Kak čitam novině i tu i tam gledim kaj sě okolo v svétu dogodi, tak puno put prěčitam takvě bědastôčě da bi na one, kaj nekaj takvoga zblujeju, nâjrajši roglě gnoja itil. A morti bi sě bolě bilo z lopatum naititi, morti bi bilo saftnejšě.
I tak sem sě dogovoril sâm ze sobum da bum tu i tam pisal gnôj v glâvu blogek v kojem sě bum z virtualnem gnojom naitil na bedâkě. Študěral sem da bi to bil top 3 sake 7 dni, ampak negda jě bedâkov tuliko da bi mi broj tri bil prevuski, a negda ne čitam novině, ne gledim televiziju i nějdem na Interneta, pak bi morti v top 3 navlékel i oně kaj nésu zaslužili da budeju v tak bedaste pajdašije.
Nâjprijě sem mislil da bi sě to zvâlo gnôjčina, a onda sem študeral da bi roglě gnoja bile bôlě, pak sem unda věč zebral Z gnôjem v glâvu, a unda sem sě pak na roglě gnoja vrnul zâto kaj na roglě moreš nekoga nabosti.
I tak unda, večěres bum itil prvě roglě gnoja, moretě posle tekmě dosurfati sim, popiti virtualni škropec i gledeti koga buju pogodile.
|