četvrtak, 29.07.2004.

teljenje

taman ovu noč dok sem legel spat negdi okraj dve vure odjemput dok sem baž onak najlepše zadremal neki vrak nabija po obloku kaj da mu hiža gori il štagelj da se je vužgal il kaj več. štala z marvom. i ja si mizlim pa kaj je sat. a još sem bil i onak vmorjen jerbo sem do pol dve natipkaval kak je bilo ona dva dana i noči. i ja brže bolje na oblok i porinol roletlina k putu a kat tam nešče počel zapomagati branko konj te oplet hurmasti pa jezi ti ponorel a kat tam to suzet mižko. a ja opče nizem znal da mi je mama na oblok nametala nekakove pečnjake z cvečem nekakovim roznim kak pik panter onaj z repom z televizije i kak sem ja porinol roletlina i pečnjake i se na mižka direkt i sa se zemlja po njemu raztepla. a ja ga pitam pa kaj je mižko kaj mi nabijaš po obloku pa jel znaž kolko je vur. a veli mižko pa branko jesi ti lut il kaj jer sem ti rekel da dojem pote dok mi se bu krava telila. onda sem mu rekel pa znam da si mi rekel da dojdež pa onda i dojdi dok se bu telila. a veli mižko branko pa strela te vudrila pa sat se teli brzo se obači i ajt k meni. ja brže bolje navlekel čižme gumijene na noge i lače nekakove navlekel i pravac k mižku štalu. več su bili tam suzet jozip i još jen čovek kaj se je taman zgoric vračal pa su ga zastrnoli na putu, štef boltičin od stare bože kaj joj je pičpur z traktorom prek noge prešel pred jeno dve lete pa sad pošepava. a ja velim mižko pa di ti je veterinar. a veli suzet jozip branko pa štače nam veterinar ja ču otelit tu kravicu. i digne jozip repa od krave i diregt joj celu ruku v rit porine. a veli štef jozip pazi kaj vnuter ne prepaneš. a veli jozip štef jer si pijan pa nemoj bit nepriztojan nek nešta nam pomogni. al je štef bil bogme fezt nakresan i stalno je nežt podjebaval kaj je i meni se več popel na žifce. rekel mi je branko čul sem da si si novo zrcalo kupil zato i imaž tak lepu frizuru. točno sem znal da me to zajebava kaj smo zrcalo birtiji razbili jer nizem ja baž tak bedazt kaj to nebi skužil. mižko je bil sav zvetren i ni bil za nikaj jerbo je bil v velikome straju da kaj ne ode k vragu i po zlu krene. i još je i luda baba od mižkine donezla ona svoja stekla v štalu kaj naz bu risala i onda mi je mam prekipelo do kraja. al sem čkomel i delal svojega pozla. jozip je taman vuža povezal i rekel je branko drži uže i dok ti velim povuci onda vleči. a za drugo vuže je štef držal. i veli jozip dečki sat povucite dečki. i mi vuprli i zataj čaz eto ti maloga teloka pred nami. al kak je štef jako vlekel nekak su mu se ruke posmeknule i on na leđa opal kak ruška i taman v onaj kanal v štali kud pišača kravlja i dreki idu. ja sem se tak počel smejati kaj me jož i sad čerevo boli kaj da sem mesec dana staroga parizera pojel. a jozip je brzo pokril teloka slamom i rekel je dečki samo nemojte dopuztiti kravi da si legne nek mora stati. a velim ja jozipu pa nek si štef stane pred kravu i nek joj pune par put v lampe pa da vidiž kak se bu zdigla. a štef mam sel na biciklina i zbrisal doma kaj si neje stigel ni rakije gotnoti al je zato baba jeno šest štampljinov strusila. ja sem strusil jenu na brzinu i mam spat jer sem več bil tak vmorjen kaj nikam nesem mogel. a denes dok sem se zbudil mam sem išel teloka malko pogledati. tak je lep kak slika i milni kaj čudo. malko sem se igral z njim i dragal ga al nisem štel ostati preveč dugo jerbo me je krava nekak čudno spod joka gledela pa sem se bojal da me ne nabije na roge il da me ne rukne zadnjemi nogami kaj nebum znal zase. to je zato kaj se boji da joj ja nebi njeno mladunče zel. veli jozip da mi nebi nižt al ko zna kaj se njoj po glavi mota jerbo z kravami v današnje vreme baž i ni tak sigurno jerbo sem čul da jih je par negde prije i poludelo tam negdi v englezki il drugde. to je daleko od nas al ni baž prek sveta. baba mi je pokazala kak nas je narisala na steklu. i se se lepo vidi kak štef v drekima leži i mižkina kak se za glavu drži i jozip kak teloka slamom pokriva. jož je baba i sebe narisala kak sedi na stolčičku i kak vleče po steklu. i pol krave se vidi. al zadnja strana, ona od repa. samo je mene narisala z tak velikim nosom kaj sem se jedva prepoznal i to kad sem imal zelene čižme gumijene drugač nebi ni znal da sem to ja. al to valjda zato kad je mene nadorisavala tek pozle dok se rakije nacugala. tak ak bi slučajno nešče tu sliku negdi i videl kaj bute znali da ja za prav tak velikoga nosa opče nemam uskličnik pozdravljam i laku noč.
- 23:00 - Komentari (11) - Isprintaj - #

dva dana i noči

nesmem nikam. ni za kompijuterom nesmem sedeti ni nikam iti mama je ponorela načisto. al sem glupozt napravil kaj je to je, to priznam al baž nije to takovo čudo. rekla je mama da ak sednem za kompijuter da ga zritne shiže vun čez oblok i ak kam otidem da bu izto to napravila. f petek sem napravil bedaztoču al baž me briga. ja zutra pem f selo niti da me z lanci što priveže ja bi jih strgal i otižel. f petek sem del sto kuni v žep i otižel k davorici i reko idemo davorica f selo i mi diregt pravac v birtiju. a davorica je isto imal fest penez jerbo je rekel dedi daj mi deda dvajst kuni za kokakolu a deda čoraf se bolje i bolje i dal mu za prav sto kuni mesto dvajst. pital me je el da mu velim da se je zajebal a ja mu velim davorica pak se nesi boksa najel. i tak smo zeli kune i v birtiju. a več sem vam bil napizal da je dožla jena nova konobarica i bogmeč je i pravi komad i to komad i pol. a bogme je i davorici zapela za joko. i mi tak okraj nje sim tam. a pili smo pivu i još nekaj. rekel je davorica da tam v ameriki piju pivu i onda si preseču z nekakovim štokom. a taj je štok bogmeč skup kak suvo zlato. dobiž ga malo vu čašici po przt i samo nagnež i ode osam kuni a za to dobiž pana i jož ti kuna ostane. i tak smo si mi onda naručivali pivu i štoka odjemput. bogmeč si nemrete ni zamisliti kak to odjemput tak šupi čoveka taj štok kaj nikam nemre. i negdi okraj dve tri vure na ranje veli meni davorica čujež branko ja sem se kune potrošil a ja velim i ja izto. a baž nam je bilo lepo i nije nam se ižlo doma. jerbo se je skoro več saj sve razišel samo smo oztali ja i davorica i ta konobarica kaj se marta zove. i onda smo ju malo tak navlačili i sim tam i velim ja davorici čujež davorica ja bi nekaj jož pil i sat idem doma po nofce kaj si jož nekaj popijemo. dok sem dožel doma mama je mizlila da sem dožel za stalno a ja zel još dvesto kuni i čez oblok skočil vun i natrak v birtiju. dok sem se vrnul a veli marta dečki jož vam dam jenu pijaču i moram zaprti jerbo dojde jena prijateljica po mene kaj me bu vozila doma. i onda je davorica načistam ponorel i rekel je nikam ti nepež dok mi imamo nofce i prijel je flašu od pive i diregt pod noge marti. i onda je dožla ta prijateljica od marte kaj se vezna zove i kaj bi malo primirili davoricu veli marta dečki sat pete z nami v auto i idemo nekam dalje se zabavljat. a ta vezna ima na jenom jezeru kaj se zove čingi lingi jenu vikndicu i onda je rekla da idemo tam. a to vam je jeno jezero kaj se na njemu more i kupati i plivati i ribe pecati al je naspram mora malo kak moja putna graba dok malo kiše opane al malko ipak veče. a davorica nije štel otiti z birtije dok nizmo zeli jenu gajbu pive i onda smo ju zeli i rekla je marta da zutra ju kupimo v dučanu i vrnemo. i tak smo mi otižli tam i pili smo si skupa tu gajbu pive i več je i naranje došlo a ja velim ljudi pa mene mama bu vmorila dok se vrnem. al je rekla marta pa nepemo nikam otud do četri popoldan dok ja opet moram iti delat. i onda smo zaspali negdi okraj deset naranje al se baž i ne sečam i spali do tri i onda naz je marta zbudila i išli smo doma. al davorica nije štel iti doma jer je rekel da pemo ponoči dok njegvi starci zaspe kaj ga stari ne zmaže z lačnjakom il čim več. i onda smo i dalje ostali tak v birtiji i pomalo pili. i odjemput skoro več pred ranje je davorica ponorel jerbo ga je več fezt šupilo i spuzal je na stol i samo je počel razbijati i hitil je flašu v zrcalo kaj se je rastreščalo na sto komadi. i onda smo pobegli. doma. dok sem došel doma mama je počela vikati kaj da je ponorela gde si norc jeden nori dva te dana i noči nema doma pijanec jen i ništ koristi dabog da ti ta piva mozga poždere i još kojekakve bedaztoče kaj nisu za pizati. a ja sem joj rekel mama pa esi ti luda el ne vidiž da ja nisem nižt ama baš nižt pil. i još je drugi den došel čovek taj kaj ima birtiju i rekel je mami da smo razbili zrcalo i morala je dati pedeset kuni i onda je načistam poludela i ja sad više nikam nesmem ni za kompijuterom sedeti ni nižt nek sem tek sad dok je malko zaspala uzpel ovo natipkati. a davoricu je stari tak zmazal kaj su mu denge plave oztale jerbo davorica nije mogel nikam pobeči kad je bil kak konj pijani. laku noč i pozdravljam i najte nižt zameriti.
- 01:15 - Komentari (7) - Isprintaj - #

četvrtak, 22.07.2004.

frcko

baš je celi den takova vručina i sparina kaj ni cucki neču z kučice ziti van. ja neznam kam to ide taj svet i to se kaj takva omama vlada nek mesto da malko opane kiše kaj bi se to se malo sprimirilo. baž sem se sad setil kak smo bili na moru dok smo zidali onu vikendicu i kak je i tam bila ista takva vručina a morti jož i vekša. znoj je curel z nas kak da drava teče. samo je kapalo. i si smo bili tak srditi jerbo martin opče neje štel ni pet minut stati nek je samo šibal dalje jerbo je rekel da ko je bečar po noči da mora biti i po danu. nije nam štel ni jenu pižpauzu dopuztiti ni nikaj. frcko je samo spuaval i javkal kak mu je težko i kak nikam nemre. i pod milim bogom nije skoro pa nikaj delal nek se je samo na lopatu prislanjal. i tak odjemput ja vozim tačke i čujem kak je nekaj zroškantalo i kak martin nekaj viče. ja brže bolje spuztil tačke i pravac u tom pravcu krenem. a kat ono imam kaj za videti. kak se je frcko prislanjal na lopatu tak je polako nekak zadremal na lopati i lopata se je odjemput pozmeknula nekak i frcko diregt na nos i z deke opal na beton i na nekakove kante kaj su tam bile. saj se je spotrl i zguljil i mam je bil znesveščen. martin se je strašno spalšil da se frcko neje vmoril al je dobežal lepi i prijel ga je za ruku i veli lepi ima pulza dečki najte se nižt starati. ja sem fletno prinesel jenu kantu zdene vode i oprčil mu ju na glavu kaj je malko dožel k sebi. mam je moral iti v ambulantu. doktorica ga je sega zobmotala kak mumiju i rekla mu je nek mora biti malo na miru. martin je bil načistam lud jerbo nam frcko više nije mogel nikaj pomagati nek se je samo zležaval i jafkal. onda smo si morali još više vuprti kaj napravimo to v roku i kak se spada. pozdravljam i idem nekam pod šlauf zdenom vodom kaj se malko razbistrim. moram vam još reči al v poverenju da je mama tak žifčana kaj da je nora al to isto valjda od te vručine. rekel sem joj nek mi speče malo jabučari al izgleda da nikaj od toga. pem zato posle na jenu zdenu pivu vu birtiju. a rekel je suset mižko da je i nekava nova konobarica došla i da je bogmeč pravi komat pa da i to čudo vidim. pozdravljam.
- 17:24 - Komentari (9) - Isprintaj - #

srijeda, 21.07.2004.

kombajneranje

fčera sem kombajneral i to jož kak. tak kaj se opče nebi mogel toga ni zmisliti. mama je dobežala f hižu taman dok sem nekakova rebrica oglabal i zaviknola je kaj sem pomizlil da mi vuva zbije branko mam bež na mekotu jerbo je dražen prešel z kombajnom i mam moraž leteti tam kaj ga zaskočiš nek nam skombajnera. ja sem brže bolje potepel ta rebrica do kraja trkac na biciklin i na mekotu. je a kat tam eto ti vraga. dražen je kombajneral al su tam več bili štef od babe fičkačeve i stari joža međaš od davorice. u jebate jesem si pomizlil taman su ga več zakaparili i sat sem zakesnil jerbo je za jenu vuru noč i nikaj više od kombajneranja. prislonil sem biciklina na orej nakakov i pravac diregt k njima. onda sem jih pital dečki jer kombajnera dražen. a oni su rekli eto branko kombajnera. onak sem se skrajca mudro popitkival da izvidim situaciju kakva je. onda sem jih pital jel jož puno ima za skombajnerati. a veli štef pa jer si slep kat ne vidiž za dezet minut je gotof. onda sem rekel je onda ga idem priupitati jer bi mogel sat meni skombajnerati a veli joža nepež ga ti nikaj pitati jerbo on sat ide meni kombajnerat. a štef se okrene kak zmaj i na jožu navalil. kaj si rekel joža kaj si to rekel kam pe sat kombajnerat. a veli joža pa k meni a kam bi drugam išel. a veli štef naj se joža z menom igrati ja te sat zaskočim i mam ti z glavom ofrknem. ja sem ga prvi pitali i pe k meni. i tak jeden na drugoga navalili kak pevci. a veli joža ja sem došel tu i tebe nije bilo i lepo sem skočil na kombajn i pital ga i rekel je da pe k meni. nesi ti nikaj prvi došel ja sem došel prvi jerbo sem samo na dve minute otišel pižat i ja sem prvi došel. je veli joža ko ti je kriv kat si išel pižat kat sem onda ja prvi došel. a štef očene granu jenu od bezga i pravac na jožu. tak ga je oplel po plečki kaj sem pomizlil da bumo morali mam crvenoga križa zvati. a joža se digne i na njega i otkuturali su se skroz v jarek i jeden po drugome šakami. a ja skočil na kombajn i velim draženu draž jer pež sat k meni skombajnerati jerbo ja imam samo jenu ral i kupil sem gajbu zdene podrafke i več čeka frižideru. a veli draž pa onda more branko jerbo sem zžeđal kakje vapno jerbo je taman bil gotof. ja skočil z kombajna i na bicikel a štef i joža dok su skužili da draž ide meni kombajnerat pravac na mene. još je joža zel onu istu granu kaj me oplete a ja trk pod noge i pravac k biciklinu. dok sem ga zaskočil kaj sem mislil da štanga pukne i dok sem ga zakurblal samo je prašina ostala zamenom. a bogme nesu mogli tak bežati nek su samo vikali dok te mi primemo sa ti vuva ščešemo balavec jen balavi da te strela božja lupila i još kojekakve gluposti dogot sem jih čul. i draž na mekotu a ja na traktor i zakapčil prikolicu i na mekotu za njim. vusput sem dučanu kupil gajbu podrafke zdene i hitil ju na prikolicu. đraž je to skombajneral zataj čas i mi pivu jenu pivu drugu i jož je i jen drašov pajdaž naišel i tak smo celu gajbu začas spili. draš se je tak nalejal kaj je jedva stal jerbo je on kak čačkalica mršav i mam ga šupi dok pet šest pivi spije. onda smo ga nekak narivali na kombajn i sašče na svoju stranu. morem vem reči da sem jedva nekak napeljal prikolicu f štagelj jerbo sem bil zmrcvarjen od te silne vručine i pritiska. bil sem malo denes pri davorici a on mi je rekel da je bil v goricami i da mu je joža rekel da dok me vidi da mi bu sa vuva ščejal. a baž se ga ja bojim morete si zmisliti. rekel sem davorici reči ti njemu dok ga vidiž da se ja vrapcov bojim da bi pračku sebom nozil. i kamenje. i jož mi je davorica rekel da draš denes opče nikom neje išel kombajnerat jerbo se je fčera po noči vračal doma i dok je v dvor napeljaval da je betonskoga stupa ftrgel i nešt si na kombajnu pošemeril i da celi den slaže. eto baž sem pravo vreme potrefil kombajneranje jerbo da fčera nesem skombajneral bogmeč nebi ni denes kat se je kombajn strgal. lepi pozdrav. sima skupa.
- 17:59 - Komentari (4) - Isprintaj - #

nedjelja, 18.07.2004.

dok se setim

dok smo ono išli na pijaču z onim žemskama kaj smo z njima igrali se z loptom isto je bila nedelja baš kak i denes. lepi se je tak nebigecal kaj ga nebi ni mati rođena sprepoznala. al njegova mati. del si je pol kile one maščobe na lasi kaj su mu se svetlili kaj cirkveni torenj. pol vure se je brijal. i onda se je nažprical z kojekavimi bedaztočami kaj čovek nebi moge stati kraj njega. ja da se s tim tak našpricam jebo mi konj putnu lezu i tarabe ak se nebi pravac vrušil diregt na zemlju dok si rekel kekz. a veli meni lepi no branko zemi si ti malo briljamtima i deni si na lasi. onda sem mu rekel lepi kaj si se bokza najel jerbo meni to ne treba i te glupozti kaj si nebum mogel mesec dana lasi oprati. a veli tomo lepi a meni nebi dal malo. a veli lepi tomo tebi nebi dve tone toga pomoglo da se okupaž ftome. ni tri plaztične operacije. točno je tak rekel mada mi to baž i nije preveč jazno. onda je tomo samo na to rekel popuži miga. okraj devet vur smo došli smo v jenu birtiju kaj se zove kafič i one su več bile tam. lenka mi je mam manula z rukom i pozvala me kaj si kraj nje sednem. onda je došel kelner i šulca je nosil kak stari dedek do gležnja pak sem ga pital da kaj to nosi a on je rekel da tak mora i pital me je kaj bum pil. rekel sem mu donesi mi jenoga pana a veli on to ne držimo onda sem mu rekel onda more jena podrafka al nek bu zdena al je rekel ne držimo ni to. onda sem rekel lepomu lepi jesi me lepo najebal f kakovu si me to birtiju dopeljal kaj ni pive nemaju. onda sem rekel kelneru a jel držite bambusa. to su fala bogu držali. tomo je stalno mlel nekakove glupozti a lepi mi je posle rekel da fala bogu kaj ga nisu nižt razmele. lepi se je ž njima na englezki jezik spominjal a ja sem se bogme z lenkom nežt i razmel jerbo su i njima neke reči baž slične kak i naše. i tak dok smo popili jeno par bambusa kaj su bili skupi kak dragi kamen vu toj birtiji jerbo bi si pri nama mogel dva kupiti za te nofce. i odjemput me je lenka počela malo popipkavati po nogi a jerbo me je več malo bambus i šupil pa sem bogme popikaval i ja nju. i onda je rekel lepi dečki vele cure kaj bi išli z njima vu apardman. u jebote taman sem si pomizlil kam bi se sad digali od stola i nekam išli kad je tu baž dobro i opče nisem znal kam bi si sad ižli. onda je tomo skočil od stola i rekel je more idemo mam. onda sem i ja išel. a mi pravac k njima gdi su bile na stanu i na toj je hiži z velkimi slovami pisalo apardmani. e jesem onda bil vesel. prišepnol sem lepomu lepi jebote pa kaj mi nisi rekel da se ta hiža gdi su one tak zove a ja sem si mislil da idemo bog zna kam. a veli meni lepi sad bu veselo. taman dok smo došli vnutra smo si još nekekve likere spili i povleče mene lenka za ruku i diregt v njezinu sobu. e to je bila prava stvar mislil sem si. e da mi se je sat tam nazaj vrnuti v tu noč kaj je bilo za nigdar ne pozabiti. bar samo na jenu vuru. to vam bogme nebum natipkaval kaj smo se deleli jerbo to ne mora nišče znati jerbo su to intimne stvari. tak je i lepi tomi rekel dok ga je tomo pital kak je njemu bilo da su to intimne stvari koje se nikom ne govore. a tomo je rekel e jebež mu mater kad sem ja preveč popil pak mi neje nikak išlo. dok smo se vrnuli več je bil i den. martn je načistam poludel jerbo se je za jenu vuru trebalo iti delat. vikal je kak nori da gdi smo do sat i rekel je da nas nebu ni malo poštedel. frcko je tak spal kaj su mu balje curele i nižt nije ni čul. bogme je bilo preveč teško delati taj den jerbo je sunce peklo kak noro al da vam prav velim ni mi bilo žal ni malo a bogme mi ni den denes neje dok se setim. nit mi nigdar nebu. tek je to bilo vu tu nedelju. pozdravljam lepo.
- 16:24 - Komentari (10) - Isprintaj - #

četvrtak, 15.07.2004.

pločice

denes je ranko došel po mene kaj bi mu išel pomoči zalepiti pločice. on je majztor kaj sve zna napraviti kaj god kome kaj teba. od igle do lokomotivu zavariti il kaj slično. i onda gda koji put dojde po mene dok baž ima jako puno pozla kaj mu ja idem malko pripmoči. zbudil me je šest vjutro i rekel je branko jer bi mi štel iti pomoči pločice zalepiti dam ti sto kuni i ja sem rekel more. ti penezi baž dok krenu onda krenu. taman sem si lepo na moru zaslužil i sat pak eto ti nofci. denes bum zel ti sto kuni i bum otižel po davoricu. aj kaj se bumo pivi napili morti i kojega bambusa spijemo. do sedem vur smo več bili pri tome čoveku kaj smo mu lepili pločice. al smo imali jebadu. to su bile tak glumpave pločice kaj jih ni dragi bok nebi pozsložil. rekel je taj čovek da su diregt z amerike došle i to z avijonom. a na njimi je bila nekakova okolamda il nekavi slični cvet naslikan. i se bilo puno nekakovoga lišča i cvetje. dal nam je sliku kak to mora izpasti na kraju. i onda smo mi to tak polako lepili i poslagivali kak je god trebalo i taman dok smo dožli do kraja a kat tam eto ti jebade. veli meni ranko dodaj sat jož tu jenu pločicu kaj je oztala da i nju prikeljim. a ta je pločica trebala bit skroz na skroz bela jerbo smo tu okolamdu celu nalepili a okolo je trebalo biti se belo il nebo il sneg kak si ko zamisli. a kat tam eto ti vraga. ja zdignem pločicu a na njoj lizt. pravi zeleni list kak da bi ga što narisal il baba miškinina na steklo. a ja ju podignem i velim ranku. ranko ti boga nekaj smo zajebali i to fezt. a veli on a kaj. a velim ja pa tu je lizt naslikan. a veli on jebež mu mater kad je lizt je lizt bumo njega nalepili. i on ga nalepi. i taman je došel taj čovek jerbo je moral iti v dučan po jož pivi jerbo smo celu gajbu rešili do poldan. a veli taj čovek dečki pa kaj je to. a ranko se napravil onak malko bedazt i veli a koje. a veli čovek pa idijoti jedni pa kam ste tu počicu zalepili pa to nejde tu. i čuda nam je jož nazdeval. a veli njumu ranko čujte gozpon nemojte vi meni predavati konjsko pismo kak se pločice lepe pa ja sem več takvi pločic z cvetom mali miljon pokeljil. a ovaj je onda natotal popizdil i počel se derati kak sponoren i vikati da takvi pločic nema nigdi jerbo je to nekakov unikad. onda sem mu ja rekel čujete gozpon nemojte se vi tu na naz zderavati jerbo mi nizmo mala deca. i kak morete reči da takvi pločic nema nigdi kat moja mama ima takovih isti okolamdi pun vrt. a veli on pa vi nizte normalni kaj bum rekel dok me neko zapita kak je taj lizt tu dozpel. onda sem mu rekel. joj gozpon kak ste vi bedazti pa jenostavno rečete da ste oztavili obloka razprtoga i da je toga lizta veter odnesel jerbo je bil velki propuv. onda je rekel ranko eto vižte gozpon kak je dečko pameten jenostavo tak rečete. onda je gozpon zvadil nofčanika i dal je ranku nofce i rekel je ajte van z moje kuče i da vas više nikad ne ugledam. mi smo zeli si se stvari i otižli nabrzinu kaj si nismo stigli ni putne spiti. al je ranko platil jož dve pive v birtiji pa smo malko utažili žeđ. lepo pozdravljam jerbo sat nizem napisal kak je bilo na moru al bum drugi put pozdrav prijateljski uskličnik
- 17:13 - Komentari (6) - Isprintaj - #

srijeda, 14.07.2004.

ftopil

v nedelju nizmo morali ama baž ništ delati i onda smo celi den mogli biti na plaži i samo se kupati v moru. i onda smo išli tomo lepi i ja kupat se. malo je došel i martin se skupati a frcko je celi božji den samo spal i samo si je navil budilicu kaj je išel jezt. ja sem ga pital frcko pak jezi ti malo lud kaj celi den spiš a on je rekel da si puni nekakove baterije. al opče ni imal mobitela. meni je več bilo puno bolje jer me nije nižt peklo. a oko nas su ležale sami nekakovi kaj nisu po naše govorili i baž ih je bilo smežno za čuti dok su počeli brbljati. rekel je lepi da su to čehi i čehinje iz češke a tomo je rekel lepi nemoj srati jerbo su to z slovačke jerbo jih ja skoro saku drugu reč razmem. i onda smo mi tak ležali i onda je došla jedna ta čejinja kaj je ležala do nas z jož dve te čejinje a v rukami je držala onoga šlaufa kaj te na vodi drži i kaj si morež na njega leči pak te navaža po vodi levo dezno i rekla je nekak smežno hlabci bi nafukali il tak nekak a mi smo ostali samo gledeti. a velim ja jebate dečki kaj ona oče a veli tomo jebo te bok dečki ona bi se jebala. a lepi se je zdigel i prije je puvati vu njezin šlauf i i dok ga je napuval dal joj ga je i jož joj je nežt nabrzinu rekel i ona je otižla. al je tomo onda bil lud. jesi ti lepi budala pa kaj joj nisi rekel da nek oztane. pa jer si čul da je rekla da bi se fukala z nama jer si ti budala il kaj. onda je lepi onak po smireno rekel dečki to je tek početak jerbo sam joj rekel nek pozdravi svoje fremdice i bute vidli da budu začaz dožle do naz. i bogme je tak i bilo jer ni prešlo ni pet minut a eto ti njih. a veli lepi dečki one bi štele kaj bi se mi žnjima igrali zloptom pličaku. a veli tomo dečki al samo vu pličaku jer baž i nije znal dobro plivati. uh al je jedna bila pravi komad i mam mi je zapela za joko. i onda smo se z njima tak dodavali pol vure i više. to hitiž loptu v zrak i onda ju drugi mora vloviti. al se samo hitiž i ništ ti nije jerbo opanež vu vodu a dole je pesek. i onda je ta lepa crna kaj se je lenka zvala hitila loptu v zrak i direkt na tomu a tomo ju je sfulal i lopta je otižla iza njega gdi je bilo fest globoko i prek glave. i onda je tomu bilo sram reči pred deklami da baš nezna pluti i krenul je po loptu a ja sem mu rekel kam čež norc jeden čekaj jerbo da se ne ftopiž al on je rekel ko ja kaj bi se ftopil naj biti smežni i samo išel. i nekak je doplival do lopte i onda dok se je vračal otišla mu je voda malo v lampe a on se je splašil i počel je lamantati z rukami kak nori i gutiti se. hrgljal je kak bik priklani i vikal je pomoč ljudi pomoč a ja sem hitno skočil i za njim i lepi je skočil za menom a dekle su počele vriščati i si su se digli na noge. ja sem na jen dva tri doplival do tome zgrabil sem ga za lasi i ž njim vun. kak je tek onda vikal kak nori i lamantal z rukami i nogami kaj ga opče nisem mogel vleči. onda sem nabrzinu stisnol šaku i šubeknol ga direkt v nos i rekel sem mu tomo pothitno se sprimiri jer se bumo obadva ftopili i onda se je smiril pak sem ga zvlekel vun. bogme se je fest vode napil jer je još pol vure hrgljal i pobrehival. a lenka je dožla k meni i kušnola me direkt v lice i nekaj je rekla al sem ju razmel samo da se je jako splašila. vuva su mi mam se zvručila i sem si taman pomislil da se razcvetam. al je lepomu bigme bilo fest žal to sem mam sprimetil. onda se je lepi još z njima dogovoril da pemo navečer na pijaču i tak smo se razišli. tomo je celo vreme dok smo ižli doma samo popljuckaval a martin je skoro vmrl od smeja dok smo mu to sve spripovedali. tak je to bilo z tomom dok se je skoro ftopil. pozdravljam uskličnik.
- 15:01 - Komentari (5) - Isprintaj - #

ponedjeljak, 12.07.2004.

prva dva dana

još i fčera sem celi den bil kak zgubljen. samo sem po hiži shodaval levo dezno i se mi je bilo nekak čudno kaj da me nije bilo tri lete doma. se sem obišel i davoricu i pri vujcu sem bil i z đekicom sem se malo prešetal i tak. davorici sem moral se spripovedati kak je bilo a on je služal kaj nije ni jemput trepnul. i samo mi je jož navek more pred jočima gda god zažmerim. a dok smo došli tam i zišli dole z trajekta i dok smo to se razpakirali i veša i to i veli nama martin dečki sad viže nema zajebancije nek treba delati a ja pitam martina a kaj bum ja delal. a veli meni martin brankec ti buš šef od tranzporta i ti buš prevažal s tačkami kaj bu trebalo i cigle i cementa i morta kaj budu dečki zmežali. a ja sem rekel more i mam sem priztal na to jerbo to baž i nije šala mam biti nekakov šef. a tomo je moral biti na mežalici. on je jako smežni vu faci jerbo mu čobe vise i onda mu se vide prela jerbo ima jako retke zube i onda dok smo jeli navek je nekaj pripovedal a čez ta prela mu je stalno nekaj zletavalo vun il kruv il meso, a i noz mu je malo na hero jerbo dok je bil mali ga je kobila oplela z kopitom po nosu i zvadili su mu ž njega nekakovu hrzkavicu pak ga sad more frkati na se strane. još je znama bili jen kaj ga si zovu lepi jerbo se navek nalickava i nekakovu si mazt nameče na lasi kaj mu se navek svetle i onda sem ga ja pital čujež lepi a zakaj si tu maščobu namečež na lasi bu te cela glava srbela a on je rekel branko to žemske vole i mam se lepe na tebe buž videl dok pemo lovit komade. onda sem mu rekel prije ti se lepi budu muve lepile na to pa buž imal problema dok ti glavu zaseru pak se je smejal. i još je z nama bil i frcko a on mi je išel stalno na žifce jerbo bi samo spal i celo je vreme zeval i javkal kak mu je stražno težko. i onda dok smo počeli delati veli meni lepi branko daj si sleči tu majicu kaj malo dobiž boju viš kak sem ja lepi ofarbani. onda sem si slekel majicu al da sem znal kaj me bu snašlo nebi nigdar. i onda smo tak celi den delali a sunce je peklo kak noro i navečer dok sem pogledal a bil sem crveni kak paradajz. onda je rekel martin dečki idemo se sad jož malo hititi vu vodu a ja sem jedva dočekal kaj se bum v moru kupal. al dok sem skočil vu vodu se me je peklo kak jogenj da mi gori pod kožom. i joči i se. dok smo legli ja sem pomizlil da ponorim kak je to peklo. javkal sem celu noč i nizem ni joka sklopil. samo me je peklo i pikalo kak da me nešče z miljon mali mali iglic piče po plučima. a leđa su me pekla kak da mi je nešče rešoja prizlonil vreloga. dečki su bili stražno srditi jerbo ni oni nisu mogli spati kad sem ja javkal. onda sem rekel lepomu sad bi te lepi najrejši prijel za grkljan i zagutil te kake mačka kak si me zajebal a on mi je rekel jebiga branko za lepotu moraž nešt i pretrpeti. i onda vjutro čim su se dučani razprli lepi je otišel v dučan i kupil je tri trda jogurta i z tim me je sega namazal al mi bogme nije nikak pomoglo neg samo malo. celi sem den bil za nikaj. martin je rekel da se sano vlečem kak drob i nek se malo trgnem al si on nije mogel ni pomizliti kak je meni. joči su me pekle kaj sem jedva mogel gledeti i samo su mi suze išle i rekel je tomo da me to sol grize za joči a i hunjavica me je nekakova prijela. tak je to bilo ta prva dva dana i stražno mi je bilo težko najrejši bi se bil okrenul i pravac doma i pežke ako treba samo da se vrnem. al dok je to prežlo onda je mam se bilo puno bolje. pozdravljam.
- 13:21 - Komentari (4) - Isprintaj - #

petak, 09.07.2004.

vrnul sem se doma

baš sem se sad malo predi vrnul doma. mami su mam suze potekle na joči a đekica ja tak skakal v zrak kaj sem pomislil da mi bu nosa odgrizel il vuvo ili bilo kaj. bil je kake sponoren i lajal je kaj sem pomislil da se susede zbudi. bilo je čudaj toga na moru a nisem ni mislil da bi more moglo biti tak veliko. bogme sem se i na pravome trajektu vozil i bil je velik kaj bi 30 autov stalo na njega i kamijoni idu gore i motori i biciklini. sad idem direkt spat i spal bum zutra celi dan kak sam vmorjen. onda vam bum se natipkal kak je bilo. laku noč. sad mi je se nekak čudno taj internet i to i jedva sam se setil kak to se z tim treba postupati i natipkati. i jedva z mišom se te gumbe potrefim. pozdravljam.
- 22:21 - Komentari (16) - Isprintaj - #

<< Prethodni mjesec | Sljedeći mjesec >>