Jel vi vidite isto ča i ja…koliko piše u vas na blogu da jema uri?
Danas kad san ono KONAČNO upala na blog, nisan baš to obadavala…a posli gren ja tako pogledat ča jema novega u vas, dragi moji, eventualno ostavit koji trag da san i ja još živa…pa mi slučajno upade u oči (ma ništa ozbiljno, fala, ne triba dotura) ura kad se to napisalo…
Jeba me led ako se nisan ustravila…koje vampirsko vrime…piše da je ono…2…3 ure!!!
Alooooo, meštri od ovega ser(v)era , jel se to noćas bumbilo,a ...zaustavite Dunav i skazaljke stareee…
VRATITE NAM NAŠE VRIME !!!
Pri nego san ovo išla napisat, zvala san najpri 095, pa san išla gledat na teletekst, pa u mobitel, pa na ovu zidnu uru, pa u ovi moj kompjuter…jedino mi se ni dalo odit do auta (a znate vi njega da je on dabli tovar pa bi me možda i izda)…e, da, lažen, nisan bila okolo kod susida jerbo mi ni baš navada odat kod njih…. inšoma dela šoma, sve se svodi na to da jema bit tu okolo 20:20 (a evo mi ovod javlja da je 13:15)
A u vas ?
|
