i čekam da ju konobar prinese… To ovde baš i ni jednostavno jer je šank deset metri spodi zemlje… pa konobar prek mikrofona naruči i onda beži po to dole… pa nosi gore…al gda si je človek več sel v kafič…onda se valjda ima i cajta čekati konobara. Noo kaj zdaj… bum čekal…jebal ga kafič na tri kata… baš sam si zabral… sva sreča da je pogled posvud naokol odličan… jedin nekak premalo ženskica prolazi…………

Zdaj pa nekak hodim tak da bi naredil kobasicu… hočem kazat da moja špancirancija pe v krug… to ti je kak kolut jegera…razmeš. Jebal ga vrag… znaš kak imam rad taj jeger… makar veliju da je to obična klobasa… ja ju imam rad od navek… i to posebno oni Ivanečki… taj je dost suhi i ima v nejmu malo više bibera… pa gda spred sebe doma denem taj kolut…ha.. kak kotač od fičeka je…pa glavicu luka poleg toga maznem … narafski… i pol štruce kruha…onda mi moji doma kričiju da sam.. seljačina. Evo na…čim si začnem gruntat o žderilu… mam te dohvati glad… začne krulit po črevima…vrabec ga dal… baš tu nema nikakšna pekarnica pri ruki…………………………

Uuuuh…aaaah… kak ta hitro hodi… paaa… počekaj malo ženska tikvo… ja sam ipak človek v letima… Haha… nezna ona da ja za njom hodim… nastojim korak držati… pa malo gledim te visoke štikle… pa onda gledim traperice… haha… guzicu gledim… ti vrapca…za takšnom bi mogel do Maksimira hoditi… maaa.. dečki… kaj na ženskoj more lepše bit od guzice i ciceka… ha ………….

Bormeš… več me i noge pomalo boliju… nahodil sam se naokol… spil Nesicu… gladan sam… još malo i na Malom placu ima pekarnic na vse strane… fala Bogu i brtija kolko si moreš poželet… Vreme je lepo i na koncu bum sedel v društvu Žuje… jedine pive kaj je zakonski određena… Denes nis imel nikakšni rendes… nikog nis susrel na vulici… bi ga vrag znal kam ti vsi poznati zgibaju ……………………..

Serbus …………..
Serbus …………..






















ponedjeljak, 30.04.2018.

curice z vulice ..........


Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.