nedjelja, 30.10.2005.

dečec nedokazani

denes me je mama pak zbudila v osem vjutro. a ja veđ dugo nesem nikaj natipkval jerbo stalno nekaj delam i nigdar nemam čaz. ja sem si taman mislil da pak moram iti k meži al je mama denez preobrnola ploču. i veli ona meni mam se diž brankena jerbo moramo iti na groblje a ja sem baž najlepše spal. onda sem joj rekel mama pak el nemremo iti zutra na groblje a ona je rekla nemremo nek denez. onda sem lepo speljal traktora i zakapčil sem onu malu prikolicu vu kojoj se svinje prevažaju jerbo ja mamu nemrem voziti na blatobranu. ja na nju brigu nebum imal jerbo malko pocuknem i dam gaza a ona opane na azvalt i glava joj pukne načetvorički a toga mi baž i ne treba kaj bi odgovaral za nekoga pa makar i nebil kriv. i tak si je ona onda nanosila sega vraga vu tu prikolicu i vodu i motiku i zubačice i cvetje kaj bu slagala aražmane na groblju. a ja sem nadolejal jož malo nafte nebili mi traktor zastal na pol puta i polevko sem krenol. a hiže su samo prebežavale pret menom i to ja bila prava milina. zataj čaz smo bili na groblju jerbo to nema niti dva kilometra. onda si je mama to aražirala groba i sadila mačuvice a ja sem se dosađival na groblju i imal jenu veliku dozadu jerbo mene takovi posli ne zanimaju kat su ženski. i tak se ja pomalko prešetaval po groblju kat ti otjemput samo nekaj prehujalo kre mene. a to nekakov dečec na biciklinu se zvetril kake nori. meni je mam prekipelo ot nemogučega. a dečel lepo došel do ograde i okrenol se i pak na biciklinu i nazaj. e reko nebuž dečec. i ja stal pret njega i samo digel ruku v zrak kake pravi milicajec i velim ja njemu čujež dečec a kaj se navažaš zotim biciklinom tu po groblju el ti neznaž da je to jeno sveto mezto i biciklinima tu opče neje mezto el su te tak doma otgojili. a veli on meni nisu. a velim ja njemu e onda lepo odi z biciklina dole i šeči se po groblju kak i saj drugi požteni svet. onda je dečec samo rekel dobro i zišel je z biciklina dole i dalje ga je lepo rival kak bog zapoveda. a veli mama meni em branko a kaj zajebavaž dečeca el ne vidiž da je on jož mali. a velim ja njoj je mama em se red mora znati a da se z biciklinima po groblju ne navaža. nek se jož zatera i nekome križa ftrgne il opane na lampaže i vužge se kak i deda ot davorice ono jemput na groblju. el vidiž kak sem ga lepo nafčil da se po groblju ne vozi na biciklinu nek se biciklin lepo rivlje. i ja se okrenol kaj pokažem mami kak dečec rivlje biciklina kadli imal ja kaj za videti. to je bila jena prava neverovatnoča al se je dečec nazaj vozil na biciklinu po groblju. e onda mi je mam pukel film i samo mi je v glavi zakipelo. e mislil sem si ja nebuž se ti z brankom poigraval nek te bum ja nafčil pameti. i samo sem se lepo otšuljal za jenu cimpresu i onda sem ga čekal jerbo sem znal da bu tu prešel. i tak sem se lepo nalukaval kake pravi indijanec i samo se ga očekival dok se kre mene prepelja. i kadli otjemput ja samo ugledal kak ide pravac na mene. i onda dok je došel blizo a ja samo zaskočil otzač cimprese i skočil pret njega i samo sem digel ruke v zrak i zavriščal sem kake pravi zombi i mrtvac dok ga z šarafcigerom potpičiž pot rebra kaj su se si ljudi na groblju okrenoli pravac utom prafcu. a dečec se je tak splašil kaj je mam z biciklina prek guvernala preletel pravac na beton. tak sem ja jako zavriščal kaj bi se i vrak splašil. a dečec je sigurno mislil da je čudo se spuztilo na zemlju i da su si mrtvaci počeli z grobov iti vun i njega napadati. samo se je naglo zdigel i prijel za lakt i tak je pobegel kak da ga cucki i to vučjaki naganjajo. i biciklina je ostavil i kapu i se. samo je otzujal kak eroplan. a ja sem samo zaviknol za njim esem ti rekel dečec da se z biciklinima po groblju ne navaža i točka uskličnik nebili ja dva put ponavljal jerbo je to jeno sveto mezto i gotovo. jerbo i tu decu mora nešče nafčiti pameti ak neče nišče drugi. onda je mama zgotovila svojega pozla i lepo smo došli doma. baž sem ju malo pre čaz nagovoril kaj mi speče diganoga kolača ot oreji i onda bum samo užival za ovo sesvecko vreme. pozdrav prijateljzki ot branka.
- 13:09 - Komentari (12) - Isprintaj - #

nedjelja, 16.10.2005.

lager

se je to jena velika jebada. čoveka dok ga krene onda ga baš i krene. nebili si ja pomislil sat kad sem sredil prikolicu da je gotovo zotim trožkom kat eto ti vraga pak on nigdar ne spi. ja sem se lepo vozil na svojemu traktoru i vrtel z volanom sim tam kak pravi maher i jož sem si i jene očale del na joči kaj mi mušice nepeju. a to su jene prave očale super specijal kaj mi je suzet jozip dal. a on jih je dobil na posebni poklon dok je fleksericu kupuval kaj mu nepeju špranje v joči. i imaju jenu gumilaztiku raztezljivu kaj ju zakvačiš za tintaru i nemreju ti opazti z glave pa ga baž z štale opanež naglafce. al je rekel jozip da mu se stekla rose pak jih je meni dal. a baž zna negdar biti i bedazt taj suzet jozip mada je sto fakulteti završil kat to opče nesu stekla nek plaztiga i gotovo. a meni dok se stekla orose ja samo zemem očale dole i lepo jim stekla obrišem zrukavom i pak su kaj nove. i tak se ja polako vozil kat ti otjemput samo nekaj počelo ružiti vu levom kotađu. i saci ja mizlim a kaj je sat to. el sem morti kakovoga mačka pregazil il štakora pak mi se je namotal na kotađ i sat nabija z zubmi po azvaltu. al ja stal a ono nikaj. i ja sel na traktor i pak se ja zateral kat pak počelo dumeti. i ja nebudi lud nego mam k majstoru. a dražen je pravi majztor jerbo on ima kombajna i gdagot mu se nekaj strga on si to sam slaže i onda ak zna složiti kombajna sigurno zna i traktora. i veli meni dražen je brankec tu nema druge nek ti je lager otišel. i meni je mam sinolo v glavu da so to one jedne kuglice kaj se okreču sim tam i to je lager. a veli meni draš al imaž sreču brankec taman imam jenoga takovoga lagera zviška. neje baž za tvoj traktor nek je za štoreja il kojega traktora slično al bumo mi to pripasali kaj bu to orginal. i tak je draš lepo zel kotača dole i malko je nabijal sim tam i prislagival a ja sem pil soka ot limone kaj mi ga je složil kak pravu limonadu kat otjemput ti on meni veli e brankec to bi bilo to. a velim ja njemu no draš kolko sem ti dužen. a veli on meni lager pluz posel pedezet kuni. i tak sem ja sel na traktor i lepo se zapeljal doma po novce a to se kotađ samo okretal kak da je na ringišpilju kaj su mi se suze išle na joči ot miline. i više neje nikaj dumelo. došel sem doma i velim ja mami mama lager se je na traktoru strgal al naj se nikaj starati veđ je to draž popravil i del je pravoga lagera orginal ot štoreja. a veli mama branko pak el si ti ponorel pak mi nemamo štoreja. a velim ja njoj no mama naj szrati glupozti nek ak je dražen to tak složil onda to tak mora i biti. a veli ona meni no se si to ti kriv kat se navek napeljavaž z tim traktorom i po grabami i kake luđak. al kaj ja morem kat je meni to lepo dok se traktor nadrocava i leti prek grab kake pravi avijon po zraku. samo kaj me posle malo rit boli ot takove zajebancije. al nema veze kat je uzbuđenje. a veli mama bož ti videl dok ti kotađ opane pak v grabu otletiž. a velim ja njoj no mama naj biti smežna nek lepo daj nofce kaj draženu za račun odnesem. a veli ona a kolko ti je računal. a velim ja njoj lager pluz posel sto kuni. a mama se je samo prijela za glavu i veli ona meni sto kuni brankina pak jesi ti ponorel. a velim ja njoj a kaj ti razmež mama kat je lager bil skoro kak novi i rekel je dražen ga ga bu dok i mene na ovoj kugli zemaljzki. i onda je mama dala sto kuni a ja sem pedezet dal drašu a jož pedezet mi bode denez za pivu vu gostijoni. e to bu fežta i pol dok ja i davorica krenemo u atmosferu. pozdrav prijateljzki ot branka.
- 14:38 - Komentari (6) - Isprintaj - #

srijeda, 05.10.2005.

moja prikolica stara

je moja je prikolica veđ stvarno stvarno jako stara. se so dezke sprle. lepo mi mama navek veli čujež brankec idemo narivati prikolicu na guvno kaj nebu stala na dežđu al se meni to navek neda nek bi ja neke druge stvari delal il gledel televiziju il preobrtal tetriza a ne kaj bi prikolicu narivaval po dvoru kaj si jož i mižiče raztegnem. ja si mizlim a kaj joj bode ak bu stala vani nek nikaj. pak joj nebudu valjda štakori gume zoglodali kat štakori niti nemaju takove zube nek su štakori jena jako odurna živina. a kat ono samo otjemput ja vidim da je se otižlo k vragu na prikolici i se mi se je prebilo v glavu. dožel je taj dan fčera i dezke su se sprle. fčera smo ja i mama išli po nekakva drva v grm i mama je spuzala na prikolicu a noga joj je samo prepala i onda nesmo išli nikam jerbo je mama bila jako splašena poradi te stvari i takovoga doživljaja. i ja sem onda skužil kak je moja prikolica stara i da bum moral pothitno dezke spremeniti. lepo zrušim jenoga boriđa il slično drevo ot približne kvalitete a davorica mi posudi motorku i lepo to otpeljam na pilanu i pilar mi jih lepo napilji i kupim šarafe i ja i davorica to začaz spremenimo jerbo se na takovoj prikolici viže nemre niti nikaj voziti a začaz bu došlo i kukuruzno branje pak mi sa kukuruza scuri po putu do doma a za kaj sem ju onda i sadil. pak nesem ja kune na azvaltu našel kaj bi se samo tak z kukuruzom nahitaval mada je za nikaj. meter kukuruze niti za sedamdezet kuni. što je to jož videl za nikaj kukuruzu dati. nek stoji v košu pa makar sprla i makar bum kuril z njom ja ju za te nofce nedam i točka uskličnik nek ju rađe svinje pojedu kaj jim se čerevo rezleti ot prežderavanja na sto strani sveta. a gorice sem lepo pobral vu nedelju jer smo vu subotu pri davorici brali a on ima čudaj više čokotov nek ja. lepo smo spekli rožtilja a deda ot davorice se je do poldan tak napil kaj ga je tata ot davorice otpeljal doma spat jerbo je par put tak zružil med trsje kaj je to bilo za novine poslikati. i sat samo čekam da zavri. bi moral iti prigledati morti veđ i je. i onda bumo pravoga možta pili. a jož tek dok dojde martinje i možta spretvori vu vino e to bu doživljaj. i dok bumo kostanje pekli. pozdrav sat ot mene prijateljzki nek idem delat.
- 09:11 - Komentari (3) - Isprintaj - #

<< Prethodni mjesec | Sljedeći mjesec >>