Monade oliti pizdarije iz malega mista
Vukodlaci i sotona
Poslin obida san se ošla baciti u more. Poša i moj Keko. Taj se ni kupa, ako ni 26 u moru. Bacin se ja i rečem mu: Dojdi jubavi, teplo je.
Krene on i odma se usere. Đava te odnija, tebe i teplo je - on če.
Ma Keko moj, zač, mi ne bismo, dikod bacili picigin. I mi jemamo kašjune u malo misto. I ka da treniram počmen se bacakat put Keka, a on dršče u more i ošervaje se: manje češ ti meni lokat, alkokol! Za koji san te kurac čuva od onega Rusa, bija bi već porebambija i bacija te u Bročki kanal, pa ti plivaj doma. Mislin se ja, samo se ti tješi i pogledam na zaslon mobitela: YA Vas l'ubl'u! 365a poruka, saki dan jedna, da ga se zapametim. E moj Jurij Fjodorov, več bi ja davno napustila ovo misto, ali di ču nači vaki teatar, vake mone, vake pizdarije, vaku zdravu spizu, a zatrovan narod.
Puno mi je bila napeta situacija ove dane, ma bila san ka političar, malo š jednom stranom, malo š drugom stranom. Malo popij kave pod murvu, malo pod šipak. A ča pop jema limune, take još nisam vidila. Volike i pokažem rukom. Bacim pogled desno, ono pop raskoračio oči, zblenuo se i brže bolje se zlamenujei i stavi iza leđa dva prsta i prikriži (tira sotonu).
Moš me jebat !- rečem popu, ove dane radin limunicu,a zna se, ča u limunicu gre! E!
Sta Antiša lajat, Ljube ga priskače ka kozlina, nasta strka. Ljube trči za Điđijevim pasićem, mačić od Desne trči za pasičem, Antiša trči za mačičem. I sve kroža moj vrtal. A jebate, da nije kroza moj vrta bila bi idila. A di vo jema. Ljudi gledajte i učite se! Gledajte kako se životinje slažu! I maške i pasi, i veliko i malo, svi razgovaradu. Sram vas bilo! Nasta tajac, u malo misto. Čujen u niki tren di Điđi bojna pusti kučerin, jerbo je kuva kavu. I odzvoni mali kučerin, ka malo zvono upozorenja, ka da je niko umra, gospe moja.
Ja mislin da je problem u temen, ča je uvik vlada antagonizam među dvi strane u kuču. Desna strana je bila religiozna, a Liva strana kuče je bila u partizane. I od drugog svitskog rata na ovamo, se nisu trpili i tako je ostalo, do dan danas. Jedno krilo kuče uvik đelozo, na drugo. Ovi su cinkali ove da idu u crikvu, a sad su se niki od njiovih predaka krstili, za nefalit. Uvik svađa, ovo je moj cimpreš, nesmiš prolazit pod ponistru, ovo je moja šupa, ovo je moj dida sadija..... Joke če.
Ovo je moja pizda materina .... – ja ču.
Ma Gornja meni i liči na partizanku da ti iskreno rečem. Ima mote, male brzinske strelovite akcije, bez municije onesposobljuje neprijatelja, polije sičem vode, oladi ga, odvrne cvit u najlipšom cvatu, pukne vratima, kad najsladje spavaš, prišulja se neprijateljskim vratima špijunira, šalje šifrirane poruke ovoj Od isprid, jerbo nima struje, pa nima telefona. Ova Od isprid ode ka slučajno do Desne, i tako sidi do večeri, kad pritresu sve i svakoga, ova Desna, ode do Live, ova ode do drugog mista itd... vrti se vijest napuvana ka mišina od crknute beštije.
A čekaj! Jemamo golube pismonoše od Joškota - Điđi če.
Je jemaju, ma oni su druga bojna. Strani dušmani. Vidiš koja je to konspiracija - ja ču.
A da je zovemo Mata Hari? - Od ispod če.
Ma brava! – svi u glas.
A zatooooo ona, ka pere portun saki dan - Donja če zapanjeno,
Jesi berlava, ne pere, špijunira!- ja ču. Svi se nasmiju znakovito.
Ma, niman ti vrimena, tribam peglat. – ona če.
Za par dan, opet dođe muže ženi- ženo ajmo se malo poigrat!
Ajme nisam oprala robu, niman vrimena – ona če.
Par dana poslin, opet priđe muže ženi: Ženo, ajmo se poigrat! Ajde dobro – pristane ona.
Dođe ona k njemu u posteju, on če njoj; Ženo, govori ti Big Brother, jemaš 5 minuta da se spremiš i napustiš kuču!!!!
Ha, haaaa, haaa, nasta smijada. I tako do večeri zajebancija. Pridveče kad su se svi razišli, povedem ti ja Antišu pišat. Ljube, zlato moje pripametno, nas prati na ostojanju. Gospe moja fala ti, ča si mi je na put mekla. Evo jema godin dan da je učin reči: ma ma. Za picinu dlaku, jebe je izgovor, zanosi na, me me. Keko popizdija di maški držin govorne vježbe. E, da je i š tebom niko radija, ne bi ti svaka bila: Ne seri!
Povirin bidnoga susidova pasa, dva metra lanca oko vrata. Više puta san ga skinula s stabla jerbo se lanac zakovrča, a nima vinč. Jebi ga, da ga ja ne nahranim cilu bi noć laja, ki pas. Vako svi spavamo otad. Bidna životinja, jede mi iz ruke, liže mi prst po prst, (a ko me ne bi?, a troke dida moj) vlasnici u čudu, di me ne ugrize. A ko grize ruku koja te hrani? Ljudi. Napunim mu teču vode i tako sako veče. Eto tu san izgubila forcu za jebače, ne moren sve stiči, jebači, pasi, maške, susidi, posa, keko, vrta, jebači ...... A uvik govorin i ponavljam: Ko me ne bi? Taj se ni rodija. Bodrin se prid borbu. Najbolji mi je susid Điđi bojna. Pitam ga jema li koju kosta za pasa, a on meni: eEvo ti kosti s mesom, jer koji če kurac pasu kost, ako nema mesa i on je ka čovik, triba isti, a ne glođat.
Jesi pripametan! -ljubi te Dome tvoja. Što je pijaniji veče sentence govori. Nikidan mu govorin kako san vidila čovika, ka Isusa Krista zareslog u bradu u malo misto. On če ti meni: govoriš kako si vidila čovika, e vaki je naki je, zaresta. Učini pauzu jerbo je izgubija ravnotežu. To me ni briga Ja sam ti reka, digne se na noge i digne ruku u nebo:
Bacimo ti škovace kod starog groblja, nahranimo male mačiće. I tako ti jedno veče ja i Antiša bacimo škovace i malo se zavučemo uza zid od groblja i dademo maškama isti. Kad iđe ti nika baba kurijožjasta, mrkla mračina, mi ti se primirili, nevidi baba, kad ono zašuška Antiša nogicama kad se posra, ka zakopava. Stara malo bolje pogleda, a ono vukodlaci i sotona, na zidu priskaču s groblja u misto. Očiju užarenih od žeđi. Zaškriči baba, udri trčat, Antiša sta trčat za babom, misli stara se igra. Maške stale zavijat, misle iskidat če ih pas. Antiša kuco! Zaletin se da ču ga uvatit, bacin se, a on proleti ispod lancuna. Zamotam se u lancun i nastavin trčati, rukama se oslobađam, a kad se baba okrenula, jemala je ča i vidit. Sami crni đava, ni sama ne zna koliko ih je bilo. Probudimo tako cilo misto. Jeben te živote.U pizdu, pizdu materinu i baba i pas i maške! Pade mi u vodu plan o krađi popovih limuna, šipaka, smokava itd. Moran sutra u spizu!
Gren ča!
22.09.2007. u 23:02 | 87 Komentara | Print | # | ^
