Dragi Likma,

ka domaćica ovega moga prostora moran te upozorit da si priša nike granice koje ti ne smin tolerirat.

Nije da si grub,vulgaran, psovački element, ne izazivaš netrpeljivost ni netoleranciju -bože sačuvaj (gluho bilo da jesi)! Tvoji komentari, koji teže bit humoristični, nekad ironični, a ponekad i sarkastični, često su toliko nerazumnjivi mnogima i tu bi moga nastat belaj da mi rastiraš goste ča ja ne neću dozvolit.

Ja znan ča ti oćeš reć, ma drugi ne znaju. Ne želin bit tvoja glasnogovornica i tumačit ča je pisac tija reć. Sve ča misliš reci dotičnima na nji'ovin prostorima. O svemu ča te muči piši na svome blogu. (Zašta ne pišeš više? Rado bi ti uzvratili komentarima.)

A ča imaš meni reć, reci ovod i basta. Sa mnom se mo'š zajebavat ko'lko te volja, ja ti uzvratin istom mirom pa smo kvit, jel' tako? Ja se mogu nosit s tebon. Nebranjenu čeljad ne diraj, pogotovo ne ovdi! Ne tiraj me da ti dan crveni karton, bilo bi mi puno žaj, ma ako se ne uzmeš pameti…

Nadan se da ćeš nastavit bit moj dragi gost koji će komentirat MOJE slabosti, vrline i mane. U to ime, stoj mi dobro!