nedjelja, 29.08.2004.

stojadin

lepo pozdravljam. i kak smo zišli da znate davorica i ja denes to bog ni videl več leta. fčera sem došel k davorici i veli on meni brankec baž dobro kaj si došel jerbo sem taman k tebi krenul kaj ti nežt velim. onda sem mu rekel onda mi poveč sad jerbo kaj nepemo k meni sad kaj mi boš tam povedal. a veli davorica viš brankec nekaj sem si zamislil. a ja velim a kaj. bil sem fčera pri starome matožini i videl sem na vrtu pri njemu jednoga staroga stojadina žutoga i velim ja njemu čujež matožina jer bi ti meni štel toga stojadina prodati. a veli on bi štel al ti je strgan i nema akumulatora. i onda veli davorica da ga je pital kolko bi štel za njega a matožina je rekel daj pecto kuni i vozi si ga. a velim ja davorici u jebote pak to je skoro zabadav. i onda smo se ja i davorica dogovorili i skupili sašče nežt kuni i pravac k matožini po stojadina. dogovorili smo se kaj bi ga malko nekek popravili i poštelali i deli akumulatora vu njega i kaj se bumo po polju vozili i malko do goric kaj nepemo pežke. prikapčili smo ga za traktor i odvlekli k meni vu štagelj. mama je štela ponoreti i samo je kreščala a jel vam toga krampa treba tu staroga kaj nebum si po štaglju mogla prejti al sem joj rekel mama bolje biti bilo da čkomiž jerbo neznaž o kakovemi je tu stvarima reč. i tak smo malko po malko prislagivali, a davorica je fkral doma jenoga staroga akumulatora i malko smo ga pripunili i deli v nuter. jož je trebalo kojekakove šarafe malko pritegnuti a davorica je nekaj malko motora prisložil i ja sem z kompresorom od traktora gumije pripumpal i veli davorica brankec sat ili nikad. idemo ga vužgati pak da vidimo na čem smo. i davorica je del kljuđa i okrenol a stojadin je kurblal i kurblal i otjemput eto ti ga. kresnol je kakti da je ganc novi. z auspuva se je samo malko skadelo i dalje je bilo se vredu. i veli davorica jebemu brankec jož bi samo malko trebalo zavariti auspuva kaj nebu tak ružil al nema veze nek ruži kad nemamo švas aparada. još je samo davorica skočil doma kaj smo malko benzina prijelali vnuter al dok vidi tata od davorice da smo mu sega benzina od kosilice potrošili al bu vikal kak nora bežtija. i veli davorica sedaj brankec idemo ga sprobati a ak bu dobro išel onda zutra pemo diregt pravac do virja skočiti jerbo mi je rekel jen bratiđ da je bil v nedelju v jenoj gostijoni vu virju i da si je naručil jenu pivu a ova njemu dve dala i tak ak naručiž dve dobiž četiri. a velim ja njemu u jebate davorica to moramo iti jerbo toga nigdi nema kaj bi platil jenu pivu a dobil dve pak bumo se lepo pive napili. se zmislite kaj kupim jenu podravku a dve dobim al bi bil vesel. i tak smo seli v stojadina i celi se den pomalko navažali i prislagivali sim pa tam kaj je trebalo ovoga šarafa malko pritegnuti onoga malko i tak. a po noči smo malko i svetla sprobali i morem vam reči da svetle kaj da je den pravi pravcati pred nami bil. samo žmigavec desni ne žmiga al lepo sam rekel davorici ja samo spružim ruku kak na biciklinu i ovi za nami budu znali da na deznu stranu skrečemo. i onda smo lepo otižli spat. a ja predi nek sem zaspal sem ga išel jož malko stojadina priglenuti. tak ima lepu žutu boju kak jabuka žuta il bilo kaj drugo kaj na žuto pofarbaš kaj ga se čovek nemre nagledeti. i sel sem si za volan i malko sem motal levo dezno kaj da je asvalt pod menom i morem vam reči da sem se osečal kaj da sem pravi gozpon. a denes je vjutro došel davorica mam v zorju okraj šezt vur pol sedem i veli on meni idemo ga brankec jož malko sprobati. i tak smo seli vu njega i pravac prema šumi se zaputili. a veli davorica kaj mizliš brankec jer more ozamdeset potegnuti a velim ja njemu u jebate naj davorica tak brzo kaj se nebi zbljuval il kaj slično al davorica po gazu i stiskal stiskal a ona strelica na vuri taman devedezet pokazala. a auspuv je rondal kaj sem pomizlil da se bu saj razkapčil. a velim ja davorici naj tak brzo naj a veli on jož samo malko. i onda je samo otjemput prema nami nekakov zavoj nadišel i davorica je fletno moral levo skrenuti i on je zmotal i stojadin se pozmeknul po šodru i mi pravac prek grabe se nadrocnoli i auto je naskočil i vu oranje friško zleteli i stojadin na jenu pak na drugu stranu i na krof diregt se okrenuli. ja sem se z glavom vu steklo tak šubeknol kaj se pomizlil da mi glava čez steklo vun zbije. i sic se razkapčil i poklopil me je a stojadin je samo fcrkel. a veli davorica brankec jel si ti videl toga vraga. i onda smo se nekak skobeljali vun z auta al nam fala bogu nikome nižt neje bilo nek smo se samo natukli i zguljili. a stojadin je bil tak blaten kaj ga ni stari matožina više nebi prepoznal. onda smo brzo po traktora doma odbežali kaj smo auta na kotače obrnuli i odvlekli ga doma. mama j tak vikala kaj joj je pena niz zube siktala vun i nekakovu je botu prijela i oplela prvo mene al je bogme i davorica dobil dengu po leđima i fletno je odbežal doma. malko sem ga predi zval na telefon i rekel je nek se nižt ne staram da bumo stojadina popravili dok se situaciji malko sprimiri i da bu se v redu i samo nek pred njegovima nikaj ne govorim. al sem mu rekel meni je samo žal davorica kaj nepemo vu virje podvečer na pivu a rekel je davorica nek se nižt ni za to ne staram i da pemo pa makar z traktorom ak nikak drugač. e to jedva čekam. lepi pozdraf sada i idem čekat da vidim kak budu naši rukometaši pobedili v utakmici one švabe i to bu pravo veselje.
- 12:19 - Komentari (3) - Isprintaj - #

ponedjeljak, 23.08.2004.

bez ruk

denes se je taman pod mojim oblokom jen dečko kaj se zove nekak smežno jerbo mu se nigdar nemrem imena pravoga setiti nek ga si zoveju žorž. a on je denes dok je išel od meše tak se spotrl z biciklina kaj sem taman pomizlil da mu je kiđma načetvorički pukla. al tak mu bogmeč i treba jerbo se stalno prezerava kaj da je boga prijel za bradu i stalno se vozi bez ruk na biciklinu. a kupil si je nekakvoga biciklina monten bajka kaj ima prave prafcate amortizere pod sicom a to vam je jeden nafrkani feder na jeni štangi i onda dok naletiž na nekakovu grabu kaj je skopana na asfaltu il nekaj slično taj feder se lepo poztija stizne taman i razvleče poztija i onda te sic ne šubekne v jajca il kaj slično nek te samo malko lupi kaj skoro ni ne osetiž, i to je jena jako dobra stvar kaj ju je bogmeč i treba imati na biciklinu. al taj žorž se stalno prezerava z tim biciklinom i tak sem ja denes vjutro stal na ogradi i malko sem gledel na put gdi što kam ide i vidim ja v daljini kak ide žorž i kak se vozi na biciklinu bez ruk nego jih je samo sprekrižil i digel nosa kak da bu avijone žnjim upecaval il kaj slično. i tamn dok je dožel pred moju hižu ja sem zafučnol kak sem god mogel i naglo se prignol i skril za ogradu kaj me ne sprimeti a žorž se je obrnul na jenu pak na drugu stranu i guvernal mu se je zmotal i on naglavce poprek na azvalt opal kak je dugaček. i kak je širok. samo je zroškantalo. preklel je kaj bogme i nebom natipkaval kaj se neje i fletno se je zdigel kak strela i brzo prijel biciklina i skočil na njega i pravac naztavil dalje kaj ga nišče nebo videl kak se je spotepel. a čez prelo sem videl kak mu se je pedala sfrknola i čak mizlim da su mu i žbice dve napukle ak neso i tri morti. al tak mu i treba i to ga je bog kaznil kaj se je tak spotepel jerbo se bez ruk na biciklinu ne vozi i točka uskličnik i kaj se navek prezerava i laže stalno o kojekakovima bedaztočami i samo nekaj zmižlja i to ga je kaznil. sad idem spat. ni mi se treba vjutro rano zdiči jerbo si nizem namislil nikaj za delati nek bum malko gledel televizora i pem v dučan i tak dalje a mamu bum sikak probal nagovoriti kaj mi kakvoga kolača speče il diganoga z oreji jer sem si več strašno to zaželil. ajt bok.
- 00:41 - Komentari (1) - Isprintaj - #

petak, 20.08.2004.

dok je ono prasica ponorela

dok sem prošli put natipkaval kak smo cepali pri davorici i dok je dedu šubeknola cepanica po tikvanji onda sem se setil kak se je prasica pri mižkini isto tak kopitnola kak i deda dok je ono pomahnitala pak dok ju je lovec s kuglom f čelenku oplel. to je bilo pred jeno dve lete i taman je v zorju mižkina došel po mene i veli on meni čujež brankec ja ti denes imam kolinje pak jer bi mi štel pomoči malko prasicu pridržati dok ju bomo klali. a ja sem rekel a zakaj ne jerbo sem si mizlil posle bodo đigerice a meni so preveč fine. i tak ja k mižku a tam je več bil i suzet jozip i jož jeden suset kaj se zove boltina tižljarčev i mesar. šrauber. on neje ižel v školu za mesara nek se je privučal po selu gde je kome kaj trebalo zaklati. i veli meni mesar šrauber e baž smo tebe jož čekali brankec jerbo nam baž jeden takov treba kaj bu vuže držal a ja sem rekel onda dobro. i otišel je mesar v kotec i za njim mižkina kaj napeljaju prasici vuže na laloke i kaj ju zvlečeju vun skoca. malko je zacviljkavala al je šrauber povlekel a mižkina za rep i začaz su ju zvlekli vun. i veli meni šrauber sat ti branko primu vuže i samo vleči k sebi vleči i ne pužtaj vuže ni da ti bog zapovedi. i ja sem prijel vuže i napel a šrauber je zel sekiru i oplel prasicu po čelenki al z onom drugom stranom sekire i samo je sprekrižila z jočima i vrušila se na ledinu i legli su on i mižkina na nju a boltina ju je odzač prijel i veli mesar susedu jozipu sat mi ti samo dodaj hanđara i zataj čaz bu gotovo. i prijel je mesar noža i zapičil prasici ravno i pravac diregt pod vrat. tak je zacviljela kaj mi je je bilo bogme milo al sem mizlil ak mi sat bubnjiđi ne spucaju bogme nebudo nigdar. a veli suzet jozip jezte vidjeli kako se je sprimirila jerbo je izgubila puno krvi i sat je uginula do kraja. a veli šrauber je dečki bila je gotova jož mam dok sem ju fpičil jerbo je dobila pravac u srce. jož je malo šlajdrala z nogom po zemlji i onda se je sprimirila a veli šrauber gotova je brankec puzti vuže i zvadi joj ga z lalok i idemo si jenu ožtru spiti. bogme sem si mizlil nek se vrak igra nebum ja njoj sat nižt vuže zubov vadil vun kaj me jož ščapi za ruku i mam mi ju otgrizne i pogotne pak se bum viže kuraz na biciklinu vozil nek joj ga zvadim dok se vrnemo. i onda smo otišli f hižu spiti si sakoj jenu rakiju kaj ju onda pemo ofuriti. i tak je mižkina potočil i ni prešlo ni pet minut kat eto ti žena od mižkine dobežala kakje nora za nami i viče čudo se je dogodili ljudo čudo v prasicu je nekakov vrag zašel i beži po dvoru. a veli šrauber žena em naj cirkuse delati el si si i ti jenu ožtru spila pak imaž priviđenja. a ja poglenul čez oblok a kat tam imam ja kaj za videti. prasica beži po dvoru kak nora a čez zube joj samo nekakova pena crvena šuktala vun i z vužetom kaj sem joj oztavil na nosu lomantala po zraku. i zaviknem ja ljudi žena prav govori bežtija je ponorela i obnajra po dvorižtu. mi brže bolje svi trkac vun a mižkina se samo prijel z glavu. baba i žena od mižkine su mam zakljuđale vrata jerbo je baba počela narekati da su to nečizte sile vu prasicu zašle i da nebu dožla prasica po njih v hižu kaj vraga v njih napuzti. i onda opče nismo mogli v hižu nazaj. a veli suset jozip vidio sam ja dečki moji da je njoj premalo krvi izcurilo kroz ranu pa je sat dožla k sebi. šrauber se je fletno prijel za noža i pravac na prasicu a ona je to osetila da joj on pak oče zlo i pravac se zapičila na njega i nabila ga z njužkom f čerevo dok si rekel kekz kaj šrauber ni stigel ni noža zdiči. samo ga je othitila kak tresku v zrak kaj je šubeknol na beton kaj zavijona i lupil z glavom. i pravac na naz a mi brže bolje kut koji se saki na svoju stranu razbežali. boltina i mižkina su na šljivu spuzali a jozip na vrata od štaglja a ja sem kak zmaj fletno spuzal na stup od putne lese kaj sem mizlil da mi đoni na cipalama zgore kek sem šprindal. a prasica pravac na šljivu navalila kaj su ovi dva skoro popadali dole kak ruške z šljive dole. a jozip zaviknol branko beži kak te noge nose mam po lovca nek ju dojde onezpozobiti jerbo je prasica pomahnitala. a ja skočil stupa dole i pravac k lovcu. banul sem mu v hižu kak veter i velim ja njemu čujež lovec brzo zemi tu svoju tanđaru i kuglu čim deblješu kaj imaž i bež k mižkini jerbo mu je prasica pomahnitala i se jih zataj čaz pokolje i poždere huda bežtija. lovec je mam zel pušku i bež z menom nazaj. mižkina i boltina su narekali kak nori jerbo je prasica več požteno zdrmala šljivu kaj skoro da nisu pocureli a boltina je narekal decu moju samo mi decu pozdravite i ženu jer ja sem gotof. a veli meni lovec slušaj sat brenkec ti sad otpri vrata i prebegni po dvoru kaj te prasica ugleda i pravac bež k meni kaj pe ona za tebom kaj ju opletem z kuglom. a velim je njemu lovec el si se ti bokza najel il kaj. pa nizem lut jerbo me mam zakolje. onda je lovec rekel branko ti jih moraž spasiti jerbo to samo ti morež. i onda dok sem videl da mi nema druge sem se fletno prekrižil dvaput i pravac na prasicu se zalaufal i dok sem došel tak par metri do nje prikočil sem naglo kaj z kočnicom ručnom na obedve noge i viknol prasica el me čujež prasica primi mene ak me morež bežtija jena prokleta. a prasica nižt. i onda sem zel jenu letvu kaj je bila pri zidu i oplel ju po hrptu i trkac kak su me noge nosile brzo a ona za menom. hroptala mi je za leđima kak lokomotiva i ja brzo zbežal čez vrata a lovec jih zasunol i dok je to lupilo kaj sem pomizlil sat je gotovo jerbo vdere vrata. a lovec porinol cev čez rupu i opalil i pravac prasici v pol čela. samo se je kopitnola kak da ju je nešče batom klopil po glavi i mam je bilo se utaj čaz gotovo. znoj me je oblejal kak nigdar v životu a srce nabijalo kaj sem taman pomizlil da mi zbije čez rebrica vun pa ga bum naganjal po putu il kaj slično. nišče neje štel ni blizu k prasici prijti nek je samo lovec dožel do nje i rekel je dečki nemre ona više nikam ni da joj propelera na rit denete. mižkina je drftal kake šiba a veli boltina e da je jož samo jemput al znate kaj je jemput lupila vu šlivu ja bi skočil dole i zgolemi bi ju rukami zagutil. meni više neje bilo ni do đigeric ni do čega nek sem lepo otižel doma i pravac si malko prileči kaj dojdem k sebi. tak je to bilo z prasicom dok je pomahnitala i da bogda se ne ponovilo više nigdar uskličnik i pozdravljam.
- 21:38 - Komentari (3) - Isprintaj - #

utorak, 17.08.2004.

kak smo cepali

baš je sat malo prije crveni kriš otišel. dedu je od davorice otpeljal jerbo je imal nesreču i znesvestil se je. a negdi okraj pol deset drndeče telefon i ja se javim. a kat tam davorica. i veli on meni branko to sem ja davorica a velim ja a što bi drugi mogel biti kad govori baž isto kak i ti. i onda veli davorica ja sem za denes nakanil malko drevo koje precepati jerbo sem fčera onu agaciju kaj smo dopeljali šume na kratko z motorkom napiljil pa ak imaž čaz kaj mi malko pomoreš. a velim ja njemu pa davorica kak nebi imal čaz ionak nikaj nizem mizlil denes delati. i zel ja sekiru a ta je sekira prava samo da ju vidite kak je ožtra kaj britva i tu je sekiru vujec dok je bil mlad z auztrije donesel dok je jemput išel na eskurziju a na njoj piže made in germani i to znači da je sekira dožla z njemačke v auztriju jerbo ju je nešće valjda tam prepeljal. a to germani znači da je z njemačke dožla jerbo se na stranjskom jeziku tak veli za njemaču. to točno znam jerbo mi je tak suzet jozip rekel a on zna čudaj o takvemi stvarima i rekel je da nema na celomu svetu boljše sekire od z njemačke jerbo je to pravo rusko železo z kojega se delaju sekire pravac došlo z sibira a znate kak je tam zdeno kaj ljudi tam opče nemreju živeti nek samo oni beli medvedi kaj znaju biti na televiziji jerbo mi je rekel jozip da to sve nasnime tam vu sibiru i v rusiji. i tak sem ja okraj deset vur došel k davorici i njegva nam je mama spekla jajca špekom i paradajza narezala i onda smo popili jož svako dva gemišta i ajt cepat. i tak smo polako i cepali i velim ja davorici čujež al bumo cepali samo negdi do pol dva jer onda dudek počme na televiziji predstavljati pa dok prejde bumo cepali dalje, a veli davorica pak se razme da pemo glet dudeka jerbo je to naše gore lizt. a jeste samo čuli kak je dudek lepo otpjeval onu pjezmu o mleku kaj su mi skoro suze potekle na joči kak je predstavljal i to je meni jako drago dok tak i naši domači ljudi dojdu kaj se moreju videti na televiziji a ne samo oni medvedi sibira il slično. a dedi od davorice vrak opče neje dal mira nek je samo okraj nas shodaval i bil je stražno dosaden. stalno je govoril dečki to se tak dreva ne cepaju nek se tu po sredini treba lupiti kaj mam po pol pukne i jož kojekave bedaztoče i onda mu je davorica rekel deda naj se stalno motati okraj sekir al on nižt nek stalno okraj nas. i onda otjemput davorica zamanol sekirom da bu drevo presekel i sekira se nakak kvragu zmeknola i komad dreva se otkrnul i pravac direkt dedu f pol čelenke opizdil kak da ga je nešče nakormanil. samo je oztala na pol čela denga krvava a krf se je počela sceđati pravac po pol nosa i kapati na zemlju. deda je samo stal na meztu kak zakopan i poglenul je davoricu i rekel mu je šekret jeden šekrecki esi me baž moral i kopitnol se je na leđa kaj prasica mižkinina dok ju je lovec z kuglom f pol čela opizdil dok je ono pomahnitala, al to bum drugi put natipkal. davorica se je samo prijel za glavu i počel je narekati deda moj deda moj pak ja nisem nikaj krif nisem nikaj krif. a ja mizlim da bogmeč i nije bil jerbo smo mu lepo rekli nek se mekne odotud. majka od davorice je samo zbežala vun i fletno je prinesla krpu kaj smo ju zdenu vodu namočili i dedi je na čelenku prislanjala kaj dojde k sebi al on je samo ležal znesveščen i nikaj. dobežal je i jozip i rekel je da je deda žif jerbo ima pulza al situacija bogme baž i ni bila za smej. žena od jozipa je več bila pozvala crvenoga križa i dok su oni došli več je deda polako i počel k sebi dolaziti al je rekel doktor da bu z dedom se vredu al da mora iti na šivanje. i tak smo ga onda otpravili. davorica više nije mogel cepati jerbo je bil v šoku od događaja kak je rekel suzet jozip. onda smo si jož malko pojeli i popili kojega gemižta pa sem došel doma. malko mi je toporišče na sekiri napuklo i mizlim da bum to moral zmeniti pa pem sat malo z đekicom v divljinu kaj morti kakvoga dobroga komada dreva najdem. lepo pozdravljam sve skupa i kaj bi z dedom bilo se vredu jerbo je i zna biti preveč dozaden al mi ga je sat bormeč malko i žal. pozdrav.
- 16:23 - Komentari (13) - Isprintaj - #

subota, 14.08.2004.

kompijuter

ima vu mojoj vulici jen dečko kaj se zove zdrafko. on ima preveč lepoga biciklina al nizem mizlil zato o njemu natipkavati nek poradi drugih stvari. jerbo taj zdrafko bogmeč zna čudaj toga po kompijuterima natipkavati i baž bi štel i ja jeden dan to sve znati kaj i on zna. i onda sem ja denes otišel do njega i rekel sem mu. čujež zdrafko meni nekaj z mojim kompijuterom ne štima nek samo saki čaz nekaj zastajkiva i pak se zalaufava i tak kaj mi se je več na žifce popel. a veli meni zdrafko dobro bankec bum ja to poglenul o čemu se tu radi a ti samo donesi k meni kompijutera pa bum ja to posložil. i tak sem onda ja otižel doma i zažgal sem traktora i del postija kopijutera na prikolicu al sem bogme dobro pazil da mu slučajno nebi kakove žaruljice vnutri stepel il kaj. postija sem pripeljal traktora v zdrafkovo dvorišče a zdrafko se je prijel za glavu i veli pa brankec a kaj si to se dopeljal. a ja sem si mizlil pa kaj je sat njemu a lepo mi je rekel nek dopeljam kompijutera. a veli zdrafko pa kaj si dopeljel i taztaturu i miža i televizora jerbo toga ni treba nek samo mu je treba ona kutija bila. a velim je njemu čujež zdrafko bi se ti malko zajebal jerbo meni vu televizoru zastajkiva slika pak je morti v njemu kakov kvar. onda je zdrafko zel tu kutiju i prikopčal je na nju svoju taztaturu i miža jerbo je imal točno takvu kaj je sako slovo bilo taman na iztome mestu kak i na mojoj. al mu je miž bil drukčiji jerbo je imal nekakovo malo maljišno svetlo pod sebom kaj je na crveno svetlilo i rekel je zdrafko da to sveltlo preokreče onu strelicu kaj na televizoru kaj se zove monitor il nekak slično pozkakiva levo dezno dok po mišu kaj mrdaš z prstima. onda si je zdrafko sel za kompijuter i nežt je natipkaval i prčkal tak jenu vuru i veli etoga brankec gotovo je. dok sem ga pital v čemu je bil kvar rekel je da mu je samo moral dizke ščiztiti. bogme nisem znal da i toga ima v kompijuteru jerbo sem ga onda mogel taman otpeljati i k onome majztoru kaj mi je dizke na kotaču od traktora menjal prožlo leto pak bi mi jih on ščiztil. a me je zdrafko lepo zeznul jerbo dok sem dožel doma sem videl da na tetrizu nema više mojega rekorta a napravil sem bil prek dve hiljade al je zdrafko i to sve ščiztil. onda dok je to meni prisložil mi je pokazal kakovoga on ima kompijutera. dok ga je vužgal kat eto ti čudesa. samo nekakovo steklo ima na sebi i vnutra tak lepa svetla kaj na plavo trešče kaj te joči skoro zabole. al vam morem reči da je to preveč lepo. dok sem dožel doma ja sem mam zel fleksericu i zrezal sem i ja svojega kompijutera i onda sem našel tamam takov komad stekla i z silikonom sem ga zakeljil a vnuter sem del jenu žarulju kaj sem zel z luztera v maminoj sobi jerbo ona ima one menše žaruljice i ofarbal sem ju na zeleno z lakom. i speljal sem grlo i kabla i sat lepo samo užtekam vu utikač i žaruljica preveč lepo svetli i se se vidi vnutri kak se onaj propeler okreče al jož samo moram su prašinu spobrizati jerbo je ima za jen kamijon. i dok davorica vidi kak ta žaruljica vnutri svetli kaj se bu čudil kak picek glizti. pozdrav svima prijateljski uskličnik
- 18:46 - Komentari (6) - Isprintaj - #

srijeda, 11.08.2004.

kabel produžni

ak denes nesem otišel na onaj svet ja više opče neznam gda bom otišel. al sem imal bogme pravu luđačku sreču kaj sem oztal žif i još ni sat nemrem dojti k sebi. taman sem negdi okraj pol tri tri bil gotov z runjenjem i reko idem malko našrotati kaj bu mama imala za piceke. i zemem ja tak kabla produžnoga kaj prikopčam čekičara i otidem do štekera i lepo to se onak po stručno prisložim i idem polako k čekičaru a kat tam vidim nežt ne štima z kablom i ja se prignem i primem za kabel a kat tam dok je to mene zdrmalo kaj sem pomizlil taman da mi laloka otpane na meztu. samo mi je nekakova sila v telo šubeknola kaj mi je i mozak stal v istome momentu funkcijonerati izpravno i samo me je otjemput steplo onak znenada kaj se čovek nebi ni v snu nadal i othitila me ta elektrika tri metra od sebe il čak morti i jož više. nizem mogel opče dojti k sebi i svatiti kaj se je dogodilo. nek sem se nekak onak pomalko pridigel i idem ja glet a kaj je to. pomalko sem se prišuljal do kabla da me kaj opet ne znenadi a kat tam imam ja kaj za videti. z kabla je jena mala mala žičička zbila vun i štrčala je a ja sem se taman za nju bil vlovi. a okolo toga samo nekaj zgriženo i zubi se na kablu poznaju. meni opče nije to bilo nikak jazno kaj je to moglo zgristi kabla tak kaj je mam struja v punom šusu zbijala z njega vun. otišel sem fletno do štekera i z botom sem povlekel kabla jerbo znam da prek dreva struja neče prahađati i zato su i elektraži pometali bandere kaj nebi struja od žic v zemlju zbijala nek drvene bandere sve to sprečavaju inače si nemrem ni zamisliti kak bi to bilo da struja prek banderi v zemlju zbija i kak bi opče i hodali po svetu. nek bi valjda morali jako debele đone noziti na cipelišima jerbo ni prek gumije struje neče zbijati i to jako dobro znam. i tu pogovora nema. i dok sem ščupal produžnjaka z štekera mam sem znal da mi sat struja nemre nikaj. al što se jemput speče na peč ili rolj il več kaj kaj je vruče onda vele ljudi da taj i na vruče puše i onda sem tak i ja nizem bil baž preveč siguren jel bi se jož kakova struja mogla zastrnuti v tom kablu pa sem onda vlovil mačka jenoga kaj stalno po nešemu dvoru miše zaterava i hitil sem ga pravac na tu žicu kaj je zbijala z kabla vun al ga nižt nije steplo nek je samo naztavil po svojemu pozlu poztupati. e onda sem zel kabla v ruke i da vidim kaj je sat to. saj je kabel bil zgrižen z nekakovemi mali zubima kak od maloga cucka il slično. ni mi nikaj bilo jazno jerbo ja maloga cucka nemam a đekica takovu situaciju nebi napravil ni u snu jerbo je to preveč pametni i dobri cucek i za njega bi mogel deti i przte v jogenj da to on neje napravil. nek sem onda zel izolirku i lepo sem te se žičice obmotal i se po stručno prisložil al bogme našrotal nizem jerbo mi je sega več bilo prek glave nek sem si otižel malko prileči kaj dojdem k sebi. pozdravljam.
- 00:05 - Komentari (3) - Isprintaj - #

subota, 07.08.2004.

nikaj

lepo sem natrežčen i nemrem viže nikaj napizati i samo nek se zna da sem ja sad dožel doma i oztalo. mama mi nije nikaj rekla nek spi kak gluvo svinjče. davorica je opal v grabu od boltine tižljarčevoga al je bila puna gnjojnice a kak je to sve bilo bum natipkal veđ zutra ak bum imal čaz. al morti bi bilo i bolje da se to nezna. morem si samo zamizliti kak je bilo dok je dožel doma al je smrdel kak da se je f kocu igral skrivača. sat idem lepo spat jerbo mi ni baž biztro pred jočima. al samo tak malo da se javim kaj nebi nešče morti pomizlil da sem vmrl il neztal il kaj slično. lepi pozdraf i sima laka noč i uskličnik. pozdravljam. branko.
- 02:47 - Komentari (4) - Isprintaj - #

utorak, 03.08.2004.

čmele

taman je fčera dožel davorica po mene i veli on meni brankec kaj delaž. a velim ja pa nikaj jerbo nisem nižt ni delal nego sem baž malko jabučare jel kaj je mama spekla jerbo se je malko zdobrovoljila v zadnje vreme i više ne zaiskava kak prije nek su joj se i živci malo sprimirili pak ne obnajra više. nek smem biti i za kompijuterom i se. al baž više nemam volje ni za kompijuterom biti jerbo mi je onaj tetriz bogme več i dozadil i neznam kaj bi drugo delal. i jedva čekam da dojde onaj moj pajdaš z njemačke kaj mi je poklonil kompijutera jerbo mi je v emajlu napizal da mi bu i čudaj toga raznorazni igric donezel. i veli meni davorica čujež branko jer bi štel z menom v grm otiti kaj bi par agaciji zrušili. a ja sem rekel pa zakaj nebi išel i tak smo i otišli. al dok sem videl dedu od davorice na prikolici mam mi je bilo pol pet i velim ja davorici pa kaj si davorica zel dedu z nama samo nam bu zadeval jerbo nit vidi dobro niti čuje više dobro ikaj. a veli davorica me nek ide jerbo je več sima doma se popel na vrh glave pa nam nekaj i pomogne agaciju vleči il nekaj. i tak smo dožli v grm i davorica zeme štilovku i kresne on nju i bogme smo zružili tri dreva zataj čaz. davorica je to malko prepilil na meter a ja i deda smo vlekli k prikolici i taman dok je štel davorica jož jenu agaciju vrušiti a kat tam motorka malo zabrembala i krepa. a veli davorica no dečki ni to nikaj nek je bez benzina ostala dodaj mi branko tu z prikolice cekera v čemu je benzin i ulje. a ja na prikolicu a kat tam nema cekera. a velim ja davorica pa tu ti nije nikakov ceker a veli davorica pa kak neje deda gde je ceker. a veli deda pak si mi rekel davorica nek ga denem na prikolicu a veli davorica no i gdi je onda a deda se lupil šakom v glavu i veli pa del sem ga na onu drugu prikolicu na gumenjak. onda je davorica načistam poludel i veli deda pa jezi ti ponorel il te je vručina v glavu šubeknola il kaj pa kak bi ižli z gumenjakom v šumu po drevo. a veli deda je a kaj sem ja to znal. a velim ja deda pa kak se nesi setil da je ceker na gumenjaku dok si si sel na ovu prikolicu. a veli deda no brankec pa gdi bi se to setil kad mi je davorica pred pol vure prije rekel nak pripravim benzina. je veli davorica kaj sat, bumo nahitali to gore i kolko ga ima da ga ima i idemo doma. i tak smo polako prinašali metrenjake k prikolici sim i tam kad ti odjemput počne deda vikati kaj da ga nešče kolje. samo je vikal pomoč ljudi pomoč bodu me sega zopklale a ja pogledal dole v jarek a deda od davorice stal v ozinjak i se čmele diregt i pravac na njega. a deda počel lamantati z rukami i se prek glave i vikati davorica moj davorica spazi me da me ne zakolju spazi me i diregt pravac se k davorici zalaufal a davorica počel vikati deda jezi lud nejdi k meni nejdi k meni i trkac brzo na drugu stranu od dede. bogme si nisem mogel ni pomizliti da bi stari ljudi mogli tak brzo bežati. deda je špural kak da mu je nešče feferonku ljutu v rit porinol al kak se veli da vrak v sili i muve koše tak je bilo i z dedom. a davorica na drugu stranu i pred njim bežal kak su ga noge nosile nabrzo. bogme je bilo to fezt opazno morem vam reči kak su ga silne čmele napale kak god je bilo smežno. al ja mu bogme nizem mogel nikak pomoči. onda sem se nabrzinu setil kak da mi je mozak odjemput predelal i viknem ja dedi deda samo otjemput naglo prikoči kaj te prelete. i deda zabrenzal al vraga i se čmele na njega. i onda je pak počel bežati po šumi kak da je zobnorel i tak je bogme al da vam ne preterivam jeno pet minut brat bratu potrkaval sim tam i onda je otjemput nekakovu grabu z nekakvom crnom vodom primetil nabrzinu i legel si v nju. i tak su se čmele i razišle. al dok se je digel bil je bogme tak blaten kaj ga skoro nesmo ni prepoznali. da je bil nešče drugi a ne deda od davorice bogme ga ni nebi prepoznali. bil je blaten kak krmača od stare katene dok pobegne naput i legne si v mižkininu gnjojnicu. onda smo nabrzinu seli na traktor i na prikolicu i pravac se zaputili doma da se čmele slučajno i ne vrnu. a ja pitam dedu a kam su te fpičile al sem bogme moral sedeti na drugom kraju prikolice kak je smrdel. a veli deda viž branko jena me je tu pod lakt a druga sim za vuvo dok sem bežal al onda dok si mi ti vikal nek stanem kaj me prelete onda su navaljile na mene i onda me je još bar pet šest fpičilo tu za vrat i po rukami jerbo kaj si mi opče vikal nek stanem. a velim ja dedi, je jebež ga deda dok si stal trebal si naglo čučnoti kaj bi te čmele zgubile z vida i samo produžile pravac a ti bi oztal. al me neje štel više nižt služati kak je bil srdit na mene. doma smo mu nametali zdene krpe na to gdi su ga čmele opklale pa se je malko zdobrovoljil. al ja jož denes nepem k davorici dok deda to malko ne zabi. zato sad idem malko k mižkini teloka priglenuti jer kaj narazel i malko se pem z đekicom prešetati kaj mi nebu dozadno. pozdrav prijateljski sima skupa.
- 16:48 - Komentari (11) - Isprintaj - #

<< Prethodni mjesec | Sljedeći mjesec >>

Blog.hr koristi kolačiće za pružanje boljeg korisničkog iskustva. Postavke kolačića mogu se kontrolirati i konfigurirati u vašem web pregledniku. Više o kolačićima možete pročitati ovdje. Nastavkom pregleda web stranice Blog.hr slažete se s korištenjem kolačića. Za nastavak pregleda i korištenja web stranice Blog.hr kliknite na gumb "Slažem se".Slažem se