ponedjeljak, 31.05.2004.

zroval

denes vjutro me je stražna galama zbudila. ja sem si točno pomizlil da je potrez ili smak sveta jerbo sem bil jako pozpan. samo je nekaj zacvilelo i stražna je buka bila a ja na oblok kad imam kaj za videti. jen stari čovek z mojega sela od jozipa nekakova rodbina al dalješnja kaj se zove martin a pičpur ga si zovu jerbo jako sikče dok govori i stalno mu se jezik međ zube plete. a on vam je jako gluv. morti ga neko i pozna. i on se je vozil na traktoru nekakvome starom kaj ruži kak razdrti auzpuv i vozil je pluga zakapčenoga i nekak mu se je plug spuztil a on to nije čul i zroval nam je pol azvalta po vulici to su čuda bila. ja sem skočil i brzo navlekel lače na sebe i vun a pičpur se je samo križal i govoril majka marija pa kak ja nisem nikaj čul a veli mu jozip pa zato jer si gluv a pičpur veli zakaj i tak jeno pet put. a veli mižkina ja sem se na bicklinu kraj njega pedeset metri vozil i maval mu da stane a pičpur je mizlil da ga pozdravljam i samo je nadigel škriljaka i dalje teral traktora. pičpur je stalno govoril samo najte zvati policiju samo najte jih zvati ja bum to se zakrpal. jerbo je pičpur star i opče nebi smel voziti traktora a kamoli i pluga. sat bu pičpur dopeljal mežalicu i bu betoniral grabu a ja pak nebum mogel spati. pozle je dožla baba frčkova a meni su se skorom noge odsekle. mizlil sem si sat dok v zemlju prepanem više me ni buldožer ne zvleče. pitala me je jer morti znam ko joj je tarabe zružil i jel sem koga videl dok sem naranje ižel doma a ja sem rekel ja to nizem videl ko je zružil i opče nikaj o tome neznam a nezna ni davorica sigurno i onda je baba otižla. jož je rekla baba da zna ko joj je zružil tarabe da bi mu se noge spotrgala a davorici bogme ne treba i jož jena lamgeta. i dok je otižla mam mi je bilo lakže.
- 15:04 - Komentari (3) - Isprintaj - #

nedjelja, 30.05.2004.

zabava

koja je zabava bila ovu noč to se več dugo neje vidlo. ja opče neznam ko je to spriredil al je samo davorica dožel po mene i rekel je idemo branko na zabavu bode i piti i jezti i sega bode i ja sem mam rekel idemo a mama je počela vikati kam vas vrag nosi po takvoj kmici si se spoterete dok pete doma i još kojekakove bedaztoče al se to nas baž i neje preveč dotikalo i samo smo otižli. i dok smo dožli tam več je bilo čudaj sveta tam i bila je baž krazna atmozvera. jeden je dečko moj stari pajdaš igral na cimbole a to je meni najlepša stvar za igrati na njoj il kak se to veli inztrument il nekak slično.
darko je več bil fest pod šusom al njegovoga bratiđa nije bilo fala bogu opče tam a i nebu niti dožel rekel je darko. i onda smo počeli piti gemižte i baž nam je bilo krazno a dečki su preveč lepo igrali jerbo ih je bilo pet. i bilo je i prazetine friške za jezti. kaj su ju spekli ajnc a i baž je bila preveč fina. i onda je onaj moj stari pajdaš kaj igra na cimbole rekel ova pjezma ide samo za mojega dragoga prijatelja branka i onda je zaigral onu moju pjezmu kaj je meni najlepša i ja sem načisto užival i tak mi je nekakova toplina prežla čez dušu i bilo mi je kak nigrad lepo z mojim pajdašima kaj su mi skoro suze potekle na joči. a ta pjezma ide ovak jerbo ju znam napamet al ju nebum sat celu napisal jerbo je dugačka ja sem rođen u ravnici gdi proteče reka drava ranila me rodna polja bilogora napajala i nek reče ko kaj oče al je meni to najlepža pjezma na svetu a ne oni kaj nabijaju v bubnje kaj mi sa vuva oču spopucati. dok smo ižli doma več je bil den al sem imal stražne probleme z davoricom. stalno je vikal ko sem ja, ko sem ja. ja sem davorica nebu mene niko potrkaval. i tak jož svakakove bedaztoče jerbo je bil fest pijan. i onda je štel skočiti z mosta i jedva sem ga zauztavil. več je bil spuzal na ogradu i vikal je ja sem davorica i nebu mene niko jebal a opče mu niko nije nižt štel i jedva sem ga povlekel z ograde dole a on je vikal sat bum skočil sat bum skočil. i onda je jeden čovek zišel na oblok i rekel je branko primi toga idijota i vodi ga otovud jer ako mu ja zidem vun se mu zube v grlo stepem. i onda smo pobegli.
i taman dok smo dožli pred hižu od babe frčkove davorica je pak poludel i rekel je ta je kurva me za vuva navlačila dok sem bil mali saču se ja njoj ozvetiti. i nizem ga mogel zauztaviti ritnol je tarabe drvene od babe frčkove tak kaj su se razteple a mi trk jerbo je to jako puklo. ak to baba dozna ko je to napravil bogme bi mogli fezt najebati. al valjda nebu. i jedva smo nekak dožli do doma i davoricu sem oztavil a dok sem ja dožel doma mama je bila kak bezna i stražno je vikala na menekak sem norc jeden pijani a ja opče nizem bil pijan. bumo se mi zutra spominjali ja ču tebi pokazati tvojega boga, a ja sem si samo legel i skoro sem celi dan spal. i sad mi je mam lakže zbog toga. pozdravljam
- 22:53 - Komentari (2) - Isprintaj - #

četvrtak, 27.05.2004.

lojtra

denes skoro celi den nisem nižt delal al sem se da vam prav veli požteno nazmejal mižkini i njegvi babi. to je baž bilo smežno. mižkini se je jeden čerep pomeknul na štaglju i išel je to malo posložiti i rekel je baba dojdi sim i pridrž mi lojtru. ja to nizem nižt videl ali sam bogme dobro čul jerbo sem se malo po dvorižtu igral s đekicom. ja njemu hitim štapa i onda se on zabeži i dok ne rečeš ni kekz i on ga več donese natrak. i onda ja pak zamahnem z štapom al ga ne hitim i on to točno predozeti da ga ja nizem hitil i oztane sedeti. velim vam to je stražno pametni cucek. i onda sem to čul dok je mižkina to rekel babi i jož sem čul kak se nekakove bedaztoče spominjaju prek plota i samo odjemput je nekaj tak puklo kak da si letvicu prekoljil i samo sem čul kak je baba narekala joj meni joj meni mižko mižko moja kiđma moja kiđma mi je pukla i joj i joj akat ja na plot i imam kaj za videti. na lojtri je pukel vrlec i mižko se je vružil na babu i poklopil ju kak vol da je znebesa opal il z avijona. a mižko je klel jebomu konj mater i lojtri i ko ju je napravil a baž je budala jerbo ju je on napravil. a baba je samo narekala kiđma mi je pukla kiđma mi je pukla na četvorički gotova je moja karijera gotova je karijera. ja sem bil tak sretan kaj su mi vuva poskakivala od miline a đekica je tak zalajival kaj da se razme kaj se događa. al babi ni vrak nižt nije bilo jerbo dok je od mižkine žena zavikala da je obed gotof zabežala se je kak svinja na kopanju. a mižko je pital brankec jel mi onda ti pozudiš lojtru kaj to popravim a ja sem mu rekel bi drage volje mižko al nemrem jerbo sem ju baž prefarbal kaj ne ztrune. i otižel sem v hižu da me nebi jož nagovoril da mu idem ja čerepa menjat. al lojtru opče nisam prefarbal al mu ju nedam i baž mu ju nedam. jerbo dok mi vrne one lance kaj je zel dok je ižel v šumu onda se bumo dalje spominjali o tome kaj bi mu ja nekaj pozudil. pozdravljam.
- 22:28 - Komentari (5) - Isprintaj - #

srijeda, 26.05.2004.

akcija

ponoči je bila baž prava ludnica morem vam reči. lovec je dožel s pužkom k nama taman dok se je noč počela spužtati i donezel je i metke. i mam za njim je dožel i suzet jozip i donezel je jenoga papera na kojem je se lepo nacrtal i otkud bu lizica dožla i sve. i onda smo si zaseli za stol jerbo je trebalo pravoga dogovora napraviti kak bu tekla akcija. suzet jozip je rekel točno lovecu gdi si mora stati jerbo je rekel ako čemo uzmeti u obzir kako je prožlu noč lizica dožla sa severne strane pa bi mogla i ovaj put i onda je lovec priztal na to i da bude spuzal na koš da ju lakže oplete sačmom. mama nam je kolača diganoga narezala ja sem kojega gemižta potočil i lepo smo se se dogovorili. moje je naređenje bilo da zemem vile i stanem si za štagelj tak da ju spređim da pobegne s te strane i ako bi tu navaljila ja samo spružim vile i rekel je suzet jozip da se ona sama na njih napičiti bi trebala ako jih ja izpravo spružim. al za saki slučaj da si pripravim i jenoga kolca. al je rekel lovec da stražno si moramo paziti da nas ne ogrebe da nebi pobeznili si skupa i rekel je morate stražno na miru biti kaj se niko nebi ni mrvičku pomeknol jerbo lizica je u stanju se to ozetiti jerbo ona ima pozebna čula. jozip je rekel da bu spuzal na tavan i da bu promatral z obloka kak se to sve odvija i situacija. i onda je došel davorica. jedva je uzpel pobeči. i rekel je da je deda zaspal al da ga je on sejedno zakljuđal sobičku njegovu kaj nebi tu dožel i dozađival. donezel si je i jenu letvu na koju je čavla dugačkoga zabil kaj ju oplete ak naleti na njega. i onda je suzet jozip njega poztavil onkraj kokošinjca ak se splaži i okrene na tu stranu. i onda smo si popili jož par gemižtov i jenoga putnoga i krenuli smo a mama je rekla samo nek bi vas se dragi bog čuval a ja sem rekel pa i bu mama. i stali smo saki na svoje mezto i čekali. ja sem bil miren kak kip kaj me lizica ne oseti. negdi okraj dvanajst vur mi je bilo bome več i fezt zima jerbo sem se prezlabo oblekel al se nizam štel pomeknuti ni za trunčicu. a i žgaravica me je se bolje pekla od oni prokletih orejov. saki je čaz nekak zašužkalo al to neje bila lizica. i onda samo odjempu nekakova vika. od davorice jotec je uletel v dvorižte moje i pravac na davoricu jerbo je deda od davorice moral iti na zahod pižat al nije mogel vun sobe i onda je digel dreku i zbudil je starce od davorice. doletel je v gačami kak grom v dvorižte i davoricu za vuva i odvlekel ga doma. davorica je zavijal kak tele. al je lovec rekel sat viže bogme nižt od lizice i skočil je s koža dole. ja sem to jedva dočekal jerbo mi je več bilo tak zima kaj sam jedva stal a suzet jozip je lepo zaspal na tavanu i opče nije nižt čul kaj se je dogodilo i dok smo ga zbudili nižt mu nije bilo jazno ni gde je on ni gde je lizica. onda smo si lepo seli za stol i spili ono se vino do kraja. dok su jozip i lovec ižli doma več se je bilo danilo. oztali bi oni jož al smo malo preveč vikali kaj mama nije mogla spati pa jih je sterala doma a mene spat. pozdravljam
- 11:48 - Komentari (2) - Isprintaj - #

utorak, 25.05.2004.

po noči

baž je sat malo prije suzed jozip otižel od nas. čul je da se bode lizica čekala i da bumo imali akciju po noči i onda je rekel da nam bu on napravil plana i nekakovu logiztiku a to je valjda na čemu bu lovec sedel dok bu čekal lizicu kaj se nebu moral puzati na drevo. davorica je izto bil tu i rekel je da bu sakak dožel to glet kakgod težko. i rekel je još da je i dedu rekel kaj bu i da je ded rekel da bi i on štel dojti al nam njega bogme nije treba tu da nebi pak kakovu glupozt napravil pa lizica zbriže. onda je rekel davorica da ga bu zaprl v njegovu sobičku i kljuđa da bu skril kaj stari nebu mogel dozađivati nam. mama je baž dela diganoga kolača z oreji peč jerbo je rekla da ak se to bu celu noč čekalo i ak lizica dojde pred ranje kaj si bumo imali kaj v zube deti. a ja sad idem skočiti do goric kaj donesem par litri vina kaj si i kojega gemižta poteramo i kaj se malo zagrejemo ak bu zima po noči. baž sem jako neztrpljiv i jedva čekam da lovec več jemput dojde. jerbo si mizlim da bi to moglo biti jako napeta situacija ko na televizoru. zutra vam bum sve napisal kak je bilo to s akcijom i sve. pozdravljam lepo
- 15:32 - Komentari (2) - Isprintaj - #

lizica

sad sem se baž vrnul od onoga čoveka kaj je lovec jerbo se je ovu noč veliko čudo dogodilo. negdi okraj pol tri tri čujem ja nekakovu strku viku i nereda nekakvoga zametim i mislim si kaj je sat i skočim na noge i trkac vun. kad ti tam imam ja kaj za videti al sam više čul jerbo je noč bila. kokoši su kokodakale i pevec je kukurikal kaj čudo da se događa a ono lizica. i to prava. đeki je tak lajal kaj sem mislil da mu lampe spopucaju. al je bil zaprt i nije mogel do lizice jerbo ga saku noč zaprem štagelj da mi ga baba od mižkine ne preotme. a lizica je sigurno to skužila da je đekica zaprt jerbo je lizica najmudreža životinja na celome svetu i kugli zemaljski i vražja je životinja došla odnekud šume i pravac na mamine piceke ja sam odbežal pothitno po vile i reko sat ju prepičim. i vutom čazu je i mama zbežala vun i počela narekati joj moji piceki se jih pokolje i još jemput se ih pokolje. ja sem prijel rasove i trkac k kokošinju. al je lizica zgrabila piceka jenoga maloga i počela bežati a đeki je lajal kaj lud. al ju nizem stigel jerbo je pobegla more bežati kaj si vraki da su vunju zašli i još brže otoga. zaklala je tri piceka i jenoga je odnezla. uh kak sem bil srdit. i zato sem sat ižel to reči lovecu. rekel je da je i bolje kaj je đekica bil zaprt jerbo ak je lizica pobeznila da je dozti samo malo malčice da okrze đekicu i on bi mam dobil beznoču i onda bi bil kak ponoreni i jadnik bi napozljedku i krepal al mi toga baž i nije treba a ni njemu. rekel je lovec da navečer imamo akciju i to pravu. on bu dožel s pužkom pravom pravcatom al bu i metke zel i zasel bu negdi il na drevo spuzal i onda bumo čekali lizicu da dojde. jedva čekam kaj bum i to čudo videl. ižel sam se to i davorici reči pa je rekel da morti i on dojde ak ga jotec puzti a ak ga ne puzti da bu probal pobeči čez oblok i sakak dojti. pozdravljam. uskličnik
- 11:25 - Komentari (1) - Isprintaj - #

ponedjeljak, 24.05.2004.

z motorkom

več nizem dva dana nikaj napisal. to je jerbo nisem imal čas a i prav da vam velim da je mama bila stražno srdita kaj sem naranje dožel doma pak sem se bojal kaj mi nebi hitila kompijutera z hiže vun il mu kakovu drugu bedaztoču napravila pa bi mi bilo žal. jerbo je rekla ak buš pak celi den sedel pred tim televizorom ja ga zemem i zritnem z hiže vun kaj se razleti na komade. zato sem jučer celi den bil pri davorici a njega ruka jož fest boli. spripovedal sem mu se kak je bilo pri darku na fešti al mu je stražno žal kaj nije on mogel iti. štel je stražno iti al mu je jotec rekel ako otiješ ja ti mam i drugu kljuđnu kozt ftrgnem na četvorički kaj boš mam invalit do kraja života. a sobotu sem celi dan bil pri darku v goricaj to je bila fešta. darko je rekel kaj bi mu pomogli nekaj delati i onda smo malo kozili travu i onda se je darko tak napil kaj viže nije znal kaj treba dalje delati i onda smo samo pili gemižte. a malo smo i jenoga piceka spekli na rožtilju. i tak malo po malo i si su se tak napili kaj krave. samo sam ja bil trezni jerbo sem pil malo po malo jerbo znam da čovek dok tak pije onda ga čim teže gemižt v glavu šubekne. al je željkina od darka jen bratič kaj nije z našega sela bil tak lud i samo je bedaztoče delal. okraj pol sedem je zel motorku v ruke i na silu je štel jednu banderu potpiliti kak je bil bedazt i onda smo si navalili na njega al se on nije dal. vužgal je motorku i pravac na banderu a mi smo vikali željko naj bit lud ostavi motorku jerbo ti elektraži z glavom obrnu ak im zrušiš banderu al on nikaj. al smo se bojali k njemu da nekoga ne zreže jerbo je to prava štilovka bila motorka i s tim se nije za šaliti. več je bil počel prepiljivati i onda se je samo vrušil kak je bil pijani i onda smo si navaljili na njega i spuknuli mu štilovku zruk. darko ju je onda skril al željkini i dalje nije dal vrak mira i zel je sekiru i pravac na banderu. i onda se je to dogodilo kaj se je dogodilo. kak je štel zamanuti sekirom tak se je pravac fčelenku opizdil sekirom i vružil se je kake zonbij na ledinu i više ni a ni be. i mi si k njemu i darko ga je počel pluzkati kaj se zbudi al ovaj nižt. i onda je darko zel kantu vode i polejal ga po glavi i tek je onda preglenul fala bogu i mariji. al više celu noč nije bil pri sebi i baž se nije sečal kaj se je bilo dogodilo i stalno je popitival kolko je vur al si nikak nije mogel zapamtiti. onda smo ga pospravili spat. meni je pred jutro več počelo biti zlo i samo sem pobegel doma mada me nisu puztili i več se je bilo danilo dok sem došel doma a oni su ostali. mama je bila baž piceke pužtala i mizlil sem si sad dok me opatrne z letvom prek pleč al sem ja brzo pobegel f poztelj i zaspal sem dok nabrojiž do tri.
- 12:18 - Komentari (8) - Isprintaj - #

petak, 21.05.2004.

prek glave

denes sem se za malčice zmazal zjenim idijotom tak mi je prekipelo prek glave kaj su mi vuva se zvručila. z onim norcom đurinom od jajčarine babe kaj jajca prodaje. taman sem ižel v dučan nekakve bedaztoče pokupuvati il orbita gumije il nekaj jerbo mi je mama dal nofce i ižel sem prek mozta i naišel je đurina na biciklinu i nekek mu se je kvragu guvernal zvrtel i tresnol je na azvalt kak ruška. scurel je kaj sem pomizlil da si se zube bu sporazbijala. al je to bilo smežno. malo kaj nisem krepal od smeja. a taman je ižel nekam jajca prodaval i sel je na kesu i se se je sporazbijalo. ja sem se tak sfrkal od smeja kaj me je čerevo prebadalo i nisem mogel dojti do zraka a đurina se je zdigel i pravac na mene kaj se ti meni imaž zmejati neotesanec jeden neotesani šaku je k meni zamanol i zamalo me je po nozu otepel al sem se na vreme zmeknul i samo je navaljival i navaljival i čudaj mi je toga i prostote svakakve nazdeval. ej al mi je onda sprekipelo i ja pravac na njega i dok sem ga prijel za vrat i rekel mu pazi đurina pazi kaj govoriš zotim se ni za šaliti jerbo te sat tu zagutim na mestu kak se mački gute i hitim te pod most kaj ti mam bu klinkalo na cirkvi. i onda je pravac utom čazu od jendrešinke sin dobežal i prijel me je za ruku i rekel je brankec naj lud biti kaj peš v rešt za takovu budalu služit a đurina je kake zec skočil na biciklin i pravac doma kakme seje splašil i torba mu je ostala i se. al da neje od jendrešinke sin dobežal sakaj je moglo biti kak me je zrasrdil. a onda sam otišel k davorici jerbo je denes došel doma i skup smo dedu pothitno zajebavali kak mu je nerostec pobegel. pozdravaljam.
- 15:33 - Komentari (5) - Isprintaj - #

četvrtak, 20.05.2004.

pobegel

huh kakje denes bilo vruče. kaj su mi težke kapi znoja curele z glave. bil sam pri davorici doma i mama je njegova rekla da bu davorica zutra došel z bolnice doma i to bi bilo baš lepo. i onda taman dok sam krenul da bum doma otišel deda je od davorice napravil takovu glupozt kaj se ljudi budu imali tri tjedna očem spominjati. rekla je mama od davorice da je on obični stari i nespremišljeni starec i da nikaj više pod milim bogom ne razme. i kaj bi bilo najbolje kaj opče više nebi z hiže ni vun išel. zmislite si kaj je napravil. išel je svinjama davat napoja i nije koce dobro spozaprl a oni imaju preveč zločestoga nerosca. i onda je nerostec malo podbol vrata i zbežal je van. ajaj kakvi so to bili kravali. deda ga je parput lupil po hrptu i rekel mu je kamčeš vrak jeden neopsuđeni nebuš ti mene zajebaval. onda je nerostec načistam sponorel. ja sam samo ostal stati na mestu jerbo sam čul da tak životinja dok spomahnita se nesmež ni malu malu mrvičku pomeknuti i onda ona pomisli da si ti kip il nekaj i da te opče nezprimeti. i ja sam tak stal i on pravac na mene a deda je vikal beži branko strela vute božja lupila bež jerbo te bu strgal. al nije moj vrak bedazt ja to znam da se nesme pomikavati i stal sam mirno kak stup gorični. al dok me je oplelkaj sam mizlil da mi pamet stane. ja sam mislil da mi se zvezde bodu popadale z glave. vrušil me je na zemlju kak perce. i to mi opče nije jazno zakaj me je napadnul a ja sam stal namiru kak da sem od kamenja zezidan. taman sam si pomislil da mi je obadve noge spotrgal. i onda na vulicu a mi za njim i povleči potegni al ga nikak nizmo mogli vloviti. samo je bežal od nas kaj da su si vragi v njega zašli i samo su mu sline suktale zubi vun. i onda je došel suzet jozip kaj je jako pameten čovek i kaj se je na velikima školama vučil i rekel je kako bizmo uzeli u obzir njegovo sztanje moglibismo zaključit da bi njega žemka mogla primiriti il tak nekak slično je rekel jerbo je meni to strašno težko popamtiti te struđne reči. i rekel je nek dopeljamo prasicu pa bi morti se nerostec primiril. i mam smo potegli v moj kotec i z prasicom van a mama je vikala kam ju vlečež ak te ja primem se ti noge spotrgam oztavi prasicu na miru a ja sem joj rekel bolje ti je mama da čkomiš jerbo se tu o struđnim pozlima dela i ti to nemreš zrazmeti. jerbo je tak suzet jozip rekel. al ju nerostec opče ni ni poglenul. i onda je suzet jozip rekel a pogledajte gozpodo kakvi su mu samo testizi naotekli onče sad na žemku navalit. al on ni mrdac k prasici. dve vure smo ga naganjali po vulici i nikak žnjim na zelenu granu. a on je bil se bolje bezni kak cucek dok pobezni. i onda je jozip rekel gozpodo možda bizmo trebali pozvati veterinara da ga uzpava sa strelicom. al mi to i nije bilo preveč jazno o kakovoj se strelici govori. a onaj čovek kaj je lovec je izto več bil tam i rekel je bilo bi bolje da ja njega znajperom opletem pod plečku i mam bi se primiril a mama od davorice je rekla opletem ja tebe zekirom pod plečku i tebe i onoga staroga norca kaj nezna vrata zaprti. a jena baba je stalno visela na obloku i zmejala se kake nora a opče zuba ni jenoga nema i več mi je svarno dožlo da ju steram u kuraz al sam se zkontroliral kaj me nebi slučajno mami rekla pa bi onda tek nadrapal. i onda se je nerostec samo odjemput primiril kak da mu je neznam kaj došlo v glavu i lepo je nogu pred nogu samo otižel v dvor i sam je otižel v svoj kotec a suzet jozip je rekel da je to njega nekakova noztaligija povlekla k domu njegovom a ja opče nizam videl nikoga da ga nekam vleče jerbo je neroztec pozve sam otišel doma. i mizlim si da taj suzet jozip opče nije tak pameten kak se o njemu govori i da mu se to samo v glavi priviđa kak i onome z bradom onom smežnom na televiziji kaj stalno popeva kak su ga naganjale prikaze čez šumu al je bil pijani. al me je mama tak oplela dok sam došel doma jerbo je bila stražno srdita kaj sem prasicu išel znemiravat. kaj me jož i sad pod rebri prebada.
- 23:39 - Komentari (3) - Isprintaj - #

srijeda, 19.05.2004.

z vlakom četri

ižel sem denes v bolnicu davoricu poglenuti z vlakom. to sam se sad več četrti put vozil vu vlaku. al dvaput sam ižel samo jenu stanicu i mam dole jerbo je davorica rekel da se bumo prežvercali al je došel kondukter i mam nas je dole zbacil jerbo nizmo imali kartu. a jeden me je kondukter tak za vuva navlekel kaj su me celu noč pekla i nisem mogel spati na tu stranu z glavom. u baž sam se bil taj dvaput nahodal do doma a davorica je samo rekel da se to i živima događa. zato sam denes kupil kartu al konduktera opče nije bilo. pital sam nekakvu babu gdi je kondukter a ona je rekla dečec jati to neznam. al bolje da ju nisam nižt pital jerbo je onda počela me i svakakve gluposti popitavati. kakse zovem i otkud sem i kak mi se mama zove i se poredu i onda mi je došla prek glave i tolke sem joj gluposti nadrobil kaj seje skoro počela križati. rekel sam joj baba ja ti živim inače v afriki i opče nisam odovut a ti moju mamu opče ne poznaš onda me je pitala a kaj tam ne žive crnci a ja sam rekel ne baba jerbo viš da ima i belci. i još sem joj skakaj nadrobil kaj nebu dozadna. dok sam došel k davorici onda sam mu kupil banane. rekel je brankec ja ti opče ničega nisam željen jerbo me se boli a ponajjakše ta kljuđna kozt koja mi je pukla al je rekel da pe brzo doma. ja to jedva čekam da dojdeš doma davorica jerbo mi je stražno dozadno. ja doma nisem ižel z vlakom nego z jednim suzedom kaj auta vozi fičeka. jedva sam zdural do doma se ž njim voziti jerbo on prevaža vu fičeku male prasce i onda tu tak smrdi kaj se to opće nemre podnesti a obloki se opče nemreju otprti i to znam jerbo sem probal. a dok sam došel doma mama je pak na mene vikala kak sam se saj zneredil i kak smrdim i kak sam mogel tak lepo oblečen iti v štalu. i rekel sam joj mama nizam bil v štali nego to tak fiček smrdi al se njoj nikaj neda dopovedati. i saci mislim da bolje nisem nikam išel al samo kaj sam davoricu videl i nofce sam potrošil kaj sam imal a kondukter opče nije došel. i to sem rekel i mami a ona je rekla nek sam išel kaj davorici podignem malo morala i kaj mu bu bolje dok se malo zraspoloži.
- 15:39 - Komentari (1) - Isprintaj - #

utorak, 18.05.2004.

kataztrofa

čudo se je denes dogodilo. prava kataztrofa. ja sem ižel denes malo k davorici da vidim kaj dela i kaj bi se mogli morti za ribičiju kojiden dogovoriti akat tam vika i strka a ja nisem znal kaj se događa. akat tam ja v dvorište a mama od davorice je tak narekala i suzed njihov prvi ji je zdenu vodu s cukorom nozil ja sem bil tak zabezeknut jerbo nizam znal kaj je. onda sam imal kaj videti kak je davorica ležal na zemlji i ni dobro zgledal. bik ga je podbol i othitil i onda smo čekali doktora da dojde. davorica me je tak zraširjenim jočima gledal i pital sem ga kaje bilo davorica jete kaj boli. boli me brankec kaj neznam zase i više nije ništ rekel a nebi ni čul kad mu je mati tak zavijala. onda je došel crveni kriš i zišla je doktorica i baž je imala lepe noge bele al mi baž i nije bilo do toga i gledeti. mladiču gde vas boli a davorica je pokazal na sam vrj dezne ruke. mora biti daje kljuđna kozt pukla. i onda su ga deli na nosiljku i odnesli vu crveni kriš a dok je krenul tak je počelo zavijati kaj sam pomizlil da mi si bubnjiđi spucaju. joj kak mi je bilo za davoricu samo kaj bi mu bilo dobro a suzet je gledel i rekle je se bu to prežlo samo kaj nebi imal kakve pozljedice il potrez mozga. i onda sam zel jenu letvu dva metra i otižel sam vu štalu i tak sam opatrnol toga bika dvaput po hrptu kaj je zablejal kak nori i rekel sam mu bikonja jeden neotesani ti buž davoricu na roge nabijal i mam mi je bilo lakže pri duši.
- 12:47 - Komentari (2) - Isprintaj - #

ponedjeljak, 17.05.2004.

srdita

mama je stražno srdita denes. ja neznam kaj joj je došlo v glavu. a nekat me tar razžifcira kaj mi sve dojde prek glave i najrađe bi otišel nekam kaj me nebi bilo pet dana da mi se malo mozag otpusti i da mi se žifci sprimire. samo se zderava kaj si ovo del tu i kaj si ono del tam. valjda si je pak malo poterala rakije pak nemre izpravno razmižljati nek joj valjda nekakovi črvi il kaj več po glavi prehodavaju. neznam kaj bi napisal viže o tome. zlo je to jedno. al je bilo smežno kaj je mižkina došel pitati jer sam ja gotof s poslom kaj sam ga imal za obaviti a ona mu je lepo rekla nek ide k vragu dozadnome. idem glet kaj davorica dela. pozdravljam uskličnik.
- 15:40 - Komentari (2) - Isprintaj - #

gnjoj i jajca

sad sem baž došel od mižkine. bogme sam se fest nadelal a i nisam mislil da bum tak dugo ostal. a nisam nižt baž nižt jel i sat mi tak v želucu frče kaj bi mogel vola na eks zmazati. dožel je po mene mam v jutro. baš je bilo trifrtalja osem prešlo. odi brankec hitno k meni kaj mi samo nekaj pomožeš za pet minut smo gotovi. evo sat pem mižko samo da si malo v zube denem. i več sam si bil malo špeka narezal. ma nikaj naj jesti. i još je dvaput rekel nikaj nikaj pri meni bumo jeli sat žena več jajca peče i ima sega. i onda nizam ništ jel. rekel je da mu samo jenoga kotača pomorem na prikolici podiči kaj ga zmenja jerbo mora iti gnjoja vozit. ja sem to podigel i on je prijel i zmenil i bili smo gotovi zataj čas. al je baba več bila dožla nisam si ni mislil da nebu vježtica dožla glet jerbo ona se mora videti. brankec a gdi ti je đekica kaj ga nisi dopeljal kaj bi malo štakore lovil po našemu dvorižtu jerbo se je čudaj toga nakotilo. a dok idu veterinari po vulici otrova nosit onda zaključaju sa vrata kaj nebi morali platiti. mam sam bil lud. prokletinja jena stara mam za đekicu pita kaj bi ga pak zaprla i ja sam bil lud. i stalno i stalno kaj ga nisam dopeljal. onda sam rekel mižkini. mižkina nek se mekne jer ako ju ja po toj laloki opatrnem kaj se mam vruši kaj ju bute zdenom vodom polevali. onda joj je mižko rekel idi risat baba a ona je donesla stekla kaj bu nas risala. onda je mižko rekel daj mi samo pomori porinuti prikolicu i mam pemo jezt. to su reči mižko. kaj sam bil gladen kaj sam z velikom voljom rival prikolicu. sat samo jož da hitim par put gnjoja na prikolicu i idemo jezt. na primi branko pak i ti kojiput zabaci. i tak smo celu prikolicu nahitali a ja sam pital kaj z jajci a mižko je rekel da onda valjda još nizu gotova kad nas več žena još nižt ne zove. a baba je samo risala i dalje. i onda je rekla kakste lepo izpali na sliki još samo kaj nisi đekicu dopeljal kaj bi i njega dela. mam mi je dožlo kaj bi ju z vilami prepičil. i onda smo otpeljali tu prikolicu na mekotu i stovarili a ja sam si mislil pa sad valjda dok se vrnemu sigurno buda ta jajca več gotova. al još nizu bila. i samo me je nekak odugovlačil al sam ja to sprokužil da nebu nižt od jajci i ničega i onda sam mu rekel mižko jasat moram hitno iti doma jerbo mi bude moj prijatelj z njemačke poslal emajla na kompijuter a to se hitno mora z tim poztupati jerbo sam znal da on to nižt ne razme i onda sam otižel doma. i još sam mu kojekaj onak po stručno nadrobil a on je samo z glavom klimal kaj da mu je se jazno a bež je bedak. e jezam ga baž lepo zajebal a on si je se taman mislil kaj bi mu još jenu prikolicu nahital al si je krivoga nažel za pošikavanje. nis ja baž tak bedazt. i sacam se baž tak najel jerbo je mama guljaša skuvala a onoga sam špeka hitil đekici i rekel sam mu samo nikam nejdi đekica z dvora bez mene jerbo ti se stražne nevolje bi mogle zadesiti. a on je pametni cucek tak me pogledal kaj da saku reč razme. to je pravo čudo kak te baž pravac v joči gledi. sat moram iti jerbo imam još čudaj toga za zbaviti.
- 12:24 - Komentari (5) - Isprintaj - #

nedjelja, 16.05.2004.

neznam kakvoga naslova

sad sem tek videl kaj su napisali. tam su na prvu stranu kak se to odpre dok ja napišem to triput www prepizali ono kak mi je bilo zlo ponoči. al su im se slova malo nagnola prema obloku z moje strane. tam to odprite pa bute vidli. a kaj ja morem kad mi je bilo mučno i nizem mogel zaspati pa sam moral iti nežt pisat samo kaj mi ta muka nekam prejde. i mislil sam si da bum morti prije zaspal ak se još malo zmučim. moram vam priznati da mi celi dan fčera baš nije bilo kak bi trebalo biti. baž je malo prije bil davorica pa je otižel doma. malo smo se igrali tetriza al on baš za to nema žifce i stalno krive tipke natipkava pak mu začaz nacuri do vrha i onda veli da viže on te bedastoče neče preokretati. mama je vikala kam bi sad išli a poldan je prežlo kaj se pak potučete i ni nas pustila na ribičiju a davorica je rekel da se jenostavno nije mogel prije zdiči jerbo museje jako spalo i nek mi bu žal kaj nisam i ja ž njim išel. idem sad zeti đekija pak idemo se malo shodati u divljinu kaj nam nebu dozadno. nikam daleko nejdemo samo tu navrt.
- 13:25 - Komentari (4) - Isprintaj - #

dok smo opali

davorica je snočka pak malo zaglibil. ja sem bil pri meži i dok sam se vračal navrnol sem se do njega al je rekla njegva baba branko nižt od vaše ribičije jerbo je davorica naranje došel doma i ni baš lepo zgledal i nisam ga štel zbuditi. pop je pak predikuval koje kaj i bedaztoče a od toga me mam zabolila glava. mi imamo jako smežnoga zvonara i morete se zmisliti da je pak bil nakresan. dok je jemput tak kupil sitniža pod mežom a štenga je tam kak se na okoruš ide i tak se je jemput popiknol i pravac na od staroga mižkarca ženu se spotepel kaj je imala bluzu nekakvu sivu na felge i se si je lakte zguljila onda mu je pop zabranil jer je mižkarec imučen čovek i navek po dvajst kuni dene v škabljicu. i sad mi je dozadno doma a trebali smo iti na ribičiju a mene se je stra samome voziti na njegvom motorbiciklinu od davorice je mu je guvernal sfrkan dok smo ono opali žnjega. već sam i gliste nakopal i se. mama mi je zabranila više gliste vu frižider nametati jerbo to nije hijigenski. i sacam jih ja zel i nazaj sam ih v zemlju zakopal. to dok smo jemput prošlo leto išli na ribičiju to je bilo za štampu prepisati. seli smo na motorbiciklin i krenuli. davorica navek šoferi a ja ga moram malo porinuti kaj se zalaufa i onda zaskočim na sic jerbo mu je težko povleči zmesta. al je rekel davorica da bi moral mažinu sfrizirati pa bi vlekel kaj zmaj. jerbo nekat dok treba malo prikočiti ja pak moram skakati dole i porivavati ga i zato davorica pazi kaj čim manje zakočiva. ja opče nisam videl kak se je to dogodilo jerbo navek moram spuztiti glavu dole. to mi baž i nije jazno al veli davorica da je to zbog nekakvoga odpora zraka. samo nam se je odjemput zadnji kotač zanesel nalevo i guma je počela cvileti i v času smo bili na asvaltu. rekel je davorica mi pozle da je štel nekakvoga trektora preztiči kaj nebu moral zakočivati al motorbiciklin nije štel kak treba povleči pak je dvorica se zateraval i onda mu je nekak vudičnjak f špice zadnje odletel i frknoli smo na azvalt kak ruške. ja sem si samo malo kolena zguljil al je davorica pak moral lamgetu na onoj istoj nogi tri tjedna nositi. i još ga je jotec dobro nalemal dok smo došli doma jerbo je bil lud i kaj mu davorica nebu ništ mogel pomagati a tolko seno za sužiti imaju. pak sam kojiput ga zmenjal. baž mi je žal kaj pak nebum dravu videl. jerbo nam je tam navek preveč lepo. zahitimo vudice pak si zasednemo i polako jemo čipičipze i čekamo da kaj zagrize. jemput sam tak maloga šaraniča vlovil i baž je bil preveč lepi. onda posle nakupimo kamenja hrpu pak se vodu zgađamo ko bu dalje hitil. al moramo paziti da nebi kojemu kupaču slučajno glavu spotrli.
- 12:17 - Komentari (1) - Isprintaj - #

subota, 15.05.2004.

moj đekica

denes mi je malko bolje. al po noči mi je bilo jako težko. prebadalo me je i prebadalo kaj opče nizem mogel spati. i rekel sam sam sebi branko to se viže nemre zdurati ni pet minut i onda sam otišel na oblok i porinol sem prsta v grlo i se je mam scurelo vun. al je bilo mučno. tak sam se naprezal kaj sam mizlil da mi joči budu scurele van. i bilo je to pravo olakžanje. a vjutro je došla baba od miškine i čul sam kak mami govori tvoj je branko prav bil nalejan kad je onak pod oblokom sve zneredil. kaj nju briga babu staru ofucanu el sam ja gdi pil il nizem. ne velim ja da mi nije dobro malo si gemižta kojega popiti al nigdar nizam baž tak preteral kaj nebi doma znal dojti. ozim ono jemput al se to ne računa. a njezim mižkina dok se naloče to ne vidi baba. i kaj njega ne nariše na ona svoja stekla dok je tak nalokan a ne kaj slika nekakve pejcaže i glupozti. dok mi ne dojde tak na pamet nekakva omama kaj zemem kamenje i sa joj ta stekla spoterem pa bu vidla kaj to znači vu tuđe se probleme vupuštati. to vam je zlo jedno od stare vježtice. jemput mi je takvo zlo napravila. mojeg je đekija namamila z nečim il mesom i zaprla ga je kaj nije bogec dva dana svetla videl. a ja opče neznam zakaj. a to vam je tak dobri cucek. orginalni štakoraž i to je sto pozto o tome nama pogovora. samo je malo prevelik za svoju visinu al se to ne uzima u obzir. točno mi je tak jedan čovek rekel koji je stručnjag za pese. jer je on lovec po zanimanju i sve te vrste zna kak se koja zove i čak kak zgleda. tak ja znam to o moje đekiju da je on pravi cucek i nebi ga ni zakaj dal. nigdar nije po noči ni jemput zalajnol to je pravi cucek. a da vidite kak štakore lovi. on se potajice skrije za koš i pripaziva. onak sklopi joči kaj štakor na trenutek pomisli da je zadremal al dok se štakor zbuni on skoči i zapiči se pravac na njega i dok ga zgrabi za šiju zdrma levo desno i bežtija mam izpusti dušu. a jemput je tak profulal štakora, al to mu se samo jednom dogodilo da nebi bilo zabune i viže nikad jer je štakor uzpel vu svoju rupu pobeči i on se je bil zalaufal i tak je vudril vu vrata kaj je prebil desku i malo je bil omamljen kaj smo ga morali zdenom vodom zalevati a mama je vikala branko đekica je goftof donesi zdene vode mam. al mu ni vrak nije bil kak ima tvrdu glavu. rekel sam pravi cucek i mogel bi još takaj o njemu natipkavati. a bogme i bum.
- 11:44 - Komentari (3) - Isprintaj - #

muka mi je isuzova

jebal tri paz mater kake meni loše. još do sad nisem ni joka sklopil. tegoba mi strašna i mučnina v želucu nabada kaj opče nemrem zazpati nek mi samo slike nekakove pred jočmi skaču i se mi je tak mutno. točno znam. to je od štruklji a kak su bili fini. mama je zavikala branko štruklji su gotovi i ja sem skočil kak zec na zadnje noge i trk v kujinju i dok sam zasel bolje da se ne prisečam opče toga. mama je zišla vun piceke zaprti a ja sem jednoga pak sam drugoga i trečega i samo je to išlo a ja opče nizam bil svjeztan da je to tak. zablejil sam se vu televizor i začaz gotovo mama je samo došla vnutra i zakreštala branko neotesanec jeden nebaždarjeni pak si se štruklje pojel dok sam ja pogledal a više ni jenoga. mene je takov znoj oblejal. pojel sam sedamnajst komada z koščicami. sad saku tu koščicu osečam pri dnu čereva kak da mi kamenje leži. nesem za ništ a ni zutra cel den nebum. joj kak mi je mučno ljudi. još ak se mama zdigne i vidi svetlo bo ponorela. moram vgasiti kompijutera i idem leči i daj mi dragi bog i si sveci nebeski kaj bi samo mam zaspal. samo to jih prosim. lakunoć. i samo da ovi cucki ne zavijaju i to jih prosim jer ih zutra bum se postreljal kak cucke.
- 02:33 - Komentari (11) - Isprintaj - #

petak, 14.05.2004.

zbičom

najte me niš pitati gdi sam bil. moral sam pothitno skočiti u dučan jerbo je mama našla čerešnje vu škrinji. to sam još prošlo leto nabral dok se zmislim pa to su čerešjne od staroga trpotca to je vrak od čoveka. jesu. više se na tu čerešnju nemre to je zlo bilo. išli smo ja i davor on se piše davor al ga si zovemo davorica jer je mali i okrugli to mi je najboljši pajdaš. od malih nogu. skupa smo išli taman okraj polovice svibnja na trepocevu čerešnju. to su čerešnje kaj da bi ih stara baba od miškine na steklu narisala. debele i crvene. al su najbolje okraj polovice svibnja. moraš se šuljati jako jer je trepotec vrak i ima biča. sve smo izvidili situaciju po vojnički, davorica se je na nekekvu rušku spuzal i veli. nema staroga, ni konja ni koli. a bicikel. jer zna stari dojti i z biciklom al vu zadnje vreme baš i ne jerbo dokseje zadnji put napil spustil se je z biciklinom niz brek kaj mu je arkada pukla kak se je spotrl. nema ni bicikla idemo na čerešnju. i taman dok se je davorica prvi spuzal na čerešnju ja još nisam stigel a stari vrak trepotec je zbežal s kleti oplel me po nogami zbičom tak kaj su mi zvezde skočile i jasam zajauktal i bež niz breg kak su me noge nosile brzo, al je davorica gore ostal i kaj sad, prikočil sam i sem se obrnul i imaš kaj videti. a i čuti. davorica na jednu granu a trepotec po nogami i na drugu a trepotec po nogami davorica je skakal kak koza sim tam. a ovaj maže kaj su denge ostajale davorica je vriščal kaj mi ga je zastvarno bilo milo. al me je bilo stra i mislim si sad zemen ovoga kolca i opatrnem ga po tikvanji kaj mu mam pukne i zemem kolca i stisnem ga v šaku a trepotec davoricu po nogi i nekak se je pošklizul i opal z čerešnje i bež pa je lamgetu moral tri tjedna nositi. to je bila katastrofa rekla je njegva mama, i više nejdemo na tu čerešnju jerbo mu paz mater škrtu i trepocu. al je sva sreča kaj sam dan prije nabral za dve vrečice i da vam prav velim nije ih baž viže preveč ni bilo gore. zato je mama vikala baž dok sam pisal ono zadnje. branko našla sam čerešnje ajt mam vu dučan po cukora budu štruklji i onda sam ja rekel evo idem mam mama i ostal sam natipkavati i onda je skočila vu moju sobu i rekla sati tu glupost lupim ž kladivcom kaj mam na četvorički pukne pa sam mortal mam bežati. jerbo bi mi zastvarno morti razbila kompijutera i veli da je to samo vrak pri stanju i da toga ni tutrebalo jer po cele dane samo blejim vu tu sliku kak tele vu šarena vrata. tak mama veli. al je ona dobra jako. samo nekat dok si malo potera rakije ona preveč zna srati gluposzti. al i to se opražta kad smo ljudi. i sad mi peče štruklje i baž sam gladen pa idem jezt. pozdravljam uskličnik. sad mi je stražno težko jerbo neznam kaj da denem pod naslov. to mi je navek najteže zmisliti. nikak da mi nekaj dojde v glavu. mislim da bum najrađe del kaj bu pisalo davorica pod naslov
- 15:47 - Komentari (6) - Isprintaj - #

nije mi jazno

ja si to nikak nemrem premisliti. ste vidli kaj su napizali. ja sem si dugo študiral kaj bi to moglo značiti al mi nikak to nije jazno. mozag mi je čisto zblokiral kak da se je zledil. tam kak ja otprem tu stranu gdi se treba moje ime upizati piše da bi uskoro mogel dojti na nekakvu listu. e sad, to da bi mogel dojti na listu to mi je jazno, moram vam priznati da sam to odma sprokužil, to je da me denu na listu nekakvu i onda sam ja tam, tu pogovora nema. al nije mi jazno kaj to znači cool blogova. još vam moram reči da mi je i ovo blogova jazno. to je ova strana i tu se nema kaj o tome raspravljati. al moram vam izkreno reči da mi v colima merimo cevi za vodu. tak ovu zimu dok je suzedu pukla cev od vode to su vam bili kravali. mizlim da bi tri dana i noči o tome mogel natipkavati, al vu poverenju da vam velim da mi to stražno sporo ide. prijatelj je rekel da se to popravlja z vremenom i kak viže tipkaž to brže ide. i brže. i brže. točno je tak rekel. i došel je suzed k meni. branko zlo se je pripetilo pukla je cev v zemlji. ni pet ni šest ja na noge. baž sam si bil počival malo mama je taj dan preveč finoga obeda složila, purica je bila, al se nemrem setiti jel z krumperom el z mlincima. znate kak se veli pura je pura a meso je meso. i ja na noge. još nisam ni štiha doma imal jerbo ga je onaj nemorut od miškine zel i čistam sam poludel. huja haj kakva je strka i zbrka bila a ja nemam štiha doma a taj mišina to je takov nemorut prosti. samo zeme, zeme i ništ nebi vrnol nek si čovek po to sam mora iti. tak me zna zžifcirati kaj načistam poludim. letel sam sim i tam kak ejroplan, al sam štiha donesel. i smo vuprli i zakopali i ni prešlo pol vure eto nas pri cevi. al je zemlja bila smrznuta. viš branko pukla je cev. to sam odma znal. videl sam kak se suzet malo pravi pameten, to je mam na čoveku za videti, a ja to mam shvačam ni mi potrebno dopovedati. i onda je sused rekel. branko idi v šupu i donesi onu cev od dva cola. i to sam vam rekel. eto sad vidite da se v colima cevi mere. u promeru. i zato mi to nije jazno. nisam ja rekel da sam šašav al čovek neke stvari nemre znati i ja to znam. niko se neje. mama me zove moram hitno bežatibok
- 12:42 - Komentari (2) - Isprintaj - #

četvrtak, 13.05.2004.

kotač prazni

pozdravljam. mislim si kak bi bilo najbolje nešt napisati o mojem vujcu od mame. trebal sam ž njim iti danas na pilanu. trupce mu one prepeljati al je on jako smešni čovek.
i rekel sam mu da levu prvu gumu treba napumpati al se on baš neda krstiti i čim smo prežli prek jenoga potoka spustila je. imali smo stražne probleme. jer su trupci bili gore a se zmislite kak bi bilo natrak ih stovarivati i dok bi se guma zmenila opet ih gore nametati. hodali smo oko prikolice kak cucek oko mrtve kaše. vujec je stalno narekal kakvo mu se zlo pripetili pa sam mu rekel. nije ti se zdravo vujec tak živcirat jerbo to loše djeluje na živce. onda se je malo primiril. vidite kakve se sve bedastoče događaju u mojemu životu. zato sam i mislil da napišem to sve kaj se ljudi budeju čudili da i tak nežt postoji i sva sreča kaj je onda naižel jedan suzed od mojega kuma kaj me je na krstu držal. čovek je jako pametni nisam si to mogel ni pomisliti na tak nešt. jednostavno je taj suzed o kojemu sam vam malo prije ga spominjal kompresora zapalil na svojemu traktoru on dajca vozi. to vam je pravi traktor i prednju vuču na sva četiri kotača to mi je on rekel. samo dok zaglibi potegne jednu ručicu koja mu se nalazi kraj sica i onda zapali sva četiri kotača i prve i zadnje odjedamput pa se okreču i začas je van zblata. ili gdi več zapne jedanput je u pšenici mladi prepal jel je te godine bilo jako mokro. zapalil je komresora i napumpal je gumu za čas. rekel je da je to nekakvi specijalni ratacijoni turban koji se okreče i zrak sukče van pod velikim pritiskom. čudo jedno. začas smo bili na pilani. dalje je sve bila dečja igra.
- 15:11 - Komentari (4) - Isprintaj - #

ja sam branko

ja sam branko i čital sam večernjaka kojega mi je suzed posudil i tam je pisalo ja bas ne čitam štampu al mi je bilo dozadno dok sam moral čekati vujca od mame da dojde po mene kaj mu pomognem prepeljati nekakve trupce na pilanu.
u večernjaku je pisalo to www.blog.hr i onda sam ja to i napisal.
baž me je zanimalo kaj to znači. a jedn moj prijatelj iz njemačke mi je poklonil kompijutera i to mi je sve složil i pokazal mi je kak se mora to s internetom postupati. ja sam ga dobro poslušal jel kad on jemput od u njemačku on se više ne vrača brzo a ja bi to sve pozaboravil pa nebi znal i zato sam ga dobro poslušal.
i sad znam to delati. kak mi je on rekel služiti se s internetom jer to se danas i svaki moderan čovek mora znati jer je to buduđnost. on je meni poklonil pravoga pentijuma. to je najbolji kompijuter jer ovi u njemačko imaju sve najbolje ko i mercedesa. samo mi je rekel da nek posvud tražim to gdi piše triput www i nek upišem pa se svakaj morenajti. malo sam se igral nekakvoga tetriza danas i to je baž jako jako zanimljiva igrica. moram vam reči da sam jako puno maral čitati kaj bi to sve tu postavil i napisal sam branko pa sam kliknul na upitnik i tam mi nist nije napisalo na naše samo page canot be displayed i još na njemačkom al ja to neznam jer mi to prijetelj nije objaznil.
to mi je baš lepo kaj ljudi svakaj pišu i morese to sve prečitai i tak bum i ja svakaj napisal ko i oni svaki dan i bu se moglo čitati. ionak mi je i zna mi bit dosadno pa si mislim da je to dobra zanimacija.
samo se bojim jer mi račun od telefona bude porastel to mi je rekel prijatelj da to oče tak dok se služi s internetom al ja nešt prodam i platim ga tak da to opče nije problem il meter kukuruze il nekaj. samo mi valjda nebu zlo dok vidim poštara. ja moram sad it al budem probal brzo priključiti da kaj napišem jer moram vam reči da ima čudaj novosti. jer se tu svakaj
- 10:14 - Komentari (5) - Isprintaj - #

Sljedeći mjesec >>

Blog.hr koristi kolačiće za pružanje boljeg korisničkog iskustva. Postavke kolačića mogu se kontrolirati i konfigurirati u vašem web pregledniku. Više o kolačićima možete pročitati ovdje. Nastavkom pregleda web stranice Blog.hr slažete se s korištenjem kolačića. Za nastavak pregleda i korištenja web stranice Blog.hr kliknite na gumb "Slažem se".Slažem se