triba zafalit upravo ekipi od sedamdesetak judi iz moga rodnega kraja ča su se na današnji dan prvi nadigli protiv okupatora 1941…zapravo su se na ovi dan tek formirali, a malo kasnije i počeli dilovali…
u Sisku se u mome ditinjstvu slavia ti dan ka općinski praznik iako je na državnome nivou dan ustanka bia tek kasniji datum i misto i judi… i moja pučka skula je nosila (a i danas nosi) ime «22. lipanj»…moja radna brigada na ORA (za mlađariju ča ne zna -to je omladinska radna akcija) je nosila to ime…tako da san ja u ovi «novi» praznik dobro upućena…
u vrime tega rata u Sisku je bija ustaški logor za dicu …tega san se sitila dok san nedavno šetala po parku di se kraj ljuljački nalazi zapuštena fontana sa spomenikom toj dici …priča o dici u logorima je najpotresnije ča se može zamislit…neko je reka: da ni dice, ratovi bi bili manje strašni… misto je odabrano baš usrid ljuljački i dice ča se slobodno i radosno igradu u parku…ne samo ka spomen nego i opomena da se to nikad ne ponovi…(gradonačelniče, daj malo obnovi fontanu, pusti vodu na špine !)
interesantno je da se na isti ovi dan 1953 g. odigrala čuvena bitka kontra Turaka di se nevelika kršćanska vojska oduprla silnoj turskoj vojsci i pobidila slavodobitno…ovo je slika trokrake tvrđave (ama ni sve petokrako bilo u Sisku) koja je smištena na ušću rike Kupe u Savu a di se ta bitka odigrala…danas je prilično zapuščena, ne znan ča je danas tamo (gradonačelniče, evo jošte posla-triba to sve lipo obnovit i stavit u funkciju građana i turista…nemoj, kad slideći put dojden, da nađen one raspukline ča san ih slikavala, al' od sramote ih sad neću metnit ovod…uostalon, imamo našu G.u urbanističkome, pa joj mekni u zadatak!)…nekad je bija muzej di se moglo vidit sve o ten dobu…pa je bija i etnografski muzej…pa bi tamo odila na sajam cvića…(tamo blizu san se i prvi put pojubila, psssst)
sritan ti praznik grade!
|
