Evala lipi moji,
ćiribimbin vas ponekad, javin se malo morgen (reklo bi se - ko nas bre ovo zavadi), letidu ure ka minute, dani pretvoreni u misece bezbložnog živjenja...ma nisan vas zaboravila!
Vidi da nan se bloghaer ponovia. Čitan u foje jutros da su ga niki hakeri ponapadali pa reko-ajd da vidin jel moj preživija - je, gospe mi - živ, zdrav i dosadan - ma baš kakvog san ga ostavila 
I onda na naslovnici vidin anketu. Pitadu-skužajte, kolko van je godin?
(Ne znan baš jel bilo ovo "skužajte" jerbo danas je navada da van se naviruju u sve intimno brez pardona:
-kolko kalorija marendaješ...nikoliko jerbo ih štedin za tripice i fažol 
-oš glasat za tuitustranku...ma oću ćerce, neš ti razlike 
-trošiš li toito sredstvo zaštite pri seksu...aha, čak i pri pomisli na tu šporkariju 
-kolko pinez trošiš na pomadeteite...ikvragu, ma jesan već rekla da ne marendajen, neš me navuć na ote pomadele  )
Ćirnen ja na komentare ankete nakon očekivanog stanja na ljestvici...majketibožje kako se dica afanavaju na nas "starce"...da kako uopće znamo ča je kompjuter (biće mislidu da je to nastalo pri dvitri godine kad su ga dobili doma )
I onda ja gren ka ništo komentirat otoj dičici pa se poslin mislin - ali si ti Kašo poludila pod "stare" dane, ma diš se ić s dicon objašnjavat, još bi te mogli haknut ako in čagod ne bude na voju. Ma di mi je pamet?! Di mi je grano salis?
Zato stavjan ovu sliku da se vidi da mi naslov ne vridi...dico, triba izist cilu kašetu soli da se daje sud o judima! Ja van se skužajen ako san ča naopako rekla.
|
